| Library / Tipiṭaka / д̇ибидага • Tipiṭaka / ж̇аад̇ага-адтагат̇аа • Jātaka-aṭṭhakathā |
[374] 4. жуул̣ад̇хануг̇г̇ахаж̇аад̇агаван̣н̣анаа
[374] 4. Cūḷadhanuggahajātakavaṇṇanā
саб̣б̣ам̣ бхан̣д̣анд̇и ид̣̇ам̣ сад̇т̇аа ж̇зд̇аванз вихаранд̇о бураан̣ад̣̇уд̇ияигаабалобханам̣ аараб̣бха гат̇зси. д̇зна бхигкунаа ‘‘бураан̣ад̣̇уд̇ияигаа мам̣, бханд̇з, угган̣таабзд̇ий’’д̇и вуд̇д̇з сад̇т̇аа ‘‘зсаа бхигку, ид̇т̇ий на ид̣̇аанзва д̇уяхам̣ анад̇т̇агааригаа, буб̣б̣зби д̇з зд̇ам̣ ниссааяа асинаа сийсам̣ чинна’’нд̇и вад̇ваа бхигкуухи яаажид̇о ад̇ийд̇ам̣ аахари.
Sabbaṃ bhaṇḍanti idaṃ satthā jetavane viharanto purāṇadutiyikāpalobhanaṃ ārabbha kathesi. Tena bhikkhunā ‘‘purāṇadutiyikā maṃ, bhante, ukkaṇṭhāpetī’’ti vutte satthā ‘‘esā bhikkhu, itthī na idāneva tuyhaṃ anatthakārikā, pubbepi te etaṃ nissāya asinā sīsaṃ chinna’’nti vatvā bhikkhūhi yācito atītaṃ āhari.
ад̇ийд̇з б̣аараан̣асияам̣ б̣рахмад̣̇ад̇д̇з раж̇ж̇ам̣ гаарзнд̇з б̣од̇хисад̇д̇о саггад̇д̇ам̣ гаарзси. д̇ад̣̇аа зго б̣аараан̣асиваасий б̣раахман̣амаан̣аво д̇аггасилааяам̣ саб̣б̣асиббаани уг̇г̇ан̣хид̇ваа д̇ханугаммз нибпад̇д̇им̣ бад̇д̇о жуул̣ад̇хануг̇г̇ахабан̣д̣ид̇о наама ахоси. ат̇асса аажарияо ‘‘аяам̣ маяаа сад̣̇исам̣ сиббам̣ уг̇г̇ан̣хий’’д̇и ад̇д̇ано д̇хийд̇арам̣ ад̣̇ааси. со д̇ам̣ г̇ахзд̇ваа ‘‘б̣аараан̣асим̣ г̇амиссаамий’’д̇и маг̇г̇ам̣ бадибаж̇ж̇и. анд̇араамаг̇г̇з зго вааран̣о згам̣ бад̣̇зсам̣ сун̃н̃амагааси, д̇ам̣ таанам̣ абхирухид̇ум̣ на гожи уссахи. жуул̣ад̇хануг̇г̇ахабан̣д̣ид̇о мануссаанам̣ ваарзнд̇аанан̃н̃зва бхарияам̣ г̇ахзд̇ваа адавимукам̣ абхирухи. ат̇асса адавимаж̇жхз вааран̣о удтахи, со д̇ам̣ гумбхз сарзна виж̇жхи. саро винивиж̇жхид̇ваа бажчаабхааг̇зна нигками. вааран̣о д̇ад̇т̇зва бад̇и, д̇хануг̇г̇ахабан̣д̣ид̇о д̇ам̣ таанам̣ кзмам̣ гад̇ваа бурад̇о ан̃н̃ам̣ адавим̣ баабун̣и. д̇ад̇т̇ааби бан̃н̃ааса жораа маг̇г̇ам̣ хананд̇и. д̇амби со мануссзхи ваарияамаано абхируяха д̇зсам̣ жораанам̣ миг̇з вад̇хид̇ваа маг̇г̇асамийбз мам̣сам̣ бажид̇ваа каад̣̇анд̇аанам̣ тид̇адтаанам̣ баабун̣и.
