| Library / Tipiṭaka / д̇ибидага • Tipiṭaka / маж̇жхиманигааяа • Majjhimanikāya |
9. жуул̣асагулуд̣̇ааяисуд̇д̇ам̣
9. Cūḷasakuludāyisuttaṃ
269. звам̣ мз суд̇ам̣ – згам̣ самаяам̣ бхаг̇аваа рааж̇аг̇ахз вихарад̇и взл̣уванз галанд̣̇аганиваабз. д̇зна ко бана самаязна сагулуд̣̇ааяий бариб̣б̣ааж̇аго мораниваабз бариб̣б̣ааж̇агаараамз бадивасад̇и махад̇ияаа бариб̣б̣ааж̇агабарисааяа сад̣̇д̇хим̣. ат̇а ко бхаг̇аваа буб̣б̣ан̣хасамаяам̣ ниваасзд̇ваа бад̇д̇ажийварамаад̣̇ааяа рааж̇аг̇ахам̣ бин̣д̣ааяа баависи. ат̇а ко бхаг̇авад̇о зд̇ад̣̇ахоси – ‘‘ад̇иббаг̇о ко д̇аава рааж̇аг̇ахз бин̣д̣ааяа жарид̇ум̣. яам̣нуунаахам̣ язна мораниваабо бариб̣б̣ааж̇агаараамо язна сагулуд̣̇ааяий бариб̣б̣ааж̇аго д̇знубасан̇гамзяяа’’нд̇и. ат̇а ко бхаг̇аваа язна мораниваабо бариб̣б̣ааж̇агаараамо д̇знубасан̇гами.
269. Evaṃ me sutaṃ – ekaṃ samayaṃ bhagavā rājagahe viharati veḷuvane kalandakanivāpe. Tena kho pana samayena sakuludāyī paribbājako moranivāpe paribbājakārāme paṭivasati mahatiyā paribbājakaparisāya saddhiṃ. Atha kho bhagavā pubbaṇhasamayaṃ nivāsetvā pattacīvaramādāya rājagahaṃ piṇḍāya pāvisi. Atha kho bhagavato etadahosi – ‘‘atippago kho tāva rājagahe piṇḍāya carituṃ. Yaṃnūnāhaṃ yena moranivāpo paribbājakārāmo yena sakuludāyī paribbājako tenupasaṅkameyya’’nti. Atha kho bhagavā yena moranivāpo paribbājakārāmo tenupasaṅkami.
д̇зна ко бана самаязна сагулуд̣̇ааяий бариб̣б̣ааж̇аго махад̇ияаа бариб̣б̣ааж̇агабарисааяа сад̣̇д̇хим̣ нисинно ход̇и уннаад̣̇инияаа ужжаасад̣̇д̣̇амахаасад̣̇д̣̇ааяа анзгавихид̇ам̣ д̇иражчаанагат̇ам̣ гат̇знд̇ияаа, сзяяат̇ид̣̇ам̣ – рааж̇агат̇ам̣ жорагат̇ам̣ махаамад̇д̇агат̇ам̣ сзнаагат̇ам̣ бхаяагат̇ам̣ яуд̣̇д̇хагат̇ам̣ аннагат̇ам̣ баанагат̇ам̣ вад̇т̇агат̇ам̣ саяанагат̇ам̣ маалаагат̇ам̣ г̇анд̇хагат̇ам̣ н̃аад̇игат̇ам̣ яаанагат̇ам̣ г̇аамагат̇ам̣ ниг̇амагат̇ам̣ наг̇арагат̇ам̣ ж̇анабад̣̇агат̇ам̣ ид̇т̇игат̇ам̣ суурагат̇ам̣ висикаагат̇ам̣ гумбхадтаанагат̇ам̣ буб̣б̣абзд̇агат̇ам̣ наанад̇д̇агат̇ам̣ логагкааяигам̣ самуд̣̇д̣̇агкааяигам̣ ид̇ибхаваабхавагат̇ам̣ ид̇и ваа. ад̣̇д̣̇асаа ко сагулуд̣̇ааяий бариб̣б̣ааж̇аго бхаг̇аванд̇ам̣ д̣̇уурад̇ова ааг̇ажчанд̇ам̣. д̣̇исваана сагам̣ барисам̣ сан̣таабзси – ‘‘аббасад̣̇д̣̇аа бхонд̇о хонд̇у, маа бхонд̇о сад̣̇д̣̇амагад̇т̇а. аяам̣ саман̣о г̇од̇амо ааг̇ажчад̇и; аббасад̣̇д̣̇агаамо ко бана со ааяасмаа аббасад̣̇д̣̇асса ван̣н̣аваад̣̇ий. аббзва наама аббасад̣̇д̣̇ам̣ барисам̣ вид̣̇ид̇ваа убасан̇гамид̇аб̣б̣ам̣ ман̃н̃зяяаа’’д̇и. ат̇а ко д̇з бариб̣б̣ааж̇агаа д̇ун̣хий ахзсум̣ .
Tena kho pana samayena sakuludāyī paribbājako mahatiyā paribbājakaparisāya saddhiṃ nisinno hoti unnādiniyā uccāsaddamahāsaddāya anekavihitaṃ tiracchānakathaṃ kathentiyā, seyyathidaṃ – rājakathaṃ corakathaṃ mahāmattakathaṃ senākathaṃ bhayakathaṃ yuddhakathaṃ annakathaṃ pānakathaṃ vatthakathaṃ sayanakathaṃ mālākathaṃ gandhakathaṃ ñātikathaṃ yānakathaṃ gāmakathaṃ nigamakathaṃ nagarakathaṃ janapadakathaṃ itthikathaṃ sūrakathaṃ visikhākathaṃ kumbhaṭṭhānakathaṃ pubbapetakathaṃ nānattakathaṃ lokakkhāyikaṃ samuddakkhāyikaṃ itibhavābhavakathaṃ iti vā. Addasā kho sakuludāyī paribbājako bhagavantaṃ dūratova āgacchantaṃ. Disvāna sakaṃ parisaṃ saṇṭhāpesi – ‘‘appasaddā bhonto hontu, mā bhonto saddamakattha. Ayaṃ samaṇo gotamo āgacchati; appasaddakāmo kho pana so āyasmā appasaddassa vaṇṇavādī. Appeva nāma appasaddaṃ parisaṃ viditvā upasaṅkamitabbaṃ maññeyyā’’ti. Atha kho te paribbājakā tuṇhī ahesuṃ .
270. ат̇а ко бхаг̇аваа язна сагулуд̣̇ааяий бариб̣б̣ааж̇аго д̇знубасан̇гами. ат̇а ко сагулуд̣̇ааяий бариб̣б̣ааж̇аго бхаг̇аванд̇ам̣ зд̇ад̣̇авожа – ‘‘зд̇у ко, бханд̇з, бхаг̇аваа. свааг̇ад̇ам̣, бханд̇з, бхаг̇авад̇о. жирассам̣ ко, бханд̇з, бхаг̇аваа имам̣ барияааяамагааси яад̣̇ид̣̇ам̣ ид̇хааг̇аманааяа. нисийд̣̇ад̇у, бханд̇з, бхаг̇аваа; ид̣̇амаасанам̣ бан̃н̃ад̇д̇а’’нд̇и. нисийд̣̇и бхаг̇аваа бан̃н̃ад̇д̇з аасанз. сагулуд̣̇ааяийби ко бариб̣б̣ааж̇аго ан̃н̃ад̇арам̣ нийжам̣ аасанам̣ г̇ахзд̇ваа згаманд̇ам̣ нисийд̣̇и. згаманд̇ам̣ нисиннам̣ ко сагулуд̣̇ааяим̣ бариб̣б̣ааж̇агам̣ бхаг̇аваа зд̇ад̣̇авожа – ‘‘гааяа нуд̇т̇а, уд̣̇ааяи, зд̇арахи гат̇ааяа саннисиннаа, гаа жа бана во анд̇араагат̇аа виббагад̇аа’’д̇и? ‘‘д̇идтад̇зсаа, бханд̇з, гат̇аа яааяа маяам̣ зд̇арахи гат̇ааяа саннисиннаа. нзсаа, бханд̇з, гат̇аа бхаг̇авад̇о д̣̇уллабхаа бхависсад̇и бажчааби саванааяа. яад̣̇аахам̣, бханд̇з, имам̣ барисам̣ анубасан̇ганд̇о хоми ат̇ааяам̣ барисаа анзгавихид̇ам̣ д̇иражчаанагат̇ам̣ гат̇знд̇ий нисиннаа ход̇и; яад̣̇аа жа ко ахам̣, бханд̇з, имам̣ барисам̣ убасан̇ганд̇о хоми ат̇ааяам̣ барисаа маман̃н̃зва мукам̣ уллогзнд̇ий нисиннаа ход̇и – ‘яам̣ но саман̣о уд̣̇ааяий д̇хаммам̣ бхаасиссад̇и д̇ам̣ 1 соссаамаа’д̇и; яад̣̇аа бана , бханд̇з, бхаг̇аваа имам̣ барисам̣ убасан̇ганд̇о ход̇и ат̇аахан̃жзва аяан̃жа барисаа бхаг̇авад̇о мукам̣ уллогзнд̇аа 2 нисиннаа хома – ‘яам̣ но бхаг̇аваа д̇хаммам̣ бхаасиссад̇и д̇ам̣ соссаамаа’’’д̇и.
