| Library / Tipiṭaka / તિપિટક • Tipiṭaka / અઙ્ગુત્તરનિકાય (અટ્ઠકથા) • Aṅguttaranikāya (aṭṭhakathā) |
૪. ચોરસુત્તવણ્ણના
4. Corasuttavaṇṇanā
૮૪. ચતુત્થે મહાચોરોતિ રજ્જન્તરે દુબ્ભિતું સમત્થો મહાચોરો. પરિયાપજ્જતીતિ પરિયાદાનં ગચ્છતિ. ન ચિરટ્ઠિતિકો હોતીતિ અદ્ધાનં પાલેન્તો ઠાતું ન સક્કોતિ. અપ્પહરન્તસ્સ પહરતીતિ અત્તનો અવેરિને અપ્પહરન્તે ગુણસમ્પન્ને ચ મહલ્લકે ચ તરુણદારકે ચ અપ્પહરિતબ્બયુત્તકે પહરતિ. અનવસેસં આદિયતીતિ નિસ્સેસં ગણ્હાતિ. બ્યત્તચોરાનઞ્હિ ઇદં વત્તં – પરસ્સ દ્વીસુ સાટકેસુ એકો ગહેતબ્બો, એકસ્મિં સન્તે દુબ્બલં દત્વા થિરો ગહેતબ્બો. પુટભત્તતણ્ડુલાદીસુ એકં કોટ્ઠાસં દત્વા એકો ગહેતબ્બોતિ. અચ્ચાસન્ને કમ્મં કરોતીતિ ગામનિગમરાજધાનીનં આસન્નટ્ઠાને ચોરિકકમ્મં કરોતિ. ન ચ નિધાનકુસલો હોતીતિ યં લદ્ધં, તં દક્ખિણેય્યે નિદહિતું છેકો ન હોતિ, પરલોકમગ્ગં ન સોધેતિ.
84. Catutthe mahācoroti rajjantare dubbhituṃ samattho mahācoro. Pariyāpajjatīti pariyādānaṃ gacchati. Na ciraṭṭhitiko hotīti addhānaṃ pālento ṭhātuṃ na sakkoti. Appaharantassa paharatīti attano averine appaharante guṇasampanne ca mahallake ca taruṇadārake ca appaharitabbayuttake paharati. Anavasesaṃ ādiyatīti nissesaṃ gaṇhāti. Byattacorānañhi idaṃ vattaṃ – parassa dvīsu sāṭakesu eko gahetabbo, ekasmiṃ sante dubbalaṃ datvā thiro gahetabbo. Puṭabhattataṇḍulādīsu ekaṃ koṭṭhāsaṃ datvā eko gahetabboti. Accāsanne kammaṃ karotīti gāmanigamarājadhānīnaṃ āsannaṭṭhāne corikakammaṃ karoti. Na ca nidhānakusalo hotīti yaṃ laddhaṃ, taṃ dakkhiṇeyye nidahituṃ cheko na hoti, paralokamaggaṃ na sodheti.
Related texts:
તિપિટક (મૂલ) • Tipiṭaka (Mūla) / સુત્તપિટક • Suttapiṭaka / અઙ્ગુત્તરનિકાય • Aṅguttaranikāya / ૪. ચોરસુત્તં • 4. Corasuttaṃ
ટીકા • Tīkā / સુત્તપિટક (ટીકા) • Suttapiṭaka (ṭīkā) / અઙ્ગુત્તરનિકાય (ટીકા) • Aṅguttaranikāya (ṭīkā) / ૧-૧૦. સદ્ધાસુત્તાદિવણ્ણના • 1-10. Saddhāsuttādivaṇṇanā
