| Library / Tipiṭaka / д̇ибидага • Tipiṭaka / маж̇жхиманигааяа (адтагат̇аа) • Majjhimanikāya (aṭṭhakathā) |
2. сийханаад̣̇аваг̇г̇о
2. Sīhanādavaggo
1. жуул̣асийханаад̣̇асуд̇д̇аван̣н̣анаа
1. Cūḷasīhanādasuttavaṇṇanā
139. звам̣ мз суд̇анд̇и жуул̣асийханаад̣̇асуд̇д̇ам̣. яасмаа банасса ад̇т̇уббад̇д̇иго нигкзбо, д̇асмаа д̇ам̣ д̣̇ассзд̇ваа жасса анубуб̣б̣абад̣̇аван̣н̣анам̣ гариссаама. гад̇арааяа банид̣̇ам̣ ад̇т̇уббад̇д̇ияаа нигкид̇д̇анд̇и? лаабхасаггаарабажжаяаа д̇ид̇т̇ияабарид̣̇звид̇з. бхаг̇авад̇о гира д̇хаммад̣̇ааяаад̣̇асуд̇д̇з вуд̇д̇анаязна махаалаабхасаггааро уббаж̇ж̇и. жад̇уббамаан̣иго хи аяам̣ логасанниваасо, руубаббамаан̣о руубаббасанно, гхосаббамаан̣о гхосаббасанно, луукаббамаан̣о луукаббасанно, д̇хаммаббамаан̣о д̇хаммаббасаннод̇и имзсам̣ буг̇г̇алаанам̣ васзна жад̇уд̇хаа тид̇о.
139.Evaṃme sutanti cūḷasīhanādasuttaṃ. Yasmā panassa atthuppattiko nikkhepo, tasmā taṃ dassetvā cassa anupubbapadavaṇṇanaṃ karissāma. Katarāya panidaṃ atthuppattiyā nikkhittanti? Lābhasakkārapaccayā titthiyaparidevite. Bhagavato kira dhammadāyādasutte vuttanayena mahālābhasakkāro uppajji. Catuppamāṇiko hi ayaṃ lokasannivāso, rūpappamāṇo rūpappasanno, ghosappamāṇo ghosappasanno, lūkhappamāṇo lūkhappasanno, dhammappamāṇo dhammappasannoti imesaṃ puggalānaṃ vasena catudhā ṭhito.
д̇зсам̣ ид̣̇ам̣ наанаагаран̣ам̣ – гад̇амо жа буг̇г̇ало руубаббамаан̣о руубаббасанно? ид̇хзгажжо буг̇г̇ало аарохам̣ ваа бассид̇ваа барин̣аахам̣ ваа бассид̇ваа сан̣таанам̣ ваа бассид̇ваа баарибуурим̣ ваа бассид̇ваа д̇ад̇т̇а бамаан̣ам̣ г̇ахзд̇ваа басаад̣̇ам̣ ж̇анзд̇и, аяам̣ вужжад̇и буг̇г̇ало руубаббамаан̣о руубаббасанно.
Tesaṃ idaṃ nānākaraṇaṃ – katamo ca puggalo rūpappamāṇo rūpappasanno? Idhekacco puggalo ārohaṃ vā passitvā pariṇāhaṃ vā passitvā saṇṭhānaṃ vā passitvā pāripūriṃ vā passitvā tattha pamāṇaṃ gahetvā pasādaṃ janeti, ayaṃ vuccati puggalo rūpappamāṇo rūpappasanno.
гад̇амо жа буг̇г̇ало гхосаббамаан̣о гхосаббасанно? ид̇хзгажжо буг̇г̇ало бараван̣н̣анааяа барат̇оманааяа барабасам̣санааяа бараван̣н̣ахааригааяа, д̇ад̇т̇а бамаан̣ам̣ г̇ахзд̇ваа басаад̣̇ам̣ ж̇анзд̇и, аяам̣ вужжад̇и буг̇г̇ало гхосаббамаан̣о гхосаббасанно.
Katamo ca puggalo ghosappamāṇo ghosappasanno? Idhekacco puggalo paravaṇṇanāya parathomanāya parapasaṃsanāya paravaṇṇahārikāya, tattha pamāṇaṃ gahetvā pasādaṃ janeti, ayaṃ vuccati puggalo ghosappamāṇo ghosappasanno.
гад̇амо жа буг̇г̇ало луукаббамаан̣о луукаббасанно? ид̇хзгажжо буг̇г̇ало жийваралуукам̣ ваа бассид̇ваа бад̇д̇алуукам̣ ваа бассид̇ваа, сзнаасаналуукам̣ ваа бассид̇ваа вивид̇хам̣ ваа д̣̇уггарагааригам̣ бассид̇ваа д̇ад̇т̇а бамаан̣ам̣ г̇ахзд̇ваа басаад̣̇ам̣ ж̇анзд̇и, аяам̣ вужжад̇и буг̇г̇ало луукаббамаан̣о луукаббасанно.
Katamo ca puggalo lūkhappamāṇo lūkhappasanno? Idhekacco puggalo cīvaralūkhaṃ vā passitvā pattalūkhaṃ vā passitvā, senāsanalūkhaṃ vā passitvā vividhaṃ vā dukkarakārikaṃ passitvā tattha pamāṇaṃ gahetvā pasādaṃ janeti, ayaṃ vuccati puggalo lūkhappamāṇo lūkhappasanno.
гад̇амо жа буг̇г̇ало д̇хаммаббамаан̣о д̇хаммаббасанно? ид̇хзгажжо буг̇г̇ало сийлам̣ ваа бассид̇ваа самаад̇хим̣ ваа бассид̇ваа бан̃н̃ам̣ ваа бассид̇ваа д̇ад̇т̇а бамаан̣ам̣ г̇ахзд̇ваа басаад̣̇ам̣ ж̇анзд̇и, аяам̣ вужжад̇и буг̇г̇ало д̇хаммаббамаан̣о д̇хаммаббасаннод̇и.
Katamo ca puggalo dhammappamāṇo dhammappasanno? Idhekacco puggalo sīlaṃ vā passitvā samādhiṃ vā passitvā paññaṃ vā passitvā tattha pamāṇaṃ gahetvā pasādaṃ janeti, ayaṃ vuccati puggalo dhammappamāṇo dhammappasannoti.
имзсу жад̇уусу буг̇г̇алзсу руубаббамаан̣оби бхаг̇авад̇о аарохабарин̣аахасан̣таанабаарибууриван̣н̣абогкарад̇ам̣, асийд̇иануб̣яан̃ж̇анаббадиман̣д̣ид̇ад̇д̇аа наанаарад̇анавижид̇д̇амива суван̣н̣амахаабадам̣, д̣̇вад̇д̇им̣самахаабурисалагкан̣асамаагин̣н̣ад̇ааяа д̇аарааг̇ан̣асамуж̇ж̇алам̣ вияа г̇аг̇анад̇алам̣ саб̣б̣апаалипуллам̣ вияа жа яож̇анасад̇уб̣б̣зд̇хам̣ баарижчад̇д̇агам̣ адтаарасарад̇ануб̣б̣зд̇хам̣ б̣яаамаббабхаабаригкзбам̣ сассиригам̣ анобамасарийрам̣ д̣̇исваа саммаасамб̣уд̣̇д̇хзязва басийд̣̇ад̇и.
Imesu catūsu puggalesu rūpappamāṇopi bhagavato ārohapariṇāhasaṇṭhānapāripūrivaṇṇapokkharataṃ, asītianubyañjanappaṭimaṇḍitattā nānāratanavicittamiva suvaṇṇamahāpaṭaṃ, dvattiṃsamahāpurisalakkhaṇasamākiṇṇatāya tārāgaṇasamujjalaṃ viya gaganatalaṃ sabbaphāliphullaṃ viya ca yojanasatubbedhaṃ pāricchattakaṃ aṭṭhārasaratanubbedhaṃ byāmappabhāparikkhepaṃ sassirikaṃ anopamasarīraṃ disvā sammāsambuddheyeva pasīdati.
гхосаббамаан̣оби, бхаг̇авад̇аа габбасад̇асахассаад̇хигаани жад̇д̇аари асан̇кязяяаани д̣̇аса баарамияо д̣̇аса убабаарамияо д̣̇аса барамад̇т̇абаарамияо буурид̇аа ан̇г̇абарижжааг̇о буд̇д̇ад̣̇аарабарижжааг̇о, раж̇ж̇абарижжааг̇о ад̇д̇абарижжааг̇о наяанабарижжааг̇о жа гад̇од̇иаад̣̇инаа наязна бавад̇д̇ам̣ гхосам̣ суд̇ваа саммаасамб̣уд̣̇д̇хзязва басийд̣̇ад̇и.
Ghosappamāṇopi, bhagavatā kappasatasahassādhikāni cattāri asaṅkhyeyyāni dasa pāramiyo dasa upapāramiyo dasa paramatthapāramiyo pūritā aṅgapariccāgo puttadārapariccāgo, rajjapariccāgo attapariccāgo nayanapariccāgo ca katotiādinā nayena pavattaṃ ghosaṃ sutvā sammāsambuddheyeva pasīdati.
луукаббамаан̣оби бхаг̇авад̇о жийваралуукам̣ д̣̇исваа ‘‘сажз бхаг̇аваа аг̇аарам̣ аж̇жхаавасисса, гаасигавад̇т̇амзва ад̇хаараяисса. баб̣б̣аж̇ид̇ваа банаанзна саан̣абам̣сугуулажийварзна санд̇уссамаанзна бхаарияам̣ гад̇а’’нд̇и саммаасамб̣уд̣̇д̇хзязва басийд̣̇ад̇и. бад̇д̇алуукамби д̣̇исваа – ‘‘иминаа аг̇аарам̣ аж̇жхаавасанд̇зна рад̇д̇аварасуван̣н̣абхааж̇анзсу жаггавад̇д̇ибхож̇анаарахам̣ суг̇анд̇хасаалибхож̇анам̣ барибхуд̇д̇ам̣, баб̣б̣аж̇ид̇ваа бана баасаан̣амаяам̣ бад̇д̇ам̣ аад̣̇ааяа ужжанийжагулад̣̇ваарзсу сабад̣̇аанам̣ бин̣д̣ааяа жарид̇ваа лад̣̇д̇хабин̣д̣ияаалобзна санд̇уссамаано бхаарияам̣ гарод̇ий’’д̇и саммаасамб̣уд̣̇д̇хзязва басийд̣̇ад̇и. сзнаасаналуукам̣ д̣̇исвааби – ‘‘аяам̣ аг̇аарам̣ аж̇жхаавасанд̇о д̇ин̣н̣ам̣ уд̇уунам̣ анужчавигзсу д̇ийсу баасаад̣̇зсу д̇ивид̇ханаадагабаривааро д̣̇иб̣б̣асамбад̇д̇им̣ вияа раж̇ж̇асирим̣ анубхавид̇ваа ид̣̇аани баб̣б̣аж̇ж̇уубаг̇ад̇о ругкамууласзнаасанаад̣̇ийсу д̣̇аарупалагасилаабаддабийтаман̃жагаад̣̇ийхи санд̇уссамаано бхаарияам̣ гарод̇ий’’д̇и саммаасамб̣уд̣̇д̇хзязва басийд̣̇ад̇и. д̣̇уггарагааригамасса д̣̇исвааби – ‘‘чаб̣б̣ассаани наама муг̇г̇аяуусагулад̇т̇аяуусахарзн̣уяуусаад̣̇ийнам̣ басадамад̇д̇зна яаабзссад̇и, аббаан̣агам̣ жхаанам̣ жхааяиссад̇и, сарийрз жа ж̇ийвид̇з жа анабзгко вихариссад̇и, ахо д̣̇уггарагаараго бхаг̇аваа’’д̇и саммаасамб̣уд̣̇д̇хзязва басийд̣̇ад̇и.
Lūkhappamāṇopi bhagavato cīvaralūkhaṃ disvā ‘‘sace bhagavā agāraṃ ajjhāvasissa, kāsikavatthameva adhārayissa. Pabbajitvā panānena sāṇapaṃsukūlacīvarena santussamānena bhāriyaṃ kata’’nti sammāsambuddheyeva pasīdati. Pattalūkhampi disvā – ‘‘iminā agāraṃ ajjhāvasantena rattavarasuvaṇṇabhājanesu cakkavattibhojanārahaṃ sugandhasālibhojanaṃ paribhuttaṃ, pabbajitvā pana pāsāṇamayaṃ pattaṃ ādāya uccanīcakuladvāresu sapadānaṃ piṇḍāya caritvā laddhapiṇḍiyālopena santussamāno bhāriyaṃ karotī’’ti sammāsambuddheyeva pasīdati. Senāsanalūkhaṃ disvāpi – ‘‘ayaṃ agāraṃ ajjhāvasanto tiṇṇaṃ utūnaṃ anucchavikesu tīsu pāsādesu tividhanāṭakaparivāro dibbasampattiṃ viya rajjasiriṃ anubhavitvā idāni pabbajjūpagato rukkhamūlasenāsanādīsu dāruphalakasilāpaṭṭapīṭhamañcakādīhi santussamāno bhāriyaṃ karotī’’ti sammāsambuddheyeva pasīdati. Dukkarakārikamassa disvāpi – ‘‘chabbassāni nāma muggayūsakulatthayūsahareṇuyūsādīnaṃ pasaṭamattena yāpessati, appāṇakaṃ jhānaṃ jhāyissati, sarīre ca jīvite ca anapekkho viharissati, aho dukkarakārako bhagavā’’ti sammāsambuddheyeva pasīdati.
д̇хаммаббамаан̣оби бхаг̇авад̇о сийлаг̇ун̣ам̣ самаад̇хиг̇ун̣ам̣ бан̃н̃ааг̇ун̣ам̣ жхаанавимогкасамаад̇хисамаабад̇д̇исамбад̣̇ам̣ абхин̃н̃аабаарибуурим̣ яамагабаадихаарияам̣ д̣̇зворохан̣ам̣ баат̇игабуд̇д̇ад̣̇аманаад̣̇ийни жа анзгаани ажчарияаани д̣̇исваа саммаасамб̣уд̣̇д̇хзязва басийд̣̇ад̇и, д̇з звам̣ басаннаа бхаг̇авад̇о маханд̇ам̣ лаабхасаггаарам̣ абхихаранд̇и. д̇ид̇т̇ияаанам̣ бана б̣аавзруж̇аад̇агз гаагасса вияа лаабхасаггааро барихааяид̇т̇а. яат̇ааха –
Dhammappamāṇopi bhagavato sīlaguṇaṃ samādhiguṇaṃ paññāguṇaṃ jhānavimokkhasamādhisamāpattisampadaṃ abhiññāpāripūriṃ yamakapāṭihāriyaṃ devorohaṇaṃ pāthikaputtadamanādīni ca anekāni acchariyāni disvā sammāsambuddheyeva pasīdati, te evaṃ pasannā bhagavato mahantaṃ lābhasakkāraṃ abhiharanti. Titthiyānaṃ pana bāverujātake kākassa viya lābhasakkāro parihāyittha. Yathāha –
‘‘ад̣̇ассанзна морасса, сикино ман̃ж̇убхаан̣ино;
‘‘Adassanena morassa, sikhino mañjubhāṇino;
гаагам̣ д̇ад̇т̇а абууж̇зсум̣, мам̣сзна жа палзна жа.
Kākaṃ tattha apūjesuṃ, maṃsena ca phalena ca.
яад̣̇аа жа сарасамбанно, моро б̣аавзрумааг̇амаа;
Yadā ca sarasampanno, moro bāverumāgamā;
ат̇а лаабхо жа саггааро, вааяасасса ахааяат̇а.
Atha lābho ca sakkāro, vāyasassa ahāyatha.
яаава нуббаж̇ж̇ад̇и б̣уд̣̇д̇хо, д̇хаммарааж̇аа бабхан̇гаро;
Yāva nuppajjati buddho, dhammarājā pabhaṅkaro;
д̇аава ан̃н̃з абууж̇зсум̣, бут̇уу саман̣аб̣раахман̣з.
Tāva aññe apūjesuṃ, puthū samaṇabrāhmaṇe.
