Library / Tipiṭaka / д̇ибидага • Tipiṭaka / маж̇жхиманигааяа (дийгаа) • Majjhimanikāya (ṭīkā)

    7. жуул̣ахад̇т̇ибад̣̇обамасуд̇д̇аван̣н̣анаа

    7. Cūḷahatthipadopamasuttavaṇṇanā

    288. сзд̇абариваарод̇и сзд̇абадижчад̣̇о, сзд̇аван̣н̣аалан̇гаарод̇и ад̇т̇о. буб̣б̣з бана ‘‘сзд̇аалан̇гаараа’’д̇и ассаалан̇гааро г̇ахид̇о, ид̇ха жаггабан̃ж̇арагуб̣б̣араад̣̇ират̇ааваяавзсу гаад̇аб̣б̣аалан̇гааро. звам̣ вуд̇д̇знаад̇и звам̣ ‘‘сзд̇ааяа суд̣̇а’’нд̇иаад̣̇инаа багаарзна сам̣яуд̇д̇амахааваг̇г̇з (сам̣. ни. 5.4) вуд̇д̇зна. наад̇имахаа яуд̣̇д̇хаман̣д̣алз сан̃жаарасукад̇т̇ам̣. яод̇хо саарат̇ийд̇и д̣̇виннам̣, бахаран̣ад̣̇ааяагзна сад̣̇д̇хим̣ д̇ин̣н̣ам̣ ваа.

    288.Setaparivāroti setapaṭicchado, setavaṇṇālaṅkāroti attho. Pubbe pana ‘‘setālaṅkārā’’ti assālaṅkāro gahito, idha cakkapañjarakubbarādirathāvayavesu kātabbālaṅkāro. Evaṃ vuttenāti evaṃ ‘‘setāya suda’’ntiādinā pakārena saṃyuttamahāvagge (saṃ. ni. 5.4) vuttena. Nātimahā yuddhamaṇḍale sañcārasukhatthaṃ. Yodho sārathīti dvinnaṃ, paharaṇadāyakena saddhiṃ tiṇṇaṃ vā.

    наг̇арам̣ бад̣̇агкин̣ам̣ гарод̇и наг̇арасобханад̇т̇ам̣. ид̣̇ам̣ гира д̇асса б̣раахман̣асса ж̇аан̣уссон̣идтаананд̇арам̣ ж̇аад̇исид̣̇д̇хам̣ барамбарааг̇ад̇ам̣ жаарид̇д̇ам̣. д̇знааха ‘‘ид̇о зд̇д̇агзхи д̣̇ивасзхий’’д̇иаад̣̇и. жаарид̇д̇авасзна наг̇араваасиноби д̇ат̇аа д̇ат̇аа бадибаж̇ж̇анд̇и. бун̃н̃аваад̣̇иман̇г̇алагат̇анз нияуд̇д̇аа маан̇г̇алигаа. сувад̇т̇ибад̇д̇анааяа совад̇т̇игаа. аад̣̇и-сад̣̇д̣̇зна ванд̣̇ийаад̣̇ийнам̣ сан̇г̇ахо. яасасирисамбад̇д̇ияаад̇и яасасамбад̇д̇ияаа сирисамбад̇д̇ияаа жа, бариваарасамбад̇д̇ияаа жзва вибхавасобхаасамбад̇д̇ияаа жаад̇и ад̇т̇о.

    Nagaraṃ padakkhiṇaṃ karoti nagarasobhanatthaṃ. Idaṃ kira tassa brāhmaṇassa jāṇussoṇiṭṭhānantaraṃ jātisiddhaṃ paramparāgataṃ cārittaṃ. Tenāha ‘‘ito ettakehi divasehī’’tiādi. Cārittavasena nagaravāsinopi tathā tathā paṭipajjanti. Puññavādimaṅgalakathane niyuttā māṅgalikā. Suvatthipattanāya sovatthikā. Ādi-saddena vandīādīnaṃ saṅgaho. Yasasirisampattiyāti yasasampattiyā sirisampattiyā ca, parivārasampattiyā ceva vibhavasobhāsampattiyā cāti attho.

    наг̇араабхимуко бааяааси ад̇д̇ано бхигкаажааравзлааяа. бан̣д̣ид̇о ман̃н̃зд̇и зд̇т̇а ман̃н̃зд̇и ид̣̇ам̣ ‘‘ман̃н̃ад̇ий’’д̇и иминаа самаанад̇т̇ам̣ нибаад̇абад̣̇ам̣. д̇асса ид̇и-сад̣̇д̣̇ам̣ аанзд̇ваа ад̇т̇ам̣ д̣̇ассзнд̇о ‘‘бан̣д̣ид̇од̇и ман̃н̃ад̇ий’’д̇и ааха. анумад̇ибужчаавасзна жзд̇ам̣ вуд̇д̇ам̣. д̇знзвааха ‘‘уд̣̇ааху но’’д̇и. ‘‘д̇ам̣ гим̣ ман̃н̃ад̇и бхавам̣ важчааяано саман̣асса г̇од̇амасса бан̃н̃аавзяяад̇д̇ияа’’нд̇и хи вуд̇д̇амзвад̇т̇ам̣ буна г̇ан̣ханд̇о ‘‘бан̣д̣ид̇о ман̃н̃з’’д̇и ааха. д̇асмаа вуд̇д̇ам̣ ‘‘бхавам̣ важчааяано, саман̣ам̣ г̇од̇амам̣ бан̣д̣ид̇од̇и ман̃н̃ад̇и, уд̣̇ааху но’’д̇и, яат̇аа д̇з камзяяа, д̇ат̇аа нам̣ гат̇зхийд̇и ад̇хиббааяо.

    Nagarābhimukhopāyāsi attano bhikkhācāravelāya. Paṇḍito maññeti ettha maññeti idaṃ ‘‘maññatī’’ti iminā samānatthaṃ nipātapadaṃ. Tassa iti-saddaṃ ānetvā atthaṃ dassento ‘‘paṇḍitoti maññatī’’ti āha. Anumatipucchāvasena cetaṃ vuttaṃ. Tenevāha ‘‘udāhu no’’ti. ‘‘Taṃ kiṃ maññati bhavaṃ vacchāyano samaṇassa gotamassa paññāveyyattiya’’nti hi vuttamevatthaṃ puna gaṇhanto ‘‘paṇḍito maññe’’ti āha. Tasmā vuttaṃ ‘‘bhavaṃ vacchāyano, samaṇaṃ gotamaṃ paṇḍitoti maññati, udāhu no’’ti, yathā te khameyya, tathā naṃ kathehīti adhippāyo.

    ахам̣ го наама, мама ависаяо зсод̇и д̣̇ассзд̇и. го жаад̇и хзд̇униссаггз бажжад̇д̇аважананд̇и ааха ‘‘гуд̇о жаа’’д̇и. д̇ат̇аа жааха ‘‘гзна гааран̣зна ж̇ааниссаамий’’д̇и, язна гааран̣зна саман̣асса г̇од̇амасса бан̃н̃аавзяяад̇д̇ияам̣ ж̇аанзяяам̣, д̇ам̣ гааран̣ам̣ маяи над̇т̇ийд̇и ад̇хиббааяо. б̣уд̣̇д̇хоязва бхавзяяа, аб̣уд̣̇д̇хасса саб̣б̣ат̇аа б̣уд̣̇д̇хан̃аан̣аанубхаавам̣ ж̇аанид̇ум̣ на саггаад̇и. вуд̇д̇ан̃хзд̇ам̣ – ‘‘аббамад̇д̇агам̣ ко банзд̇ам̣, бхигкавз, орамад̇д̇агам̣ сийламад̇д̇агам̣, язна бут̇уж̇ж̇ано д̇ат̇ааг̇ад̇асса ван̣н̣ам̣ вад̣̇амаано вад̣̇зяяа (д̣̇ий. ни. 1.7), ад̇т̇и, бхигкавз, ан̃н̃зва д̇хаммаа г̇амбхийраа д̣̇уд̣̇д̣̇асаа д̣̇урануб̣од̇хаа …бз… язхи д̇ат̇ааг̇ад̇асса яат̇аабхужжам̣ ван̣н̣ам̣ саммаа вад̣̇амаано вад̣̇зяяаа’’д̇и (д̣̇ий. ни. 1.28) жа. зд̇т̇аад̇и ‘‘соби нуунасса д̇аад̣̇исоваа’’д̇и зд̇асмим̣ бад̣̇з. басад̇т̇а басад̇т̇од̇и басад̇т̇зхи ад̇д̇ано г̇ун̣зхзва со басад̇т̇о, на д̇асса гид̇д̇инаа, басам̣саасабхаавзнзва баасам̣сод̇и ад̇т̇о. д̇знааха ‘‘саб̣б̣аг̇ун̣аана’’нд̇иаад̣̇и. ман̣ирад̇ананд̇и жаггавад̇д̇ино ман̣ирад̇анам̣. сад̣̇звагз логз баасам̣саанамби баасам̣сод̇и д̣̇ассзд̇ум̣ ‘‘басад̇т̇зхи ваа’’д̇и д̣̇уд̇ияавигаббо г̇ахид̇о.

    Ahaṃ ko nāma, mama avisayo esoti dasseti. Ko cāti hetunissakke paccattavacananti āha ‘‘kuto cā’’ti. Tathā cāha ‘‘kena kāraṇena jānissāmī’’ti, yena kāraṇena samaṇassa gotamassa paññāveyyattiyaṃ jāneyyaṃ, taṃ kāraṇaṃ mayi natthīti adhippāyo. Buddhoyeva bhaveyya, abuddhassa sabbathā buddhañāṇānubhāvaṃ jānituṃ na sakkāti. Vuttañhetaṃ – ‘‘appamattakaṃ kho panetaṃ, bhikkhave, oramattakaṃ sīlamattakaṃ, yena puthujjano tathāgatassa vaṇṇaṃ vadamāno vadeyya (dī. ni. 1.7), atthi, bhikkhave, aññeva dhammā gambhīrā duddasā duranubodhā …pe… yehi tathāgatassa yathābhuccaṃ vaṇṇaṃ sammā vadamāno vadeyyā’’ti (dī. ni. 1.28) ca. Etthāti ‘‘sopi nūnassa tādisovā’’ti etasmiṃ pade. Pasattha pasatthoti pasatthehi attano guṇeheva so pasattho, na tassa kittinā, pasaṃsāsabhāveneva pāsaṃsoti attho. Tenāha ‘‘sabbaguṇāna’’ntiādi. Maṇiratananti cakkavattino maṇiratanaṃ. Sadevake loke pāsaṃsānampi pāsaṃsoti dassetuṃ ‘‘pasatthehi vā’’ti dutiyavikappo gahito.

    аран̣ийяад̇о ад̇т̇о, со зва васад̇ийд̇и васод̇и ад̇т̇авасо, д̇асса д̇асса баяог̇асса аанисам̣сабхууд̇ам̣ паланд̇и ааха ‘‘ад̇т̇авасанд̇и ад̇т̇аанисам̣са’’нд̇и. ад̇т̇о ваа вуд̇д̇алагкан̣о васо зд̇ассаад̇и ад̇т̇авасо, гааран̣ам̣. нааг̇аванаваасигод̇и хад̇т̇инааг̇аанам̣ вижаран̣аванз д̇зсам̣ г̇ахан̣ад̇т̇ам̣ васанаго. ануг̇г̇ахид̇асиббод̇и асигкид̇ахад̇т̇исиббо ааяад̇авид̇т̇ад̇асса бад̣̇амад̇д̇асса д̣̇ассанзна ‘‘махаа вад̇а, бхо нааг̇о’’д̇и нидтааг̇аманад̇о. барад̇о бана бхаг̇авад̇аа вуд̇д̇адтаанз. уг̇г̇ахид̇асиббо бурисо нааг̇аванигод̇и ааг̇ад̇о ааяад̇авид̇т̇ад̇асса бад̣̇асса ужжасса жа нисзвид̇асса б̣яабхижаарабхаавам̣ н̃ад̇ваа д̇ад̇д̇агзна нидтам̣ аг̇анд̇ваа махаахад̇т̇им̣ д̣̇исваава нидтааг̇аманад̇о. н̃аан̣ам̣ баж̇ж̇ад̇и зд̇т̇аад̇и н̃аан̣абад̣̇аани, кад̇д̇ияабан̣д̣ид̇аад̣̇ийнам̣ д̇хаммавинаяз винийд̇ад̇д̇аа винаязхи ад̇хиг̇ад̇аж̇жхаанаад̣̇ийни. д̇аани хи д̇ат̇ааг̇ад̇аг̇анд̇хахад̇т̇ино д̣̇зсанаан̃аан̣зна агганд̇адтаанаани. жад̇д̇аарийд̇и бана винзяяаанам̣ ид̇ха кад̇д̇ияабан̣д̣ид̇аад̣̇ивасзна жад̇уб̣б̣ид̇хаанам̣язва г̇ахид̇ад̇д̇аа.

    Araṇīyato attho, so eva vasatīti vasoti atthavaso, tassa tassa payogassa ānisaṃsabhūtaṃ phalanti āha ‘‘atthavasanti atthānisaṃsa’’nti. Attho vā vuttalakkhaṇo vaso etassāti atthavaso, kāraṇaṃ. Nāgavanavāsikoti hatthināgānaṃ vicaraṇavane tesaṃ gahaṇatthaṃ vasanako. Anuggahitasippoti asikkhitahatthisippo āyatavitthatassa padamattassa dassanena ‘‘mahā vata, bho nāgo’’ti niṭṭhāgamanato. Parato pana bhagavatā vuttaṭṭhāne. Uggahitasippo puriso nāgavanikoti āgato āyatavitthatassa padassa uccassa ca nisevitassa byabhicārabhāvaṃ ñatvā tattakena niṭṭhaṃ agantvā mahāhatthiṃ disvāva niṭṭhāgamanato. Ñāṇaṃ pajjati etthāti ñāṇapadāni, khattiyapaṇḍitādīnaṃ dhammavinaye vinītattā vinayehi adhigatajjhānādīni. Tāni hi tathāgatagandhahatthino desanāñāṇena akkantaṭṭhānāni. Cattārīti pana vineyyānaṃ idha khattiyapaṇḍitādivasena catubbidhānaṃyeva gahitattā.

    289. буг̇г̇алзсу бан̃н̃ааяа жа нибун̣ад̇аа бан̣д̣ид̇асаман̃н̃аа нибун̣ад̇т̇асса д̣̇ассанасамад̇т̇ад̇аавасзнзваад̇и ааха ‘‘сукумаад̇т̇анд̇арабадивиж̇жханасамад̇т̇з’’д̇и. гад̇а-сад̣̇д̣̇о ид̇ха нибпаннабарияааяо. барз бавад̣̇анд̇и зд̇т̇а, зд̇знаад̇и бараббаваад̣̇о, барасамаяо. барзхи бавад̣̇анам̣ бараббаваад̣̇о, виг̇г̇аахигагат̇ааяа бараваад̣̇амад̣̇д̣̇анам̣. д̇ад̣̇убхаяамби згад̇о гад̇ваа баал̣ияам̣ вуд̇д̇анд̇и ааха ‘‘вин̃н̃аад̇абараббаваад̣̇з жзва барзхи сад̣̇д̇хим̣ гад̇аваад̣̇абарижаяз жаа’’д̇и, барасамаязсу бараваад̣̇амад̣̇д̣̇анзсу жа нибпаннзд̇и ад̇т̇о. ваалавзд̇хируубзд̇и ваалавзд̇хибад̇ируубз. д̇знааха ‘‘ваалавзд̇хид̇хануг̇г̇ахасад̣̇исз’’д̇и. вааланд̇и анзгад̇хаа бхиннасса вааласса ам̣сусан̇каад̇ам̣ ваалам̣. бхинд̣̇анд̇аа вияаад̇и гхадаад̣̇им̣ савиг̇г̇ахам̣ муг̇г̇араад̣̇инаа бхинд̣̇анд̇аа вияа, д̣̇идтиг̇ад̇аани згам̣сад̇о бхинд̣̇анд̇аад̇и ад̇хиббааяо. ‘‘ад̇т̇ам̣ г̇уяхам̣ бадижчаннам̣ гад̇ваа бужчиссаамаа’’д̇и сан̇кад̇ам̣ бад̣̇абан̃хам̣ бужчанд̇ийд̇и д̣̇ассзд̇ум̣ ‘‘д̣̇убад̣̇амбий’’д̇иаад̣̇и вуд̇д̇ам̣. вад̣̇анд̇и зд̇знаад̇и ваад̣̇о, д̣̇осо. бужчийяад̇ийд̇и бан̃хо, ад̇т̇о. бужчад̇и зд̇знаад̇и бан̃хо, сад̣̇д̣̇о. д̇ад̣̇убхаяам̣ згад̇о г̇ахзд̇ваа ааха ‘‘зваруубз бан̃хз’’д̇иаад̣̇и. ‘‘звам̣ бужчзяяа, звам̣ виссаж̇ж̇зяяаа’’д̇и жа бужчаависсаж̇ж̇анаанам̣ сикааваг̇аманам̣ д̣̇ассзд̇и. сзяяод̇и уд̇д̇амо, барамо лаабход̇и ад̇хиббааяо.

    289. Puggalesu paññāya ca nipuṇatā paṇḍitasamaññā nipuṇatthassa dassanasamatthatāvasenevāti āha ‘‘sukhumaatthantarapaṭivijjhanasamatthe’’ti. Kata-saddo idha nipphannapariyāyo. Pare pavadanti ettha, etenāti parappavādo, parasamayo. Parehi pavadanaṃ parappavādo, viggāhikakathāya paravādamaddanaṃ. Tadubhayampi ekato katvā pāḷiyaṃ vuttanti āha ‘‘viññātaparappavāde ceva parehi saddhiṃ katavādaparicaye cā’’ti, parasamayesu paravādamaddanesu ca nipphanneti attho. Vālavedhirūpeti vālavedhipatirūpe. Tenāha ‘‘vālavedhidhanuggahasadise’’ti. Vālanti anekadhā bhinnassa vālassa aṃsusaṅkhātaṃ vālaṃ. Bhindantā viyāti ghaṭādiṃ saviggahaṃ muggarādinā bhindantā viya, diṭṭhigatāni ekaṃsato bhindantāti adhippāyo. ‘‘Atthaṃ guyhaṃ paṭicchannaṃ katvā pucchissāmā’’ti saṅkhataṃ padapañhaṃ pucchantīti dassetuṃ ‘‘dupadampī’’tiādi vuttaṃ. Vadanti etenāti vādo, doso. Pucchīyatīti pañho, attho. Pucchati etenāti pañho, saddo. Tadubhayaṃ ekato gahetvā āha ‘‘evarūpe pañhe’’tiādi. ‘‘Evaṃ puccheyya, evaṃ vissajjeyyā’’ti ca pucchāvissajjanānaṃ sikhāvagamanaṃ dasseti. Seyyoti uttamo, paramo lābhoti adhippāyo.

    звам̣ ад̇д̇ано ваад̣̇авид̇хаманабхаязнаби барз бхаг̇аванд̇ам̣ бан̃хам̣ бужчид̇ум̣ на висаханд̇ийд̇и вад̇ваа ид̣̇аани ваад̣̇авид̇хаманзна винааби на висаханд̇и зваад̇и д̣̇ассзд̇ум̣ ‘‘абижаа’’д̇иаад̣̇и аарад̣̇д̇хам̣. жид̇д̇ам̣ басийд̣̇ад̇и барз ад̇д̇ано ад̇д̇абхаавамби виссад̇т̇ам̣ нияяаад̣̇зд̇угаамаа хонд̇и од̇хисагамзд̇д̇аапаран̣асад̣̇исад̇д̇аа д̇асса мзд̇д̇ааяанасса. д̣̇ассанасамбаннаад̇и д̣̇адтаб̣б̣ад̇ааяа самбаннаа д̣̇ассанаануд̇д̇арияабхаавад̇о, ад̇ивияа д̣̇ассанийяаад̇и ад̇т̇о.