270. Atha kho bhagavā yena sakuludāyī paribbājako tenupasaṅkami. Atha kho sakuludāyī paribbājako bhagavantaṃ etadavoca – ‘‘etu kho, bhante, bhagavā. Svāgataṃ, bhante, bhagavato. Cirassaṃ kho, bhante, bhagavā imaṃ pariyāyamakāsi yadidaṃ idhāgamanāya. Nisīdatu, bhante, bhagavā; idamāsanaṃ paññatta’’nti. Nisīdi bhagavā paññatte āsane. Sakuludāyīpi kho paribbājako aññataraṃ nīcaṃ āsanaṃ gahetvā ekamantaṃ nisīdi. Ekamantaṃ nisinnaṃ kho sakuludāyiṃ paribbājakaṃ bhagavā etadavoca – ‘‘kāya nuttha, udāyi, etarahi kathāya sannisinnā, kā ca pana vo antarākathā vippakatā’’ti? ‘‘Tiṭṭhatesā, bhante, kathā yāya mayaṃ etarahi kathāya sannisinnā. Nesā, bhante, kathā bhagavato dullabhā bhavissati pacchāpi savanāya. Yadāhaṃ, bhante, imaṃ parisaṃ anupasaṅkanto homi athāyaṃ parisā anekavihitaṃ tiracchānakathaṃ kathentī nisinnā hoti; yadā ca kho ahaṃ, bhante, imaṃ parisaṃ upasaṅkanto homi athāyaṃ parisā mamaññeva mukhaṃ ullokentī nisinnā hoti – ‘yaṃ no samaṇo udāyī dhammaṃ bhāsissati taṃ 3 sossāmā’ti; yadā pana , bhante, bhagavā imaṃ parisaṃ upasaṅkanto hoti athāhañceva ayañca parisā bhagavato mukhaṃ ullokentā 4 nisinnā homa – ‘yaṃ no bhagavā dhammaṃ bhāsissati taṃ sossāmā’’’ti.
271. ‘‘д̇знахуд̣̇ааяи, д̇ам̣язвзд̇т̇а бадибхаад̇у яат̇аа мам̣ бадибхаасзяяаа’’си. ‘‘буримаани , бханд̇з, д̣̇ивасаани буримад̇араани саб̣б̣ан̃н̃уу саб̣б̣ад̣̇ассаавий абарисзсам̣ н̃аан̣ад̣̇ассанам̣ бадиж̇аанамаано ‘жарад̇о жа мз д̇идтад̇о жа суд̇д̇асса жа ж̇ааг̇арасса жа сад̇ад̇ам̣ самид̇ам̣ н̃аан̣ад̣̇ассанам̣ бажжубадтид̇а’нд̇и. со маяаа 5 буб̣б̣анд̇ам̣ аараб̣бха бан̃хам̣ будто самаано ан̃н̃знан̃н̃ам̣ бадижари, б̣ахид̣̇д̇хаа гат̇ам̣ абанаамзси, гобан̃жа д̣̇осан̃жа аббажжаяан̃жа баад̇ваагааси. д̇асса маяхам̣, бханд̇з, бхаг̇аванд̇ам̣язва аараб̣бха сад̇и уд̣̇абаад̣̇и – ‘ахо нууна бхаг̇аваа, ахо нууна суг̇ад̇о! яо имзсам̣ д̇хаммаанам̣ сугусало’’’д̇и. ‘‘го бана со, уд̣̇ааяи, саб̣б̣ан̃н̃уу саб̣б̣ад̣̇ассаавий абарисзсам̣ н̃аан̣ад̣̇ассанам̣ бадиж̇аанамаано ‘жарад̇о жа мз д̇идтад̇о жа суд̇д̇асса жа ж̇ааг̇арасса жа сад̇ад̇ам̣ самид̇ам̣ н̃аан̣ад̣̇ассанам̣ бажжубадтид̇а’нд̇и, яо д̇аяаа буб̣б̣анд̇ам̣ аараб̣бха бан̃хам̣ будто самаано ан̃н̃знан̃н̃ам̣ бадижари, б̣ахид̣̇д̇хаа гат̇ам̣ абанаамзси гобан̃жа д̣̇осан̃жа аббажжаяан̃жа баад̇ваагаасий’’д̇и? ‘ниг̇ан̣то, бханд̇з, наадабуд̇д̇о’д̇и.
271. ‘‘Tenahudāyi, taṃyevettha paṭibhātu yathā maṃ paṭibhāseyyā’’si. ‘‘Purimāni , bhante, divasāni purimatarāni sabbaññū sabbadassāvī aparisesaṃ ñāṇadassanaṃ paṭijānamāno ‘carato ca me tiṭṭhato ca suttassa ca jāgarassa ca satataṃ samitaṃ ñāṇadassanaṃ paccupaṭṭhita’nti. So mayā 6 pubbantaṃ ārabbha pañhaṃ puṭṭho samāno aññenaññaṃ paṭicari, bahiddhā kathaṃ apanāmesi, kopañca dosañca appaccayañca pātvākāsi. Tassa mayhaṃ, bhante, bhagavantaṃyeva ārabbha sati udapādi – ‘aho nūna bhagavā, aho nūna sugato! Yo imesaṃ dhammānaṃ sukusalo’’’ti. ‘‘Ko pana so, udāyi, sabbaññū sabbadassāvī aparisesaṃ ñāṇadassanaṃ paṭijānamāno ‘carato ca me tiṭṭhato ca suttassa ca jāgarassa ca satataṃ samitaṃ ñāṇadassanaṃ paccupaṭṭhita’nti, yo tayā pubbantaṃ ārabbha pañhaṃ puṭṭho samāno aññenaññaṃ paṭicari, bahiddhā kathaṃ apanāmesi kopañca dosañca appaccayañca pātvākāsī’’ti? ‘Nigaṇṭho, bhante, nāṭaputto’ti.
‘‘яо ко, уд̣̇ааяи, анзгавихид̇ам̣ буб̣б̣зниваасам̣ ануссарзяяа, сзяяат̇ид̣̇ам̣ – згамби ж̇аад̇им̣ д̣̇взби ж̇аад̇ияо…бз… ид̇и саагаарам̣ сауд̣̇д̣̇зсам̣ анзгавихид̇ам̣ буб̣б̣зниваасам̣ ануссарзяяа, со ваа мам̣ буб̣б̣анд̇ам̣ аараб̣бха бан̃хам̣ бужчзяяа, д̇ам̣ ваахам̣ буб̣б̣анд̇ам̣ аараб̣бха бан̃хам̣ бужчзяяам̣; со ваа мз буб̣б̣анд̇ам̣ аараб̣бха бан̃хасса взяяаагаран̣зна жид̇д̇ам̣ аараад̇хзяяа, д̇асса ваахам̣ буб̣б̣анд̇ам̣ аараб̣бха бан̃хасса взяяаагаран̣зна жид̇д̇ам̣ аараад̇хзяяам̣.
‘‘Yo kho, udāyi, anekavihitaṃ pubbenivāsaṃ anussareyya, seyyathidaṃ – ekampi jātiṃ dvepi jātiyo…pe… iti sākāraṃ sauddesaṃ anekavihitaṃ pubbenivāsaṃ anussareyya, so vā maṃ pubbantaṃ ārabbha pañhaṃ puccheyya, taṃ vāhaṃ pubbantaṃ ārabbha pañhaṃ puccheyyaṃ; so vā me pubbantaṃ ārabbha pañhassa veyyākaraṇena cittaṃ ārādheyya, tassa vāhaṃ pubbantaṃ ārabbha pañhassa veyyākaraṇena cittaṃ ārādheyyaṃ.
‘‘яо 7 ко, уд̣̇ааяи, д̣̇иб̣б̣зна жагкунаа висуд̣̇д̇хзна ад̇игганд̇амаанусагзна сад̇д̇з бассзяяа жавамаанз убабаж̇ж̇амаанз хийнз бан̣ийд̇з суван̣н̣з д̣̇уб̣б̣ан̣н̣з суг̇ад̇з д̣̇уг̇г̇ад̇з яат̇аагаммуубаг̇з сад̇д̇з баж̇аанзяяа, со ваа мам̣ абаранд̇ам̣ аараб̣бха бан̃хам̣ бужчзяяа, д̇ам̣ ваахам̣ абаранд̇ам̣ аараб̣бха бан̃хам̣ бужчзяяам̣; со ваа мз абаранд̇ам̣ аараб̣бха бан̃хасса взяяаагаран̣зна жид̇д̇ам̣ аараад̇хзяяа, д̇асса ваахам̣ абаранд̇ам̣ аараб̣бха бан̃хасса взяяаагаран̣зна жид̇д̇ам̣ аараад̇хзяяам̣.
‘‘Yo 8 kho, udāyi, dibbena cakkhunā visuddhena atikkantamānusakena satte passeyya cavamāne upapajjamāne hīne paṇīte suvaṇṇe dubbaṇṇe sugate duggate yathākammūpage satte pajāneyya, so vā maṃ aparantaṃ ārabbha pañhaṃ puccheyya, taṃ vāhaṃ aparantaṃ ārabbha pañhaṃ puccheyyaṃ; so vā me aparantaṃ ārabbha pañhassa veyyākaraṇena cittaṃ ārādheyya, tassa vāhaṃ aparantaṃ ārabbha pañhassa veyyākaraṇena cittaṃ ārādheyyaṃ.
‘‘аби жа, уд̣̇ааяи, д̇идтад̇у буб̣б̣анд̇о, д̇идтад̇у абаранд̇о. д̇хаммам̣ д̇з д̣̇зсзссаами – имасмим̣ сад̇и ид̣̇ам̣ ход̇и, имассуббаад̣̇аа ид̣̇ам̣ уббаж̇ж̇ад̇и; имасмим̣ асад̇и ид̣̇ам̣ на ход̇и, имасса нирод̇хаа ид̣̇ам̣ нируж̇жхад̇ий’’д̇и.