яад̣̇аа жа сарасамбанно, б̣уд̣̇д̇хо д̇хаммамад̣̇зсаяи;
Yadā ca sarasampanno, buddho dhammamadesayi;
ат̇а лаабхо жа саггааро, д̇ид̇т̇ияаанам̣ ахааяат̇аа’’д̇и. (ж̇аа. 1.4.153-156);
Atha lābho ca sakkāro, titthiyānaṃ ahāyathā’’ti. (jā. 1.4.153-156);
д̇з звам̣ бахийналаабхасаггаараа рад̇д̇им̣ згад̣̇ван̇г̇уламад̇д̇ам̣ обхаасзд̇вааби суурияуг̇г̇аманз каж̇ж̇обанагаа вияа хад̇аббабхаа ахзсум̣.
Te evaṃ pahīnalābhasakkārā rattiṃ ekadvaṅgulamattaṃ obhāsetvāpi sūriyuggamane khajjopanakā viya hatappabhā ahesuṃ.
яат̇аа хи каж̇ж̇обанагаа, гаал̣абагкамхи рад̇д̇ияаа;
Yathā hi khajjopanakā, kāḷapakkhamhi rattiyā;
нид̣̇ассаяанд̇и обхаасам̣, зд̇зсам̣ висаяо хи со.
Nidassayanti obhāsaṃ, etesaṃ visayo hi so.
яад̣̇аа жа расмисамбанно, аб̣бхуд̣̇зд̇и бабхан̇гаро;
Yadā ca rasmisampanno, abbhudeti pabhaṅkaro;
ат̇а каж̇ж̇убасан̇гхаанам̣, бабхаа анд̇арад̇хааяад̇и.
Atha khajjupasaṅghānaṃ, pabhā antaradhāyati.
звам̣ каж̇ж̇убасад̣̇исаа, д̇ид̇т̇ияааби бут̇уу ид̇ха;
Evaṃ khajjupasadisā, titthiyāpi puthū idha;
гаал̣абагкуубамз логз, д̣̇ийбаяанд̇и сагам̣ г̇ун̣ам̣.
Kāḷapakkhūpame loke, dīpayanti sakaṃ guṇaṃ.
яад̣̇аа жа б̣уд̣̇д̇хо логасмим̣, уд̣̇зд̇и амид̇аббабхо;
Yadā ca buddho lokasmiṃ, udeti amitappabho;
ниббабхаа д̇ид̇т̇ияаа хонд̇и, суурияз каж̇ж̇убагаа яат̇аад̇и.
Nippabhā titthiyā honti, sūriye khajjupakā yathāti.
д̇з звам̣ ниббабхаа худ̇ваа гажчубил̣агаад̣̇ийхи гин̣н̣асарийраа барамабаариж̇ун̃н̃абад̇д̇аа язна б̣уд̣̇д̇хо язна д̇хаммо язна сан̇гхо язна жа махааж̇анасса саннибаад̇о, д̇зна д̇зна г̇анд̇ваа анд̇аравийт̇ияамби син̇гхаадагзби жад̇уггзби сабхааяамби тад̇ваа барид̣̇званд̇и –
Te evaṃ nippabhā hutvā kacchupiḷakādīhi kiṇṇasarīrā paramapārijuññapattā yena buddho yena dhammo yena saṅgho yena ca mahājanassa sannipāto, tena tena gantvā antaravīthiyampi siṅghāṭakepi catukkepi sabhāyampi ṭhatvā paridevanti –
‘‘гим̣ бхо саман̣оязва г̇од̇амо саман̣о, маяам̣ ассаман̣аа; саман̣ассзва г̇од̇амасса саавагаа саман̣аа, амхаагам̣ саавагаа ассаман̣аа? саман̣ассзва г̇од̇амасса саавагаанан̃жасса д̣̇иннам̣ махабпалам̣, на амхаагам̣, саавагаанан̃жа но д̣̇иннам̣ махабпалам̣? нану саман̣оби г̇од̇амо саман̣о, маяамби саман̣аа. саман̣ассаби г̇од̇амасса саавагаа саман̣аа, амхаагамби саавагаа саман̣аа. саман̣ассаби г̇од̇амасса саавагаанан̃жасса д̣̇иннам̣ махабпалам̣, амхаагамби саавагаанан̃жа но д̣̇иннам̣ махабпалан̃жзва? саман̣ассаби г̇од̇амасса саавагаанан̃жасса д̣̇зт̇а гарот̇а, амхаагамби саавагаанан̃жа но д̣̇зт̇а саггарот̇а? нану саман̣о г̇од̇амо буримаани д̣̇ивасаани уббанно, маяам̣ бана логз уббаж̇ж̇амаанзязва уббаннаа’’д̇и.
‘‘Kiṃ bho samaṇoyeva gotamo samaṇo, mayaṃ assamaṇā; samaṇasseva gotamassa sāvakā samaṇā, amhākaṃ sāvakā assamaṇā? Samaṇasseva gotamassa sāvakānañcassa dinnaṃ mahapphalaṃ, na amhākaṃ, sāvakānañca no dinnaṃ mahapphalaṃ? Nanu samaṇopi gotamo samaṇo, mayampi samaṇā. Samaṇassapi gotamassa sāvakā samaṇā, amhākampi sāvakā samaṇā. Samaṇassapi gotamassa sāvakānañcassa dinnaṃ mahapphalaṃ, amhākampi sāvakānañca no dinnaṃ mahapphalañceva? Samaṇassapi gotamassa sāvakānañcassa detha karotha, amhākampi sāvakānañca no detha sakkarotha? Nanu samaṇo gotamo purimāni divasāni uppanno, mayaṃ pana loke uppajjamāneyeva uppannā’’ti.
звам̣ наанаббагаарам̣ вираванд̇и. ат̇а бхигкуу бхигкунияо убаасагаа убаасигааяод̇и жад̇ассо барисаа д̇зсам̣ сад̣̇д̣̇ам̣ суд̇ваа бхаг̇авад̇о аарожзсум̣ ‘‘д̇ид̇т̇ияаа бханд̇з ид̣̇ан̃жид̣̇ан̃жа гат̇знд̇ий’’д̇и . д̇ам̣ суд̇ваа бхаг̇аваа – ‘‘маа д̇умхз, бхигкавз, д̇ид̇т̇ияаанам̣ важанзна ‘ан̃н̃ад̇ра саман̣о ад̇т̇ий’д̇и сан̃н̃ино ахувад̇т̇аа’’д̇и вад̇ваа ан̃н̃ад̇ид̇т̇иязсу саман̣абхаавам̣ бадисзд̇хзнд̇о ид̇хзва жа ануж̇аананд̇о имиссаа ад̇т̇уббад̇д̇ияаа ид̇хзва, бхигкавз, саман̣од̇и ид̣̇ам̣ суд̇д̇ам̣ абхааси.
Evaṃ nānappakāraṃ viravanti. Atha bhikkhū bhikkhuniyo upāsakā upāsikāyoti catasso parisā tesaṃ saddaṃ sutvā bhagavato ārocesuṃ ‘‘titthiyā bhante idañcidañca kathentī’’ti . Taṃ sutvā bhagavā – ‘‘mā tumhe, bhikkhave, titthiyānaṃ vacanena ‘aññatra samaṇo atthī’ti saññino ahuvatthā’’ti vatvā aññatitthiyesu samaṇabhāvaṃ paṭisedhento idheva ca anujānanto imissā atthuppattiyā idheva, bhikkhave, samaṇoti idaṃ suttaṃ abhāsi.
д̇ад̇т̇а ид̇хзваад̇и имасмим̣язва саасанз. аяам̣ бана нияамо сзсабад̣̇зсуби взд̣̇ид̇аб̣б̣о. д̣̇уд̇ияаад̣̇аяоби хи саман̣аа ид̇хзва, на ан̃н̃ад̇т̇а. саман̣од̇и сод̇аабанно. д̇знзвааха – ‘‘гад̇амо жа, бхигкавз, батамо саман̣о? ид̇ха, бхигкавз, бхигку д̇ин̣н̣ам̣ сам̣яож̇анаанам̣ баригкаяаа сод̇аабанно ход̇и авинибаад̇ад̇хаммо нияад̇о самб̣од̇хибарааяан̣о, аяам̣, бхигкавз, батамо саман̣о’’д̇и (а. ни. 4.241).
Tattha idhevāti imasmiṃyeva sāsane. Ayaṃ pana niyamo sesapadesupi veditabbo. Dutiyādayopi hi samaṇā idheva, na aññattha. Samaṇoti sotāpanno. Tenevāha – ‘‘katamo ca, bhikkhave, paṭhamo samaṇo? Idha, bhikkhave, bhikkhu tiṇṇaṃ saṃyojanānaṃ parikkhayā sotāpanno hoti avinipātadhammo niyato sambodhiparāyaṇo, ayaṃ, bhikkhave, paṭhamo samaṇo’’ti (a. ni. 4.241).
д̣̇уд̇ияод̇и сагад̣̇ааг̇аамий. д̇знзвааха – ‘‘гад̇амо жа? бхигкавз, д̣̇уд̇ияо саман̣о. ид̇ха, бхигкавз, бхигку д̇ин̣н̣ам̣ сам̣яож̇анаанам̣ баригкаяаа рааг̇ад̣̇осамохаанам̣ д̇ануд̇д̇аа сагад̣̇ааг̇аамий ход̇и, сагид̣̇зва имам̣ логам̣ ааг̇анд̇ваа д̣̇угкассанд̇ам̣ гарод̇и. аяам̣, бхигкавз, д̣̇уд̇ияо саман̣о’’д̇и.
Dutiyoti sakadāgāmī. Tenevāha – ‘‘katamo ca? Bhikkhave, dutiyo samaṇo. Idha, bhikkhave, bhikkhu tiṇṇaṃ saṃyojanānaṃ parikkhayā rāgadosamohānaṃ tanuttā sakadāgāmī hoti, sakideva imaṃ lokaṃ āgantvā dukkhassantaṃ karoti. Ayaṃ, bhikkhave, dutiyo samaṇo’’ti.
д̇ад̇ияод̇и анааг̇аамий. д̇знзвааха – ‘‘гад̇амо жа, бхигкавз, д̇ад̇ияо саман̣о? ид̇ха, бхигкавз, бхигку бан̃жаннам̣ орамбхааг̇ияаанам̣ сам̣яож̇анаанам̣ баригкаяаа обабаад̇иго ход̇и д̇ад̇т̇а бариниб̣б̣ааяий анаавад̇д̇ид̇хаммо д̇асмаа логаа. аяам̣, бхигкавз, д̇ад̇ияо саман̣о’’д̇и.
Tatiyoti anāgāmī. Tenevāha – ‘‘katamo ca, bhikkhave, tatiyo samaṇo? Idha, bhikkhave, bhikkhu pañcannaṃ orambhāgiyānaṃ saṃyojanānaṃ parikkhayā opapātiko hoti tattha parinibbāyī anāvattidhammo tasmā lokā. Ayaṃ, bhikkhave, tatiyo samaṇo’’ti.
жад̇уд̇т̇од̇и арахаа. д̇знзвааха – ‘‘гад̇амо жа, бхигкавз, жад̇уд̇т̇о саман̣о? ид̇ха, бхигкавз, бхигку аасаваанам̣ каяаа анаасавам̣ жзд̇овимуд̇д̇им̣ бан̃н̃аавимуд̇д̇им̣ д̣̇идтзва д̇хаммз саяам̣ абхин̃н̃аа сажчигад̇ваа убасамбаж̇ж̇а вихарад̇и. аяам̣, бхигкавз, жад̇уд̇т̇о саман̣о’’д̇и (а. ни. 4.241). ид̇и имасмим̣ таанз жад̇д̇ааро паладтагасаман̣аава ад̇хиббзд̇аа.
Catutthoti arahā. Tenevāha – ‘‘katamo ca, bhikkhave, catuttho samaṇo? Idha, bhikkhave, bhikkhu āsavānaṃ khayā anāsavaṃ cetovimuttiṃ paññāvimuttiṃ diṭṭheva dhamme sayaṃ abhiññā sacchikatvā upasampajja viharati. Ayaṃ, bhikkhave, catuttho samaṇo’’ti (a. ni. 4.241). Iti imasmiṃ ṭhāne cattāro phalaṭṭhakasamaṇāva adhippetā.
сун̃н̃аад̇и рид̇д̇аа д̇ужчаа. бараббаваад̣̇аад̇и жад̇д̇ааро сассад̇аваад̣̇аа, жад̇д̇ааро згажжасассад̇игаа, жад̇д̇ааро анд̇аананд̇игаа, жад̇д̇ааро амараавигкзбигаа, д̣̇вз ад̇хижжасамуббаннигаа, сол̣аса сан̃н̃ийваад̣̇аа, адта асан̃н̃ийваад̣̇аа, адта нзвасан̃н̃ийнаасан̃н̃ийваад̣̇аа, сад̇д̇а ужчзд̣̇аваад̣̇аа, бан̃жа д̣̇идтад̇хамманиб̣б̣аанаваад̣̇аад̇и имз саб̣б̣зби б̣рахмаж̇аалз ааг̇ад̇аа д̣̇ваасадти д̣̇идтияо. ид̇о б̣аахираанам̣ барзсам̣ ваад̣̇аа бараббаваад̣̇аа наама. д̇з саб̣б̣зби имзхи жад̇уухи паладтагасаман̣зхи сун̃н̃аа, на хи д̇з зд̇т̇а санд̇и. на гзвалан̃жа зд̇зхзва сун̃н̃аа, жад̇уухи бана маг̇г̇адтагасаман̣зхиби жад̇уннам̣ маг̇г̇аанам̣ ад̇т̇ааяа аарад̣̇д̇хавибассагзхибийд̇и д̣̇ваад̣̇асахиби саман̣зхи сун̃н̃аа зва. имамзва ад̇т̇ам̣ санд̇хааяа бхаг̇авад̇аа махаабариниб̣б̣аанз вуд̇д̇ам̣ –
Suññāti rittā tucchā. Parappavādāti cattāro sassatavādā, cattāro ekaccasassatikā, cattāro antānantikā, cattāro amarāvikkhepikā, dve adhiccasamuppannikā, soḷasa saññīvādā, aṭṭha asaññīvādā, aṭṭha nevasaññīnāsaññīvādā, satta ucchedavādā, pañca diṭṭhadhammanibbānavādāti ime sabbepi brahmajāle āgatā dvāsaṭṭhi diṭṭhiyo. Ito bāhirānaṃ paresaṃ vādā parappavādā nāma. Te sabbepi imehi catūhi phalaṭṭhakasamaṇehi suññā, na hi te ettha santi. Na kevalañca eteheva suññā, catūhi pana maggaṭṭhakasamaṇehipi catunnaṃ maggānaṃ atthāya āraddhavipassakehipīti dvādasahipi samaṇehi suññā eva. Imameva atthaṃ sandhāya bhagavatā mahāparinibbāne vuttaṃ –
‘‘згуунад̇им̣со ваяасаа субхад̣̇д̣̇а,
‘‘Ekūnatiṃso vayasā subhadda,
яам̣ баб̣б̣аж̇им̣ гим̣ гусалаанузсий;
Yaṃ pabbajiṃ kiṃ kusalānuesī;
вассаани бан̃н̃ааса самаад̇хигаани,
Vassāni paññāsa samādhikāni,
яад̇о ахам̣ баб̣б̣аж̇ид̇о субхад̣̇д̣̇а;
Yato ahaṃ pabbajito subhadda;
н̃ааяасса д̇хаммасса бад̣̇зсавад̇д̇ий,
Ñāyassa dhammassa padesavattī,
ид̇о б̣ахид̣̇д̇хаа саман̣оби над̇т̇и.
Ito bahiddhā samaṇopi natthi.
‘‘д̣̇уд̇ияоби саман̣о над̇т̇и, д̇ад̇ияоби саман̣о над̇т̇и, жад̇уд̇т̇оби саман̣о над̇т̇и. сун̃н̃аа бараббаваад̣̇аа саман̣збхи ан̃н̃зхий’’д̇и (д̣̇ий. ни. 2.214).
‘‘Dutiyopi samaṇo natthi, tatiyopi samaṇo natthi, catutthopi samaṇo natthi. Suññā parappavādā samaṇebhi aññehī’’ti (dī. ni. 2.214).
зд̇т̇а хи бад̣̇зсавад̇д̇ийд̇и аарад̣̇д̇хавибассаго ад̇хиббзд̇о. д̇асмаа сод̇аабад̇д̇имаг̇г̇асса аарад̣̇д̇хавибассагам̣ маг̇г̇адтам̣ паладтанд̇и д̇аяоби згад̇о гад̇ваа саман̣оби над̇т̇ийд̇и ааха. сагад̣̇ааг̇аамимаг̇г̇асса аарад̣̇д̇хавибассагам̣ маг̇г̇адтам̣ паладтанд̇и д̇аяоби згад̇о гад̇ваа д̣̇уд̇ияоби саман̣о над̇т̇ийд̇и ааха. ид̇арзсуби д̣̇вийсу зсзва наяо.
