| Library / Tipiṭaka / д̇ибидага • Tipiṭaka / ж̇аад̇ага-адтагат̇аа • Jātaka-aṭṭhakathā |
[477] 4. жуул̣анаарад̣̇аж̇аад̇агаван̣н̣анаа
[477] 4. Cūḷanāradajātakavaṇṇanā
на д̇з гадтаани бхиннаанийд̇и ид̣̇ам̣ сад̇т̇аа ж̇зд̇аванз вихаранд̇о т̇уллагумааригаабалобханам̣ аараб̣бха гат̇зси. саавад̇т̇иваасино гирзгасса гуласса баннарасасол̣асавассуд̣̇д̣̇зсигаа д̇хийд̇аа ахоси собхаг̇г̇аббад̇д̇аа, на жа нам̣ гожи ваарзси. ат̇ассаа маад̇аа жинд̇зси ‘‘мама д̇хийд̇аа ваяаббад̇д̇аа, на жа нам̣ гожи ваарзд̇и, аамисзна мажчам̣ вияа зд̇ааяа згам̣ саагияабхигкум̣ балобхзд̇ваа уббаб̣б̣ааж̇зд̇ваа д̇ам̣ ниссааяа ж̇ийвиссаамий’’д̇и. д̇ад̣̇аа жа саавад̇т̇иваасий зго гулабуд̇д̇о саасанз урам̣ д̣̇ад̇ваа баб̣б̣аж̇ид̇ваа убасамбаннагаалад̇о бадтааяа сигкаагаамад̇ам̣ бахааяа ааласияо сарийраман̣д̣анамануяуд̇д̇о вихааси. махааубаасигаа г̇зхз яааг̇укаад̣̇анийяабхож̇анийяаани самбаад̣̇зд̇ваа д̣̇ваарз тад̇ваа анд̇аравийт̇ияаа г̇ажчанд̇зсу бхигкуусу згам̣ бхигкум̣ расад̇ан̣хааяа б̣анд̇хид̇ваа г̇ахзд̇ум̣ саггун̣зяяаруубам̣ убад̇хаарзнд̇ий д̇збидагааабхид̇хаммигавинаяад̇хараанам̣ маханд̇зна бариваарзна г̇ажчанд̇аанам̣ анд̇арз ган̃жи г̇аяхубаг̇ам̣ ад̣̇исваа д̇зсам̣ бажчад̇о г̇ажчанд̇аанам̣ мад̇хурад̇хаммагат̇игаанам̣ ажчиннавалаахагасад̣̇исаанам̣ бин̣д̣абаад̇игаанамби анд̇арз ган̃жи ад̣̇исваава згам̣ яаава б̣ахи абан̇г̇аа агкийни ан̃ж̇зд̇ваа гзсз осан̣хзд̇ваа д̣̇угууланд̇араваасагам̣ ниваасзд̇ваа гхадид̇амадтам̣ жийварам̣ баарубид̇ваа ман̣иван̣н̣абад̇д̇ам̣ аад̣̇ааяа манорамам̣ чад̇д̇ам̣ д̇хаараяамаанам̣ виссадтинд̣̇рияам̣ гааяад̣̇ал̣хиб̣ахулам̣ ааг̇ажчанд̇ам̣ д̣̇исваа ‘‘имам̣ саггаа г̇ан̣хид̇у’’нд̇и г̇анд̇ваа ванд̣̇ид̇ваа бад̇д̇ам̣ г̇ахзд̇ваа ‘‘зт̇а , бханд̇з’’д̇и гхарам̣ аанзд̇ваа нисийд̣̇аабзд̇ваа яааг̇уаад̣̇ийхи баривисид̇ваа гад̇абхад̇д̇агижжам̣ д̇ам̣ бхигкум̣ ‘‘бханд̇з, ид̇о бадтааяа ид̇хзвааг̇ажчзяяаат̇аа’’д̇и ааха. соби д̇ад̇о бадтааяа д̇ад̇т̇зва г̇анд̇ваа абарабхааг̇з виссаасиго ахоси.
