| Library / Tipiṭaka / д̇ибидага • Tipiṭaka / ж̇аад̇ага-адтагат̇аа • Jātaka-aṭṭhakathā |
[358] 8. жуул̣ад̇хаммабаалаж̇аад̇агаван̣н̣анаа
[358] 8. Cūḷadhammapālajātakavaṇṇanā
ахамзва д̣̇уусияаа бхуунахад̇аад̇и ид̣̇ам̣ сад̇т̇аа взл̣уванз вихаранд̇о д̣̇звад̣̇ад̇д̇асса вад̇хааяа барисагганам̣ аараб̣бха гат̇зси. ан̃н̃зсу ж̇аад̇агзсу д̣̇звад̣̇ад̇д̇о б̣од̇хисад̇д̇асса д̇аасамад̇д̇амби гаад̇ум̣ наасагки, имасмим̣ бана жуул̣ад̇хаммабаалаж̇аад̇агз б̣од̇хисад̇д̇асса сад̇д̇амаасигагаалз хад̇т̇абаад̣̇з жа сийсан̃жа чзд̣̇аабзд̇ваа асимаалагам̣ наама гаарзси. д̣̇ад̣̇д̣̇араж̇аад̇агз (ж̇аа. 1.2.43-44) г̇ийвам̣ г̇ахзд̇ваа маарзд̇ваа уд̣̇д̇ханз мам̣сам̣ бажид̇ваа каад̣̇и. канд̇ийваад̣̇ийж̇аад̇агз (ж̇аа. 1.4.49 аад̣̇аяо) д̣̇вийхиби гасаахи бахаарасахассзхи д̇аал̣аабзд̇ваа хад̇т̇абаад̣̇з жа ган̣н̣анаасан̃жа чзд̣̇аабзд̇ваа ж̇адаасу г̇ахзд̇ваа гад̣дхаабзд̇ваа уд̇д̇аанагам̣ нибаж̇ж̇аабзд̇ваа урз баад̣̇зна бахарид̇ваа г̇ад̇о. б̣од̇хисад̇д̇о д̇ам̣ д̣̇ивасам̣язва ж̇ийвид̇агкаяам̣ баабун̣и. жуул̣ананд̣̇ияаж̇аад̇агзби (ж̇аа. 1.2.143-144) махаагабиж̇аад̇агзби (ж̇аа. 1.7.83 аад̣̇аяо) маарзсиязва. звамзва со д̣̇ийгхарад̇д̇ам̣ вад̇хааяа барисагганд̇о б̣уд̣̇д̇хагаалзби барисаггиязва. ат̇згад̣̇ивасам̣ бхигкуу д̇хаммасабхааяам̣ гат̇ам̣ самудтаабзсум̣ – ‘‘аавусо, д̣̇звад̣̇ад̇д̇о б̣уд̣̇д̇хаанам̣ мааран̣ад̇т̇амзва убааяам̣ гарод̇и, ‘саммаасамб̣уд̣̇д̇хам̣ маараабзссаамий’д̇и д̇хануг̇г̇ахз баяож̇зси, силам̣ бавиж̇жхи, наал̣ааг̇ирим̣ виссаж̇ж̇аабзсий’’д̇и. сад̇т̇аа ааг̇анд̇ваа ‘гааяа нуд̇т̇а, бхигкавз, зд̇арахи гат̇ааяа саннисиннаа’’д̇и бужчид̇ваа ‘‘имааяа наамаа’’д̇и вуд̇д̇з ‘‘на, бхигкавз, ид̣̇аанзва, буб̣б̣збзса маяхам̣ вад̇хааяа барисаггиязва, ид̣̇аани бана д̇аасамад̇д̇амби гаад̇ум̣ на саггод̇и , буб̣б̣з мам̣ жуул̣ад̇хаммабаалагумаарагаалз ад̇д̇ано буд̇д̇ам̣ самаанам̣ ж̇ийвад̇агкаяам̣ баабзд̇ваа асимаалагам̣ гаарзсий’’д̇и вад̇ваа ад̇ийд̇ам̣ аахари.
