| Library / Tipiṭaka / திபிடக • Tipiṭaka / அங்கு³த்தரனிகாய (அட்ட²கதா²) • Aṅguttaranikāya (aṭṭhakathā) |
4. சோரஸுத்தவண்ணனா
4. Corasuttavaṇṇanā
84. சதுத்தே² மஹாசோரோதி ரஜ்ஜந்தரே து³ப்³பி⁴துங் ஸமத்தோ² மஹாசோரோ. பரியாபஜ்ஜதீதி பரியாதா³னங் க³ச்ச²தி. ந சிரட்டி²திகோ ஹோதீதி அத்³தா⁴னங் பாலெந்தோ டா²துங் ந ஸக்கோதி. அப்பஹரந்தஸ்ஸ பஹரதீதி அத்தனோ அவேரினே அப்பஹரந்தே கு³ணஸம்பன்னே ச மஹல்லகே ச தருணதா³ரகே ச அப்பஹரிதப்³ப³யுத்தகே பஹரதி. அனவஸேஸங் ஆதி³யதீதி நிஸ்ஸேஸங் க³ண்ஹாதி. ப்³யத்தசோரானஞ்ஹி இத³ங் வத்தங் – பரஸ்ஸ த்³வீஸு ஸாடகேஸு ஏகோ க³ஹேதப்³போ³, ஏகஸ்மிங் ஸந்தே து³ப்³ப³லங் த³த்வா தி²ரோ க³ஹேதப்³போ³. புடப⁴த்ததண்டு³லாதீ³ஸு ஏகங் கொட்டா²ஸங் த³த்வா ஏகோ க³ஹேதப்³போ³தி. அச்சாஸன்னே கம்மங் கரோதீதி கா³மனிக³மராஜதா⁴னீனங் ஆஸன்னட்டா²னே சோரிககம்மங் கரோதி. ந ச நிதா⁴னகுஸலோ ஹோதீதி யங் லத்³த⁴ங், தங் த³க்கி²ணெய்யே நித³ஹிதுங் சே²கோ ந ஹோதி, பரலோகமக்³க³ங் ந ஸோதே⁴தி.
84. Catutthe mahācoroti rajjantare dubbhituṃ samattho mahācoro. Pariyāpajjatīti pariyādānaṃ gacchati. Na ciraṭṭhitiko hotīti addhānaṃ pālento ṭhātuṃ na sakkoti. Appaharantassa paharatīti attano averine appaharante guṇasampanne ca mahallake ca taruṇadārake ca appaharitabbayuttake paharati. Anavasesaṃ ādiyatīti nissesaṃ gaṇhāti. Byattacorānañhi idaṃ vattaṃ – parassa dvīsu sāṭakesu eko gahetabbo, ekasmiṃ sante dubbalaṃ datvā thiro gahetabbo. Puṭabhattataṇḍulādīsu ekaṃ koṭṭhāsaṃ datvā eko gahetabboti. Accāsanne kammaṃ karotīti gāmanigamarājadhānīnaṃ āsannaṭṭhāne corikakammaṃ karoti. Na ca nidhānakusalo hotīti yaṃ laddhaṃ, taṃ dakkhiṇeyye nidahituṃ cheko na hoti, paralokamaggaṃ na sodheti.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / அங்கு³த்தரனிகாய • Aṅguttaranikāya / 4. சோரஸுத்தங் • 4. Corasuttaṃ
டீகா • Tīkā / ஸுத்தபிடக (டீகா) • Suttapiṭaka (ṭīkā) / அங்கு³த்தரனிகாய (டீகா) • Aṅguttaranikāya (ṭīkā) / 1-10. ஸத்³தா⁴ஸுத்தாதி³வண்ணனா • 1-10. Saddhāsuttādivaṇṇanā
