| Library / Tipiṭaka / д̇ибидага • Tipiṭaka / ж̇аад̇ага-адтагат̇аа • Jātaka-aṭṭhakathā |
[193] 3. жуул̣абад̣̇умаж̇аад̇агаван̣н̣анаа
[193] 3. Cūḷapadumajātakavaṇṇanā
аяамзва саа ахамаби со анан̃н̃од̇и ид̣̇ам̣ сад̇т̇аа ж̇зд̇аванз вихаранд̇о угган̣тид̇абхигкум̣ аараб̣бха гат̇зси. вад̇т̇у уммаад̣̇анд̇ийж̇аад̇агз (ж̇аа. 2.20.57 аад̣̇аяо) аавибхависсад̇и. со бана бхигку сад̇т̇аараа ‘‘сажжам̣ гира д̇вам̣, бхигку, угган̣тид̇о’’д̇и вуд̇д̇з ‘‘сажжам̣, бхаг̇аваа’’д̇и вад̇ваа ‘‘гзна бана д̇вам̣ угган̣таабид̇о’’д̇и вуд̇д̇з ‘‘ахам̣, бханд̇з, згам̣ алан̇гад̇абадияад̇д̇ам̣ маад̇уг̇аамам̣ д̣̇исваа гилзсаанувад̇д̇аго худ̇ваа угган̣тид̇омхий’’д̇и ааха. ат̇а нам̣ сад̇т̇аа ‘‘бхигку, маад̇уг̇аамо наама агад̇ан̃н̃уу мид̇д̇ад̣̇уб̣бхий б̣ахумааяаа, бораан̣агабан̣д̣ид̇ааби ад̇д̇ано д̣̇агкин̣аж̇аан̣улохид̇ам̣ бааязд̇ваа яааваж̇ийвид̇ад̣̇аанамби д̣̇ад̇ваа маад̇уг̇аамасса жид̇д̇ам̣ на лабхим̣суу’’д̇и вад̇ваа ад̇ийд̇ам̣ аахари.
Ayameva sā ahamapi so anaññoti idaṃ satthā jetavane viharanto ukkaṇṭhitabhikkhuṃ ārabbha kathesi. Vatthu ummādantījātake (jā. 2.20.57 ādayo) āvibhavissati. So pana bhikkhu satthārā ‘‘saccaṃ kira tvaṃ, bhikkhu, ukkaṇṭhito’’ti vutte ‘‘saccaṃ, bhagavā’’ti vatvā ‘‘kena pana tvaṃ ukkaṇṭhāpito’’ti vutte ‘‘ahaṃ, bhante, ekaṃ alaṅkatapaṭiyattaṃ mātugāmaṃ disvā kilesānuvattako hutvā ukkaṇṭhitomhī’’ti āha. Atha naṃ satthā ‘‘bhikkhu, mātugāmo nāma akataññū mittadubbhī bahumāyā, porāṇakapaṇḍitāpi attano dakkhiṇajāṇulohitaṃ pāyetvā yāvajīvitadānampi datvā mātugāmassa cittaṃ na labhiṃsū’’ti vatvā atītaṃ āhari.
ад̇ийд̇з б̣аараан̣асияам̣ б̣рахмад̣̇ад̇д̇з раж̇ж̇ам̣ гаарзнд̇з б̣од̇хисад̇д̇о д̇асса аг̇г̇амахзсияаа гужчимхи ниб̣б̣ад̇д̇и, наамаг̇г̇ахан̣ад̣̇ивасз жасса ‘‘бад̣̇умагумааро’’д̇и наамам̣ агам̣су. д̇асса абарзна ча ганидтабхаад̇игаа ахзсум̣. д̇з сад̇д̇аби ж̇анаа анубуб̣б̣зна вуд̣дхиббад̇д̇аа гхарааваасам̣ г̇ахзд̇ваа ран̃н̃о сахааяаа вияа вижаранд̇и. ат̇згад̣̇ивасам̣ рааж̇аа рааж̇ан̇г̇ан̣ам̣ ологзнд̇о тид̇о д̇з махаабариваарзна рааж̇убадтаанам̣ ааг̇ажчанд̇з д̣̇исваа ‘‘имз мам̣ вад̇хид̇ваа раж̇ж̇амби г̇ан̣хзяяу’’нд̇и аасан̇гам̣ уббаад̣̇зд̇ваа д̇з баггосаабзд̇ваа – ‘‘д̇аад̇аа, д̇умхз имасмим̣ наг̇арз васид̇ум̣ на лабхат̇а, ан̃н̃ад̇т̇а г̇анд̇ваа мама ажжаязна ааг̇анд̇ваа гуласанд̇агам̣ раж̇ж̇ам̣ г̇ан̣хат̇аа’’д̇и ааха. д̇з бид̇у важанам̣ самбадижчид̇ваа род̣̇ид̇ваа ганд̣̇ид̇ваа ад̇д̇ано ад̇д̇ано гхараани г̇анд̇ваа баж̇аабад̇ияо аад̣̇ааяа ‘‘яад̇т̇а ваа д̇ад̇т̇а ваа г̇анд̇ваа ж̇ийвиссаамаа’’д̇и наг̇араа нигкамид̇ваа маг̇г̇ам̣ г̇ажчанд̇аа згам̣ ганд̇аарам̣ бад̇ваа аннабаанам̣ алабхамаанаа куд̣̇ам̣ ад̇хиваасзд̇ум̣ асаггонд̇аа ‘‘маяам̣ ж̇ийвамаанаа ид̇т̇ияо лабхиссаамаа’’д̇и ганидтасса бхарияам̣ маарзд̇ваа д̇зраса годтаасз гад̇ваа мам̣сам̣ каад̣̇им̣су. б̣од̇хисад̇д̇о ад̇д̇ано жа бхарияааяа жа лад̣̇д̇хагодтаасзсу згам̣ табзд̇ваа згам̣ д̣̇взби каад̣̇им̣су. звам̣ ча д̣̇ивасз ча ид̇т̇ияо маарзд̇ваа мам̣сам̣ каад̣̇им̣су.
