| Library / Tipiṭaka / д̇ибидага • Tipiṭaka / маж̇жхиманигааяа (адтагат̇аа) • Majjhimanikāya (aṭṭhakathā) |
10. жуул̣аассабурасуд̇д̇аван̣н̣анаа
10. Cūḷaassapurasuttavaṇṇanā
435. звам̣ мз суд̇анд̇и жуул̣аассабурасуд̇д̇ам̣. д̇асса д̣̇зсанаагааран̣ам̣ буримасад̣̇исамзва. саман̣асаамийжиббадибад̣̇аад̇и саман̣аанам̣ анужчавигаа саман̣аанам̣ ануломаббадибад̣̇аа.
435.Evaṃme sutanti cūḷaassapurasuttaṃ. Tassa desanākāraṇaṃ purimasadisameva. Samaṇasāmīcippaṭipadāti samaṇānaṃ anucchavikā samaṇānaṃ anulomappaṭipadā.
436. саман̣амалаананд̇иаад̣̇ийсу зд̇з д̇хаммаа уббаж̇ж̇амаанаа саман̣з малинз гаронд̇и малаг̇г̇ахид̇з, д̇асмаа ‘‘саман̣амалаа’’д̇и вужжанд̇и. зд̇зхи саман̣аа д̣̇уссанд̇и, бад̣̇уссанд̇и, д̇асмаа саман̣ад̣̇осаад̇и вужжанд̇и. зд̇з уббаж̇ж̇ид̇ваа саман̣з гасадз нирож̇з гаронд̇и милаабзнд̇и, д̇асмаа саман̣агасадаад̇и вужжанд̇и. аабааяигаанам̣ таанаананд̇и абааяз ниб̣б̣ад̇д̇аабагаанам̣ гааран̣аанам̣. д̣̇уг̇г̇ад̇ивзд̣̇анияаананд̇и д̣̇уг̇г̇ад̇ияам̣ вибаагавзд̣̇анааяа бажжаяаанам̣. мад̇аж̇ам̣ наамаад̇и мануссаа д̇икин̣ам̣ аяам̣ аязна сугхам̣сид̇ваа д̇ам̣ аяажун̣н̣ам̣ мам̣сзна сад̣̇д̇хим̣ мад̣̇д̣̇ид̇ваа гон̃жасагун̣з каад̣̇аабзнд̇и. д̇з ужжаарам̣ гаад̇ум̣ асаггонд̇аа маранд̇и. но жз маранд̇и, бахарид̇ваа маарзнд̇и. ат̇а д̇зсам̣ гужчим̣ паалзд̇ваа нам̣ уд̣̇агзна д̇ховид̇ваа жун̣н̣ам̣ г̇ахзд̇ваа мам̣сзна сад̣̇д̇хим̣ мад̣̇д̣̇ид̇ваа буна каад̣̇аабзнд̇ийд̇и звам̣ сад̇д̇а ваарз каад̣̇аабзд̇ваа г̇ахид̇зна аяажун̣н̣зна аавуд̇хам̣ гаронд̇и. сусигкид̇аа жа нам̣ аяагаараа б̣ахухад̇т̇агаммамуулам̣ лабхид̇ваа гаронд̇и. д̇ам̣ мад̇асагун̣ад̇о ж̇аад̇ад̇д̇аа ‘‘мад̇аж̇а’’нд̇и вужжад̇и, ад̇ид̇икин̣ам̣ ход̇и. бийд̇анисид̇анд̇и уд̣̇агабийд̇ан̃жзва силааяа жа сунигхам̣сид̇ам̣. сан̇гхаадияаад̇и госияаа. самбааруд̇анд̇и барияонад̣̇д̇хам̣. самбаливзтид̇анд̇и саманд̇ад̇о взтид̇ам̣.