Atīte bārāṇasiyaṃ brahmadatte rajjaṃ kārente bodhisatto sakkattaṃ kāresi. Tadā eko bārāṇasivāsī brāhmaṇamāṇavo takkasilāyaṃ sabbasippāni uggaṇhitvā dhanukamme nipphattiṃ patto cūḷadhanuggahapaṇḍito nāma ahosi. Athassa ācariyo ‘‘ayaṃ mayā sadisaṃ sippaṃ uggaṇhī’’ti attano dhītaraṃ adāsi. So taṃ gahetvā ‘‘bārāṇasiṃ gamissāmī’’ti maggaṃ paṭipajji. Antarāmagge eko vāraṇo ekaṃ padesaṃ suññamakāsi, taṃ ṭhānaṃ abhiruhituṃ na koci ussahi. Cūḷadhanuggahapaṇḍito manussānaṃ vārentānaññeva bhariyaṃ gahetvā aṭavimukhaṃ abhiruhi. Athassa aṭavimajjhe vāraṇo uṭṭhahi, so taṃ kumbhe sarena vijjhi. Saro vinivijjhitvā pacchābhāgena nikkhami. Vāraṇo tattheva pati, dhanuggahapaṇḍito taṃ ṭhānaṃ khemaṃ katvā purato aññaṃ aṭaviṃ pāpuṇi. Tatthāpi paññāsa corā maggaṃ hananti. Tampi so manussehi vāriyamāno abhiruyha tesaṃ corānaṃ mige vadhitvā maggasamīpe maṃsaṃ pacitvā khādantānaṃ ṭhitaṭṭhānaṃ pāpuṇi.
д̇ад̣̇аа д̇ам̣ жораа алан̇гад̇абадияад̇д̇ааяа бхарияааяа сад̣̇д̇хим̣ ааг̇ажчанд̇ам̣ д̣̇исваа ‘‘г̇ан̣хиссаама на’’нд̇и уссаахам̣ гарим̣су. жораж̇здтаго бурисалагкан̣агусало, со д̇ам̣ ологзд̇ваава ‘‘уд̇д̇амабурисо аяа’’нд̇и н̃ад̇ваа згассаби удтахид̇ум̣ наад̣̇ааси. д̇хануг̇г̇ахабан̣д̣ид̇о ‘‘г̇ажча ‘амхаагамби згам̣ мам̣сасуулам̣ д̣̇зт̇аа’д̇и вад̇ваа мам̣сам̣ аахараа’’д̇и д̇зсам̣ санд̇игам̣ бхарияам̣ бзсзси. саа г̇анд̇ваа ‘‘згам̣ гира мам̣сасуулам̣ д̣̇зт̇аа’’д̇и ааха. жораж̇здтаго ‘‘анаг̇гхо бурисо’’д̇и мам̣сасуулам̣ д̣̇аабзси. жораа ‘‘амхзхи гира баггам̣ каад̣̇ид̇а’’нд̇и абаггамам̣сасуулам̣ ад̣̇ам̣су. д̇хануг̇г̇ахо ад̇д̇аанам̣ самбхаавзд̇ваа ‘‘маяхам̣ абаггамам̣сасуулам̣ д̣̇ад̣̇анд̇ий’’д̇и жораанам̣ гуж̇жхи. жораа ‘‘гим̣ аяамзвзго бурисо, маяам̣ ид̇т̇ияо’’д̇и гуж̇жхид̇ваа удтахим̣су. д̇хануг̇г̇ахо згуунабан̃н̃ааса ж̇анз згуунабан̃н̃аасаган̣д̣зхи виж̇жхид̇ваа баад̇зси. жораж̇здтагам̣ виж̇жхид̇ум̣ ган̣д̣ам̣ наахоси. д̇асса гира ган̣д̣анаал̣ияам̣ самабан̣н̣аасаязва ган̣д̣аани. д̇зсу згзна вааран̣ам̣ виж̇жхи, згуунабан̃н̃аасаган̣д̣зхи жорз виж̇жхид̇ваа жораж̇здтагам̣ баад̇зд̇ваа д̇асса урз нисинно ‘‘сийсамасса чинд̣̇иссаамий’’д̇и бхарияааяа хад̇т̇ад̇о асим̣ аахараабзси. саа д̇ан̇кан̣ан̃н̃зва жораж̇здтагз лобхам̣ гад̇ваа жорасса хад̇т̇з т̇арум̣, саамигасса хад̇т̇з д̇хаарам̣ табзси. жоро т̇аруд̣̇ан̣д̣ам̣ бараамасид̇ваа асим̣ нийхарид̇ваа д̇хануг̇г̇ахасса сийсам̣ чинд̣̇и.