Atīte bārāṇasiyaṃ brahmadatte rajjaṃ kārente bodhisatto tassa aggamahesiyā kucchimhi nibbatti, nāmaggahaṇadivase cassa ‘‘padumakumāro’’ti nāmaṃ akaṃsu. Tassa aparena cha kaniṭṭhabhātikā ahesuṃ. Te sattapi janā anupubbena vuḍḍhippattā gharāvāsaṃ gahetvā rañño sahāyā viya vicaranti. Athekadivasaṃ rājā rājaṅgaṇaṃ olokento ṭhito te mahāparivārena rājupaṭṭhānaṃ āgacchante disvā ‘‘ime maṃ vadhitvā rajjampi gaṇheyyu’’nti āsaṅkaṃ uppādetvā te pakkosāpetvā – ‘‘tātā, tumhe imasmiṃ nagare vasituṃ na labhatha, aññattha gantvā mama accayena āgantvā kulasantakaṃ rajjaṃ gaṇhathā’’ti āha. Te pitu vacanaṃ sampaṭicchitvā roditvā kanditvā attano attano gharāni gantvā pajāpatiyo ādāya ‘‘yattha vā tattha vā gantvā jīvissāmā’’ti nagarā nikkhamitvā maggaṃ gacchantā ekaṃ kantāraṃ patvā annapānaṃ alabhamānā khudaṃ adhivāsetuṃ asakkontā ‘‘mayaṃ jīvamānā itthiyo labhissāmā’’ti kaniṭṭhassa bhariyaṃ māretvā terasa koṭṭhāse katvā maṃsaṃ khādiṃsu. Bodhisatto attano ca bhariyāya ca laddhakoṭṭhāsesu ekaṃ ṭhapetvā ekaṃ dvepi khādiṃsu. Evaṃ cha divase cha itthiyo māretvā maṃsaṃ khādiṃsu.
б̣од̇хисад̇д̇о бана д̣̇ивасз д̣̇ивасз згзгам̣ табзд̇ваа ча годтаасз табзси. сад̇д̇амз д̣̇ивасз ‘‘б̣од̇хисад̇д̇асса бхарияам̣ маарзссаамаа’’д̇и вуд̇д̇з б̣од̇хисад̇д̇о д̇з ча годтаасз д̇зсам̣ д̣̇ад̇ваа ‘‘аж̇ж̇а д̇аава имз ча годтаасз каад̣̇ат̇а, свз ж̇ааниссаамаа’’д̇и вад̇ваа д̇зсам̣ мам̣сам̣ каад̣̇ид̇ваа нид̣̇д̣̇ааяанагаалз бхарияам̣ г̇ахзд̇ваа балааяи. саа т̇огам̣ г̇анд̇ваа ‘‘г̇анд̇ум̣ на саггоми, саамий’’д̇и ааха. ат̇а нам̣ б̣од̇хисад̇д̇о канд̇хзнаад̣̇ааяа арун̣уг̇г̇аманавзлааяа ганд̇аараа нигками. саа суурияз уг̇г̇ад̇з ‘‘бибаасид̇аамхи, саамий’’д̇и ааха. б̣од̇хисад̇д̇о ‘‘уд̣̇агам̣ над̇т̇и, бхад̣̇д̣̇з’’д̇и вад̇ваа бунаббунам̣ гат̇ид̇з каг̇г̇зна д̣̇агкин̣аж̇аан̣угам̣ бахарид̇ваа – ‘‘бхад̣̇д̣̇з, баанийяам̣ над̇т̇и, ид̣̇ам̣ бана мз д̣̇агкин̣аж̇аан̣улохид̇ам̣ бивамаанаа нисийд̣̇аахий’’д̇и ааха. саа д̇ат̇аа агааси. д̇з анубуб̣б̣зна махааг̇ан̇г̇ам̣ бад̇ваа бивид̇ваа жа нхад̇ваа жа палаапалам̣ каад̣̇ид̇ваа паасугадтаанз виссамид̇ваа згасмим̣ г̇ан̇г̇аанивад̇д̇анз ассамабад̣̇ам̣ маабзд̇ваа ваасам̣ габбзсум̣.