‘‘Api ca, udāyi, tiṭṭhatu pubbanto, tiṭṭhatu aparanto. Dhammaṃ te desessāmi – imasmiṃ sati idaṃ hoti, imassuppādā idaṃ uppajjati; imasmiṃ asati idaṃ na hoti, imassa nirodhā idaṃ nirujjhatī’’ti.
‘‘ахан̃хи, бханд̇з, яаавад̇агамби мз иминаа ад̇д̇абхаавзна бажжанубхууд̇ам̣ д̇амби наббахоми саагаарам̣ сауд̣̇д̣̇зсам̣ ануссарид̇ум̣, гуд̇о банаахам̣ анзгавихид̇ам̣ буб̣б̣зниваасам̣ ануссариссаами, сзяяат̇ид̣̇ам̣ – згамби ж̇аад̇им̣ д̣̇взби ж̇аад̇ияо…бз… ид̇и саагаарам̣ сауд̣̇д̣̇зсам̣ анзгавихид̇ам̣ буб̣б̣зниваасам̣ ануссариссаами, сзяяат̇ааби бхаг̇аваа? ахан̃хи, бханд̇з, зд̇арахи бам̣субисаажагамби на бассаами, гуд̇о банаахам̣ д̣̇иб̣б̣зна жагкунаа висуд̣̇д̇хзна ад̇игганд̇амаанусагзна сад̇д̇з бассиссаами жавамаанз убабаж̇ж̇амаанз хийнз бан̣ийд̇з суван̣н̣з д̣̇уб̣б̣ан̣н̣з суг̇ад̇з д̣̇уг̇г̇ад̇з яат̇аагаммуубаг̇з сад̇д̇з баж̇ааниссаами, сзяяат̇ааби бхаг̇аваа? яам̣ бана мам̣, бханд̇з, бхаг̇аваа звамааха – ‘аби жа, уд̣̇ааяи, д̇идтад̇у буб̣б̣анд̇о, д̇идтад̇у абаранд̇о; д̇хаммам̣ д̇з д̣̇зсзссаами – имасмим̣ сад̇и ид̣̇ам̣ ход̇и, имассуббаад̣̇аа ид̣̇ам̣ уббаж̇ж̇ад̇и; имасмим̣ асад̇и ид̣̇ам̣ на ход̇и, имасса нирод̇хаа ид̣̇ам̣ нируж̇жхад̇ий’д̇и д̇ан̃жа бана мз бхияяосомад̇д̇ааяа на багкааяад̇и. аббзва наамаахам̣, бханд̇з, сагз аажарияагз бхаг̇авад̇о жид̇д̇ам̣ аараад̇хзяяам̣ бан̃хасса взяяаагаран̣знаа’’д̇и.
‘‘Ahañhi, bhante, yāvatakampi me iminā attabhāvena paccanubhūtaṃ tampi nappahomi sākāraṃ sauddesaṃ anussarituṃ, kuto panāhaṃ anekavihitaṃ pubbenivāsaṃ anussarissāmi, seyyathidaṃ – ekampi jātiṃ dvepi jātiyo…pe… iti sākāraṃ sauddesaṃ anekavihitaṃ pubbenivāsaṃ anussarissāmi, seyyathāpi bhagavā? Ahañhi, bhante, etarahi paṃsupisācakampi na passāmi, kuto panāhaṃ dibbena cakkhunā visuddhena atikkantamānusakena satte passissāmi cavamāne upapajjamāne hīne paṇīte suvaṇṇe dubbaṇṇe sugate duggate yathākammūpage satte pajānissāmi, seyyathāpi bhagavā? Yaṃ pana maṃ, bhante, bhagavā evamāha – ‘api ca, udāyi, tiṭṭhatu pubbanto, tiṭṭhatu aparanto; dhammaṃ te desessāmi – imasmiṃ sati idaṃ hoti, imassuppādā idaṃ uppajjati; imasmiṃ asati idaṃ na hoti, imassa nirodhā idaṃ nirujjhatī’ti tañca pana me bhiyyosomattāya na pakkhāyati. Appeva nāmāhaṃ, bhante, sake ācariyake bhagavato cittaṃ ārādheyyaṃ pañhassa veyyākaraṇenā’’ti.
272. ‘‘гинд̇и бана д̇з, уд̣̇ааяи, сагз аажарияагз ход̇ий’’д̇и? ‘‘амхаагам̣, бханд̇з, сагз аажарияагз звам̣ ход̇и – ‘аяам̣ барамо ван̣н̣о, аяам̣ барамо ван̣н̣о’’’д̇и.
272. ‘‘Kinti pana te, udāyi, sake ācariyake hotī’’ti? ‘‘Amhākaṃ, bhante, sake ācariyake evaṃ hoti – ‘ayaṃ paramo vaṇṇo, ayaṃ paramo vaṇṇo’’’ti.
‘‘яам̣ бана д̇з зд̇ам̣, уд̣̇ааяи, сагз аажарияагз звам̣ ход̇и – ‘аяам̣ барамо ван̣н̣о, аяам̣ барамо ван̣н̣о’д̇и, гад̇амо со барамо ван̣н̣о’’д̇и? ‘‘яасмаа, бханд̇з, ван̣н̣аа ан̃н̃о ван̣н̣о уд̇д̇арид̇аро ваа бан̣ийд̇ад̇аро ваа над̇т̇и со барамо ван̣н̣о’’д̇и.
‘‘Yaṃ pana te etaṃ, udāyi, sake ācariyake evaṃ hoti – ‘ayaṃ paramo vaṇṇo, ayaṃ paramo vaṇṇo’ti, katamo so paramo vaṇṇo’’ti? ‘‘Yasmā, bhante, vaṇṇā añño vaṇṇo uttaritaro vā paṇītataro vā natthi so paramo vaṇṇo’’ti.
‘‘гад̇амо бана со барамо ван̣н̣о яасмаа ван̣н̣аа ан̃н̃о ван̣н̣о уд̇д̇арид̇аро ваа бан̣ийд̇ад̇аро ваа над̇т̇ий’’д̇и? ‘‘яасмаа , бханд̇з, ван̣н̣аа ан̃н̃о ван̣н̣о уд̇д̇арид̇аро ваа бан̣ийд̇ад̇аро ваа над̇т̇и со барамо ван̣н̣о’’д̇и.
‘‘Katamo pana so paramo vaṇṇo yasmā vaṇṇā añño vaṇṇo uttaritaro vā paṇītataro vā natthī’’ti? ‘‘Yasmā , bhante, vaṇṇā añño vaṇṇo uttaritaro vā paṇītataro vā natthi so paramo vaṇṇo’’ti.
‘‘д̣̇ийгхааби ко д̇з зсаа, уд̣̇ааяи, парзяяа – ‘яасмаа, бханд̇з, ван̣н̣аа ан̃н̃о ван̣н̣о уд̇д̇арид̇аро ваа бан̣ийд̇ад̇аро ваа над̇т̇и со барамо ван̣н̣о’д̇и вад̣̇зси, д̇ан̃жа ван̣н̣ам̣ на бан̃н̃абзси. сзяяат̇ааби, уд̣̇ааяи, бурисо звам̣ вад̣̇зяяа – ‘ахам̣ яаа имасмим̣ ж̇анабад̣̇з ж̇анабад̣̇агаляаан̣ий д̇ам̣ ижчаами, д̇ам̣ гаамзмий’д̇и. д̇амзнам̣ звам̣ вад̣̇зяяум̣ – ‘амбхо буриса, яам̣ д̇вам̣ ж̇анабад̣̇агаляаан̣им̣ ижчаси гаамзси, ж̇аанааси д̇ам̣ ж̇анабад̣̇агаляаан̣им̣ – кад̇д̇ияий ваа б̣раахман̣ий ваа взссий ваа суд̣̇д̣̇ий ваа’’д̇и? ид̇и будто ‘но’д̇и вад̣̇зяяа. д̇амзнам̣ звам̣ вад̣̇зяяум̣ – ‘амбхо буриса, яам̣ д̇вам̣ ж̇анабад̣̇агаляаан̣им̣ ижчаси гаамзси, ж̇аанааси д̇ам̣ ж̇анабад̣̇агаляаан̣им̣ – звам̣наамаа звам̣г̇од̇д̇аад̇и ваад̇и…бз… д̣̇ийгхаа ваа рассаа ваа маж̇жхимаа ваа гаал̣ий ваа саамаа ваа ман̇г̇уражчавий ваад̇и… амугасмим̣ г̇аамз ваа ниг̇амз ваа наг̇арз ваа’д̇и? ид̇и будто ‘но’д̇и вад̣̇зяяа. д̇амзнам̣ звам̣ вад̣̇зяяум̣ – ‘амбхо буриса, яам̣ д̇вам̣ на ж̇аанааси на бассаси, д̇ам̣ д̇вам̣ ижчаси гаамзсий’’’д̇и? ид̇и будто ‘аамаа’д̇и вад̣̇зяяа.