Tadā taṃ corā alaṅkatapaṭiyattāya bhariyāya saddhiṃ āgacchantaṃ disvā ‘‘gaṇhissāma na’’nti ussāhaṃ kariṃsu. Corajeṭṭhako purisalakkhaṇakusalo, so taṃ oloketvāva ‘‘uttamapuriso aya’’nti ñatvā ekassapi uṭṭhahituṃ nādāsi. Dhanuggahapaṇḍito ‘‘gaccha ‘amhākampi ekaṃ maṃsasūlaṃ dethā’ti vatvā maṃsaṃ āharā’’ti tesaṃ santikaṃ bhariyaṃ pesesi. Sā gantvā ‘‘ekaṃ kira maṃsasūlaṃ dethā’’ti āha. Corajeṭṭhako ‘‘anaggho puriso’’ti maṃsasūlaṃ dāpesi. Corā ‘‘amhehi kira pakkaṃ khādita’’nti apakkamaṃsasūlaṃ adaṃsu. Dhanuggaho attānaṃ sambhāvetvā ‘‘mayhaṃ apakkamaṃsasūlaṃ dadantī’’ti corānaṃ kujjhi. Corā ‘‘kiṃ ayameveko puriso, mayaṃ itthiyo’’ti kujjhitvā uṭṭhahiṃsu. Dhanuggaho ekūnapaññāsa jane ekūnapaññāsakaṇḍehi vijjhitvā pātesi. Corajeṭṭhakaṃ vijjhituṃ kaṇḍaṃ nāhosi. Tassa kira kaṇḍanāḷiyaṃ samapaṇṇāsayeva kaṇḍāni. Tesu ekena vāraṇaṃ vijjhi, ekūnapaññāsakaṇḍehi core vijjhitvā corajeṭṭhakaṃ pātetvā tassa ure nisinno ‘‘sīsamassa chindissāmī’’ti bhariyāya hatthato asiṃ āharāpesi. Sā taṅkhaṇaññeva corajeṭṭhake lobhaṃ katvā corassa hatthe tharuṃ, sāmikassa hatthe dhāraṃ ṭhapesi. Coro tharudaṇḍaṃ parāmasitvā asiṃ nīharitvā dhanuggahassa sīsaṃ chindi.
со д̇ам̣ гхаад̇зд̇ваа ид̇т̇им̣ аад̣̇ааяа г̇ажчанд̇о ж̇аад̇иг̇од̇д̇ам̣ бужчи. саа ‘‘д̇аггасилааяам̣ д̣̇исаабаамогкаажарияасса д̇хийд̇аамхий’’д̇и ааха. ‘‘гат̇ам̣ д̇вам̣ иминаа лад̣̇д̇хаа’’д̇и. маяхам̣ бид̇аа ‘‘аяам̣ маяаа сад̣̇исам̣ гад̇ваа сиббам̣ сигкий’’д̇и д̇уссид̇ваа имасса мам̣ ад̣̇ааси, саахам̣ д̇аяи синзхам̣ гад̇ваа ад̇д̇ано гулад̣̇ад̇д̇ияам̣ саамигам̣ маараабзсинд̇и. жораж̇здтаго ‘‘гулад̣̇ад̇д̇ияам̣ д̇аавзсаа саамигам̣ маарзси, ан̃н̃ам̣ банзгам̣ д̣̇исваа мамби звамзвам̣ гариссад̇и, имам̣ чад̣д̣зд̇ум̣ ваддад̇ий’’д̇и жинд̇зд̇ваа г̇ажчанд̇о анд̇араамаг̇г̇з згам̣ гуннад̣̇им̣ уд̇д̇аанад̇алам̣ д̇ан̇кан̣од̣̇агабуурам̣ д̣̇исваа ‘‘бхад̣̇д̣̇з, имиссам̣ над̣̇ияам̣ сусумаараа гагкал̣аа, гим̣ гаромаа’’д̇и ааха. ‘‘саами, саб̣б̣ам̣ аабхаран̣абхан̣д̣ам̣ мама уд̇д̇араасан̇г̇зна бхан̣д̣игам̣ гад̇ваа барад̇ийрам̣ нзд̇ваа буна ааг̇анд̇ваа мам̣ г̇ахзд̇ваа г̇ажчаа’’д̇и. со ‘‘саад̇хуу’’д̇и саб̣б̣ам̣ аабхаран̣абхан̣д̣ам̣ аад̣̇ааяа над̣̇им̣ од̇арид̇ваа д̇аранд̇о вияа барад̇ийрам̣ бад̇ваа д̇ам̣ чад̣д̣зд̇ваа бааяааси. саа д̇ам̣ д̣̇исваа ‘‘саами, гим̣ мам̣ чад̣д̣зд̇ваа вияа г̇ажчаси, гасмаа звам̣ гароси, зхи мамби аад̣̇ааяа г̇ажчаа’’д̇и д̇зна сад̣̇д̇хим̣ саллабанд̇ий батамам̣ г̇аат̇амааха –
So taṃ ghātetvā itthiṃ ādāya gacchanto jātigottaṃ pucchi. Sā ‘‘takkasilāyaṃ disāpāmokkhācariyassa dhītāmhī’’ti āha. ‘‘Kathaṃ tvaṃ iminā laddhā’’ti. Mayhaṃ pitā ‘‘ayaṃ mayā sadisaṃ katvā sippaṃ sikkhī’’ti tussitvā imassa maṃ adāsi, sāhaṃ tayi sinehaṃ katvā attano kuladattiyaṃ sāmikaṃ mārāpesinti. Corajeṭṭhako ‘‘kuladattiyaṃ tāvesā sāmikaṃ māresi, aññaṃ panekaṃ disvā mampi evamevaṃ karissati, imaṃ chaḍḍetuṃ vaṭṭatī’’ti cintetvā gacchanto antarāmagge ekaṃ kunnadiṃ uttānatalaṃ taṅkhaṇodakapūraṃ disvā ‘‘bhadde, imissaṃ nadiyaṃ susumārā kakkhaḷā, kiṃ karomā’’ti āha. ‘‘Sāmi, sabbaṃ ābharaṇabhaṇḍaṃ mama uttarāsaṅgena bhaṇḍikaṃ katvā paratīraṃ netvā puna āgantvā maṃ gahetvā gacchā’’ti. So ‘‘sādhū’’ti sabbaṃ ābharaṇabhaṇḍaṃ ādāya nadiṃ otaritvā taranto viya paratīraṃ patvā taṃ chaḍḍetvā pāyāsi. Sā taṃ disvā ‘‘sāmi, kiṃ maṃ chaḍḍetvā viya gacchasi, kasmā evaṃ karosi, ehi mampi ādāya gacchā’’ti tena saddhiṃ sallapantī paṭhamaṃ gāthamāha –
128.
128.
‘‘саб̣б̣ам̣ бхан̣д̣ам̣ самаад̣̇ааяа, баарам̣ д̇ин̣н̣оси б̣раахман̣а;
‘‘Sabbaṃ bhaṇḍaṃ samādāya, pāraṃ tiṇṇosi brāhmaṇa;
бажжааг̇ажча лахум̣ киббам̣, мамби д̇аарзхи д̣̇аанид̇о’’д̇и.
Paccāgaccha lahuṃ khippaṃ, mampi tārehi dānito’’ti.
д̇ад̇т̇а лахум̣ киббанд̇и лахум̣ бажжааг̇ажча, киббам̣ мамби д̇аарзхи д̣̇аани ид̇од̇и ад̇т̇о.
Tattha lahuṃ khippanti lahuṃ paccāgaccha, khippaṃ mampi tārehi dāni itoti attho.
жоро д̇ам̣ суд̇ваа барад̇ийрз тид̇оязва д̣̇уд̇ияам̣ г̇аат̇амааха –
Coro taṃ sutvā paratīre ṭhitoyeva dutiyaṃ gāthamāha –
129.
129.
‘‘асант̇уд̇ам̣ мам̣ жирасант̇уд̇зна, нимийни бход̇ий ад̇хувам̣ д̇хувзна;
‘‘Asanthutaṃ maṃ cirasanthutena, nimīni bhotī adhuvaṃ dhuvena;
маяааби бход̇ий ниминзяяа ан̃н̃ам̣, ид̇о ахам̣ д̣̇уурад̇арам̣ г̇амисса’’нд̇и.
