| Library / Tipiṭaka / д̇ибидага • Tipiṭaka / маж̇жхиманигааяа (адтагат̇аа) • Majjhimanikāya (aṭṭhakathā) |
9. жуул̣асагулуд̣̇ааяисуд̇д̇аван̣н̣анаа
9. Cūḷasakuludāyisuttavaṇṇanā
270. звам̣ мз суд̇анд̇и жуул̣асагулуд̣̇ааяисуд̇д̇ам̣. д̇ад̇т̇а яад̣̇аа бана, бханд̇з, бхаг̇аваад̇и ид̣̇ам̣ бариб̣б̣ааж̇аго д̇хаммагат̇ам̣ сод̇угаамо бхаг̇авад̇о д̇хаммад̣̇зсанааяа саалаяабхаавам̣ д̣̇ассзнд̇о ааха.
270.Evaṃme sutanti cūḷasakuludāyisuttaṃ. Tattha yadā pana, bhante, bhagavāti idaṃ paribbājako dhammakathaṃ sotukāmo bhagavato dhammadesanāya sālayabhāvaṃ dassento āha.
271. д̇ам̣язвзд̇т̇а бадибхаад̇ууд̇и сажз д̇хаммам̣ сод̇угаамо, д̇уяхзвзд̇т̇а зго бан̃хо згам̣ гааран̣ам̣ убадтаад̇у. яат̇аа мам̣ бадибхаасзяяаад̇и язна гааран̣зна мама д̇хаммад̣̇зсанаа убадтахзяяа, зд̇зна хи гааран̣зна гат̇ааяа самудтид̇ааяа сукам̣ д̇хаммам̣ д̣̇зсзд̇унд̇и д̣̇ийбзд̇и. д̇асса маяхам̣, бханд̇зд̇и со гира д̇ам̣ д̣̇исваа – ‘‘сажз бхаг̇аваа ид̇ха абхависсаа, аяамзд̇асса бхаасид̇асса ад̇т̇од̇и д̣̇ийбасахассам̣ вияа уж̇ж̇алаабзд̇ваа аж̇ж̇а мз баагадам̣ агариссаа’’д̇и д̣̇асаб̣алам̣язва ануссари. д̇асмаа д̇асса маяхам̣, бханд̇зд̇иаад̣̇имааха. д̇ад̇т̇а ахо нуунаад̇и ануссаран̣ад̇т̇з нибаад̇ад̣̇ваяам̣. д̇зна д̇асса бхаг̇аванд̇ам̣ ануссаранд̇асса зд̇ад̣̇ахоси ‘‘ахо нууна бхаг̇аваа ахо нууна суг̇ад̇о’’д̇и. яо имзсанд̇и яо имзсам̣ д̇хаммаанам̣. сугусалод̇и судту гусало нибун̣о чзго. со бхаг̇аваа ахо нууна гат̇зяяа, со суг̇ад̇о ахо нууна гат̇зяяа, д̇асса хи бхаг̇авад̇о буб̣б̣зниваасан̃аан̣асса анзгаани габбагодисахассаани зган̇г̇ан̣аани баагадаанийд̇и, аяамзд̇т̇а ад̇хиббааяо.
271.Taṃyevettha paṭibhātūti sace dhammaṃ sotukāmo, tuyhevettha eko pañho ekaṃ kāraṇaṃ upaṭṭhātu. Yathā maṃ paṭibhāseyyāti yena kāraṇena mama dhammadesanā upaṭṭhaheyya, etena hi kāraṇena kathāya samuṭṭhitāya sukhaṃ dhammaṃ desetunti dīpeti. Tassa mayhaṃ, bhanteti so kira taṃ disvā – ‘‘sace bhagavā idha abhavissā, ayametassa bhāsitassa atthoti dīpasahassaṃ viya ujjalāpetvā ajja me pākaṭaṃ akarissā’’ti dasabalaṃyeva anussari. Tasmā tassa mayhaṃ, bhantetiādimāha. Tattha aho nūnāti anussaraṇatthe nipātadvayaṃ. Tena tassa bhagavantaṃ anussarantassa etadahosi ‘‘aho nūna bhagavā aho nūna sugato’’ti. Yo imesanti yo imesaṃ dhammānaṃ. Sukusaloti suṭṭhu kusalo nipuṇo cheko. So bhagavā aho nūna katheyya, so sugato aho nūna katheyya, tassa hi bhagavato pubbenivāsañāṇassa anekāni kappakoṭisahassāni ekaṅgaṇāni pākaṭānīti, ayamettha adhippāyo.