Ahamevadūsiyā bhūnahatāti idaṃ satthā veḷuvane viharanto devadattassa vadhāya parisakkanaṃ ārabbha kathesi. Aññesu jātakesu devadatto bodhisattassa tāsamattampi kātuṃ nāsakkhi, imasmiṃ pana cūḷadhammapālajātake bodhisattassa sattamāsikakāle hatthapāde ca sīsañca chedāpetvā asimālakaṃ nāma kāresi. Daddarajātake (jā. 1.2.43-44) gīvaṃ gahetvā māretvā uddhane maṃsaṃ pacitvā khādi. Khantīvādījātake (jā. 1.4.49 ādayo) dvīhipi kasāhi pahārasahassehi tāḷāpetvā hatthapāde ca kaṇṇanāsañca chedāpetvā jaṭāsu gahetvā kaḍḍhāpetvā uttānakaṃ nipajjāpetvā ure pādena paharitvā gato. Bodhisatto taṃ divasaṃyeva jīvitakkhayaṃ pāpuṇi. Cūḷanandiyajātakepi (jā. 1.2.143-144) mahākapijātakepi (jā. 1.7.83 ādayo) māresiyeva. Evameva so dīgharattaṃ vadhāya parisakkanto buddhakālepi parisakkiyeva. Athekadivasaṃ bhikkhū dhammasabhāyaṃ kathaṃ samuṭṭhāpesuṃ – ‘‘āvuso, devadatto buddhānaṃ māraṇatthameva upāyaṃ karoti, ‘sammāsambuddhaṃ mārāpessāmī’ti dhanuggahe payojesi, silaṃ pavijjhi, nāḷāgiriṃ vissajjāpesī’’ti. Satthā āgantvā ‘kāya nuttha, bhikkhave, etarahi kathāya sannisinnā’’ti pucchitvā ‘‘imāya nāmā’’ti vutte ‘‘na, bhikkhave, idāneva, pubbepesa mayhaṃ vadhāya parisakkiyeva, idāni pana tāsamattampi kātuṃ na sakkoti , pubbe maṃ cūḷadhammapālakumārakāle attano puttaṃ samānaṃ jīvatakkhayaṃ pāpetvā asimālakaṃ kāresī’’ti vatvā atītaṃ āhari.
ад̇ийд̇з б̣аараан̣асияам̣ махаабад̇аабз наама раж̇ж̇ам̣ гаарзнд̇з б̣од̇хисад̇д̇о д̇асса аг̇г̇амахзсияаа жанд̣̇аад̣̇звияаа гужчимхи ниб̣б̣ад̇д̇и, ‘‘д̇хаммабаало’’д̇исса наамам̣ гарим̣су. д̇амзнам̣ сад̇д̇амаасигагаалз маад̇аа г̇анд̇ход̣̇агзна нхаабзд̇ваа алан̇гарид̇ваа гийл̣аабаяамаанаа нисийд̣̇и. рааж̇аа д̇ассаа васанадтаанам̣ аг̇амааси. саа буд̇д̇ам̣ гийл̣аабаяамаанаа буд̇д̇асинзхзна самаббид̇аа худ̇ваа рааж̇аанам̣ бассид̇вааби на удтахи. со жинд̇зси ‘‘аяам̣ ид̣̇аанзва д̇аава буд̇д̇ам̣ ниссааяа маанам̣ гарод̇и, мам̣ гисмин̃жи на ман̃н̃ад̇и, буд̇д̇з бана вад̣дханд̇з маяи ‘мануссо’д̇иби сан̃н̃ам̣ на гариссад̇и, ид̣̇аанзва нам̣ гхаад̇зссаамий’’д̇и. со нивад̇д̇ид̇ваа рааж̇аасанз нисийд̣̇ид̇ваа ‘‘ад̇д̇ано вид̇хаанзна ааг̇ажчад̇уу’’д̇и жорагхаад̇агам̣ баггосаабзси. со гаасааяавад̇т̇анивад̇т̇о рад̇д̇амаалаад̇харо парасум̣ ам̣сз табзд̇ваа убад̇хаанагхадигам̣ хад̇т̇абаад̣̇атабанад̣̇ан̣д̣аган̃жа аад̣̇ааяа ааг̇анд̇ваа рааж̇аанам̣ ванд̣̇ид̇ваа ‘‘гим̣ гароми, д̣̇зваа’’д̇и адтааси. д̣̇звияаа сириг̇аб̣бхам̣ г̇анд̇ваа д̇хаммабаалам̣ аанзхийд̇и. д̣̇звийби ран̃н̃о гуж̇жхид̇ваа нивад̇д̇анабхаавам̣ н̃ад̇ваа б̣од̇хисад̇д̇ам̣ урз нибаж̇ж̇аабзд̇ваа род̣̇амаанаа нисийд̣̇и. жорагхаад̇аго г̇анд̇ваа д̇ам̣ бидтияам̣ хад̇т̇зна бахарид̇ваа хад̇т̇ад̇о гумаарам̣ ажчинд̣̇ид̇ваа аад̣̇ааяа ран̃н̃о санд̇игам̣ ааг̇анд̇ваа ‘‘гим̣ гароми, д̣̇зваа’’д̇и ааха. рааж̇аа згам̣ палагам̣ аахараабзд̇ваа бурад̇о нигкибаабзд̇ваа ‘‘ид̇ха нам̣ нибаж̇ж̇аабзхий’’д̇и ааха. со д̇ат̇аа агааси.
