| Library / Tipiṭaka / д̇ибидага • Tipiṭaka / маж̇жхиманигааяа • Majjhimanikāya |
4. жуул̣аг̇обаалагасуд̇д̇ам̣
4. Cūḷagopālakasuttaṃ
350. звам̣ мз суд̇ам̣ – згам̣ самаяам̣ бхаг̇аваа важ̇ж̇ийсу вихарад̇и уггажзлааяам̣ г̇ан̇г̇ааяа над̣̇ияаа д̇ийрз. д̇ад̇ра ко бхаг̇аваа бхигкуу ааманд̇зси – ‘‘бхигкаво’’д̇и. ‘‘бхад̣̇анд̇з’’д̇и д̇з бхигкуу бхаг̇авад̇о бажжассосум̣. бхаг̇аваа зд̇ад̣̇авожа –
350. Evaṃ me sutaṃ – ekaṃ samayaṃ bhagavā vajjīsu viharati ukkacelāyaṃ gaṅgāya nadiyā tīre. Tatra kho bhagavā bhikkhū āmantesi – ‘‘bhikkhavo’’ti. ‘‘Bhadante’’ti te bhikkhū bhagavato paccassosuṃ. Bhagavā etadavoca –
‘‘бхууд̇абуб̣б̣ам̣ , бхигкавз, мааг̇ад̇хаго г̇обаалаго д̣̇уббан̃н̃аж̇аад̇иго, вассаанам̣ бажчимз маасз сарад̣̇асамаяз, асамавзгкид̇ваа г̇ан̇г̇ааяа над̣̇ияаа оримам̣ д̇ийрам̣, асамавзгкид̇ваа бааримам̣ д̇ийрам̣, ад̇ид̇т̇знзва г̇ааво бад̇аарзси уд̇д̇арам̣ д̇ийрам̣ сувид̣̇зхаанам̣. ат̇а ко, бхигкавз, г̇ааво маж̇жхзг̇ан̇г̇ааяа над̣̇ияаа сод̇з ааман̣д̣алияам̣ гарид̇ваа д̇ад̇т̇зва анаяаб̣яасанам̣ аабаж̇ж̇им̣су. д̇ам̣ гисса хзд̇у? д̇ат̇аа хи со, бхигкавз, мааг̇ад̇хаго г̇обаалаго д̣̇уббан̃н̃аж̇аад̇иго, вассаанам̣ бажчимз маасз сарад̣̇асамаяз, асамавзгкид̇ваа г̇ан̇г̇ааяа над̣̇ияаа оримам̣ д̇ийрам̣, асамавзгкид̇ваа бааримам̣ д̇ийрам̣, ад̇ид̇т̇знзва г̇ааво бад̇аарзси уд̇д̇арам̣ д̇ийрам̣ сувид̣̇зхаанам̣. звамзва ко, бхигкавз, яз хи гзжи 1 саман̣аа ваа б̣раахман̣аа ваа агусалаа имасса логасса агусалаа барасса логасса, агусалаа маарад̇хзяяасса агусалаа амаарад̇хзяяасса, агусалаа мажжуд̇хзяяасса агусалаа амажжуд̇хзяяасса, д̇зсам̣ яз сод̇аб̣б̣ам̣ сад̣̇д̣̇ахаад̇аб̣б̣ам̣ ман̃н̃иссанд̇и, д̇зсам̣ д̇ам̣ бхависсад̇и д̣̇ийгхарад̇д̇ам̣ ахид̇ааяа д̣̇угкааяа.