Nate kaṭṭhāni bhinnānīti idaṃ satthā jetavane viharanto thullakumārikāpalobhanaṃ ārabbha kathesi. Sāvatthivāsino kirekassa kulassa pannarasasoḷasavassuddesikā dhītā ahosi sobhaggappattā, na ca naṃ koci vāresi. Athassā mātā cintesi ‘‘mama dhītā vayappattā, na ca naṃ koci vāreti, āmisena macchaṃ viya etāya ekaṃ sākiyabhikkhuṃ palobhetvā uppabbājetvā taṃ nissāya jīvissāmī’’ti. Tadā ca sāvatthivāsī eko kulaputto sāsane uraṃ datvā pabbajitvā upasampannakālato paṭṭhāya sikkhākāmataṃ pahāya ālasiyo sarīramaṇḍanamanuyutto vihāsi. Mahāupāsikā gehe yāgukhādanīyabhojanīyāni sampādetvā dvāre ṭhatvā antaravīthiyā gacchantesu bhikkhūsu ekaṃ bhikkhuṃ rasataṇhāya bandhitvā gahetuṃ sakkuṇeyyarūpaṃ upadhārentī tepiṭakaābhidhammikavinayadharānaṃ mahantena parivārena gacchantānaṃ antare kañci gayhupagaṃ adisvā tesaṃ pacchato gacchantānaṃ madhuradhammakathikānaṃ acchinnavalāhakasadisānaṃ piṇḍapātikānampi antare kañci adisvāva ekaṃ yāva bahi apaṅgā akkhīni añjetvā kese osaṇhetvā dukūlantaravāsakaṃ nivāsetvā ghaṭitamaṭṭhaṃ cīvaraṃ pārupitvā maṇivaṇṇapattaṃ ādāya manoramaṃ chattaṃ dhārayamānaṃ vissaṭṭhindriyaṃ kāyadaḷhibahulaṃ āgacchantaṃ disvā ‘‘imaṃ sakkā gaṇhitu’’nti gantvā vanditvā pattaṃ gahetvā ‘‘etha , bhante’’ti gharaṃ ānetvā nisīdāpetvā yāguādīhi parivisitvā katabhattakiccaṃ taṃ bhikkhuṃ ‘‘bhante, ito paṭṭhāya idhevāgaccheyyāthā’’ti āha. Sopi tato paṭṭhāya tattheva gantvā aparabhāge vissāsiko ahosi.
ат̇згад̣̇ивасам̣ махааубаасигаа д̇асса саванабат̇з тад̇ваа ‘‘имасмим̣ г̇зхз убабхог̇абарибхог̇амад̇д̇аа ад̇т̇и, д̇ат̇ааруубо бана мз буд̇д̇о ваа ж̇аамаад̇аа ваа г̇зхам̣ вижаарид̇ум̣ самад̇т̇о над̇т̇ий’’д̇и ааха. со д̇ассаа важанам̣ суд̇ваа ‘‘гимад̇т̇ам̣ ну ко гат̇зд̇ий’’д̇и т̇огам̣ хад̣̇аяз вид̣̇д̇хо вияа ахоси. саа д̇хийд̇арам̣ ааха ‘‘имам̣ балобхзд̇ваа д̇ава васз вад̇д̇аабзхий’’д̇и. саа д̇ад̇о бадтааяа ман̣д̣ид̇абасаад̇хид̇аа ид̇т̇игуд̇д̇авилаасзхи д̇ам̣ балобхзси. т̇уллагумааригаад̇и на жа т̇ууласарийраа д̣̇адтаб̣б̣аа, т̇уулаа ваа ход̇у гисаа ваа, бан̃жагаамаг̇ун̣игарааг̇зна бана т̇уулад̇ааяа ‘‘т̇уллагумааригаа’’д̇и вужжад̇и. со д̣̇ахаро гилзсавасиго худ̇ваа ‘‘на д̣̇аанаахам̣ б̣уд̣̇д̇хасаасанз бад̇идтаад̇ум̣ сагкиссаамий’’д̇и жинд̇зд̇ваа ‘‘вихаарам̣ г̇анд̇ваа бад̇д̇ажийварам̣ нияяаад̣̇зд̇ваа асугадтаанам̣ наама г̇амиссаами, д̇ад̇ра мз вад̇т̇аани бзсзт̇аа’’д̇и вад̇ваа вихаарам̣ г̇анд̇ваа бад̇д̇ажийварам̣ нияяаад̣̇зд̇ваа ‘‘угган̣тид̇осмий’’д̇и аажарияубаж̇жхааяз ааха. д̇з д̇ам̣ аад̣̇ааяа сад̇т̇у санд̇игам̣ нзд̇ваа ‘‘аяам̣ бхигку угган̣тид̇о’’д̇и аарожзсум̣. сад̇т̇аа ‘‘сажжам̣ гира д̇вам̣ бхигку угган̣тид̇осий’’д̇и бужчид̇ваа ‘‘сажжам̣, бханд̇з’’д̇и вуд̇д̇з ‘‘гзна угган̣таабид̇осий’’д̇и вад̇ваа ‘‘т̇уллагумааригааяа, бханд̇з’’д̇и вуд̇д̇з ‘‘бхигку буб̣б̣збзсаа д̇ава аран̃н̃з васанд̇асса б̣рахмажарияанд̇арааяам̣ гад̇ваа маханд̇ам̣ анад̇т̇амагааси, буна д̇вам̣ зд̇амзва ниссааяа гасмаа угган̣тид̇осий’’д̇и вад̇ваа бхигкуухи яаажид̇о ад̇ийд̇ам̣ аахари.