    Evaṃ attano vādavidhamanabhayenapi pare bhagavantaṃ pañhaṃ pucchituṃ na visahantīti vatvā idāni vādavidhamanena vināpi na visahanti evāti dassetuṃ ‘‘apicā’’tiādi āraddhaṃ. Cittaṃ pasīdati pare attano attabhāvampi vissatthaṃ niyyādetukāmā honti odhisakamettāpharaṇasadisattā tassa mettāyanassa. Dassanasampannāti daṭṭhabbatāya sampannā dassanānuttariyabhāvato, ativiya dassanīyāti attho.

    саран̣аг̇аманавасзна саавагаад̇и логияасаран̣аг̇аманзна саавагаа, логуд̇д̇арасаран̣аг̇аманзна бана саавагад̇д̇ам̣ барад̇о ааг̇амиссад̇и, д̇ан̃жа баб̣б̣аж̇ид̇авасзна вужжад̇и, ид̇ха г̇ахадтавасзна, убхаяад̇т̇ааби саран̣аг̇аманзна саавагад̇д̇ам̣ взд̣̇ид̇аб̣б̣ам̣. д̇з хи баралогаваж̇ж̇абхаяад̣̇ассаавино гулабуд̇д̇аа, аажаарагулабуд̇д̇ааби д̇аад̣̇исаа бхаванд̇и. т̇огзнаад̇и иминаа ‘‘манам̣ анассаамаа’’д̇и бад̣̇ассад̇т̇ам̣ вад̣̇ад̇и.

    Saraṇagamanavasenasāvakāti lokiyasaraṇagamanena sāvakā, lokuttarasaraṇagamanena pana sāvakattaṃ parato āgamissati, tañca pabbajitavasena vuccati, idha gahaṭṭhavasena, ubhayatthāpi saraṇagamanena sāvakattaṃ veditabbaṃ. Te hi paralokavajjabhayadassāvino kulaputtā, ācārakulaputtāpi tādisā bhavanti. Thokenāti iminā ‘‘manaṃ anassāmā’’ti padassatthaṃ vadati.

    290. уд̣̇аахарийяад̇и уб̣б̣зг̇абийд̇ивасзнаад̇и, д̇ат̇аа ваа уд̣̇аахаран̣ам̣ уд̣̇аанам̣. д̇знааха ‘‘уд̣̇аахаарам̣ уд̣̇аахарий’’д̇и. асса д̇хаммассаад̇и асса бадибад̇д̇исад̣̇д̇хаммабуб̣б̣агасса бадивзд̇хасад̣̇д̇хаммасса. сод̇и хад̇т̇ибад̣̇обамо хад̇т̇ибад̣̇обамабхаавзна вужжамаано д̇хаммо. зд̇д̇аавад̇аад̇и зд̇д̇агзна бариб̣б̣ааж̇агзна вуд̇д̇агат̇аамаг̇г̇амад̇д̇зна. гаамам̣ д̇зна вуд̇д̇агат̇аамаг̇г̇знаби хад̇т̇ибад̣̇обамабхаавзна вужжамаано д̇хаммо барибун̣н̣ова арахад̇д̇ам̣ баабзд̇ваа бавзд̣̇ид̇ад̇д̇аа, со жа ко сан̇кзбад̇о, на вид̇т̇аарад̇од̇и ааха ‘‘на зд̇д̇аавад̇аа вид̇т̇аарзна барибууро ход̇ий’’д̇и. яад̣̇и яат̇аа вид̇т̇аарзна хад̇т̇ибад̣̇обамо барибууро ход̇и, д̇ат̇аа д̣̇зсанаа аарад̣̇д̇хаа, ат̇а гасмаа гусалод̇и на вуд̇д̇од̇и жод̣̇анаа.

    290. Udāharīyati ubbegapītivasenāti, tathā vā udāharaṇaṃ udānaṃ. Tenāha ‘‘udāhāraṃ udāharī’’ti. Assa dhammassāti assa paṭipattisaddhammapubbakassa paṭivedhasaddhammassa. Soti hatthipadopamo hatthipadopamabhāvena vuccamāno dhammo. Ettāvatāti ettakena paribbājakena vuttakathāmaggamattena. Kāmaṃ tena vuttakathāmaggenapi hatthipadopamabhāvena vuccamāno dhammo paripuṇṇova arahattaṃ pāpetvā paveditattā, so ca kho saṅkhepato, na vitthāratoti āha ‘‘na ettāvatā vitthārena paripūro hotī’’ti. Yadi yathā vitthārena hatthipadopamo paripūro hoti, tathā desanā āraddhā, atha kasmā kusaloti na vuttoti codanā.

    291. ааяаамад̇обийд̇и би-сад̣̇д̣̇зна уб̣б̣зд̇хзнаби рассаад̇и д̣̇ассзд̇и. нийжагааяаа хи д̇аа хонд̇и. ужжаад̇и ужжагаа. нисзванам̣, нисзвад̇и зд̇т̇аад̇и ваа нисзвид̇ам̣. нисзванан̃жзд̇т̇а ган̣д̣уяид̇авинод̣̇анад̇т̇ам̣ гхам̣санам̣. д̇знааха ‘‘канд̇хаббад̣̇зсз гхам̣сид̇адтаана’’нд̇и. ужжаад̇и анийжаа, уб̣б̣зд̇хаванд̇ияод̇и ад̇т̇о. гаал̣ааригаад̇и вирал̣ад̣̇анд̇аа, висан̇г̇ад̇ад̣̇анд̇аад̇и ад̇т̇о. д̇знааха ‘‘д̣̇анд̇аана’’нд̇иаад̣̇и. гал̣аарад̇ааяаад̇и вирал̣ад̇ааяа. ааран̃ж̇ид̇аанийд̇и ран̃ж̇ид̇аани, виликид̇аанийд̇и ад̇т̇о. ган̣зруд̇ааяаад̇и гудумаласан̣таанад̇ааяа. аяам̣ ваад̇и зд̇т̇а ваа-сад̣̇д̣̇о сам̣саяид̇анижчаяад̇т̇о яат̇аа ан̃н̃ад̇т̇ааби ‘‘аяам̣ ваа имзсам̣ саман̣аб̣раахман̣аанам̣ саб̣б̣аб̣аало саб̣б̣амуул̣хо’’д̇иаад̣̇ийсу (д̣̇ий. ни. 1.181).

    291.Āyāmatopīti pi-saddena ubbedhenapi rassāti dasseti. Nīcakāyā hi tā honti. Uccāti uccakā. Nisevanaṃ, nisevati etthāti vā nisevitaṃ. Nisevanañcettha kaṇḍuyitavinodanatthaṃ ghaṃsanaṃ. Tenāha ‘‘khandhappadese ghaṃsitaṭṭhāna’’nti. Uccāti anīcā, ubbedhavantiyoti attho. Kāḷārikāti viraḷadantā, visaṅgatadantāti attho. Tenāha ‘‘dantāna’’ntiādi. Kaḷāratāyāti viraḷatāya. Ārañjitānīti rañjitāni, vilikhitānīti attho. Kaṇerutāyāti kuṭumalasaṇṭhānatāya. Ayaṃ vāti ettha vā-saddo saṃsayitanicchayattho yathā aññatthāpi ‘‘ayaṃ vā imesaṃ samaṇabrāhmaṇānaṃ sabbabālo sabbamūḷho’’tiādīsu (dī. ni. 1.181).

    нааг̇аванам̣ вияаад̇и махаахад̇т̇ино вааманигаад̣̇ийнан̃жа бад̣̇ад̣̇ассанадтаанабхууд̇ам̣ нааг̇аванам̣ вияа. аад̣̇ид̇о бадтааяа яаава нийваран̣аббахаанаа д̇хаммад̣̇зсанаа д̇ат̇ааг̇ад̇асса б̣аахирабариб̣б̣ааж̇агаад̣̇ийнан̃жа бад̣̇ад̣̇ассанабхаавад̇о. аад̣̇ид̇о бадтааяаад̇и жа ‘‘д̇ам̣ сун̣аахий’’д̇и бад̣̇ад̇о бадтааяа. гусало нааг̇аваниго вияа яог̇ааважаро бариязсанавасзна бамаан̣аг̇г̇ахан̣ад̇о. мад̇т̇агз тад̇ваад̇и имасса суд̇д̇асса барияосаанз тад̇ваа. имасмимби таанзд̇и ‘‘звамзва ко б̣раахман̣аа’’д̇иаад̣̇инаа убамзяяасса ад̇т̇асса убан̃н̃аасанадтаанзби.

    Nāgavanaṃviyāti mahāhatthino vāmanikādīnañca padadassanaṭṭhānabhūtaṃ nāgavanaṃ viya. Ādito paṭṭhāya yāva nīvaraṇappahānā dhammadesanā tathāgatassa bāhiraparibbājakādīnañca padadassanabhāvato. Ādito paṭṭhāyāti ca ‘‘taṃ suṇāhī’’ti padato paṭṭhāya. Kusalo nāgavaniko viya yogāvacaro pariyesanavasena pamāṇaggahaṇato. Matthake ṭhatvāti imassa suttassa pariyosāne ṭhatvā. Imasmimpi ṭhāneti ‘‘evameva kho brāhmaṇā’’tiādinā upameyyassa atthassa upaññāsanaṭṭhānepi.

    свааяанд̇и (д̣̇ий. ни. дий. 1.190) ид̇ха-сад̣̇д̣̇амад̇д̇ам̣ г̇ан̣хаад̇и, на яат̇аависзсид̇аб̣б̣ам̣ ид̇ха-сад̣̇д̣̇ам̣. д̇ат̇аа хи вагкад̇и ‘‘гад̇т̇ажи бад̣̇абууран̣амад̇д̇амзваа’’д̇и. логам̣ убаад̣̇ааяа вужжад̇и лога-сад̣̇д̣̇зна самаанаад̇хигаран̣абхаавзна вуд̇д̇ад̇д̇аа. сзсабад̣̇ад̣̇ваяз бана сад̣̇д̣̇анд̇арасаннид̇хаанамад̇д̇зна д̇ам̣ д̇ам̣ убаад̣̇ааяа вуд̇д̇ад̇аа д̣̇адтаб̣б̣аа. огаасанд̇и ган̃жи бад̣̇зсам̣ инд̣̇асаалаг̇ухааяа ад̇хиббзд̇ад̇д̇аа. бад̣̇абууран̣амад̇д̇амзва огаасаабад̣̇исанассаби асамбхавад̇о.

    Svāyanti (dī. ni. ṭī. 1.190) idha-saddamattaṃ gaṇhāti, na yathāvisesitabbaṃ idha-saddaṃ. Tathā hi vakkhati ‘‘katthaci padapūraṇamattamevā’’ti. Lokaṃ upādāya vuccati loka-saddena samānādhikaraṇabhāvena vuttattā. Sesapadadvaye pana saddantarasannidhānamattena taṃ taṃ upādāya vuttatā daṭṭhabbā. Okāsanti kañci padesaṃ indasālaguhāya adhippetattā. Padapūraṇamattameva okāsāpadisanassapi asambhavato.

    д̇ат̇ааг̇ад̇а-сад̣̇д̣̇аад̣̇ийнам̣ ад̇т̇ависзсо муулабарияааяадтагат̇аа(ма. ни. адта. 1.12) висуд̣̇д̇химаг̇г̇асам̣ван̣н̣анаасу вуд̇д̇о зва. д̇ат̇ааг̇ад̇асса сад̇д̇анигааяанд̇ог̇ад̇хад̇ааяа ‘‘ид̇ха бана сад̇д̇алого ад̇хиббзд̇о’’д̇и вад̇ваа д̇ад̇т̇ааяам̣ яасмим̣ сад̇д̇анигааяз, яасмин̃жа огаасз уббаж̇ж̇ад̇и, д̇ам̣ д̣̇ассзд̇ум̣ ‘‘сад̇д̇алогз уббаж̇ж̇амааноби жаа’’д̇иаад̣̇и вуд̇д̇ам̣. д̇ад̇т̇а имасмим̣язва жаггаваал̣зд̇и имиссаа зва логад̇хаад̇уяаа. ‘‘адтаанамзд̇ам̣, бхигкавз, анавагаасо, яам̣ згиссаа логад̇хаад̇уяаа д̣̇вз араханд̇о саммаасамб̣уд̣̇д̇хо абуб̣б̣ам̣ ажаримам̣ уббаж̇ж̇зяяу’’нд̇и (д̣̇ий. ни. 3.161; ма. ни. 3.129; а. ни. 1.278; нзд̇д̇и. 57; ми. ба. 5.1.1) зд̇т̇а ж̇аад̇икзд̇д̇абхууд̇аа д̣̇асасахассилогад̇хаад̇у ‘‘згиссаа логад̇хаад̇уяаа’’д̇и вуд̇д̇аа. ид̇ха бана имам̣язва логад̇хаад̇ум̣ санд̇хааяа ‘‘имасмим̣язва жаггаваал̣з’’д̇и вуд̇д̇ам̣. д̇иссо хи сан̇г̇ийд̇ияо аарул̣хз д̇збидагз б̣уд̣̇д̇хаважанз висаяакзд̇д̇ам̣ аан̣аакзд̇д̇ам̣ ж̇аад̇икзд̇д̇анд̇и д̇ивид̇хз кзд̇д̇з табзд̇ваа имам̣ жаггаваал̣ам̣ ан̃н̃асмим̣ жаггаваал̣з б̣уд̣̇д̇хаа уббаж̇ж̇анд̇ийд̇и суд̇д̇ам̣ над̇т̇и, на уббаж̇ж̇анд̇ийд̇и бана ад̇т̇и. гат̇ам̣? ‘‘на мз аажарияо ад̇т̇и, сад̣̇исо мз на виж̇ж̇ад̇и (ма. ни. 1.285; 2.341; махаава. 11; гат̇аа. 405; ми. ба. 4.5.11), згомхи саммаасамб̣уд̣̇д̇хо’’д̇и (ма. ни. 1.285; 2.341; гат̇аа. 405; махаава. 11) звамаад̣̇ийни имиссаа логад̇хаад̇уяаа тад̇ваа вад̣̇анд̇зна бхаг̇авад̇аа – ‘‘гим̣ банаавусо, саарибуд̇д̇а, ад̇т̇зд̇арахи ан̃н̃о саман̣о ваа б̣раахман̣о ваа бхаг̇авад̇аа самасамо самб̣од̇хияанд̇и звам̣ будтаахам̣, бханд̇з, нод̇и вад̣̇зяяа’’нд̇и вад̇ваа д̇асса гааран̣ам̣ д̣̇ассзд̇ум̣ – ‘‘адтаанамзд̇ам̣ анавагаасо, яам̣ згиссаа логад̇хаад̇уяаа д̣̇вз араханд̇о саммаасамб̣уд̣̇д̇хаа’’д̇и имам̣ суд̇д̇ам̣ д̣̇ассзнд̇зна д̇хаммасзнаабад̇инаа жа б̣уд̣̇д̇хаанам̣ уббад̇д̇идтаанабхууд̇ам̣ имам̣ логад̇хаад̇ум̣ табзд̇ваа ан̃н̃ад̇т̇а ануббад̇д̇и вуд̇д̇аа ход̇ийд̇и.

    Tathāgata-saddādīnaṃ atthaviseso mūlapariyāyaṭṭhakathā(ma. ni. aṭṭha. 1.12) visuddhimaggasaṃvaṇṇanāsu vutto eva. Tathāgatassa sattanikāyantogadhatāya ‘‘idha pana sattaloko adhippeto’’ti vatvā tatthāyaṃ yasmiṃ sattanikāye, yasmiñca okāse uppajjati, taṃ dassetuṃ ‘‘sattaloke uppajjamānopi cā’’tiādi vuttaṃ. Tattha imasmiṃyeva cakkavāḷeti imissā eva lokadhātuyā. ‘‘Aṭṭhānametaṃ, bhikkhave, anavakāso, yaṃ ekissā lokadhātuyā dve arahanto sammāsambuddho apubbaṃ acarimaṃ uppajjeyyu’’nti (dī. ni. 3.161; ma. ni. 3.129; a. ni. 1.278; netti. 57; mi. pa. 5.1.1) ettha jātikhettabhūtā dasasahassilokadhātu ‘‘ekissā lokadhātuyā’’ti vuttā. Idha pana imaṃyeva lokadhātuṃ sandhāya ‘‘imasmiṃyeva cakkavāḷe’’ti vuttaṃ. Tisso hi saṅgītiyo āruḷhe tepiṭake buddhavacane visayakhettaṃ āṇākhettaṃ jātikhettanti tividhe khette ṭhapetvā imaṃ cakkavāḷaṃ aññasmiṃ cakkavāḷe buddhā uppajjantīti suttaṃ natthi, na uppajjantīti pana atthi. Kathaṃ? ‘‘Na me ācariyo atthi, sadiso me na vijjati (ma. ni. 1.285; 2.341; mahāva. 11; kathā. 405; mi. pa. 4.5.11), ekomhi sammāsambuddho’’ti (ma. ni. 1.285; 2.341; kathā. 405; mahāva. 11) evamādīni imissā lokadhātuyā ṭhatvā vadantena bhagavatā – ‘‘kiṃ panāvuso, sāriputta, atthetarahi añño samaṇo vā brāhmaṇo vā bhagavatā samasamo sambodhiyanti evaṃ puṭṭhāhaṃ, bhante, noti vadeyya’’nti vatvā tassa kāraṇaṃ dassetuṃ – ‘‘aṭṭhānametaṃ anavakāso, yaṃ ekissā lokadhātuyā dve arahanto sammāsambuddhā’’ti imaṃ suttaṃ dassentena dhammasenāpatinā ca buddhānaṃ uppattiṭṭhānabhūtaṃ imaṃ lokadhātuṃ ṭhapetvā aññattha anuppatti vuttā hotīti.

    суж̇аад̇ааяаад̇иаад̣̇инаа вуд̇д̇зсу жад̇уусу вигаббзсу батамо вигаббо б̣уд̣̇д̇хабхаавааяа аасаннад̇арабадибад̇д̇ид̣̇ассанавасзна вуд̇д̇о. аасаннад̇арааяа хи бадибад̇д̇ияам̣ тид̇о ‘‘уббаж̇ж̇ад̇ий’’д̇и вужжад̇и уббаад̣̇асса зганд̇игад̇д̇аа, баг̇зва бадибад̇д̇ияаа мад̇т̇агз тид̇о. д̣̇уд̇ияо б̣уд̣̇д̇хабхааваавахабаб̣б̣аж̇ж̇ад̇о бадтааяа аасаннабадибад̇д̇ид̣̇ассанавасзна, д̇ад̇ияо б̣уд̣̇д̇хагарад̇хаммабаарибуурид̇о бадтааяа б̣уд̣̇д̇хабхаавааяа бадибад̇д̇ид̣̇ассанавасзна. на хи махаасад̇д̇аанам̣ д̇усид̇абхавуубабад̇д̇ид̇о бадтааяа б̣од̇хисамбхаарасамбхаран̣ам̣ наама ад̇т̇и. жад̇уд̇т̇о б̣уд̣̇д̇хагарад̇хаммасамаарамбхад̇о бадтааяа. б̣од̇хияаа нияад̇абхааваабад̇д̇ид̇о бабхуд̇и хи вин̃н̃уухи ‘‘б̣уд̣̇д̇хо уббаж̇ж̇ад̇ий’’д̇и вад̇д̇ум̣ саггаа уббаад̣̇асса зганд̇игад̇д̇аа, яат̇аа бана ‘‘д̇идтанд̇и баб̣б̣ад̇аа, санд̣̇анд̇и над̣̇ияо’’д̇и д̇идтанасанд̣̇анагирияаанам̣ авижчзд̣̇амубаад̣̇ааяа вад̇д̇амаанабаяог̇о, звам̣ уббаад̣̇ад̇т̇ааяа бадибаж̇ж̇анагирияааяа авижчзд̣̇амубаад̣̇ааяа жад̇уусу вигаббзсу ‘‘уббаж̇ж̇ад̇и наамаа’’д̇и вуд̇д̇ам̣. саб̣б̣абатамам̣ уббаннабхааванд̇и саб̣б̣зхи убари вужжамаанзхи висзсзхи батамам̣ д̇ат̇ааг̇ад̇асса уббаннад̇аасан̇каад̇ам̣ ад̇т̇ид̇аависзсам̣.

