| Library / Tipiṭaka / д̇ибидага • Tipiṭaka / маж̇жхиманигааяа (адтагат̇аа) • Majjhimanikāya (aṭṭhakathā) |
4. жуул̣авзд̣̇алласуд̇д̇аван̣н̣анаа
4. Cūḷavedallasuttavaṇṇanā
460. звам̣ мз суд̇анд̇и жуул̣авзд̣̇алласуд̇д̇ам̣. д̇ад̇т̇а висаако убаасагод̇и висаакод̇и звам̣наамаго убаасаго. язна д̇хаммад̣̇иннаад̇и язна д̇хаммад̣̇иннаа наама бхигкуний д̇знубасан̇гами. го банааяам̣ висаако? гаа д̇хаммад̣̇иннаа? гасмаа убасан̇гамийд̇и? висаако наама д̇хаммад̣̇иннааяа г̇ихигаалз гхарасаамиго. со яад̣̇аа бхаг̇аваа саммаасамб̣од̇хим̣ абхисамб̣уж̇жхид̇ваа бавад̇д̇аварад̇хаммажагго яасаад̣̇аяо гулабуд̇д̇з винзд̇ваа урувзлам̣ бад̇ваа д̇ад̇т̇а ж̇адиласахассам̣ винзд̇ваа бураан̣аж̇адилзхи кийн̣аасавабхигкуухи сад̣̇д̇хим̣ рааж̇аг̇ахам̣ г̇анд̇ваа б̣уд̣̇д̇хад̣̇ассанад̇т̇ам̣ д̣̇ваад̣̇асанахуд̇ааяа барисааяа сад̣̇д̇хим̣ ааг̇ад̇асса б̣имб̣исаарамахаарааж̇асса д̇хаммам̣ д̣̇зсзси. д̇ад̣̇аа ран̃н̃аа сад̣̇д̇хим̣ ааг̇ад̇зсу д̣̇ваад̣̇асанахуд̇зсу згам̣ нахуд̇ам̣ убаасагад̇д̇ам̣ бадивзд̣̇зси, згаад̣̇аса нахуд̇аани сод̇аабад̇д̇ипалз бад̇идтахим̣су сад̣̇д̇хим̣ ран̃н̃аа б̣имб̣исаарзна. аяам̣ убаасаго д̇зсам̣ ан̃н̃ад̇аро, д̇зхи сад̣̇д̇хим̣ батамад̣̇ассанзва сод̇аабад̇д̇ипалз бад̇идтааяа, буна згад̣̇ивасам̣ д̇хаммам̣ суд̇ваа сагад̣̇ааг̇аамипалам̣ бад̇ваа, д̇ад̇о абарабхааг̇зби згад̣̇ивасам̣ д̇хаммам̣ суд̇ваа анааг̇аамипалз бад̇идтид̇о. со анааг̇аамий худ̇ваа г̇зхам̣ ааг̇ажчанд̇о яат̇аа ан̃н̃зсу д̣̇ивасзсу ид̇о жид̇о жа ологзнд̇о сид̇ам̣ гурумаано ааг̇ажчад̇и, звам̣ анааг̇анд̇ваа санд̇инд̣̇рияо санд̇амаанасо худ̇ваа аг̇амааси.
460.Evaṃme sutanti cūḷavedallasuttaṃ. Tattha visākho upāsakoti visākhoti evaṃnāmako upāsako. Yena dhammadinnāti yena dhammadinnā nāma bhikkhunī tenupasaṅkami. Ko panāyaṃ visākho? Kā dhammadinnā? Kasmā upasaṅkamīti? Visākho nāma dhammadinnāya gihikāle gharasāmiko. So yadā bhagavā sammāsambodhiṃ abhisambujjhitvā pavattavaradhammacakko yasādayo kulaputte vinetvā uruvelaṃ patvā tattha jaṭilasahassaṃ vinetvā purāṇajaṭilehi khīṇāsavabhikkhūhi saddhiṃ rājagahaṃ gantvā buddhadassanatthaṃ dvādasanahutāya parisāya saddhiṃ āgatassa bimbisāramahārājassa dhammaṃ desesi. Tadā raññā saddhiṃ āgatesu dvādasanahutesu ekaṃ nahutaṃ upāsakattaṃ paṭivedesi, ekādasa nahutāni sotāpattiphale patiṭṭhahiṃsu saddhiṃ raññā bimbisārena. Ayaṃ upāsako tesaṃ aññataro, tehi saddhiṃ paṭhamadassaneva sotāpattiphale patiṭṭhāya, puna ekadivasaṃ dhammaṃ sutvā sakadāgāmiphalaṃ patvā, tato aparabhāgepi ekadivasaṃ dhammaṃ sutvā anāgāmiphale patiṭṭhito. So anāgāmī hutvā gehaṃ āgacchanto yathā aññesu divasesu ito cito ca olokento sitaṃ kurumāno āgacchati, evaṃ anāgantvā santindriyo santamānaso hutvā agamāsi.