‘‘Dīghāpi kho te esā, udāyi, phareyya – ‘yasmā, bhante, vaṇṇā añño vaṇṇo uttaritaro vā paṇītataro vā natthi so paramo vaṇṇo’ti vadesi, tañca vaṇṇaṃ na paññapesi. Seyyathāpi, udāyi, puriso evaṃ vadeyya – ‘ahaṃ yā imasmiṃ janapade janapadakalyāṇī taṃ icchāmi, taṃ kāmemī’ti. Tamenaṃ evaṃ vadeyyuṃ – ‘ambho purisa, yaṃ tvaṃ janapadakalyāṇiṃ icchasi kāmesi, jānāsi taṃ janapadakalyāṇiṃ – khattiyī vā brāhmaṇī vā vessī vā suddī vā’’ti? Iti puṭṭho ‘no’ti vadeyya. Tamenaṃ evaṃ vadeyyuṃ – ‘ambho purisa, yaṃ tvaṃ janapadakalyāṇiṃ icchasi kāmesi, jānāsi taṃ janapadakalyāṇiṃ – evaṃnāmā evaṃgottāti vāti…pe… dīghā vā rassā vā majjhimā vā kāḷī vā sāmā vā maṅguracchavī vāti… amukasmiṃ gāme vā nigame vā nagare vā’ti? Iti puṭṭho ‘no’ti vadeyya. Tamenaṃ evaṃ vadeyyuṃ – ‘ambho purisa, yaṃ tvaṃ na jānāsi na passasi, taṃ tvaṃ icchasi kāmesī’’’ti? Iti puṭṭho ‘āmā’ti vadeyya.
‘‘д̇ам̣ гим̣ ман̃н̃аси, уд̣̇ааяи – нану звам̣ санд̇з, д̇асса бурисасса аббаадихийрагад̇ам̣ бхаасид̇ам̣ самбаж̇ж̇ад̇ий’’д̇и? ‘‘ад̣̇д̇хаа ко, бханд̇з, звам̣ санд̇з д̇асса бурисасса аббаадихийрагад̇ам̣ бхаасид̇ам̣ самбаж̇ж̇ад̇ий’’д̇и.
‘‘Taṃ kiṃ maññasi, udāyi – nanu evaṃ sante, tassa purisassa appāṭihīrakataṃ bhāsitaṃ sampajjatī’’ti? ‘‘Addhā kho, bhante, evaṃ sante tassa purisassa appāṭihīrakataṃ bhāsitaṃ sampajjatī’’ti.
‘‘звамзва ко д̇вам̣, уд̣̇ааяи, ‘яасмаа, бханд̇з, ван̣н̣аа ан̃н̃о ван̣н̣о уд̇д̇арид̇аро ваа бан̣ийд̇ад̇аро ваа над̇т̇и со барамо ван̣н̣о’д̇и вад̣̇зси, д̇ан̃жа ван̣н̣ам̣ на бан̃н̃абзсий’’д̇и.
‘‘Evameva kho tvaṃ, udāyi, ‘yasmā, bhante, vaṇṇā añño vaṇṇo uttaritaro vā paṇītataro vā natthi so paramo vaṇṇo’ti vadesi, tañca vaṇṇaṃ na paññapesī’’ti.
‘‘сзяяат̇ааби, бханд̇з, ман̣и взл̣урияо субхо ж̇аад̇имаа адтам̣со субаригаммагад̇о бан̣д̣угамб̣алз нигкид̇д̇о бхаасад̇з жа д̇абад̇з жа вирожад̇и жа, звам̣ ван̣н̣о ад̇д̇аа ход̇и арог̇о барам̣ маран̣аа’’д̇и.
‘‘Seyyathāpi, bhante, maṇi veḷuriyo subho jātimā aṭṭhaṃso suparikammakato paṇḍukambale nikkhitto bhāsate ca tapate ca virocati ca, evaṃ vaṇṇo attā hoti arogo paraṃ maraṇā’’ti.
273. ‘‘д̇ам̣ гим̣ ман̃н̃аси, уд̣̇ааяи, яо ваа ман̣и взл̣урияо субхо ж̇аад̇имаа адтам̣со субаригаммагад̇о бан̣д̣угамб̣алз нигкид̇д̇о бхаасад̇з жа д̇абад̇з жа вирожад̇и жа, яо ваа рад̇д̇анд̇хагаарад̇имисааяа гими каж̇ж̇обанаго – имзсам̣ убхиннам̣ ван̣н̣аанам̣ гад̇амо ван̣н̣о абхигганд̇ад̇аро жа бан̣ийд̇ад̇аро жаа’’д̇и? ‘‘явааяам̣, бханд̇з, рад̇д̇анд̇хагаарад̇имисааяа гими каж̇ж̇обанаго – аяам̣ имзсам̣ убхиннам̣ ван̣н̣аанам̣ абхигганд̇ад̇аро жа бан̣ийд̇ад̇аро жаа’’д̇и.
273. ‘‘Taṃ kiṃ maññasi, udāyi, yo vā maṇi veḷuriyo subho jātimā aṭṭhaṃso suparikammakato paṇḍukambale nikkhitto bhāsate ca tapate ca virocati ca, yo vā rattandhakāratimisāya kimi khajjopanako – imesaṃ ubhinnaṃ vaṇṇānaṃ katamo vaṇṇo abhikkantataro ca paṇītataro cā’’ti? ‘‘Yvāyaṃ, bhante, rattandhakāratimisāya kimi khajjopanako – ayaṃ imesaṃ ubhinnaṃ vaṇṇānaṃ abhikkantataro ca paṇītataro cā’’ti.
‘‘д̇ам̣ гим̣ ман̃н̃аси, уд̣̇ааяи, яо ваа рад̇д̇анд̇хагаарад̇имисааяа гими каж̇ж̇обанаго, яо ваа рад̇д̇анд̇хагаарад̇имисааяа д̇злаббад̣̇ийбо – имзсам̣ убхиннам̣ ван̣н̣аанам̣ гад̇амо ван̣н̣о абхигганд̇ад̇аро жа бан̣ийд̇ад̇аро жаа’’д̇и? ‘‘явааяам̣, бханд̇з, рад̇д̇анд̇хагаарад̇имисааяа д̇злаббад̣̇ийбо – аяам̣ имзсам̣ убхиннам̣ ван̣н̣аанам̣ абхигганд̇ад̇аро жа бан̣ийд̇ад̇аро жаа’’д̇и.
‘‘Taṃ kiṃ maññasi, udāyi, yo vā rattandhakāratimisāya kimi khajjopanako, yo vā rattandhakāratimisāya telappadīpo – imesaṃ ubhinnaṃ vaṇṇānaṃ katamo vaṇṇo abhikkantataro ca paṇītataro cā’’ti? ‘‘Yvāyaṃ, bhante, rattandhakāratimisāya telappadīpo – ayaṃ imesaṃ ubhinnaṃ vaṇṇānaṃ abhikkantataro ca paṇītataro cā’’ti.
‘‘д̇ам̣ гим̣ ман̃н̃аси, уд̣̇ааяи, яо ваа рад̇д̇анд̇хагаарад̇имисааяа д̇злаббад̣̇ийбо, яо ваа рад̇д̇анд̇хагаарад̇имисааяа махаааг̇г̇игканд̇хо – имзсам̣ убхиннам̣ ван̣н̣аанам̣ гад̇амо ван̣н̣о абхигганд̇ад̇аро жа бан̣ийд̇ад̇аро жаа’’д̇и? ‘‘явааяам̣, бханд̇з, рад̇д̇анд̇хагаарад̇имисааяа махаааг̇г̇игканд̇хо – аяам̣ имзсам̣ убхиннам̣ ван̣н̣аанам̣ абхигганд̇ад̇аро жа бан̣ийд̇ад̇аро жаа’’д̇и.
‘‘Taṃ kiṃ maññasi, udāyi, yo vā rattandhakāratimisāya telappadīpo, yo vā rattandhakāratimisāya mahāaggikkhandho – imesaṃ ubhinnaṃ vaṇṇānaṃ katamo vaṇṇo abhikkantataro ca paṇītataro cā’’ti? ‘‘Yvāyaṃ, bhante, rattandhakāratimisāya mahāaggikkhandho – ayaṃ imesaṃ ubhinnaṃ vaṇṇānaṃ abhikkantataro ca paṇītataro cā’’ti.
‘‘д̇ам̣ гим̣ ман̃н̃аси, уд̣̇ааяи, яо ваа рад̇д̇анд̇хагаарад̇имисааяа махаааг̇г̇игканд̇хо, яаа ваа рад̇д̇ияаа бажжуусасамаяам̣ вид̣̇д̇хз виг̇ад̇авалаахагз д̣̇звз осад̇хид̇аарагаа – имзсам̣ убхиннам̣ ван̣н̣аанам̣ гад̇амо ван̣н̣о абхигганд̇ад̇аро жа бан̣ийд̇ад̇аро жаа’’д̇и? ‘‘явааяам̣, бханд̇з, рад̇д̇ияаа бажжуусасамаяам̣ вид̣̇д̇хз виг̇ад̇авалаахагз д̣̇звз осад̇хид̇аарагаа – аяам̣ имзсам̣ убхиннам̣ ван̣н̣аанам̣ абхигганд̇ад̇аро жа бан̣ийд̇ад̇аро жаа’’д̇и.
‘‘Taṃ kiṃ maññasi, udāyi, yo vā rattandhakāratimisāya mahāaggikkhandho, yā vā rattiyā paccūsasamayaṃ viddhe vigatavalāhake deve osadhitārakā – imesaṃ ubhinnaṃ vaṇṇānaṃ katamo vaṇṇo abhikkantataro ca paṇītataro cā’’ti? ‘‘Yvāyaṃ, bhante, rattiyā paccūsasamayaṃ viddhe vigatavalāhake deve osadhitārakā – ayaṃ imesaṃ ubhinnaṃ vaṇṇānaṃ abhikkantataro ca paṇītataro cā’’ti.
