| Library / Tipiṭaka / д̇ибидага • Tipiṭaka / суд̇д̇анибаад̇а-адтагат̇аа • Suttanipāta-aṭṭhakathā |
12. жуул̣аб̣яуухасуд̇д̇аван̣н̣анаа
12. Cūḷabyūhasuttavaṇṇanā
885-6. сагам̣сагам̣д̣̇идтибариб̣б̣асаанаад̇и жуул̣аб̣яуухасуд̇д̇ам̣. гаа уббад̇д̇и? ид̣̇амби д̇асмим̣язва махаасамаяз ‘‘саб̣б̣зби имз д̣̇идтиг̇ад̇игаа ‘саад̇хуруубамхаа’д̇и бхан̣анд̇и, гим̣ ну ко саад̇хуруубаава имз ад̇д̇аноязва д̣̇идтияаа бад̇идтаханд̇и, уд̣̇ааху ан̃н̃амби д̣̇идтим̣ г̇ан̣ханд̇ий’’д̇и уббаннажид̇д̇аанам̣ згажжаанам̣ д̣̇звад̇аанам̣ д̇амад̇т̇ам̣ багаасзд̇ум̣ буриманаязнзва ниммид̇аб̣уд̣̇д̇хзна ад̇д̇аанам̣ бужчаабзд̇ваа вуд̇д̇ам̣.
885-6.Sakaṃsakaṃdiṭṭhiparibbasānāti cūḷabyūhasuttaṃ. Kā uppatti? Idampi tasmiṃyeva mahāsamaye ‘‘sabbepi ime diṭṭhigatikā ‘sādhurūpamhā’ti bhaṇanti, kiṃ nu kho sādhurūpāva ime attanoyeva diṭṭhiyā patiṭṭhahanti, udāhu aññampi diṭṭhiṃ gaṇhantī’’ti uppannacittānaṃ ekaccānaṃ devatānaṃ tamatthaṃ pakāsetuṃ purimanayeneva nimmitabuddhena attānaṃ pucchāpetvā vuttaṃ.
д̇ад̇т̇а аад̣̇ид̇о д̣̇взби г̇аат̇аа бужчааг̇аат̇ааязва. д̇аасу сагам̣сагам̣д̣̇идтибариб̣б̣асаанаад̇и ад̇д̇ано ад̇д̇ано д̣̇идтияаа васамаанаа. виг̇г̇аяха наанаа гусалаа вад̣̇анд̇ийд̇и д̣̇идтиб̣алаг̇г̇аахам̣ г̇ахзд̇ваа, д̇ад̇т̇а ‘‘гусалаамхаа’’д̇и бадиж̇аанамаанаа бут̇у бут̇у вад̣̇анд̇и згам̣ на вад̣̇анд̇и. яо звам̣ ж̇аанаад̇и са взд̣̇и д̇хаммам̣ ид̣̇ам̣ бадигосамагзвалий сод̇и д̇ан̃жа д̣̇идтим̣ санд̇хааяа яо звам̣ ж̇аанаад̇и, со д̇хаммам̣ взд̣̇и. ид̣̇ам̣ бана бадиггосанд̇о хийно ход̇ийд̇и вад̣̇анд̇и. б̣аалод̇и хийно. аггусалод̇и авид̣̇ваа.
Tattha ādito dvepi gāthā pucchāgāthāyeva. Tāsu sakaṃsakaṃdiṭṭhiparibbasānāti attano attano diṭṭhiyā vasamānā. Viggayha nānā kusalā vadantīti diṭṭhibalaggāhaṃ gahetvā, tattha ‘‘kusalāmhā’’ti paṭijānamānā puthu puthu vadanti ekaṃ na vadanti. Yo evaṃ jānāti sa vedi dhammaṃ idaṃ paṭikosamakevalī soti tañca diṭṭhiṃ sandhāya yo evaṃ jānāti, so dhammaṃ vedi. Idaṃ pana paṭikkosanto hīno hotīti vadanti. Bāloti hīno. Akkusaloti avidvā.
