| Library / Tipiṭaka / తిపిటక • Tipiṭaka / పఞ్చపకరణ-మూలటీకా • Pañcapakaraṇa-mūlaṭīkā |
౧౪. చుద్దసమనయో విప్పయుత్తేనసఙ్గహితాసఙ్గహితపదవణ్ణనా
14. Cuddasamanayo vippayuttenasaṅgahitāsaṅgahitapadavaṇṇanā
౪౫౬. చుద్దసమనయే ధమ్మాయతనాదీనం అనారమ్మణమిస్సకసబ్బచిత్తుప్పాదగతధమ్మభావతో విప్పయోగస్స అరుహణం దట్ఠబ్బం. జాతిఆదిత్తయస్స చేత్థ ధమ్మసభావమత్తత్తా న కథఞ్చి సమ్పయోగో విప్పయోగో చ రుహతి అజ్ఝత్తబహిద్ధధమ్మానం సబ్బధమ్మసమోధానత్తా, అనిదస్సనఅప్పటిఘాదీనం అనారమ్మణమిస్సకసబ్బచిత్తుప్పాదత్తా. దుక్ఖసచ్చాదిధమ్మావ ఇధ తేహి విప్పయుత్తానం సఙ్గహాసఙ్గహసబ్భావా గహితాతి.
456. Cuddasamanaye dhammāyatanādīnaṃ anārammaṇamissakasabbacittuppādagatadhammabhāvato vippayogassa aruhaṇaṃ daṭṭhabbaṃ. Jātiādittayassa cettha dhammasabhāvamattattā na kathañci sampayogo vippayogo ca ruhati ajjhattabahiddhadhammānaṃ sabbadhammasamodhānattā, anidassanaappaṭighādīnaṃ anārammaṇamissakasabbacittuppādattā. Dukkhasaccādidhammāva idha tehi vippayuttānaṃ saṅgahāsaṅgahasabbhāvā gahitāti.
పాళిఉద్దానగాథాయం సముచ్ఛేదే న లబ్భన్తీతి పరియోసానే నయే న లబ్భన్తీతి అత్థో. మోఘపుచ్ఛకేన చాతి అలబ్భమానా చ తే మోఘపుచ్ఛకేన హేతునా న లబ్భన్తి తేసం పుచ్ఛాయ మోఘత్తాతి వుత్తం హోతి. అథ వా మోఘపుచ్ఛకో అట్ఠమో నయో, తేన చ సహ ఓసాననయే ఏతే ధమ్మా విప్పయోగస్సపి అభావా సబ్బథాపి న లబ్భన్తీతి అత్థో.
Pāḷiuddānagāthāyaṃ samucchede na labbhantīti pariyosāne naye na labbhantīti attho. Moghapucchakena cāti alabbhamānā ca te moghapucchakena hetunā na labbhanti tesaṃ pucchāya moghattāti vuttaṃ hoti. Atha vā moghapucchako aṭṭhamo nayo, tena ca saha osānanaye ete dhammā vippayogassapi abhāvā sabbathāpi na labbhantīti attho.
చుద్దసమనయవిప్పయుత్తేనసఙ్గహితాసఙ్గహితపదవణ్ణనా నిట్ఠితా.
Cuddasamanayavippayuttenasaṅgahitāsaṅgahitapadavaṇṇanā niṭṭhitā.
ధాతుకథాపకరణ-మూలటీకా సమత్తా.
Dhātukathāpakaraṇa-mūlaṭīkā samattā.
Related texts:
తిపిటక (మూల) • Tipiṭaka (Mūla) / అభిధమ్మపిటక • Abhidhammapiṭaka / ధాతుకథాపాళి • Dhātukathāpāḷi / ౧౪. విప్పయుత్తేనసఙ్గహితాసఙ్గహితపదనిద్దేసో • 14. Vippayuttenasaṅgahitāsaṅgahitapadaniddeso
అట్ఠకథా • Aṭṭhakathā / అభిధమ్మపిటక (అట్ఠకథా) • Abhidhammapiṭaka (aṭṭhakathā) / పఞ్చపకరణ-అట్ఠకథా • Pañcapakaraṇa-aṭṭhakathā / ౧౪. చుద్దసమనయో విప్పయుత్తేనసఙ్గహితాసఙ్గహితపదవణ్ణనా • 14. Cuddasamanayo vippayuttenasaṅgahitāsaṅgahitapadavaṇṇanā
టీకా • Tīkā / అభిధమ్మపిటక (టీకా) • Abhidhammapiṭaka (ṭīkā) / పఞ్చపకరణ-అనుటీకా • Pañcapakaraṇa-anuṭīkā / ౧౪. చుద్దసమనయో విప్పయుత్తేనసఙ్గహితాసఙ్గహితపదవణ్ణనా • 14. Cuddasamanayo vippayuttenasaṅgahitāsaṅgahitapadavaṇṇanā