Atīte bārāṇasiyaṃ mahāpatāpe nāma rajjaṃ kārente bodhisatto tassa aggamahesiyā candādeviyā kucchimhi nibbatti, ‘‘dhammapālo’’tissa nāmaṃ kariṃsu. Tamenaṃ sattamāsikakāle mātā gandhodakena nhāpetvā alaṅkaritvā kīḷāpayamānā nisīdi. Rājā tassā vasanaṭṭhānaṃ agamāsi. Sā puttaṃ kīḷāpayamānā puttasinehena samappitā hutvā rājānaṃ passitvāpi na uṭṭhahi. So cintesi ‘‘ayaṃ idāneva tāva puttaṃ nissāya mānaṃ karoti, maṃ kismiñci na maññati, putte pana vaḍḍhante mayi ‘manusso’tipi saññaṃ na karissati, idāneva naṃ ghātessāmī’’ti. So nivattitvā rājāsane nisīditvā ‘‘attano vidhānena āgacchatū’’ti coraghātakaṃ pakkosāpesi. So kāsāyavatthanivattho rattamālādharo pharasuṃ aṃse ṭhapetvā upadhānaghaṭikaṃ hatthapādaṭhapanadaṇḍakañca ādāya āgantvā rājānaṃ vanditvā ‘‘kiṃ karomi, devā’’ti aṭṭhāsi. Deviyā sirigabbhaṃ gantvā dhammapālaṃ ānehīti. Devīpi rañño kujjhitvā nivattanabhāvaṃ ñatvā bodhisattaṃ ure nipajjāpetvā rodamānā nisīdi. Coraghātako gantvā taṃ piṭṭhiyaṃ hatthena paharitvā hatthato kumāraṃ acchinditvā ādāya rañño santikaṃ āgantvā ‘‘kiṃ karomi, devā’’ti āha. Rājā ekaṃ phalakaṃ āharāpetvā purato nikkhipāpetvā ‘‘idha naṃ nipajjāpehī’’ti āha. So tathā akāsi.
жанд̣̇аад̣̇звий буд̇д̇асса бажчад̇ова барид̣̇звамаанаа ааг̇ажчи. буна жорагхаад̇аго ‘‘гим̣ гаромий, д̣̇зваа’’д̇и ааха. д̇хаммабааласса хад̇т̇з чинд̣̇аад̇и. жанд̣̇аад̣̇звий ‘‘махаарааж̇а, мама буд̇д̇о сад̇д̇амаасиго б̣аалаго на гин̃жи ж̇аанаад̇и, над̇т̇зд̇асса д̣̇осо, д̣̇осо бана хонд̇о маяи бхавзяяа, д̇асмаа маяхам̣ хад̇т̇з чзд̣̇аабзхий’’д̇и имамад̇т̇ам̣ багаасзнд̇ий батамам̣ г̇аат̇амааха –
Candādevī puttassa pacchatova paridevamānā āgacchi. Puna coraghātako ‘‘kiṃ karomī, devā’’ti āha. Dhammapālassa hatthe chindāti. Candādevī ‘‘mahārāja, mama putto sattamāsiko bālako na kiñci jānāti, natthetassa doso, doso pana honto mayi bhaveyya, tasmā mayhaṃ hatthe chedāpehī’’ti imamatthaṃ pakāsentī paṭhamaṃ gāthamāha –
44.
44.