д̇хаммад̣̇иннаа сийхабан̃ж̇арам̣ уг̇гхаадзд̇ваа вийт̇им̣ ологаяамаанаа д̇асса ааг̇аманаагаарам̣ д̣̇исваа, ‘‘гим̣ ну ко зд̇а’’нд̇и жинд̇зд̇ваа д̇асса бажжуг̇г̇аманам̣ гурумаанаа собаанасийсз тад̇ваа оламб̣анад̇т̇ам̣ хад̇т̇ам̣ басаарзси. убаасаго ад̇д̇ано хад̇т̇ам̣ самин̃ж̇зси. саа ‘‘баад̇араасабхож̇анагаалз ж̇ааниссаамий’’д̇и жинд̇зси. убаасаго буб̣б̣з д̇ааяа сад̣̇д̇хим̣ згад̇о бхун̃ж̇ад̇и. д̇ам̣ д̣̇ивасам̣ бана д̇ам̣ анабалогзд̇ваа яог̇ааважарабхигку вияа згагова бхун̃ж̇и. саа, ‘‘сааяанхагаалз ж̇ааниссаамий’’д̇и жинд̇зси. убаасаго д̇ам̣д̣̇ивасам̣ сириг̇аб̣бхам̣ на баависи, ан̃н̃ам̣ г̇аб̣бхам̣ бадиж̇аг̇г̇аабзд̇ваа габбияаман̃жагам̣ бан̃н̃абаабзд̇ваа нибаж̇ж̇и. убаасигаа, ‘‘гим̣ ну квасса б̣ахид̣̇д̇хаа бад̇т̇анаа ад̇т̇и, уд̣̇ааху гзнажид̣̇зва барибхзд̣̇агзна бхинно, уд̣̇ааху маяхзва гожи д̣̇осо ад̇т̇ий’’д̇и б̣алавад̣̇оманассаа худ̇ваа, ‘‘згам̣ д̣̇вз д̣̇ивасз васид̇агаалз саггаа н̃аад̇у’’нд̇и д̇асса убадтаанам̣ г̇анд̇ваа ванд̣̇ид̇ваа адтааси.
Dhammadinnā sīhapañjaraṃ ugghāṭetvā vīthiṃ olokayamānā tassa āgamanākāraṃ disvā, ‘‘kiṃ nu kho eta’’nti cintetvā tassa paccuggamanaṃ kurumānā sopānasīse ṭhatvā olambanatthaṃ hatthaṃ pasāresi. Upāsako attano hatthaṃ samiñjesi. Sā ‘‘pātarāsabhojanakāle jānissāmī’’ti cintesi. Upāsako pubbe tāya saddhiṃ ekato bhuñjati. Taṃ divasaṃ pana taṃ anapaloketvā yogāvacarabhikkhu viya ekakova bhuñji. Sā, ‘‘sāyanhakāle jānissāmī’’ti cintesi. Upāsako taṃdivasaṃ sirigabbhaṃ na pāvisi, aññaṃ gabbhaṃ paṭijaggāpetvā kappiyamañcakaṃ paññapāpetvā nipajji. Upāsikā, ‘‘kiṃ nu khvassa bahiddhā patthanā atthi, udāhu kenacideva paribhedakena bhinno, udāhu mayheva koci doso atthī’’ti balavadomanassā hutvā, ‘‘ekaṃ dve divase vasitakāle sakkā ñātu’’nti tassa upaṭṭhānaṃ gantvā vanditvā aṭṭhāsi.