д̇асса ваахам̣ буб̣б̣анд̇ам̣ аараб̣бхаад̇и яо хи лаабхий ход̇и, со ‘‘буб̣б̣з д̇вам̣ кад̇д̇ияо ахоси, б̣раахман̣о ахосий’’д̇и вуд̇д̇з ж̇аананд̇о саггажжам̣ суссуусад̇и. алаабхий бана – ‘‘звам̣ бхависсад̇и звам̣ бхависсад̇ий’’д̇и сийсагамбамзд̇д̇амзва д̣̇ассзд̇и. д̇асмаа звамааха – ‘‘д̇асса ваахам̣ буб̣б̣анд̇ам̣ аараб̣бха бан̃хасса взяяаагаран̣зна жид̇д̇ам̣ аараад̇хзяяа’’нд̇и.
Tassa vāhaṃ pubbantaṃ ārabbhāti yo hi lābhī hoti, so ‘‘pubbe tvaṃ khattiyo ahosi, brāhmaṇo ahosī’’ti vutte jānanto sakkaccaṃ sussūsati. Alābhī pana – ‘‘evaṃ bhavissati evaṃ bhavissatī’’ti sīsakampamettameva dasseti. Tasmā evamāha – ‘‘tassa vāhaṃ pubbantaṃ ārabbha pañhassa veyyākaraṇena cittaṃ ārādheyya’’nti.
со ваа мам̣ абаранд̇анд̇и д̣̇иб̣б̣ажагкулаабхино хи анааг̇ад̇ам̣сан̃аан̣ам̣ иж̇жхад̇и, д̇асмаа звамааха. ид̇арам̣ буб̣б̣з вуд̇д̇анаяамзва.
So vā maṃ aparantanti dibbacakkhulābhino hi anāgataṃsañāṇaṃ ijjhati, tasmā evamāha. Itaraṃ pubbe vuttanayameva.
д̇хаммам̣ д̇з д̣̇зсзссаамийд̇и аяам̣ гира ад̇ийд̇з д̣̇зсияамаанзби на б̣уж̇жхиссад̇и, анааг̇ад̇з д̣̇зсияамаанзби на б̣уж̇жхиссад̇и. ат̇асса бхаг̇аваа сан̣хасукумам̣ бажжаяаагаарам̣ д̣̇зсзд̇угаамо звамааха. гим̣ бана д̇ам̣ б̣уж̇жхиссад̇ийд̇и? зд̇ам̣ баг̇зва на б̣уж̇жхиссад̇и, анааг̇ад̇з банасса ваасанааяа бажжаяо бхависсад̇ийд̇и д̣̇исваа бхаг̇аваа звамааха.
Dhammaṃte desessāmīti ayaṃ kira atīte desiyamānepi na bujjhissati, anāgate desiyamānepi na bujjhissati. Athassa bhagavā saṇhasukhumaṃ paccayākāraṃ desetukāmo evamāha. Kiṃ pana taṃ bujjhissatīti? Etaṃ pageva na bujjhissati, anāgate panassa vāsanāya paccayo bhavissatīti disvā bhagavā evamāha.