887-8. ид̣̇аани д̇иссо виссаж̇ж̇анаг̇аат̇аа хонд̇и. д̇аа буримад̣дхзна вуд̇д̇амад̇т̇ам̣ бажчимад̣дхзна бадиб̣яуухид̇ваа тид̇аа. д̇зна б̣яуухзна уд̇д̇арасуд̇д̇ад̇о жа аббагад̇д̇аа ид̣̇ам̣ суд̇д̇ам̣ ‘‘жуул̣аб̣яууха’’нд̇и наамам̣ лабхад̇и. д̇ад̇т̇а барасса жз д̇хамманд̇и барасса д̣̇идтим̣. саб̣б̣зва б̣аалаад̇и звам̣ санд̇з саб̣б̣зва имз б̣аалаа хонд̇ийд̇и ад̇хиббааяо. гим̣ гааран̣ам̣? саб̣б̣звимз д̣̇идтибариб̣б̣асаанаад̇и санд̣̇идтияаа жзва на вийвад̣̇аад̇аа. сам̣суд̣̇д̇хабан̃н̃аа гусалаа муд̇иймаад̇и сагааяа д̣̇идтияаа на вивад̣̇аад̇аа на вод̣̇аад̇аа сам̣гилидтаава самаанаа сам̣суд̣̇д̇хабан̃н̃аа жа гусалаа жа муд̇иманд̇о жа д̇з хонд̇и жз. ат̇а ваа ‘‘санд̣̇идтияаа жз бана вийвад̣̇аад̇аа’’ д̇иби баато. д̇ассад̇т̇о – сагааяа бана д̣̇идтияаа вод̣̇аад̇аа сам̣суд̣̇д̇хабан̃н̃аа гусалаа муд̇иманд̇о хонд̇и жз. на д̇зсам̣ гожийд̇и звам̣ санд̇з д̇зсам̣ згоби хийнабан̃н̃о на ход̇и. гим̣гааран̣аа? д̣̇идтий хи д̇зсамби д̇ат̇аа самад̇д̇аа, яат̇аа ид̇арзсанд̇и.
887-8. Idāni tisso vissajjanagāthā honti. Tā purimaḍḍhena vuttamatthaṃ pacchimaḍḍhena paṭibyūhitvā ṭhitā. Tena byūhena uttarasuttato ca appakattā idaṃ suttaṃ ‘‘cūḷabyūha’’nti nāmaṃ labhati. Tattha parassa ce dhammanti parassa diṭṭhiṃ. Sabbeva bālāti evaṃ sante sabbeva ime bālā hontīti adhippāyo. Kiṃ kāraṇaṃ? Sabbevime diṭṭhiparibbasānāti sandiṭṭhiyā ceva na vīvadātā. Saṃsuddhapaññā kusalā mutīmāti sakāya diṭṭhiyā na vivadātā na vodātā saṃkiliṭṭhāva samānā saṃsuddhapaññā ca kusalā ca mutimanto ca te honti ce. Atha vā ‘‘sandiṭṭhiyā ce pana vīvadātā’’ tipi pāṭho. Tassattho – sakāya pana diṭṭhiyā vodātā saṃsuddhapaññā kusalā mutimanto honti ce. Na tesaṃ kocīti evaṃ sante tesaṃ ekopi hīnapañño na hoti. Kiṃkāraṇā? Diṭṭhī hi tesampi tathā samattā, yathā itaresanti.
889. на ваахамзд̇анд̇и г̇аат̇ааяа сан̇кзбад̇т̇о – яам̣ д̇з мит̇у д̣̇вз д̣̇вз ж̇анаа ан̃н̃аман̃н̃ам̣ ‘‘б̣аало’’д̇и ааху, ахам̣ зд̇ам̣ д̇ат̇ияам̣ д̇ажчанд̇и нзва б̣рууми. гим̣гааран̣аа? яасмаа саб̣б̣з д̇з сагам̣ сагам̣ д̣̇идтим̣ ‘‘ид̣̇амзва сажжам̣ могхаман̃н̃а’’нд̇и агам̣су. д̇зна жа гааран̣зна барам̣ ‘‘б̣аало’’д̇и д̣̇аханд̇и. зд̇т̇а жа ‘‘д̇ат̇ияа’’нд̇и ‘‘гат̇ива’’нд̇и д̣̇взби баатаа.