Athekadivasaṃ mahāupāsikā tassa savanapathe ṭhatvā ‘‘imasmiṃ gehe upabhogaparibhogamattā atthi, tathārūpo pana me putto vā jāmātā vā gehaṃ vicārituṃ samattho natthī’’ti āha. So tassā vacanaṃ sutvā ‘‘kimatthaṃ nu kho kathetī’’ti thokaṃ hadaye viddho viya ahosi. Sā dhītaraṃ āha ‘‘imaṃ palobhetvā tava vase vattāpehī’’ti. Sā tato paṭṭhāya maṇḍitapasādhitā itthikuttavilāsehi taṃ palobhesi. Thullakumārikāti na ca thūlasarīrā daṭṭhabbā, thūlā vā hotu kisā vā, pañcakāmaguṇikarāgena pana thūlatāya ‘‘thullakumārikā’’ti vuccati. So daharo kilesavasiko hutvā ‘‘na dānāhaṃ buddhasāsane patiṭṭhātuṃ sakkhissāmī’’ti cintetvā ‘‘vihāraṃ gantvā pattacīvaraṃ niyyādetvā asukaṭṭhānaṃ nāma gamissāmi, tatra me vatthāni pesethā’’ti vatvā vihāraṃ gantvā pattacīvaraṃ niyyādetvā ‘‘ukkaṇṭhitosmī’’ti ācariyupajjhāye āha. Te taṃ ādāya satthu santikaṃ netvā ‘‘ayaṃ bhikkhu ukkaṇṭhito’’ti ārocesuṃ. Satthā ‘‘saccaṃ kira tvaṃ bhikkhu ukkaṇṭhitosī’’ti pucchitvā ‘‘saccaṃ, bhante’’ti vutte ‘‘kena ukkaṇṭhāpitosī’’ti vatvā ‘‘thullakumārikāya, bhante’’ti vutte ‘‘bhikkhu pubbepesā tava araññe vasantassa brahmacariyantarāyaṃ katvā mahantaṃ anatthamakāsi, puna tvaṃ etameva nissāya kasmā ukkaṇṭhitosī’’ti vatvā bhikkhūhi yācito atītaṃ āhari.
ад̇ийд̇з б̣аараан̣асияам̣ б̣рахмад̣̇ад̇д̇з раж̇ж̇ам̣ гаарзнд̇з б̣од̇хисад̇д̇о гаасирадтз махаабхог̇з б̣раахман̣агулз ниб̣б̣ад̇д̇ид̇ваа уг̇г̇ахид̇асиббо гудумб̣ам̣ сан̣табзси, ат̇асса бхарияаа згам̣ буд̇д̇ам̣ виж̇ааяид̇ваа гааламагааси. со ‘‘яат̇зва мз бияабхарияааяа, звам̣ маяиби маран̣ам̣ ааг̇амиссад̇и, гим̣ мз гхарааваасзна, баб̣б̣аж̇иссаамий’’д̇и жинд̇зд̇ваа гаамз бахааяа буд̇д̇ам̣ аад̣̇ааяа химаванд̇ам̣ бависид̇ваа д̇зна сад̣̇д̇хим̣ исибаб̣б̣аж̇ж̇ам̣ баб̣б̣аж̇ид̇ваа жхаанаабхин̃н̃аа ниб̣б̣ад̇д̇зд̇ваа ванамуулапалаахааро аран̃н̃з вихааси. д̇ад̣̇аа бажжанд̇аваасино жораа ж̇анабад̣̇ам̣ бависид̇ваа г̇аамам̣ бахарид̇ваа гарамарз г̇ахзд̇ваа бхан̣д̣игам̣ угкибаабзд̇ваа буна бажжанд̇ам̣ баабаяим̣су. д̇зсам̣ анд̇арз згаа абхируубаа гумааригаа гзраадигабан̃н̃ааяа саманнааг̇ад̇аа жинд̇зси ‘‘имз амхз г̇ахзд̇ваа д̣̇аасибхог̇зна барибхун̃ж̇иссанд̇и, згзна убааязна балааяид̇ум̣ ваддад̇ий’’д̇и. саа ‘‘саами, сарийрагижжам̣ гаад̇угаамаамхи, т̇огам̣ бадиггамид̇ваа д̇идтат̇аа’’д̇и вад̇ваа жорз ван̃жзд̇ваа балааяид̇ваа аран̃н̃ам̣ бависанд̇ий б̣од̇хисад̇д̇асса буд̇д̇ам̣ ассамз табзд̇ваа палаапалад̇т̇ааяа г̇ад̇агаалз буб̣б̣ан̣хасамаяз д̇ам̣ ассамам̣ баабун̣ид̇ваа д̇ам̣ д̇аабасагумаарам̣ гаамарад̇ияаа балобхзд̇ваа сийламасса бхинд̣̇ид̇ваа ад̇д̇ано васз вад̇д̇зд̇ваа ‘‘гим̣ д̇з аран̃н̃аваасзна, зхи г̇аамам̣ г̇анд̇ваа васиссаама, д̇ад̇ра хи руубаад̣̇аяо гаамаг̇ун̣аа сулабхаа’’д̇и ааха. соби ‘‘саад̇хуу’’д̇и самбадижчид̇ваа ‘‘бид̇аа д̇аава мз аран̃н̃ад̇о палаапалам̣ аахарид̇ум̣ г̇ад̇о, д̇ам̣ д̣̇исваа убхоби згад̇ова г̇амиссаамаа’’д̇и ааха.