бам̣субисаажаганд̇и асужидтаанз ниб̣б̣ад̇д̇абисаажам̣. со хи згам̣ муулам̣ г̇ахзд̇ваа ад̣̇иссамаанагааяо ход̇и. д̇ад̇рид̣̇ам̣ вад̇т̇у – згаа гира яагкиний д̣̇вз д̣̇аарагз т̇уубаараамад̣̇ваарз нисийд̣̇аабзд̇ваа аахаарабариязсанад̇т̇ам̣ наг̇арам̣ г̇ад̇аа. д̣̇аарагаа згам̣ бин̣д̣абаад̇игад̇т̇зрам̣ д̣̇исваа аахам̣су, – ‘‘бханд̇з, амхаагам̣ маад̇аа анд̇о наг̇арам̣ бавидтаа, д̇ассаа вад̣̇зяяаат̇а ‘яам̣ ваа д̇ам̣ ваа лад̣̇д̇хагам̣, г̇ахзд̇ваа сийгхам̣ г̇ажча, д̣̇аарагаа д̇з ж̇игхажчид̇ам̣ санд̇хаарзд̇ум̣ на саггонд̇ий’’’д̇и. д̇амахам̣ гат̇ам̣ бассиссаамийд̇и? ид̣̇ам̣, бханд̇з, г̇ан̣хат̇аад̇и згам̣ муулакан̣д̣ам̣ ад̣̇ам̣су. т̇зрасса анзгаани яагкасахассаани бан̃н̃ааяим̣су, со д̣̇аарагзхи д̣̇иннасан̃н̃аан̣зна д̇ам̣ яагкиним̣ ад̣̇д̣̇аса вируубам̣ б̣ийбхажчам̣ гзвалам̣ вийт̇ияам̣ г̇аб̣бхамалам̣ бажжаасийсамаанам̣. д̣̇исваа д̇амад̇т̇ам̣ гат̇зси . гат̇ам̣ мам̣ д̇вам̣ бассасийд̇и вуд̇д̇з муулакан̣д̣ам̣ д̣̇ассзси, саа ажчинд̣̇ид̇ваа г̇ан̣хи. звам̣ бам̣субисаажагаа згам̣ муулам̣ г̇ахзд̇ваа ад̣̇иссамаанагааяаа хонд̇и. д̇ам̣ санд̇хааязса ‘‘бам̣субисаажагамби на бассаамий’’д̇и ааха. на багкааяад̇ийд̇и на д̣̇иссад̇и на убадтаад̇и.
Paṃsupisācakanti asuciṭṭhāne nibbattapisācaṃ. So hi ekaṃ mūlaṃ gahetvā adissamānakāyo hoti. Tatridaṃ vatthu – ekā kira yakkhinī dve dārake thūpārāmadvāre nisīdāpetvā āhārapariyesanatthaṃ nagaraṃ gatā. Dārakā ekaṃ piṇḍapātikattheraṃ disvā āhaṃsu, – ‘‘bhante, amhākaṃ mātā anto nagaraṃ paviṭṭhā, tassā vadeyyātha ‘yaṃ vā taṃ vā laddhakaṃ, gahetvā sīghaṃ gaccha, dārakā te jighacchitaṃ sandhāretuṃ na sakkontī’’’ti. Tamahaṃ kathaṃ passissāmīti? Idaṃ, bhante, gaṇhathāti ekaṃ mūlakhaṇḍaṃ adaṃsu. Therassa anekāni yakkhasahassāni paññāyiṃsu, so dārakehi dinnasaññāṇena taṃ yakkhiniṃ addasa virūpaṃ bībhacchaṃ kevalaṃ vīthiyaṃ gabbhamalaṃ paccāsīsamānaṃ. Disvā tamatthaṃ kathesi . Kathaṃ maṃ tvaṃ passasīti vutte mūlakhaṇḍaṃ dassesi, sā acchinditvā gaṇhi. Evaṃ paṃsupisācakā ekaṃ mūlaṃ gahetvā adissamānakāyā honti. Taṃ sandhāyesa ‘‘paṃsupisācakampi na passāmī’’ti āha. Na pakkhāyatīti na dissati na upaṭṭhāti.
272. д̣̇ийгхааби ко д̇з зсаад̇и уд̣̇ааяи зсаа д̇ава ваажаа д̣̇ийгхааби бхавзяяа, звам̣ вад̣̇анд̇асса вассасад̇амби вассасахассамби бавад̇д̇зяяа, на жа ад̇т̇ам̣ д̣̇ийбзяяаад̇и ад̇хиббааяо. аббаадихийрагад̇анд̇и анияяаанигам̣ амуулагам̣ нирад̇т̇агам̣ самбаж̇ж̇ад̇ийд̇и ад̇т̇о.