    Sujātāyātiādinā vuttesu catūsu vikappesu paṭhamo vikappo buddhabhāvāya āsannatarapaṭipattidassanavasena vutto. Āsannatarāya hi paṭipattiyaṃ ṭhito ‘‘uppajjatī’’ti vuccati uppādassa ekantikattā, pageva paṭipattiyā matthake ṭhito. Dutiyo buddhabhāvāvahapabbajjato paṭṭhāya āsannapaṭipattidassanavasena, tatiyo buddhakaradhammapāripūrito paṭṭhāya buddhabhāvāya paṭipattidassanavasena. Na hi mahāsattānaṃ tusitabhavūpapattito paṭṭhāya bodhisambhārasambharaṇaṃ nāma atthi. Catuttho buddhakaradhammasamārambhato paṭṭhāya. Bodhiyā niyatabhāvāpattito pabhuti hi viññūhi ‘‘buddho uppajjatī’’ti vattuṃ sakkā uppādassa ekantikattā, yathā pana ‘‘tiṭṭhanti pabbatā, sandanti nadiyo’’ti tiṭṭhanasandanakiriyānaṃ avicchedamupādāya vattamānapayogo, evaṃ uppādatthāya paṭipajjanakiriyāya avicchedamupādāya catūsu vikappesu ‘‘uppajjati nāmā’’ti vuttaṃ. Sabbapaṭhamaṃ uppannabhāvanti sabbehi upari vuccamānehi visesehi paṭhamaṃ tathāgatassa uppannatāsaṅkhātaṃ atthitāvisesaṃ.

    со бхаг̇аваад̇и (а. ни. дий. 2.3.64) яо ‘‘д̇ат̇ааг̇ад̇о араха’’нд̇иаад̣̇инаа гид̇д̇ид̇аг̇ун̣о, со бхаг̇аваа. имам̣ логанд̇и наяид̣̇ам̣ махааж̇анасса саммукаамад̇д̇ам̣ логам̣ санд̇хааяа вуд̇д̇ам̣, ат̇а ко анавасзсам̣ барияаад̣̇ааяаад̇и д̣̇ассзд̇ум̣ ‘‘сад̣̇звага’’нд̇иаад̣̇и вуд̇д̇ам̣. д̇знааха ‘‘ид̣̇аани вад̇д̇аб̣б̣ам̣ нид̣̇ассзд̇ий’’д̇и. баж̇аад̇ад̇д̇аад̇и яат̇аасагам̣ гаммагилзсзхи ниб̣б̣ад̇д̇ад̇д̇аа. бан̃жагаамааважарад̣̇зваг̇г̇ахан̣ам̣ баарисзсан̃ааязна ид̇арзсам̣ бад̣̇анд̇арзхи сан̇г̇ахид̇ад̇д̇аа. сад̣̇зваганд̇и жа аваяавзна виг̇г̇ахо самуд̣̇ааяо самаасад̇т̇о. чадтагаамааважарад̣̇зваг̇г̇ахан̣ам̣ бажжаасад̇д̇ин̃ааязна. д̇ад̇т̇а хи со ж̇аад̇о д̇анниваасий жа. б̣рахмагааяигаад̣̇иб̣рахмаг̇г̇ахан̣анд̇и зд̇т̇ааби зсзва наяо. бажжад̇т̇игабажжаамид̇д̇асаман̣аб̣раахман̣аг̇г̇ахан̣анд̇и нид̣̇ассанамад̇д̇амзд̇ам̣ абажжад̇т̇игаанам̣ асамид̇ааб̣аахид̇абаабаанан̃жа саман̣аб̣раахман̣аанам̣ сассаман̣аб̣раахман̣иважанзна г̇ахид̇ад̇д̇аа. гаамам̣ ‘‘сад̣̇звага’’нд̇иаад̣̇ивисзсанаанам̣ васзна сад̇д̇ависаяо лога-сад̣̇д̣̇од̇и вин̃н̃ааяад̇и д̇уляаяог̇ависаяад̇д̇аа д̇зсам̣, ‘‘саломаго сабагкаго’’д̇иаад̣̇ийсу бана ад̇уляаяог̇зби аяам̣ самаасо лаб̣бхад̇ийд̇и б̣яабхижаарад̣̇ассанад̇о баж̇ааг̇ахан̣анд̇и ааха ‘‘баж̇ааважанзна сад̇д̇алогаг̇г̇ахан̣а’’нд̇и.

    So bhagavāti (a. ni. ṭī. 2.3.64) yo ‘‘tathāgato araha’’ntiādinā kittitaguṇo, so bhagavā. Imaṃ lokanti nayidaṃ mahājanassa sammukhāmattaṃ lokaṃ sandhāya vuttaṃ, atha kho anavasesaṃ pariyādāyāti dassetuṃ ‘‘sadevaka’’ntiādi vuttaṃ. Tenāha ‘‘idāni vattabbaṃ nidassetī’’ti. Pajātattāti yathāsakaṃ kammakilesehi nibbattattā. Pañcakāmāvacaradevaggahaṇaṃ pārisesañāyena itaresaṃ padantarehi saṅgahitattā. Sadevakanti ca avayavena viggaho samudāyo samāsattho. Chaṭṭhakāmāvacaradevaggahaṇaṃ paccāsattiñāyena. Tattha hi so jāto tannivāsī ca. Brahmakāyikādibrahmaggahaṇanti etthāpi eseva nayo. Paccatthikapaccāmittasamaṇabrāhmaṇaggahaṇanti nidassanamattametaṃ apaccatthikānaṃ asamitābāhitapāpānañca samaṇabrāhmaṇānaṃ sassamaṇabrāhmaṇivacanena gahitattā. Kāmaṃ ‘‘sadevaka’’ntiādivisesanānaṃ vasena sattavisayo loka-saddoti viññāyati tulyayogavisayattā tesaṃ, ‘‘salomako sapakkhako’’tiādīsu pana atulyayogepi ayaṃ samāso labbhatīti byabhicāradassanato pajāgahaṇanti āha ‘‘pajāvacanena sattalokaggahaṇa’’nti.

    аруубино сад̇д̇аа ад̇д̇ано аанзн̃ж̇авихаарзна вихаранд̇аа ‘‘д̣̇иб̣б̣анд̇ийд̇и д̣̇зваа’’д̇и имам̣ ниб̣б̣ажанам̣ лабханд̇ийд̇и ааха ‘‘сад̣̇звагаг̇г̇ахан̣зна аруубааважарад̣̇звалого г̇ахид̇о’’д̇и. д̇знзвааха ‘‘аагаасаанан̃жааяад̇ануубаг̇аанам̣ д̣̇зваанам̣ сахаб̣яад̇а’’нд̇и (а. ни. 3.117). самаарагаг̇г̇ахан̣зна чагаамааважарад̣̇звалого г̇ахид̇о д̇асса сависзсам̣ маарасса васз вад̇д̇анад̇о. руубий б̣рахмалого г̇ахид̇о аруубийб̣рахмалогасса висум̣ г̇ахид̇ад̇д̇аа. жад̇убарисавасзнаад̇и кад̇д̇ияаад̣̇ижад̇убарисавасзна. ид̇араа бана жад̇ассо барисаа самаарагаад̣̇иг̇г̇ахан̣зна г̇ахид̇аа зваад̇и. авасзсасаб̣б̣асад̇д̇алого нааг̇аг̇арул̣аад̣̇ибхзд̣̇о.

    Arūpino sattā attano āneñjavihārena viharantā ‘‘dibbantīti devā’’ti imaṃ nibbacanaṃ labhantīti āha ‘‘sadevakaggahaṇena arūpāvacaradevaloko gahito’’ti. Tenevāha ‘‘ākāsānañcāyatanūpagānaṃ devānaṃ sahabyata’’nti (a. ni. 3.117). Samārakaggahaṇena chakāmāvacaradevaloko gahito tassa savisesaṃ mārassa vase vattanato. Rūpī brahmaloko gahito arūpībrahmalokassa visuṃ gahitattā. Catuparisavasenāti khattiyādicatuparisavasena. Itarā pana catasso parisā samārakādiggahaṇena gahitā evāti. Avasesasabbasattaloko nāgagaruḷādibhedo.

    зд̇д̇аавад̇аа бхааг̇асо логам̣ г̇ахзд̇ваа яож̇анам̣ д̣̇ассзд̇ваа ид̣̇аани д̇зна д̇зна висзсзна абхааг̇асова логам̣ г̇ахзд̇ваа яож̇анам̣ д̣̇ассзд̇ум̣ ‘‘абижзд̇т̇аа’’д̇иаад̣̇и вуд̇д̇ам̣. д̇ад̇т̇а уггадтабарижчзд̣̇ад̇од̇и уггам̣саг̇абхивиж̇аананзна. бан̃жасу хи г̇ад̇ийсу д̣̇звалогова сздто. д̇ад̇т̇ааби аруубино ‘‘д̣̇уурасамуссаарид̇агилзсад̣̇угкад̇ааяа, санд̇абан̣ийд̇ааанзн̃ж̇авихаарасаман̇г̇ид̇ааяа, ад̇ивияа д̣̇ийгхааяугад̇ааяаа’’д̇и звамаад̣̇ийхи висзсзхи ад̇ивияа ид̇арзхи уггадтаа. б̣рахмаа махаанубхаавод̇иаад̣̇им̣ д̣̇асасахассияам̣ махааб̣рахмуно васзна вад̣̇ад̇и. ‘‘уггадтабарижчзд̣̇ад̇о’’д̇и хи вуд̇д̇ам̣. ануд̇д̇аранд̇и сздтам̣ навалогуд̇д̇арам̣. бхааваануггамо бхаававасзна барзсам̣ аж̇жхаасаяавасзна ‘‘сад̣̇звага’’нд̇иаад̣̇ийнам̣ бад̣̇аанам̣ ануггамо. д̇ийхаагаарзхийд̇и д̣̇звамаараб̣рахмасахид̇ад̇аасан̇каад̇зхи д̇ийхи багаарзхи. д̇ийсу бад̣̇зсууд̇и ‘‘сад̣̇звага’’нд̇иаад̣̇ийсу д̇ийсу бад̣̇зсу. д̇зна д̇знаагаарзнаад̇и сад̣̇звагад̇д̇аад̣̇инаа д̇зна д̇зна багаарзна. д̇зд̇хаад̇угамзва барияаад̣̇иннанд̇и бораан̣аа банаахууд̇и яож̇анаа.

    Ettāvatā bhāgaso lokaṃ gahetvā yojanaṃ dassetvā idāni tena tena visesena abhāgasova lokaṃ gahetvā yojanaṃ dassetuṃ ‘‘apicetthā’’tiādi vuttaṃ. Tattha ukkaṭṭhaparicchedatoti ukkaṃsagabhivijānanena. Pañcasu hi gatīsu devalokova seṭṭho. Tatthāpi arūpino ‘‘dūrasamussāritakilesadukkhatāya, santapaṇītaāneñjavihārasamaṅgitāya, ativiya dīghāyukatāyā’’ti evamādīhi visesehi ativiya itarehi ukkaṭṭhā. Brahmā mahānubhāvotiādiṃ dasasahassiyaṃ mahābrahmuno vasena vadati. ‘‘Ukkaṭṭhaparicchedato’’ti hi vuttaṃ. Anuttaranti seṭṭhaṃ navalokuttaraṃ. Bhāvānukkamo bhāvavasena paresaṃ ajjhāsayavasena ‘‘sadevaka’’ntiādīnaṃ padānaṃ anukkamo. Tīhākārehīti devamārabrahmasahitatāsaṅkhātehi tīhi pakārehi. Tīsu padesūti ‘‘sadevaka’’ntiādīsu tīsu padesu. Tena tenākārenāti sadevakattādinā tena tena pakārena. Tedhātukameva pariyādinnanti porāṇā panāhūti yojanā.

    абхин̃н̃аад̇и яа-гааралобзнааяам̣ нид̣̇д̣̇зсо, абхиж̇аанид̇ваад̇и аяамзд̇т̇а ад̇т̇од̇и ааха ‘‘абхин̃н̃ааяа, ад̇хигзна н̃аан̣зна н̃ад̇ваа’’д̇и. анумаанаад̣̇ибадигкзбод̇и анумаанаубамаанаад̇т̇аабад̇д̇иаад̣̇ибадигкзбо згаббамаан̣ад̇д̇аа. саб̣б̣ад̇т̇а аббадихад̇ан̃аан̣аажаарад̇ааяа хи саб̣б̣абажжагкаа б̣уд̣̇д̇хаа бхаг̇аванд̇о. ануд̇д̇арам̣ вивзгасуканд̇и паласамаабад̇д̇исукам̣. д̇зна вийд̇имиссааби гад̣̇аажи бхаг̇авад̇о д̇хаммад̣̇зсанаа ход̇ийд̇и ааха ‘‘хид̇ваабий’’д̇и. бхаг̇аваа хи д̇хаммам̣ д̣̇зсзнд̇о яасмим̣ кан̣з барисаа саад̇хугаарам̣ ваа д̣̇зд̇и, яат̇аасуд̇ам̣ ваа д̇хаммам̣ бажжавзгкад̇и, д̇ам̣ кан̣ам̣ буб̣б̣абхааг̇зна барижчинд̣̇ид̇ваа паласамаабад̇д̇им̣ самаабаж̇ж̇ад̇и, яат̇аабарижчзд̣̇ан̃жа самаабад̇д̇ид̇о вудтааяа тид̇адтаанад̇о бадтааяа д̇хаммам̣ д̣̇зсзд̇и.

    Abhiññāti ya-kāralopenāyaṃ niddeso, abhijānitvāti ayamettha atthoti āha ‘‘abhiññāya, adhikena ñāṇena ñatvā’’ti. Anumānādipaṭikkhepoti anumānaupamānaatthāpattiādipaṭikkhepo ekappamāṇattā. Sabbattha appaṭihatañāṇācāratāya hi sabbapaccakkhā buddhā bhagavanto. Anuttaraṃ vivekasukhanti phalasamāpattisukhaṃ. Tena vītimissāpi kadāci bhagavato dhammadesanā hotīti āha ‘‘hitvāpī’’ti. Bhagavā hi dhammaṃ desento yasmiṃ khaṇe parisā sādhukāraṃ vā deti, yathāsutaṃ vā dhammaṃ paccavekkhati, taṃ khaṇaṃ pubbabhāgena paricchinditvā phalasamāpattiṃ samāpajjati, yathāparicchedañca samāpattito vuṭṭhāya ṭhitaṭṭhānato paṭṭhāya dhammaṃ deseti.

    д̣̇зсагааяад̇д̇зна аан̣аад̣̇ивид̇хинаа ад̇исаж̇ж̇анам̣ баб̣од̇ханам̣ д̣̇зсанаад̇и саа барияад̇д̇ид̇хаммавасзна взд̣̇ид̇аб̣б̣аад̇и ааха ‘‘д̣̇зсанааяа д̇аава жад̇уббад̣̇игааяаби г̇аат̇ааяаа’’д̇иаад̣̇и. саасид̇аб̣б̣абуг̇г̇алаг̇ад̇зна яат̇аабараад̇хаад̣̇исаасид̇аб̣б̣абхаавзна анусаасанам̣ д̇ад̣̇ан̇г̇авинаяаад̣̇ивасзна винаяанам̣ саасананд̇и д̇ам̣ бадибад̇д̇ид̇хаммавасзна взд̣̇ид̇аб̣б̣анд̇и ааха ‘‘сийласамаад̇хивибассанаа’’д̇иаад̣̇и. гусалаананд̇и маг̇г̇агусалаанам̣, гусалаананд̇и ваа анаваж̇ж̇аанам̣. д̇зна палад̇хаммаанамби сан̇г̇ахо сид̣̇д̇хо ход̇и. аад̣̇ибхааво сийлад̣̇идтийнам̣ д̇аммуулагад̇д̇аа уд̇д̇аримануссад̇хаммаанам̣. д̇асмим̣ д̇асмим̣ ад̇т̇з гат̇аавад̇хисад̣̇д̣̇аббаб̣анд̇хо г̇аат̇аавасзна суд̇д̇авасзна жа вавад̇т̇ид̇о барияад̇д̇ид̇хаммо, яо ид̇хзва ‘‘д̣̇зсанаа’’д̇и вуд̇д̇о. д̇асса бана ад̇т̇о висзсзна сийлаад̣̇и зваад̇и ааха ‘‘бхаг̇аваа хи д̇хаммам̣ д̣̇зсзнд̇о…бз… ниб̣б̣аанам̣ д̣̇ассзд̇ий’’д̇и. д̇ад̇т̇а сийлам̣ д̣̇ассзд̇ваад̇и сийлаг̇г̇ахан̣зна сасамбхаарам̣ сийлам̣ г̇ахид̇ам̣. д̇ат̇аа маг̇г̇аг̇г̇ахан̣зна сасамбхааро маг̇г̇од̇и д̇ад̣̇убхаязна анавасзсад̇о барияад̇д̇иад̇т̇ам̣ барияаад̣̇ияад̇и. д̇знаад̇и сийлаад̣̇ид̣̇ассанзна. ад̇т̇авасзна хи ид̇ха д̣̇зсанааяа аад̣̇игаляаан̣аад̣̇ибхааво ад̇хиббзд̇о. гат̇игасан̣тид̇ийд̇и гат̇игасса сан̣таанам̣ гат̇анавасзна самавадтаанам̣.

    Desakāyattena āṇādividhinā atisajjanaṃ pabodhanaṃ desanāti sā pariyattidhammavasena veditabbāti āha ‘‘desanāya tāva catuppadikāyapi gāthāyā’’tiādi. Sāsitabbapuggalagatena yathāparādhādisāsitabbabhāvena anusāsanaṃ tadaṅgavinayādivasena vinayanaṃ sāsananti taṃ paṭipattidhammavasena veditabbanti āha ‘‘sīlasamādhivipassanā’’tiādi. Kusalānanti maggakusalānaṃ, kusalānanti vā anavajjānaṃ. Tena phaladhammānampi saṅgaho siddho hoti. Ādibhāvo sīladiṭṭhīnaṃ tammūlakattā uttarimanussadhammānaṃ. Tasmiṃ tasmiṃ atthe kathāvadhisaddappabandho gāthāvasena suttavasena ca vavatthito pariyattidhammo, yo idheva ‘‘desanā’’ti vutto. Tassa pana attho visesena sīlādi evāti āha ‘‘bhagavā hi dhammaṃ desento…pe… nibbānaṃ dassetī’’ti. Tattha sīlaṃ dassetvāti sīlaggahaṇena sasambhāraṃ sīlaṃ gahitaṃ. Tathā maggaggahaṇena sasambhāro maggoti tadubhayena anavasesato pariyattiatthaṃ pariyādiyati. Tenāti sīlādidassanena. Atthavasena hi idha desanāya ādikalyāṇādibhāvo adhippeto. Kathikasaṇṭhitīti kathikassa saṇṭhānaṃ kathanavasena samavaṭṭhānaṃ.