‘‘д̇ам̣ гим̣ ман̃н̃аси, уд̣̇ааяи, яаа ваа рад̇д̇ияаа бажжуусасамаяам̣ вид̣̇д̇хз виг̇ад̇авалаахагз д̣̇звз осад̇хид̇аарагаа, яо ваа д̇ад̣̇ахубосат̇з баннарасз вид̣̇д̇хз виг̇ад̇авалаахагз д̣̇звз абхид̣̇о 9 ад̣дхарад̇д̇асамаяам̣ жанд̣̇о – имзсам̣ убхиннам̣ ван̣н̣аанам̣ гад̇амо ван̣н̣о абхигганд̇ад̇аро жа бан̣ийд̇ад̇аро жаа’’д̇и? ‘‘явааяам̣, бханд̇з, д̇ад̣̇ахубосат̇з баннарасз вид̣̇д̇хз виг̇ад̇авалаахагз д̣̇звз абхид̣̇о ад̣дхарад̇д̇асамаяам̣ жанд̣̇о – аяам̣ имзсам̣ убхиннам̣ ван̣н̣аанам̣ абхигганд̇ад̇аро жа бан̣ийд̇ад̇аро жаа’’д̇и.
‘‘Taṃ kiṃ maññasi, udāyi, yā vā rattiyā paccūsasamayaṃ viddhe vigatavalāhake deve osadhitārakā, yo vā tadahuposathe pannarase viddhe vigatavalāhake deve abhido 10 aḍḍharattasamayaṃ cando – imesaṃ ubhinnaṃ vaṇṇānaṃ katamo vaṇṇo abhikkantataro ca paṇītataro cā’’ti? ‘‘Yvāyaṃ, bhante, tadahuposathe pannarase viddhe vigatavalāhake deve abhido aḍḍharattasamayaṃ cando – ayaṃ imesaṃ ubhinnaṃ vaṇṇānaṃ abhikkantataro ca paṇītataro cā’’ti.
‘‘д̇ам̣ гим̣ ман̃н̃аси, уд̣̇ааяи, яо ваа д̇ад̣̇ахубосат̇з баннарасз вид̣̇д̇хз виг̇ад̇авалаахагз д̣̇звз абхид̣̇о ад̣дхарад̇д̇асамаяам̣ жанд̣̇о, яо ваа вассаанам̣ бажчимз маасз сарад̣̇асамаяз вид̣̇д̇хз виг̇ад̇авалаахагз д̣̇звз абхид̣̇о маж̇жханхигасамаяам̣ суурияо – имзсам̣ убхиннам̣ ван̣н̣аанам̣ гад̇амо ван̣н̣о абхигганд̇ад̇аро жа бан̣ийд̇ад̇аро жаа’’д̇и? ‘‘явааяам̣, бханд̇з, вассаанам̣ бажчимз маасз сарад̣̇асамаяз вид̣̇д̇хз виг̇ад̇авалаахагз д̣̇звз абхид̣̇о маж̇жханхигасамаяам̣ суурияо – аяам̣ имзсам̣ убхиннам̣ ван̣н̣аанам̣ абхигганд̇ад̇аро жа бан̣ийд̇ад̇аро жаа’’д̇и.
‘‘Taṃ kiṃ maññasi, udāyi, yo vā tadahuposathe pannarase viddhe vigatavalāhake deve abhido aḍḍharattasamayaṃ cando, yo vā vassānaṃ pacchime māse saradasamaye viddhe vigatavalāhake deve abhido majjhanhikasamayaṃ sūriyo – imesaṃ ubhinnaṃ vaṇṇānaṃ katamo vaṇṇo abhikkantataro ca paṇītataro cā’’ti? ‘‘Yvāyaṃ, bhante, vassānaṃ pacchime māse saradasamaye viddhe vigatavalāhake deve abhido majjhanhikasamayaṃ sūriyo – ayaṃ imesaṃ ubhinnaṃ vaṇṇānaṃ abhikkantataro ca paṇītataro cā’’ti.
‘‘ад̇о ко д̇з, уд̣̇ааяи, б̣ахуу хи б̣ахуд̇араа д̣̇зваа яз имзсам̣ жанд̣̇имасуурияаанам̣ аабхаа наанубхонд̇и, д̇яаахам̣ баж̇аанаами. ат̇а жа банаахам̣ на вад̣̇аами – ‘яасмаа ван̣н̣аа ан̃н̃о ван̣н̣о уд̇д̇арид̇аро ваа бан̣ийд̇ад̇аро ваа над̇т̇ий’д̇и. ат̇а жа бана д̇вам̣, уд̣̇ааяи, ‘явааяам̣ ван̣н̣о гиминаа каж̇ж̇обанагзна нихийнад̇аро 11 жа бад̇игидтад̇аро жа со барамо ван̣н̣о’д̇и вад̣̇зси, д̇ан̃жа ван̣н̣ам̣ на бан̃н̃абзсий’’д̇и. ‘‘ажчид̣̇ам̣ 12 бхаг̇аваа гат̇ам̣, ажчид̣̇ам̣ суг̇ад̇о гат̇а’’нд̇и!
‘‘Ato kho te, udāyi, bahū hi bahutarā devā ye imesaṃ candimasūriyānaṃ ābhā nānubhonti, tyāhaṃ pajānāmi. Atha ca panāhaṃ na vadāmi – ‘yasmā vaṇṇā añño vaṇṇo uttaritaro vā paṇītataro vā natthī’ti. Atha ca pana tvaṃ, udāyi, ‘yvāyaṃ vaṇṇo kiminā khajjopanakena nihīnataro 13 ca patikiṭṭhataro ca so paramo vaṇṇo’ti vadesi, tañca vaṇṇaṃ na paññapesī’’ti. ‘‘Acchidaṃ 14 bhagavā kathaṃ, acchidaṃ sugato katha’’nti!
‘‘гим̣ бана д̇вам̣, уд̣̇ааяи, звам̣ вад̣̇зси – ‘ажчид̣̇ам̣ бхаг̇аваа гат̇ам̣, ажчид̣̇ам̣ суг̇ад̇о гат̇ам̣’’’д̇и? ‘‘амхаагам̣, бханд̇з, сагз аажарияагз звам̣ ход̇и – ‘аяам̣ барамо ван̣н̣о, аяам̣ барамо ван̣н̣о’д̇и. д̇з маяам̣, бханд̇з, бхаг̇авад̇аа сагз аажарияагз самануяун̃ж̇ияамаанаа самануг̇г̇аахияамаанаа саманубхаасияамаанаа рид̇д̇аа д̇ужчаа абарад̣̇д̇хаа’’д̇и.
‘‘Kiṃ pana tvaṃ, udāyi, evaṃ vadesi – ‘acchidaṃ bhagavā kathaṃ, acchidaṃ sugato kathaṃ’’’ti? ‘‘Amhākaṃ, bhante, sake ācariyake evaṃ hoti – ‘ayaṃ paramo vaṇṇo, ayaṃ paramo vaṇṇo’ti. Te mayaṃ, bhante, bhagavatā sake ācariyake samanuyuñjiyamānā samanuggāhiyamānā samanubhāsiyamānā rittā tucchā aparaddhā’’ti.
274. ‘‘гим̣ бануд̣̇ааяи, ад̇т̇и зганд̇асуко лого, ад̇т̇и аагааравад̇ий бадибад̣̇аа зганд̇асукасса логасса сажчигирияааяаа’’д̇и? ‘‘амхаагам̣, бханд̇з, сагз аажарияагз звам̣ ход̇и – ‘ад̇т̇и зганд̇асуко лого, ад̇т̇и аагааравад̇ий бадибад̣̇аа зганд̇асукасса логасса сажчигирияааяаа’’’д̇и.
274. ‘‘Kiṃ panudāyi, atthi ekantasukho loko, atthi ākāravatī paṭipadā ekantasukhassa lokassa sacchikiriyāyā’’ti? ‘‘Amhākaṃ, bhante, sake ācariyake evaṃ hoti – ‘atthi ekantasukho loko, atthi ākāravatī paṭipadā ekantasukhassa lokassa sacchikiriyāyā’’’ti.
‘‘гад̇амаа бана саа, уд̣̇ааяи, аагааравад̇ий бадибад̣̇аа зганд̇асукасса логасса сажчигирияааяаа’’д̇и? ‘‘ид̇ха, бханд̇з, згажжо баан̣аад̇ибаад̇ам̣ бахааяа баан̣аад̇ибаад̇аа бадивирад̇о ход̇и, ад̣̇иннаад̣̇аанам̣ бахааяа ад̣̇иннаад̣̇аанаа бадивирад̇о ход̇и, гаамзсумижчаажаарам̣ бахааяа гаамзсумижчаажаараа бадивирад̇о ход̇и, мусааваад̣̇ам̣ бахааяа мусааваад̣̇аа бадивирад̇о ход̇и, ан̃н̃ад̇арам̣ ваа бана д̇абог̇ун̣ам̣ самаад̣̇ааяа вад̇д̇ад̇и. аяам̣ ко саа, бханд̇з, аагааравад̇ий бадибад̣̇аа зганд̇асукасса логасса сажчигирияааяаа’’д̇и.
‘‘Katamā pana sā, udāyi, ākāravatī paṭipadā ekantasukhassa lokassa sacchikiriyāyā’’ti? ‘‘Idha, bhante, ekacco pāṇātipātaṃ pahāya pāṇātipātā paṭivirato hoti, adinnādānaṃ pahāya adinnādānā paṭivirato hoti, kāmesumicchācāraṃ pahāya kāmesumicchācārā paṭivirato hoti, musāvādaṃ pahāya musāvādā paṭivirato hoti, aññataraṃ vā pana tapoguṇaṃ samādāya vattati. Ayaṃ kho sā, bhante, ākāravatī paṭipadā ekantasukhassa lokassa sacchikiriyāyā’’ti.