272.Dīghāpi kho te esāti udāyi esā tava vācā dīghāpi bhaveyya, evaṃ vadantassa vassasatampi vassasahassampi pavatteyya, na ca atthaṃ dīpeyyāti adhippāyo. Appāṭihīrakatanti aniyyānikaṃ amūlakaṃ niratthakaṃ sampajjatīti attho.
ид̣̇аани д̇ам̣ ван̣н̣ам̣ д̣̇ассзнд̇о сзяяат̇ааби, бханд̇зд̇иаад̣̇имааха. д̇ад̇т̇а бан̣д̣угамб̣алз нигкид̇д̇од̇и висабхааг̇аван̣н̣з рад̇д̇агамб̣алз табид̇о. звам̣ван̣н̣о ад̇д̇аа ход̇ийд̇и ид̣̇ам̣ со субхагин̣хад̣̇звалогз ниб̣б̣ад̇д̇агканд̇хз санд̇хааяа – ‘‘амхаагам̣ мад̇агаалз ад̇д̇аа субхагин̣хад̣̇звалогз канд̇хаа вияа ж̇од̇зд̇ий’’д̇и вад̣̇ад̇и.
Idāni taṃ vaṇṇaṃ dassento seyyathāpi, bhantetiādimāha. Tattha paṇḍukambale nikkhittoti visabhāgavaṇṇe rattakambale ṭhapito. Evaṃvaṇṇo attā hotīti idaṃ so subhakiṇhadevaloke nibbattakkhandhe sandhāya – ‘‘amhākaṃ matakāle attā subhakiṇhadevaloke khandhā viya jotetī’’ti vadati.
273. аяам̣ имзсам̣ убхиннанд̇и со гира яасмаа ман̣исса б̣ахи аабхаа на нижчарад̇и, каж̇ж̇обанагасса ан̇г̇улад̣̇ван̇г̇улажад̇уран̇г̇уламад̇д̇ам̣ нижчарад̇и, махаакаж̇ж̇обанагасса бана кал̣аман̣д̣аламад̇д̇амби нижчарад̇иязва, д̇асмаа звамааха.
273.Ayaṃimesaṃ ubhinnanti so kira yasmā maṇissa bahi ābhā na niccharati, khajjopanakassa aṅguladvaṅgulacaturaṅgulamattaṃ niccharati, mahākhajjopanakassa pana khaḷamaṇḍalamattampi niccharatiyeva, tasmā evamāha.
вид̣̇д̇хзд̇и уб̣б̣ид̣̇д̇хз, мзгхавиг̇амзна д̣̇уурийбхууд̇зд̇и ад̇т̇о. виг̇ад̇авалаахагзд̇и абаг̇ад̇амзгхз. д̣̇звзд̇и аагаасз. осад̇хид̇аарагаад̇и суггад̇аарагаа. саа хи яасмаа д̇ассаа уд̣̇аяад̇о бадтааяа д̇зна сан̃н̃аан̣зна осад̇хаани г̇ан̣ханд̇иби биванд̇иби, д̇асмаа ‘‘осад̇хид̇аарагаа’’д̇и вужжад̇и. абхид̣̇о ад̣дхарад̇д̇асамаяанд̇и абхиннз ад̣дхарад̇д̇асамаяз. иминаа г̇аг̇анамаж̇жхз тид̇ажанд̣̇ам̣ д̣̇ассзд̇и. абхид̣̇о маж̇жханхигзби зсзва наяо.
Viddheti ubbiddhe, meghavigamena dūrībhūteti attho. Vigatavalāhaketi apagatameghe. Deveti ākāse. Osadhitārakāti sukkatārakā. Sā hi yasmā tassā udayato paṭṭhāya tena saññāṇena osadhāni gaṇhantipi pivantipi, tasmā ‘‘osadhitārakā’’ti vuccati. Abhido aḍḍharattasamayanti abhinne aḍḍharattasamaye. Iminā gaganamajjhe ṭhitacandaṃ dasseti. Abhido majjhanhikepi eseva nayo.