‘‘Bhūtapubbaṃ , bhikkhave, māgadhako gopālako duppaññajātiko, vassānaṃ pacchime māse saradasamaye, asamavekkhitvā gaṅgāya nadiyā orimaṃ tīraṃ, asamavekkhitvā pārimaṃ tīraṃ, atittheneva gāvo patāresi uttaraṃ tīraṃ suvidehānaṃ. Atha kho, bhikkhave, gāvo majjhegaṅgāya nadiyā sote āmaṇḍaliyaṃ karitvā tattheva anayabyasanaṃ āpajjiṃsu. Taṃ kissa hetu? Tathā hi so, bhikkhave, māgadhako gopālako duppaññajātiko, vassānaṃ pacchime māse saradasamaye, asamavekkhitvā gaṅgāya nadiyā orimaṃ tīraṃ, asamavekkhitvā pārimaṃ tīraṃ, atittheneva gāvo patāresi uttaraṃ tīraṃ suvidehānaṃ. Evameva kho, bhikkhave, ye hi keci 2 samaṇā vā brāhmaṇā vā akusalā imassa lokassa akusalā parassa lokassa, akusalā māradheyyassa akusalā amāradheyyassa, akusalā maccudheyyassa akusalā amaccudheyyassa, tesaṃ ye sotabbaṃ saddahātabbaṃ maññissanti, tesaṃ taṃ bhavissati dīgharattaṃ ahitāya dukkhāya.
351. ‘‘бхууд̇абуб̣б̣ам̣, бхигкавз, мааг̇ад̇хаго г̇обаалаго саббан̃н̃аж̇аад̇иго, вассаанам̣ бажчимз маасз сарад̣̇асамаяз, самавзгкид̇ваа г̇ан̇г̇ааяа над̣̇ияаа оримам̣ д̇ийрам̣, самавзгкид̇ваа бааримам̣ д̇ийрам̣, д̇ид̇т̇знзва г̇ааво бад̇аарзси уд̇д̇арам̣ д̇ийрам̣ сувид̣̇зхаанам̣. со батамам̣ бад̇аарзси яз д̇з усабхаа г̇обид̇аро г̇обарин̣ааяагаа. д̇з д̇ирияам̣ г̇ан̇г̇ааяа сод̇ам̣ чзд̇ваа сод̇т̇инаа баарам̣ аг̇амам̣су. ат̇аабарз бад̇аарзси б̣алаваг̇ааво д̣̇аммаг̇ааво. д̇зби д̇ирияам̣ г̇ан̇г̇ааяа сод̇ам̣ чзд̇ваа сод̇т̇инаа баарам̣ аг̇амам̣су. ат̇аабарз бад̇аарзси важчад̇арз важчад̇арияо. д̇зби д̇ирияам̣ г̇ан̇г̇ааяа сод̇ам̣ чзд̇ваа сод̇т̇инаа баарам̣ аг̇амам̣су. ат̇аабарз бад̇аарзси важчагз гисааб̣алагз 3. д̇зби д̇ирияам̣ г̇ан̇г̇ааяа сод̇ам̣ чзд̇ваа сод̇т̇инаа баарам̣ аг̇амам̣су. бхууд̇абуб̣б̣ам̣, бхигкавз, важчаго д̇арун̣аго д̇аавад̣̇зва ж̇аад̇аго маад̇уг̇оравагзна вуяхамаано, соби д̇ирияам̣ г̇ан̇г̇ааяа сод̇ам̣ чзд̇ваа сод̇т̇инаа баарам̣ аг̇амааси. д̇ам̣ гисса хзд̇у? д̇ат̇аа хи со, бхигкавз, мааг̇ад̇хаго г̇обаалаго саббан̃н̃аж̇аад̇иго , вассаанам̣ бажчимз маасз сарад̣̇асамаяз, самавзгкид̇ваа г̇ан̇г̇ааяа над̣̇ияаа оримам̣ д̇ийрам̣, самавзгкид̇ваа бааримам̣ д̇ийрам̣, д̇ид̇т̇знзва г̇ааво бад̇аарзси уд̇д̇арам̣ д̇ийрам̣ сувид̣̇зхаанам̣. звамзва ко, бхигкавз, яз хи гзжи саман̣аа ваа б̣раахман̣аа ваа гусалаа имасса логасса гусалаа барасса логасса, гусалаа маарад̇хзяяасса гусалаа амаарад̇хзяяасса, гусалаа мажжуд̇хзяяасса гусалаа амажжуд̇хзяяасса, д̇зсам̣ яз сод̇аб̣б̣ам̣ сад̣̇д̣̇ахаад̇аб̣б̣ам̣ ман̃н̃иссанд̇и, д̇зсам̣ д̇ам̣ бхависсад̇и д̣̇ийгхарад̇д̇ам̣ хид̇ааяа сукааяа.