Atīte bārāṇasiyaṃ brahmadatte rajjaṃ kārente bodhisatto kāsiraṭṭhe mahābhoge brāhmaṇakule nibbattitvā uggahitasippo kuṭumbaṃ saṇṭhapesi, athassa bhariyā ekaṃ puttaṃ vijāyitvā kālamakāsi. So ‘‘yatheva me piyabhariyāya, evaṃ mayipi maraṇaṃ āgamissati, kiṃ me gharāvāsena, pabbajissāmī’’ti cintetvā kāme pahāya puttaṃ ādāya himavantaṃ pavisitvā tena saddhiṃ isipabbajjaṃ pabbajitvā jhānābhiññā nibbattetvā vanamūlaphalāhāro araññe vihāsi. Tadā paccantavāsino corā janapadaṃ pavisitvā gāmaṃ paharitvā karamare gahetvā bhaṇḍikaṃ ukkhipāpetvā puna paccantaṃ pāpayiṃsu. Tesaṃ antare ekā abhirūpā kumārikā kerāṭikapaññāya samannāgatā cintesi ‘‘ime amhe gahetvā dāsibhogena paribhuñjissanti, ekena upāyena palāyituṃ vaṭṭatī’’ti. Sā ‘‘sāmi, sarīrakiccaṃ kātukāmāmhi, thokaṃ paṭikkamitvā tiṭṭhathā’’ti vatvā core vañcetvā palāyitvā araññaṃ pavisantī bodhisattassa puttaṃ assame ṭhapetvā phalāphalatthāya gatakāle pubbaṇhasamaye taṃ assamaṃ pāpuṇitvā taṃ tāpasakumāraṃ kāmaratiyā palobhetvā sīlamassa bhinditvā attano vase vattetvā ‘‘kiṃ te araññavāsena, ehi gāmaṃ gantvā vasissāma, tatra hi rūpādayo kāmaguṇā sulabhā’’ti āha. Sopi ‘‘sādhū’’ti sampaṭicchitvā ‘‘pitā tāva me araññato phalāphalaṃ āharituṃ gato, taṃ disvā ubhopi ekatova gamissāmā’’ti āha.
саа жинд̇зси – ‘‘аяам̣ д̇арун̣ад̣̇аараго на гин̃жи ж̇аанаад̇и, бид̇араа банасса махаллагагаалз баб̣б̣аж̇ид̇зна бхавид̇аб̣б̣ам̣, со ааг̇анд̇ваа ‘ид̇ха гим̣ гаросий’д̇и мам̣ бот̇зд̇ваа баад̣̇з г̇ахзд̇ваа гад̣дхзд̇ваа аран̃н̃з кибиссад̇и, д̇асмим̣ анааг̇ад̇зязва балааяиссаамий’’д̇и. ат̇а нам̣ ‘‘ахам̣ бурад̇о г̇ажчаами, д̇вам̣ бажчаа ааг̇ажчзяяаасий’’д̇и вад̇ваа маг̇г̇асан̃н̃ам̣ аажигкид̇ваа баггаами. со д̇ассаа г̇ад̇агаалад̇о бадтааяа уббаннад̣̇оманассо яат̇аа бурз гин̃жи вад̇д̇ам̣ агад̇ваа сасийсам̣ баарубид̇ваа анд̇обан̣н̣асаалааяа баж̇жхааяанд̇о нибаж̇ж̇и. махаасад̇д̇о палаапалам̣ аад̣̇ааяа ааг̇анд̇ваа д̇ассаа бад̣̇авалан̃ж̇ам̣ д̣̇исваа ‘‘аяам̣ маад̇уг̇аамасса бад̣̇авалан̃ж̇о, ‘‘буд̇д̇асса мама сийлам̣ бхиннам̣ бхависсад̇ий’’д̇и жинд̇знд̇о бан̣н̣асаалам̣ бависид̇ваа палаапалам̣ од̇аарзд̇ваа буд̇д̇ам̣ бужчанд̇о батамам̣ г̇аат̇амааха –
Sā cintesi – ‘‘ayaṃ taruṇadārako na kiñci jānāti, pitarā panassa mahallakakāle pabbajitena bhavitabbaṃ, so āgantvā ‘idha kiṃ karosī’ti maṃ pothetvā pāde gahetvā kaḍḍhetvā araññe khipissati, tasmiṃ anāgateyeva palāyissāmī’’ti. Atha naṃ ‘‘ahaṃ purato gacchāmi, tvaṃ pacchā āgaccheyyāsī’’ti vatvā maggasaññaṃ ācikkhitvā pakkāmi. So tassā gatakālato paṭṭhāya uppannadomanasso yathā pure kiñci vattaṃ akatvā sasīsaṃ pārupitvā antopaṇṇasālāya pajjhāyanto nipajji. Mahāsatto phalāphalaṃ ādāya āgantvā tassā padavalañjaṃ disvā ‘‘ayaṃ mātugāmassa padavalañjo, ‘‘puttassa mama sīlaṃ bhinnaṃ bhavissatī’’ti cintento paṇṇasālaṃ pavisitvā phalāphalaṃ otāretvā puttaṃ pucchanto paṭhamaṃ gāthamāha –
40.