    на со саад̇т̇ам̣ д̣̇зсзд̇и нияяаанад̇т̇авирахад̇о д̇ассаа д̣̇зсанааяа. згаб̣яан̃ж̇анаад̣̇ияуд̇д̇аа ваад̇и сит̇илаад̣̇ибхзд̣̇зсу б̣яан̃ж̇анзсу згаббагаарзнзва, д̣̇виббагаарзнзва ваа б̣яан̃ж̇анзна яуд̇д̇аа ваа д̣̇амил̣абхаасаа вияа. саб̣б̣ад̇т̇а ниродтам̣ гад̇ваа вад̇д̇аб̣б̣ад̇ааяа саб̣б̣аниродтаб̣яан̃ж̇анаа ваа гираад̇абхаасаа вияа. саб̣б̣ад̇т̇зва виссаж̇ж̇анийяаяуд̇д̇ад̇ааяа саб̣б̣ависсадтаб̣яан̃ж̇анаа ваа яаванабхаасаа вияа. саб̣б̣ад̇т̇зва саанусаарад̇ааяа саб̣б̣аниг̇г̇ахид̇аб̣яан̃ж̇анаа ваа баарасигаад̣̇имилагкабхаасаа вияа. саб̣б̣аабзсаа згад̣̇зсаб̣яан̃ж̇анавасзнзва бавад̇д̇ияаа абарибун̣н̣аб̣яан̃ж̇анаад̇и гад̇ваа ‘‘аб̣яан̃ж̇анаа’’д̇и вуд̇д̇аа. амагкзд̇ваад̇и абалижчзд̇ваа авинаасзд̇ваа, ахаабзд̇ваад̇и ваа ад̇т̇о.

    Na so sātthaṃ deseti niyyānatthavirahato tassā desanāya. Ekabyañjanādiyuttā vāti sithilādibhedesu byañjanesu ekappakāreneva, dvippakāreneva vā byañjanena yuttā vā damiḷabhāsā viya. Sabbattha niroṭṭhaṃ katvā vattabbatāya sabbaniroṭṭhabyañjanā vā kirātabhāsā viya. Sabbattheva vissajjanīyayuttatāya sabbavissaṭṭhabyañjanā vā yavanabhāsā viya. Sabbattheva sānusāratāya sabbaniggahitabyañjanā vā pārasikādimilakkhabhāsā viya. Sabbāpesā ekadesabyañjanavaseneva pavattiyā aparipuṇṇabyañjanāti katvā ‘‘abyañjanā’’ti vuttā. Amakkhetvāti apalicchetvā avināsetvā, ahāpetvāti vā attho.

    бхаг̇аваа яамад̇т̇ам̣ н̃аабзд̇ум̣ згаг̇аат̇амби згаваагяамби д̣̇зсзд̇и, д̇амад̇т̇ам̣ д̇ааяа д̣̇зсанааяа саб̣б̣асо барибун̣н̣амзва гад̇ваа д̣̇зсзд̇и, звам̣ саб̣б̣ад̇т̇аад̇и ааха ‘‘згад̣̇зсанааби абарибун̣н̣аа над̇т̇ий’’д̇и. уллумбанасабхаавасан̣тид̇знаад̇и сам̣гилзсабагкад̇о ваддад̣̇угкад̇о жа уд̣̇д̇харан̣асабхааваавадтид̇зна жид̇д̇зна. д̇асмаад̇и яасмаа сигкаад̇д̇аяасан̇г̇ахам̣ сагалам̣ саасанам̣ ид̇ха ‘‘б̣рахмажарияа’’нд̇и ад̇хиббзд̇ам̣, д̇асмаа. б̣рахмажарияанд̇и иминаа самаанаад̇хигаран̣аани саб̣б̣абад̣̇аани яож̇зд̇ваа ад̇т̇ам̣ д̣̇ассзнд̇о ‘‘со д̇хаммам̣ д̣̇зсзд̇и…бз… багаасзд̇ийд̇и звамзд̇т̇а ад̇т̇о д̣̇адтаб̣б̣о’’д̇и ааха.

    Bhagavā yamatthaṃ ñāpetuṃ ekagāthampi ekavākyampi deseti, tamatthaṃ tāya desanāya sabbaso paripuṇṇameva katvā deseti, evaṃ sabbatthāti āha ‘‘ekadesanāpi aparipuṇṇā natthī’’ti. Ullumpanasabhāvasaṇṭhitenāti saṃkilesapakkhato vaṭṭadukkhato ca uddharaṇasabhāvāvaṭṭhitena cittena. Tasmāti yasmā sikkhāttayasaṅgahaṃ sakalaṃ sāsanaṃ idha ‘‘brahmacariya’’nti adhippetaṃ, tasmā. Brahmacariyanti iminā samānādhikaraṇāni sabbapadāni yojetvā atthaṃ dassento ‘‘so dhammaṃ deseti…pe… pakāsetīti evamettha attho daṭṭhabbo’’ti āha.

    д̣̇уурасамуссаарид̇амаанассзва саасанз саммаабадибад̇д̇и самбхавад̇и, на маана ж̇аад̇игассаад̇и ааха ‘‘нихад̇амаанад̇д̇аа’’д̇и. уссаннад̇д̇аад̇и б̣ахулабхаавад̇о. бхог̇аарог̇яаад̣̇ивад̇т̇угаа мад̣̇аа суббахзяяаа хонд̇и нимид̇д̇асса анавадтаанад̇о’ на д̇ат̇аа гулавиж̇ж̇аамад̣̇аад̇и кад̇д̇ияаб̣раахман̣агулийнаанам̣ баб̣б̣аж̇ид̇аанамби ж̇аад̇ивиж̇ж̇аа ниссааяа маанаж̇аббанам̣ д̣̇уббаж̇аханд̇и ааха ‘‘язбхуяязна хи…бз… маанам̣ гаронд̇ий’’д̇и . виж̇аад̇ид̇ааяаад̇и нихийнаж̇аад̇ид̇ааяа. бад̇идтаад̇ум̣ на саггонд̇ийд̇и сувисуд̣̇д̇хим̣ гад̇ваа сийлам̣ рагкид̇ум̣ на саггонд̇и. сийлавасзна хи саасанз бад̇идтаад̇и. бад̇идтаад̇унд̇и ваа сажжабадивзд̇хзна логуд̇д̇арааяа бад̇идтааяа бад̇идтаад̇ум̣. язбхуяязна хи убаниссаяасамбаннаа суж̇аад̇аа зва хонд̇и, на д̣̇уж̇ж̇аад̇аа.

    Dūrasamussāritamānasseva sāsane sammāpaṭipatti sambhavati, na māna jātikassāti āha ‘‘nihatamānattā’’ti. Ussannattāti bahulabhāvato. Bhogārogyādivatthukā madā suppaheyyā honti nimittassa anavaṭṭhānato’ na tathā kulavijjāmadāti khattiyabrāhmaṇakulīnānaṃ pabbajitānampi jātivijjā nissāya mānajappanaṃ duppajahanti āha ‘‘yebhuyyena hi…pe… mānaṃ karontī’’ti . Vijātitāyāti nihīnajātitāya. Patiṭṭhātuṃ na sakkontīti suvisuddhiṃ katvā sīlaṃ rakkhituṃ na sakkonti. Sīlavasena hi sāsane patiṭṭhāti. Patiṭṭhātunti vā saccapaṭivedhena lokuttarāya patiṭṭhāya patiṭṭhātuṃ. Yebhuyyena hi upanissayasampannā sujātā eva honti, na dujjātā.

    барисуд̣̇д̇ханд̇и рааг̇аад̣̇ийнам̣ ажжанд̇амзва бахаанад̣̇ийбанад̇о нирубаггилзсад̇ааяа саб̣б̣асо висуд̣̇д̇хам̣. сад̣̇д̇хам̣ бадилабхад̇ийд̇и бот̇уж̇ж̇анигасад̣̇д̇хаавасзна сад̣̇д̣̇ахад̇и. вин̃н̃уж̇аад̇игаанан̃хи д̇хаммасамбад̇д̇иг̇ахан̣абуб̣б̣игаа сад̣̇д̇хаасид̣̇д̇хи д̇хаммабамаан̣ад̇хаммаббасаннабхаавад̇о. ж̇ааяамбад̇игаа васанд̇ийд̇и гаамам̣ ‘‘ж̇ааяамбад̇игаа’’д̇и вуд̇д̇з гхарасаамигагхарасааминивасзна д̣̇виннам̣язва г̇ахан̣ам̣ вин̃н̃ааяад̇и. яасса бана бурисасса анзгаа баж̇аабад̇ияо хонд̇и, д̇ад̇т̇а гим̣ вад̇д̇аб̣б̣ам̣? згааяаби д̇ааяа ваасо самб̣аад̇ход̇и д̣̇ассанад̇т̇ам̣ ‘‘д̣̇вз’’д̇и вуд̇д̇ам̣. рааг̇аад̣̇инаа сагин̃жанадтзна, кзд̇д̇авад̇т̇уаад̣̇инаа сабалиб̣од̇хадтзна. рааг̇араж̇аад̣̇ийнам̣ ааг̇аманабат̇ад̇ааби уббаж̇ж̇анадтаанад̇аа зваад̇и д̣̇взби ван̣н̣анаа згад̇т̇аа, б̣яан̃ж̇анамзва наанам̣. алаг̇г̇анадтзнаад̇и асаж̇ж̇анадтзна аббадиб̣ад̣̇д̇хабхаавзна. звам̣ агусалагусалаббавад̇д̇ийнам̣ таанабхаавзна гхарааваасабаб̣б̣аж̇ж̇аанам̣ самб̣аад̇хаб̣бхогаасад̇ам̣ д̣̇ассзд̇ваа ид̣̇аани гусалаббавад̇д̇ияаа зва адтаанатаанабхаавзна д̇зсам̣ д̇ам̣ д̣̇ассзд̇ум̣ ‘‘абижаа’’д̇иаад̣̇и вуд̇д̇ам̣.

    Parisuddhanti rāgādīnaṃ accantameva pahānadīpanato nirupakkilesatāya sabbaso visuddhaṃ. Saddhaṃ paṭilabhatīti pothujjanikasaddhāvasena saddahati. Viññujātikānañhi dhammasampattigahaṇapubbikā saddhāsiddhi dhammapamāṇadhammappasannabhāvato. Jāyampatikā vasantīti kāmaṃ ‘‘jāyampatikā’’ti vutte gharasāmikagharasāminivasena dvinnaṃyeva gahaṇaṃ viññāyati. Yassa pana purisassa anekā pajāpatiyo honti, tattha kiṃ vattabbaṃ? Ekāyapi tāya vāso sambādhoti dassanatthaṃ ‘‘dve’’ti vuttaṃ. Rāgādinā sakiñcanaṭṭhena, khettavatthuādinā sapalibodhaṭṭhena. Rāgarajādīnaṃ āgamanapathatāpi uppajjanaṭṭhānatā evāti dvepi vaṇṇanā ekatthā, byañjanameva nānaṃ. Alagganaṭṭhenāti asajjanaṭṭhena appaṭibaddhabhāvena. Evaṃ akusalakusalappavattīnaṃ ṭhānabhāvena gharāvāsapabbajjānaṃ sambādhabbhokāsataṃ dassetvā idāni kusalappavattiyā eva aṭṭhānaṭhānabhāvena tesaṃ taṃ dassetuṃ ‘‘apicā’’tiādi vuttaṃ.

    сан̇кзбагат̇аад̇и висум̣ висум̣ бад̣̇уд̣̇д̇хаарам̣ агад̇ваа сан̇кзбад̇о ад̇т̇аван̣н̣анаа. згамби д̣̇ивасанд̇и згад̣̇ивасамад̇д̇амби. акан̣д̣ам̣ гад̇ваад̇и д̣̇уггадамад̇д̇ассаби анаабаж̇ж̇анзна акан̣д̣ид̇ам̣ гад̇ваа. гилзсамалзна амалийнанд̇и д̇ан̣хаасам̣гилзсаад̣̇ивасзна асам̣гилидтам̣ гад̇ваа. барид̣̇ахид̇ваад̇и ниваасзд̇ваа жзва баарубид̇ваа жа. аг̇аараваасо аг̇аарам̣ уд̇д̇арабад̣̇алобзна, д̇асса вад̣дхиаавахам̣ аг̇аарасса хид̇ам̣. бхог̇агканд̇ход̇и бхог̇арааси бхог̇асамуд̣̇ааяо. ааб̣анд̇ханадтзнаад̇и ‘‘буд̇д̇о над̇д̇аа’’д̇иаад̣̇инаа бзмавасзна сабарижчзд̣̇ам̣ самб̣анд̇ханадтзна. ‘‘амхаагамзд̇з’’д̇и н̃ааяанд̇ийд̇и н̃аад̇ий. бид̇аамахабид̇убуд̇д̇аад̣̇ивасзна баривад̇д̇анадтзна бариваддо.

    Saṅkhepakathāti visuṃ visuṃ paduddhāraṃ akatvā saṅkhepato atthavaṇṇanā. Ekampi divasanti ekadivasamattampi. Akhaṇḍaṃ katvāti dukkaṭamattassapi anāpajjanena akhaṇḍitaṃ katvā. Kilesamalena amalīnanti taṇhāsaṃkilesādivasena asaṃkiliṭṭhaṃ katvā. Paridahitvāti nivāsetvā ceva pārupitvā ca. Agāravāso agāraṃ uttarapadalopena, tassa vaḍḍhiāvahaṃ agārassa hitaṃ. Bhogakkhandhoti bhogarāsi bhogasamudāyo. Ābandhanaṭṭhenāti ‘‘putto nattā’’tiādinā pemavasena saparicchedaṃ sambandhanaṭṭhena. ‘‘Amhākamete’’ti ñāyantīti ñātī. Pitāmahapituputtādivasena parivattanaṭṭhena parivaṭṭo.

    292. сааман̃н̃аваажийби сигкаа-сад̣̇д̣̇о сааж̇ийва-сад̣̇д̣̇асаннид̇хаанад̇о убари вужжамаанависзсаабзгкааяа жа висзсанивидтова ход̇ийд̇и вуд̇д̇ам̣ ‘‘яаа бхигкуунам̣ ад̇хисийласан̇каад̇аа сигкаа’’д̇и. сигкид̇аб̣б̣адтзна сигкаа. саха ааж̇ийванд̇и зд̇т̇аад̇и сааж̇ийво. сигканабхаавзнаад̇и сигкааяа сааж̇ийвз жа сигканабхаавзна. сигкам̣ барибуурзнд̇од̇и сийласам̣варам̣ барибуурзнд̇о. сааж̇ийван̃жа авийд̇иггаманд̇од̇и – ‘‘наамагааяо бад̣̇агааяо нируд̇д̇игааяо б̣яан̃ж̇анагааяо’’д̇и (баараа. адта. 39) вуд̇д̇асигкаабад̣̇ам̣ бхаг̇авад̇о важанам̣ авийд̇иггаманд̇о худ̇ваад̇и ад̇т̇о. ид̣̇амзва жа д̣̇ваяам̣ ‘‘сигкана’’нд̇и вуд̇д̇ам̣. д̇ад̇т̇а сааж̇ийваанад̇иггамо сигкаабаарибуурияаа бажжаяо. д̇ад̇о хи яаава маг̇г̇аа сигкаабаарибуурий ход̇ийд̇и.

    292. Sāmaññavācīpi sikkhā-saddo sājīva-saddasannidhānato upari vuccamānavisesāpekkhāya ca visesaniviṭṭhova hotīti vuttaṃ ‘‘yā bhikkhūnaṃ adhisīlasaṅkhātā sikkhā’’ti. Sikkhitabbaṭṭhena sikkhā. Saha ājīvanti etthāti sājīvo. Sikkhanabhāvenāti sikkhāya sājīve ca sikkhanabhāvena. Sikkhaṃ paripūrentoti sīlasaṃvaraṃ paripūrento. Sājīvañca avītikkamantoti – ‘‘nāmakāyo padakāyo niruttikāyo byañjanakāyo’’ti (pārā. aṭṭha. 39) vuttasikkhāpadaṃ bhagavato vacanaṃ avītikkamanto hutvāti attho. Idameva ca dvayaṃ ‘‘sikkhana’’nti vuttaṃ. Tattha sājīvānatikkamo sikkhāpāripūriyā paccayo. Tato hi yāva maggā sikkhāpāripūrī hotīti.

    баж̇ахид̇ваад̇и самаад̣̇аанавасзна барижжаж̇ид̇ваа. бахийнагаалад̇о бадтааяа…бз… вирад̇оваад̇и зд̇зна бахаанасса вирад̇ияаа жа самаанагаалад̇ам̣ д̣̇ассзд̇и . яад̣̇и звам̣ ‘‘бахааяаа’’д̇и гат̇ам̣ буримагааланид̣̇д̣̇зсод̇и? д̇ат̇аа г̇ахзд̇аб̣б̣ад̇ам̣ убаад̣̇ааяа. д̇хаммаанан̃хи бажжаяабажжаяуббаннабхаавз абзгкид̇з сахаж̇аад̇аанамби бажжаяабажжаяуббаннабхаавзна г̇ахан̣ам̣ буримабажчимабхаавзнзва ход̇ийд̇и г̇ахан̣абавад̇д̇иаагааравасзна бажжаяабхууд̇зсу хирод̇д̇аббан̃аан̣аад̣̇ийсу бахаанагирияааяа буримагаалавохааро, бажжаяуббаннаасу жа вирад̇ийсу вираман̣агирияааяа абарагаалавохааро жа ход̇ийд̇и ‘‘бахааяа бадивирад̇о ход̇ий’’д̇и вуд̇д̇ам̣. бахааяаад̇и ваа самаад̣̇аанагаалавасзна вуд̇д̇ам̣, бажчаа вийд̇иггамид̇аб̣б̣авад̇т̇усамааяог̇авасзна бадивирад̇од̇и. бахааяаад̇и ваа –

    Pajahitvāti samādānavasena pariccajitvā. Pahīnakālato paṭṭhāya…pe… viratovāti etena pahānassa viratiyā ca samānakālataṃ dasseti . Yadi evaṃ ‘‘pahāyā’’ti kathaṃ purimakālaniddesoti? Tathā gahetabbataṃ upādāya. Dhammānañhi paccayapaccayuppannabhāve apekkhite sahajātānampi paccayapaccayuppannabhāvena gahaṇaṃ purimapacchimabhāveneva hotīti gahaṇapavattiākāravasena paccayabhūtesu hirottappañāṇādīsu pahānakiriyāya purimakālavohāro, paccayuppannāsu ca viratīsu viramaṇakiriyāya aparakālavohāro ca hotīti ‘‘pahāya paṭivirato hotī’’ti vuttaṃ. Pahāyāti vā samādānakālavasena vuttaṃ, pacchā vītikkamitabbavatthusamāyogavasena paṭiviratoti. Pahāyāti vā –

    ‘‘ниханд̇ваана д̇амоканд̇хам̣, уд̣̇ид̇ояам̣ д̣̇иваагаро;

    ‘‘Nihantvāna tamokhandhaṃ, uditoyaṃ divākaro;

    ван̣н̣абабхааяа бхаасзд̇и, обхаасзд̇ваа самуг̇г̇ад̇о’’д̇и жа. (висуд̣̇д̇хи. махаадий. 2.578) –

    Vaṇṇapabhāya bhāseti, obhāsetvā samuggato’’ti ca. (visuddhi. mahāṭī. 2.578) –

    звамаад̣̇ийсу вияа самаанагаалавасзна взд̣̇ид̇аб̣б̣о. ат̇а ваа баан̣о ад̇ибаад̇ийяад̇и зд̇знаад̇и баан̣аад̇ибаад̇о, баан̣агхаад̇ахзд̇убхууд̇о ахиригаанод̇д̇аббад̣̇осамохавихим̣ саад̣̇иго жзд̇анаабад̇хаано сам̣гилзсад̇хаммо, д̇ам̣ самаад̣̇аанавасзна бахааяа. д̇ад̇о…бз… вирад̇ова ход̇ийд̇и авад̇хааран̣зна д̇ассаа вирад̇ияаа гаалаад̣̇ивасзна абарияанд̇ад̇ам̣ д̣̇ассзд̇и. яат̇аа хи ан̃н̃з самаад̣̇иннавирад̇игааби анавадтид̇ажид̇д̇ад̇ааяа лаабхаж̇ийвигаад̣̇ихзд̇у самаад̣̇аанам̣ бхинд̣̇анд̇зва, на звамаяам̣. аяам̣ бана бахийнагаалад̇о бадтааяа орад̇о вирад̇од̇и. ад̣̇иннаад̣̇аанам̣ бахааяаад̇иаад̣̇ийсуби иминаа наязна ад̇т̇о взд̣̇ид̇аб̣б̣о.