Bodhisatto pana divase divase ekekaṃ ṭhapetvā cha koṭṭhāse ṭhapesi. Sattame divase ‘‘bodhisattassa bhariyaṃ māressāmā’’ti vutte bodhisatto te cha koṭṭhāse tesaṃ datvā ‘‘ajja tāva ime cha koṭṭhāse khādatha, sve jānissāmā’’ti vatvā tesaṃ maṃsaṃ khāditvā niddāyanakāle bhariyaṃ gahetvā palāyi. Sā thokaṃ gantvā ‘‘gantuṃ na sakkomi, sāmī’’ti āha. Atha naṃ bodhisatto khandhenādāya aruṇuggamanavelāya kantārā nikkhami. Sā sūriye uggate ‘‘pipāsitāmhi, sāmī’’ti āha. Bodhisatto ‘‘udakaṃ natthi, bhadde’’ti vatvā punappunaṃ kathite khaggena dakkhiṇajāṇukaṃ paharitvā – ‘‘bhadde, pānīyaṃ natthi, idaṃ pana me dakkhiṇajāṇulohitaṃ pivamānā nisīdāhī’’ti āha. Sā tathā akāsi. Te anupubbena mahāgaṅgaṃ patvā pivitvā ca nhatvā ca phalāphalaṃ khāditvā phāsukaṭṭhāne vissamitvā ekasmiṃ gaṅgānivattane assamapadaṃ māpetvā vāsaṃ kappesuṃ.
ат̇згад̣̇ивасам̣ убариг̇ан̇г̇ааяа рааж̇аабараад̇хигам̣ жорам̣ хад̇т̇абаад̣̇з жа ган̣н̣анаасан̃жа чинд̣̇ид̇ваа згасмим̣ амб̣ан̣агз нибаж̇ж̇аабзд̇ваа махааг̇ан̇г̇ааяа баваахзсум̣. со маханд̇ам̣ аддассарам̣ гаронд̇о д̇ам̣ таанам̣ баабун̣и. б̣од̇хисад̇д̇о д̇асса гарун̣ам̣ барид̣̇звид̇асад̣̇д̣̇ам̣ суд̇ваа ‘‘д̣̇угкаббад̇д̇о сад̇д̇о маяи тид̇з маа нассий’’д̇и г̇ан̇г̇аад̇ийрам̣ г̇анд̇ваа д̇ам̣ уд̇д̇аарзд̇ваа ассамабад̣̇ам̣ аанзд̇ваа гаасаавад̇хованалзбанаад̣̇ийхи ван̣абадигаммам̣ агааси. бхарияаа банасса ‘‘зваруубам̣ наама д̣̇уссийлам̣ гун̣там̣ г̇ан̇г̇ааяа ааваахзд̇ваа бадиж̇аг̇г̇анд̇о вижарад̇ий’’д̇и вад̇ваа д̇ам̣ гун̣там̣ ж̇иг̇ужчамаанаа нидтубханд̇ий вижарад̇и. б̣од̇хисад̇д̇о д̇асса ван̣зсу сам̣вирул̣хзсу бхарияааяа сад̣̇д̇хим̣ д̇ам̣ ассамабад̣̇зязва табзд̇ваа адавид̇о палаапалаани аахарид̇ваа д̇ан̃жа бхарияан̃жа босзси. д̇зсу звам̣ васанд̇зсу саа ид̇т̇ий зд̇асмим̣ гун̣тз бадиб̣ад̣̇д̇хажид̇д̇аа худ̇ваа д̇зна сад̣̇д̇хим̣ анаажаарам̣ жарид̇ваа згзнубааязна б̣од̇хисад̇д̇ам̣ маарзд̇угаамаа худ̇ваа звамааха – ‘‘саами, ахам̣ д̇умхаагам̣ ам̣сз нисийд̣̇ид̇ваа ганд̇аараа нигкамамаанаа згам̣ баб̣б̣ад̇ам̣ ологзд̇ваа аяяз баб̣б̣ад̇амхи ниб̣б̣ад̇д̇ад̣̇звад̇з ‘сажз ахам̣ саамигзна сад̣̇д̇хим̣ арог̇аа ж̇ийвид̇ам̣ лабхиссаами, б̣алигаммам̣ д̇з гариссаамий’д̇и ааяаажим̣, саа мам̣ ид̣̇аани уд̇д̇аасзд̇и, гаромассаа б̣алигамма’’нд̇и. б̣од̇хисад̇д̇о д̇ам̣ мааяам̣ аж̇аананд̇о ‘‘саад̇хуу’’д̇и самбадижчид̇ваа б̣алигаммам̣ саж̇ж̇зд̇ваа д̇ааяа б̣алибхааж̇анам̣ г̇аахаабзд̇ваа баб̣б̣ад̇амад̇т̇агам̣ абхирухи. ат̇а нам̣ саа звамааха – ‘‘саами, д̣̇звад̇ааяаби д̇ван̃н̃зва уд̇д̇амад̣̇звад̇аа, батамам̣ д̇аава д̇ам̣ ванабубпзхи бууж̇зд̇ваа бад̣̇агкин̣ам̣ гад̇ваа ванд̣̇ид̇ваа бажчаа д̣̇звад̇ааяа б̣алигаммам̣ гариссаамий’’д̇и. саа б̣од̇хисад̇д̇ам̣ бабаад̇аабхимукам̣ табзд̇ваа ванабубпзхи бууж̇зд̇ваа бад̣̇агкин̣ам̣ гад̇ваа ванд̣̇ид̇угаамаа вияа худ̇ваа бидтибассз тад̇ваа бидтияам̣ бахарид̇ваа бабаад̇з баад̇зд̇ваа ‘‘д̣̇идтаа мз бажжаамид̇д̇асса бидтий’’д̇и д̇удтамаанасаа баб̣б̣ад̇аа орохид̇ваа гун̣тасса санд̇игам̣ аг̇амааси.