40.
‘‘на д̇з гадтаани бхиннаани, на д̇з уд̣̇агамаабхад̇ам̣;
‘‘Na te kaṭṭhāni bhinnāni, na te udakamābhataṃ;
аг̇г̇ийби д̇з на хаабид̇о, гим̣ ну манд̣̇ова жхааяасий’’д̇и.
Aggīpi te na hāpito, kiṃ nu mandova jhāyasī’’ti.
д̇ад̇т̇а аг̇г̇ийби д̇з на хаабид̇од̇и аг̇г̇иби д̇з на ж̇аалид̇о. манд̣̇оваад̇и ниббан̃н̃о анд̇хаб̣аало вияа.
Tattha aggīpi te na hāpitoti aggipi te na jālito. Mandovāti nippañño andhabālo viya.
со бид̇у гат̇ам̣ суд̇ваа удтааяа бид̇арам̣ ванд̣̇ид̇ваа г̇ааравзнзва аран̃н̃аваасз ануссаахам̣ бавзд̣̇знд̇о г̇аат̇аад̣̇ваяамааха –
So pitu kathaṃ sutvā uṭṭhāya pitaraṃ vanditvā gāraveneva araññavāse anussāhaṃ pavedento gāthādvayamāha –
41.
41.
‘‘на уссахз ванз вад̇т̇ум̣, гассабааманд̇аяаами д̇ам̣;
‘‘Na ussahe vane vatthuṃ, kassapāmantayāmi taṃ;
д̣̇угко ваасо аран̃н̃амхи, радтам̣ ижчаами г̇анд̇авз.
Dukkho vāso araññamhi, raṭṭhaṃ icchāmi gantave.
42.
42.
‘‘яат̇аа ахам̣ ид̇о г̇анд̇ваа, яасмим̣ ж̇анабад̣̇з васам̣;
‘‘Yathā ahaṃ ito gantvā, yasmiṃ janapade vasaṃ;
аажаарам̣ б̣рахмз сигкзяяам̣, д̇ам̣ д̇хаммам̣ анусааса ма’’нд̇и.
Ācāraṃ brahme sikkheyyaṃ, taṃ dhammaṃ anusāsa ma’’nti.
д̇ад̇т̇а гассабааманд̇аяаами д̇анд̇и гассаба ааманд̇аяаами д̇ам̣. г̇анд̇авзд̇и г̇анд̇ум̣. аажааранд̇и яасмим̣ ж̇анабад̣̇з васаами, д̇ад̇т̇а васанд̇о яат̇аа аажаарам̣ ж̇анабад̣̇ажаарид̇д̇ам̣ сигкзяяам̣ ж̇аанзяяам̣, д̇ам̣ д̇хаммам̣ анусааса овад̣̇аахийд̇и вад̣̇ад̇и.
Tattha kassapāmantayāmi tanti kassapa āmantayāmi taṃ. Gantaveti gantuṃ. Ācāranti yasmiṃ janapade vasāmi, tattha vasanto yathā ācāraṃ janapadacārittaṃ sikkheyyaṃ jāneyyaṃ, taṃ dhammaṃ anusāsa ovadāhīti vadati.
махаасад̇д̇о ‘‘саад̇ху, д̇аад̇а, д̣̇зсажаарид̇д̇ам̣ д̇з гат̇зссаамий’’д̇и вад̇ваа г̇аат̇аад̣̇ваяамааха –
Mahāsatto ‘‘sādhu, tāta, desacārittaṃ te kathessāmī’’ti vatvā gāthādvayamāha –
43.