ад̇о код̇и яз анубхонд̇и, д̇зхи б̣ахуд̇араа, б̣ахуу жзва б̣ахуд̇араа жаад̇и ад̇т̇о. аабхаа наанубхонд̇ийд̇и обхаасам̣ на вал̣ан̃ж̇анд̇и, ад̇д̇ано сарийробхаасзнзва аалогам̣ парид̇ваа вихаранд̇и.
Ato khoti ye anubhonti, tehi bahutarā, bahū ceva bahutarā cāti attho. Ābhā nānubhontīti obhāsaṃ na vaḷañjanti, attano sarīrobhāseneva ālokaṃ pharitvā viharanti.
274. ид̣̇аани яасмаа со ‘‘зганд̇асукам̣ логам̣ бужчиссаамий’’д̇и нисинно, бужчаамуул̣хо бана ж̇аад̇о, д̇асмаа нам̣ бхаг̇аваа д̇ам̣ бужчам̣ сараабзнд̇о гим̣ бана, уд̣̇ааяи, ад̇т̇и зганд̇асуко логод̇иаад̣̇имааха. д̇ад̇т̇а аагааравад̇ийд̇и гааран̣авад̇ий. ан̃н̃ад̇арам̣ ваа бана д̇абог̇ун̣анд̇и ажзлагабаал̣им̣ санд̇хааяааха, сураабаанавирад̇ийд̇и ад̇т̇о.
274. Idāni yasmā so ‘‘ekantasukhaṃ lokaṃ pucchissāmī’’ti nisinno, pucchāmūḷho pana jāto, tasmā naṃ bhagavā taṃ pucchaṃ sarāpento kiṃ pana, udāyi, atthi ekantasukho lokotiādimāha. Tattha ākāravatīti kāraṇavatī. Aññataraṃ vā pana tapoguṇanti acelakapāḷiṃ sandhāyāha, surāpānaviratīti attho.
275. гад̇амаа бана саа, бханд̇з, аагааравад̇ий бадибад̣̇аа зганд̇асукассаад̇и гасмаа бужчад̇и? звам̣ гирасса ахоси – ‘‘маяам̣ сад̇д̇аанам̣ зганд̇асукам̣ вад̣̇аама, бадибад̣̇ам̣ бана гаалзна сукам̣ гаалзна д̣̇угкам̣ вад̣̇аама. зганд̇асукасса ко бана ад̇д̇ано бадибад̣̇ааяаби зганд̇асукааяа бхавид̇аб̣б̣ам̣. амхаагам̣ гат̇аа анияяаанигаа, сад̇т̇у гат̇аава нияяаанигаа’’д̇и. ид̣̇аани сад̇т̇аарам̣язва бужчид̇ваа ж̇ааниссаамийд̇и д̇асмаа бужчад̇и.
275.Katamā pana sā, bhante, ākāravatī paṭipadā ekantasukhassāti kasmā pucchati? Evaṃ kirassa ahosi – ‘‘mayaṃ sattānaṃ ekantasukhaṃ vadāma, paṭipadaṃ pana kālena sukhaṃ kālena dukkhaṃ vadāma. Ekantasukhassa kho pana attano paṭipadāyapi ekantasukhāya bhavitabbaṃ. Amhākaṃ kathā aniyyānikā, satthu kathāva niyyānikā’’ti. Idāni satthāraṃyeva pucchitvā jānissāmīti tasmā pucchati.