Athekadivasaṃ uparigaṅgāya rājāparādhikaṃ coraṃ hatthapāde ca kaṇṇanāsañca chinditvā ekasmiṃ ambaṇake nipajjāpetvā mahāgaṅgāya pavāhesuṃ. So mahantaṃ aṭṭassaraṃ karonto taṃ ṭhānaṃ pāpuṇi. Bodhisatto tassa karuṇaṃ paridevitasaddaṃ sutvā ‘‘dukkhappatto satto mayi ṭhite mā nassī’’ti gaṅgātīraṃ gantvā taṃ uttāretvā assamapadaṃ ānetvā kāsāvadhovanalepanādīhi vaṇapaṭikammaṃ akāsi. Bhariyā panassa ‘‘evarūpaṃ nāma dussīlaṃ kuṇṭhaṃ gaṅgāya āvāhetvā paṭijagganto vicaratī’’ti vatvā taṃ kuṇṭhaṃ jigucchamānā niṭṭhubhantī vicarati. Bodhisatto tassa vaṇesu saṃviruḷhesu bhariyāya saddhiṃ taṃ assamapadeyeva ṭhapetvā aṭavito phalāphalāni āharitvā tañca bhariyañca posesi. Tesu evaṃ vasantesu sā itthī etasmiṃ kuṇṭhe paṭibaddhacittā hutvā tena saddhiṃ anācāraṃ caritvā ekenupāyena bodhisattaṃ māretukāmā hutvā evamāha – ‘‘sāmi, ahaṃ tumhākaṃ aṃse nisīditvā kantārā nikkhamamānā ekaṃ pabbataṃ oloketvā ayye pabbatamhi nibbattadevate ‘sace ahaṃ sāmikena saddhiṃ arogā jīvitaṃ labhissāmi, balikammaṃ te karissāmī’ti āyāciṃ, sā maṃ idāni uttāseti, karomassā balikamma’’nti. Bodhisatto taṃ māyaṃ ajānanto ‘‘sādhū’’ti sampaṭicchitvā balikammaṃ sajjetvā tāya balibhājanaṃ gāhāpetvā pabbatamatthakaṃ abhiruhi. Atha naṃ sā evamāha – ‘‘sāmi, devatāyapi tvaññeva uttamadevatā, paṭhamaṃ tāva taṃ vanapupphehi pūjetvā padakkhiṇaṃ katvā vanditvā pacchā devatāya balikammaṃ karissāmī’’ti. Sā bodhisattaṃ papātābhimukhaṃ ṭhapetvā vanapupphehi pūjetvā padakkhiṇaṃ katvā vanditukāmā viya hutvā piṭṭhipasse ṭhatvā piṭṭhiyaṃ paharitvā papāte pātetvā ‘‘diṭṭhā me paccāmittassa piṭṭhī’’ti tuṭṭhamānasā pabbatā orohitvā kuṇṭhassa santikaṃ agamāsi.
б̣од̇хисад̇д̇оби бабаад̇аанусаарзна баб̣б̣ад̇аа бад̇анд̇о уд̣̇умб̣араругкамад̇т̇агз згасмим̣ аган̣дагз бад̇д̇асан̃чаннз г̇умб̣з лаг̇г̇и, хздтаабаб̣б̣ад̇ам̣ бана орохид̇ум̣ на саггаа. со уд̣̇умб̣арапалаани каад̣̇ид̇ваа сааканд̇арз нисийд̣̇и. ат̇зго махаасарийро г̇од̇харааж̇аа хздтаабаб̣б̣ад̇абаад̣̇ад̇о абхирухид̇ваа д̇асмим̣ уд̣̇умб̣арапалаани каад̣̇ад̇и. со д̇ам̣ д̣̇ивасам̣ б̣од̇хисад̇д̇ам̣ д̣̇исваа балааяи, бунад̣̇ивасз ааг̇анд̇ваа згасмим̣ бассз палаани каад̣̇ид̇ваа баггаами. со звам̣ бунаббунам̣ ааг̇ажчанд̇о б̣од̇хисад̇д̇зна сад̣̇д̇хим̣ виссаасам̣ аабаж̇ж̇ид̇ваа ‘‘д̇вам̣ имам̣ таанам̣ гзна гааран̣зна ааг̇ад̇осий’’д̇и бужчид̇ваа ‘‘иминаа наама гааран̣знаа’’д̇и вуд̇д̇з ‘‘д̇зна хи маа бхааяий’’д̇и вад̇ваа б̣од̇хисад̇д̇ам̣ ад̇д̇ано бидтияам̣ нибаж̇ж̇аабзд̇ваа од̇аарзд̇ваа аран̃н̃ад̇о нигкамид̇ваа махаамаг̇г̇з табзд̇ваа ‘‘д̇вам̣ иминаа маг̇г̇зна г̇ажчаахий’’д̇и уяяож̇зд̇ваа аран̃н̃амзва баависи. б̣од̇хисад̇д̇о згам̣ г̇аамагам̣ г̇анд̇ваа д̇ад̇т̇зва васанд̇о бид̇у гаалагад̇абхаавам̣ суд̇ваа б̣аараан̣асим̣ г̇анд̇ваа гуласанд̇агз раж̇ж̇з бад̇идтааяа бад̣̇умарааж̇аа наама худ̇ваа д̣̇аса рааж̇ад̇хаммз агобзд̇ваа д̇хаммзна раж̇ж̇ам̣ гаарзнд̇о жад̇уусу наг̇арад̣̇ваарзсу наг̇арамаж̇жхз нивзсанад̣̇ваарзд̇и ча д̣̇аанасаалааяо гаарзд̇ваа д̣̇звасигам̣ ча сад̇асахассаани виссаж̇ж̇зд̇ваа д̣̇аанам̣ ад̣̇ааси.