‘‘д̇ам̣ гим̣ ман̃н̃аси, уд̣̇ааяи, яасмим̣ самаяз баан̣аад̇ибаад̇ам̣ бахааяа баан̣аад̇ибаад̇аа бадивирад̇о ход̇и, зганд̇асукий ваа д̇асмим̣ самаяз ад̇д̇аа ход̇и сукад̣̇угкий ваа’’д̇и? ‘‘сукад̣̇угкий, бханд̇з’’.
‘‘Taṃ kiṃ maññasi, udāyi, yasmiṃ samaye pāṇātipātaṃ pahāya pāṇātipātā paṭivirato hoti, ekantasukhī vā tasmiṃ samaye attā hoti sukhadukkhī vā’’ti? ‘‘Sukhadukkhī, bhante’’.
‘‘д̇ам̣ гим̣ ман̃н̃аси, уд̣̇ааяи, яасмим̣ самаяз ад̣̇иннаад̣̇аанам̣ бахааяа ад̣̇иннаад̣̇аанаа бадивирад̇о ход̇и, зганд̇асукий ваа д̇асмим̣ самаяз ад̇д̇аа ход̇и сукад̣̇угкий ваа’’д̇и? ‘‘сукад̣̇угкий, бханд̇з’’.
‘‘Taṃ kiṃ maññasi, udāyi, yasmiṃ samaye adinnādānaṃ pahāya adinnādānā paṭivirato hoti, ekantasukhī vā tasmiṃ samaye attā hoti sukhadukkhī vā’’ti? ‘‘Sukhadukkhī, bhante’’.
‘‘д̇ам̣ гим̣ ман̃н̃аси, уд̣̇ааяи, яасмим̣ самаяз гаамзсумижчаажаарам̣ бахааяа гаамзсумижчаажаараа бадивирад̇о ход̇и, зганд̇асукий ваа д̇асмим̣ самаяз ад̇д̇аа ход̇и сукад̣̇угкий ваа’’д̇и? ‘‘сукад̣̇угкий, бханд̇з’’.
‘‘Taṃ kiṃ maññasi, udāyi, yasmiṃ samaye kāmesumicchācāraṃ pahāya kāmesumicchācārā paṭivirato hoti, ekantasukhī vā tasmiṃ samaye attā hoti sukhadukkhī vā’’ti? ‘‘Sukhadukkhī, bhante’’.
‘‘д̇ам̣ гим̣ ман̃н̃аси, уд̣̇ааяи, яасмим̣ самаяз мусааваад̣̇ам̣ бахааяа мусааваад̣̇аа бадивирад̇о ход̇и, зганд̇асукий ваа д̇асмим̣ самаяз ад̇д̇аа ход̇и сукад̣̇угкий ваа’’д̇и? ‘‘сукад̣̇угкий, бханд̇з’’.
‘‘Taṃ kiṃ maññasi, udāyi, yasmiṃ samaye musāvādaṃ pahāya musāvādā paṭivirato hoti, ekantasukhī vā tasmiṃ samaye attā hoti sukhadukkhī vā’’ti? ‘‘Sukhadukkhī, bhante’’.
‘‘д̇ам̣ гим̣ ман̃н̃аси, уд̣̇ааяи, яасмим̣ самаяз ан̃н̃ад̇арам̣ д̇абог̇ун̣ам̣ самаад̣̇ааяа вад̇д̇ад̇и, зганд̇асукий ваа д̇асмим̣ самаяз ад̇д̇аа ход̇и сукад̣̇угкий ваа’’д̇и? ‘‘сукад̣̇угкий, бханд̇з’’.
‘‘Taṃ kiṃ maññasi, udāyi, yasmiṃ samaye aññataraṃ tapoguṇaṃ samādāya vattati, ekantasukhī vā tasmiṃ samaye attā hoti sukhadukkhī vā’’ti? ‘‘Sukhadukkhī, bhante’’.
‘‘д̇ам̣ гим̣ ман̃н̃аси, уд̣̇ааяи, аби ну ко вогин̣н̣асукад̣̇угкам̣ бадибад̣̇ам̣ ааг̇амма зганд̇асукасса логасса сажчигирияаа ход̇ий’’д̇и 15? ‘‘ажчид̣̇ам̣ бхаг̇аваа гат̇ам̣, ажчид̣̇ам̣ суг̇ад̇о гат̇а’’нд̇и!
‘‘Taṃ kiṃ maññasi, udāyi, api nu kho vokiṇṇasukhadukkhaṃ paṭipadaṃ āgamma ekantasukhassa lokassa sacchikiriyā hotī’’ti 16? ‘‘Acchidaṃ bhagavā kathaṃ, acchidaṃ sugato katha’’nti!
‘‘гим̣ бана д̇вам̣, уд̣̇ааяи, вад̣̇зси – ‘ажчид̣̇ам̣ бхаг̇аваа гат̇ам̣, ажчид̣̇ам̣ суг̇ад̇о гат̇ам̣’’’д̇и? ‘‘амхаагам̣, бханд̇з, сагз аажарияагз звам̣ ход̇и – ‘ад̇т̇и зганд̇асуко лого, ад̇т̇и аагааравад̇ий бадибад̣̇аа зганд̇асукасса логасса сажчигирияааяаа’д̇и. д̇з маяам̣, бханд̇з, бхаг̇авад̇аа сагз аажарияагз самануяун̃ж̇ияамаанаа самануг̇г̇аахияамаанаа саманубхаасияамаанаа рид̇д̇аа д̇ужчаа абарад̣̇д̇хаа’’д̇и 17.
‘‘Kiṃ pana tvaṃ, udāyi, vadesi – ‘acchidaṃ bhagavā kathaṃ, acchidaṃ sugato kathaṃ’’’ti? ‘‘Amhākaṃ, bhante, sake ācariyake evaṃ hoti – ‘atthi ekantasukho loko, atthi ākāravatī paṭipadā ekantasukhassa lokassa sacchikiriyāyā’ti. Te mayaṃ, bhante, bhagavatā sake ācariyake samanuyuñjiyamānā samanuggāhiyamānā samanubhāsiyamānā rittā tucchā aparaddhā’’ti 18.
275. ‘‘гим̣ бана, бханд̇з, ад̇т̇и зганд̇асуко лого, ад̇т̇и аагааравад̇ий бадибад̣̇аа зганд̇асукасса логасса сажчигирияааяаа’’д̇и? ‘‘ад̇т̇и ко, уд̣̇ааяи, зганд̇асуко лого, ад̇т̇и аагааравад̇ий бадибад̣̇аа зганд̇асукасса логасса сажчигирияааяаа’’д̇и.
275. ‘‘Kiṃ pana, bhante, atthi ekantasukho loko, atthi ākāravatī paṭipadā ekantasukhassa lokassa sacchikiriyāyā’’ti? ‘‘Atthi kho, udāyi, ekantasukho loko, atthi ākāravatī paṭipadā ekantasukhassa lokassa sacchikiriyāyā’’ti.
‘‘гад̇амаа бана саа, бханд̇з, аагааравад̇ий бадибад̣̇аа зганд̇асукасса логасса сажчигирияааяаа’’д̇и? ‘‘ид̇худ̣̇ааяи, бхигку вивижжзва гаамзхи…бз… батамам̣ жхаанам̣ убасамбаж̇ж̇а вихарад̇и; вид̇аггавижаараанам̣ вуубасамаа… д̣̇уд̇ияам̣ жхаанам̣ убасамбаж̇ж̇а вихарад̇и; бийд̇ияаа жа вирааг̇аа… д̇ад̇ияам̣ жхаанам̣ убасамбаж̇ж̇а вихарад̇и – аяам̣ ко саа, уд̣̇ааяи, аагааравад̇ий бадибад̣̇аа зганд̇асукасса логасса сажчигирияааяаа’’д̇и.
‘‘Katamā pana sā, bhante, ākāravatī paṭipadā ekantasukhassa lokassa sacchikiriyāyā’’ti? ‘‘Idhudāyi, bhikkhu vivicceva kāmehi…pe… paṭhamaṃ jhānaṃ upasampajja viharati; vitakkavicārānaṃ vūpasamā… dutiyaṃ jhānaṃ upasampajja viharati; pītiyā ca virāgā… tatiyaṃ jhānaṃ upasampajja viharati – ayaṃ kho sā, udāyi, ākāravatī paṭipadā ekantasukhassa lokassa sacchikiriyāyā’’ti.
‘‘на 19 ко саа, бханд̇з, аагааравад̇ий бадибад̣̇аа зганд̇асукасса логасса сажчигирияааяа, сажчигад̇о хисса, бханд̇з, зд̇д̇аавад̇аа зганд̇асуко лого ход̇ий’’д̇и. ‘‘на кваасса, уд̣̇ааяи, зд̇д̇аавад̇аа зганд̇асуко лого сажчигад̇о ход̇и; аагааравад̇ийд̇взва саа бадибад̣̇аа зганд̇асукасса логасса сажчигирияааяаа’’д̇и.
‘‘Na 20 kho sā, bhante, ākāravatī paṭipadā ekantasukhassa lokassa sacchikiriyāya, sacchikato hissa, bhante, ettāvatā ekantasukho loko hotī’’ti. ‘‘Na khvāssa, udāyi, ettāvatā ekantasukho loko sacchikato hoti; ākāravatītveva sā paṭipadā ekantasukhassa lokassa sacchikiriyāyā’’ti.
звам̣ вуд̇д̇з, сагулуд̣̇ааяисса бариб̣б̣ааж̇агасса барисаа уннаад̣̇иний ужжаасад̣̇д̣̇амахаасад̣̇д̣̇аа ахоси – ‘‘зд̇т̇а маяам̣ анассаама саажарияагаа, зд̇т̇а маяам̣ анассаама 21 саажарияагаа! на маяам̣ ид̇о бхияяо уд̇д̇арид̇арам̣ баж̇аанаамаа’’д̇и.