43.
‘‘сажз аран̃н̃ам̣ хид̇ваана, ванамуулапалаани жа;
‘‘Sace araññaṃ hitvāna, vanamūlaphalāni ca;
радтз рожаяасз ваасам̣, д̇ам̣ д̇хаммам̣ нисаамзхи мз.
Raṭṭhe rocayase vāsaṃ, taṃ dhammaṃ nisāmehi me.
44.
44.
‘‘висам̣ маа бадисзвид̇т̇о, бабаад̇ам̣ бариваж̇ж̇аяа;
‘‘Visaṃ mā paṭisevittho, papātaṃ parivajjaya;
бан̇гз жа маа висийд̣̇ид̇т̇о, яад̇д̇о жаасийвисз жарз’’д̇и.
Paṅke ca mā visīdittho, yatto cāsīvise care’’ti.
д̇ад̇т̇а д̇хамманд̇и сажз радтаваасам̣ рожзси, д̇зна хи д̇вам̣ ж̇анабад̣̇ажаарид̇д̇ам̣ д̇хаммам̣ нисаамзхи. яад̇д̇о жаасийвисзд̇и аасийвисасса санд̇игз яад̇д̇о бадияад̇д̇о жарзяяааси, саггонд̇о аасийвисам̣ бариваж̇ж̇зяяаасийд̇и ад̇т̇о.
Tattha dhammanti sace raṭṭhavāsaṃ rocesi, tena hi tvaṃ janapadacārittaṃ dhammaṃ nisāmehi. Yatto cāsīviseti āsīvisassa santike yatto paṭiyatto careyyāsi, sakkonto āsīvisaṃ parivajjeyyāsīti attho.
д̇аабасагумааро сам̣кид̇д̇зна бхаасид̇асса ад̇т̇ам̣ аж̇аананд̇о бужчи –
Tāpasakumāro saṃkhittena bhāsitassa atthaṃ ajānanto pucchi –
45.
45.
‘‘гим̣ ну висам̣ бабаад̇о ваа, бан̇го ваа б̣рахмажааринам̣;
‘‘Kiṃ nu visaṃ papāto vā, paṅko vā brahmacārinaṃ;
гам̣ д̇вам̣ аасийвисам̣ б̣рууси, д̇ам̣ мз агкаахи бужчид̇о’’д̇и.
Kaṃ tvaṃ āsīvisaṃ brūsi, taṃ me akkhāhi pucchito’’ti.
ид̇аробисса б̣яаагааси –
Itaropissa byākāsi –
46.
46.
‘‘аасаво д̇аад̇а логасмим̣, сураа наама бавужжад̇и;
‘‘Āsavo tāta lokasmiṃ, surā nāma pavuccati;
манун̃н̃о сурабхий ваг̇г̇у, саад̣̇у куд̣̇д̣̇арасуубамо;
Manuñño surabhī vaggu, sādu khuddarasūpamo;
висам̣ д̇ад̣̇ааху арияаа сз, б̣рахмажарияасса наарад̣̇а.
Visaṃ tadāhu ariyā se, brahmacariyassa nārada.
47.
47.
‘‘ид̇т̇ияо д̇аад̇а логасмим̣, бамад̇д̇ам̣ бамат̇знд̇и д̇аа;
‘‘Itthiyo tāta lokasmiṃ, pamattaṃ pamathenti tā;
харанд̇и яувино жид̇д̇ам̣, д̇уулам̣ бхадтам̣ва маалуд̇о;
Haranti yuvino cittaṃ, tūlaṃ bhaṭṭhaṃva māluto;
бабаад̇о зсо агкаад̇о, б̣рахмажарияасса наарад̣̇а.
Papāto eso akkhāto, brahmacariyassa nārada.
48.
48.
‘‘лаабхо силого саггааро, бууж̇аа барагулзсу жа;
‘‘Lābho siloko sakkāro, pūjā parakulesu ca;
бан̇го зсо жа агкаад̇о, б̣рахмажарияасса наарад̣̇а.
Paṅko eso ca akkhāto, brahmacariyassa nārada.
49.
49.
‘‘сасад̇т̇аа д̇аад̇а рааж̇аано, аавасанд̇и махим̣ имам̣;
‘‘Sasatthā tāta rājāno, āvasanti mahiṃ imaṃ;
д̇з д̇аад̣̇исз мануссинд̣̇з, маханд̇з д̇аад̇а наарад̣̇а.
Te tādise manussinde, mahante tāta nārada.
50.
50.
‘‘иссараанам̣ ад̇хибад̇ийнам̣, на д̇зсам̣ баад̣̇ад̇о жарз;
‘‘Issarānaṃ adhipatīnaṃ, na tesaṃ pādato care;
аасийвисод̇и агкаад̇о, б̣рахмажарияасса наарад̣̇а.