Bodhisattopi papātānusārena pabbatā patanto udumbararukkhamatthake ekasmiṃ akaṇṭake pattasañchanne gumbe laggi, heṭṭhāpabbataṃ pana orohituṃ na sakkā. So udumbaraphalāni khāditvā sākhantare nisīdi. Atheko mahāsarīro godharājā heṭṭhāpabbatapādato abhiruhitvā tasmiṃ udumbaraphalāni khādati. So taṃ divasaṃ bodhisattaṃ disvā palāyi, punadivase āgantvā ekasmiṃ passe phalāni khāditvā pakkāmi. So evaṃ punappunaṃ āgacchanto bodhisattena saddhiṃ vissāsaṃ āpajjitvā ‘‘tvaṃ imaṃ ṭhānaṃ kena kāraṇena āgatosī’’ti pucchitvā ‘‘iminā nāma kāraṇenā’’ti vutte ‘‘tena hi mā bhāyī’’ti vatvā bodhisattaṃ attano piṭṭhiyaṃ nipajjāpetvā otāretvā araññato nikkhamitvā mahāmagge ṭhapetvā ‘‘tvaṃ iminā maggena gacchāhī’’ti uyyojetvā araññameva pāvisi. Bodhisatto ekaṃ gāmakaṃ gantvā tattheva vasanto pitu kālakatabhāvaṃ sutvā bārāṇasiṃ gantvā kulasantake rajje patiṭṭhāya padumarājā nāma hutvā dasa rājadhamme akopetvā dhammena rajjaṃ kārento catūsu nagaradvāresu nagaramajjhe nivesanadvāreti cha dānasālāyo kāretvā devasikaṃ cha satasahassāni vissajjetvā dānaṃ adāsi.
сааби ко ид̇т̇ий д̇ам̣ гун̣там̣ канд̇хз нисийд̣̇аабзд̇ваа аран̃н̃аа нигкамид̇ваа мануссабат̇з бхигкам̣ жарамаанаа яааг̇убхад̇д̇ам̣ сам̣харид̇ваа д̇ам̣ гун̣там̣ босзси. мануссаа ‘‘аяам̣ д̇з гим̣ ход̇ий’’д̇и бужчияамаанаа ‘‘ахам̣ зд̇асса маад̇улад̇хийд̇аа, бид̇ужчаабуд̇д̇о мз зсо, зд̇ассзва мам̣ ад̣̇ам̣су, саахам̣ важ̇жхаббад̇д̇амби ад̇д̇ано саамигам̣ угкибид̇ваа барихаранд̇ий бхигкам̣ жарид̇ваа босзмий’’д̇и. мануссаа ‘‘аяам̣ бад̇иб̣б̣ад̇аа’’д̇и д̇ад̇о бадтааяа б̣ахуд̇арам̣ яааг̇убхад̇д̇ам̣ ад̣̇ам̣су. абарз бана ж̇анаа звамаахам̣су – ‘‘д̇вам̣ маа звам̣ вижари, бад̣̇умарааж̇аа б̣аараан̣асияам̣ раж̇ж̇ам̣ гаарзд̇и, сагалаж̇амб̣уд̣̇ийбам̣ сан̇кобхзд̇ваа д̣̇аанам̣ д̣̇зд̇и, со д̇ам̣ д̣̇исваа д̇уссиссад̇и, д̇удто д̇з б̣ахум̣ д̇ханам̣ д̣̇ассад̇и, д̇ава саамигам̣ ид̇хзва нисийд̣̇аабзд̇ваа г̇ажчаа’’д̇и т̇ирам̣ гад̇ваа взд̇д̇абажчим̣ ад̣̇ам̣су. саа анаажаараа д̇ам̣ гун̣там̣ взд̇д̇абажчияам̣ нисийд̣̇аабзд̇ваа бажчим̣ угкибид̇ваа б̣аараан̣асим̣ г̇анд̇ваа д̣̇аанасаалаасу бхун̃ж̇амаанаа вижарад̇и. б̣од̇хисад̇д̇о алан̇гад̇ахад̇т̇игканд̇хавараг̇ад̇о д̣̇аанаг̇г̇ам̣ г̇анд̇ваа адтаннам̣ ваа д̣̇асаннам̣ ваа сахад̇т̇аа д̣̇аанам̣ д̣̇ад̇ваа буна г̇зхам̣ г̇ажчад̇и . саа анаажаараа д̇ам̣ гун̣там̣ бажчияам̣ нисийд̣̇аабзд̇ваа бажчим̣ угкибид̇ваа д̇асса г̇аманамаг̇г̇з адтааси.