Ettha hi padesavattīti āraddhavipassako adhippeto. Tasmā sotāpattimaggassa āraddhavipassakaṃ maggaṭṭhaṃ phalaṭṭhanti tayopi ekato katvā samaṇopi natthīti āha. Sakadāgāmimaggassa āraddhavipassakaṃ maggaṭṭhaṃ phalaṭṭhanti tayopi ekato katvā dutiyopi samaṇo natthīti āha. Itaresupi dvīsu eseva nayo.
гасмаа банзд̇з ан̃н̃ад̇т̇а над̇т̇ийд̇и? акзд̇д̇ад̇ааяа. яат̇аа хи на аараг̇г̇з саасабо д̇идтад̇и, на уд̣̇агабидтз аг̇г̇и ж̇алад̇и, на бидтибаасаан̣з б̣ийж̇аани руханд̇и, звамзва б̣аахирзсу д̇ид̇т̇ааяад̇анзсу на имз саман̣аа уббаж̇ж̇анд̇и, имасмим̣язва бана саасанз уббаж̇ж̇анд̇и. гасмаа? кзд̇д̇ад̇ааяа. д̇зсам̣ акзд̇д̇ад̇аа жа кзд̇д̇ад̇аа жа арияамаг̇г̇асса абхаавад̇о жа бхаавад̇о жа взд̣̇ид̇аб̣б̣аа. д̇знааха бхаг̇аваа –
Kasmā panete aññattha natthīti? Akhettatāya. Yathā hi na āragge sāsapo tiṭṭhati, na udakapiṭṭhe aggi jalati, na piṭṭhipāsāṇe bījāni ruhanti, evameva bāhiresu titthāyatanesu na ime samaṇā uppajjanti, imasmiṃyeva pana sāsane uppajjanti. Kasmā? Khettatāya. Tesaṃ akhettatā ca khettatā ca ariyamaggassa abhāvato ca bhāvato ca veditabbā. Tenāha bhagavā –
‘‘яасмим̣ ко, субхад̣̇д̣̇а, д̇хаммавинаяз арияо адтан̇г̇иго маг̇г̇о на убалаб̣бхад̇и, саман̣оби д̇ад̇т̇а на убалаб̣бхад̇и, д̣̇уд̇ияоби д̇ад̇т̇а саман̣о на убалаб̣бхад̇и, д̇ад̇ияоби д̇ад̇т̇а саман̣о на убалаб̣бхад̇и, жад̇уд̇т̇оби д̇ад̇т̇а саман̣о на убалаб̣бхад̇и. яасмин̃жа ко, субхад̣̇д̣̇а, д̇хаммавинаяз арияо адтан̇г̇иго маг̇г̇о убалаб̣бхад̇и, саман̣оби д̇ад̇т̇а убалаб̣бхад̇и, д̣̇уд̇ияоби д̇ад̇т̇а…бз…. жад̇уд̇т̇оби д̇ад̇т̇а саман̣о убалаб̣бхад̇и. имасмим̣ ко, субхад̣̇д̣̇а, д̇хаммавинаяз арияо адтан̇г̇иго маг̇г̇о убалаб̣бхад̇и, ид̇хзва, субхад̣̇д̣̇а, саман̣о, ид̇ха д̣̇уд̇ияо саман̣о, ид̇ха д̇ад̇ияо саман̣о, ид̇ха жад̇уд̇т̇о саман̣о, сун̃н̃аа бараббаваад̣̇аа саман̣збхи ан̃н̃зхий’’д̇и (д̣̇ий. ни. 2.214).
‘‘Yasmiṃ kho, subhadda, dhammavinaye ariyo aṭṭhaṅgiko maggo na upalabbhati, samaṇopi tattha na upalabbhati, dutiyopi tattha samaṇo na upalabbhati, tatiyopi tattha samaṇo na upalabbhati, catutthopi tattha samaṇo na upalabbhati. Yasmiñca kho, subhadda, dhammavinaye ariyo aṭṭhaṅgiko maggo upalabbhati, samaṇopi tattha upalabbhati, dutiyopi tattha…pe…. Catutthopi tattha samaṇo upalabbhati. Imasmiṃ kho, subhadda, dhammavinaye ariyo aṭṭhaṅgiko maggo upalabbhati, idheva, subhadda, samaṇo, idha dutiyo samaṇo, idha tatiyo samaṇo, idha catuttho samaṇo, suññā parappavādā samaṇebhi aññehī’’ti (dī. ni. 2.214).
звам̣ яасмаа д̇ид̇т̇ааяад̇анам̣ акзд̇д̇ам̣, саасанам̣ кзд̇д̇ам̣, д̇асмаа яат̇аа сурад̇д̇ахад̇т̇абаад̣̇о суурагзсараго сийхо миг̇арааж̇аа на сусаанз ваа сан̇гаарагуудз ваа бадивасад̇и, д̇ияож̇анасахассавид̇т̇ад̇ам̣ бана химаванд̇ам̣ аж̇жхог̇аахзд̇ваа ман̣иг̇ухааяам̣язва бадивасад̇и. яат̇аа жа чад̣̇д̣̇анд̇о нааг̇арааж̇аа на г̇ожарияахад̇т̇игулаад̣̇ийсу навасу нааг̇агулзсу уббаж̇ж̇ад̇и, чад̣̇д̣̇анд̇агулзязва уббаж̇ж̇ад̇и. яат̇аа жа валаахаго ассарааж̇аа на г̇ад̣̇рабхагулз ваа гходагагулз ваа уббаж̇ж̇ад̇и, синд̇хуяаа д̇ийрз бана синд̇хавагулзязва уббаж̇ж̇ад̇и. яат̇аа жа саб̣б̣агаамад̣̇ад̣̇ам̣ манохарам̣ ман̣ирад̇анам̣ на сан̇гаарагуудз ваа бам̣субаб̣б̣ад̇аад̣̇ийсу ваа уббаж̇ж̇ад̇и, взбуллабаб̣б̣ад̇аб̣бханд̇арзязва уббаж̇ж̇ад̇и. яат̇аа жа д̇имирабин̇г̇ало мажчарааж̇аа на куд̣̇д̣̇агабогкаран̣ийсу уббаж̇ж̇ад̇и, жад̇ураасийд̇ияож̇анасахассаг̇амбхийрз махаасамуд̣̇д̣̇зязва уббаж̇ж̇ад̇и. яат̇аа жа д̣̇ияад̣дхаяож̇анасад̇иго субан̣н̣арааж̇аа на г̇аамад̣̇ваарз зран̣д̣аванаад̣̇ийсу бадивасад̇и, махаасамуд̣̇д̣̇ам̣ бана аж̇жхог̇аахзд̇ваа симб̣алид̣̇ахаванзязва бадивасад̇и. яат̇аа жа д̇хад̇арадто суван̣н̣ахам̣со на г̇аамад̣̇ваарз ааваадагаад̣̇ийсу бадивасад̇и, навуд̇ихам̣сасахассабаривааро худ̇ваа жид̇д̇агуудабаб̣б̣ад̇зязва бадивасад̇и. яат̇аа жа жад̇уд̣̇д̣̇ийбиссаро жаггавад̇д̇ирааж̇аа на нийжагулз уббаж̇ж̇ад̇и, асамбхиннаж̇аад̇икад̇д̇ияагулзязва бана уббаж̇ж̇ад̇и. звамзва имзсу саман̣зсу згасаман̣оби на ан̃н̃ад̇ид̇т̇ааяад̇анз уббаж̇ж̇ад̇и, арияамаг̇г̇абаригкид̇д̇з бана б̣уд̣̇д̇хасаасанзязва уббаж̇ж̇ад̇и. д̇знааха бхаг̇аваа ‘‘ид̇хзва, бхигкавз, саман̣о…бз… сун̃н̃аа бараббаваад̣̇аа саман̣зхи саман̣збхи ан̃н̃зхий’’д̇и.
Evaṃ yasmā titthāyatanaṃ akhettaṃ, sāsanaṃ khettaṃ, tasmā yathā surattahatthapādo sūrakesarako sīho migarājā na susāne vā saṅkārakūṭe vā paṭivasati, tiyojanasahassavitthataṃ pana himavantaṃ ajjhogāhetvā maṇiguhāyaṃyeva paṭivasati. Yathā ca chaddanto nāgarājā na gocariyahatthikulādīsu navasu nāgakulesu uppajjati, chaddantakuleyeva uppajjati. Yathā ca valāhako assarājā na gadrabhakule vā ghoṭakakule vā uppajjati, sindhuyā tīre pana sindhavakuleyeva uppajjati. Yathā ca sabbakāmadadaṃ manoharaṃ maṇiratanaṃ na saṅkārakūṭe vā paṃsupabbatādīsu vā uppajjati, vepullapabbatabbhantareyeva uppajjati. Yathā ca timirapiṅgalo maccharājā na khuddakapokkharaṇīsu uppajjati, caturāsītiyojanasahassagambhīre mahāsamuddeyeva uppajjati. Yathā ca diyaḍḍhayojanasatiko supaṇṇarājā na gāmadvāre eraṇḍavanādīsu paṭivasati, mahāsamuddaṃ pana ajjhogāhetvā simbalidahavaneyeva paṭivasati. Yathā ca dhataraṭṭho suvaṇṇahaṃso na gāmadvāre āvāṭakādīsu paṭivasati, navutihaṃsasahassaparivāro hutvā cittakūṭapabbateyeva paṭivasati. Yathā ca catuddīpissaro cakkavattirājā na nīcakule uppajjati, asambhinnajātikhattiyakuleyeva pana uppajjati. Evameva imesu samaṇesu ekasamaṇopi na aññatitthāyatane uppajjati, ariyamaggaparikkhitte pana buddhasāsaneyeva uppajjati. Tenāha bhagavā ‘‘idheva, bhikkhave, samaṇo…pe… suññā parappavādā samaṇehi samaṇebhi aññehī’’ti.
саммаа сийханаад̣̇ам̣ над̣̇ат̇аад̇и зд̇т̇а саммаад̇и хзд̇унаа наязна гааран̣зна. сийханаад̣̇анд̇и сздтанаад̣̇ам̣ абхийд̇анаад̣̇ам̣ аббадинаад̣̇ам̣. имзсан̃хи жад̇уннам̣ саман̣аанам̣ ид̇хзва ад̇т̇ид̇ааяа аяам̣ наад̣̇о сздтанаад̣̇о наама ход̇и уд̇д̇аманаад̣̇о. ‘‘имз саман̣аа ид̇хзва ад̇т̇ий’’д̇и вад̣̇анд̇асса ан̃н̃ад̇о бхаяам̣ ваа аасан̇гаа ваа над̇т̇ийд̇и абхийд̇анаад̣̇о наама ход̇и. ‘‘амхаагамби саасанз имз саман̣аа ад̇т̇ий’’д̇и бууран̣аад̣̇ийсу згассааби удтахид̇ваа вад̇д̇ум̣ асамад̇т̇ад̇ааяа аяам̣ наад̣̇о аббадинаад̣̇о наама ход̇и. д̇зна вуд̇д̇ам̣ ‘‘сийханаад̣̇анд̇и сздтанаад̣̇ам̣ абхийд̇анаад̣̇ам̣ аббадинаад̣̇а’’нд̇и.
Sammā sīhanādaṃ nadathāti ettha sammāti hetunā nayena kāraṇena. Sīhanādanti seṭṭhanādaṃ abhītanādaṃ appaṭinādaṃ. Imesañhi catunnaṃ samaṇānaṃ idheva atthitāya ayaṃ nādo seṭṭhanādo nāma hoti uttamanādo. ‘‘Ime samaṇā idheva atthī’’ti vadantassa aññato bhayaṃ vā āsaṅkā vā natthīti abhītanādo nāma hoti. ‘‘Amhākampi sāsane ime samaṇā atthī’’ti pūraṇādīsu ekassāpi uṭṭhahitvā vattuṃ asamatthatāya ayaṃ nādo appaṭinādo nāma hoti. Tena vuttaṃ ‘‘sīhanādanti seṭṭhanādaṃ abhītanādaṃ appaṭināda’’nti.
140. таанам̣ ко банзд̇ам̣ виж̇ж̇ад̇ийд̇и ид̣̇ам̣ ко бана гааран̣ам̣ виж̇ж̇ад̇и. яам̣ ан̃н̃ад̇ид̇т̇ияаад̇и язна гааран̣зна ан̃н̃ад̇ид̇т̇ияаа. зд̇т̇а жа д̇ид̇т̇ам̣ ж̇аанид̇аб̣б̣ам̣, д̇ид̇т̇агаро ж̇аанид̇аб̣б̣о д̇ид̇т̇ияаа ж̇аанид̇аб̣б̣аа, д̇ид̇т̇ияасаавагаа ж̇аанид̇аб̣б̣аа. д̇ид̇т̇ам̣наама д̣̇ваасадти д̣̇идтияо. зд̇т̇а хи сад̇д̇аа д̇аранд̇и уббалаванд̇и уммуж̇ж̇анимуж̇ж̇ам̣ гаронд̇и, д̇асмаа д̇ид̇т̇анд̇и вужжанд̇и. д̇аасам̣ д̣̇идтийнам̣ уббаад̣̇зд̇аа д̇ид̇т̇агаро наама. д̇асса лад̣̇д̇хим̣ г̇ахзд̇ваа баб̣б̣аж̇ид̇аа д̇ид̇т̇ияаа наама. д̇зсам̣ бажжаяад̣̇ааяагаа д̇ид̇т̇ияасаавагаад̇и взд̣̇ид̇аб̣б̣аа. бариб̣б̣ааж̇агаад̇и г̇ихиб̣анд̇ханам̣ бахааяа баб̣б̣аж̇ж̇уубаг̇ад̇аа. ассаасод̇и авассаяо бад̇идтаа убад̇т̇амбхо. б̣аланд̇и т̇аамо. язна д̇умхзд̇и язна ассаасзна ваа б̣алзна ваа звам̣ вад̣̇зт̇а.
140.Ṭhānaṃ kho panetaṃ vijjatīti idaṃ kho pana kāraṇaṃ vijjati. Yaṃ aññatitthiyāti yena kāraṇena aññatitthiyā. Ettha ca titthaṃ jānitabbaṃ, titthakaro jānitabbo titthiyā jānitabbā, titthiyasāvakā jānitabbā. Titthaṃnāma dvāsaṭṭhi diṭṭhiyo. Ettha hi sattā taranti uppalavanti ummujjanimujjaṃ karonti, tasmā titthanti vuccanti. Tāsaṃ diṭṭhīnaṃ uppādetā titthakaro nāma. Tassa laddhiṃ gahetvā pabbajitā titthiyā nāma. Tesaṃ paccayadāyakā titthiyasāvakāti veditabbā. Paribbājakāti gihibandhanaṃ pahāya pabbajjūpagatā. Assāsoti avassayo patiṭṭhā upatthambho. Balanti thāmo. Yena tumheti yena assāsena vā balena vā evaṃ vadetha.