889.Na vāhametanti gāthāya saṅkhepattho – yaṃ te mithu dve dve janā aññamaññaṃ ‘‘bālo’’ti āhu, ahaṃ etaṃ tathiyaṃ tacchanti neva brūmi. Kiṃkāraṇā? Yasmā sabbe te sakaṃ sakaṃ diṭṭhiṃ ‘‘idameva saccaṃ moghamañña’’nti akaṃsu. Tena ca kāraṇena paraṃ ‘‘bālo’’ti dahanti. Ettha ca ‘‘tathiya’’nti ‘‘kathiva’’nti dvepi pāṭhā.
890. яамаахууд̇и бужчааг̇аат̇ааяа яам̣ д̣̇идтисажжам̣ д̇ат̇ияанд̇и згз ааху.
890.Yamāhūti pucchāgāthāya yaṃ diṭṭhisaccaṃ tathiyanti eke āhu.
891. зган̃хи сажжанд̇и виссаж̇ж̇анаг̇аат̇ааяа згам̣ сажжам̣ нирод̇хо маг̇г̇о ваа. яасмим̣ баж̇аа но вивад̣̇з баж̇аананд̇и яамхи сажжз баж̇аананд̇о баж̇аа но вивад̣̇зяяа. саяам̣ т̇унанд̇ийд̇и ад̇д̇анаа вад̣̇анд̇и.
891.Ekañhi saccanti vissajjanagāthāya ekaṃ saccaṃ nirodho maggo vā. Yasmiṃ pajā no vivade pajānanti yamhi sacce pajānanto pajā no vivadeyya. Sayaṃ thunantīti attanā vadanti.
892. гасмаа нууд̇и бужчааг̇аат̇ааяа баваад̣̇ияаасзд̇и ваад̣̇ино. уд̣̇ааху д̇з д̇аггамануссаранд̇ийд̇и д̇з ваад̣̇ино уд̣̇ааху ад̇д̇ано д̇аггамад̇д̇ам̣ ануг̇ажчанд̇и.
892.Kasmā nūti pucchāgāthāya pavādiyāseti vādino. Udāhu te takkamanussarantīti te vādino udāhu attano takkamattaṃ anugacchanti.
893. на хзваад̇и виссаж̇ж̇анаг̇аат̇ааяа ан̃н̃ад̇ра сан̃н̃ааяа нижжаанийд̇и табзд̇ваа сан̃н̃аамад̇д̇зна нижжанд̇и г̇ахид̇аг̇г̇ахан̣аани. д̇агган̃жа д̣̇идтийсу багаббаяид̇ваад̇и ад̇д̇ано мижчаасан̇габбамад̇д̇ам̣ д̣̇идтийсу ж̇анзд̇ваа. яасмаа бана д̣̇идтийсу вид̇аггам̣ ж̇анзнд̇аа д̣̇идтияоби ж̇анзнд̇и, д̇асмаа нид̣̇д̣̇зсз вуд̇д̇ам̣ ‘‘д̣̇идтиг̇ад̇аани ж̇анзнд̇и сан̃ж̇анзнд̇ий’’д̇иаад̣̇и (махаани. 121).
893.Nahevāti vissajjanagāthāya aññatra saññāya niccānīti ṭhapetvā saññāmattena niccanti gahitaggahaṇāni. Takkañca diṭṭhīsu pakappayitvāti attano micchāsaṅkappamattaṃ diṭṭhīsu janetvā. Yasmā pana diṭṭhīsu vitakkaṃ janentā diṭṭhiyopi janenti, tasmā niddese vuttaṃ ‘‘diṭṭhigatāni janenti sañjanentī’’tiādi (mahāni. 121).