436.Samaṇamalānantiādīsu ete dhammā uppajjamānā samaṇe maline karonti malaggahite, tasmā ‘‘samaṇamalā’’ti vuccanti. Etehi samaṇā dussanti, padussanti, tasmā samaṇadosāti vuccanti. Ete uppajjitvā samaṇe kasaṭe niroje karonti milāpenti, tasmā samaṇakasaṭāti vuccanti. Āpāyikānaṃ ṭhānānanti apāye nibbattāpakānaṃ kāraṇānaṃ. Duggativedaniyānanti duggatiyaṃ vipākavedanāya paccayānaṃ. Matajaṃ nāmāti manussā tikhiṇaṃ ayaṃ ayena sughaṃsitvā taṃ ayacuṇṇaṃ maṃsena saddhiṃ madditvā koñcasakuṇe khādāpenti. Te uccāraṃ kātuṃ asakkontā maranti. No ce maranti, paharitvā mārenti. Atha tesaṃ kucchiṃ phāletvā naṃ udakena dhovitvā cuṇṇaṃ gahetvā maṃsena saddhiṃ madditvā puna khādāpentīti evaṃ satta vāre khādāpetvā gahitena ayacuṇṇena āvudhaṃ karonti. Susikkhitā ca naṃ ayakārā bahuhatthakammamūlaṃ labhitvā karonti. Taṃ matasakuṇato jātattā ‘‘mataja’’nti vuccati, atitikhiṇaṃ hoti. Pītanisitanti udakapītañceva silāya ca sunighaṃsitaṃ. Saṅghāṭiyāti kosiyā. Sampārutanti pariyonaddhaṃ. Sampaliveṭhitanti samantato veṭhitaṃ.
437. раж̇ож̇аллигассаад̇и раж̇ож̇аллад̇хаарино. уд̣̇агорохагассаад̇и д̣̇ивасасса д̇игкад̇д̇ум̣ уд̣̇агам̣ ороханд̇асса. ругкамуулигассаад̇и ругкамуулаваасино. аб̣бхогаасигассаад̇и аб̣бхогаасаваасино. уб̣бхадтагассаад̇и уд̣̇д̇хам̣ тид̇агасса. барияааяабхад̇д̇игассаад̇и маасаваарзна ваа ад̣дхамаасаваарзна ваа бхун̃ж̇анд̇асса. саб̣б̣амзд̇ам̣ б̣аахирасамаязнзва гат̇ид̇ам̣. имасмин̃хи саасанз жийварад̇харо бхигку сан̇гхаадигод̇и на вужжад̇и. раж̇ож̇аллад̇хааран̣аад̣̇ивад̇аани имасмим̣ саасанз над̇т̇иязва. б̣уд̣̇д̇хаважанасса б̣уд̣̇д̇хаважанамзва наамам̣, на манд̇аад̇и. ругкамуулиго, аб̣бхогаасигод̇и зд̇д̇агам̣язва бана лаб̣бхад̇и. д̇амби б̣аахирасамаязнзва гат̇ид̇ам̣. ж̇аад̇амзва нанд̇и д̇ам̣д̣̇ивасз ж̇аад̇амад̇д̇ам̣язва нам̣. сан̇гхаадигам̣ гарзяяунд̇и сан̇гхаадигам̣ вад̇т̇ам̣ ниваасзд̇ваа жа баарубид̇ваа жа сан̇гхаадигам̣ гарзяяум̣. зса наяо саб̣б̣ад̇т̇а.
437.Rajojallikassāti rajojalladhārino. Udakorohakassāti divasassa tikkhattuṃ udakaṃ orohantassa. Rukkhamūlikassāti rukkhamūlavāsino. Abbhokāsikassāti abbhokāsavāsino. Ubbhaṭṭhakassāti uddhaṃ ṭhitakassa. Pariyāyabhattikassāti māsavārena vā aḍḍhamāsavārena vā bhuñjantassa. Sabbametaṃ bāhirasamayeneva kathitaṃ. Imasmiñhi sāsane cīvaradharo bhikkhu saṅghāṭikoti na vuccati. Rajojalladhāraṇādivatāni imasmiṃ sāsane natthiyeva. Buddhavacanassa buddhavacanameva nāmaṃ, na mantāti. Rukkhamūliko, abbhokāsikoti ettakaṃyeva pana labbhati. Tampi bāhirasamayeneva kathitaṃ. Jātamevananti taṃdivase jātamattaṃyeva naṃ. Saṅghāṭikaṃ kareyyunti saṅghāṭikaṃ vatthaṃ nivāsetvā ca pārupitvā ca saṅghāṭikaṃ kareyyuṃ. Esa nayo sabbattha.