‘‘ахамзва д̣̇уусияаа бхуунахад̇аа, ран̃н̃о махаабад̇аабасса;
‘‘Ahameva dūsiyā bhūnahatā, rañño mahāpatāpassa;
зд̇ам̣ мун̃жад̇у д̇хаммабаалам̣, хад̇т̇з мз д̣̇зва чзд̣̇зхий’’д̇и.
Etaṃ muñcatu dhammapālaṃ, hatthe me deva chedehī’’ti.
д̇ад̇т̇а д̣̇уусияаад̇и д̣̇уусигаа, д̇умхз д̣̇исваа анудтахамаанаа д̣̇осагааригаад̇и ад̇т̇о. ‘‘д̣̇уусигаа’’д̇иби баато, аяамзвад̇т̇о. бхуунахад̇аад̇и хад̇абхуунаа, хад̇авуд̣дхийд̇и ад̇т̇о. ран̃н̃од̇и ид̣̇ам̣ ‘‘д̣̇уусияаа’’д̇и бад̣̇зна яож̇зд̇аб̣б̣ам̣. ахам̣ ран̃н̃о махаабад̇аабасса абараад̇хагааригаа, нааяам̣ гумааро, д̇асмаа нирабараад̇хам̣ зд̇ам̣ б̣аалагам̣ мун̃жад̇у д̇хаммабаалам̣, сажзби хад̇т̇з чзд̣̇аабзд̇угаамо, д̣̇осагааригааяа хад̇т̇з мз, д̣̇зва, чзд̣̇зхийд̇и аяамзд̇т̇а ад̇т̇о.
Tattha dūsiyāti dūsikā, tumhe disvā anuṭṭhahamānā dosakārikāti attho. ‘‘Dūsikā’’tipi pāṭho, ayamevattho. Bhūnahatāti hatabhūnā, hatavuḍḍhīti attho. Raññoti idaṃ ‘‘dūsiyā’’ti padena yojetabbaṃ. Ahaṃ rañño mahāpatāpassa aparādhakārikā, nāyaṃ kumāro, tasmā niraparādhaṃ etaṃ bālakaṃ muñcatu dhammapālaṃ, sacepi hatthe chedāpetukāmo, dosakārikāya hatthe me, deva, chedehīti ayamettha attho.
рааж̇аа жорагхаад̇агам̣ ологзси. ‘‘гим̣ гароми, д̣̇зваа’’д̇и? ‘‘бабан̃жам̣ агад̇ваа хад̇т̇з чзд̣̇аа’’д̇и. д̇асмим̣ кан̣з жорагхаад̇аго д̇икин̣апарасум̣ г̇ахзд̇ваа гумаарасса д̇арун̣авам̣сагал̣ийрз вияа д̣̇вз хад̇т̇з чинд̣̇и. со д̣̇вийсу хад̇т̇зсу чиж̇ж̇амаанзсу нзва род̣̇и на барид̣̇зви, канд̇ин̃жа мзд̇д̇ан̃жа бурзжааригам̣ гад̇ваа ад̇хиваасзси. жанд̣̇аа бана д̣̇звий чиннахад̇т̇агодим̣ г̇ахзд̇ваа ужчан̇г̇з гад̇ваа лохид̇алид̇д̇аа барид̣̇звамаанаа вижари. буна жорагхаад̇аго ‘‘гим̣ гароми, д̣̇зваа’’д̇и бужчи. ‘‘д̣̇взби баад̣̇з чинд̣̇аа’’д̇и. д̇ам̣ суд̇ваа жанд̣̇аад̣̇звий д̣̇уд̇ияам̣ г̇аат̇амааха –
Rājā coraghātakaṃ olokesi. ‘‘Kiṃ karomi, devā’’ti? ‘‘Papañcaṃ akatvā hatthe chedā’’ti. Tasmiṃ khaṇe coraghātako tikhiṇapharasuṃ gahetvā kumārassa taruṇavaṃsakaḷīre viya dve hatthe chindi. So dvīsu hatthesu chijjamānesu neva rodi na paridevi, khantiñca mettañca purecārikaṃ katvā adhivāsesi. Candā pana devī chinnahatthakoṭiṃ gahetvā ucchaṅge katvā lohitalittā paridevamānā vicari. Puna coraghātako ‘‘kiṃ karomi, devā’’ti pucchi. ‘‘Dvepi pāde chindā’’ti. Taṃ sutvā candādevī dutiyaṃ gāthamāha –
45.
45.