    Evamādīsu viya samānakālavasena veditabbo. Atha vā pāṇo atipātīyati etenāti pāṇātipāto, pāṇaghātahetubhūto ahirikānottappadosamohavihiṃ sādiko cetanāpadhāno saṃkilesadhammo, taṃ samādānavasena pahāya. Tato…pe… viratova hotīti avadhāraṇena tassā viratiyā kālādivasena apariyantataṃ dasseti. Yathā hi aññe samādinnaviratikāpi anavaṭṭhitacittatāya lābhajīvikādihetu samādānaṃ bhindanteva, na evamayaṃ. Ayaṃ pana pahīnakālato paṭṭhāya orato viratoti. Adinnādānaṃ pahāyātiādīsupi iminā nayena attho veditabbo.

    д̣̇ан̣д̣анам̣ д̣̇ан̣д̣анибаад̇анам̣ д̣̇ан̣д̣о. муг̇г̇араад̣̇ибахаран̣ависзсоби ид̇ха бахаран̣ависзсод̇и ад̇хиббзд̇о. д̇знааха ‘‘табзд̇ваа д̣̇ан̣д̣ам̣ саб̣б̣амби авасзсам̣ убагаран̣а’’нд̇и. д̣̇ан̣д̣анасан̇каад̇асса баравихзтанасса бариваж̇ж̇ид̇абхаавад̣̇ийбанад̇т̇ам̣ д̣̇ан̣д̣асад̇т̇аанам̣ нигкзбаважананд̇и ааха ‘‘баруубагхаад̇ад̇т̇ааяаа’’д̇иаад̣̇и. вихим̣санабхаавад̇од̇и виб̣аад̇ханабхаавад̇о. лаж̇ж̇ийд̇и зд̇т̇а вуд̇д̇алаж̇ж̇ааяа од̇д̇аббамби вуд̇д̇анд̇и д̣̇адтаб̣б̣ам̣. на хи баабаж̇иг̇ужчанабаабуд̇д̇аасарахид̇ам̣, баабабхаяам̣ ваа алаж̇ж̇анам̣ ад̇т̇и. яасса ваа д̇хаммаг̇аруд̇ааяа д̇хаммасса жа ад̇д̇аад̇хийнад̇д̇аа ад̇д̇аад̇хибад̇ибхууд̇аа лаж̇ж̇аагижжагаарий, д̇асса логаад̇хибад̇ибхууд̇ам̣ од̇д̇аббам̣ гижжагаранд̇и вад̇д̇аб̣б̣амзва над̇т̇ийд̇и ‘‘лаж̇ж̇ий’’ижжзва вуд̇д̇ам̣. д̣̇аяам̣ мзд̇д̇ажид̇д̇ад̇ам̣ аабаннод̇и гасмаа вуд̇д̇ам̣, нану д̣̇аяаа-сад̣̇д̣̇о ‘‘ад̣̇аяаабанно’’д̇иаад̣̇ийсу гарун̣ааяа вад̇д̇ад̇ийд̇и? сажжамзд̇ам̣, аяам̣ бана д̣̇аяаа-сад̣̇д̣̇о анурагкан̣ад̇т̇ам̣ анд̇онийд̇ам̣ гад̇ваа бавад̇д̇амаано мзд̇д̇ааяа жа гарун̣ааяа жа бавад̇д̇ад̇ийд̇и ид̇ха мзд̇д̇ааяа бавад̇д̇амаано вуд̇д̇о. миж̇ж̇ад̇и синияхад̇ийд̇и мзд̇д̇аа, саа зд̇асса ад̇т̇ийд̇и мзд̇д̇ам̣, мзд̇д̇ам̣ жид̇д̇ам̣ зд̇асса ад̇т̇ийд̇и мзд̇д̇ажид̇д̇о, д̇асса бхааво мзд̇д̇ажид̇д̇ад̇аа, мзд̇д̇ааижжзва ад̇т̇о.

    Daṇḍanaṃ daṇḍanipātanaṃ daṇḍo. Muggarādipaharaṇavisesopi idha paharaṇavisesoti adhippeto. Tenāha ‘‘ṭhapetvā daṇḍaṃ sabbampi avasesaṃ upakaraṇa’’nti. Daṇḍanasaṅkhātassa paraviheṭhanassa parivajjitabhāvadīpanatthaṃ daṇḍasatthānaṃ nikkhepavacananti āha ‘‘parūpaghātatthāyā’’tiādi. Vihiṃsanabhāvatoti vibādhanabhāvato. Lajjīti ettha vuttalajjāya ottappampi vuttanti daṭṭhabbaṃ. Na hi pāpajigucchanapāputtāsarahitaṃ, pāpabhayaṃ vā alajjanaṃ atthi. Yassa vā dhammagarutāya dhammassa ca attādhīnattā attādhipatibhūtā lajjākiccakārī, tassa lokādhipatibhūtaṃ ottappaṃ kiccakaranti vattabbameva natthīti ‘‘lajjī’’icceva vuttaṃ. Dayaṃ mettacittataṃ āpannoti kasmā vuttaṃ, nanu dayā-saddo ‘‘adayāpanno’’tiādīsu karuṇāya vattatīti? Saccametaṃ, ayaṃ pana dayā-saddo anurakkhaṇatthaṃ antonītaṃ katvā pavattamāno mettāya ca karuṇāya ca pavattatīti idha mettāya pavattamāno vutto. Mijjati siniyhatīti mettā, sā etassa atthīti mettaṃ, mettaṃ cittaṃ etassa atthīti mettacitto, tassa bhāvo mettacittatā, mettāicceva attho.

    саб̣б̣абаан̣абхууд̇ахид̇аанугамбийд̇и зд̇зна д̇ассаа вирад̇ияаа сад̇д̇авасзна абарияанд̇ад̇ам̣ д̣̇ассзд̇и. баан̣абхууд̇зд̇и баан̣аж̇аад̇з. анугамбагод̇и гарун̣ааяанаго. яасмаа бана мзд̇д̇аа гарун̣ааяа висзсабажжаяо ход̇и, д̇асмаа вуд̇д̇ам̣ ‘‘д̇ааяа зва д̣̇аяаабаннад̇ааяаа’’д̇и. звам̣ язхи д̇хаммзхи баан̣аад̇ибаад̇аа вирад̇и самбаж̇ж̇ад̇и, д̇зхи лаж̇ж̇аамзд̇д̇аагарун̣аад̇хаммзхи саман̇г̇ибхааво д̣̇ассид̇о, сад̣̇д̇хим̣ бидтиваддагад̇хаммзхийд̇и д̣̇адтаб̣б̣ам̣. зд̇т̇ааха – гасмаа ‘‘баан̣аад̇ибаад̇ам̣ бахааяаа’’д̇и згаважананид̣̇д̣̇зсо гад̇о, нану ниравасзсаанам̣ баан̣аанам̣ ад̇ибаад̇ад̇о вирад̇и ид̇хаад̇хиббзд̇аа? д̇ат̇аа хи вуд̇д̇ам̣ ‘‘саб̣б̣абаан̣абхууд̇ахид̇аанугамбий вихарад̇ий’’д̇и. д̇знзва хи адтагат̇ааяам̣ ‘‘саб̣б̣з баан̣абхууд̇з хид̇зна анугамбаго’’д̇и бут̇уважананид̣̇д̣̇зсод̇и? сажжамзд̇ам̣, баан̣абхаавасааман̃н̃авасзна банзд̇т̇а баал̣ияам̣ аад̣̇ид̇о згаважананид̣̇д̣̇зсо гад̇о, саб̣б̣асад̣̇д̣̇асаннид̇хаанзна бут̇уд̇д̇ам̣ вин̃н̃ааяамаанамзваад̇и сааман̃н̃анид̣̇д̣̇зсам̣ агад̇ваа бхзд̣̇аважанижчаавасзна д̣̇ассзд̇ум̣ адтагат̇ааяам̣ б̣ахуважанавасзна ад̇т̇о вуд̇д̇о. гин̃жа бхияяо – сааман̃н̃ад̇о сам̣варасамаад̣̇аанам̣, д̇аб̣б̣исзсад̇о сам̣варабхзд̣̇од̇и имасса висзсасса д̣̇ассанад̇т̇ам̣ аяам̣ важанабхзд̣̇о гад̇од̇и взд̣̇ид̇аб̣б̣ам̣. вихарад̇ийд̇и вуд̇д̇аббагааро худ̇ваа згасмим̣ ирияаабат̇з уббаннам̣ д̣̇угкам̣ ан̃н̃зна ирияаабат̇зна вижчинд̣̇ид̇ваа ад̇д̇абхаавам̣ харад̇и бавад̇д̇зд̇ийд̇и ад̇т̇о. д̇знааха ‘‘ирияад̇и баалзд̇ий’’д̇и.

    Sabbapāṇabhūtahitānukampīti etena tassā viratiyā sattavasena apariyantataṃ dasseti. Pāṇabhūteti pāṇajāte. Anukampakoti karuṇāyanako. Yasmā pana mettā karuṇāya visesapaccayo hoti, tasmā vuttaṃ ‘‘tāya eva dayāpannatāyā’’ti. Evaṃ yehi dhammehi pāṇātipātā virati sampajjati, tehi lajjāmettākaruṇādhammehi samaṅgibhāvo dassito, saddhiṃ piṭṭhivaṭṭakadhammehīti daṭṭhabbaṃ. Etthāha – kasmā ‘‘pāṇātipātaṃ pahāyā’’ti ekavacananiddeso kato, nanu niravasesānaṃ pāṇānaṃ atipātato virati idhādhippetā? Tathā hi vuttaṃ ‘‘sabbapāṇabhūtahitānukampī viharatī’’ti. Teneva hi aṭṭhakathāyaṃ ‘‘sabbe pāṇabhūte hitena anukampako’’ti puthuvacananiddesoti? Saccametaṃ, pāṇabhāvasāmaññavasena panettha pāḷiyaṃ ādito ekavacananiddeso kato, sabbasaddasannidhānena puthuttaṃ viññāyamānamevāti sāmaññaniddesaṃ akatvā bhedavacanicchāvasena dassetuṃ aṭṭhakathāyaṃ bahuvacanavasena attho vutto. Kiñca bhiyyo – sāmaññato saṃvarasamādānaṃ, tabbisesato saṃvarabhedoti imassa visesassa dassanatthaṃ ayaṃ vacanabhedo katoti veditabbaṃ. Viharatīti vuttappakāro hutvā ekasmiṃ iriyāpathe uppannaṃ dukkhaṃ aññena iriyāpathena vicchinditvā attabhāvaṃ harati pavattetīti attho. Tenāha ‘‘iriyati pāletī’’ti.

    на гзвалам̣ гааяаважийбаяог̇авасзна аад̣̇аанамзва, ат̇а ко ааган̇кабисса барижжад̇д̇авад̇т̇увисаяааваад̇и д̣̇ассзд̇ум̣ ‘‘жид̇д̇знабий’’д̇иаад̣̇и вуд̇д̇ам̣. т̇знзд̇и т̇зяяам̣ гарод̇ийд̇и т̇зно, жоро. сужибхууд̇знаад̇и зд̇т̇а сужибхааво ад̇хигаарад̇о сад̣̇д̣̇анд̇арасаннид̇хаанад̇о жа т̇зяяасам̣гилзсавираман̣анд̇и ааха ‘‘ат̇знад̇д̇ааязва сужибхууд̇знаа’’д̇и. гааман̃жзд̇т̇а ‘‘лаж̇ж̇ий д̣̇аяаабанно’’д̇иаад̣̇и на вуд̇д̇ам̣, ад̇хигааравасзна бана ад̇т̇ад̇о ваа вуд̇д̇амзваад̇и взд̣̇ид̇аб̣б̣ам̣. яат̇аа хи лаж̇ж̇аад̣̇аяо баан̣аад̇ибаад̇абахаанасса висзсабажжаяо, звам̣ ад̣̇иннаад̣̇аанабахаанассабийд̇и, д̇асмаа сааби баал̣и аанзд̇ваа вад̇д̇аб̣б̣аа. зса наяо ид̇о барзсуби. ат̇а ваа сужибхууд̇знаад̇и зд̇зна хирод̇д̇аббаад̣̇ийхи саманнааг̇амо, ахиригаад̣̇ийнан̃жа бахаанам̣ вуд̇д̇амзваад̇и ‘‘лаж̇ж̇ий’’д̇иаад̣̇и на вуд̇д̇анд̇и д̣̇адтаб̣б̣ам̣.

    Na kevalaṃ kāyavacīpayogavasena ādānameva, atha kho ākaṅkhapissa pariccattavatthuvisayāvāti dassetuṃ ‘‘cittenapī’’tiādi vuttaṃ. Theneti theyyaṃ karotīti theno, coro. Sucibhūtenāti ettha sucibhāvo adhikārato saddantarasannidhānato ca theyyasaṃkilesaviramaṇanti āha ‘‘athenattāyeva sucibhūtenā’’ti. Kāmañcettha ‘‘lajjī dayāpanno’’tiādi na vuttaṃ, adhikāravasena pana atthato vā vuttamevāti veditabbaṃ. Yathā hi lajjādayo pāṇātipātapahānassa visesapaccayo, evaṃ adinnādānapahānassapīti, tasmā sāpi pāḷi ānetvā vattabbā. Esa nayo ito paresupi. Atha vā sucibhūtenāti etena hirottappādīhi samannāgamo, ahirikādīnañca pahānaṃ vuttamevāti ‘‘lajjī’’tiādi na vuttanti daṭṭhabbaṃ.

    асздтажарияанд̇и асздтаанам̣ жарияам̣, асздтам̣ ваа жарияам̣. мит̇унаанам̣ вуд̇д̇аагаарзна сад̣̇исабхууд̇аанам̣ аяанд̇и мит̇уно, яат̇аавуд̇д̇о д̣̇ураажааро. аараажаарий мзт̇унаад̇и зд̇зна – ‘‘ид̇ха б̣раахман̣а, згажжо…бз… на хзва ко маад̇уг̇аамзна сад̣̇д̇хим̣ д̣̇ваяам̣д̣̇ваяасамаабад̇д̇им̣ самаабаж̇ж̇ад̇и, абижа ко маад̇уг̇аамасса ужчаад̣̇анабаримад̣̇д̣̇ананхаабанасамб̣ааханам̣ саад̣̇ияад̇и, со д̇ад̣̇ассаад̣̇зд̇и, д̇ам̣ нигаамзд̇и, д̇зна жа вид̇д̇им̣ аабаж̇ж̇ад̇ий’’д̇иаад̣̇инаа (а. ни. 7.50) вуд̇д̇аа сад̇д̇авид̇хамзт̇унасам̣яог̇ааби бадивирад̇и д̣̇ассид̇аад̇и д̣̇адтаб̣б̣ам̣.

    Aseṭṭhacariyanti aseṭṭhānaṃ cariyaṃ, aseṭṭhaṃ vā cariyaṃ. Mithunānaṃ vuttākārena sadisabhūtānaṃ ayanti mithuno, yathāvutto durācāro. Ārācārī methunāti etena – ‘‘idha brāhmaṇa, ekacco…pe… na heva kho mātugāmena saddhiṃ dvayaṃdvayasamāpattiṃ samāpajjati, apica kho mātugāmassa ucchādanaparimaddananhāpanasambāhanaṃ sādiyati, so tadassādeti, taṃ nikāmeti, tena ca vittiṃ āpajjatī’’tiādinā (a. ni. 7.50) vuttā sattavidhamethunasaṃyogāpi paṭivirati dassitāti daṭṭhabbaṃ.

    сажжзна сажжанд̇и буримзна важийсажжзна бажчимам̣ важийсажжам̣ санд̣̇ахад̇и асажжзна ананд̇аригад̇д̇аа. д̇знааха ‘‘яо хий’’д̇иаад̣̇и. халид̣̇д̣̇ирааг̇о вияа на т̇ирагад̇о ход̇ийд̇и зд̇т̇а гат̇ааяа анавадтид̇абхаавзна халид̣̇д̣̇ирааг̇асад̣̇исад̇аа взд̣̇ид̇аб̣б̣аа, на буг̇г̇аласса. баасаан̣алзкаа вияаад̇и зд̇т̇ааби зсзва наяо. сад̣̇д̇хаа аяад̇и бавад̇д̇ад̇и зд̇т̇аад̇и сад̣̇д̇хааяо, сад̣̇д̇хааяо зва сад̣̇д̇хааяиго яат̇аа ‘‘взнаяиго’’д̇и (ма. ни. 1.246; а. ни. 8.11; баараа. 8), сад̣̇д̇хааяа ваа аяид̇аб̣б̣о сад̣̇д̇хааяиго, сад̣̇д̇хзяяод̇и ад̇т̇о. вад̇д̇аб̣б̣ад̇ам̣ аабаж̇ж̇ад̇ивисам̣ваад̣̇анад̇од̇и ад̇хиббааяо.

    Saccena saccanti purimena vacīsaccena pacchimaṃ vacīsaccaṃ sandahati asaccena anantarikattā. Tenāha ‘‘yo hī’’tiādi. Haliddirāgo viya na thirakato hotīti ettha kathāya anavaṭṭhitabhāvena haliddirāgasadisatā veditabbā, na puggalassa. Pāsāṇalekhā viyāti etthāpi eseva nayo. Saddhā ayati pavattati etthāti saddhāyo, saddhāyo eva saddhāyiko yathā ‘‘venayiko’’ti (ma. ni. 1.246; a. ni. 8.11; pārā. 8), saddhāya vā ayitabbo saddhāyiko, saddheyyoti attho. Vattabbataṃ āpajjativisaṃvādanatoti adhippāyo.

    ануббад̣̇аад̇аад̇и (д̣̇ий. ни. дий. 1.9; а. ни. дий. 2.4.198) ануб̣алаббад̣̇аад̇аа, анувад̇д̇анавасзна ваа бад̣̇аад̇аа. гасса бана анувад̇д̇анам̣ бад̣̇аанан̃жаад̇и? ‘‘сахид̇аана’’нд̇и вуд̇д̇ад̇д̇аа санд̇хаанассаад̇и вин̃н̃ааяад̇и. д̇знааха ‘‘санд̇хаанаануббад̣̇аад̇аа’’д̇и. яасмаа бана анувад̇д̇анавасзна санд̇хаанасса бад̣̇аанам̣ аад̇хаанам̣, рагкан̣ам̣ ваа д̣̇ал̣хийгаран̣ам̣ ход̇и. д̇зна вуд̇д̇ам̣ ‘‘д̣̇вз ж̇анз самаг̇г̇з д̣̇исваа’’д̇иаад̣̇и. аараманд̇и зд̇т̇аад̇и аараамо, рамид̇аб̣б̣адтаанам̣. яасмаа бана аа-гаарзна винааби аяамад̇т̇о лаб̣бхад̇и, д̇асмаа вуд̇д̇ам̣ ‘‘самаг̇г̇араамод̇иби баал̣и, аяамзвзд̇т̇а ад̇т̇о’’д̇и.

    Anuppadātāti (dī. ni. ṭī. 1.9; a. ni. ṭī. 2.4.198) anubalappadātā, anuvattanavasena vā padātā. Kassa pana anuvattanaṃ padānañcāti? ‘‘Sahitāna’’nti vuttattā sandhānassāti viññāyati. Tenāha ‘‘sandhānānuppadātā’’ti. Yasmā pana anuvattanavasena sandhānassa padānaṃ ādhānaṃ, rakkhaṇaṃ vā daḷhīkaraṇaṃ hoti. Tena vuttaṃ ‘‘dve jane samagge disvā’’tiādi. Āramanti etthāti ārāmo, ramitabbaṭṭhānaṃ. Yasmā pana ā-kārena vināpi ayamattho labbhati, tasmā vuttaṃ ‘‘samaggarāmotipi pāḷi, ayamevettha attho’’ti.