зд̇т̇а маяам̣ анассаамаад̇и зд̇асмим̣ гааран̣з маяам̣ анассаама. гасмаа бана звамаахам̣су? д̇з гира буб̣б̣з бан̃жасу д̇хаммзсу бад̇идтааяа гасин̣абаригаммам̣ гад̇ваа д̇ад̇ияаж̇жхаанам̣ ниб̣б̣ад̇д̇зд̇ваа абарихийнаж̇жхаанаа гаалам̣ гад̇ваа субхагин̣хзсу ниб̣б̣ад̇д̇анд̇ийд̇и ж̇аананд̇и, г̇ажчанд̇з г̇ажчанд̇з бана гаалз гасин̣абаригаммамби на ж̇ааним̣су, д̇ад̇ияаж̇жхаанамби ниб̣б̣ад̇д̇зд̇ум̣ наасагким̣су. бан̃жа буб̣б̣абхааг̇ад̇хаммз бана ‘‘аагааравад̇ий бадибад̣̇аа’’д̇и уг̇г̇ахзд̇ваа д̇ад̇ияаж̇жхаанам̣ ‘‘зганд̇асуко лого’’д̇и уг̇г̇ан̣хим̣су. д̇асмаа звамаахам̣су. уд̇д̇арид̇аранд̇и ид̇о бан̃жахи д̇хаммзхи уд̇д̇арид̇арам̣ бадибад̣̇ам̣ ваа д̇ад̇ияаж̇жхаанад̇о уд̇д̇арид̇арам̣ зганд̇асукам̣ логам̣ ваа на ж̇аанаамаад̇и вуд̇д̇ам̣ ход̇и. аббасад̣̇д̣̇з гад̇ваад̇и згаббахаарзнзва махаасад̣̇д̣̇ам̣ гаад̇ум̣ аарад̣̇д̇хз ниссад̣̇д̣̇з гад̇ваа.
Etthamayaṃ anassāmāti etasmiṃ kāraṇe mayaṃ anassāma. Kasmā pana evamāhaṃsu? Te kira pubbe pañcasu dhammesu patiṭṭhāya kasiṇaparikammaṃ katvā tatiyajjhānaṃ nibbattetvā aparihīnajjhānā kālaṃ katvā subhakiṇhesu nibbattantīti jānanti, gacchante gacchante pana kāle kasiṇaparikammampi na jāniṃsu, tatiyajjhānampi nibbattetuṃ nāsakkhiṃsu. Pañca pubbabhāgadhamme pana ‘‘ākāravatī paṭipadā’’ti uggahetvā tatiyajjhānaṃ ‘‘ekantasukho loko’’ti uggaṇhiṃsu. Tasmā evamāhaṃsu. Uttaritaranti ito pañcahi dhammehi uttaritaraṃ paṭipadaṃ vā tatiyajjhānato uttaritaraṃ ekantasukhaṃ lokaṃ vā na jānāmāti vuttaṃ hoti. Appasadde katvāti ekappahāreneva mahāsaddaṃ kātuṃ āraddhe nissadde katvā.
276. сажчигирияаахзд̇ууд̇и зд̇т̇а д̣̇вз сажчигирияаа бадилаабхасажчигирияаа жа бажжагкасажчигирияаа жа. д̇ад̇т̇а д̇ад̇ияаж̇жхаанам̣ ниб̣б̣ад̇д̇зд̇ваа абарихийнаж̇жхаано гаалам̣ гад̇ваа субхагин̣халогз д̇зсам̣ д̣̇зваанам̣ самаанааяуван̣н̣о худ̇ваа ниб̣б̣ад̇д̇ад̇и, аяам̣ бадилаабхасажчигирияаа наама. жад̇уд̇т̇аж̇жхаанам̣ ниб̣б̣ад̇д̇зд̇ваа ид̣̇д̇хивигуб̣б̣анзна субхагин̣халогам̣ г̇анд̇ваа д̇зхи д̣̇звзхи сад̣̇д̇хим̣ санд̇идтад̇и саллабад̇и саагажчам̣ аабаж̇ж̇ад̇и, аяам̣ бажжагкасажчигирияаа наама. д̇аасам̣ д̣̇виннамби д̇ад̇ияаж̇жхаанам̣ аагааравад̇ий бадибад̣̇аа наама. д̇ан̃хи ануббаад̣̇зд̇ваа нзва саггаа субхагин̣халогз ниб̣б̣ад̇д̇ид̇ум̣, на жад̇уд̇т̇аж̇жхаанам̣ уббаад̣̇зд̇ум̣. ид̇и д̣̇увид̇хамбзд̇ам̣ сажчигирияам̣ санд̇хааяа – ‘‘зд̇асса нууна, бханд̇з, зганд̇асукасса логасса сажчигирияаахзд̇уу’’д̇и ааха.