‘‘ахамзва д̣̇уусияаа бхуунахад̇аа, ран̃н̃о махаабад̇аабасса;
‘‘Ahameva dūsiyā bhūnahatā, rañño mahāpatāpassa;
зд̇ам̣ мун̃жад̇у д̇хаммабаалам̣, баад̣̇з мз д̣̇зва чзд̣̇зхий’’д̇и.
Etaṃ muñcatu dhammapālaṃ, pāde me deva chedehī’’ti.
д̇ад̇т̇а ад̇хиббааяо вуд̇д̇анаязнзва взд̣̇ид̇аб̣б̣о.
Tattha adhippāyo vuttanayeneva veditabbo.
рааж̇ааби буна жорагхаад̇агам̣ аан̣аабзси. со убхоби баад̣̇з чинд̣̇и. жанд̣̇аад̣̇звий баад̣̇агодимби г̇ахзд̇ваа ужчан̇г̇з гад̇ваа лохид̇алид̇д̇аа барид̣̇звамаанаа ‘‘саами махаабад̇ааба, чиннахад̇т̇абаад̣̇аа наама д̣̇аарагаа маад̇араа босзд̇аб̣б̣аа хонд̇и, ахам̣ бхад̇им̣ гад̇ваа мама буд̇д̇агам̣ босзссаами, д̣̇зхи мз зд̇а’’нд̇и ааха. жорагхаад̇аго ‘‘гим̣ д̣̇зва гад̇аа рааж̇аан̣аа, нидтид̇ам̣ мама гижжа’’нд̇и бужчи. ‘‘на д̇аава нидтид̇а’’нд̇и. ‘‘ат̇а гим̣ гароми, д̣̇зваа’’д̇и? ‘‘сийсамасса чинд̣̇аа’’д̇и. д̇ам̣ суд̇ваа жанд̣̇аад̣̇звий д̇ад̇ияам̣ г̇аат̇амааха –
Rājāpi puna coraghātakaṃ āṇāpesi. So ubhopi pāde chindi. Candādevī pādakoṭimpi gahetvā ucchaṅge katvā lohitalittā paridevamānā ‘‘sāmi mahāpatāpa, chinnahatthapādā nāma dārakā mātarā posetabbā honti, ahaṃ bhatiṃ katvā mama puttakaṃ posessāmi, dehi me eta’’nti āha. Coraghātako ‘‘kiṃ deva katā rājāṇā, niṭṭhitaṃ mama kicca’’nti pucchi. ‘‘Na tāva niṭṭhita’’nti. ‘‘Atha kiṃ karomi, devā’’ti? ‘‘Sīsamassa chindā’’ti. Taṃ sutvā candādevī tatiyaṃ gāthamāha –
46.
46.
‘‘ахамзва д̣̇уусияаа бхуунахад̇аа, ран̃н̃о махаабад̇аабасса;
‘‘Ahameva dūsiyā bhūnahatā, rañño mahāpatāpassa;
зд̇ам̣ мун̃жад̇у д̇хаммабаалам̣, сийсам̣ мз д̣̇зва чзд̣̇зхий’’д̇и.
Etaṃ muñcatu dhammapālaṃ, sīsaṃ me deva chedehī’’ti.
вад̇ваа жа бана ад̇д̇ано сийсам̣ убанзси.
Vatvā ca pana attano sīsaṃ upanesi.
буна жорагхаад̇аго ‘‘гим̣ гароми, д̣̇зваа’’д̇и бужчи. ‘‘сийсамасса чинд̣̇аа’’д̇и. со сийсам̣ чинд̣̇ид̇ваа ‘‘гад̇аа, д̣̇зва, рааж̇аан̣аа’’д̇и бужчи. ‘‘на д̇аава гад̇аа’’д̇и. ‘‘ат̇а гим̣ гароми, д̣̇зваа’’д̇и? ‘‘асид̇ун̣д̣зна нам̣ самбадижчид̇ваа асимаалагам̣ наама гарохий’’д̇и. со д̇асса гал̣зварам̣ аагаасз кибид̇ваа асид̇ун̣д̣зна самбадижчид̇ваа асимаалагам̣ наама гад̇ваа махаад̇алз виббагири. жанд̣̇аад̣̇звий б̣од̇хисад̇д̇асса мам̣сз ужчан̇г̇з гад̇ваа махаад̇алз род̣̇амаанаа барид̣̇звамаанаа имаа г̇аат̇аа абхааси –
Puna coraghātako ‘‘kiṃ karomi, devā’’ti pucchi. ‘‘Sīsamassa chindā’’ti. So sīsaṃ chinditvā ‘‘katā, deva, rājāṇā’’ti pucchi. ‘‘Na tāva katā’’ti. ‘‘Atha kiṃ karomi, devā’’ti? ‘‘Asituṇḍena naṃ sampaṭicchitvā asimālakaṃ nāma karohī’’ti. So tassa kaḷevaraṃ ākāse khipitvā asituṇḍena sampaṭicchitvā asimālakaṃ nāma katvā mahātale vippakiri. Candādevī bodhisattassa maṃse ucchaṅge katvā mahātale rodamānā paridevamānā imā gāthā abhāsi –
47.