Sāpi kho itthī taṃ kuṇṭhaṃ khandhe nisīdāpetvā araññā nikkhamitvā manussapathe bhikkhaṃ caramānā yāgubhattaṃ saṃharitvā taṃ kuṇṭhaṃ posesi. Manussā ‘‘ayaṃ te kiṃ hotī’’ti pucchiyamānā ‘‘ahaṃ etassa mātuladhītā, pitucchāputto me eso, etasseva maṃ adaṃsu, sāhaṃ vajjhappattampi attano sāmikaṃ ukkhipitvā pariharantī bhikkhaṃ caritvā posemī’’ti. Manussā ‘‘ayaṃ patibbatā’’ti tato paṭṭhāya bahutaraṃ yāgubhattaṃ adaṃsu. Apare pana janā evamāhaṃsu – ‘‘tvaṃ mā evaṃ vicari, padumarājā bārāṇasiyaṃ rajjaṃ kāreti, sakalajambudīpaṃ saṅkhobhetvā dānaṃ deti, so taṃ disvā tussissati, tuṭṭho te bahuṃ dhanaṃ dassati, tava sāmikaṃ idheva nisīdāpetvā gacchā’’ti thiraṃ katvā vettapacchiṃ adaṃsu. Sā anācārā taṃ kuṇṭhaṃ vettapacchiyaṃ nisīdāpetvā pacchiṃ ukkhipitvā bārāṇasiṃ gantvā dānasālāsu bhuñjamānā vicarati. Bodhisatto alaṅkatahatthikkhandhavaragato dānaggaṃ gantvā aṭṭhannaṃ vā dasannaṃ vā sahatthā dānaṃ datvā puna gehaṃ gacchati . Sā anācārā taṃ kuṇṭhaṃ pacchiyaṃ nisīdāpetvā pacchiṃ ukkhipitvā tassa gamanamagge aṭṭhāsi.
рааж̇аа д̣̇исваа ‘‘гим̣ зд̇а’’нд̇и бужчи. ‘‘згаа, д̣̇зва, бад̇иб̣б̣ад̇аа’’д̇и. ат̇а нам̣ баггосаабзд̇ваа сан̃ж̇аанид̇ваа гун̣там̣ бажчияаа нийхараабзд̇ваа ‘‘аяам̣ д̇з гим̣ ход̇ий’’д̇и бужчи. саа ‘‘бид̇ужчаабуд̇д̇о мз, д̣̇зва, гулад̣̇ад̇д̇иго саамиго’’д̇и ааха. мануссаа д̇ам̣ анд̇арам̣ аж̇аананд̇аа ‘‘ахо бад̇иб̣б̣ад̇аа’’д̇иаад̣̇ийни вад̇ваа д̇ам̣ анаажаарид̇т̇им̣ ван̣н̣аяим̣су. буна рааж̇аа ‘‘аяам̣ д̇з гун̣то гулад̣̇ад̇д̇иго саамиго’’д̇и бужчи. саа рааж̇аанам̣ асан̃ж̇аананд̇ий ‘‘аама, д̣̇зваа’’д̇и суураа худ̇ваа гат̇зси. ат̇а нам̣ рааж̇аа ‘‘гим̣ зса б̣аараан̣асиран̃н̃о буд̇д̇о, нану д̇вам̣ бад̣̇умагумаарасса бхарияаа асугаран̃н̃о д̇хийд̇аа, асугаа наама мама ж̇аан̣улохид̇ам̣ бивид̇ваа имасмим̣ гун̣тз бадиб̣ад̣̇д̇хажид̇д̇аа мам̣ бабаад̇з баад̇зси. саа ид̣̇аани д̇вам̣ налаадзна мажжум̣ г̇ахзд̇ваа мам̣ ‘мад̇о’д̇и ман̃н̃амаанаа имам̣ таанам̣ ааг̇ад̇аа, нану ахам̣ ж̇ийваамий’’д̇и вад̇ваа амажжз ааманд̇зд̇ваа ‘‘бхо, амажжаа нану жаахам̣ д̇умхзхи будто звам̣ гат̇зсим̣ ‘мама ганидтабхаад̇игаа ча ид̇т̇ияо маарзд̇ваа мам̣сам̣ каад̣̇им̣су, ахам̣ бана маяхам̣ бхарияам̣ арог̇ам̣ гад̇ваа г̇ан̇г̇аад̇ийрам̣ нзд̇ваа ассамабад̣̇з