    зд̇т̇аад̇и –

    Etthāti –

    ‘‘нзлан̇г̇о сзд̇абажчаад̣̇о, згааро вад̇д̇ад̇ий рат̇о;

    ‘‘Nelaṅgo setapacchādo, ekāro vattatī ratho;

    анийгхам̣ басса ааяанд̇ам̣, чиннасод̇ам̣ аб̣анд̇хана’’нд̇и. (сам̣. ни. 4.347; уд̣̇аа. 65; бздаго. 25;д̣̇ий. ни. дий. 1.9) –

    Anīghaṃ passa āyantaṃ, chinnasotaṃ abandhana’’nti. (saṃ. ni. 4.347; udā. 65; peṭako. 25;dī. ni. ṭī. 1.9) –

    имиссаа г̇аат̇ааяа. сийлан̃хзд̇т̇а ‘‘нзлан̇г̇а’’нд̇и вуд̇д̇ам̣. д̇знзвааха – жид̇д̇о г̇ахабад̇и, ‘‘нзлан̇г̇анд̇и ко, бханд̇з, сийлаанамзд̇ам̣ ад̇хиважана’’нд̇и (сам̣. ни. 4.347; д̣̇ий. ни. дий. 1.9). сугумаараад̇и апарусад̇ааяа муд̣̇угаа. бурасса зсаад̇и зд̇т̇а бура-сад̣̇д̣̇о д̇анниваасийваажаго д̣̇адтаб̣б̣о ‘‘г̇аамо ааг̇ад̇о’’д̇иаад̣̇ийсу (д̣̇ий. ни. дий. 1.9) вияа. д̇знзвааха ‘‘наг̇араваасийна’’нд̇и. манам̣ аббааяад̇и вад̣дхзд̇ийд̇и манаабаа. д̇зна вуд̇д̇ам̣ ‘‘жид̇д̇авуд̣̇д̇хигараа’’д̇и.

    Imissā gāthāya. Sīlañhettha ‘‘nelaṅga’’nti vuttaṃ. Tenevāha – citto gahapati, ‘‘nelaṅganti kho, bhante, sīlānametaṃ adhivacana’’nti (saṃ. ni. 4.347; dī. ni. ṭī. 1.9). Sukumārāti apharusatāya mudukā. Purassa esāti ettha pura-saddo tannivāsīvācako daṭṭhabbo ‘‘gāmo āgato’’tiādīsu (dī. ni. ṭī. 1.9) viya. Tenevāha ‘‘nagaravāsīna’’nti. Manaṃ appāyati vaḍḍhetīti manāpā. Tena vuttaṃ ‘‘cittavuddhikarā’’ti.

    гаалаваад̣̇ийд̇иаад̣̇и сампаббалаабаабадивирад̇асса бадибад̇д̇ид̣̇ассанам̣. ад̇т̇асам̣хид̇ааби хи ваажаа аяуд̇д̇агаалабаяог̇зна ад̇т̇аавахаа на сияаад̇и анад̇т̇авин̃н̃аабанаваажам̣ ануломзд̇и, д̇асмаа сампаббалаабам̣ баж̇аханд̇зна агаалаваад̣̇ид̇аа барихарид̇аб̣б̣аад̇и вуд̇д̇ам̣ ‘‘гаалаваад̣̇ий’’д̇и. гаалз вад̣̇анд̇знаби убхаяаанад̇т̇асаад̇ханад̇о абхууд̇ам̣ бариваж̇ж̇зд̇аб̣б̣анд̇и ааха ‘‘бхууд̇аваад̣̇ий’’д̇и. бхууд̇ан̃жа вад̣̇анд̇зна яам̣ ид̇халога-баралога-хид̇асамбаад̣̇агам̣, д̇ад̣̇зва вад̇д̇аб̣б̣анд̇и д̣̇ассзд̇ум̣ ‘‘ад̇т̇аваад̣̇ий’’д̇и вуд̇д̇ам̣. ад̇т̇ам̣ вад̣̇анд̇знаби логияад̇хаммасанниссид̇амзва авад̇ваа логуд̇д̇арад̇хаммасанниссид̇ам̣ гад̇ваа вад̇д̇аб̣б̣анд̇и д̣̇ассанад̇т̇ам̣ ‘‘д̇хаммаваад̣̇ий’’д̇и вуд̇д̇ам̣. яат̇аа жа ад̇т̇о логуд̇д̇арад̇хаммасанниссид̇о ход̇и, д̇ам̣д̣̇ассанад̇т̇ам̣ ‘‘винаяаваад̣̇ий’’д̇и вуд̇д̇ам̣. бан̃жаннан̃хи сам̣варавинаяаанам̣, бан̃жаннан̃жа бахаанавинаяаанам̣ васзна вужжамаано ад̇т̇о ниб̣б̣аанаад̇хиг̇амахзд̇убхаавад̇о логуд̇д̇арад̇хаммасанниссид̇о ход̇ийд̇и. звам̣ г̇ун̣ависзсаяуд̇д̇ова ад̇т̇о вужжамаано д̣̇зсанаагосаллз сад̇и собхад̇и, гижжагаро жа ход̇и, на ан̃н̃ат̇аад̇и д̣̇ассзд̇ум̣ ‘‘нид̇хаанавад̇им̣ ваажам̣ бхаасид̇аа’’д̇и вуд̇д̇ам̣. ид̣̇аани д̇ам̣ д̣̇зсанаагосаллам̣ вибхаавзд̇ум̣ ‘‘гаалзнаа’’д̇иаад̣̇имааха. бужчаад̣̇ивасзна хи од̇ин̣н̣аваажаавад̇т̇усмим̣ згам̣саад̣̇иб̣яаагаран̣авибхааг̇ам̣ саллагкзд̇ваа табанаахзд̇ууд̣̇аахаран̣ам̣ сам̣санд̣̇анаад̣̇им̣ д̇ам̣д̇ам̣гаалаануруубам̣ вибхаавзнд̇ияаа баримид̇абарижчиннаруубааяа вибулад̇ара-г̇амбхийрод̣̇аара-барамад̇т̇а-вид̇т̇аарасан̇г̇аахигааяа гат̇ааяа н̃аан̣аб̣алаануруубам̣ барз яаат̇аавад̇о д̇хаммз бад̇идтаабзнд̇о ‘‘д̣̇зсанаагусало’’д̇и вужжад̇ийд̇и звамзд̇т̇а ад̇т̇аяож̇анаа взд̣̇ид̇аб̣б̣аа.

    Kālavādītiādi samphappalāpāpaṭiviratassa paṭipattidassanaṃ. Atthasaṃhitāpi hi vācā ayuttakālapayogena atthāvahā na siyāti anatthaviññāpanavācaṃ anulometi, tasmā samphappalāpaṃ pajahantena akālavāditā pariharitabbāti vuttaṃ ‘‘kālavādī’’ti. Kāle vadantenapi ubhayānatthasādhanato abhūtaṃ parivajjetabbanti āha ‘‘bhūtavādī’’ti. Bhūtañca vadantena yaṃ idhaloka-paraloka-hitasampādakaṃ, tadeva vattabbanti dassetuṃ ‘‘atthavādī’’ti vuttaṃ. Atthaṃ vadantenapi lokiyadhammasannissitameva avatvā lokuttaradhammasannissitaṃ katvā vattabbanti dassanatthaṃ ‘‘dhammavādī’’ti vuttaṃ. Yathā ca attho lokuttaradhammasannissito hoti, taṃdassanatthaṃ ‘‘vinayavādī’’ti vuttaṃ. Pañcannañhi saṃvaravinayānaṃ, pañcannañca pahānavinayānaṃ vasena vuccamāno attho nibbānādhigamahetubhāvato lokuttaradhammasannissito hotīti. Evaṃ guṇavisesayuttova attho vuccamāno desanākosalle sati sobhati, kiccakaro ca hoti, na aññathāti dassetuṃ ‘‘nidhānavatiṃ vācaṃ bhāsitā’’ti vuttaṃ. Idāni taṃ desanākosallaṃ vibhāvetuṃ ‘‘kālenā’’tiādimāha. Pucchādivasena hi otiṇṇavācāvatthusmiṃ ekaṃsādibyākaraṇavibhāgaṃ sallakkhetvā ṭhapanāhetuudāharaṇaṃ saṃsandanādiṃ taṃtaṃkālānurūpaṃ vibhāventiyā parimitaparicchinnarūpāya vipulatara-gambhīrodāra-paramattha-vitthārasaṅgāhikāya kathāya ñāṇabalānurūpaṃ pare yāthāvato dhamme patiṭṭhāpento ‘‘desanākusalo’’ti vuccatīti evamettha atthayojanā veditabbā.

    293. звам̣ бадибаадияаа сад̇д̇а мууласигкаабад̣̇аани вибхаавзд̇ваа сад̇иби абхиж̇жхаад̣̇ибахаанаинд̣̇рияасам̣варасад̇исамбаж̇ан̃н̃аж̇ааг̇арияаануяог̇аад̣̇игз уд̇д̇арад̣̇зсанааяам̣ вибхаавзд̇ум̣ д̇ам̣ барихарид̇ваа аажаарасийлассзва вибхаж̇анавасзна баал̣и бавад̇д̇аад̇и д̇ад̣̇ад̇т̇ам̣ виварид̇ум̣ ‘‘б̣ийж̇аг̇аамабхууд̇аг̇аамасамаарамбхаа’’д̇иаад̣̇и вуд̇д̇ам̣. д̇ад̇т̇а б̣ийж̇аанам̣ г̇аамо самуухо б̣ийж̇аг̇аамо. бхууд̇аанам̣ ж̇аад̇аанам̣ ниб̣б̣ад̇д̇аанам̣ ругкаг̇ажчалад̇аад̣̇ийнам̣ самуухо бхууд̇аг̇аамо. нану жа ругкаад̣̇аяо жид̇д̇арахид̇ад̇ааяа на ж̇ийваа, жид̇д̇арахид̇ад̇аа жа барибпанд̣̇аабхаавад̇о чиннз вируханад̇о висад̣̇исаж̇аад̇игабхаавад̇о жад̇уяониабарияаабаннад̇о жа взд̣̇ид̇аб̣б̣аа, вуд̣дхи бана баваал̣асилаалаван̣аанамби виж̇ж̇ад̇ийд̇и на д̇зсам̣ ж̇ийвабхаавз гааран̣ам̣, висаяаг̇г̇ахан̣ан̃жа нзсам̣ баригаббанаамад̇д̇ам̣ субанам̣ вияа жин̃жаад̣̇знам̣, д̇ат̇аа д̣̇охал̣аад̣̇аяо, д̇ад̇т̇а гасмаа б̣ийж̇аг̇аамабхууд̇аг̇аамасамаарамбхаа бадивирад̇и ижчид̇аад̇и? саман̣асааруббад̇о д̇анниваасисад̇д̇аанурагкан̣ад̇о жа. д̇знзвааха – ‘‘ж̇ийвасан̃н̃ино хи могхабуриса мануссаа ругкасми’’нд̇иаад̣̇и (баажи. 89).

    293. Evaṃ paṭipāṭiyā satta mūlasikkhāpadāni vibhāvetvā satipi abhijjhādipahānaindriyasaṃvarasatisampajaññajāgariyānuyogādike uttaradesanāyaṃ vibhāvetuṃ taṃ pariharitvā ācārasīlasseva vibhajanavasena pāḷi pavattāti tadatthaṃ vivarituṃ ‘‘bījagāmabhūtagāmasamārambhā’’tiādi vuttaṃ. Tattha bījānaṃ gāmo samūho bījagāmo. Bhūtānaṃ jātānaṃ nibbattānaṃ rukkhagacchalatādīnaṃ samūho bhūtagāmo. Nanu ca rukkhādayo cittarahitatāya na jīvā, cittarahitatā ca paripphandābhāvato chinne viruhanato visadisajātikabhāvato catuyoniapariyāpannato ca veditabbā, vuḍḍhi pana pavāḷasilālavaṇānampi vijjatīti na tesaṃ jīvabhāve kāraṇaṃ, visayaggahaṇañca nesaṃ parikappanāmattaṃ supanaṃ viya ciñcādenaṃ, tathā dohaḷādayo, tattha kasmā bījagāmabhūtagāmasamārambhā paṭivirati icchitāti? Samaṇasāruppato tannivāsisattānurakkhaṇato ca. Tenevāha – ‘‘jīvasaññino hi moghapurisa manussā rukkhasmi’’ntiādi (pāci. 89).

    мууламзва б̣ийж̇ам̣ муулаб̣ийж̇ам̣, муулаб̣ийж̇ам̣ зд̇ассаад̇иби муулаб̣ийж̇ам̣. сзсзсуби зсзва наяо. пал̣уб̣ийж̇анд̇и баб̣б̣аб̣ийж̇ам̣. бажжаяанд̇арасамавааяз сад̣̇исапалуббад̇д̇ияаа висзсагааран̣абхаавад̇о вирухан̣асамад̇т̇з саарапалз нирул̣хо б̣ийж̇асад̣̇д̣̇о д̇ад̣̇ад̇т̇асам̣сид̣̇д̇хияаа муулаад̣̇ийсуби гзсужи бавад̇д̇ад̇ийд̇и муулаад̣̇ид̇о нивад̇д̇анад̇т̇ам̣ згзна б̣ийж̇а-сад̣̇д̣̇зна висзсзд̇ваа вуд̇д̇ам̣ ‘‘б̣ийж̇аб̣ийж̇а’’нд̇и ‘‘руубаруубам̣ (висуд̣̇д̇хи. 2.449), д̣̇угкад̣̇угка’’нд̇и (сам̣. ни. 4.327; 5.165; нзд̇д̇и. 11) жа яат̇аа. гасмаа банзд̇т̇а б̣ийж̇аг̇аамабхууд̇аг̇аамам̣ уд̣̇д̇харид̇ваа б̣ийж̇аг̇аамо зва нид̣̇д̣̇идтод̇и? на ко банзд̇ам̣ звам̣ д̣̇адтаб̣б̣ам̣, нану авожумха – ‘‘мууламзва б̣ийж̇ам̣ муулаб̣ийж̇ам̣, муулаб̣ийж̇ам̣ зд̇ассаад̇иби муулаб̣ийж̇а’’нд̇и. д̇ад̇т̇а буримзна б̣ийж̇аг̇аамо нид̣̇д̣̇идто, д̣̇уд̇иязна бхууд̇аг̇аамо, д̣̇увид̇хобзса муулаб̣ийж̇ан̃жа муулаб̣ийж̇ан̃жа муулаб̣ийж̇анд̇и сааман̃н̃анид̣̇д̣̇зсзна, згасзсанаязна ваа уд̣̇д̣̇идтод̇и взд̣̇ид̇аб̣б̣о. д̇знзвааха ‘‘бан̃жавид̇хассаа’’д̇иаад̣̇и. нийлад̇ин̣аругкаад̣̇игассаад̇и аллад̇ин̣асса жзва алларугкаад̣̇игасса жа. аад̣̇и-сад̣̇д̣̇зна осад̇хиг̇ажчалад̇аад̣̇ийнам̣ сан̇г̇ахо.

    Mūlameva bījaṃ mūlabījaṃ, mūlabījaṃ etassātipi mūlabījaṃ. Sesesupi eseva nayo. Phaḷubījanti pabbabījaṃ. Paccayantarasamavāye sadisaphaluppattiyā visesakāraṇabhāvato viruhaṇasamatthe sāraphale niruḷho bījasaddo tadatthasaṃsiddhiyā mūlādīsupi kesuci pavattatīti mūlādito nivattanatthaṃ ekena bīja-saddena visesetvā vuttaṃ ‘‘bījabīja’’nti ‘‘rūparūpaṃ (visuddhi. 2.449), dukkhadukkha’’nti (saṃ. ni. 4.327; 5.165; netti. 11) ca yathā. Kasmā panettha bījagāmabhūtagāmaṃ uddharitvā bījagāmo eva niddiṭṭhoti? Na kho panetaṃ evaṃ daṭṭhabbaṃ, nanu avocumha – ‘‘mūlameva bījaṃ mūlabījaṃ, mūlabījaṃ etassātipi mūlabīja’’nti. Tattha purimena bījagāmo niddiṭṭho, dutiyena bhūtagāmo, duvidhopesa mūlabījañca mūlabījañca mūlabījanti sāmaññaniddesena, ekasesanayena vā uddiṭṭhoti veditabbo. Tenevāha ‘‘pañcavidhassā’’tiādi. Nīlatiṇarukkhādikassāti allatiṇassa ceva allarukkhādikassa ca. Ādi-saddena osadhigacchalatādīnaṃ saṅgaho.

    згам̣ бхад̇д̇ам̣ згабхад̇д̇ам̣, д̇ам̣ асса ад̇т̇ийд̇и згабхад̇д̇иго. со бана рад̇д̇ибхож̇анзнаби сияаад̇и д̇аннивад̇д̇анад̇т̇ам̣ ааха ‘‘рад̇д̇уубарад̇о’’д̇и. звамби абаран̣хабхож̇ийби сияаа згабхад̇д̇игод̇и д̇аннивад̇д̇анад̇т̇ам̣ ‘‘вирад̇о вигаалабхож̇анаа’’д̇и вуд̇д̇ам̣. арун̣уг̇г̇аманагаалад̇о бадтааяа яаава маж̇жханхигаа аяам̣ б̣уд̣̇д̇хаад̣̇ийнам̣ арияаанам̣ аажин̣н̣асамаажин̣н̣о бхож̇анасса гаало наама, д̇ад̣̇ан̃н̃о вигаало. адтагат̇ааяам̣ бана д̣̇уд̇ияабад̣̇зна рад̇д̇ибхож̇анасса бадигкид̇д̇ад̇д̇аа ‘‘ад̇игганд̇з маж̇жханхигз яаава суурияад̇т̇ан̇г̇аманаа бхож̇анам̣ вигаалабхож̇анам̣ наамаа’’д̇и вуд̇д̇ам̣.

    Ekaṃ bhattaṃ ekabhattaṃ, taṃ assa atthīti ekabhattiko. So pana rattibhojanenapi siyāti tannivattanatthaṃ āha ‘‘rattūparato’’ti. Evampi aparaṇhabhojīpi siyā ekabhattikoti tannivattanatthaṃ ‘‘virato vikālabhojanā’’ti vuttaṃ. Aruṇuggamanakālato paṭṭhāya yāva majjhanhikā ayaṃ buddhādīnaṃ ariyānaṃ āciṇṇasamāciṇṇo bhojanassa kālo nāma, tadañño vikālo. Aṭṭhakathāyaṃ pana dutiyapadena rattibhojanassa paṭikkhittattā ‘‘atikkante majjhanhike yāva sūriyatthaṅgamanā bhojanaṃ vikālabhojanaṃ nāmā’’ti vuttaṃ.