убаасаго, ‘‘гим̣ д̇хаммад̣̇иннз агаалз ааг̇ад̇аасий’’д̇и бужчи. аама аяяабуд̇д̇а, ааг̇ад̇аамхи, на д̇вам̣ яат̇аа бураан̣о, гим̣ ну д̇з б̣ахид̣̇д̇хаа бад̇т̇анаа ад̇т̇ийд̇и? над̇т̇и д̇хаммад̣̇иннзд̇и. ан̃н̃о гожи барибхзд̣̇аго ад̇т̇ийд̇и? аяамби над̇т̇ийд̇и. звам̣ санд̇з маяхзва гожи д̣̇осо бхависсад̇ийд̇и. д̇уяхамби д̣̇осо над̇т̇ийд̇и. ат̇а гасмаа маяаа сад̣̇д̇хим̣ яат̇аа багад̇ияаа аалаабасаллаабамад̇д̇амби на гарот̇аад̇и? со жинд̇зси – ‘‘аяам̣ логуд̇д̇арад̇хаммо наама г̇ару бхаарияо на багаасзд̇ад̇аб̣б̣о, сажз ко банаахам̣ на гат̇зссаами, аяам̣ хад̣̇аяам̣ паалзд̇ваа зд̇т̇зва гаалам̣ гарзяяаа’’д̇и д̇ассаануг̇г̇ахад̇т̇ааяа гат̇зси – ‘‘д̇хаммад̣̇иннз ахам̣ сад̇т̇у д̇хаммад̣̇зсанам̣ суд̇ваа логуд̇д̇арад̇хаммам̣ наама ад̇хиг̇ад̇о, д̇ам̣ ад̇хиг̇ад̇асса зваруубаа логияагирияаа на ваддад̇и. яад̣̇и д̇вам̣ ижчаси, д̇ава жад̇д̇аалийса годияо мама жад̇д̇аалийса годияод̇и асийд̇игодид̇ханам̣ ад̇т̇и, зд̇т̇а иссараа худ̇ваа мама маад̇идтаанз ваа бхаг̇инидтаанз ваа тад̇ваа васа. д̇аяаа д̣̇иннзна бхад̇д̇абин̣д̣амад̇д̇агзна ахам̣ яаабзссаами. ат̇звам̣ на гароси, имз бхог̇з г̇ахзд̇ваа гулаг̇зхам̣ г̇ажча, ат̇ааби д̇з б̣ахид̣̇д̇хаа бад̇т̇анаа над̇т̇и, ахам̣ д̇ам̣ бхаг̇инидтаанз ваа д̇хид̇удтаанз ваа табзд̇ваа босзссаамий’’д̇и.
Upāsako, ‘‘kiṃ dhammadinne akāle āgatāsī’’ti pucchi. Āma ayyaputta, āgatāmhi, na tvaṃ yathā purāṇo, kiṃ nu te bahiddhā patthanā atthīti? Natthi dhammadinneti. Añño koci paribhedako atthīti? Ayampi natthīti. Evaṃ sante mayheva koci doso bhavissatīti. Tuyhampi doso natthīti. Atha kasmā mayā saddhiṃ yathā pakatiyā ālāpasallāpamattampi na karothāti? So cintesi – ‘‘ayaṃ lokuttaradhammo nāma garu bhāriyo na pakāsetatabbo, sace kho panāhaṃ na kathessāmi, ayaṃ hadayaṃ phāletvā ettheva kālaṃ kareyyā’’ti tassānuggahatthāya kathesi – ‘‘dhammadinne ahaṃ satthu dhammadesanaṃ sutvā lokuttaradhammaṃ nāma adhigato, taṃ adhigatassa evarūpā lokiyakiriyā na vaṭṭati. Yadi tvaṃ icchasi, tava cattālīsa koṭiyo mama cattālīsa koṭiyoti asītikoṭidhanaṃ atthi, ettha issarā hutvā mama mātiṭṭhāne vā bhaginiṭṭhāne vā ṭhatvā vasa. Tayā dinnena bhattapiṇḍamattakena ahaṃ yāpessāmi. Athevaṃ na karosi, ime bhoge gahetvā kulagehaṃ gaccha, athāpi te bahiddhā patthanā natthi, ahaṃ taṃ bhaginiṭṭhāne vā dhituṭṭhāne vā ṭhapetvā posessāmī’’ti.
саа жинд̇зси – ‘‘багад̇ибурисо звам̣ вад̇д̇аа наама над̇т̇и. ад̣̇д̇хаа зд̇зна логуд̇д̇араварад̇хаммо бадивид̣̇д̇хо. со бана д̇хаммо гим̣ бурисзхзва бадиб̣уж̇жхид̇аб̣б̣о, уд̣̇ааху маад̇уг̇аамоби бадивиж̇жхид̇ум̣ саггод̇ий’’д̇и висаакам̣ зд̇ад̣̇авожа – ‘‘гим̣ ну ко зсо д̇хаммо бурисзхзва лабхид̇аб̣б̣о, маад̇уг̇аамзнаби саггаа лад̣̇д̇ху’’нд̇и? гим̣ вад̣̇зси д̇хаммад̣̇иннз, яз бадибаннагаа, д̇з зд̇асса д̣̇ааяаад̣̇аа, яасса яасса убаниссаяо ад̇т̇и, со со зд̇ам̣ бадилабхад̇ийд̇и. звам̣ санд̇з маяхам̣ баб̣б̣аж̇ж̇ам̣ ануж̇аанаат̇аад̇и. саад̇ху бхад̣̇д̣̇з, ахамби д̇ам̣ зд̇асмим̣язва маг̇г̇з яож̇зд̇угаамо, манам̣ бана д̇з аж̇аанамаано на гат̇змийд̇и д̇аавад̣̇зва б̣имб̣исаарасса ран̃н̃о санд̇игам̣ г̇анд̇ваа ванд̣̇ид̇ваа адтааси.