васанд̇о згам̣ важ̇жхаббад̇д̇ам̣ гун̣там̣ уд̇д̇аарзд̇ваа бадиж̇аг̇г̇им̣. саа ид̇т̇ий зд̇асмим̣ бадиб̣ад̣̇д̇хажид̇д̇аа мам̣ баб̣б̣ад̇абаад̣̇з баад̇зси. ахам̣ ад̇д̇ано мзд̇д̇ажид̇д̇ад̇ааяа ж̇ийвид̇ам̣ лабхи’нд̇и. яааяа ахам̣ баб̣б̣ад̇аа баад̇ид̇о, на саа ан̃н̃аа, зсаа д̣̇уссийлаа, соби важ̇жхаббад̇д̇о гун̣то на ан̃н̃о, аяамзваа’’д̇и вад̇ваа имаа г̇аат̇аа авожа –
Rājā disvā ‘‘kiṃ eta’’nti pucchi. ‘‘Ekā, deva, patibbatā’’ti. Atha naṃ pakkosāpetvā sañjānitvā kuṇṭhaṃ pacchiyā nīharāpetvā ‘‘ayaṃ te kiṃ hotī’’ti pucchi. Sā ‘‘pitucchāputto me, deva, kuladattiko sāmiko’’ti āha. Manussā taṃ antaraṃ ajānantā ‘‘aho patibbatā’’tiādīni vatvā taṃ anācāritthiṃ vaṇṇayiṃsu. Puna rājā ‘‘ayaṃ te kuṇṭho kuladattiko sāmiko’’ti pucchi. Sā rājānaṃ asañjānantī ‘‘āma, devā’’ti sūrā hutvā kathesi. Atha naṃ rājā ‘‘kiṃ esa bārāṇasirañño putto, nanu tvaṃ padumakumārassa bhariyā asukarañño dhītā, asukā nāma mama jāṇulohitaṃ pivitvā imasmiṃ kuṇṭhe paṭibaddhacittā maṃ papāte pātesi. Sā idāni tvaṃ nalāṭena maccuṃ gahetvā maṃ ‘mato’ti maññamānā imaṃ ṭhānaṃ āgatā, nanu ahaṃ jīvāmī’’ti vatvā amacce āmantetvā ‘‘bho, amaccā nanu cāhaṃ tumhehi puṭṭho evaṃ kathesiṃ ‘mama kaniṭṭhabhātikā cha itthiyo māretvā maṃsaṃ khādiṃsu, ahaṃ pana mayhaṃ bhariyaṃ arogaṃ katvā gaṅgātīraṃ netvā assamapade vasanto ekaṃ vajjhappattaṃ kuṇṭhaṃ uttāretvā paṭijaggiṃ. Sā itthī etasmiṃ paṭibaddhacittā maṃ pabbatapāde pātesi. Ahaṃ attano mettacittatāya jīvitaṃ labhi’nti. Yāya ahaṃ pabbatā pātito, na sā aññā, esā dussīlā, sopi vajjhappatto kuṇṭho na añño, ayamevā’’ti vatvā imā gāthā avoca –
85.
85.
‘‘аяамзва саа ахамаби со анан̃н̃о, аяамзва со хад̇т̇ажчинно анан̃н̃о;
‘‘Ayameva sā ahamapi so anañño, ayameva so hatthacchinno anañño;
яамааха ‘гомаарабад̇ий мама’нд̇и, важ̇жхид̇т̇ияо над̇т̇и ид̇т̇ийсу сажжам̣.
Yamāha ‘komārapatī mama’nti, vajjhitthiyo natthi itthīsu saccaṃ.
86.
86.
‘‘иман̃жа ж̇аммам̣ мусалзна ханд̇ваа, луд̣̇д̣̇ам̣ чавам̣ барад̣̇ааруубасзвим̣;
‘‘Imañca jammaṃ musalena hantvā, luddaṃ chavaṃ paradārūpaseviṃ;
имиссаа жа нам̣ баабабад̇иб̣б̣ад̇ааяа, ж̇ийванд̇ияаа чинд̣̇ат̇а ган̣н̣анааса’’нд̇и.
Imissā ca naṃ pāpapatibbatāya, jīvantiyā chindatha kaṇṇanāsa’’nti.