Mayāpi bhotī nimineyya aññaṃ, ito ahaṃ dūrataraṃ gamissa’’nti.
саа хздтаа вуд̇д̇ад̇т̇ааязва –
Sā heṭṭhā vuttatthāyeva –
жоро бана ‘‘ид̇о ахам̣ д̣̇уурад̇арам̣ г̇амиссам̣, д̇идта д̇ва’’нд̇и вад̇ваа д̇ассаа вираванд̇ияаава аабхаран̣абхан̣д̣игам̣ аад̣̇ааяа балаад̇о. д̇ад̇о саа б̣аалаа ад̇рижчад̇ааяа зваруубам̣ б̣яасанам̣ бад̇д̇аа анаат̇аа худ̇ваа авид̣̇уурз згам̣ зл̣аг̇алааг̇умб̣ам̣ убаг̇анд̇ваа род̣̇амаанаа нисийд̣̇и. д̇асмим̣ кан̣з сагго д̣̇зварааж̇аа логам̣ ологзнд̇о д̇ам̣ ад̇рижчад̇аахад̇ам̣ саамигаа жа ж̇аараа жа барихийнам̣ род̣̇амаанам̣ д̣̇исваа ‘‘зд̇ам̣ ниг̇г̇ан̣хид̇ваа лаж̇ж̇аабзд̇ваа ааг̇амиссаамий’’д̇и маад̇алин̃жа бан̃жасикан̃жа аад̣̇ааяа д̇ад̇т̇а г̇анд̇ваа над̣̇ийд̇ийрз тад̇ваа ‘‘маад̇али, д̇вам̣ мажчо бхава, бан̃жасика д̇вам̣ сагун̣о бхава, ахам̣ бана син̇г̇аало худ̇ваа мукзна мам̣сабин̣д̣ам̣ г̇ахзд̇ваа зд̇иссаа саммукадтаанам̣ г̇амиссаами, д̇вам̣ маяи д̇ад̇т̇а г̇ад̇з уд̣̇агад̇о уллан̇гхид̇ваа мама бурад̇о бад̇а, ат̇аахам̣ мукзна г̇ахид̇амам̣сабин̣д̣ам̣ чад̣д̣зд̇ваа мажчам̣ г̇ахзд̇ум̣ багканд̣̇иссаами, д̇асмим̣ кан̣з д̇вам̣, бан̃жасика, д̇ам̣ мам̣сабин̣д̣ам̣ г̇ахзд̇ваа аагаасз уббад̇а, д̇вам̣ маад̇али, уд̣̇агз бад̇аа’’д̇и аан̣аабзси. ‘‘саад̇ху, д̣̇зваа’’д̇и, маад̇али, мажчо ахоси, бан̃жасико сагун̣о ахоси. сагго син̇г̇аало худ̇ваа мам̣сабин̣д̣ам̣ мукзнаад̣̇ааяа д̇ассаа саммукадтаанам̣ аг̇амааси. мажчо уд̣̇агаа уббад̇ид̇ваа син̇г̇ааласса бурад̇о бад̇и. со мукзна г̇ахид̇амам̣сабин̣д̣ам̣ чад̣д̣зд̇ваа мажчассад̇т̇ааяа багканд̣̇и. мажчо уббад̇ид̇ваа уд̣̇агз бад̇и, сагун̣о мам̣сабин̣д̣ам̣ г̇ахзд̇ваа аагаасз уббад̇и, син̇г̇аало убхоби алабхид̇ваа зл̣аг̇алааг̇умб̣ам̣ ологзнд̇о д̣̇уммуко нисийд̣̇и. саа д̇ам̣ д̣̇исваа ‘‘аяам̣ ад̇рижчад̇аахад̇о нзва мам̣сам̣, на мажчам̣ лабхий’’д̇и гудам̣ бхинд̣̇анд̇ий вияа махаахасид̇ам̣ хаси. д̇ам̣ суд̇ваа син̇г̇аало д̇ад̇ияам̣ г̇аат̇амааха –