Evaṃ vutte, sakuludāyissa paribbājakassa parisā unnādinī uccāsaddamahāsaddā ahosi – ‘‘ettha mayaṃ anassāma sācariyakā, ettha mayaṃ anassāma 22 sācariyakā! Na mayaṃ ito bhiyyo uttaritaraṃ pajānāmā’’ti.
ат̇а ко сагулуд̣̇ааяий бариб̣б̣ааж̇аго д̇з бариб̣б̣ааж̇агз аббасад̣̇д̣̇з гад̇ваа бхаг̇аванд̇ам̣ зд̇ад̣̇авожа – ‘‘гид̇д̇аавад̇аа банаасса, бханд̇з, зганд̇асуко лого сажчигад̇о ход̇ий’’д̇и? ‘‘ид̇худ̣̇ааяи, бхигку сукасса жа бахаанаа…бз… жад̇уд̇т̇ам̣ жхаанам̣… убасамбаж̇ж̇а вихарад̇и. яаа д̇аа д̣̇звад̇аа зганд̇асукам̣ логам̣ убабаннаа д̇аахи д̣̇звад̇аахи сад̣̇д̇хим̣ санд̇идтад̇и саллабад̇и саагажчам̣ самаабаж̇ж̇ад̇и. зд̇д̇аавад̇аа кваасса, уд̣̇ааяи, зганд̇асуко лого сажчигад̇о ход̇ий’’д̇и.
Atha kho sakuludāyī paribbājako te paribbājake appasadde katvā bhagavantaṃ etadavoca – ‘‘kittāvatā panāssa, bhante, ekantasukho loko sacchikato hotī’’ti? ‘‘Idhudāyi, bhikkhu sukhassa ca pahānā…pe… catutthaṃ jhānaṃ… upasampajja viharati. Yā tā devatā ekantasukhaṃ lokaṃ upapannā tāhi devatāhi saddhiṃ santiṭṭhati sallapati sākacchaṃ samāpajjati. Ettāvatā khvāssa, udāyi, ekantasukho loko sacchikato hotī’’ti.
276. ‘‘зд̇асса нууна, бханд̇з, зганд̇асукасса логасса сажчигирияаахзд̇у бхигкуу бхаг̇авад̇и б̣рахмажарияам̣ жаранд̇ий’’д̇и? ‘‘на ко, уд̣̇ааяи, зганд̇асукасса логасса сажчигирияаахзд̇у бхигкуу маяи б̣рахмажарияам̣ жаранд̇и. ад̇т̇и ко, уд̣̇ааяи , ан̃н̃зва д̇хаммаа уд̇д̇арид̇араа жа бан̣ийд̇ад̇араа жа язсам̣ сажчигирияаахзд̇у бхигкуу маяи б̣рахмажарияам̣ жаранд̇ий’’д̇и.
276. ‘‘Etassa nūna, bhante, ekantasukhassa lokassa sacchikiriyāhetu bhikkhū bhagavati brahmacariyaṃ carantī’’ti? ‘‘Na kho, udāyi, ekantasukhassa lokassa sacchikiriyāhetu bhikkhū mayi brahmacariyaṃ caranti. Atthi kho, udāyi , aññeva dhammā uttaritarā ca paṇītatarā ca yesaṃ sacchikiriyāhetu bhikkhū mayi brahmacariyaṃ carantī’’ti.
‘‘гад̇амз бана д̇з, бханд̇з, д̇хаммаа уд̇д̇арид̇араа жа бан̣ийд̇ад̇араа жа язсам̣ сажчигирияаахзд̇у бхигкуу бхаг̇авад̇и б̣рахмажарияам̣ жаранд̇ий’’д̇и? ‘‘ид̇худ̣̇ааяи, д̇ат̇ааг̇ад̇о логз уббаж̇ж̇ад̇и арахам̣ саммаасамб̣уд̣̇д̇хо виж̇ж̇аажаран̣асамбанно суг̇ад̇о логавид̣̇уу ануд̇д̇аро бурисад̣̇аммасаарат̇и сад̇т̇аа д̣̇звамануссаанам̣ б̣уд̣̇д̇хо бхаг̇аваа…бз… со имз бан̃жа нийваран̣з бахааяа жзд̇асо убаггилзсз бан̃н̃ааяа д̣̇уб̣б̣алийгаран̣з вивижжзва гаамзхи…бз… батамам̣ жхаанам̣ убасамбаж̇ж̇а вихарад̇и. аяамби ко, уд̣̇ааяи, д̇хаммо уд̇д̇арид̇аро жа бан̣ийд̇ад̇аро жа яасса сажчигирияаахзд̇у бхигкуу маяи б̣рахмажарияам̣ жаранд̇и’’.
‘‘Katame pana te, bhante, dhammā uttaritarā ca paṇītatarā ca yesaṃ sacchikiriyāhetu bhikkhū bhagavati brahmacariyaṃ carantī’’ti? ‘‘Idhudāyi, tathāgato loke uppajjati arahaṃ sammāsambuddho vijjācaraṇasampanno sugato lokavidū anuttaro purisadammasārathi satthā devamanussānaṃ buddho bhagavā…pe… so ime pañca nīvaraṇe pahāya cetaso upakkilese paññāya dubbalīkaraṇe vivicceva kāmehi…pe… paṭhamaṃ jhānaṃ upasampajja viharati. Ayampi kho, udāyi, dhammo uttaritaro ca paṇītataro ca yassa sacchikiriyāhetu bhikkhū mayi brahmacariyaṃ caranti’’.
‘‘буна жабарам̣, уд̣̇ааяи, бхигку вид̇аггавижаараанам̣ вуубасамаа…бз… д̣̇уд̇ияам̣ жхаанам̣… д̇ад̇ияам̣ жхаанам̣… жад̇уд̇т̇ам̣ жхаанам̣ убасамбаж̇ж̇а вихарад̇и. аяамби ко, уд̣̇ааяи, д̇хаммо уд̇д̇арид̇аро жа бан̣ийд̇ад̇аро жа яасса сажчигирияаахзд̇у бхигкуу маяи б̣рахмажарияам̣ жаранд̇и.
‘‘Puna caparaṃ, udāyi, bhikkhu vitakkavicārānaṃ vūpasamā…pe… dutiyaṃ jhānaṃ… tatiyaṃ jhānaṃ… catutthaṃ jhānaṃ upasampajja viharati. Ayampi kho, udāyi, dhammo uttaritaro ca paṇītataro ca yassa sacchikiriyāhetu bhikkhū mayi brahmacariyaṃ caranti.
‘‘со звам̣ самаахид̇з жид̇д̇з барисуд̣̇д̇хз барияод̣̇аад̇з анан̇г̇ан̣з виг̇ад̇уубаггилзсз муд̣̇убхууд̇з гамманияз тид̇з аанзн̃ж̇аббад̇д̇з буб̣б̣зниваасаануссад̇ин̃аан̣ааяа жид̇д̇ам̣ абхининнаамзд̇и. со анзгавихид̇ам̣ буб̣б̣зниваасам̣ ануссарад̇и, сзяяат̇ид̣̇ам̣ – згамби ж̇аад̇им̣ д̣̇взби ж̇аад̇ияо…бз… ид̇и саагаарам̣ сауд̣̇д̣̇зсам̣ анзгавихид̇ам̣ буб̣б̣зниваасам̣ ануссарад̇и. аяамби ко, уд̣̇ааяи, д̇хаммо уд̇д̇арид̇аро жа бан̣ийд̇ад̇аро жа яасса сажчигирияаахзд̇у бхигкуу маяи б̣рахмажарияам̣ жаранд̇и.
‘‘So evaṃ samāhite citte parisuddhe pariyodāte anaṅgaṇe vigatūpakkilese mudubhūte kammaniye ṭhite āneñjappatte pubbenivāsānussatiñāṇāya cittaṃ abhininnāmeti. So anekavihitaṃ pubbenivāsaṃ anussarati, seyyathidaṃ – ekampi jātiṃ dvepi jātiyo…pe… iti sākāraṃ sauddesaṃ anekavihitaṃ pubbenivāsaṃ anussarati. Ayampi kho, udāyi, dhammo uttaritaro ca paṇītataro ca yassa sacchikiriyāhetu bhikkhū mayi brahmacariyaṃ caranti.
‘‘со звам̣ самаахид̇з жид̇д̇з барисуд̣̇д̇хз барияод̣̇аад̇з анан̇г̇ан̣з виг̇ад̇уубаггилзсз муд̣̇убхууд̇з гамманияз тид̇з аанзн̃ж̇аббад̇д̇з сад̇д̇аанам̣ жуд̇уубабаад̇ан̃аан̣ааяа жид̇д̇ам̣ абхининнаамзд̇и. со д̣̇иб̣б̣зна жагкунаа висуд̣̇д̇хзна ад̇игганд̇амаанусагзна сад̇д̇з бассад̇и жавамаанз убабаж̇ж̇амаанз хийнз бан̣ийд̇з суван̣н̣з д̣̇уб̣б̣ан̣н̣з суг̇ад̇з д̣̇уг̇г̇ад̇з…бз… яат̇аагаммуубаг̇з сад̇д̇з баж̇аанаад̇и. аяамби ко, уд̣̇ааяи, д̇хаммо уд̇д̇арид̇аро жа бан̣ийд̇ад̇аро жа яасса сажчигирияаахзд̇у бхигкуу маяи б̣рахмажарияам̣ жаранд̇и.