351. ‘‘Bhūtapubbaṃ, bhikkhave, māgadhako gopālako sappaññajātiko, vassānaṃ pacchime māse saradasamaye, samavekkhitvā gaṅgāya nadiyā orimaṃ tīraṃ, samavekkhitvā pārimaṃ tīraṃ, tittheneva gāvo patāresi uttaraṃ tīraṃ suvidehānaṃ. So paṭhamaṃ patāresi ye te usabhā gopitaro gopariṇāyakā. Te tiriyaṃ gaṅgāya sotaṃ chetvā sotthinā pāraṃ agamaṃsu. Athāpare patāresi balavagāvo dammagāvo. Tepi tiriyaṃ gaṅgāya sotaṃ chetvā sotthinā pāraṃ agamaṃsu. Athāpare patāresi vacchatare vacchatariyo. Tepi tiriyaṃ gaṅgāya sotaṃ chetvā sotthinā pāraṃ agamaṃsu. Athāpare patāresi vacchake kisābalake 4. Tepi tiriyaṃ gaṅgāya sotaṃ chetvā sotthinā pāraṃ agamaṃsu. Bhūtapubbaṃ, bhikkhave, vacchako taruṇako tāvadeva jātako mātugoravakena vuyhamāno, sopi tiriyaṃ gaṅgāya sotaṃ chetvā sotthinā pāraṃ agamāsi. Taṃ kissa hetu? Tathā hi so, bhikkhave, māgadhako gopālako sappaññajātiko , vassānaṃ pacchime māse saradasamaye, samavekkhitvā gaṅgāya nadiyā orimaṃ tīraṃ, samavekkhitvā pārimaṃ tīraṃ, tittheneva gāvo patāresi uttaraṃ tīraṃ suvidehānaṃ. Evameva kho, bhikkhave, ye hi keci samaṇā vā brāhmaṇā vā kusalā imassa lokassa kusalā parassa lokassa, kusalā māradheyyassa kusalā amāradheyyassa, kusalā maccudheyyassa kusalā amaccudheyyassa, tesaṃ ye sotabbaṃ saddahātabbaṃ maññissanti, tesaṃ taṃ bhavissati dīgharattaṃ hitāya sukhāya.
352. ‘‘сзяяат̇ааби , бхигкавз, яз д̇з усабхаа г̇обид̇аро г̇обарин̣ааяагаа д̇з д̇ирияам̣ г̇ан̇г̇ааяа сод̇ам̣ чзд̇ваа сод̇т̇инаа баарам̣ аг̇амам̣су, звамзва ко, бхигкавз, яз д̇з бхигкуу араханд̇о кийн̣аасаваа вусид̇аванд̇о гад̇агаран̣ийяаа охид̇абхаараа ануббад̇д̇асад̣̇ад̇т̇аа баригкийн̣абхавасам̣яож̇анаа саммад̣̇ан̃н̃аа вимуд̇д̇аа, д̇з д̇ирияам̣ маарасса сод̇ам̣ чзд̇ваа сод̇т̇инаа баарам̣ г̇ад̇аа.
352. ‘‘Seyyathāpi , bhikkhave, ye te usabhā gopitaro gopariṇāyakā te tiriyaṃ gaṅgāya sotaṃ chetvā sotthinā pāraṃ agamaṃsu, evameva kho, bhikkhave, ye te bhikkhū arahanto khīṇāsavā vusitavanto katakaraṇīyā ohitabhārā anuppattasadatthā parikkhīṇabhavasaṃyojanā sammadaññā vimuttā, te tiriyaṃ mārassa sotaṃ chetvā sotthinā pāraṃ gatā.