ад̇т̇и ко но, аавусо, д̇зна бхаг̇авад̇аа ж̇аанад̇аа бассад̇аа арахад̇аа саммаасамб̣уд̣̇д̇хзнаад̇и зд̇т̇а аяам̣ сан̇кзбад̇т̇о – яо со бхаг̇аваа самад̇им̣са баарамияо буурзд̇ваа саб̣б̣агилзсз бхан̃ж̇ид̇ваа ануд̇д̇арам̣ саммаасамб̣од̇хим̣ абхисамб̣уд̣̇д̇хо, д̇зна бхаг̇авад̇аа д̇зсам̣ д̇зсам̣ сад̇д̇аанам̣ аасаяаанусаяам̣ ж̇аанад̇аа, хад̇т̇ад̇алз табид̇ам̣ аамалагам̣ вияа саб̣б̣ам̣ н̃зяяад̇хаммам̣ бассад̇аа. абижа буб̣б̣зниваасаад̣̇ийхи ж̇аанад̇аа, д̣̇иб̣б̣зна жагкунаа бассад̇аа. д̇ийхи виж̇ж̇аахи чахи ваа бана абхин̃н̃аахи ж̇аанад̇аа, саб̣б̣ад̇т̇а аббадихад̇зна саманд̇ажагкунаа бассад̇аа. саб̣б̣ад̇хаммаж̇аананасамад̇т̇ааяа бан̃н̃ааяа ж̇аанад̇аа, саб̣б̣асад̇д̇аанам̣ жагкувисаяаад̇ийд̇аани д̇ирогуддаад̣̇иг̇ад̇аани вааби руубаани ад̇ивисуд̣̇д̇хзна мам̣сажагкунаа бассад̇аа. ад̇д̇ахид̇асаад̇хигааяа самаад̇хибад̣̇адтаанааяа бадивзд̇хабан̃н̃ааяа ж̇аанад̇аа, барахид̇асаад̇хигааяа гарун̣аабад̣̇адтаанааяа д̣̇зсанаабан̃н̃ааяа бассад̇аа. арийнам̣ хад̇ад̇д̇аа бажжаяаад̣̇ийнам̣ арахад̇д̇аа жа арахад̇аа, саммаа сааман̃жа сажжаанам̣ б̣уд̣̇д̇хад̇д̇аа саммаасамб̣уд̣̇д̇хзна. анд̇арааяигад̇хаммз ваа ж̇аанад̇аа, нияяаанигад̇хаммз бассад̇аа. гилзсаарийнам̣ хад̇ад̇д̇аа арахад̇аа, саммаа саамам̣ саб̣б̣ад̇хаммаанам̣ б̣уд̣̇д̇хад̇д̇аа саммаасамб̣уд̣̇д̇хзнаад̇и, звам̣ жад̇увзсаараж̇ж̇авасзна жад̇уухи аагаарзхи т̇омид̇зна жад̇д̇ааро д̇хаммаа агкаад̇аа, яз маяам̣ ад̇д̇ани самбассамаанаа звам̣ вад̣̇зма, на рааж̇арааж̇амахаамад̇д̇аад̣̇ийнам̣ убад̇т̇амбхам̣ гааяаб̣аланд̇и.
Atthikho no, āvuso, tena bhagavatā jānatā passatā arahatā sammāsambuddhenāti ettha ayaṃ saṅkhepattho – yo so bhagavā samatiṃsa pāramiyo pūretvā sabbakilese bhañjitvā anuttaraṃ sammāsambodhiṃ abhisambuddho, tena bhagavatā tesaṃ tesaṃ sattānaṃ āsayānusayaṃ jānatā, hatthatale ṭhapitaṃ āmalakaṃ viya sabbaṃ ñeyyadhammaṃ passatā. Apica pubbenivāsādīhi jānatā, dibbena cakkhunā passatā. Tīhi vijjāhi chahi vā pana abhiññāhi jānatā, sabbattha appaṭihatena samantacakkhunā passatā. Sabbadhammajānanasamatthāya paññāya jānatā, sabbasattānaṃ cakkhuvisayātītāni tirokuṭṭādigatāni vāpi rūpāni ativisuddhena maṃsacakkhunā passatā. Attahitasādhikāya samādhipadaṭṭhānāya paṭivedhapaññāya jānatā, parahitasādhikāya karuṇāpadaṭṭhānāya desanāpaññāya passatā. Arīnaṃ hatattā paccayādīnaṃ arahattā ca arahatā, sammā sāmañca saccānaṃ buddhattā sammāsambuddhena. Antarāyikadhamme vā jānatā, niyyānikadhamme passatā. Kilesārīnaṃ hatattā arahatā, sammā sāmaṃ sabbadhammānaṃ buddhattā sammāsambuddhenāti, evaṃ catuvesārajjavasena catūhi ākārehi thomitena cattāro dhammā akkhātā, ye mayaṃ attani sampassamānā evaṃ vadema, na rājarājamahāmattādīnaṃ upatthambhaṃ kāyabalanti.
сад̇т̇ари басаад̣̇од̇и ‘‘ид̇иби со бхаг̇аваа’’д̇иаад̣̇инаа наязна б̣уд̣̇д̇хаг̇ун̣з ануссаранд̇аанам̣ уббаннаббасаад̣̇о. д̇хаммз басаад̣̇од̇и ‘‘сваагкаад̇о бхаг̇авад̇аа д̇хаммо’’д̇иаад̣̇инаа наязна д̇хаммаг̇ун̣з ануссаранд̇аанам̣ уббаннаббасаад̣̇о. сийлзсу барибуурагаарид̇аад̇и арияаганд̇зсу сийлзсу барибуурагаарид̇аа. арияаганд̇асийлаани наама бан̃жасийлаани. д̇аани хи бхаванд̇араг̇ад̇оби арияасааваго ад̇д̇ано арияасаавагабхаавам̣ аж̇аананд̇оби на вийд̇иггамад̇и. сажзби хи нам̣ гожи вад̣̇зяяа – ‘‘имам̣ сагалам̣ жаггавад̇д̇ираж̇ж̇ам̣ самбадижчид̇ваа куд̣̇д̣̇агамагкигам̣ ж̇ийвид̇аа воробзхий’’д̇и, адтаанамзд̇ам̣, яам̣ со д̇асса важанам̣ гарзяяа. звам̣ арияаанам̣ сийлаани ганд̇аани бияаани манаабаани. д̇аани санд̇хааяа вуд̇д̇ам̣ ‘‘сийлзсу барибуурагаарид̇аа’’д̇и.
Sattharipasādoti ‘‘itipi so bhagavā’’tiādinā nayena buddhaguṇe anussarantānaṃ uppannappasādo. Dhamme pasādoti ‘‘svākkhāto bhagavatā dhammo’’tiādinā nayena dhammaguṇe anussarantānaṃ uppannappasādo. Sīlesu paripūrakāritāti ariyakantesu sīlesu paripūrakāritā. Ariyakantasīlāni nāma pañcasīlāni. Tāni hi bhavantaragatopi ariyasāvako attano ariyasāvakabhāvaṃ ajānantopi na vītikkamati. Sacepi hi naṃ koci vadeyya – ‘‘imaṃ sakalaṃ cakkavattirajjaṃ sampaṭicchitvā khuddakamakkhikaṃ jīvitā voropehī’’ti, aṭṭhānametaṃ, yaṃ so tassa vacanaṃ kareyya. Evaṃ ariyānaṃ sīlāni kantāni piyāni manāpāni. Tāni sandhāya vuttaṃ ‘‘sīlesu paripūrakāritā’’ti.
сахад̇хаммигаа ко банаад̇и бхигку бхигкуний сигкамаанаа сааман̣зро сааман̣зрий убаасаго убаасигаад̇и зд̇з сад̇д̇а сахад̇хаммажаарино. зд̇зсу хи бхигку бхигкуухи сад̣̇д̇хим̣ сахад̇хаммам̣ жарад̇и самаанасигкад̇ааяа. д̇ат̇аа бхигкуний бхигкунийхи…бз… убаасигаа убаасигаахи, сод̇аабанно сод̇аабаннзхи, сагад̣̇ааг̇аамий…бз… анааг̇аамийхи сахад̇хаммам̣ жарад̇и. д̇асмаа саб̣б̣збзд̇з сахад̇хаммигаад̇и вужжанд̇и. абижзд̇т̇а арияасаавагааязва ад̇хиббзд̇аа. д̇зсан̃хи бхаванд̇арзби маг̇г̇ад̣̇ассанамхи виваад̣̇о над̇т̇и, д̇асмаа д̇з ажжанд̇ам̣ згад̇хаммажаарид̇ааяа сахад̇хаммигаа. иминаа, ‘‘суббадибанно бхаг̇авад̇о саавагасан̇гхо’’д̇иаад̣̇инаа наязна сан̇гхам̣ ануссаранд̇аанам̣ уббаннаббасаад̣̇о гат̇ид̇о. зд̇д̇аавад̇аа жад̇д̇аари сод̇аабаннасса ан̇г̇аани гат̇ид̇аани хонд̇и.
Sahadhammikā kho panāti bhikkhu bhikkhunī sikkhamānā sāmaṇero sāmaṇerī upāsako upāsikāti ete satta sahadhammacārino. Etesu hi bhikkhu bhikkhūhi saddhiṃ sahadhammaṃ carati samānasikkhatāya. Tathā bhikkhunī bhikkhunīhi…pe… upāsikā upāsikāhi, sotāpanno sotāpannehi, sakadāgāmī…pe… anāgāmīhi sahadhammaṃ carati. Tasmā sabbepete sahadhammikāti vuccanti. Apicettha ariyasāvakāyeva adhippetā. Tesañhi bhavantarepi maggadassanamhi vivādo natthi, tasmā te accantaṃ ekadhammacāritāya sahadhammikā. Iminā, ‘‘suppaṭipanno bhagavato sāvakasaṅgho’’tiādinā nayena saṅghaṃ anussarantānaṃ uppannappasādo kathito. Ettāvatā cattāri sotāpannassa aṅgāni kathitāni honti.
имз ко но, аавусод̇и, аавусо, имз жад̇д̇ааро д̇хаммаа д̇зна бхаг̇авад̇аа амхаагам̣ ассаасо жзва б̣алан̃жаад̇и агкаад̇аа, яз маяам̣ ад̇д̇ани самбассамаанаа звам̣ вад̣̇зма.
Ime kho no, āvusoti, āvuso, ime cattāro dhammā tena bhagavatā amhākaṃ assāso ceva balañcāti akkhātā, ye mayaṃ attani sampassamānā evaṃ vadema.
141. яо амхаагам̣ сад̇т̇аад̇и иминаа бууран̣агассабаад̣̇игз ча сад̇т̇ааро абад̣̇иссанд̇и. яат̇аа бана ид̣̇аани саасанз аажарияубаж̇жхааяаад̣̇ийсу ‘‘амхаагам̣ аажарияо, амхаагам̣ убаж̇жхааяо’’д̇и г̇зхасид̇абзмам̣ ход̇и. зваруубам̣ бзмам̣ санд̇хааяа ‘‘сад̇т̇ари басаад̣̇о’’д̇и вад̣̇анд̇и. т̇зро банааха – ‘‘яасмаа сад̇т̇аа наама на згасса, на д̣̇виннам̣ ход̇и, сад̣̇звагасса логасса згова сад̇т̇аа, д̇асмаа д̇ид̇т̇ияаа ‘амхаагам̣ сад̇т̇аа’ д̇и згабад̣̇знзва сад̇т̇аарам̣ висум̣ гад̇ваа иминаава бад̣̇зна вируд̣̇д̇хаа барааж̇ид̇аа’’д̇и. д̇хаммз басаад̣̇од̇и ид̣̇ам̣ бана яат̇аа ид̣̇аани саасанз ‘‘амхаагам̣ д̣̇ийгханигааяо амхаагам̣ маж̇жхиманигааяо’’д̇и мамааяанд̇и, звам̣ ад̇д̇ано ад̇д̇ано барияад̇д̇ид̇хаммз г̇зхасид̇абзмам̣ санд̇хааяа вад̣̇анд̇и. сийлзсууд̇и аж̇асийлаг̇осийламзн̣д̣агасийлагуггурасийлаад̣̇ийсу. ид̇ха но аавусод̇и зд̇т̇а ид̇хаад̇и басаад̣̇ам̣ санд̇хааяа вад̣̇анд̇и. го ад̇хиббаяаасод̇и го ад̇хигаббаяог̇о. яад̣̇ид̣̇анд̇и яамид̣̇ам̣ д̇умхааган̃жзва амхааган̃жа наанаагаран̣ам̣ вад̣̇зяяаат̇а. д̇ам̣ гим̣ наама? д̇умхаагамби хи жад̇уусу таанзсу басаад̣̇о, амхаагамби. нану зд̇асмим̣ басаад̣̇з д̇умхз жа амхз жа д̣̇взд̇хаа бхиннасуван̣н̣ам̣ вияа згасад̣̇исаад̇и ваажааяа самад̇хураа худ̇ваа адтам̣су.
141.Yo amhākaṃ satthāti iminā pūraṇakassapādike cha satthāro apadissanti. Yathā pana idāni sāsane ācariyupajjhāyādīsu ‘‘amhākaṃ ācariyo, amhākaṃ upajjhāyo’’ti gehasitapemaṃ hoti. Evarūpaṃ pemaṃ sandhāya ‘‘satthari pasādo’’ti vadanti. Thero panāha – ‘‘yasmā satthā nāma na ekassa, na dvinnaṃ hoti, sadevakassa lokassa ekova satthā, tasmā titthiyā ‘amhākaṃ satthā’ ti ekapadeneva satthāraṃ visuṃ katvā imināva padena viruddhā parājitā’’ti. Dhamme pasādoti idaṃ pana yathā idāni sāsane ‘‘amhākaṃ dīghanikāyo amhākaṃ majjhimanikāyo’’ti mamāyanti, evaṃ attano attano pariyattidhamme gehasitapemaṃ sandhāya vadanti. Sīlesūti ajasīlagosīlameṇḍakasīlakukkurasīlādīsu. Idha no āvusoti ettha idhāti pasādaṃ sandhāya vadanti. Ko adhippayāsoti ko adhikappayogo. Yadidanti yamidaṃ tumhākañceva amhākañca nānākaraṇaṃ vadeyyātha. Taṃ kiṃ nāma? Tumhākampi hi catūsu ṭhānesu pasādo, amhākampi. Nanu etasmiṃ pasāde tumhe ca amhe ca dvedhā bhinnasuvaṇṇaṃ viya ekasadisāti vācāya samadhurā hutvā aṭṭhaṃsu.
ат̇а нзсам̣ д̇ам̣ самад̇хурад̇ам̣ бхинд̣̇анд̇о бхаг̇аваа звам̣ ваад̣̇инод̇иаад̣̇имааха. д̇ад̇т̇а згаа нидтаад̇и яаа д̇асса басаад̣̇асса барияосаанабхууд̇аа нидтаа, гим̣ саа згаа, уд̣̇ааху бут̇ууд̇и звам̣ бужчат̇аад̇и вад̣̇ад̇и. яасмаа бана д̇асмим̣ д̇асмим̣ самаяз нидтам̣ абан̃н̃абзнд̇о наама над̇т̇и, б̣раахман̣аанан̃хи б̣рахмалого нидтаа, махаад̇аабасаанам̣ аабхассараа, бариб̣б̣ааж̇агаанам̣ субхагин̣хаа, ааж̇ийвагаанам̣ ‘‘ананд̇амаанасо’’д̇и звам̣ баригаббид̇о асан̃н̃ийбхаво . имасмим̣ саасанз бана арахад̇д̇ам̣ нидтаа. саб̣б̣зва жзд̇з арахад̇д̇амзва нидтаад̇и вад̣̇анд̇и. д̣̇идтивасзна бана б̣рахмалогаад̣̇ийни бан̃н̃абзнд̇и. д̇асмаа ад̇д̇ано ад̇д̇ано лад̣̇д̇хивасзна згамзва нидтам̣ бан̃н̃абзнд̇и, д̇ам̣ д̣̇ассзд̇ум̣ бхаг̇аваа саммаа б̣яаагарамаанаад̇иаад̣̇имааха.
Atha nesaṃ taṃ samadhurataṃ bhindanto bhagavā evaṃ vādinotiādimāha. Tattha ekā niṭṭhāti yā tassa pasādassa pariyosānabhūtā niṭṭhā, kiṃ sā ekā, udāhu puthūti evaṃ pucchathāti vadati. Yasmā pana tasmiṃ tasmiṃ samaye niṭṭhaṃ apaññapento nāma natthi, brāhmaṇānañhi brahmaloko niṭṭhā, mahātāpasānaṃ ābhassarā, paribbājakānaṃ subhakiṇhā, ājīvakānaṃ ‘‘anantamānaso’’ti evaṃ parikappito asaññībhavo . Imasmiṃ sāsane pana arahattaṃ niṭṭhā. Sabbeva cete arahattameva niṭṭhāti vadanti. Diṭṭhivasena pana brahmalokādīni paññapenti. Tasmā attano attano laddhivasena ekameva niṭṭhaṃ paññapenti, taṃ dassetuṃ bhagavā sammā byākaramānātiādimāha.