276.Sacchikiriyāhetūti ettha dve sacchikiriyā paṭilābhasacchikiriyā ca paccakkhasacchikiriyā ca. Tattha tatiyajjhānaṃ nibbattetvā aparihīnajjhāno kālaṃ katvā subhakiṇhaloke tesaṃ devānaṃ samānāyuvaṇṇo hutvā nibbattati, ayaṃ paṭilābhasacchikiriyā nāma. Catutthajjhānaṃ nibbattetvā iddhivikubbanena subhakiṇhalokaṃ gantvā tehi devehi saddhiṃ santiṭṭhati sallapati sākacchaṃ āpajjati, ayaṃ paccakkhasacchikiriyā nāma. Tāsaṃ dvinnampi tatiyajjhānaṃ ākāravatī paṭipadā nāma. Tañhi anuppādetvā neva sakkā subhakiṇhaloke nibbattituṃ, na catutthajjhānaṃ uppādetuṃ. Iti duvidhampetaṃ sacchikiriyaṃ sandhāya – ‘‘etassa nūna, bhante, ekantasukhassa lokassa sacchikiriyāhetū’’ti āha.
277. уд̣̇ан̃жанигод̇и уд̣̇агаваараго. анд̇арааяамагаасийд̇и яат̇аа баб̣б̣аж̇ж̇ам̣ на лабхад̇и, звам̣ убад̣̇д̣̇уд̇амагааси яат̇аа д̇ам̣ убаниссаяавибаннам̣. аяам̣ гира гассабаб̣уд̣̇д̇хагаалз баб̣б̣аж̇ид̇ваа саман̣ад̇хаммамагааси. ат̇асса зго сахааяаго бхигку саасанз анабхирад̇о, ‘‘аавусо, виб̣бхамиссаамий’’д̇и аарожзси. со д̇асса бад̇д̇ажийварз лобхам̣ уббаад̣̇зд̇ваа г̇ихибхаавааяа ван̣н̣ам̣ абхааси. ид̇аро д̇асса бад̇д̇ажийварам̣ д̣̇ад̇ваа виб̣бхами. д̇знасса гаммунаа ид̣̇аани бхаг̇авад̇о саммукаа баб̣б̣аж̇ж̇ааяа анд̇арааяо ж̇аад̇о. бхаг̇авад̇аа банасса буримасуд̇д̇ам̣ ад̇ирзгабхаан̣аваарамад̇д̇ам̣, ид̣̇ам̣ бхаан̣аваарамад̇д̇анд̇и зд̇д̇агааяа д̇анд̇ияаа д̇хаммо гат̇ид̇о, згад̣̇зсанааяаби маг̇г̇апалабадивзд̇хо на ж̇аад̇о, анааг̇ад̇з банасса бажжаяо бхависсад̇ийд̇и бхаг̇аваа д̇хаммам̣ д̣̇зсзд̇и. анааг̇ад̇з бажжаяабхааван̃жасса д̣̇исваа бхаг̇аваа д̇харамаано згам̣ бхигкумби мзд̇д̇аавихааримхи зд̇ад̣̇аг̇г̇з на табзси. бассад̇и хи бхаг̇аваа – ‘‘анааг̇ад̇з аяам̣ мама саасанз баб̣б̣аж̇ид̇ваа мзд̇д̇аавихаарийнам̣ аг̇г̇о бхависсад̇ий’’д̇и.
277.Udañcanikoti udakavārako. Antarāyamakāsīti yathā pabbajjaṃ na labhati, evaṃ upaddutamakāsi yathā taṃ upanissayavipannaṃ. Ayaṃ kira kassapabuddhakāle pabbajitvā samaṇadhammamakāsi. Athassa eko sahāyako bhikkhu sāsane anabhirato, ‘‘āvuso, vibbhamissāmī’’ti ārocesi. So tassa pattacīvare lobhaṃ uppādetvā gihibhāvāya vaṇṇaṃ abhāsi. Itaro tassa pattacīvaraṃ datvā vibbhami. Tenassa kammunā idāni bhagavato sammukhā pabbajjāya antarāyo jāto. Bhagavatā panassa purimasuttaṃ atirekabhāṇavāramattaṃ, idaṃ bhāṇavāramattanti ettakāya tantiyā dhammo kathito, ekadesanāyapi maggaphalapaṭivedho na jāto, anāgate panassa paccayo bhavissatīti bhagavā dhammaṃ deseti. Anāgate paccayabhāvañcassa disvā bhagavā dharamāno ekaṃ bhikkhumpi mettāvihārimhi etadagge na ṭhapesi. Passati hi bhagavā – ‘‘anāgate ayaṃ mama sāsane pabbajitvā mettāvihārīnaṃ aggo bhavissatī’’ti.