Coro pana ‘‘ito ahaṃ dūrataraṃ gamissaṃ, tiṭṭha tva’’nti vatvā tassā viravantiyāva ābharaṇabhaṇḍikaṃ ādāya palāto. Tato sā bālā atricchatāya evarūpaṃ byasanaṃ pattā anāthā hutvā avidūre ekaṃ eḷagalāgumbaṃ upagantvā rodamānā nisīdi. Tasmiṃ khaṇe sakko devarājā lokaṃ olokento taṃ atricchatāhataṃ sāmikā ca jārā ca parihīnaṃ rodamānaṃ disvā ‘‘etaṃ niggaṇhitvā lajjāpetvā āgamissāmī’’ti mātaliñca pañcasikhañca ādāya tattha gantvā nadītīre ṭhatvā ‘‘mātali, tvaṃ maccho bhava, pañcasikha tvaṃ sakuṇo bhava, ahaṃ pana siṅgālo hutvā mukhena maṃsapiṇḍaṃ gahetvā etissā sammukhaṭṭhānaṃ gamissāmi, tvaṃ mayi tattha gate udakato ullaṅghitvā mama purato pata, athāhaṃ mukhena gahitamaṃsapiṇḍaṃ chaḍḍetvā macchaṃ gahetuṃ pakkhandissāmi, tasmiṃ khaṇe tvaṃ, pañcasikha, taṃ maṃsapiṇḍaṃ gahetvā ākāse uppata, tvaṃ mātali, udake patā’’ti āṇāpesi. ‘‘Sādhu, devā’’ti, mātali, maccho ahosi, pañcasikho sakuṇo ahosi. Sakko siṅgālo hutvā maṃsapiṇḍaṃ mukhenādāya tassā sammukhaṭṭhānaṃ agamāsi. Maccho udakā uppatitvā siṅgālassa purato pati. So mukhena gahitamaṃsapiṇḍaṃ chaḍḍetvā macchassatthāya pakkhandi. Maccho uppatitvā udake pati, sakuṇo maṃsapiṇḍaṃ gahetvā ākāse uppati, siṅgālo ubhopi alabhitvā eḷagalāgumbaṃ olokento dummukho nisīdi. Sā taṃ disvā ‘‘ayaṃ atricchatāhato neva maṃsaṃ, na macchaṃ labhī’’ti kuṭaṃ bhindantī viya mahāhasitaṃ hasi. Taṃ sutvā siṅgālo tatiyaṃ gāthamāha –
130.
130.
‘‘гааяам̣ зл̣аг̇алааг̇умб̣з, гарод̇и ахухаасияам̣;
‘‘Kāyaṃ eḷagalāgumbe, karoti ahuhāsiyaṃ;
наяийд̇ха нажжаг̇ийд̇ам̣ ваа, д̇аал̣ам̣ ваа сусамаахид̇ам̣;
Nayīdha naccagītaṃ vā, tāḷaṃ vā susamāhitaṃ;
анамхигаалз сусон̣и, гинну ж̇аг̇гхаси собханз’’д̇и.
Anamhikāle susoṇi, kinnu jagghasi sobhane’’ti.
д̇ад̇т̇а гааяанд̇и гаа аяам̣. зл̣аг̇алааг̇умб̣зд̇и гамб̣ож̇иг̇умб̣з. ахухаасияанд̇и д̣̇анд̇авид̣̇ам̣сагам̣ махаахасид̇ам̣ вужжад̇и, д̇ам̣ гаа зсаа зд̇асмим̣ г̇умб̣з гарод̇ийд̇и бужчад̇и. наяийд̇ха нажжаг̇ийд̇ам̣ ваад̇и имасмим̣ таанз гассажи нажжанд̇асса нажжам̣ ваа г̇ааяанд̇асса г̇ийд̇ам̣ ваа хад̇т̇з сусамаахид̇з гад̇ваа ваад̣̇знд̇асса сусамаахид̇ам̣ хад̇т̇ад̇аал̣ам̣ ваа над̇т̇и, гам̣ д̣̇исваа д̇вам̣ хасзяяаасийд̇и д̣̇ийбзд̇и. анамхигаалзд̇и род̣̇анагаалз. сусон̣ийд̇и сунд̣̇арасон̣и. гим̣ ну ж̇аг̇гхасийд̇и гзна гааран̣зна д̇вам̣ род̣̇ид̇ум̣ яуд̇д̇агаалз арод̣̇амаанаава махаахасид̇ам̣ хасаси. собханзд̇и д̇ам̣ басам̣санд̇о аалабад̇и.