ид̣̇аани бхигкуунамби згаа нидтаа, д̇ид̇т̇ияаанамби згаа нидтаад̇и д̣̇вийсу аддагаарагзсу вияа тид̇зсу бхаг̇аваа ануяог̇авад̇д̇ам̣ д̣̇ассзнд̇о саа банаавусо, нидтаа сарааг̇асса, уд̣̇ааху вийд̇арааг̇ассаад̇иаад̣̇имааха. д̇ад̇т̇а яасмаа рааг̇арад̇д̇аад̣̇ийнам̣ нидтаа наама над̇т̇и. яад̣̇и сияаа, сон̣асин̇г̇аалаад̣̇ийнамби сияаад̇и имам̣ д̣̇осам̣ бассанд̇аанам̣ д̇ид̇т̇ияаанам̣ ‘‘вийд̇арааг̇асса аавусо саа нидтаа’’д̇иаад̣̇инаа наязна б̣яаагаран̣ам̣ д̣̇ассид̇ам̣.
Idāni bhikkhūnampi ekā niṭṭhā, titthiyānampi ekā niṭṭhāti dvīsu aṭṭakārakesu viya ṭhitesu bhagavā anuyogavattaṃ dassento sā panāvuso, niṭṭhā sarāgassa, udāhu vītarāgassātiādimāha. Tattha yasmā rāgarattādīnaṃ niṭṭhā nāma natthi. Yadi siyā, soṇasiṅgālādīnampi siyāti imaṃ dosaṃ passantānaṃ titthiyānaṃ ‘‘vītarāgassa āvuso sā niṭṭhā’’tiādinā nayena byākaraṇaṃ dassitaṃ.
д̇ад̇т̇а вид̣̇д̣̇асунод̇и бан̣д̣ид̇асса. ануруд̣̇д̇хабадивируд̣̇д̇хассаад̇и рааг̇зна ануруд̣̇д̇хасса год̇хзна бадивируд̣̇д̇хасса. бабан̃жаараамасса бабан̃жарад̇инод̇и зд̇т̇а аараманд̇и зд̇т̇аад̇и аараамо. бабан̃жо аараамо ассаад̇и бабан̃жаараамо. бабан̃жз рад̇и ассаад̇и бабан̃жарад̇и. бабан̃жод̇и жа мад̇д̇абамад̇д̇аагаарабхаавзна бавад̇д̇аанам̣ д̇ан̣хаад̣̇идтимаанаанамзд̇ам̣ ад̇хиважанам̣. ид̇ха бана д̇ан̣хаад̣̇идтияова ад̇хиббзд̇аа. сарааг̇ассаад̇иаад̣̇ийсу бан̃жасу таанзсу згова гилзсо ааг̇ад̇о. д̇асса аагаарад̇о наанад̇д̇ам̣ взд̣̇ид̇аб̣б̣ам̣. сарааг̇ассаад̇и хи вуд̇д̇адтаанз бан̃жагаамаг̇ун̣игарааг̇авасзна г̇ахид̇о. сад̇ан̣хассаад̇и бхавад̇ан̣хаавасзна. саубаад̣̇аанассаад̇и г̇ахан̣авасзна. ануруд̣̇д̇хабадивируд̣̇д̇хассаад̇и яуг̇ал̣авасзна. бабан̃жаараамассаад̇и бабан̃жуббад̇д̇ид̣̇ассанавасзна. сарааг̇ассаад̇и ваа зд̇т̇а агусаламуулавасзна г̇ахид̇о. сад̇ан̣хассаад̇и зд̇т̇а д̇ан̣хаабажжаяаа убаад̣̇аанад̣̇ассанавасзна. сзсам̣ буримасад̣̇исамзва. т̇зро банааха ‘‘гасмаа звам̣ вид̣̇д̇хам̣сзт̇а? згоязва хи аяам̣ лобхо раж̇ж̇анавасзна рааг̇од̇и вуд̇д̇о. д̇ан̣хаагаран̣авасзна д̇ан̣хаа. г̇ахан̣адтзна убаад̣̇аанам̣. яуг̇ал̣авасзна анурод̇хабадивирод̇хо. бабан̃жуббад̇д̇ид̣̇ассанадтзна бабан̃жо’’д̇и.
Tattha viddasunoti paṇḍitassa. Anuruddhapaṭiviruddhassāti rāgena anuruddhassa kodhena paṭiviruddhassa. Papañcārāmassa papañcaratinoti ettha āramanti etthāti ārāmo. Papañco ārāmo assāti papañcārāmo. Papañce rati assāti papañcarati. Papañcoti ca mattapamattākārabhāvena pavattānaṃ taṇhādiṭṭhimānānametaṃ adhivacanaṃ. Idha pana taṇhādiṭṭhiyova adhippetā. Sarāgassātiādīsu pañcasu ṭhānesu ekova kileso āgato. Tassa ākārato nānattaṃ veditabbaṃ. Sarāgassāti hi vuttaṭṭhāne pañcakāmaguṇikarāgavasena gahito. Sataṇhassāti bhavataṇhāvasena. Saupādānassāti gahaṇavasena. Anuruddhapaṭiviruddhassāti yugaḷavasena. Papañcārāmassāti papañcuppattidassanavasena. Sarāgassāti vā ettha akusalamūlavasena gahito. Sataṇhassāti ettha taṇhāpaccayā upādānadassanavasena. Sesaṃ purimasadisameva. Thero panāha ‘‘kasmā evaṃ viddhaṃsetha? Ekoyeva hi ayaṃ lobho rajjanavasena rāgoti vutto. Taṇhākaraṇavasena taṇhā. Gahaṇaṭṭhena upādānaṃ. Yugaḷavasena anurodhapaṭivirodho. Papañcuppattidassanaṭṭhena papañco’’ti.
142. ид̣̇аани имзсам̣ гилзсаанам̣ муулабхууд̇ам̣ д̣̇идтиваад̣̇ам̣ д̣̇ассзнд̇о д̣̇взмаа, бхигкавз, д̣̇идтияод̇иаад̣̇имааха.
142. Idāni imesaṃ kilesānaṃ mūlabhūtaṃ diṭṭhivādaṃ dassento dvemā, bhikkhave, diṭṭhiyotiādimāha.
д̇ад̇т̇а бхавад̣̇идтийд̇и сассад̇ад̣̇идти. вибхавад̣̇идтийд̇и ужчзд̣̇ад̣̇идти. бхавад̣̇идтим̣ аллийнаад̇и д̇ан̣хаад̣̇идтивасзна сассад̇ад̣̇идтим̣ аллийнаа. убаг̇ад̇аад̇и д̇ан̣хаад̣̇идтивасзнзва убаг̇ад̇аа. аж̇жхосид̇аад̇и д̇ан̣хаад̣̇идтивасзнзва анубавидтаа. вибхавад̣̇идтияаа д̇з бадивируд̣̇д̇хаад̇и д̇з саб̣б̣з ужчзд̣̇аваад̣̇ийхи сад̣̇д̇хим̣ – ‘‘д̇умхз анд̇хаб̣аалаа на ж̇аанаат̇а, сассад̇о аяам̣ лого, нааяам̣ лого ужчиж̇ж̇ад̇ий’’д̇и бадивируд̣̇д̇хаа нижжам̣ галахабхан̣д̣анабасуд̇аа вихаранд̇и. д̣̇уд̇ияаваарзби зсзва наяо.
Tattha bhavadiṭṭhīti sassatadiṭṭhi. Vibhavadiṭṭhīti ucchedadiṭṭhi. Bhavadiṭṭhiṃ allīnāti taṇhādiṭṭhivasena sassatadiṭṭhiṃ allīnā. Upagatāti taṇhādiṭṭhivaseneva upagatā. Ajjhositāti taṇhādiṭṭhivaseneva anupaviṭṭhā. Vibhavadiṭṭhiyā te paṭiviruddhāti te sabbe ucchedavādīhi saddhiṃ – ‘‘tumhe andhabālā na jānātha, sassato ayaṃ loko, nāyaṃ loko ucchijjatī’’ti paṭiviruddhā niccaṃ kalahabhaṇḍanapasutā viharanti. Dutiyavārepi eseva nayo.
самуд̣̇аяан̃жаад̇иаад̣̇ийсу д̣̇вз д̣̇идтийнам̣ самуд̣̇аяаа кан̣игасамуд̣̇аяо бажжаяасамуд̣̇аяо жа. кан̣игасамуд̣̇аяо д̣̇идтийнам̣ ниб̣б̣ад̇д̇и. бажжаяасамуд̣̇аяо адта таанаани. сзяяат̇ид̣̇ам̣, канд̇хааби д̣̇идтидтаанам̣, авиж̇ж̇ааби, пассоби, сан̃н̃ааби, вид̇аггоби, аяонисоманасигаароби, баабамид̇д̇оби, барад̇огхособи д̣̇идтидтаанам̣. ‘‘канд̇хаа хзд̇у канд̇хаа бажжаяо д̣̇идтийнам̣ убаад̣̇ааяа самудтаанадтзна. звам̣ канд̇хааби д̣̇идтидтаанам̣. авиж̇ж̇аа… пассо… сан̃н̃аа… вид̇агго… аяонисоманасигааро… баабамид̇д̇о… барад̇огхосо хзд̇у, барад̇огхосо бажжаяо д̣̇идтийнам̣ убаад̣̇ааяа самудтаанадтзна. звам̣ барад̇огхособи д̣̇идтидтаанам̣’’ (бади. ма. 1.124). ад̇т̇ан̇г̇амааби д̣̇взязва кан̣игад̇т̇ан̇г̇амо бажжаяад̇т̇ан̇г̇амо жа. кан̣игад̇т̇ан̇г̇амо наама каяо ваяо бхзд̣̇о барибхзд̣̇о анижжад̇аа анд̇арад̇хаанам̣. бажжаяад̇т̇ан̇г̇амо наама сод̇аабад̇д̇имаг̇г̇о. сод̇аабад̇д̇имаг̇г̇о хи д̣̇идтидтаанасамуг̇гхаад̇од̇и вуд̇д̇о.
Samudayañcātiādīsu dve diṭṭhīnaṃ samudayā khaṇikasamudayo paccayasamudayo ca. Khaṇikasamudayo diṭṭhīnaṃ nibbatti. Paccayasamudayo aṭṭha ṭhānāni. Seyyathidaṃ, khandhāpi diṭṭhiṭṭhānaṃ, avijjāpi, phassopi, saññāpi, vitakkopi, ayonisomanasikāropi, pāpamittopi, paratoghosopi diṭṭhiṭṭhānaṃ. ‘‘Khandhā hetu khandhā paccayo diṭṭhīnaṃ upādāya samuṭṭhānaṭṭhena. Evaṃ khandhāpi diṭṭhiṭṭhānaṃ. Avijjā… phasso… saññā… vitakko… ayonisomanasikāro… pāpamitto… paratoghoso hetu, paratoghoso paccayo diṭṭhīnaṃ upādāya samuṭṭhānaṭṭhena. Evaṃ paratoghosopi diṭṭhiṭṭhānaṃ’’ (paṭi. ma. 1.124). Atthaṅgamāpi dveyeva khaṇikatthaṅgamo paccayatthaṅgamo ca. Khaṇikatthaṅgamo nāma khayo vayo bhedo paribhedo aniccatā antaradhānaṃ. Paccayatthaṅgamo nāma sotāpattimaggo. Sotāpattimaggo hi diṭṭhiṭṭhānasamugghātoti vutto.
ассаад̣̇анд̇и д̣̇идтимуулагам̣ аанисам̣сам̣. яам̣ санд̇хааяа вуд̇д̇ам̣ – ‘‘яам̣д̣̇идтиго сад̇т̇аа ход̇и, д̇ам̣д̣̇идтигаа саавагаа хонд̇и. яам̣д̣̇идтигаа сад̇т̇аарам̣ саавагаа саггаронд̇и, г̇арум̣ гаронд̇и, маанзнд̇и, бууж̇знд̇и, лабханд̇и д̇ад̇онид̣̇аанам̣ жийварабин̣д̣абаад̇асзнаасанаг̇илаанабажжаяабхзсаж̇ж̇абаригкаарам̣. аяам̣, бхигкавз, д̣̇идтияаа д̣̇идтад̇хаммиго аанисам̣со’’д̇и. аад̣̇ийнаванд̇и д̣̇идтиг̇г̇ахан̣амуулагам̣ убад̣̇д̣̇авам̣. со ваг̇г̇уливад̇ам̣ уггудигаббад̇хаанам̣ ган̣дагаабассаяад̇аа бан̃жаад̇абад̇аббанам̣ саанубабаад̇абад̇анам̣ гзсамассулун̃жанам̣ аббон̣агам̣ жхаананд̇иаад̣̇ийнам̣ васзнам̣ взд̣̇ид̇аб̣б̣о. ниссаран̣анд̇и д̣̇идтийнам̣ ниссаран̣ам̣ наама ниб̣б̣аанам̣. яат̇аабхууд̇ам̣ наббаж̇аананд̇ийд̇и яз зд̇ам̣ саб̣б̣ам̣ яат̇аасабхаавам̣ на ж̇аананд̇и. на баримужжанд̇и д̣̇угкасмаад̇и сагалаваддад̣̇угкад̇о на баримужжанд̇и. иминаа зд̇зсам̣ нидтаа наама над̇т̇ийд̇и д̣̇ассзд̇и. баримужжанд̇и д̣̇угкасмаад̇и сагалаваддад̣̇угкад̇о баримужжанд̇и. иминаа зд̇зсам̣ нидтаа наама ад̇т̇ийд̇и д̣̇виннам̣ аддагаарагаанам̣ аддам̣ чинд̣̇анд̇о вияа саасанасмим̣язва нидтааяа ад̇т̇ид̇ам̣ бад̇идтабзд̇и.
Assādanti diṭṭhimūlakaṃ ānisaṃsaṃ. Yaṃ sandhāya vuttaṃ – ‘‘yaṃdiṭṭhiko satthā hoti, taṃdiṭṭhikā sāvakā honti. Yaṃdiṭṭhikā satthāraṃ sāvakā sakkaronti, garuṃ karonti, mānenti, pūjenti, labhanti tatonidānaṃ cīvarapiṇḍapātasenāsanagilānapaccayabhesajjaparikkhāraṃ. Ayaṃ, bhikkhave, diṭṭhiyā diṭṭhadhammiko ānisaṃso’’ti. Ādīnavanti diṭṭhiggahaṇamūlakaṃ upaddavaṃ. So vaggulivataṃ ukkuṭikappadhānaṃ kaṇṭakāpassayatā pañcātapatappanaṃ sānupapātapatanaṃ kesamassuluñcanaṃ appoṇakaṃ jhānantiādīnaṃ vasenaṃ veditabbo. Nissaraṇanti diṭṭhīnaṃ nissaraṇaṃ nāma nibbānaṃ. Yathābhūtaṃnappajānantīti ye etaṃ sabbaṃ yathāsabhāvaṃ na jānanti. Na parimuccanti dukkhasmāti sakalavaṭṭadukkhato na parimuccanti. Iminā etesaṃ niṭṭhā nāma natthīti dasseti. Parimuccanti dukkhasmāti sakalavaṭṭadukkhato parimuccanti. Iminā etesaṃ niṭṭhā nāma atthīti dvinnaṃ aṭṭakārakānaṃ aṭṭaṃ chindanto viya sāsanasmiṃyeva niṭṭhāya atthitaṃ patiṭṭhapeti.
143. ид̣̇аани д̣̇идтижчзд̣̇анам̣ д̣̇ассзнд̇о жад̇д̇ааримаани, бхигкавз, убаад̣̇аанаанийд̇иаад̣̇имааха. д̇зсам̣ вид̇т̇аарагат̇аа висуд̣̇д̇химаг̇г̇з вуд̇д̇ааязва.
143. Idāni diṭṭhicchedanaṃ dassento cattārimāni, bhikkhave, upādānānītiādimāha. Tesaṃ vitthārakathā visuddhimagge vuttāyeva.