    ‘‘саб̣б̣абаабасса агаран̣а’’нд̇иаад̣̇инаяаббавад̇д̇ам̣ (д̣̇ий. ни. 2.90; д̇ха. ба. 183; нзд̇д̇и. 30, 50, 116, 124) бхаг̇авад̇о саасанам̣ ажжанд̇арааг̇уббад̇д̇ияаа нажжаад̣̇ид̣̇ассанам̣ на ануломзд̇ийд̇и ааха ‘‘саасанасса анануломад̇д̇аа’’д̇и. ад̇д̇анаа баяож̇ияамаанам̣, барзхи баяож̇аабияамаанан̃жа нажжам̣ нажжабхаавасааман̃н̃зна баал̣ияам̣ згзнзва нажжа-сад̣̇д̣̇зна г̇ахид̇ам̣, д̇ат̇аа г̇ийд̇аваад̣̇ид̇а-сад̣̇д̣̇зна жаад̇и ааха ‘‘нажжананажжаабанаад̣̇ивасзнаа’’д̇и. аад̣̇и-сад̣̇д̣̇зна г̇ааяанаг̇ааяаабанаваад̣̇анаваад̣̇аабанаани сан̇г̇аяханд̇и. д̣̇ассанзна жзд̇т̇а саванамби сан̇г̇ахид̇ам̣ вируубзгасзсанаязна . яат̇аасагам̣ висаяасса ааложанасабхаавад̇ааяа ваа бан̃жаннам̣ вин̃н̃аан̣аанам̣ саванагирияааяаби д̣̇ассанасан̇кзбасаб̣бхаавад̇о ‘‘д̣̇ассанаа’’ижжзва вуд̇д̇ам̣. д̇знааха ‘‘бан̃жахи вин̃н̃аан̣зхи на ган̃жи д̇хаммам̣ бадивиж̇аанаад̇и ан̃н̃ад̇ра абхинибаад̇амад̇д̇аа’’д̇и. ависуугабхууд̇асса г̇ийд̇асса саванам̣ гад̣̇аажи ваддад̇ийд̇и ааха ‘‘висуугабхууд̇аа д̣̇ассанаа’’д̇и. д̇ат̇аа хи вуд̇д̇ам̣ барамад̇т̇аж̇од̇игааяам̣ куд̣̇д̣̇агадтагат̇ааяам̣ (ку. баа. адта. 2.бажчимабан̃жасигкаабад̣̇аван̣н̣анаа) ‘‘д̇хаммуубасам̣хид̇ам̣ г̇ийд̇ам̣ ваддад̇и, г̇ийд̇уубасам̣хид̇о д̇хаммо на ваддад̇ий’’д̇и. яам̣ гин̃жийд̇и г̇ант̇ид̇ам̣ ваа аг̇ант̇ид̇ам̣ ваа яам̣ гин̃жи бубпам̣. г̇анд̇хаж̇аад̇анд̇и г̇анд̇хаж̇аад̇игам̣. д̇ассаби ‘‘яам̣ гин̃жий’’д̇и важанад̇о бисид̇асса абисид̇ассаби яасса гассажи вилзбанаад̣̇и на ваддад̇ийд̇и д̣̇ассзд̇и.

    ‘‘Sabbapāpassa akaraṇa’’ntiādinayappavattaṃ (dī. ni. 2.90; dha. pa. 183; netti. 30, 50, 116, 124) bhagavato sāsanaṃ accantarāguppattiyā naccādidassanaṃ na anulometīti āha ‘‘sāsanassa ananulomattā’’ti. Attanā payojiyamānaṃ, parehi payojāpiyamānañca naccaṃ naccabhāvasāmaññena pāḷiyaṃ ekeneva nacca-saddena gahitaṃ, tathā gītavādita-saddena cāti āha ‘‘naccananaccāpanādivasenā’’ti. Ādi-saddena gāyanagāyāpanavādanavādāpanāni saṅgayhanti. Dassanena cettha savanampi saṅgahitaṃ virūpekasesanayena . Yathāsakaṃ visayassa ālocanasabhāvatāya vā pañcannaṃ viññāṇānaṃ savanakiriyāyapi dassanasaṅkhepasabbhāvato ‘‘dassanā’’icceva vuttaṃ. Tenāha ‘‘pañcahi viññāṇehi na kañci dhammaṃ paṭivijānāti aññatra abhinipātamattā’’ti. Avisūkabhūtassa gītassa savanaṃ kadāci vaṭṭatīti āha ‘‘visūkabhūtā dassanā’’ti. Tathā hi vuttaṃ paramatthajotikāyaṃ khuddakaṭṭhakathāyaṃ (khu. pā. aṭṭha. 2.pacchimapañcasikkhāpadavaṇṇanā) ‘‘dhammūpasaṃhitaṃ gītaṃ vaṭṭati, gītūpasaṃhito dhammo na vaṭṭatī’’ti. Yaṃ kiñcīti ganthitaṃ vā aganthitaṃ vā yaṃ kiñci pupphaṃ. Gandhajātanti gandhajātikaṃ. Tassapi ‘‘yaṃ kiñcī’’ti vacanato pisitassa apisitassapi yassa kassaci vilepanādi na vaṭṭatīti dasseti.

    ужжаад̇и ужжа-сад̣̇д̣̇зна самаанад̇т̇ам̣ згам̣ сад̣̇д̣̇анд̇арам̣. сзд̇и зд̇т̇аад̇и саяанам̣. ужжаасаяанам̣ махаасаяанан̃жа саман̣асааруббарахид̇ам̣ ад̇хиббзд̇анд̇и ааха ‘‘бамаан̣аад̇игганд̇ам̣ агаббияад̇т̇аран̣а’’нд̇и. аасанан̃жзд̇т̇а саяанзнзва сан̇г̇ахид̇анд̇и д̣̇адтаб̣б̣ам̣. яасмаа бана аад̇хаарз бадигкид̇д̇з д̇ад̣̇аад̇хаараа гирияаа бадигкид̇д̇аава ход̇и, д̇асмаа ‘‘ужжаасаяанамахаасаяанаа’’ижжзва вуд̇д̇ам̣, ад̇т̇ад̇о бана д̇ад̣̇убабхог̇абхууд̇анисаж̇ж̇аанибаж̇ж̇анзхи вирад̇и д̣̇ассид̇аад̇и д̣̇адтаб̣б̣ам̣. ат̇а ваа ужжаасаяанамахаасаяанан̃жа ужжаасаяанамахаасаяанан̃жа ужжаасаяанамахаасаяананд̇и зд̇асмим̣ ад̇т̇з згасзсзна аяам̣ нид̣̇д̣̇зсо гад̇о яат̇аа ‘‘наамаруубабажжаяаа сал̣ааяад̇ана’’нд̇и (ма. ни. 3.126; сам̣. ни. 2.1; уд̣̇аа. 1), аасанагирияаабуб̣б̣агад̇д̇аа ваа саяанагирияааяа саяанаг̇г̇ахан̣зна аасанамби г̇ахид̇анд̇и взд̣̇ид̇аб̣б̣ам̣.

    Uccāti ucca-saddena samānatthaṃ ekaṃ saddantaraṃ. Seti etthāti sayanaṃ. Uccāsayanaṃ mahāsayanañca samaṇasārupparahitaṃ adhippetanti āha ‘‘pamāṇātikkantaṃ akappiyattharaṇa’’nti. Āsanañcettha sayaneneva saṅgahitanti daṭṭhabbaṃ. Yasmā pana ādhāre paṭikkhitte tadādhārā kiriyā paṭikkhittāva hoti, tasmā ‘‘uccāsayanamahāsayanā’’icceva vuttaṃ, atthato pana tadupabhogabhūtanisajjānipajjanehi virati dassitāti daṭṭhabbaṃ. Atha vā uccāsayanamahāsayanañca uccāsayanamahāsayanañca uccāsayanamahāsayananti etasmiṃ atthe ekasesena ayaṃ niddeso kato yathā ‘‘nāmarūpapaccayā saḷāyatana’’nti (ma. ni. 3.126; saṃ. ni. 2.1; udā. 1), āsanakiriyāpubbakattā vā sayanakiriyāya sayanaggahaṇena āsanampi gahitanti veditabbaṃ.

    д̣̇аарумаасагод̇и яз вохаарам̣ г̇ажчанд̇ийд̇и ид̇и-сад̣̇д̣̇зна звам̣багаарз д̣̇ассзд̇и. ан̃н̃зхи г̇аахаабанз убанигкид̇д̇асаад̣̇ияанз жа бадиг̇г̇ахан̣ад̇т̇о лаб̣бхад̇ийд̇и ааха ‘‘нзва нам̣ уг̇г̇ан̣хаад̇и, на уг̇г̇ан̣хаабзд̇и, на убанигкид̇д̇ам̣ саад̣̇ияад̇ий’’д̇и. ат̇а ваа д̇ивид̇хам̣ бадиг̇г̇ахан̣ам̣ гааязна ваажааяа манасаад̇и. д̇ад̇т̇а гааязна бадиг̇г̇ахан̣ам̣ уг̇г̇ан̣ханам̣, ваажааяа бадиг̇г̇ахан̣ам̣ уг̇г̇ахаабанам̣, манасаа бадиг̇г̇ахан̣ам̣ саад̣̇ияананд̇и д̇ивид̇хамби бадиг̇г̇ахан̣ам̣ згаж̇жхам̣ г̇ахзд̇ваа ‘‘бадиг̇г̇ахан̣аа’’д̇и вуд̇д̇анд̇и ааха ‘‘нзва нам̣ уг̇г̇ан̣хаад̇ий’’д̇иаад̣̇и. зса наяо аамагад̇хан̃н̃абадиг̇г̇ахан̣аад̇иаад̣̇ийсуби. нийваараад̣̇иубад̇хан̃н̃асса саалиаад̣̇имуулад̇хан̃н̃анд̇ог̇ад̇хад̇д̇аа вуд̇д̇ам̣ ‘‘сад̇д̇авид̇хассаа’’д̇и. ‘‘ануж̇аанаами, бхигкавз, бан̃жа васаани бхзсаж̇ж̇аани ажчавасам̣ мажчавасам̣ сусугаавасам̣ сугаравасам̣ г̇ад̣̇рабхаваса’’нд̇и (махаава. 262) вуд̇д̇ад̇д̇аа ид̣̇ам̣ од̣̇исса анун̃н̃аад̇ам̣ наама, д̇асса бана ‘‘гаалз бадиг̇г̇ахид̇а’’нд̇и (махаава. 262) вуд̇д̇ад̇д̇аа бадиг̇г̇ахан̣ам̣ ваддад̇и. сад̇и бажжаязд̇и ааха ‘‘ан̃н̃ад̇ра од̣̇исса анун̃н̃аад̇аа’’д̇и.

    Dārumāsakoti ye vohāraṃ gacchantīti iti-saddena evaṃpakāre dasseti. Aññehi gāhāpane upanikkhittasādiyane ca paṭiggahaṇattho labbhatīti āha ‘‘neva naṃ uggaṇhāti, na uggaṇhāpeti, na upanikkhittaṃ sādiyatī’’ti. Atha vā tividhaṃ paṭiggahaṇaṃ kāyena vācāya manasāti. Tattha kāyena paṭiggahaṇaṃ uggaṇhanaṃ, vācāya paṭiggahaṇaṃ uggahāpanaṃ, manasā paṭiggahaṇaṃ sādiyananti tividhampi paṭiggahaṇaṃ ekajjhaṃ gahetvā ‘‘paṭiggahaṇā’’ti vuttanti āha ‘‘neva naṃ uggaṇhātī’’tiādi. Esa nayo āmakadhaññapaṭiggahaṇātiādīsupi. Nīvārādiupadhaññassa sāliādimūladhaññantogadhattā vuttaṃ ‘‘sattavidhassā’’ti. ‘‘Anujānāmi, bhikkhave, pañca vasāni bhesajjāni acchavasaṃ macchavasaṃ susukāvasaṃ sukaravasaṃ gadrabhavasa’’nti (mahāva. 262) vuttattā idaṃ odissa anuññātaṃ nāma, tassa pana ‘‘kāle paṭiggahita’’nti (mahāva. 262) vuttattā paṭiggahaṇaṃ vaṭṭati. Sati paccayeti āha ‘‘aññatra odissa anuññātā’’ti.

    саруубзна ван̃жанам̣ руубагуудам̣, бад̇ируубзна ван̃жанаад̇и ад̇т̇о. ан̇г̇зна ад̇д̇ано сарийрааваяавзна ван̃жанам̣ ан̇г̇агуудам̣. г̇ахан̣авасзна ван̃жанам̣ г̇ахан̣агуудам̣. бадижчаннам̣ гад̇ваа ван̃жанам̣ бадижчаннагуудам̣. аггамад̇ийд̇и ниббийл̣зд̇и, буб̣б̣абхааг̇з аггамад̇ийд̇и самб̣анд̇хо.

    Sarūpena vañcanaṃ rūpakūṭaṃ, patirūpena vañcanāti attho. Aṅgena attano sarīrāvayavena vañcanaṃ aṅgakūṭaṃ. Gahaṇavasena vañcanaṃ gahaṇakūṭaṃ. Paṭicchannaṃ katvā vañcanaṃ paṭicchannakūṭaṃ. Akkamatīti nippīḷeti, pubbabhāge akkamatīti sambandho.

    хад̣̇аяанд̇и наал̣иаад̣̇ийнам̣ маанабхааж̇анаанам̣ аб̣бханд̇арам̣. д̇илаад̣̇ийнам̣ наал̣иаад̣̇ийхи минанагаалз уссаабид̇асикааязва сикаа. сикаабхзд̣̇о д̇ассаахаабанам̣.

    Hadayanti nāḷiādīnaṃ mānabhājanānaṃ abbhantaraṃ. Tilādīnaṃ nāḷiādīhi minanakāle ussāpitasikhāyeva sikhā. Sikhābhedo tassāhāpanaṃ.

    гзжийд̇и саарасамаасаажарияаа, уд̇д̇аравихаараваасино жа. вад̇ход̇и мудтибахаарагасаад̇аал̣анаад̣̇ийхи вихзсанам̣, виб̣аад̇хананд̇и ад̇т̇о. вихзтанад̇т̇оби хи вад̇ха-сад̣̇д̣̇о д̣̇иссад̇и ‘‘ад̇д̇аанам̣вад̇хид̇ваа вад̇хид̇ваа род̣̇ад̇ий’’д̇иаад̣̇ийсу (баажи. 879, 881). яат̇аа хи абариг̇г̇ахабхаавасааман̃н̃з сад̇иби баб̣б̣аж̇ид̇зхи аббадиг̇г̇ахид̇аб̣б̣авад̇т̇увибхааг̇асанд̣̇ассанад̇т̇ам̣ ид̇т̇игумаарид̣̇аасид̣̇аасаад̣̇аяо вибхааг̇зна вуд̇д̇аа. звам̣ барасса харан̣абхаавад̇о ад̣̇иннаад̣̇аанабхаавасааман̃н̃з сад̇иби д̇улаагуудаад̣̇аяо ад̣̇иннаад̣̇аанависзсабхаавад̣̇ассанад̇т̇ам̣ вибхааг̇зна вуд̇д̇аа, на звам̣ баан̣аад̇ибаад̇абарияааяасса вад̇хасса буна г̇ахан̣з баяож̇анам̣ ад̇т̇и, д̇ад̇т̇а саяам̣гааро, ид̇ха барам̣гаарод̇и жа на саггаа вад̇д̇ум̣ ‘‘гааяаважийбаяог̇асамудтаабигаа жзд̇анаа чаббаяог̇аа’’д̇и важанад̇о. д̇асмаа яат̇аавуд̇д̇о звзд̇т̇а ад̇т̇о яуд̇д̇о. адтагат̇ааяам̣ бана ‘‘вад̇ход̇и мааран̣а’’нд̇и вуд̇д̇ам̣, д̇амби бот̇анамзва санд̇хааяаад̇и жа саггаа вин̃н̃аад̇ум̣ мааран̣а-сад̣̇д̣̇ассаби вихим̣санз д̣̇иссанад̇о.

    Kecīti sārasamāsācariyā, uttaravihāravāsino ca. Vadhoti muṭṭhipahārakasātāḷanādīhi vihesanaṃ, vibādhananti attho. Viheṭhanatthopi hi vadha-saddo dissati ‘‘attānaṃvadhitvā vadhitvā rodatī’’tiādīsu (pāci. 879, 881). Yathā hi apariggahabhāvasāmaññe satipi pabbajitehi appaṭiggahitabbavatthuvibhāgasandassanatthaṃ itthikumāridāsidāsādayo vibhāgena vuttā. Evaṃ parassa haraṇabhāvato adinnādānabhāvasāmaññe satipi tulākūṭādayo adinnādānavisesabhāvadassanatthaṃ vibhāgena vuttā, na evaṃ pāṇātipātapariyāyassa vadhassa puna gahaṇe payojanaṃ atthi, tattha sayaṃkāro, idha paraṃkāroti ca na sakkā vattuṃ ‘‘kāyavacīpayogasamuṭṭhāpikā cetanā chappayogā’’ti vacanato. Tasmā yathāvutto evettha attho yutto. Aṭṭhakathāyaṃ pana ‘‘vadhoti māraṇa’’nti vuttaṃ, tampi pothanameva sandhāyāti ca sakkā viññātuṃ māraṇa-saddassapi vihiṃsane dissanato.

    294. жийварабин̣д̣абаад̇аанам̣ яат̇ааггамам̣ гааяагужчибарихаран̣амад̇д̇аж̇од̇анааяам̣ ависзсад̇о адтаннам̣ баригкаараанам̣ анд̇арз д̇аббаяож̇анад̇аа самбхавад̇ийд̇и д̣̇ассзнд̇о ‘‘д̇з саб̣б̣збий’’д̇иаад̣̇имааха. зд̇збийд̇и навабаригкааригаад̣̇аяоби аббижчаава санд̇удтаава. на хи д̇ад̇т̇агзна махижчад̇аа, асанд̇удтид̇аа ваа ход̇ийд̇и.

    294. Cīvarapiṇḍapātānaṃ yathākkamaṃ kāyakucchipariharaṇamattajotanāyaṃ avisesato aṭṭhannaṃ parikkhārānaṃ antare tappayojanatā sambhavatīti dassento ‘‘te sabbepī’’tiādimāha. Etepīti navaparikkhārikādayopi appicchāva santuṭṭhāva. Na hi tatthakena mahicchatā, asantuṭṭhitā vā hotīti.

    жад̇уусу д̣̇исаасу сукам̣ вихарад̇и, д̇ад̇о зва сукавихаарадтаанабхууд̇аа жад̇ассо д̣̇исаа асса санд̇ийд̇и ваа жаад̇уд̣̇д̣̇исо. д̇ад̇т̇а жааяам̣ сад̇д̇з ваа сан̇каарз ваа бхаязна на бадихан̃н̃ад̇ийд̇и аббадигхо. д̣̇ваад̣̇асавид̇хасса санд̇осасса васзна санд̇уссанаго санд̇уссамаано. ид̇арийд̇арзнаад̇и ужжааважзна. бариссаяаанам̣ б̣аахираанам̣ сийхаб̣яаг̇гхаад̣̇ийнам̣, аб̣бханд̇араанан̃жа гаамажчанд̣̇аад̣̇ийнам̣ гааяажид̇д̇убад̣̇д̣̇аваанам̣ абхибхаванад̇о бариссаяаанам̣ сахид̇аа. т̇ад̣̇д̇хабхаавагарабхаяаабхаавзна ажчамбхий. зго асахааяо. д̇ад̇о зва каг̇г̇амиг̇асин̇г̇асад̣̇исад̇ааяа каг̇г̇ависаан̣агаббо жарзяяаад̇и ад̇т̇о.

    Catūsu disāsu sukhaṃ viharati, tato eva sukhavihāraṭṭhānabhūtā catasso disā assa santīti vā cātuddiso. Tattha cāyaṃ satte vā saṅkhāre vā bhayena na paṭihaññatīti appaṭigho. Dvādasavidhassa santosassa vasena santussanako santussamāno. Itarītarenāti uccāvacena. Parissayānaṃ bāhirānaṃ sīhabyagghādīnaṃ, abbhantarānañca kāmacchandādīnaṃ kāyacittupaddavānaṃ abhibhavanato parissayānaṃ sahitā. Thaddhabhāvakarabhayābhāvena acchambhī. Eko asahāyo. Tato eva khaggamigasiṅgasadisatāya khaggavisāṇakappo careyyāti attho.

    чиннабагко , асан̃ж̇аад̇абагко ваа сагун̣о г̇анд̇ум̣ на саггод̇ийд̇и ‘‘багкий сагун̣о’’д̇и багки-сад̣̇д̣̇зна висзсзд̇ваа сагун̣о баал̣ияам̣ вуд̇д̇од̇и ааха ‘‘багкаяуд̇д̇о сагун̣о’’д̇и. яасса саннид̇хигаарабарибхог̇о гин̃жи табзд̇аб̣б̣ам̣ саабзгкааяа табанан̃жа над̇т̇и, д̇аад̣̇исо аяам̣ бхигкууд̇и д̣̇ассзнд̇о ‘‘аяам̣ банзд̇т̇а сан̇кзбад̇т̇о’’д̇иаад̣̇имааха. арияанд̇и абзнд̇и д̇ад̇о д̣̇осаа, д̇зхи ваа аарагаад̇и арияод̇и ааха ‘‘ариязнаад̇и нид̣̇д̣̇осзнаа’’д̇и. аж̇жхад̇д̇анд̇и ад̇д̇ани. нид̣̇д̣̇осасуканд̇и нираамисасукам̣ гилзсаваж̇ж̇арахид̇ад̇д̇аа.