д̇ад̇т̇а яамааха гомаарабад̇ий маманд̇и яам̣ зсаа ‘‘аяам̣ мз, гомаарабад̇и, гулад̣̇ад̇д̇иго саамиго’’д̇и ааха, аяамзва со, на ан̃н̃о. ‘‘яамааху , гомаарабад̇ий’’д̇иби баато. аяамзва хи бод̇т̇агзсу ликид̇о, д̇ассааби аяамзвад̇т̇о, важанавибаллаасо банзд̇т̇а взд̣̇ид̇аб̣б̣о. яан̃хи ран̃н̃аа вуд̇д̇ам̣, д̇ад̣̇зва ид̇ха ааг̇ад̇ам̣. важ̇жхид̇т̇ияод̇и ид̇т̇ияо наама важ̇жхаа вад̇хид̇аб̣б̣аа зва. над̇т̇и ид̇т̇ийсу сажжанд̇и зд̇аасу сабхааво наамзго над̇т̇и. ‘‘иман̃жа ж̇амма’’нд̇иаад̣̇и д̣̇виннамби д̇зсам̣ д̣̇ан̣д̣аан̣аабанавасзна вуд̇д̇ам̣. д̇ад̇т̇а ж̇амманд̇и лаамагам̣. мусалзна ханд̇ваад̇и мусалзна ханид̇ваа бот̇зд̇ваа адтийни бхан̃ж̇ид̇ваа жун̣н̣авижун̣н̣ам̣ гад̇ваа. луд̣̇д̣̇анд̇и д̣̇аарун̣ам̣. чаванд̇и г̇ун̣аабхаавзна ниж̇ж̇ийвам̣ мад̇асад̣̇исам̣. имиссаа жа нанд̇и зд̇т̇а нанд̇и нибаад̇амад̇д̇ам̣, имиссаа жа баабабад̇иб̣б̣ад̇ааяа анаажаарааяа д̣̇уссийлааяа ж̇ийванд̇ияаава ган̣н̣анаасам̣ чинд̣̇ат̇аад̇и ад̇т̇о.
Tattha yamāha komārapatī mamanti yaṃ esā ‘‘ayaṃ me, komārapati, kuladattiko sāmiko’’ti āha, ayameva so, na añño. ‘‘Yamāhu , komārapatī’’tipi pāṭho. Ayameva hi potthakesu likhito, tassāpi ayamevattho, vacanavipallāso panettha veditabbo. Yañhi raññā vuttaṃ, tadeva idha āgataṃ. Vajjhitthiyoti itthiyo nāma vajjhā vadhitabbā eva. Natthi itthīsu saccanti etāsu sabhāvo nāmeko natthi. ‘‘Imañca jamma’’ntiādi dvinnampi tesaṃ daṇḍāṇāpanavasena vuttaṃ. Tattha jammanti lāmakaṃ. Musalena hantvāti musalena hanitvā pothetvā aṭṭhīni bhañjitvā cuṇṇavicuṇṇaṃ katvā. Luddanti dāruṇaṃ. Chavanti guṇābhāvena nijjīvaṃ matasadisaṃ. Imissāca nanti ettha nanti nipātamattaṃ, imissā ca pāpapatibbatāya anācārāya dussīlāya jīvantiyāva kaṇṇanāsaṃ chindathāti attho.
б̣од̇хисад̇д̇о год̇хам̣ ад̇хиваасзд̇ум̣ асаггонд̇о звам̣ д̇зсам̣ д̣̇ан̣д̣ам̣ аан̣аабзд̇вааби на д̇ат̇аа гаарзси . гобам̣ бана манд̣̇ам̣ гад̇ваа яат̇аа саа бажчим̣ сийсад̇о оробзд̇ум̣ на саггод̇и, звам̣ г̇аал̣хад̇арам̣ б̣анд̇хаабзд̇ваа гун̣там̣ д̇ад̇т̇а багкибаабзд̇ваа ад̇д̇ано виж̇ид̇аа нийхараабзси.
Bodhisatto kodhaṃ adhivāsetuṃ asakkonto evaṃ tesaṃ daṇḍaṃ āṇāpetvāpi na tathā kāresi . Kopaṃ pana mandaṃ katvā yathā sā pacchiṃ sīsato oropetuṃ na sakkoti, evaṃ gāḷhataraṃ bandhāpetvā kuṇṭhaṃ tattha pakkhipāpetvā attano vijitā nīharāpesi.
сад̇т̇аа имам̣ д̇хаммад̣̇зсанам̣ аахарид̇ваа сажжаани багаасзд̇ваа ж̇аад̇агам̣ самод̇хаанзси – сажжабарияосаанз угган̣тид̇абхигку сод̇аабад̇д̇ипалз бад̇идтахи. ‘‘д̇ад̣̇аа ча бхаад̇аро ан̃н̃ад̇араа т̇зраа ахзсум̣, бхарияаа жин̃жамаан̣авигаа, гун̣то д̣̇звад̣̇ад̇д̇о, г̇од̇харааж̇аа аананд̣̇о, бад̣̇умарааж̇аа бана ахамзва ахоси’’нд̇и.
Satthā imaṃ dhammadesanaṃ āharitvā saccāni pakāsetvā jātakaṃ samodhānesi – saccapariyosāne ukkaṇṭhitabhikkhu sotāpattiphale patiṭṭhahi. ‘‘Tadā cha bhātaro aññatarā therā ahesuṃ, bhariyā ciñcamāṇavikā, kuṇṭho devadatto, godharājā ānando, padumarājā pana ahameva ahosi’’nti.
жуул̣абад̣̇умаж̇аад̇агаван̣н̣анаа д̇ад̇ияаа.
Cūḷapadumajātakavaṇṇanā tatiyā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / ж̇аад̇агабаал̣и • Jātakapāḷi / 193. жуул̣абад̣̇умаж̇аад̇агам̣ • 193. Cūḷapadumajātakaṃ