саб̣б̣убаад̣̇аанабарин̃н̃ааваад̣̇аа бадиж̇аанамаанаад̇и маяам̣ саб̣б̣зсам̣ убаад̣̇аанаанам̣ барин̃н̃ам̣ самад̇иггамам̣ вад̣̇аамаад̇и звам̣ бадиж̇аанамаанаа. на саммаа саб̣б̣убаад̣̇аанабарин̃н̃анд̇и саб̣б̣зсам̣ убаад̣̇аанаанам̣ самад̇иггамам̣ саммаа на бан̃н̃абзнд̇и. гзжи гаамубаад̣̇аанамад̇д̇асса барин̃н̃ам̣ бан̃н̃абзнд̇и. гзжи д̣̇идтубаад̣̇аанамад̇д̇асса бан̃н̃абзнд̇и, гзжи сийлаб̣б̣ад̇убаад̣̇аанассааби. ад̇д̇аваад̣̇убаад̣̇аанасса бана барин̃н̃ам̣ бан̃н̃абзнд̇о наама над̇т̇и. д̇зсам̣ бана бхзд̣̇ам̣ д̣̇ассзнд̇о гаамубаад̣̇аанасса барин̃н̃ам̣ бан̃н̃абзнд̇ийд̇иаад̣̇имааха. д̇ад̇т̇а саб̣б̣зби гаамубаад̣̇аанасса барин̃н̃ам̣ бан̃н̃абзнд̇иязва, чаннавуд̇и баасан̣д̣ааби хи ‘‘гаамаа ко баб̣б̣аж̇ид̇зна на сзвид̇аб̣б̣аа’’д̇и вад̇т̇убадисзванам̣ гаамам̣ габбад̇ийд̇и на бан̃н̃абзнд̇и, агаббияамзва гад̇ваа бан̃н̃абзнд̇и. яз бана сзванд̇и, д̇з т̇зяязна сзванд̇и. д̇зна вуд̇д̇ам̣ ‘‘гаамубаад̣̇аанасса барин̃н̃ам̣ бан̃н̃абзнд̇ий’’д̇и.
Sabbupādānapariññāvādā paṭijānamānāti mayaṃ sabbesaṃ upādānānaṃ pariññaṃ samatikkamaṃ vadāmāti evaṃ paṭijānamānā. Na sammā sabbupādānapariññanti sabbesaṃ upādānānaṃ samatikkamaṃ sammā na paññapenti. Keci kāmupādānamattassa pariññaṃ paññapenti. Keci diṭṭhupādānamattassa paññapenti, keci sīlabbatupādānassāpi. Attavādupādānassa pana pariññaṃ paññapento nāma natthi. Tesaṃ pana bhedaṃ dassento kāmupādānassa pariññaṃ paññapentītiādimāha. Tattha sabbepi kāmupādānassa pariññaṃ paññapentiyeva, channavuti pāsaṇḍāpi hi ‘‘kāmā kho pabbajitena na sevitabbā’’ti vatthupaṭisevanaṃ kāmaṃ kappatīti na paññapenti, akappiyameva katvā paññapenti. Ye pana sevanti, te theyyena sevanti. Tena vuttaṃ ‘‘kāmupādānassa pariññaṃ paññapentī’’ti.
яасмаа ‘‘над̇т̇и д̣̇инна’’нд̇иаад̣̇ийни г̇ахзд̇ваа жаранд̇и. ‘‘сийлзна суд̣̇д̇хи вад̇зна суд̣̇д̇хи, бхааванааяа суд̣̇д̇хий’’д̇и г̇ан̣ханд̇и, ад̇д̇убалад̣̇д̇хим̣ на баж̇аханд̇и, д̇асмаа на д̣̇идтубаад̣̇аанасса, на сийлаб̣б̣ад̇убаад̣̇аанасса , на ад̇д̇аваад̣̇убаад̣̇аанасса барин̃н̃ам̣ бан̃н̃абзнд̇и. д̇ам̣ гисса хзд̇ууд̇и д̇ам̣ абан̃н̃аабанам̣ зд̇зсам̣ гисса хзд̇у, гим̣ гааран̣аа? имаани хи д̇з бхонд̇од̇и яасмаа д̇з бхонд̇о имаани д̇ийн̣и гааран̣аани яат̇аасабхаавад̇о на ж̇аананд̇ийд̇и ад̇т̇о. яз банзд̇т̇а д̣̇виннам̣ барин̃н̃аанам̣ бан̃н̃аабанагааран̣ам̣ д̣̇идтин̃жзва сийлаб̣б̣ад̇ан̃жа ‘‘зд̇ам̣ бахаад̇аб̣б̣а’’нд̇и яат̇аасабхаавад̇о ж̇аананд̇и. д̇з санд̇хааяа барад̇о д̣̇вз ваараа вуд̇д̇аа. д̇ад̇т̇а яз ‘‘ад̇т̇и д̣̇инна’’нд̇иаад̣̇ийни г̇ан̣ханд̇и, д̇з д̣̇идтубаад̣̇аанасса барин̃н̃ам̣ бан̃н̃абзнд̇и. яз бана ‘‘на сийлзна суд̣̇д̇хи, на вад̇зна суд̣̇д̇хи, на бхааванааяа суд̣̇д̇хий’’д̇и г̇ан̣ханд̇и, д̇з сийлаб̣б̣ад̇убаад̣̇аанасса барин̃н̃ам̣ бан̃н̃абзнд̇и. ад̇д̇аваад̣̇убаад̣̇аанасса барин̃н̃ам̣ бана згоби бан̃н̃абзд̇ум̣ на саггод̇и. адтасамаабад̇д̇илаабхиноби хи жанд̣̇имасуурияз баан̣инаа баримаж̇ж̇ид̇ваа жарамаанааби жа д̇ид̇т̇ияаа д̇иссо барин̃н̃аа бан̃н̃абзнд̇и. ад̇д̇аваад̣̇ам̣ мун̃жид̇ум̣ на саггонд̇и. д̇асмаа бунаббунам̣ ваддасмим̣язва бад̇анд̇и. бат̇авиж̇иг̇ужчанасасаго вияа хи зд̇з.
Yasmā ‘‘natthi dinna’’ntiādīni gahetvā caranti. ‘‘Sīlena suddhi vatena suddhi, bhāvanāya suddhī’’ti gaṇhanti, attupaladdhiṃ na pajahanti, tasmā na diṭṭhupādānassa, na sīlabbatupādānassa , na attavādupādānassa pariññaṃ paññapenti. Taṃ kissa hetūti taṃ apaññāpanaṃ etesaṃ kissa hetu, kiṃ kāraṇā? Imāni hi te bhontoti yasmā te bhonto imāni tīṇi kāraṇāni yathāsabhāvato na jānantīti attho. Ye panettha dvinnaṃ pariññānaṃ paññāpanakāraṇaṃ diṭṭhiñceva sīlabbatañca ‘‘etaṃ pahātabba’’nti yathāsabhāvato jānanti. Te sandhāya parato dve vārā vuttā. Tattha ye ‘‘atthi dinna’’ntiādīni gaṇhanti, te diṭṭhupādānassa pariññaṃ paññapenti. Ye pana ‘‘na sīlena suddhi, na vatena suddhi, na bhāvanāya suddhī’’ti gaṇhanti, te sīlabbatupādānassa pariññaṃ paññapenti. Attavādupādānassa pariññaṃ pana ekopi paññapetuṃ na sakkoti. Aṭṭhasamāpattilābhinopi hi candimasūriye pāṇinā parimajjitvā caramānāpi ca titthiyā tisso pariññā paññapenti. Attavādaṃ muñcituṃ na sakkonti. Tasmā punappunaṃ vaṭṭasmiṃyeva patanti. Pathavijigucchanasasako viya hi ete.
д̇ад̇т̇ааяам̣ ад̇т̇асаллаабигаа убамаа – бат̇авий гира сасагам̣ ааха – ‘‘бхо сасагаа’’д̇и. сасаго ааха – ‘‘го зсо’’д̇и. ‘‘гасмаа мамзва убари саб̣б̣аирияаабат̇з габбзнд̇о ужжаарабассаавам̣ гаронд̇о мам̣ на ж̇аанаасий’’д̇и. ‘‘судту д̇аяаа ахам̣ д̣̇идто, маяаа агганд̇адтаанамби ан̇г̇улаг̇г̇зхи пудтадтаанам̣ вияа ход̇и, виссадтауд̣̇агам̣ аббамад̇д̇агам̣, гарийсам̣ гад̇агапаламад̇д̇ам̣. хад̇т̇иассаад̣̇ийхи бана агганд̇адтаанамби маханд̇ам̣, бассаавоби нзсам̣ гхадамад̇д̇о ход̇и, ужжаароби бажчимад̇д̇о ход̇и, алам̣ маяхам̣ д̇аяаа’’д̇и уббад̇ид̇ваа ан̃н̃асмим̣ таанз бад̇ид̇о. д̇ад̇о нам̣ бат̇авий ааха – ‘‘арз д̣̇уурам̣ г̇ад̇оби нану маяхам̣ убариязва бад̇ид̇осий’’д̇и. со буна д̇ам̣ ж̇иг̇ужчанд̇о уббад̇ид̇ваа ан̃н̃ад̇т̇а бад̇ид̇о, звам̣ вассасахассамби уббад̇ид̇ваа бад̇амаано сасаго бат̇авим̣ мун̃жид̇ум̣ на саггод̇и. звамзвам̣ д̇ид̇т̇ияаа саб̣б̣уубаад̣̇аанабарин̃н̃ам̣ бан̃н̃абзнд̇оби гаамубаад̣̇аанаад̣̇ийнам̣ д̇ин̣н̣ам̣язва самад̇иггамам̣ бан̃н̃абзнд̇и. ад̇д̇аваад̣̇ам̣ бана мун̃жид̇ум̣ на саггонд̇и, асаггонд̇аа бунаббунам̣ ваддасмим̣язва бад̇анд̇ийд̇и.
Tatthāyaṃ atthasallāpikā upamā – pathavī kira sasakaṃ āha – ‘‘bho sasakā’’ti. Sasako āha – ‘‘ko eso’’ti. ‘‘Kasmā mameva upari sabbairiyāpathe kappento uccārapassāvaṃ karonto maṃ na jānāsī’’ti. ‘‘Suṭṭhu tayā ahaṃ diṭṭho, mayā akkantaṭṭhānampi aṅgulaggehi phuṭṭhaṭṭhānaṃ viya hoti, vissaṭṭhaudakaṃ appamattakaṃ, karīsaṃ katakaphalamattaṃ. Hatthiassādīhi pana akkantaṭṭhānampi mahantaṃ, passāvopi nesaṃ ghaṭamatto hoti, uccāropi pacchimatto hoti, alaṃ mayhaṃ tayā’’ti uppatitvā aññasmiṃ ṭhāne patito. Tato naṃ pathavī āha – ‘‘are dūraṃ gatopi nanu mayhaṃ upariyeva patitosī’’ti. So puna taṃ jigucchanto uppatitvā aññattha patito, evaṃ vassasahassampi uppatitvā patamāno sasako pathaviṃ muñcituṃ na sakkoti. Evamevaṃ titthiyā sabbūpādānapariññaṃ paññapentopi kāmupādānādīnaṃ tiṇṇaṃyeva samatikkamaṃ paññapenti. Attavādaṃ pana muñcituṃ na sakkonti, asakkontā punappunaṃ vaṭṭasmiṃyeva patantīti.
звам̣ яам̣ д̇ид̇т̇ияаа самад̇иггамид̇ум̣ на саггонд̇и, д̇асса васзна д̣̇идтижчзд̣̇аваад̣̇ам̣ вад̇ваа ид̣̇аани басаад̣̇абажчзд̣̇аваад̣̇ам̣ д̣̇ассзнд̇о зваруубз ко, бхигкавз, д̇хаммавинаязд̇иаад̣̇имааха. д̇ад̇т̇а д̇хаммавинаязд̇и д̇хаммз жзва винаяз жа, убхаязнаби анияяаанигасаасанам̣ д̣̇ассзд̇и. ‘‘яо сад̇т̇ари басаад̣̇о со на саммаг̇г̇ад̇о’’д̇и анияяаанигасаасанамхи хи сад̇т̇аа гаалам̣ гад̇ваа сийхоби ход̇и, б̣яаг̇гхоби ход̇и, д̣̇ийбиби ажчоби д̇аражчоби. саавагаа банасса миг̇ааби суугарааби басад̣̇ааби хонд̇и, со ‘‘имз маяхам̣ буб̣б̣з убадтаагаа бажжаяад̣̇ааяагаа’’д̇и канд̇им̣ ваа мзд̇д̇ам̣ ваа ануд̣̇д̣̇аяам̣ ваа агад̇ваа д̇зсам̣ убари бад̇ид̇ваа лохид̇ам̣ бивад̇и, т̇уулат̇ууламам̣сааниби каад̣̇ад̇и. сад̇т̇аа ваа бана б̣ил̣ааро ход̇и, саавагаа гуггудаа ваа муусигаа ваа. ат̇а нз вуд̇д̇анаязнзва анугамбам̣ агад̇ваа каад̣̇ад̇и. ат̇а ваа сад̇т̇аа нираяабаало ход̇и, саавагаа нзраяигасад̇д̇аа. со ‘‘имз маяхам̣ буб̣б̣з убадтаагаа бажжаяад̣̇ааяагаа’’д̇и анугамбам̣ агад̇ваа вивид̇хаа гаммагааран̣аа гарод̇и, аад̣̇ид̇д̇зби рат̇з яож̇зд̇и, ан̇г̇аарабаб̣б̣ад̇амби ааробзд̇и, лохагумбхияамби кибад̇и , анзгзхиби д̣̇угкад̇хаммзхи самбаяож̇зд̇и. саавагаа ваа бана гаалам̣ гад̇ваа сийхаад̣̇аяо хонд̇и, сад̇т̇аа миг̇аад̣̇ийсу ан̃н̃ад̇аро. д̇з ‘‘имам̣ маяам̣ буб̣б̣з жад̇уухи бажжаязхи убадтахимхаа, сад̇т̇аа но аяа’’нд̇и д̇асмим̣ канд̇им̣ ваа мзд̇д̇ам̣ ваа ануд̣̇д̣̇аяам̣ ваа агад̇ваа вуд̇д̇анаязнзва анаяаб̣яасанам̣ баабзнд̇и. звам̣ анияяаанигасаасанз яо сад̇т̇ари басаад̣̇о, со на саммаг̇г̇ад̇о ход̇и, ган̃жи гаалам̣ г̇анд̇вааби бажчаа винассад̇иязва.
Evaṃ yaṃ titthiyā samatikkamituṃ na sakkonti, tassa vasena diṭṭhicchedavādaṃ vatvā idāni pasādapacchedavādaṃ dassento evarūpe kho, bhikkhave, dhammavinayetiādimāha. Tattha dhammavinayeti dhamme ceva vinaye ca, ubhayenapi aniyyānikasāsanaṃ dasseti. ‘‘Yo satthari pasādo so na sammaggato’’ti aniyyānikasāsanamhi hi satthā kālaṃ katvā sīhopi hoti, byagghopi hoti, dīpipi acchopi taracchopi. Sāvakā panassa migāpi sūkarāpi pasadāpi honti, so ‘‘ime mayhaṃ pubbe upaṭṭhākā paccayadāyakā’’ti khantiṃ vā mettaṃ vā anuddayaṃ vā akatvā tesaṃ upari patitvā lohitaṃ pivati, thūlathūlamaṃsānipi khādati. Satthā vā pana biḷāro hoti, sāvakā kukkuṭā vā mūsikā vā. Atha ne vuttanayeneva anukampaṃ akatvā khādati. Atha vā satthā nirayapālo hoti, sāvakā nerayikasattā. So ‘‘ime mayhaṃ pubbe upaṭṭhākā paccayadāyakā’’ti anukampaṃ akatvā vividhā kammakāraṇā karoti, ādittepi rathe yojeti, aṅgārapabbatampi āropeti, lohakumbhiyampi khipati , anekehipi dukkhadhammehi sampayojeti. Sāvakā vā pana kālaṃ katvā sīhādayo honti, satthā migādīsu aññataro. Te ‘‘imaṃ mayaṃ pubbe catūhi paccayehi upaṭṭhahimhā, satthā no aya’’nti tasmiṃ khantiṃ vā mettaṃ vā anuddayaṃ vā akatvā vuttanayeneva anayabyasanaṃ pāpenti. Evaṃ aniyyānikasāsane yo satthari pasādo, so na sammaggato hoti, kañci kālaṃ gantvāpi pacchā vinassatiyeva.
яо д̇хаммз басаад̣̇од̇и анияяаанигасаасанасмин̃хи д̇хаммз басаад̣̇о наама, уг̇г̇ахид̇абарияаабуда – д̇хаарид̇аваажид̇д̇амад̇д̇агз д̇анд̇ид̇хаммз басаад̣̇о ход̇и, ваддамогко банзд̇т̇а над̇т̇и. д̇асмаа яо зд̇т̇а басаад̣̇о, со бунаббунам̣ ваддамзва г̇амбхийрам̣ гарод̇ийд̇и саасанасмим̣ асаммаг̇г̇ад̇о асабхаавад̇о агкааяад̇и.