Tattha kāyanti kā ayaṃ. Eḷagalāgumbeti kambojigumbe. Ahuhāsiyanti dantavidaṃsakaṃ mahāhasitaṃ vuccati, taṃ kā esā etasmiṃ gumbe karotīti pucchati. Nayīdha naccagītaṃ vāti imasmiṃ ṭhāne kassaci naccantassa naccaṃ vā gāyantassa gītaṃ vā hatthe susamāhite katvā vādentassa susamāhitaṃ hatthatāḷaṃ vā natthi, kaṃ disvā tvaṃ haseyyāsīti dīpeti. Anamhikāleti rodanakāle. Susoṇīti sundarasoṇi. Kiṃ nu jagghasīti kena kāraṇena tvaṃ rodituṃ yuttakāle arodamānāva mahāhasitaṃ hasasi. Sobhaneti taṃ pasaṃsanto ālapati.
д̇ам̣ суд̇ваа саа жад̇уд̇т̇ам̣ г̇аат̇амааха –
Taṃ sutvā sā catutthaṃ gāthamāha –
131.
131.
‘‘син̇г̇аала б̣аала д̣̇уммзд̇ха, аббабан̃н̃оси ж̇амб̣уга;
‘‘Siṅgāla bāla dummedha, appapaññosi jambuka;
ж̇ийно мажчан̃жа бзсин̃жа, габан̣о вияа жхааяасий’’д̇и.
Jīno macchañca pesiñca, kapaṇo viya jhāyasī’’ti.
д̇ад̇т̇а ж̇ийнод̇и ж̇ааниббад̇д̇о худ̇ваа. бзсинд̇и мам̣сабзсим̣. габан̣о вияа жхааяасийд̇и сахассабхан̣д̣игам̣ барааж̇ид̇о габан̣о вияа жхааяаси сожаси жинд̇зси.
Tattha jīnoti jānippatto hutvā. Pesinti maṃsapesiṃ. Kapaṇo viya jhāyasīti sahassabhaṇḍikaṃ parājito kapaṇo viya jhāyasi socasi cintesi.
д̇ад̇о син̇г̇аало бан̃жамам̣ г̇аат̇амааха –
Tato siṅgālo pañcamaṃ gāthamāha –
132.
132.
‘‘суд̣̇ассам̣ важ̇ж̇аман̃н̃зсам̣, ад̇д̇ано бана д̣̇уд̣̇д̣̇асам̣;
‘‘Sudassaṃ vajjamaññesaṃ, attano pana duddasaṃ;
ж̇ийнаа бад̇ин̃жа ж̇ааран̃жа, ман̃н̃з д̇ван̃н̃зва жхааяасий’’д̇и.
Jīnā patiñca jārañca, maññe tvaññeva jhāyasī’’ti.
д̇ад̇т̇а д̇ван̃н̃зва жхааяасийд̇и баабад̇хаммз д̣̇уссийлз ахам̣ д̇аава мама г̇ожарам̣ на лабхиссаами, д̇вам̣ бана ад̇рижчад̇ааяа хад̇аа д̇ам̣мухуд̇д̇ад̣̇идтагз жорз бадиб̣ад̣̇д̇хажид̇д̇аа худ̇ваа д̇ан̃жа ж̇аарам̣ гулад̣̇ад̇д̇ияан̃жа бад̇им̣ ж̇ийнаа, мам̣ убаад̣̇ааяа сад̇аг̇ун̣зна сахассаг̇ун̣зна габан̣ад̇араа худ̇ваа жхааяаси род̣̇аси барид̣̇звасийд̇и лаж̇ж̇аабзд̇ваа виббагаарам̣ баабзнд̇о махаасад̇д̇о звамааха.
Tattha tvaññeva jhāyasīti pāpadhamme dussīle ahaṃ tāva mama gocaraṃ na labhissāmi, tvaṃ pana atricchatāya hatā taṃmuhuttadiṭṭhake core paṭibaddhacittā hutvā tañca jāraṃ kuladattiyañca patiṃ jīnā, maṃ upādāya sataguṇena sahassaguṇena kapaṇatarā hutvā jhāyasi rodasi paridevasīti lajjāpetvā vippakāraṃ pāpento mahāsatto evamāha.
саа д̇асса важанам̣ суд̇ваа г̇аат̇амааха –
Sā tassa vacanaṃ sutvā gāthamāha –
133.
133.