47.
‘‘на хи нуунимасса ран̃н̃о, мид̇д̇аамажжаа жа виж̇ж̇арз сухад̣̇аа;
‘‘Na hi nūnimassa rañño, mittāmaccā ca vijjare suhadā;
яз на вад̣̇анд̇и рааж̇аанам̣, маа гхаад̇аяи орасам̣ буд̇д̇ам̣.
Ye na vadanti rājānaṃ, mā ghātayi orasaṃ puttaṃ.
48.
48.
‘‘на хи нуунимасса ран̃н̃о, н̃аад̇ий мид̇д̇аа жа виж̇ж̇арз сухад̣̇аа;
‘‘Na hi nūnimassa rañño, ñātī mittā ca vijjare suhadā;
яз на вад̣̇анд̇и рааж̇аанам̣, маа гхаад̇аяи ад̇раж̇ам̣ буд̇д̇а’’нд̇и.
Ye na vadanti rājānaṃ, mā ghātayi atrajaṃ putta’’nti.
д̇ад̇т̇а мид̇д̇аамажжаа жа виж̇ж̇арз сухад̣̇аад̇и нууна имасса ран̃н̃о д̣̇ал̣хамид̇д̇аа ваа саб̣б̣агижжзсу сахабхаавино амажжаа ваа муд̣̇ухад̣̇аяад̇ааяа сухад̣̇аа ваа гзжи на виж̇ж̇анд̇и. яз на вад̣̇анд̇ийд̇и яз ад̇хунаа ааг̇анд̇ваа ‘‘ад̇д̇ано бияабуд̇д̇ам̣ маа гхаад̇аяий’’д̇и на вад̣̇анд̇и, имам̣ рааж̇аанам̣ бадисзд̇хзнд̇и, д̇з над̇т̇иязваад̇и ман̃н̃з. д̣̇уд̇ияаг̇аат̇ааяам̣ н̃аад̇ийд̇и н̃аад̇агаа.
Tattha mittāmaccā ca vijjare suhadāti nūna imassa rañño daḷhamittā vā sabbakiccesu sahabhāvino amaccā vā muduhadayatāya suhadā vā keci na vijjanti. Ye na vadantīti ye adhunā āgantvā ‘‘attano piyaputtaṃ mā ghātayī’’ti na vadanti, imaṃ rājānaṃ paṭisedhenti, te natthiyevāti maññe. Dutiyagāthāyaṃ ñātīti ñātakā.
имаа бана д̣̇вз г̇аат̇аа вад̇ваа жанд̣̇аад̣̇звий убхохи хад̇т̇зхи хад̣̇аяамам̣сам̣ д̇хаараяамаанаа д̇ад̇ияам̣ г̇аат̇амааха –
Imā pana dve gāthā vatvā candādevī ubhohi hatthehi hadayamaṃsaṃ dhārayamānā tatiyaṃ gāthamāha –
49.
49.
‘‘жанд̣̇анасаараанулид̇д̇аа, б̣аахаа чиж̇ж̇анд̇и д̇хаммабааласса;
‘‘Candanasārānulittā, bāhā chijjanti dhammapālassa;
д̣̇ааяаад̣̇асса бат̇аб̣яаа, баан̣аа мз д̣̇зва руж̇жханд̇ий’’д̇и.
Dāyādassa pathabyā, pāṇā me deva rujjhantī’’ti.