‘‘So evaṃ samāhite citte parisuddhe pariyodāte anaṅgaṇe vigatūpakkilese mudubhūte kammaniye ṭhite āneñjappatte sattānaṃ cutūpapātañāṇāya cittaṃ abhininnāmeti. So dibbena cakkhunā visuddhena atikkantamānusakena satte passati cavamāne upapajjamāne hīne paṇīte suvaṇṇe dubbaṇṇe sugate duggate…pe… yathākammūpage satte pajānāti. Ayampi kho, udāyi, dhammo uttaritaro ca paṇītataro ca yassa sacchikiriyāhetu bhikkhū mayi brahmacariyaṃ caranti.
‘‘со звам̣ самаахид̇з жид̇д̇з барисуд̣̇д̇хз барияод̣̇аад̇з анан̇г̇ан̣з виг̇ад̇уубаггилзсз муд̣̇убхууд̇з гамманияз тид̇з аанзн̃ж̇аббад̇д̇з аасаваанам̣ каяан̃аан̣ааяа жид̇д̇ам̣ абхининнаамзд̇и . со ‘ид̣̇ам̣ д̣̇угка’нд̇и яат̇аабхууд̇ам̣ баж̇аанаад̇и, ‘аяам̣ д̣̇угкасамуд̣̇аяо’д̇и…бз… ‘аяам̣ д̣̇угканирод̇хо’д̇и… ‘аяам̣ д̣̇угканирод̇хаг̇ааминий бадибад̣̇аа’д̇и… ‘имз аасаваа’д̇и яат̇аабхууд̇ам̣ баж̇аанаад̇и, ‘аяам̣ аасавасамуд̣̇аяо’д̇и… ‘аяам̣ аасаванирод̇хо’д̇и… ‘аяам̣ аасаванирод̇хаг̇ааминий бадибад̣̇аа’д̇и яат̇аабхууд̇ам̣ баж̇аанаад̇и. д̇асса звам̣ ж̇аанад̇о звам̣ бассад̇о гаамаасавааби жид̇д̇ам̣ вимужжад̇и, бхаваасавааби жид̇д̇ам̣ вимужжад̇и, авиж̇ж̇аасавааби жид̇д̇ам̣ вимужжад̇и. вимуд̇д̇асмим̣ вимуд̇д̇амид̇и н̃аан̣ам̣ ход̇и. ‘кийн̣аа ж̇аад̇и, вусид̇ам̣ б̣рахмажарияам̣, гад̇ам̣ гаран̣ийяам̣, наабарам̣ ид̇т̇ад̇д̇ааяаа’д̇и баж̇аанаад̇и. аяамби ко, уд̣̇ааяи, д̇хаммо уд̇д̇арид̇аро жа бан̣ийд̇ад̇аро жа яасса сажчигирияаахзд̇у бхигкуу маяи б̣рахмажарияам̣ жаранд̇и. имз ко, уд̣̇ааяи, д̇хаммаа уд̇д̇арид̇араа жа бан̣ийд̇ад̇араа жа язсам̣ сажчигирияаахзд̇у бхигкуу маяи б̣рахмажарияам̣ жаранд̇ий’’д̇и.
‘‘So evaṃ samāhite citte parisuddhe pariyodāte anaṅgaṇe vigatūpakkilese mudubhūte kammaniye ṭhite āneñjappatte āsavānaṃ khayañāṇāya cittaṃ abhininnāmeti . So ‘idaṃ dukkha’nti yathābhūtaṃ pajānāti, ‘ayaṃ dukkhasamudayo’ti…pe… ‘ayaṃ dukkhanirodho’ti… ‘ayaṃ dukkhanirodhagāminī paṭipadā’ti… ‘ime āsavā’ti yathābhūtaṃ pajānāti, ‘ayaṃ āsavasamudayo’ti… ‘ayaṃ āsavanirodho’ti… ‘ayaṃ āsavanirodhagāminī paṭipadā’ti yathābhūtaṃ pajānāti. Tassa evaṃ jānato evaṃ passato kāmāsavāpi cittaṃ vimuccati, bhavāsavāpi cittaṃ vimuccati, avijjāsavāpi cittaṃ vimuccati. Vimuttasmiṃ vimuttamiti ñāṇaṃ hoti. ‘Khīṇā jāti, vusitaṃ brahmacariyaṃ, kataṃ karaṇīyaṃ, nāparaṃ itthattāyā’ti pajānāti. Ayampi kho, udāyi, dhammo uttaritaro ca paṇītataro ca yassa sacchikiriyāhetu bhikkhū mayi brahmacariyaṃ caranti. Ime kho, udāyi, dhammā uttaritarā ca paṇītatarā ca yesaṃ sacchikiriyāhetu bhikkhū mayi brahmacariyaṃ carantī’’ti.
277. звам̣ вуд̇д̇з, сагулуд̣̇ааяий бариб̣б̣ааж̇аго бхаг̇аванд̇ам̣ зд̇ад̣̇авожа – ‘‘абхигганд̇ам̣, бханд̇з , абхигганд̇ам̣, бханд̇з! сзяяат̇ааби, бханд̇з, ниггуж̇ж̇ид̇ам̣ ваа уггуж̇ж̇зяяа, бадижчаннам̣ ваа виварзяяа, муул̣хасса ваа маг̇г̇ам̣ аажигкзяяа, анд̇хагаарз ваа д̇злабаж̇ж̇од̇ам̣ д̇хаарзяяа – ‘жагкуманд̇о руубаани д̣̇агканд̇ий’д̇и; звамзвам̣ бхаг̇авад̇аа анзгабарияааязна д̇хаммо багаасид̇о. зсаахам̣, бханд̇з, бхаг̇аванд̇ам̣ саран̣ам̣ г̇ажчаами д̇хамман̃жа бхигкусан̇гхан̃жа. лабхзяяаахам̣, бханд̇з, бхаг̇авад̇о санд̇игз баб̣б̣аж̇ж̇ам̣, лабхзяяам̣ убасамбад̣̇а’’нд̇и.
277. Evaṃ vutte, sakuludāyī paribbājako bhagavantaṃ etadavoca – ‘‘abhikkantaṃ, bhante , abhikkantaṃ, bhante! Seyyathāpi, bhante, nikkujjitaṃ vā ukkujjeyya, paṭicchannaṃ vā vivareyya, mūḷhassa vā maggaṃ ācikkheyya, andhakāre vā telapajjotaṃ dhāreyya – ‘cakkhumanto rūpāni dakkhantī’ti; evamevaṃ bhagavatā anekapariyāyena dhammo pakāsito. Esāhaṃ, bhante, bhagavantaṃ saraṇaṃ gacchāmi dhammañca bhikkhusaṅghañca. Labheyyāhaṃ, bhante, bhagavato santike pabbajjaṃ, labheyyaṃ upasampada’’nti.
звам̣ вуд̇д̇з, сагулуд̣̇ааяисса бариб̣б̣ааж̇агасса барисаа сагулуд̣̇ааяим̣ бариб̣б̣ааж̇агам̣ зд̇ад̣̇авожум̣ – ‘‘маа бхавам̣, уд̣̇ааяи, саман̣з г̇од̇амз б̣рахмажарияам̣ жари; маа бхавам̣, уд̣̇ааяи, аажарияо худ̇ваа анд̇зваасийваасам̣ васи. сзяяат̇ааби наама уд̣̇агаман̣иго 23 худ̇ваа уд̣̇ан̃жаниго 24 асса, звам̣ самбад̣̇амид̣̇ам̣ 25 бход̇о уд̣̇ааяисса бхависсад̇и. маа бхавам̣, уд̣̇ааяи, саман̣з г̇од̇амз б̣рахмажарияам̣ жари; маа бхавам̣, уд̣̇ааяи, аажарияо худ̇ваа анд̇зваасийваасам̣ васий’’д̇и. ид̇и хид̣̇ам̣ сагулуд̣̇ааяисса бариб̣б̣ааж̇агасса барисаа сагулуд̣̇ааяим̣ бариб̣б̣ааж̇агам̣ анд̇арааяамагааси бхаг̇авад̇и б̣рахмажариязд̇и.
Evaṃ vutte, sakuludāyissa paribbājakassa parisā sakuludāyiṃ paribbājakaṃ etadavocuṃ – ‘‘mā bhavaṃ, udāyi, samaṇe gotame brahmacariyaṃ cari; mā bhavaṃ, udāyi, ācariyo hutvā antevāsīvāsaṃ vasi. Seyyathāpi nāma udakamaṇiko 26 hutvā udañcaniko 27 assa, evaṃ sampadamidaṃ 28 bhoto udāyissa bhavissati. Mā bhavaṃ, udāyi, samaṇe gotame brahmacariyaṃ cari; mā bhavaṃ, udāyi, ācariyo hutvā antevāsīvāsaṃ vasī’’ti. Iti hidaṃ sakuludāyissa paribbājakassa parisā sakuludāyiṃ paribbājakaṃ antarāyamakāsi bhagavati brahmacariyeti.
жуул̣асагулуд̣̇ааяисуд̇д̇ам̣ нидтид̇ам̣ навамам̣.
Cūḷasakuludāyisuttaṃ niṭṭhitaṃ navamaṃ.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / маж̇жхиманигааяа (адтагат̇аа) • Majjhimanikāya (aṭṭhakathā) / 9. жуул̣асагулуд̣̇ааяисуд̇д̇аван̣н̣анаа • 9. Cūḷasakuludāyisuttavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / маж̇жхиманигааяа (дийгаа) • Majjhimanikāya (ṭīkā) / 9. жуул̣асагулуд̣̇ааяисуд̇д̇аван̣н̣анаа • 9. Cūḷasakuludāyisuttavaṇṇanā