‘‘сзяяат̇ааби д̇з, бхигкавз, б̣алаваг̇ааво д̣̇аммаг̇ааво д̇ирияам̣ г̇ан̇г̇ааяа сод̇ам̣ чзд̇ваа сод̇т̇инаа баарам̣ аг̇амам̣су, звамзва ко, бхигкавз, яз д̇з бхигкуу бан̃жаннам̣ орамбхааг̇ияаанам̣ сам̣яож̇анаанам̣ баригкаяаа обабаад̇игаа д̇ад̇т̇а бариниб̣б̣ааяино анаавад̇д̇ид̇хаммаа д̇асмаа логаа, д̇зби д̇ирияам̣ маарасса сод̇ам̣ чзд̇ваа сод̇т̇инаа баарам̣ г̇амиссанд̇и.
‘‘Seyyathāpi te, bhikkhave, balavagāvo dammagāvo tiriyaṃ gaṅgāya sotaṃ chetvā sotthinā pāraṃ agamaṃsu, evameva kho, bhikkhave, ye te bhikkhū pañcannaṃ orambhāgiyānaṃ saṃyojanānaṃ parikkhayā opapātikā tattha parinibbāyino anāvattidhammā tasmā lokā, tepi tiriyaṃ mārassa sotaṃ chetvā sotthinā pāraṃ gamissanti.
‘‘сзяяат̇ааби д̇з, бхигкавз, важчад̇араа важчад̇арияо д̇ирияам̣ г̇ан̇г̇ааяа сод̇ам̣ чзд̇ваа сод̇т̇инаа баарам̣ аг̇амам̣су, звамзва ко, бхигкавз, яз д̇з бхигкуу д̇ин̣н̣ам̣ сам̣яож̇анаанам̣ баригкаяаа рааг̇ад̣̇осамохаанам̣ д̇ануд̇д̇аа сагад̣̇ааг̇аамино сагим̣д̣̇зва имам̣ логам̣ ааг̇анд̇ваа д̣̇угкассанд̇ам̣ гариссанд̇и, д̇зби д̇ирияам̣ маарасса сод̇ам̣ чзд̇ваа сод̇т̇инаа баарам̣ г̇амиссанд̇и.
‘‘Seyyathāpi te, bhikkhave, vacchatarā vacchatariyo tiriyaṃ gaṅgāya sotaṃ chetvā sotthinā pāraṃ agamaṃsu, evameva kho, bhikkhave, ye te bhikkhū tiṇṇaṃ saṃyojanānaṃ parikkhayā rāgadosamohānaṃ tanuttā sakadāgāmino sakiṃdeva imaṃ lokaṃ āgantvā dukkhassantaṃ karissanti, tepi tiriyaṃ mārassa sotaṃ chetvā sotthinā pāraṃ gamissanti.
‘‘сзяяат̇ааби д̇з, бхигкавз, важчагаа гисааб̣алагаа д̇ирияам̣ г̇ан̇г̇ааяа сод̇ам̣ чзд̇ваа сод̇т̇инаа баарам̣ аг̇амам̣су, звамзва ко, бхигкавз, яз д̇з бхигкуу д̇ин̣н̣ам̣ сам̣яож̇анаанам̣ баригкаяаа сод̇аабаннаа авинибаад̇ад̇хаммаа нияад̇аа самб̣од̇хибарааяанаа, д̇зби д̇ирияам̣ маарасса сод̇ам̣ чзд̇ваа сод̇т̇инаа баарам̣ г̇амиссанд̇и.
‘‘Seyyathāpi te, bhikkhave, vacchakā kisābalakā tiriyaṃ gaṅgāya sotaṃ chetvā sotthinā pāraṃ agamaṃsu, evameva kho, bhikkhave, ye te bhikkhū tiṇṇaṃ saṃyojanānaṃ parikkhayā sotāpannā avinipātadhammā niyatā sambodhiparāyanā, tepi tiriyaṃ mārassa sotaṃ chetvā sotthinā pāraṃ gamissanti.
‘‘сзяяат̇ааби со, бхигкавз, важчаго д̇арун̣аго д̇аавад̣̇зва ж̇аад̇аго маад̇уг̇оравагзна вуяхамаано д̇ирияам̣ г̇ан̇г̇ааяа сод̇ам̣ чзд̇ваа сод̇т̇инаа баарам̣ аг̇амааси, звамзва ко, бхигкавз, яз д̇з бхигкуу д̇хаммаанусаарино сад̣̇д̇хаанусаарино, д̇зби д̇ирияам̣ маарасса сод̇ам̣ чзд̇ваа сод̇т̇инаа баарам̣ г̇амиссанд̇и.