д̇ад̇т̇а д̣̇ааяаад̣̇асса бат̇аб̣яаад̇и бид̇усанд̇агааяа жаад̇уранд̇ааяа бат̇авияаа д̣̇ааяаад̣̇асса лохид̇ажанд̣̇анасаараанулид̇д̇аа хад̇т̇аа чиж̇ж̇анд̇и, баад̣̇аа чиж̇ж̇анд̇и, сийсан̃жа чиж̇ж̇ад̇и, асимаалагоби гад̇о, д̇ава вам̣сам̣ бажчинд̣̇ид̇ваа г̇ад̇оси д̣̇аанийд̇и звамаад̣̇ийни вилабанд̇и звамааха. баан̣аа мз д̣̇зва руж̇жханд̇ийд̇и д̣̇зва, маяхамби имам̣ согам̣ санд̇хаарзд̇ум̣ асаггонд̇ияаа ж̇ийвид̇ам̣ руж̇жхад̇ийд̇и.
Tattha dāyādassa pathabyāti pitusantakāya cāturantāya pathaviyā dāyādassa lohitacandanasārānulittā hatthā chijjanti, pādā chijjanti, sīsañca chijjati, asimālakopi kato, tava vaṃsaṃ pacchinditvā gatosi dānīti evamādīni vilapanti evamāha. Pāṇā me deva rujjhantīti deva, mayhampi imaṃ sokaṃ sandhāretuṃ asakkontiyā jīvitaṃ rujjhatīti.
д̇ассаа звам̣ барид̣̇звамаанааяа зва д̣аяхамаанз взл̣уванз взл̣у вияа хад̣̇аяам̣ пали, саа д̇ад̇т̇зва ж̇ийвид̇агкаяам̣ бад̇д̇аа. рааж̇ааби баллан̇гз таад̇ум̣ асаггонд̇о махаад̇алз бад̇и, бад̣̇арад̇алам̣ д̣̇вид̇хаа бхиж̇ж̇и, со д̇ад̇оби бхуумияам̣ бад̇и. д̇ад̇о жад̇унахуд̇аад̇хигад̣̇вияож̇анасад̇асахассаб̣ахалааби гханабат̇авий д̇асса аг̇ун̣ам̣ д̇хаарзд̇ум̣ асаггонд̇ий бхиж̇ж̇ид̇ваа виварамад̣̇ааси, авийжид̇о ж̇аалаа удтааяа гулад̣̇ад̇д̇игзна гамб̣алзна баригкибанд̇ий вияа д̇ам̣ г̇ахзд̇ваа авийжимхи киби. жанд̣̇ааяа жа б̣од̇хисад̇д̇асса жа амажжаа сарийрагижжам̣ гарим̣су.
Tassā evaṃ paridevamānāya eva ḍayhamāne veḷuvane veḷu viya hadayaṃ phali, sā tattheva jīvitakkhayaṃ pattā. Rājāpi pallaṅke ṭhātuṃ asakkonto mahātale pati, padaratalaṃ dvidhā bhijji, so tatopi bhūmiyaṃ pati. Tato catunahutādhikadviyojanasatasahassabahalāpi ghanapathavī tassa aguṇaṃ dhāretuṃ asakkontī bhijjitvā vivaramadāsi, avīcito jālā uṭṭhāya kuladattikena kambalena parikkhipantī viya taṃ gahetvā avīcimhi khipi. Candāya ca bodhisattassa ca amaccā sarīrakiccaṃ kariṃsu.
сад̇т̇аа имам̣ д̇хаммад̣̇зсанам̣ аахарид̇ваа ж̇аад̇агам̣ самод̇хаанзси – ‘‘д̇ад̣̇аа рааж̇аа д̣̇звад̣̇ад̇д̇о ахоси, жанд̣̇аад̣̇звий махаабаж̇аабад̇иг̇од̇амий, д̇хаммабаалагумааро бана ахамзва ахоси’’нд̇и.
Satthā imaṃ dhammadesanaṃ āharitvā jātakaṃ samodhānesi – ‘‘tadā rājā devadatto ahosi, candādevī mahāpajāpatigotamī, dhammapālakumāro pana ahameva ahosi’’nti.
жуул̣ад̇хаммабаалаж̇аад̇агаван̣н̣анаа адтамаа.
Cūḷadhammapālajātakavaṇṇanā aṭṭhamā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / ж̇аад̇агабаал̣и • Jātakapāḷi / 358. жуул̣ад̇хаммабаалаж̇аад̇агам̣ • 358. Cūḷadhammapālajātakaṃ