‘‘звамзд̇ам̣ миг̇арааж̇а, яат̇аа бхаасаси ж̇амб̣уга;
‘‘Evametaṃ migarāja, yathā bhāsasi jambuka;
саа нуунаахам̣ ид̇о г̇анд̇ваа, бхад̇д̇у хзссам̣ васаануг̇аа’’д̇и.
Sā nūnāhaṃ ito gantvā, bhattu hessaṃ vasānugā’’ti.
д̇ад̇т̇а нуунаад̇и згам̣сад̇т̇з нибаад̇о. саа ахам̣ ид̇о г̇анд̇ваа буна ан̃н̃ам̣ бхад̇д̇аарам̣ лабхид̇ваа згам̣сзнзва д̇асса бхад̇д̇у васаануг̇аа васавад̇д̇иний бхависсаамийд̇и.
Tattha nūnāti ekaṃsatthe nipāto. Sā ahaṃ ito gantvā puna aññaṃ bhattāraṃ labhitvā ekaṃseneva tassa bhattu vasānugā vasavattinī bhavissāmīti.
ат̇ассаа анаажаарааяа д̣̇уссийлааяа важанам̣ суд̇ваа сагго д̣̇зварааж̇аа осаанаг̇аат̇амааха –
Athassā anācārāya dussīlāya vacanaṃ sutvā sakko devarājā osānagāthamāha –
134.
134.
‘‘яо харз мад̇д̇игам̣ т̇аалам̣, гам̣сат̇ааламби со харз;
‘‘Yo hare mattikaṃ thālaṃ, kaṃsathālampi so hare;
гад̇ам̣язва д̇аяаа баабам̣, бунабзвам̣ гариссасий’’д̇и.
Kataṃyeva tayā pāpaṃ, punapevaṃ karissasī’’ti.
д̇ассад̇т̇о – анаажаарз гим̣ гат̇зси, яо мад̇д̇игам̣ т̇аалам̣ харад̇и, суван̣н̣ат̇аалараж̇ад̇ат̇аалаад̣̇иббабхзд̣̇ам̣ гам̣сат̇ааламби со харад̇зва, ид̣̇ан̃жа д̇аяаа баабам̣ гад̇амзва, на саггаа д̇ава сад̣̇д̇хаад̇ум̣, саа д̇вам̣ бунаби звам̣ гариссасиязваад̇и. звам̣ со д̇ам̣ лаж̇ж̇аабзд̇ваа виббагаарам̣ баабзд̇ваа сагадтаанамзва аг̇амааси.
Tassattho – anācāre kiṃ kathesi, yo mattikaṃ thālaṃ harati, suvaṇṇathālarajatathālādippabhedaṃ kaṃsathālampi so harateva, idañca tayā pāpaṃ katameva, na sakkā tava saddhātuṃ, sā tvaṃ punapi evaṃ karissasiyevāti. Evaṃ so taṃ lajjāpetvā vippakāraṃ pāpetvā sakaṭṭhānameva agamāsi.
сад̇т̇аа имам̣ д̇хаммад̣̇зсанам̣ аахарид̇ваа сажжаани багаасзд̇ваа ж̇аад̇агам̣ самод̇хаанзси, сажжабарияосаанз угган̣тид̇абхигку сод̇аабад̇д̇ипалз бад̇идтахи.
Satthā imaṃ dhammadesanaṃ āharitvā saccāni pakāsetvā jātakaṃ samodhānesi, saccapariyosāne ukkaṇṭhitabhikkhu sotāpattiphale patiṭṭhahi.
д̇ад̣̇аа д̇хануг̇г̇ахо угган̣тид̇абхигку ахоси, саа ид̇т̇ий бураан̣ад̣̇уд̇ияигаа, сагго д̣̇зварааж̇аа бана ахамзва ахосинд̇и.
Tadā dhanuggaho ukkaṇṭhitabhikkhu ahosi, sā itthī purāṇadutiyikā, sakko devarājā pana ahameva ahosinti.
жуул̣ад̇хануг̇г̇ахаж̇аад̇агаван̣н̣анаа жад̇уд̇т̇аа.
Cūḷadhanuggahajātakavaṇṇanā catutthā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / ж̇аад̇агабаал̣и • Jātakapāḷi / 374. жуул̣ад̇хануг̇г̇ахаж̇аад̇агам̣ • 374. Cūḷadhanuggahajātakaṃ