со бхаг̇авад̇и бариниб̣б̣уд̇з д̇хаммаасогарааж̇агаалз баадалибуд̇д̇з ниб̣б̣ад̇д̇ид̇ваа баб̣б̣аж̇ид̇ваа арахад̇д̇аббад̇д̇о ассаг̇уд̇д̇ад̇т̇зро наама худ̇ваа мзд̇д̇аавихаарийнам̣ аг̇г̇о ахоси. т̇зрасса мзд̇д̇аанубхаавзна д̇иражчаанаг̇ад̇ааби мзд̇д̇ажид̇д̇ам̣ бадилабхим̣су, т̇зро сагалаж̇амб̣уд̣̇ийбз бхигкусан̇гхасса оваад̣̇аажарияо худ̇ваа вад̇д̇анисзнаасанз ааваси, д̇им̣саяож̇анамад̇д̇аа адавий згам̣ бад̇хаанагхарам̣ ахоси. т̇зро аагаасз жаммакан̣д̣ам̣ бад̇т̇арид̇ваа д̇ад̇т̇а нисинно гаммадтаанам̣ гат̇зси. г̇ажчанд̇з г̇ажчанд̇з гаалз бхигкаажаарамби аг̇анд̇ваа вихаарз нисинно гаммадтаанам̣ гат̇зси, мануссаа вихаарамзва г̇анд̇ваа д̣̇аанамад̣̇ам̣су. д̇хаммаасогарааж̇аа т̇зрасса г̇ун̣ам̣ суд̇ваа д̣̇адтугаамо д̇игкад̇д̇ум̣ бахин̣и. т̇зро бхигкусан̇гхасса оваад̣̇ам̣ д̣̇аммийд̇и згаваарамби на г̇ад̇од̇и.
So bhagavati parinibbute dhammāsokarājakāle pāṭaliputte nibbattitvā pabbajitvā arahattappatto assaguttatthero nāma hutvā mettāvihārīnaṃ aggo ahosi. Therassa mettānubhāvena tiracchānagatāpi mettacittaṃ paṭilabhiṃsu, thero sakalajambudīpe bhikkhusaṅghassa ovādācariyo hutvā vattanisenāsane āvasi, tiṃsayojanamattā aṭavī ekaṃ padhānagharaṃ ahosi. Thero ākāse cammakhaṇḍaṃ pattharitvā tattha nisinno kammaṭṭhānaṃ kathesi. Gacchante gacchante kāle bhikkhācārampi agantvā vihāre nisinno kammaṭṭhānaṃ kathesi, manussā vihārameva gantvā dānamadaṃsu. Dhammāsokarājā therassa guṇaṃ sutvā daṭṭhukāmo tikkhattuṃ pahiṇi. Thero bhikkhusaṅghassa ovādaṃ dammīti ekavārampi na gatoti.
бабан̃жасууд̣̇анияаа маж̇жхиманигааяадтагат̇ааяа
Papañcasūdaniyā majjhimanikāyaṭṭhakathāya
жуул̣асагулуд̣̇ааяисуд̇д̇аван̣н̣анаа нидтид̇аа.
Cūḷasakuludāyisuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / маж̇жхиманигааяа • Majjhimanikāya / 9. жуул̣асагулуд̣̇ааяисуд̇д̇ам̣ • 9. Cūḷasakuludāyisuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / маж̇жхиманигааяа (дийгаа) • Majjhimanikāya (ṭīkā) / 9. жуул̣асагулуд̣̇ааяисуд̇д̇аван̣н̣анаа • 9. Cūḷasakuludāyisuttavaṇṇanā