Yo dhamme pasādoti aniyyānikasāsanasmiñhi dhamme pasādo nāma, uggahitapariyāpuṭa – dhāritavācittamattake tantidhamme pasādo hoti, vaṭṭamokkho panettha natthi. Tasmā yo ettha pasādo, so punappunaṃ vaṭṭameva gambhīraṃ karotīti sāsanasmiṃ asammaggato asabhāvato akkhāyati.
яаа сийлзсу барибуурагаарид̇аад̇и яааби жа анияяаанигасаасанз аж̇асийлаад̣̇ийнам̣ васзна барибуурагаарид̇аа, сааби яасмаа ваддамогкам̣ бхаваниссаран̣ам̣ на самбаабзд̇и, самбаж̇ж̇амаанаа бана д̇иражчаанаяоним̣ аавахад̇и, вибажжамаанаа нираяам̣, д̇асмаа саа на саммаг̇г̇ад̇аа агкааяад̇и. яаа сахад̇хаммигзсууд̇и анияяаанигасаасанасмин̃хи яз сахад̇хаммигаа, д̇зсу яасмаа згажжз гаалам̣ гад̇ваа сийхаад̣̇аяоби хонд̇и, згажжз миг̇аад̣̇аяо, д̇ад̇т̇а сийхаад̣̇ибхууд̇аа ‘‘имз амхаагам̣ сахад̇хаммигаа ахзсу’’нд̇и миг̇аад̣̇ибхууд̇зсу канд̇иаад̣̇ийни агад̇ваа буб̣б̣з вуд̇д̇анаязнзва нзсам̣ махаад̣̇угкам̣ уббаад̣̇знд̇и. д̇асмаа зд̇т̇а сахад̇хаммигзсу бияаманаабад̇ааби асаммаг̇г̇ад̇аа агкааяад̇и.
Yā sīlesu paripūrakāritāti yāpi ca aniyyānikasāsane ajasīlādīnaṃ vasena paripūrakāritā, sāpi yasmā vaṭṭamokkhaṃ bhavanissaraṇaṃ na sampāpeti, sampajjamānā pana tiracchānayoniṃ āvahati, vipaccamānā nirayaṃ, tasmā sā na sammaggatā akkhāyati. Yā sahadhammikesūti aniyyānikasāsanasmiñhi ye sahadhammikā, tesu yasmā ekacce kālaṃ katvā sīhādayopi honti, ekacce migādayo, tattha sīhādibhūtā ‘‘ime amhākaṃ sahadhammikā ahesu’’nti migādibhūtesu khantiādīni akatvā pubbe vuttanayeneva nesaṃ mahādukkhaṃ uppādenti. Tasmā ettha sahadhammikesu piyamanāpatāpi asammaggatā akkhāyati.
ид̣̇ам̣ бана саб̣б̣амби гааран̣абхзд̣̇ам̣ згад̇о гад̇ваа д̣̇ассзнд̇о бхаг̇аваа д̇ам̣ гисса хзд̇у? зван̃хзд̇ам̣ , бхигкавз, ход̇ийд̇иаад̣̇имааха. д̇ад̇рааяам̣ сам̣кзбад̇т̇о – зван̃хзд̇ам̣, бхигкавз, ход̇и, яам̣ маяаа вуд̇д̇ам̣ ‘‘яо сад̇т̇ари басаад̣̇о со на саммаг̇г̇ад̇о агкааяад̇ий’’д̇иаад̣̇и, д̇ам̣ звамзва ход̇и. гасмаа? яасмаа д̇з басаад̣̇аад̣̇аяо д̣̇урагкаад̇з д̇хаммавинаяз …бз… асаммаасамб̣уд̣̇д̇хаббавзд̣̇ид̇зд̇и, зд̇т̇а хи яат̇аа д̇анд̇и гааран̣ад̇т̇з нибаад̇о. д̇ад̇т̇а д̣̇урагкаад̇зд̇и д̣̇уггат̇ид̇з, д̣̇угкат̇ид̇ад̇д̇ааязва д̣̇уббавзд̣̇ид̇з. со банзса яасмаа маг̇г̇апалад̇т̇ааяа на нияяаад̇и, д̇асмаа анияяааниго. рааг̇аад̣̇ийнам̣ убасамааяа асам̣вад̇д̇анад̇о анубасамасам̣вад̇д̇аниго. на саммаасамб̣уд̣̇д̇хзна саб̣б̣ан̃н̃унаа бавзд̣̇ид̇од̇и асаммаасамб̣уд̣̇д̇хаббавзд̣̇ид̇о. д̇асмим̣ анияяаанигз анубасамасам̣вад̇д̇анигз асаммаасамб̣уд̣̇д̇хаббавзд̣̇ид̇з. зд̇д̇аавад̇аа бхаг̇аваа д̇ид̇т̇иязсу басаад̣̇о сураабийд̇асин̇г̇аалз басаад̣̇о вияа нирад̇т̇агод̇и д̣̇ассзд̇и.
Idaṃ pana sabbampi kāraṇabhedaṃ ekato katvā dassento bhagavā taṃ kissa hetu? Evañhetaṃ, bhikkhave, hotītiādimāha. Tatrāyaṃ saṃkhepattho – evañhetaṃ, bhikkhave, hoti, yaṃ mayā vuttaṃ ‘‘yo satthari pasādo so na sammaggato akkhāyatī’’tiādi, taṃ evameva hoti. Kasmā? Yasmā te pasādādayo durakkhāte dhammavinaye …pe… asammāsambuddhappavediteti, ettha hi yathā tanti kāraṇatthe nipāto. Tattha durakkhāteti dukkathite, dukkhathitattāyeva duppavedite. So panesa yasmā maggaphalatthāya na niyyāti, tasmā aniyyāniko. Rāgādīnaṃ upasamāya asaṃvattanato anupasamasaṃvattaniko. Na sammāsambuddhena sabbaññunā paveditoti asammāsambuddhappavedito. Tasmiṃ aniyyānike anupasamasaṃvattanike asammāsambuddhappavedite. Ettāvatā bhagavā titthiyesu pasādo surāpītasiṅgāle pasādo viya niratthakoti dasseti.
зго гира гаал̣асин̇г̇аало рад̇д̇им̣ наг̇арам̣ бавидто сурааж̇аллигам̣ каад̣̇ид̇ваа буннааг̇аванз нибаж̇ж̇ид̇ваа нид̣̇д̣̇ааяанд̇о суурияуг̇г̇аманз баб̣уж̇жхид̇ваа жинд̇зси ‘‘имасмим̣ гаалз на саггаа г̇анд̇ум̣, б̣ахуу амхаагам̣ взрино, згам̣ ван̃жзд̇ум̣ ваддад̇ий’’д̇и. со згам̣ б̣раахман̣ам̣ г̇ажчанд̇ам̣ д̣̇исваа имам̣ ван̃жзссаамийд̇и ‘‘аяяа б̣раахман̣аа’’д̇и ааха. го зсо б̣раахман̣ам̣ баггосад̇ийд̇и. ‘‘ахам̣, саамий, ид̇о д̇аава зхийд̇и. гим̣ бход̇и? мам̣ б̣ахиг̇аамам̣ нзхи, ахам̣ д̇з д̣̇вз гахаабан̣асад̇аани д̣̇ассаамийд̇и. соби наяиссаамийд̇и д̇ам̣ баад̣̇зсу г̇ан̣хи. арз б̣аала б̣раахман̣а, на маяхам̣ гахаабан̣аа чад̣д̣ид̇агаа ад̇т̇и, д̣̇уллабхаа гахаабан̣аа, саад̇хугам̣ мам̣ г̇ан̣хаахийд̇и. гат̇ам̣ бхо г̇ан̣хаамийд̇и? уд̇д̇араасан̇г̇зна г̇ан̣тигам̣ гад̇ваа ам̣сз лаг̇г̇зд̇ваа г̇ан̣хаахийд̇и. б̣раахман̣о д̇ам̣ д̇ат̇аа г̇ахзд̇ваа д̣̇агкин̣ад̣̇ваарасамийбадтаанам̣ г̇анд̇ваа зд̇т̇а од̇аарзмийд̇и бужчи. гад̇арадтаанам̣ наама зд̇анд̇и? махаад̣̇ваарам̣ зд̇анд̇и. арз б̣аала, б̣раахман̣а, гим̣ д̇ава н̃аад̇агаа анд̇арад̣̇ваарз гахаабан̣ам̣ табзнд̇и, барад̇о мам̣ хараа’’д̇и. со бунаббунам̣ т̇огам̣ т̇огам̣ г̇анд̇ваа ‘‘зд̇т̇а од̇аарзми зд̇т̇а од̇аарзмий’’д̇и бужчид̇ваа д̇зна д̇аж̇ж̇ид̇о кзмадтаанам̣ г̇анд̇ваа д̇ад̇т̇а од̇аарзхийд̇и вуд̇д̇о од̇аарзд̇ваа саадагам̣ г̇ан̣хи. гаал̣асин̇г̇аало ааха ‘‘ахам̣ д̇з д̣̇вз гахаабан̣асад̇аани д̣̇ассаамийд̇и авожам̣. маяхам̣ бана гахаабан̣аа б̣ахуу, на д̣̇вз гахаабан̣асад̇аанзва, яаава ахам̣ гахаабан̣з аахараами, д̇аава д̇вам̣ суурияам̣ ологзнд̇о д̇идтаа’’д̇и вад̇ваа т̇огам̣ г̇анд̇ваа нивад̇д̇зд̇ваа буна б̣раахман̣ам̣ ааха ‘‘аяяа б̣раахман̣а маа ид̇о ологзхи, суурияамзва ологзнд̇о д̇идтаа’’д̇и. зван̃жа бана вад̇ваа гзд̇агаванам̣ бависид̇ваа яат̇ааружим̣ багганд̇о. б̣раахман̣ассаби суурияам̣ ологзнд̇ассзва налаадад̇о жзва гажчзхи жа сзд̣̇аа мужжим̣су. ат̇а нам̣ ругкад̣̇звад̇аа ааха –
Eko kira kāḷasiṅgālo rattiṃ nagaraṃ paviṭṭho surājallikaṃ khāditvā punnāgavane nipajjitvā niddāyanto sūriyuggamane pabujjhitvā cintesi ‘‘imasmiṃ kāle na sakkā gantuṃ, bahū amhākaṃ verino, ekaṃ vañcetuṃ vaṭṭatī’’ti. So ekaṃ brāhmaṇaṃ gacchantaṃ disvā imaṃ vañcessāmīti ‘‘ayya brāhmaṇā’’ti āha. Ko eso brāhmaṇaṃ pakkosatīti. ‘‘Ahaṃ, sāmī, ito tāva ehīti. Kiṃ bhoti? Maṃ bahigāmaṃ nehi, ahaṃ te dve kahāpaṇasatāni dassāmīti. Sopi nayissāmīti taṃ pādesu gaṇhi. Are bāla brāhmaṇa, na mayhaṃ kahāpaṇā chaḍḍitakā atthi, dullabhā kahāpaṇā, sādhukaṃ maṃ gaṇhāhīti. Kathaṃ bho gaṇhāmīti? Uttarāsaṅgena gaṇṭhikaṃ katvā aṃse laggetvā gaṇhāhīti. Brāhmaṇo taṃ tathā gahetvā dakkhiṇadvārasamīpaṭṭhānaṃ gantvā ettha otāremīti pucchi. Kataraṭṭhānaṃ nāma etanti? Mahādvāraṃ etanti. Are bāla, brāhmaṇa, kiṃ tava ñātakā antaradvāre kahāpaṇaṃ ṭhapenti, parato maṃ harā’’ti. So punappunaṃ thokaṃ thokaṃ gantvā ‘‘ettha otāremi ettha otāremī’’ti pucchitvā tena tajjito khemaṭṭhānaṃ gantvā tattha otārehīti vutto otāretvā sāṭakaṃ gaṇhi. Kāḷasiṅgālo āha ‘‘ahaṃ te dve kahāpaṇasatāni dassāmīti avocaṃ. Mayhaṃ pana kahāpaṇā bahū, na dve kahāpaṇasatāneva, yāva ahaṃ kahāpaṇe āharāmi, tāva tvaṃ sūriyaṃ olokento tiṭṭhā’’ti vatvā thokaṃ gantvā nivattetvā puna brāhmaṇaṃ āha ‘‘ayya brāhmaṇa mā ito olokehi, sūriyameva olokento tiṭṭhā’’ti. Evañca pana vatvā ketakavanaṃ pavisitvā yathāruciṃ pakkanto. Brāhmaṇassapi sūriyaṃ olokentasseva nalāṭato ceva kacchehi ca sedā mucciṃsu. Atha naṃ rukkhadevatā āha –
‘‘сад̣̇д̣̇ахааси син̇г̇ааласса, сураабийд̇асса б̣раахман̣а;
‘‘Saddahāsi siṅgālassa, surāpītassa brāhmaṇa;
сиббигаанам̣ сад̇ам̣ над̇т̇и, гуд̇о гам̣сасад̇аа д̣̇увз’’д̇и. (ж̇аа. 1.1.113);
Sippikānaṃ sataṃ natthi, kuto kaṃsasatā duve’’ti. (jā. 1.1.113);
звам̣ яат̇аа гаал̣асин̇г̇аалз басаад̣̇о нирад̇т̇аго, звам̣ д̇ид̇т̇иязсубийд̇и.
Evaṃ yathā kāḷasiṅgāle pasādo niratthako, evaṃ titthiyesupīti.
144. анияяаанигасаасанз басаад̣̇асса нирад̇т̇агабхаавам̣ д̣̇ассзд̇ваа нияяаанигасаасанз д̇асса саад̇т̇агад̇ам̣ д̣̇ассзд̇ум̣ д̇ат̇ааг̇ад̇о жа ко, бхигкавзд̇иаад̣̇имааха. д̇ад̇т̇а гаамубаад̣̇аанасса барин̃н̃ам̣ бан̃н̃абзд̇ийд̇и арахад̇д̇амаг̇г̇зна гаамубаад̣̇аанасса бахаанабарин̃н̃ам̣ самад̇иггамам̣ бан̃н̃абзд̇и, ид̇арзсам̣ д̇ин̣н̣ам̣ убаад̣̇аанаанам̣ сод̇аабад̇д̇имаг̇г̇зна барин̃н̃ам̣ бан̃н̃абзд̇и. зваруубз ко, бхигкавз, д̇хаммавинаязд̇и, бхигкавз, зваруубз д̇хаммз жа винаяз жа. убхаязнаби нияяаанигасаасанам̣ д̣̇ассзд̇и. сад̇т̇ари басаад̣̇од̇и зваруубз саасанз яо сад̇т̇ари басаад̣̇о, со саммаг̇г̇ад̇о агкааяад̇и, бхавад̣̇угканиссаран̣ааяа сам̣вад̇д̇ад̇и.
144. Aniyyānikasāsane pasādassa niratthakabhāvaṃ dassetvā niyyānikasāsane tassa sātthakataṃ dassetuṃ tathāgato ca kho, bhikkhavetiādimāha. Tattha kāmupādānassa pariññaṃ paññapetīti arahattamaggena kāmupādānassa pahānapariññaṃ samatikkamaṃ paññapeti, itaresaṃ tiṇṇaṃ upādānānaṃ sotāpattimaggena pariññaṃ paññapeti. Evarūpe kho, bhikkhave, dhammavinayeti, bhikkhave, evarūpe dhamme ca vinaye ca. Ubhayenapi niyyānikasāsanaṃ dasseti. Satthari pasādoti evarūpe sāsane yo satthari pasādo, so sammaggato akkhāyati, bhavadukkhanissaraṇāya saṃvattati.