Sā cintesi – ‘‘pakatipuriso evaṃ vattā nāma natthi. Addhā etena lokuttaravaradhammo paṭividdho. So pana dhammo kiṃ puriseheva paṭibujjhitabbo, udāhu mātugāmopi paṭivijjhituṃ sakkotī’’ti visākhaṃ etadavoca – ‘‘kiṃ nu kho eso dhammo puriseheva labhitabbo, mātugāmenapi sakkā laddhu’’nti? Kiṃ vadesi dhammadinne, ye paṭipannakā, te etassa dāyādā, yassa yassa upanissayo atthi, so so etaṃ paṭilabhatīti. Evaṃ sante mayhaṃ pabbajjaṃ anujānāthāti. Sādhu bhadde, ahampi taṃ etasmiṃyeva magge yojetukāmo, manaṃ pana te ajānamāno na kathemīti tāvadeva bimbisārassa rañño santikaṃ gantvā vanditvā aṭṭhāsi.
рааж̇аа , ‘‘гим̣, г̇ахабад̇и, агаалз ааг̇ад̇осий’’д̇и бужчи. д̇хаммад̣̇иннаа, ‘‘махаарааж̇а, баб̣б̣аж̇иссаамий’’д̇и вад̣̇ад̇ийд̇и. гим̣ банасса лад̣̇д̇хум̣ ваддад̇ийд̇и? ан̃н̃ам̣ гин̃жи над̇т̇и, сован̣н̣асивигам̣ д̣̇зва, лад̣̇д̇хум̣ ваддад̇и наг̇аран̃жа бадиж̇аг̇г̇аабзд̇унд̇и. рааж̇аа сован̣н̣асивигам̣ д̣̇ад̇ваа наг̇арам̣ бадиж̇аг̇г̇аабзси. висаако д̇хаммад̣̇иннам̣ г̇анд̇ход̣̇агзна нахаабзд̇ваа саб̣б̣аалан̇гаарзхи алан̇гаараабзд̇ваа сован̣н̣асивигааяа нисийд̣̇аабзд̇ваа н̃аад̇иг̇ан̣зна бариваараабзд̇ваа г̇анд̇хабубпаад̣̇ийхи бууж̇аяамаано наг̇араваасанам̣ гаронд̇о вияа бхигкуниубассаяам̣ г̇анд̇ваа, ‘‘д̇хаммад̣̇иннам̣ баб̣б̣ааж̇зт̇ааяяз’’д̇и ааха. бхигкунияо ‘‘згам̣ ваа д̣̇вз ваа д̣̇осз сахид̇ум̣ ваддад̇и г̇ахабад̇ий’’д̇и аахам̣су. над̇т̇аяяз гожи д̣̇осо, сад̣̇д̇хааяа баб̣б̣аж̇ад̇ийд̇и. ат̇згаа б̣яад̇д̇аа т̇зрий д̇ажабан̃жагагаммадтаанам̣ аажигкид̇ваа гзсз охаарзд̇ваа баб̣б̣ааж̇зси. висаако, ‘‘абхирамаяяз, сваагкаад̇о д̇хаммо’’д̇и ванд̣̇ид̇ваа баггаами.
Rājā , ‘‘kiṃ, gahapati, akāle āgatosī’’ti pucchi. Dhammadinnā, ‘‘mahārāja, pabbajissāmī’’ti vadatīti. Kiṃ panassa laddhuṃ vaṭṭatīti? Aññaṃ kiñci natthi, sovaṇṇasivikaṃ deva, laddhuṃ vaṭṭati nagarañca paṭijaggāpetunti. Rājā sovaṇṇasivikaṃ datvā nagaraṃ paṭijaggāpesi. Visākho dhammadinnaṃ gandhodakena nahāpetvā sabbālaṅkārehi alaṅkārāpetvā sovaṇṇasivikāya nisīdāpetvā ñātigaṇena parivārāpetvā gandhapupphādīhi pūjayamāno nagaravāsanaṃ karonto viya bhikkhuniupassayaṃ gantvā, ‘‘dhammadinnaṃ pabbājethāyye’’ti āha. Bhikkhuniyo ‘‘ekaṃ vā dve vā dose sahituṃ vaṭṭati gahapatī’’ti āhaṃsu. Natthayye koci doso, saddhāya pabbajatīti. Athekā byattā therī tacapañcakakammaṭṭhānaṃ ācikkhitvā kese ohāretvā pabbājesi. Visākho, ‘‘abhiramayye, svākkhāto dhammo’’ti vanditvā pakkāmi.