438. висуд̣̇д̇хамад̇д̇аанам̣ саманубассад̇ийд̇и ад̇д̇аанам̣ висуж̇жханд̇ам̣ бассад̇и. висуд̣̇д̇ход̇и бана на д̇аава вад̇д̇аб̣б̣о. баамож̇ж̇ам̣ ж̇ааяад̇ийд̇и д̇удтаагааро ж̇ааяад̇и. бамуд̣̇ид̇асса бийд̇ийд̇и д̇удтасса сагаласарийрам̣ кобхаяамаанаа бийд̇и ж̇ааяад̇и. бийд̇иманасса гааяод̇и бийд̇исамбаяуд̇д̇асса буг̇г̇аласса наамагааяо. бассамбхад̇ийд̇и виг̇ад̇ад̣̇арат̇о ход̇и. сукам̣ взд̣̇зд̇ийд̇и гааяигамби жзд̇асигамби сукам̣ взд̣̇ияад̇и. жид̇д̇ам̣ самаад̇хияад̇ийд̇и иминаа нзгкаммасукзна сукид̇асса жид̇д̇ам̣ самаад̇хияад̇и, аббанаабад̇д̇ам̣ вияа ход̇и. со мзд̇д̇аасахаг̇ад̇зна жзд̇асаад̇и хздтаа гилзсавасзна аарад̣̇д̇хаа д̣̇зсанаа баб̣б̣ад̇з вудтавудти вияа над̣̇им̣ яат̇аанусанд̇хинаа б̣рахмавихаарабхааванам̣ од̇ин̣н̣аа. д̇ад̇т̇а яам̣ вад̇д̇аб̣б̣ам̣ сияаа, д̇ам̣ саб̣б̣ам̣ висуд̣̇д̇химаг̇г̇з вуд̇д̇амзва. сзяяат̇ааби, бхигкавз, богкаран̣ийд̇и махаасийханаад̣̇асуд̇д̇з маг̇г̇о богкаран̣ияаа убамид̇о, ид̇ха саасанам̣ убамид̇анд̇и взд̣̇ид̇аб̣б̣ам̣. аасаваанам̣ каяаа саман̣о ход̇ийд̇и саб̣б̣агилзсаанам̣ самид̇ад̇д̇аа барамад̇т̇асаман̣о ход̇ийд̇и. сзсам̣ саб̣б̣ад̇т̇а уд̇д̇аанамзваад̇и.
438.Visuddhamattānaṃ samanupassatīti attānaṃ visujjhantaṃ passati. Visuddhoti pana na tāva vattabbo. Pāmojjaṃ jāyatīti tuṭṭhākāro jāyati. Pamuditassa pītīti tuṭṭhassa sakalasarīraṃ khobhayamānā pīti jāyati. Pītimanassa kāyoti pītisampayuttassa puggalassa nāmakāyo. Passambhatīti vigatadaratho hoti. Sukhaṃ vedetīti kāyikampi cetasikampi sukhaṃ vediyati. Cittaṃ samādhiyatīti iminā nekkhammasukhena sukhitassa cittaṃ samādhiyati, appanāpattaṃ viya hoti. So mettāsahagatena cetasāti heṭṭhā kilesavasena āraddhā desanā pabbate vuṭṭhavuṭṭhi viya nadiṃ yathānusandhinā brahmavihārabhāvanaṃ otiṇṇā. Tattha yaṃ vattabbaṃ siyā, taṃ sabbaṃ visuddhimagge vuttameva. Seyyathāpi, bhikkhave, pokkharaṇīti mahāsīhanādasutte maggo pokkharaṇiyā upamito, idha sāsanaṃ upamitanti veditabbaṃ. Āsavānaṃ khayā samaṇo hotīti sabbakilesānaṃ samitattā paramatthasamaṇo hotīti. Sesaṃ sabbattha uttānamevāti.
бабан̃жасууд̣̇анияаа маж̇жхиманигааяадтагат̇ааяа
Papañcasūdaniyā majjhimanikāyaṭṭhakathāya
жуул̣аассабурасуд̇д̇аван̣н̣анаа нидтид̇аа.
Cūḷaassapurasuttavaṇṇanā niṭṭhitā.
жад̇уд̇т̇аваг̇г̇аван̣н̣анаа нидтид̇аа.
Catutthavaggavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / маж̇жхиманигааяа • Majjhimanikāya / 10. жуул̣аассабурасуд̇д̇ам̣ • 10. Cūḷaassapurasuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / маж̇жхиманигааяа (дийгаа) • Majjhimanikāya (ṭīkā) / 10. жуул̣аассабурасуд̇д̇аван̣н̣анаа • 10. Cūḷaassapurasuttavaṇṇanā