Āsīvisoti akkhāto, brahmacariyassa nārada.
51.
51.
‘‘бхад̇д̇ад̇т̇о бхад̇д̇агаалз жа, яам̣ г̇зхамубасан̇гамз;
‘‘Bhattattho bhattakāle ca, yaṃ gehamupasaṅkame;
яад̣̇зд̇т̇а гусалам̣ ж̇ан̃н̃аа, д̇ад̇т̇а гхаасзсанам̣ жарз.
Yadettha kusalaṃ jaññā, tattha ghāsesanaṃ care.
52.
52.
‘‘бависид̇ваа барагулам̣, баанад̇т̇ам̣ бхож̇анааяа ваа;
‘‘Pavisitvā parakulaṃ, pānatthaṃ bhojanāya vā;
мид̇ам̣ каад̣̇з мид̇ам̣ бхун̃ж̇з, на жа руубз манам̣ гарз.
Mitaṃ khāde mitaṃ bhuñje, na ca rūpe manaṃ kare.
53.
53.
‘‘г̇одтам̣ маж̇ж̇ам̣ гираадан̃жа, сабхаа нигиран̣аани жа;
‘‘Goṭṭhaṃ majjaṃ kirāṭañca, sabhā nikiraṇāni ca;
аарагаа бариваж̇ж̇зхи, яаанийва висамам̣ бат̇а’’нд̇и.
Ārakā parivajjehi, yānīva visamaṃ patha’’nti.
д̇ад̇т̇а аасавод̇и бубпаасаваад̣̇и. висам̣ д̇ад̣̇аахууд̇и д̇ам̣ аасавасан̇каад̇ам̣ сурам̣ арияаа ‘‘б̣рахмажарияасса виса’’нд̇и вад̣̇анд̇и. бамад̇д̇анд̇и мудтассад̇им̣. д̇уулам̣ бхадтам̣ваад̇и ругкаа бхассид̇ваа бад̇ид̇ад̇уулам̣ вияа. агкаад̇од̇и б̣уд̣̇д̇хаад̣̇ийхи гат̇ид̇о. силогод̇и гид̇д̇иван̣н̣о. саггаарод̇и ан̃ж̇алигаммаад̣̇и. бууж̇аад̇и г̇анд̇хамаалаад̣̇ийхи бууж̇аа. бан̇год̇и зса осийд̣̇аабанадтзна ‘‘бан̇го’’д̇и агкаад̇о. маханд̇зд̇и маханд̇абхааваббад̇д̇з. на д̇зсам̣ баад̣̇ад̇о жарзд̇и д̇зсам̣ санд̇игз на жарз, рааж̇агулуубаго на бхавзяяаасийд̇и ад̇т̇о. рааж̇аано хи аасийвисаа вияа мухуд̇д̇знзва гуж̇жхид̇ваа анаяаб̣яасанам̣ баабзнд̇и. абижа анд̇збураббавзсанз вуд̇д̇аад̣̇ийнававасзнабзд̇т̇а ад̇т̇о взд̣̇ид̇аб̣б̣о.
Tattha āsavoti pupphāsavādi. Visaṃ tadāhūti taṃ āsavasaṅkhātaṃ suraṃ ariyā ‘‘brahmacariyassa visa’’nti vadanti. Pamattanti muṭṭhassatiṃ. Tūlaṃ bhaṭṭhaṃvāti rukkhā bhassitvā patitatūlaṃ viya. Akkhātoti buddhādīhi kathito. Silokoti kittivaṇṇo. Sakkāroti añjalikammādi. Pūjāti gandhamālādīhi pūjā. Paṅkoti esa osīdāpanaṭṭhena ‘‘paṅko’’ti akkhāto. Mahanteti mahantabhāvappatte. Na tesaṃ pādato careti tesaṃ santike na care, rājakulūpako na bhaveyyāsīti attho. Rājāno hi āsīvisā viya muhutteneva kujjhitvā anayabyasanaṃ pāpenti. Apica antepurappavesane vuttādīnavavasenapettha attho veditabbo.