894-5. ид̣̇аани звам̣ наанаасажжзсу асанд̇зсу д̇аггамад̇д̇амануссаранд̇аанам̣ д̣̇идтиг̇ад̇игаанам̣ виббадибад̇д̇им̣ д̣̇ассзд̇ум̣ ‘‘д̣̇идтз суд̇з’’д̇иаад̣̇игаа г̇аат̇ааяо абхааси. д̇ад̇т̇а д̣̇идтзд̇и д̣̇идтам̣, д̣̇идтасуд̣̇д̇хинд̇и ад̇хиббааяо. зса наяо суд̇аад̣̇ийсу. зд̇з жа ниссааяа вимаанад̣̇ассийд̇и зд̇з д̣̇идтид̇хаммз ниссаяид̇ваа суд̣̇д̇хибхаавасан̇каад̇ам̣ вимаанам̣ асаммаанам̣ бассанд̇оби. винижчаяз тад̇ваа бахассамаано, б̣аало баро аггусалод̇и жаахаад̇и звам̣ вимаанад̣̇ассийби д̇асмим̣ д̣̇идтивинижчаяз тад̇ваа д̇удтиж̇аад̇о хаасаж̇аад̇о худ̇ваа ‘‘баро хийно жа авид̣̇ваа жаа’’д̇и звам̣ вад̣̇ад̇иязва. звам̣ санд̇з язнзваад̇и г̇аат̇аа. д̇ад̇т̇а саяамад̇д̇анаад̇и саяамзва ад̇д̇аанам̣. вимаанзд̇ийд̇и г̇арахад̇и. д̇ад̣̇зва бааваад̇и д̇ад̣̇зва важанам̣ д̣̇идтим̣ вад̣̇ад̇и, д̇ам̣ ваа буг̇г̇алам̣.
894-5. Idāni evaṃ nānāsaccesu asantesu takkamattamanussarantānaṃ diṭṭhigatikānaṃ vippaṭipattiṃ dassetuṃ ‘‘diṭṭhe sute’’tiādikā gāthāyo abhāsi. Tattha diṭṭheti diṭṭhaṃ, diṭṭhasuddhinti adhippāyo. Esa nayo sutādīsu. Ete ca nissāya vimānadassīti ete diṭṭhidhamme nissayitvā suddhibhāvasaṅkhātaṃ vimānaṃ asammānaṃ passantopi. Vinicchaye ṭhatvā pahassamāno, bālo paro akkusaloti cāhāti evaṃ vimānadassīpi tasmiṃ diṭṭhivinicchaye ṭhatvā tuṭṭhijāto hāsajāto hutvā ‘‘paro hīno ca avidvā cā’’ti evaṃ vadatiyeva. Evaṃ sante yenevāti gāthā. Tattha sayamattanāti sayameva attānaṃ. Vimānetīti garahati. Tadeva pāvāti tadeva vacanaṃ diṭṭhiṃ vadati, taṃ vā puggalaṃ.
896. ад̇исаарад̣̇идтияаад̇и г̇аат̇ааяад̇т̇о – со звам̣ д̇ааяа лагкан̣аад̇исааринияаа ад̇исаарад̣̇идтияаа самад̇д̇о бун̣н̣о уд̣̇д̇хумаад̇о, д̇зна жа д̣̇идтимаанзна мад̇д̇о ‘‘барибун̣н̣о ахам̣ гзвалий’’д̇и звам̣ барибун̣н̣амааний саяамзва ад̇д̇аанам̣ манасаа ‘‘ахам̣ бан̣д̣ид̇о’’д̇и абхисин̃жад̇и. гим̣гааран̣аа? д̣̇идтий хи саа д̇асса д̇ат̇аа самад̇д̇аад̇и.
896.Atisāradiṭṭhiyāti gāthāyattho – so evaṃ tāya lakkhaṇātisāriniyā atisāradiṭṭhiyā samatto puṇṇo uddhumāto, tena ca diṭṭhimānena matto ‘‘paripuṇṇo ahaṃ kevalī’’ti evaṃ paripuṇṇamānī sayameva attānaṃ manasā ‘‘ahaṃ paṇḍito’’ti abhisiñcati. Kiṃkāraṇā? Diṭṭhī hi sā tassa tathā samattāti.
897. барасса жзд̇и г̇аат̇ааяа самб̣анд̇хо ад̇т̇о жа – гин̃жа бхияяо? яо со винижчаяз тад̇ваа бахассамаано ‘‘б̣аало баро аггусало’’д̇и жааха. д̇асса барасса жз хи важасаа со д̇зна вужжамаано нихийно ход̇и. д̇умо сахаа ход̇и нихийнабан̃н̃о, соби д̇знзва саха нихийнабан̃н̃о ход̇и. соби хи нам̣ ‘‘б̣аало’’д̇и вад̣̇ад̇и. ат̇асса важанам̣ аббамаан̣ам̣, со бана саяамзва взд̣̇аг̇уу жа д̇хийро жа ход̇и. звам̣ санд̇з на гожи б̣аало саман̣зсу ад̇т̇и. саб̣б̣зби хи д̇з ад̇д̇ано ижчааяа бан̣д̣ид̇аа.