    Chinnapakkho , asañjātapakkho vā sakuṇo gantuṃ na sakkotīti ‘‘pakkhī sakuṇo’’ti pakkhi-saddena visesetvā sakuṇo pāḷiyaṃ vuttoti āha ‘‘pakkhayutto sakuṇo’’ti. Yassa sannidhikāraparibhogo kiñci ṭhapetabbaṃ sāpekkhāya ṭhapanañca natthi, tādiso ayaṃ bhikkhūti dassento ‘‘ayaṃ panettha saṅkhepattho’’tiādimāha. Ariyanti apenti tato dosā, tehi vā ārakāti ariyoti āha ‘‘ariyenāti niddosenā’’ti. Ajjhattanti attani. Niddosasukhanti nirāmisasukhaṃ kilesavajjarahitattā.

    295. яат̇аавуд̇д̇з сийласам̣варз бад̇идтид̇ассзва инд̣̇рияасам̣варо ижчид̇аб̣б̣о д̇ад̣̇ад̇хидтаанад̇о, д̇асса жа барибаалагабхаавад̇од̇и вуд̇д̇ам̣ ‘‘со иминаа ариязна сийлагканд̇хзна саманнааг̇ад̇о бхигкуу’’д̇и. сзсабад̣̇зсууд̇и ‘‘на нимид̇д̇аг̇г̇аахий ход̇ий’’д̇иаад̣̇ийсу бад̣̇зсу. яасмаа висуд̣̇д̇химаг̇г̇з (висуд̣̇д̇хи. 1.15) вуд̇д̇ам̣, д̇асмаа д̇асса лийнад̇т̇аббагаасинияам̣ сам̣ван̣н̣анааяам̣ (висуд̣̇д̇хи. махаадий. 1.15) вуд̇д̇анаязнзва взд̣̇ид̇аб̣б̣ам̣. руубаад̣̇ийсу нимид̇д̇аад̣̇иг̇г̇аахабариваж̇ж̇аналагкан̣ад̇д̇аа инд̣̇рияасам̣варасса гилзсзхи анавасид̇д̇асукад̇аа авигин̣н̣асукад̇аа жасса вуд̇д̇аа.

    295. Yathāvutte sīlasaṃvare patiṭṭhitasseva indriyasaṃvaro icchitabbo tadadhiṭṭhānato, tassa ca paripālakabhāvatoti vuttaṃ ‘‘so iminā ariyena sīlakkhandhena samannāgato bhikkhū’’ti. Sesapadesūti ‘‘na nimittaggāhī hotī’’tiādīsu padesu. Yasmā visuddhimagge (visuddhi. 1.15) vuttaṃ, tasmā tassa līnatthappakāsiniyaṃ saṃvaṇṇanāyaṃ (visuddhi. mahāṭī. 1.15) vuttanayeneva veditabbaṃ. Rūpādīsu nimittādiggāhaparivajjanalakkhaṇattā indriyasaṃvarassa kilesehi anavasittasukhatā avikiṇṇasukhatā cassa vuttā.

    296. бажжаяасамбад̇д̇инд̇и бажжаяабаарибуурим̣. имз жад̇д̇аарод̇и сийласам̣варо санд̇осо инд̣̇рияасам̣варо сад̇исамбаж̇ан̃н̃анд̇и имз жад̇д̇ааро аран̃н̃аваасасса самбхаараа. д̇иражчаанаг̇ад̇зхи вад̇д̇аб̣б̣ад̇ам̣ аабаж̇ж̇ад̇и исисин̇г̇асса бид̇уаад̣̇аяо вияа. ванажарагзхийд̇и ванажарагамаад̇уг̇аамзхи. бхзравасад̣̇д̣̇ам̣ саавзнд̇и, д̇аавад̇аа абалааяанд̇аанам̣ хад̇т̇зхи сийсам̣…бз… гаронд̇и. бан̣н̣ад̇д̇ивийд̇иггамасан̇каад̇ам̣ гаал̣агам̣ ваа. мижчаавид̇аггасан̇каад̇ам̣ д̇илагам̣ ваа. д̇анд̇и бийд̇им̣ вибхууд̇абхаавзна убадтаанад̇о каяад̇о саммасанд̇о.

    296.Paccayasampattinti paccayapāripūriṃ. Ime cattāroti sīlasaṃvaro santoso indriyasaṃvaro satisampajaññanti ime cattāro araññavāsassa sambhārā. Tiracchānagatehi vattabbataṃ āpajjati isisiṅgassa pituādayo viya. Vanacarakehīti vanacarakamātugāmehi. Bheravasaddaṃ sāventi, tāvatā apalāyantānaṃ hatthehi sīsaṃ…pe… karonti. Paṇṇattivītikkamasaṅkhātaṃ kāḷakaṃ vā. Micchāvitakkasaṅkhātaṃ tilakaṃ vā. Tanti pītiṃ vibhūtabhāvena upaṭṭhānato khayato sammasanto.

    вивид̇д̇анд̇и ж̇анавивид̇д̇ам̣. д̇знааха ‘‘сун̃н̃а’’нд̇и. саа жа вивид̇д̇ад̇аа ниссад̣̇д̣̇абхаавзна лагкид̇аб̣б̣аад̇и ааха ‘‘аббасад̣̇д̣̇ам̣ аббаниг̇гхоса’’нд̇и. аавасат̇абхууд̇ам̣ сзнаасанам̣ вихарид̇аб̣б̣адтзна вихаарасзнаасанам̣. масаарагаад̣̇и ман̃жабийтам̣ д̇ад̇т̇а ад̇т̇арид̇аб̣б̣ам̣ бхисиубад̇хаанан̃жа ман̃жабийтасамб̣анд̇хид̇о ман̃жабийтасзнаасанам̣. жимилигаад̣̇и бхуумияам̣ сант̇арид̇аб̣б̣ад̇ааяа сант̇ад̇асзнаасанам̣. ругкамуулаад̣̇и бадиггамид̇аб̣б̣адтаанам̣ жан̇гаманаад̣̇ийнам̣ огаасабхаавад̇о огаасасзнаасанам̣.

    Vivittanti janavivittaṃ. Tenāha ‘‘suñña’’nti. Sā ca vivittatā nissaddabhāvena lakkhitabbāti āha ‘‘appasaddaṃ appanigghosa’’nti. Āvasathabhūtaṃ senāsanaṃ viharitabbaṭṭhena vihārasenāsanaṃ. Masārakādi mañcapīṭhaṃ tattha attharitabbaṃ bhisiupadhānañca mañcapīṭhasambandhito mañcapīṭhasenāsanaṃ. Cimilikādi bhūmiyaṃ santharitabbatāya santhatasenāsanaṃ. Rukkhamūlādi paṭikkamitabbaṭṭhānaṃ caṅkamanādīnaṃ okāsabhāvato okāsasenāsanaṃ.

    ‘‘анужчавигам̣ д̣̇ассзнд̇о’’д̇и вад̇ваа д̇амзва анужчавигабхаавам̣ вибхаавзд̇ум̣ ‘‘д̇ад̇т̇а хий’’д̇иаад̣̇и вуд̇д̇ам̣. ажчаннанд̇и идтагачад̣̇анаад̣̇инаа анд̇амасо ругкасаакаахиби на чаннам̣.

    ‘‘Anucchavikaṃdassento’’ti vatvā tameva anucchavikabhāvaṃ vibhāvetuṃ ‘‘tattha hī’’tiādi vuttaṃ. Acchannanti iṭṭhakachadanādinā antamaso rukkhasākhāhipi na channaṃ.

    бхад̇д̇асса бажчад̇од̇и бхад̇д̇абхун̃ж̇анасса бажчад̇о. ууруб̣ад̣̇д̇хаасананд̇и ууруунам̣ ад̇хоб̣анд̇ханавасзна нисаж̇ж̇ам̣. хздтимагааяасса ануж̇угадтабанам̣ нисаж̇ж̇ааважанзнзва б̣од̇хид̇анд̇и. уж̇ум̣ гааяанд̇и зд̇т̇а гааяа-сад̣̇д̣̇о убаримагааяависаяод̇и ааха ‘‘убаримам̣ сарийрам̣ уж̇угам̣ табзд̇ваа’’д̇и. д̇ам̣ бана уж̇угадтабанам̣ саруубад̇о баяож̇анад̇о жа д̣̇ассзд̇ум̣ ‘‘адтаарасаа’’д̇иаад̣̇и вуд̇д̇ам̣. на бан̣аманд̇ийд̇и на он̣аманд̇и. на барибад̇ад̇ийд̇и на виг̇ажчад̇и, вийт̇им̣ на вилан̇гхзд̇и. д̇ад̇о зва буб̣б̣знаабарам̣ висзсаббад̇д̇ияаа гаммадтаанам̣ вуд̣̇д̇хим̣ паад̇им̣ убаг̇ажчад̇и. мукасамийбзд̇и мукасса самийбз наасигаг̇г̇з ваа уд̇д̇ародтз ваа. ид̇ха бари-сад̣̇д̣̇о абхи-сад̣̇д̣̇зна самаанад̇т̇од̇и ааха ‘‘гаммадтаанаабхимука’’нд̇и, б̣ахид̣̇д̇хаа бут̇уд̇д̇аарамман̣ад̇о ниваарзд̇ваа гаммадтаанам̣язва бурагкад̇ваад̇и ад̇т̇о. барийд̇и бариг̇г̇ахадто ‘‘барин̣ааяигаа’’д̇иаад̣̇ийсу (д̇ха. са. 16) вияа. нияяаанадто бадибагкад̇о ниг̇г̇аманадто, д̇асмаа бариг̇г̇ахид̇анияяаанасад̇инд̇и саб̣б̣ат̇аа г̇ахид̇аасаммосам̣ барижжад̇д̇асаммосам̣ сад̇им̣ гад̇ваа, барамам̣ сад̇инзбаггам̣ убадтабзд̇ваад̇и ад̇т̇о.

    Bhattassapacchatoti bhattabhuñjanassa pacchato. Ūrubaddhāsananti ūrūnaṃ adhobandhanavasena nisajjaṃ. Heṭṭhimakāyassa anujukaṭṭhapanaṃ nisajjāvacaneneva bodhitanti. Ujuṃ kāyanti ettha kāya-saddo uparimakāyavisayoti āha ‘‘uparimaṃ sarīraṃ ujukaṃ ṭhapetvā’’ti. Taṃ pana ujukaṭṭhapanaṃ sarūpato payojanato ca dassetuṃ ‘‘aṭṭhārasā’’tiādi vuttaṃ. Na paṇamantīti na oṇamanti. Na paripatatīti na vigacchati, vīthiṃ na vilaṅgheti. Tato eva pubbenāparaṃ visesappattiyā kammaṭṭhānaṃ vuddhiṃ phātiṃ upagacchati. Mukhasamīpeti mukhassa samīpe nāsikagge vā uttaroṭṭhe vā. Idha pari-saddo abhi-saddena samānatthoti āha ‘‘kammaṭṭhānābhimukha’’nti, bahiddhā puthuttārammaṇato nivāretvā kammaṭṭhānaṃyeva purakkhatvāti attho. Parīti pariggahaṭṭho ‘‘pariṇāyikā’’tiādīsu (dha. sa. 16) viya. Niyyānaṭṭho paṭipakkhato niggamanaṭṭho, tasmā pariggahitaniyyānasatinti sabbathā gahitāsammosaṃ pariccattasammosaṃ satiṃ katvā, paramaṃ satinepakkaṃ upaṭṭhapetvāti attho.

    вигкамбханавасзнаад̇и зд̇т̇а вигкамбханам̣ ануббаад̣̇анам̣ аббавад̇д̇анам̣ на бадибагкзна суббахийнад̇аа. бахийнад̇д̇аад̇и жа бахийнасад̣̇исад̇ам̣ санд̇хааяа вуд̇д̇ам̣ жхаанасса анад̇хиг̇ад̇ад̇аа. д̇ат̇ааби наяид̣̇ам̣ жагкувин̃н̃аан̣ам̣ вияа сабхаавад̇о виг̇ад̇аабхиж̇жхам̣, ат̇а ко бхааванаавасзна. д̇знааха ‘‘на жагкувин̃н̃аан̣асад̣̇исзнаа’’д̇и. зсзва наяод̇и яат̇аа жагкувин̃н̃аан̣ам̣ сабхаавзна виг̇ад̇аабхиж̇жхам̣ аб̣яаабаннан̃жа, на бхааванааяа вигкамбхид̇ад̇д̇аа, на звамид̣̇ам̣. ид̣̇ам̣ бана жид̇д̇ам̣ бхааванааяа барисод̇хид̇ад̇д̇аа аб̣яаабаннам̣ виг̇ад̇ат̇инамид̣̇д̇хам̣ ануд̣̇д̇хад̇ам̣ ниб̣б̣ижигижчан̃жаад̇и ад̇т̇о. ид̣̇ам̣ убхаяанд̇и сад̇исамбаж̇ан̃н̃амааха.

    Vikkhambhanavasenāti ettha vikkhambhanaṃ anuppādanaṃ appavattanaṃ na paṭipakkhena suppahīnatā. Pahīnattāti ca pahīnasadisataṃ sandhāya vuttaṃ jhānassa anadhigatatā. Tathāpi nayidaṃ cakkhuviññāṇaṃ viya sabhāvato vigatābhijjhaṃ, atha kho bhāvanāvasena. Tenāha ‘‘na cakkhuviññāṇasadisenā’’ti. Eseva nayoti yathā cakkhuviññāṇaṃ sabhāvena vigatābhijjhaṃ abyāpannañca, na bhāvanāya vikkhambhitattā, na evamidaṃ. Idaṃ pana cittaṃ bhāvanāya parisodhitattā abyāpannaṃ vigatathinamiddhaṃ anuddhataṃ nibbicikicchañcāti attho. Idaṃ ubhayanti satisampajaññamāha.

    297. ужчинд̣̇ид̇ваа баад̇знд̇ийд̇и зд̇т̇а ужчинд̣̇анам̣ баад̇анан̃жа д̇аасам̣ бан̃н̃аанам̣ ануббаннаанам̣ уббаж̇ж̇ид̇ум̣ аббад̣̇аанамзва. ид̇и махаг̇г̇ад̇аануд̇д̇арабан̃н̃аанам̣ згажжааяа жа барид̇д̇абан̃н̃ааяа ануббад̇д̇ихзд̇убхууд̇аа нийваран̣аа д̇хаммаа ид̇арааяа жа самад̇т̇ад̇ам̣ вихананд̇иязваад̇и бан̃н̃ааяа д̣̇уб̣б̣алийгаран̣аа вуд̇д̇аа. ид̣̇амби батамаж̇жхаанам̣ взнзяяасанд̇аанз бад̇идтаабияамаанам̣ н̃аан̣ам̣ баж̇ж̇ад̇и зд̇т̇аад̇и н̃аан̣абад̣̇ам̣. н̃аан̣ам̣ вал̣ан̃ж̇зд̇и зд̇т̇аад̇и н̃аан̣авал̣ан̃ж̇ам̣.

    297.Ucchinditvā pātentīti ettha ucchindanaṃ pātanañca tāsaṃ paññānaṃ anuppannānaṃ uppajjituṃ appadānameva. Iti mahaggatānuttarapaññānaṃ ekaccāya ca parittapaññāya anuppattihetubhūtā nīvaraṇā dhammā itarāya ca samatthataṃ vihanantiyevāti paññāya dubbalīkaraṇā vuttā. Idampi paṭhamajjhānaṃ veneyyasantāne patiṭṭhāpiyamānaṃ ñāṇaṃ pajjati etthāti ñāṇapadaṃ. Ñāṇaṃ vaḷañjeti etthāti ñāṇavaḷañjaṃ.

    299. на д̇аава нидтам̣ г̇ад̇о б̣аахирагаанам̣ н̃аан̣зна агганд̇адтаанааниби сияунд̇и. яад̣̇и звам̣ анан̃н̃асаад̇хааран̣з маг̇г̇ан̃аан̣абад̣̇з гат̇ам̣ на нидтан̇г̇ад̇од̇и ааха ‘‘маг̇г̇агкан̣збий’’д̇иаад̣̇и. д̇ийсу рад̇анзсу нидтам̣ г̇ад̇о ход̇ийд̇и б̣уд̣̇д̇хасуб̣уд̣̇д̇хад̇ам̣ д̇хаммасуд̇хаммад̇ам̣ сан̇гхасуббадибад̇д̇ид̇ан̃жа аараб̣бха н̃аан̣зна нидтам̣ нижчаяам̣ убаг̇ад̇о ход̇и. гааман̃жзд̇т̇а батамамаг̇г̇знзва саб̣б̣асо вижигижчааяа бахийнад̇д̇аа саб̣б̣ассаби арияасаавагасса ган̇каа ваа вимад̇и ваа над̇т̇и, д̇ад̇т̇а бана яат̇аа бан̃н̃аавзбуллаббад̇д̇асса арахад̇о сависаяз н̃аан̣ам̣ сависзсам̣ ог̇аахад̇и, на д̇ат̇аа анааг̇аамиаад̣̇ийнанд̇и рад̇анад̇д̇аяз саад̇исаяам̣ н̃аан̣анижчаяаг̇аманам̣ санд̇хааяа ‘‘аг̇г̇амаг̇г̇авасзна д̇ад̇т̇анидтааг̇аманам̣ вуд̇д̇а’’нд̇и вуд̇д̇ам̣. яам̣ банзд̇т̇а авибхад̇д̇ам̣, д̇ам̣ сувин̃н̃зяяамзваад̇и.

    299.Natāva niṭṭhaṃ gato bāhirakānaṃ ñāṇena akkantaṭṭhānānipi siyunti. Yadi evaṃ anaññasādhāraṇe maggañāṇapade kathaṃ na niṭṭhaṅgatoti āha ‘‘maggakkhaṇepī’’tiādi. Tīsu ratanesu niṭṭhaṃ gato hotīti buddhasubuddhataṃ dhammasudhammataṃ saṅghasuppaṭipattitañca ārabbha ñāṇena niṭṭhaṃ nicchayaṃ upagato hoti. Kāmañcettha paṭhamamaggeneva sabbaso vicikicchāya pahīnattā sabbassapi ariyasāvakassa kaṅkhā vā vimati vā natthi, tattha pana yathā paññāvepullappattassa arahato savisaye ñāṇaṃ savisesaṃ ogāhati, na tathā anāgāmiādīnanti ratanattaye sātisayaṃ ñāṇanicchayagamanaṃ sandhāya ‘‘aggamaggavasena tatthaniṭṭhāgamanaṃ vutta’’nti vuttaṃ. Yaṃ panettha avibhattaṃ, taṃ suviññeyyamevāti.

    жуул̣ахад̇т̇ибад̣̇обамасуд̇д̇аван̣н̣анааяа лийнад̇т̇аббагаасанаа самад̇д̇аа.

    Cūḷahatthipadopamasuttavaṇṇanāya līnatthappakāsanā samattā.




    Next: 8. махаахад̇т̇ибад̣̇обамасуд̇д̇аван̣н̣анаа • 8. Mahāhatthipadopamasuttavaṇṇanā




    Related texts:



    д̇ибидага (муула) • Tipiṭaka (Mūla) / суд̇д̇абидага • Suttapiṭaka / маж̇жхиманигааяа • Majjhimanikāya / 7. жуул̣ахад̇т̇ибад̣̇обамасуд̇д̇ам̣ • 7. Cūḷahatthipadopamasuttaṃ

    адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / маж̇жхиманигааяа (адтагат̇аа) • Majjhimanikāya (aṭṭhakathā) / 7. жуул̣ахад̇т̇ибад̣̇обамасуд̇д̇аван̣н̣анаа • 7. Cūḷahatthipadopamasuttavaṇṇanā


    © 1991-2023 The Titi Tudorancea Bulletin | Titi Tudorancea® is a Registered Trademark | Terms of use and privacy policy
    Contact