бхад̇д̇ад̇т̇од̇и бхад̇д̇зна ад̇т̇иго худ̇ваа. яад̣̇зд̇т̇а гусаланд̇и яам̣ д̇зсу убасан̇гамид̇аб̣б̣зсу г̇зхзсу гусалам̣ анаваж̇ж̇ам̣ бан̃жааг̇ожарарахид̇ам̣ ж̇аанзяяааси, д̇ад̇т̇а гхаасзсанам̣ жарзяяаасийд̇и ад̇т̇о. на жа руубз манам̣ гарзд̇и барагулз мад̇д̇ан̃н̃уу худ̇ваа бхож̇анам̣ бхун̃ж̇анд̇оби д̇ад̇т̇а ид̇т̇ируубз манам̣ маа гарзяяааси, маа жагкум̣ уммийлзд̇ваа ид̇т̇ируубз нимид̇д̇ам̣ г̇ан̣хзяяаасийд̇и вад̣̇ад̇и. г̇одтам̣ маж̇ж̇ам̣ гирааданд̇и аяам̣ бод̇т̇агзсу баато, адтагат̇ааяам̣ бана ‘‘г̇одтам̣ маж̇ж̇ам̣ гираасан̃жаа’’д̇и вад̇ваа ‘‘г̇одтанд̇и г̇уннам̣ тид̇адтаанам̣. маж̇ж̇анд̇и баанааг̇аарам̣. гираасанд̇и д̇худ̇д̇агзраадигаж̇ана’’нд̇и вуд̇д̇ам̣. сабхаа нигиран̣аани жаад̇и сабхааяо жа хиран̃н̃асуван̣н̣аанам̣ нигиран̣адтаанаани жа. аарагаад̇и зд̇аани саб̣б̣аани д̣̇уурад̇о бариваж̇ж̇зяяааси. яаанийваад̇и саббид̇злаяаанзна г̇ажчанд̇о висамам̣ маг̇г̇ам̣ вияа.
Bhattatthoti bhattena atthiko hutvā. Yadettha kusalanti yaṃ tesu upasaṅkamitabbesu gehesu kusalaṃ anavajjaṃ pañcaagocararahitaṃ jāneyyāsi, tattha ghāsesanaṃ careyyāsīti attho. Na ca rūpe manaṃ kareti parakule mattaññū hutvā bhojanaṃ bhuñjantopi tattha itthirūpe manaṃ mā kareyyāsi, mā cakkhuṃ ummīletvā itthirūpe nimittaṃ gaṇheyyāsīti vadati. Goṭṭhaṃ majjaṃ kirāṭanti ayaṃ potthakesu pāṭho, aṭṭhakathāyaṃ pana ‘‘goṭṭhaṃ majjaṃ kirāsañcā’’ti vatvā ‘‘goṭṭhanti gunnaṃ ṭhitaṭṭhānaṃ. Majjanti pānāgāraṃ. Kirāsanti dhuttakerāṭikajana’’nti vuttaṃ. Sabhā nikiraṇāni cāti sabhāyo ca hiraññasuvaṇṇānaṃ nikiraṇaṭṭhānāni ca. Ārakāti etāni sabbāni dūrato parivajjeyyāsi. Yānīvāti sappitelayānena gacchanto visamaṃ maggaṃ viya.
маан̣аво бид̇у гат̇знд̇ассзва сад̇им̣ бадилабхид̇ваа ‘‘д̇аад̇а, алам̣ мз мануссабат̇знаа’’д̇и ааха. ат̇асса бид̇аа мзд̇д̇аад̣̇ибхааванам̣ аажигки. со д̇ассоваад̣̇з тад̇ваа на жирассзва жхаанаабхин̃н̃аа ниб̣б̣ад̇д̇зси. убхоби бид̇аабуд̇д̇аа абарихийнаж̇жхаанаа гаалам̣ гад̇ваа б̣рахмалогз ниб̣б̣ад̇д̇им̣су.
Māṇavo pitu kathentasseva satiṃ paṭilabhitvā ‘‘tāta, alaṃ me manussapathenā’’ti āha. Athassa pitā mettādibhāvanaṃ ācikkhi. So tassovāde ṭhatvā na cirasseva jhānābhiññā nibbattesi. Ubhopi pitāputtā aparihīnajjhānā kālaṃ katvā brahmaloke nibbattiṃsu.
сад̇т̇аа имам̣ д̇хаммад̣̇зсанам̣ аахарид̇ваа ж̇аад̇агам̣ самод̇хаанзси – ‘‘д̇ад̣̇аа саа гумааригаа аяам̣ гумааригаа ахоси, д̇аабасагумааро угган̣тид̇абхигку, бид̇аа бана ахамзва ахоси’’нд̇и.
Satthā imaṃ dhammadesanaṃ āharitvā jātakaṃ samodhānesi – ‘‘tadā sā kumārikā ayaṃ kumārikā ahosi, tāpasakumāro ukkaṇṭhitabhikkhu, pitā pana ahameva ahosi’’nti.
жуул̣анаарад̣̇аж̇аад̇агаван̣н̣анаа жад̇уд̇т̇аа.
Cūḷanāradajātakavaṇṇanā catutthā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / ж̇аад̇агабаал̣и • Jātakapāḷi / 477. жуул̣анаарад̣̇аж̇аад̇агам̣ • 477. Cūḷanāradajātakaṃ