897.Parassa ceti gāthāya sambandho attho ca – kiñca bhiyyo? Yo so vinicchaye ṭhatvā pahassamāno ‘‘bālo paro akkusalo’’ti cāha. Tassa parassa ce hi vacasā so tena vuccamāno nihīno hoti. Tumo sahā hoti nihīnapañño, sopi teneva saha nihīnapañño hoti. Sopi hi naṃ ‘‘bālo’’ti vadati. Athassa vacanaṃ appamāṇaṃ, so pana sayameva vedagū ca dhīro ca hoti. Evaṃ sante na koci bālo samaṇesu atthi. Sabbepi hi te attano icchāya paṇḍitā.
898. ан̃н̃ам̣ ид̇од̇и г̇аат̇ааяа самб̣анд̇хо ад̇т̇о жа – ‘‘ат̇а жз саяам̣ взд̣̇аг̇уу ход̇и д̇хийро, на гожи б̣аало саман̣зсу ад̇т̇ий’’д̇и зван̃хи вуд̇д̇зби сияаа гассажи ‘‘гасмаа’’д̇и. д̇ад̇т̇а вужжад̇з – яасмаа ан̃н̃ам̣ ид̇о яаабхивад̣̇анд̇и д̇хаммам̣ абарад̣̇д̇хаа суд̣̇д̇химагзвалий д̇з, звамби д̇ид̇т̇ияаа бут̇усо вад̣̇анд̇и, яз ид̇о ан̃н̃ам̣ д̣̇идтим̣ абхивад̣̇анд̇и, яз абарад̣̇д̇хаа вирад̣̇д̇хаа суд̣̇д̇химаг̇г̇ам̣, агзвалино жа д̇зд̇и звам̣ бут̇уд̇ид̇т̇ияаа яасмаа вад̣̇анд̇ийд̇и вуд̇д̇ам̣ ход̇и. гасмаа банзвам̣ вад̣̇анд̇ийд̇и жз? санд̣̇идтирааг̇зна хи д̇з бхирад̇д̇аа, яасмаа сагзна д̣̇идтирааг̇зна абхирад̇д̇аад̇и вуд̇д̇ам̣ ход̇и.
898.Aññaṃitoti gāthāya sambandho attho ca – ‘‘atha ce sayaṃ vedagū hoti dhīro, na koci bālo samaṇesu atthī’’ti evañhi vuttepi siyā kassaci ‘‘kasmā’’ti. Tattha vuccate – yasmā aññaṃ ito yābhivadanti dhammaṃ aparaddhā suddhimakevalī te, evampi titthiyā puthuso vadanti, ye ito aññaṃ diṭṭhiṃ abhivadanti, ye aparaddhā viraddhā suddhimaggaṃ, akevalino ca teti evaṃ puthutitthiyā yasmā vadantīti vuttaṃ hoti. Kasmā panevaṃ vadantīti ce? Sandiṭṭhirāgena hi te bhirattā, yasmā sakena diṭṭhirāgena abhirattāti vuttaṃ hoti.