д̇ад̇римаани вад̇т̇ууни – бхаг̇аваа гира взд̣̇ияагабаб̣б̣ад̇з инд̣̇асаалаг̇ухааяам̣ бадивасад̇и. ат̇зго улуугасагун̣о бхаг̇авад̇и г̇аамам̣ бин̣д̣ааяа бависанд̇з убад̣дхамаг̇г̇ам̣ ануг̇ажчад̇и, нигкаманд̇з убад̣дхамаг̇г̇ам̣ бажжуг̇г̇аманам̣ гарод̇и. со згад̣̇ивасам̣ саммаасамб̣уд̣̇д̇хам̣ сааяанхасамаяз бхигкусан̇гхабаривуд̇ам̣ нисиннам̣ баб̣б̣ад̇аа оруяха ванд̣̇ид̇ваа багкз бан̣аамзд̇ваа ан̃ж̇алим̣ баг̇г̇аяха сийсам̣ хздтаа гад̇ваа д̣̇асаб̣алам̣ намассамаано адтааси. бхаг̇аваа д̇ам̣ ологзд̇ваа сид̇ам̣ баад̇ваагааси. аананд̣̇ад̇т̇зро ‘‘го ну ко, бханд̇з, хзд̇у го бажжаяо сид̇асса баад̇угаммааяаа’’д̇и бужчи. ‘‘бассаананд̣̇а, имам̣ улуугасагун̣ам̣, аяам̣ маяи жа бхигкусан̇гхз жа жид̇д̇ам̣ басаад̣̇зд̇ваа сад̇асахассагаббз д̣̇звзсу жа мануссзсу жа сам̣сарид̇ваа соманассо наама бажжзгаб̣уд̣̇д̇хо бхависсад̇ий’’д̇и ааха –
Tatrimāni vatthūni – bhagavā kira vediyakapabbate indasālaguhāyaṃ paṭivasati. Atheko ulūkasakuṇo bhagavati gāmaṃ piṇḍāya pavisante upaḍḍhamaggaṃ anugacchati, nikkhamante upaḍḍhamaggaṃ paccuggamanaṃ karoti. So ekadivasaṃ sammāsambuddhaṃ sāyanhasamaye bhikkhusaṅghaparivutaṃ nisinnaṃ pabbatā oruyha vanditvā pakkhe paṇāmetvā añjaliṃ paggayha sīsaṃ heṭṭhā katvā dasabalaṃ namassamāno aṭṭhāsi. Bhagavā taṃ oloketvā sitaṃ pātvākāsi. Ānandatthero ‘‘ko nu kho, bhante, hetu ko paccayo sitassa pātukammāyā’’ti pucchi. ‘‘Passānanda, imaṃ ulūkasakuṇaṃ, ayaṃ mayi ca bhikkhusaṅghe ca cittaṃ pasādetvā satasahassakappe devesu ca manussesu ca saṃsaritvā somanasso nāma paccekabuddho bhavissatī’’ti āha –
улуугаман̣д̣алагкига, взд̣̇ияагз жирад̣̇ийгхаваасига;
Ulūkamaṇḍalakkhika, vediyake ciradīghavāsika;
сукид̇оси д̇вам̣ аяяа госияа, гаалудтид̇ам̣ бассаси б̣уд̣̇д̇хаварам̣.
Sukhitosi tvaṃ ayya kosiya, kāluṭṭhitaṃ passasi buddhavaraṃ.
маяи жид̇д̇ам̣ басаад̣̇зд̇ваа, бхигкусан̇гхз ануд̇д̇арз;
Mayi cittaṃ pasādetvā, bhikkhusaṅghe anuttare;
габбаанам̣ сад̇асахассаани, д̣̇уг̇г̇ад̇зсо на г̇ажчад̇и.
Kappānaṃ satasahassāni, duggateso na gacchati.
д̣̇звалогаа жавид̇ваана, гусаламуулзна жод̣̇ид̇о;
Devalokā cavitvāna, kusalamūlena codito;
бхависсад̇и ананд̇ан̃аан̣о, соманассод̇и виссуд̇од̇и.
Bhavissati anantañāṇo, somanassoti vissutoti.
ан̃н̃ааниби жзд̇т̇а рааж̇аг̇аханаг̇арз суманамаалаагааравад̇т̇у махаабхзриваад̣̇агавад̇т̇у мораж̇игавад̇т̇у вийн̣ааваад̣̇агавад̇т̇у сан̇кад̇хамагавад̇т̇ууд̇и звамаад̣̇ийни вад̇т̇ууни вид̇т̇аарзд̇аб̣б̣аани. звам̣ нияяаанигасаасанз сад̇т̇ари басаад̣̇о саммаг̇г̇ад̇о ход̇и.
Aññānipi cettha rājagahanagare sumanamālākāravatthu mahābherivādakavatthu morajikavatthu vīṇāvādakavatthu saṅkhadhamakavatthūti evamādīni vatthūni vitthāretabbāni. Evaṃ niyyānikasāsane satthari pasādo sammaggato hoti.
д̇хаммз басаад̣̇од̇и нияяаанигасаасанамхи д̇хаммз басаад̣̇о саммаг̇г̇ад̇о ход̇и. сарамад̇д̇з нимид̇д̇ам̣ г̇ахзд̇ваа сун̣анд̇аанам̣ д̇иражчаанаг̇ад̇аанамби самбад̇д̇ид̣̇ааяаго ход̇и, барамад̇т̇з гим̣ бана вад̇д̇аб̣б̣ам̣. аяамад̇т̇о ман̣д̣уугад̣̇звабуд̇д̇аад̣̇ийнам̣ вад̇т̇увасзна взд̣̇ид̇аб̣б̣о.
Dhamme pasādoti niyyānikasāsanamhi dhamme pasādo sammaggato hoti. Saramatte nimittaṃ gahetvā suṇantānaṃ tiracchānagatānampi sampattidāyako hoti, paramatthe kiṃ pana vattabbaṃ. Ayamattho maṇḍūkadevaputtādīnaṃ vatthuvasena veditabbo.
сийлзсу барибуурагаарид̇аад̇и нияяаанигасаасанамхи сийлзсу барибуурагаарид̇ааби саммаг̇г̇ад̇аа ход̇и, саг̇г̇амогкасамбад̇д̇им̣ аавахад̇и. д̇ад̇т̇а чад̇д̇амаан̣авагавад̇т̇усааман̣зравад̇т̇уаад̣̇ийни д̣̇ийбзд̇аб̣б̣аани.
Sīlesu paripūrakāritāti niyyānikasāsanamhi sīlesu paripūrakāritāpi sammaggatā hoti, saggamokkhasampattiṃ āvahati. Tattha chattamāṇavakavatthusāmaṇeravatthuādīni dīpetabbāni.
сахад̇хаммигзсууд̇и нияяаанигасаасанз сахад̇хаммигзсу бияаманаабад̇ааби саммаг̇г̇ад̇аа ход̇и, махаасамбад̇д̇им̣ аавахад̇и. аяамад̇т̇о вимаанабзд̇авад̇т̇уухи д̣̇ийбзд̇аб̣б̣о. вуд̇д̇ан̃хзд̇ам̣ –
Sahadhammikesūti niyyānikasāsane sahadhammikesu piyamanāpatāpi sammaggatā hoti, mahāsampattiṃ āvahati. Ayamattho vimānapetavatthūhi dīpetabbo. Vuttañhetaṃ –
‘‘кийрод̣̇анамахамад̣̇аасим̣, бхигкуно бин̣д̣ааяа жаранд̇асса…бз…
‘‘Khīrodanamahamadāsiṃ, bhikkhuno piṇḍāya carantassa…pe…
паан̣ид̇ам̣…бз… ужчукан̣д̣игам̣… д̇имб̣арусагам̣… гаггааригам̣…
Phāṇitaṃ…pe… ucchukhaṇḍikaṃ… timbarusakaṃ… kakkārikaṃ…
зл̣аалугам̣… валлибаггам̣… паарусагам̣… хад̇т̇абад̇аагам̣…
Eḷālukaṃ… vallipakkaṃ… phārusakaṃ… hatthapatākaṃ…
саагамудтим̣ … бубпагамудтим̣… муулагам̣… нимб̣амудтим̣…
Sākamuṭṭhiṃ … pupphakamuṭṭhiṃ… mūlakaṃ… nimbamuṭṭhiṃ…
амб̣иган̃ж̇игам̣… д̣̇он̣иниммаж̇ж̇аним̣… гааяаб̣анд̇ханам̣…
Ambikañjikaṃ… doṇinimmajjaniṃ… kāyabandhanaṃ…
ам̣саб̣ад̣̇д̇хагам̣… ааяог̇абаддам̣… вид̇хуубанам̣… д̇аалаван̣дам̣…
Aṃsabaddhakaṃ… āyogapaṭṭaṃ… vidhūpanaṃ… tālavaṇṭaṃ…
морахад̇т̇ам̣… чад̇д̇ам̣… убааханам̣… буувам̣ мод̣̇агам̣…
Morahatthaṃ… chattaṃ… upāhanaṃ… pūvaṃ modakaṃ…
сагкалигам̣ ахамад̣̇аасим̣, бхигкуно бин̣д̣ааяа жаранд̇асса…бз…
Sakkhalikaṃ ahamadāsiṃ, bhikkhuno piṇḍāya carantassa…pe…
д̇ассаа мз басса вимаанам̣, ажчараа гаамаван̣н̣инийхамасмий’’д̇и (ви. ва. 406).
Tassā me passa vimānaṃ, accharā kāmavaṇṇinīhamasmī’’ti (vi. va. 406).
д̇ам̣ гисса хзд̇ууд̇иаад̣̇и вуд̇д̇анаяаанусаарзнзва яож̇зд̇ваа взд̣̇ид̇аб̣б̣ам̣.
Taṃ kissa hetūtiādi vuttanayānusāreneva yojetvā veditabbaṃ.
145. ид̣̇аани язсам̣ убаад̣̇аанаанам̣ д̇ид̇т̇ияаа на саммаа барин̃н̃ам̣ бан̃н̃абзнд̇и, д̇ат̇ааг̇ад̇о бан̃н̃абзд̇и, д̇зсам̣ бажжаяам̣ д̣̇ассзд̇ум̣ имз жа, бхигкавзд̇иаад̣̇имааха. д̇ад̇т̇а гим̣нид̣̇аанаад̇иаад̣̇ийсу нид̣̇аанаад̣̇ийни саб̣б̣аанзва гааран̣авзважанаани. гааран̣ан̃хи яасмаа палам̣ нид̣̇зд̇и ханд̣̇а, нам̣ г̇ан̣хат̇аад̇и аббзд̇и вияа, д̇асмаа нид̣̇аананд̇и вужжад̇и. яасмаа д̇ам̣ д̇ад̇о ж̇ааяад̇и самуд̣̇зд̇и бабхавад̇и, д̇асмаа самуд̣̇аяо, ж̇аад̇и, бабхавод̇и вужжад̇и. аяам̣ банзд̇т̇а бад̣̇ад̇т̇о – гим̣ нид̣̇аанам̣ зд̇зсанд̇и гим̣нид̣̇аанаа. го самуд̣̇аяо зд̇зсанд̇и гим̣самуд̣̇аяаа. гаа ж̇аад̇и зд̇зсанд̇и гим̣ж̇аад̇игаа. го бабхаво зд̇зсанд̇и гим̣бабхаваа. яасмаа бана д̇зсам̣ д̇ан̣хаа яат̇аавуд̇д̇зна ад̇т̇зна нид̣̇аанан̃жзва самуд̣̇аяо жа ж̇аад̇и жа бабхаво жа, д̇асмаа ‘‘д̇ан̣хаанид̣̇аанаа’’д̇иаад̣̇имааха. звам̣ саб̣б̣абад̣̇зсу ад̇т̇о взд̣̇ид̇аб̣б̣о. яасмаа бана бхаг̇аваа на гзвалам̣ убаад̣̇аанассзва бажжаяам̣ ж̇аанаад̇и, убаад̣̇аанасса бажжаяабхууд̇ааяа д̇ан̣хааяаби, д̇ан̣хаад̣̇ибажжаяаанам̣ взд̣̇анаад̣̇ийнамби бажжаяам̣ ж̇аанаад̇иязва, д̇асмаа д̇ан̣хаа жааяам̣, бхигкавзд̇иаад̣̇имааха.
145. Idāni yesaṃ upādānānaṃ titthiyā na sammā pariññaṃ paññapenti, tathāgato paññapeti, tesaṃ paccayaṃ dassetuṃ ime ca, bhikkhavetiādimāha. Tattha kiṃnidānātiādīsu nidānādīni sabbāneva kāraṇavevacanāni. Kāraṇañhi yasmā phalaṃ nideti handa, naṃ gaṇhathāti appeti viya, tasmā nidānanti vuccati. Yasmā taṃ tato jāyati samudeti pabhavati, tasmā samudayo, jāti, pabhavoti vuccati. Ayaṃ panettha padattho – kiṃ nidānaṃ etesanti kiṃnidānā. Ko samudayo etesanti kiṃsamudayā. Kā jāti etesanti kiṃjātikā. Ko pabhavo etesanti kiṃpabhavā. Yasmā pana tesaṃ taṇhā yathāvuttena atthena nidānañceva samudayo ca jāti ca pabhavo ca, tasmā ‘‘taṇhānidānā’’tiādimāha. Evaṃ sabbapadesu attho veditabbo. Yasmā pana bhagavā na kevalaṃ upādānasseva paccayaṃ jānāti, upādānassa paccayabhūtāya taṇhāyapi, taṇhādipaccayānaṃ vedanādīnampi paccayaṃ jānātiyeva, tasmā taṇhā cāyaṃ, bhikkhavetiādimāha.
яад̇о жа код̇и яасмим̣ гаалз. авиж̇ж̇аа бахийнаа ход̇ийд̇и ваддамуулигаа авиж̇ж̇аа ануббаад̣̇анирод̇хзна бахийнаа ход̇и. виж̇ж̇аа уббаннаад̇и арахад̇д̇амаг̇г̇авиж̇ж̇аа уббаннаа. со авиж̇ж̇аавирааг̇аа виж̇ж̇уббаад̣̇аад̇и. со бхигку авиж̇ж̇ааяа жа бахийнад̇д̇аа виж̇ж̇ааяа жа уббаннад̇д̇аа. нзва гаамубаад̣̇аанам̣ убаад̣̇ияад̇ийд̇и нзва гаамубаад̣̇аанам̣ г̇ан̣хаад̇и на убзд̇и, на сзсаани убаад̣̇аанаани. анубаад̣̇ияам̣ на барид̇ассад̇ийд̇и звам̣ гин̃жи убаад̣̇аанам̣ аг̇г̇ан̣ханд̇о д̇ан̣хаабарид̇ассанааяа на барид̇ассад̇и. абарид̇ассанд̇и абарид̇ассанд̇о д̇ан̣хам̣ ануббаад̣̇знд̇о. бажжад̇д̇ам̣язва бариниб̣б̣ааяад̇ийд̇и саяамзва гилзсабариниб̣б̣аанзна бариниб̣б̣ааяад̇и. звамасса аасавагкаяам̣ д̣̇ассзд̇ваа ид̣̇аани кийн̣аасавасса бхигкуно бажжавзгкан̣ам̣ д̣̇ассзнд̇о кийн̣аа ж̇аад̇ийд̇иаад̣̇имааха. д̇ам̣ вуд̇д̇ад̇т̇амзваад̇и.
Yatoca khoti yasmiṃ kāle. Avijjā pahīnā hotīti vaṭṭamūlikā avijjā anuppādanirodhena pahīnā hoti. Vijjā uppannāti arahattamaggavijjā uppannā. So avijjāvirāgā vijjuppādāti. So bhikkhu avijjāya ca pahīnattā vijjāya ca uppannattā. Neva kāmupādānaṃ upādiyatīti neva kāmupādānaṃ gaṇhāti na upeti, na sesāni upādānāni. Anupādiyaṃ na paritassatīti evaṃ kiñci upādānaṃ aggaṇhanto taṇhāparitassanāya na paritassati. Aparitassanti aparitassanto taṇhaṃ anuppādento. Paccattaṃyeva parinibbāyatīti sayameva kilesaparinibbānena parinibbāyati. Evamassa āsavakkhayaṃ dassetvā idāni khīṇāsavassa bhikkhuno paccavekkhaṇaṃ dassento khīṇā jātītiādimāha. Taṃ vuttatthamevāti.
бабан̃жасууд̣̇анияаа маж̇жхиманигааяадтагат̇ааяа
Papañcasūdaniyā majjhimanikāyaṭṭhakathāya
жуул̣асийханаад̣̇асуд̇д̇аван̣н̣анаа нидтид̇аа.
Cūḷasīhanādasuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / маж̇жхиманигааяа • Majjhimanikāya / 1. жуул̣асийханаад̣̇асуд̇д̇ам̣ • 1. Cūḷasīhanādasuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / маж̇жхиманигааяа (дийгаа) • Majjhimanikāya (ṭīkā) / 1. жуул̣асийханаад̣̇асуд̇д̇аван̣н̣анаа • 1. Cūḷasīhanādasuttavaṇṇanā