‘‘Seyyathāpi so, bhikkhave, vacchako taruṇako tāvadeva jātako mātugoravakena vuyhamāno tiriyaṃ gaṅgāya sotaṃ chetvā sotthinā pāraṃ agamāsi, evameva kho, bhikkhave, ye te bhikkhū dhammānusārino saddhānusārino, tepi tiriyaṃ mārassa sotaṃ chetvā sotthinā pāraṃ gamissanti.
‘‘ахам̣ ко бана, бхигкавз, гусало имасса логасса гусало барасса логасса, гусало маарад̇хзяяасса гусало амаарад̇хзяяасса, гусало мажжуд̇хзяяасса гусало амажжуд̇хзяяасса. д̇асса маяхам̣, бхигкавз, яз сод̇аб̣б̣ам̣ сад̣̇д̣̇ахаад̇аб̣б̣ам̣ ман̃н̃иссанд̇и, д̇зсам̣ д̇ам̣ бхависсад̇и д̣̇ийгхарад̇д̇ам̣ хид̇ааяа сукааяаа’’д̇и.
‘‘Ahaṃ kho pana, bhikkhave, kusalo imassa lokassa kusalo parassa lokassa, kusalo māradheyyassa kusalo amāradheyyassa, kusalo maccudheyyassa kusalo amaccudheyyassa. Tassa mayhaṃ, bhikkhave, ye sotabbaṃ saddahātabbaṃ maññissanti, tesaṃ taṃ bhavissati dīgharattaṃ hitāya sukhāyā’’ti.
ид̣̇амавожа бхаг̇аваа. ид̣̇ам̣ вад̇ваа суг̇ад̇о ат̇аабарам̣ зд̇ад̣̇авожа сад̇т̇аа –
Idamavoca bhagavā. Idaṃ vatvā sugato athāparaṃ etadavoca satthā –
‘‘аяам̣ лого баро лого, ж̇аанад̇аа суббагаасид̇о;
‘‘Ayaṃ loko paro loko, jānatā suppakāsito;
яан̃жа маарзна самбад̇д̇ам̣, аббад̇д̇ам̣ яан̃жа мажжунаа.
Yañca mārena sampattaṃ, appattaṃ yañca maccunā.
‘‘саб̣б̣ам̣ логам̣ абхин̃н̃ааяа, самб̣уд̣̇д̇хзна баж̇аанад̇аа;
‘‘Sabbaṃ lokaṃ abhiññāya, sambuddhena pajānatā;
вивадам̣ амад̇ад̣̇ваарам̣, кзмам̣ ниб̣б̣аанабад̇д̇ияаа.
Vivaṭaṃ amatadvāraṃ, khemaṃ nibbānapattiyā.
‘‘чиннам̣ баабимад̇о сод̇ам̣, вид̣̇д̇хасд̇ам̣ винал̣ийгад̇ам̣;
‘‘Chinnaṃ pāpimato sotaṃ, viddhastaṃ vinaḷīkataṃ;
баамож̇ж̇аб̣ахулаа хот̇а, кзмам̣ бад̇д̇ад̇т̇а 5 бхигкаво’’д̇и.
Pāmojjabahulā hotha, khemaṃ pattattha 6 bhikkhavo’’ti.
жуул̣аг̇обаалагасуд̇д̇ам̣ нидтид̇ам̣ жад̇уд̇т̇ам̣.
Cūḷagopālakasuttaṃ niṭṭhitaṃ catutthaṃ.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / маж̇жхиманигааяа (адтагат̇аа) • Majjhimanikāya (aṭṭhakathā) / 4. жуул̣аг̇обаалагасуд̇д̇аван̣н̣анаа • 4. Cūḷagopālakasuttavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / маж̇жхиманигааяа (дийгаа) • Majjhimanikāya (ṭīkā) / 4. жуул̣аг̇обаалагасуд̇д̇аван̣н̣анаа • 4. Cūḷagopālakasuttavaṇṇanā