899-900. звам̣ абхирад̇д̇аа жа – ид̇хзва суд̣̇д̇хинд̇и г̇аат̇аа. д̇ад̇т̇а сагааяанзд̇и сагамаг̇г̇з д̣̇ал̣хам̣ вад̣̇аанаад̇и д̣̇ал̣хаваад̣̇аа. зван̃жа д̣̇ал̣хаваад̣̇зсу д̇зсу яо гожи д̇ид̇т̇ияо сагааяанз вааби д̣̇ал̣хам̣ вад̣̇аано гамзд̇т̇а б̣аалод̇и барам̣ д̣̇ахзяяа, сан̇кзбад̇о д̇ад̇т̇а сассад̇ужчзд̣̇асан̇каад̇з вид̇т̇аарад̇о ваа над̇т̇игаиссарагааран̣анияад̇аад̣̇ибхзд̣̇з сагз ааяад̇анз ‘‘ид̣̇амзва сажжа’’нд̇и д̣̇ал̣хам̣ вад̣̇аано гам̣ барам̣ зд̇т̇а д̣̇идтиг̇ад̇з ‘‘б̣аало’’д̇и саха д̇хаммзна бассзяяа, нану саб̣б̣оби д̇асса мад̇зна бан̣д̣ид̇о зва суббадибанно зва жа. звам̣ санд̇з жа саяамзва со мзд̇хаг̇амаавахзяяа барам̣ вад̣̇ам̣ б̣ааламасуд̣̇д̇хид̇хаммам̣, соби барам̣ ‘‘б̣аало жа асуд̣̇д̇хид̇хаммо жа аяа’’нд̇и вад̣̇анд̇о ад̇д̇анаава галахам̣ аавахзяяа. гасмаа? яасмаа саб̣б̣оби д̇асса мад̇зна бан̣д̣ид̇о зва суббадибанно зва жа.
899-900. Evaṃ abhirattā ca – idheva suddhinti gāthā. Tattha sakāyaneti sakamagge daḷhaṃ vadānāti daḷhavādā. Evañca daḷhavādesu tesu yo koci titthiyo sakāyane vāpi daḷhaṃ vadāno kamettha bāloti paraṃ daheyya, saṅkhepato tattha sassatucchedasaṅkhāte vitthārato vā natthikaissarakāraṇaniyatādibhede sake āyatane ‘‘idameva sacca’’nti daḷhaṃ vadāno kaṃ paraṃ ettha diṭṭhigate ‘‘bālo’’ti saha dhammena passeyya, nanu sabbopi tassa matena paṇḍito eva suppaṭipanno eva ca. Evaṃ sante ca sayameva so medhagamāvaheyya paraṃ vadaṃ bālamasuddhidhammaṃ, sopi paraṃ ‘‘bālo ca asuddhidhammo ca aya’’nti vadanto attanāva kalahaṃ āvaheyya. Kasmā? Yasmā sabbopi tassa matena paṇḍito eva suppaṭipanno eva ca.
901. звам̣ саб̣б̣ат̇ааби винижчаяз тад̇ваа саяам̣ бамааяа уд̣̇д̇хам̣са логасмим̣ виваад̣̇амзд̇и, д̣̇идтияам̣ тад̇ваа саяан̃жа сад̇т̇аараад̣̇ийни минид̇ваа со бхияяо виваад̣̇амзд̇ийд̇и. звам̣ бана винижчаязсу аад̣̇ийнавам̣ н̃ад̇ваа арияамаг̇г̇зна хид̇ваана саб̣б̣аани винижчаяаани на мзд̇хаг̇ам̣ губ̣б̣ад̇и ж̇анд̇у логзд̇и арахад̇д̇анигуудзна д̣̇зсанам̣ нидтаабзси. д̣̇зсанаабарияосаанз бураабхзд̣̇асуд̇д̇з вуд̇д̇асад̣̇исо зваабхисамаяо ахосийд̇и.
901. Evaṃ sabbathāpi vinicchaye ṭhatvā sayaṃ pamāya uddhaṃsa lokasmiṃ vivādameti, diṭṭhiyaṃ ṭhatvā sayañca satthārādīni minitvā so bhiyyo vivādametīti. Evaṃ pana vinicchayesu ādīnavaṃ ñatvā ariyamaggena hitvāna sabbāni vinicchayāni na medhagaṃ kubbati jantu loketi arahattanikūṭena desanaṃ niṭṭhāpesi. Desanāpariyosāne purābhedasutte vuttasadiso evābhisamayo ahosīti.
барамад̇т̇аж̇од̇игааяа куд̣̇д̣̇ага-адтагат̇ааяа
Paramatthajotikāya khuddaka-aṭṭhakathāya
суд̇д̇анибаад̇а-адтагат̇ааяа жуул̣аб̣яуухасуд̇д̇аван̣н̣анаа нидтид̇аа.
Suttanipāta-aṭṭhakathāya cūḷabyūhasuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / суд̇д̇анибаад̇абаал̣и • Suttanipātapāḷi / 12. жуул̣аб̣яуухасуд̇д̇ам̣ • 12. Cūḷabyūhasuttaṃ