д̇ассаа баб̣б̣аж̇ид̇ад̣̇ивасад̇о бадтааяа лаабхасаггааро уббаж̇ж̇и. д̇знзва балиб̣уд̣̇д̇хаа саман̣ад̇хаммам̣ гаад̇ум̣ огаасам̣ на лабхад̇и. ат̇аажарияа-убаж̇жхааяат̇зрияо г̇ахзд̇ваа ж̇анабад̣̇ам̣ г̇анд̇ваа адтад̇им̣сааяа аарамман̣зсу жид̇д̇аружид̇ам̣ гаммадтаанам̣ гат̇аабзд̇ваа саман̣ад̇хаммам̣ гаад̇ум̣ аарад̣̇д̇хаа, абхинийхаарасамбаннад̇д̇аа бана наад̇ижирам̣ гиламид̇т̇а.
Tassā pabbajitadivasato paṭṭhāya lābhasakkāro uppajji. Teneva palibuddhā samaṇadhammaṃ kātuṃ okāsaṃ na labhati. Athācariya-upajjhāyatheriyo gahetvā janapadaṃ gantvā aṭṭhatiṃsāya ārammaṇesu cittarucitaṃ kammaṭṭhānaṃ kathāpetvā samaṇadhammaṃ kātuṃ āraddhā, abhinīhārasampannattā pana nāticiraṃ kilamittha.
ид̇о бадтааяа хи сад̇асахассагаббамад̇т̇агз бад̣̇умуд̇д̇аро наама сад̇т̇аа логз уд̣̇абаад̣̇и. д̇ад̣̇аа зсаа згасмим̣ гулз д̣̇аасий худ̇ваа ад̇д̇ано гзсз виггин̣ид̇ваа суж̇аад̇ад̇т̇зрасса наама аг̇г̇асаавагасса д̣̇аанам̣ д̣̇ад̇ваа бад̇т̇анамагааси. саа д̇ааяа бад̇т̇анаабхинийхаарасамбад̇д̇ияаа наад̇ижирам̣ гиламид̇т̇а, гад̇ибаахзнзва арахад̇д̇ам̣ бад̇ваа жинд̇зси – ‘‘ахам̣ язнад̇т̇зна саасанз баб̣б̣аж̇ид̇аа, со мад̇т̇агам̣ бад̇д̇о, гим̣ мз ж̇анабад̣̇аваасзна, маяхам̣ н̃аад̇агааби бун̃н̃аани гариссанд̇и, бхигкунисан̇гхоби бажжаязхи на гиламиссад̇и, рааж̇аг̇ахам̣ г̇ажчаамий’’д̇и бхигкунисан̇гхам̣ г̇ахзд̇ваа рааж̇аг̇ахамзва аг̇амааси. висаако, ‘‘д̇хаммад̣̇иннаа гира ааг̇ад̇аа’’д̇и суд̇ваа, ‘‘баб̣б̣аж̇ид̇ваа нажирассзва ж̇анабад̣̇ам̣ г̇ад̇аа, г̇анд̇вааби нажирассзва бажжааг̇ад̇аа, гим̣ ну ко бхависсад̇и, г̇анд̇ваа ж̇ааниссаамий’’д̇и д̣̇уд̇ияаг̇аманзна бхигкуниубассаяам̣ аг̇амааси. д̇зна вуд̇д̇ам̣ – ‘‘ат̇а ко висаако убаасаго язна д̇хаммад̣̇иннаа бхигкуний д̇знубасан̇гамий’’д̇и.
Ito paṭṭhāya hi satasahassakappamatthake padumuttaro nāma satthā loke udapādi. Tadā esā ekasmiṃ kule dāsī hutvā attano kese vikkiṇitvā sujātattherassa nāma aggasāvakassa dānaṃ datvā patthanamakāsi. Sā tāya patthanābhinīhārasampattiyā nāticiraṃ kilamittha, katipāheneva arahattaṃ patvā cintesi – ‘‘ahaṃ yenatthena sāsane pabbajitā, so matthakaṃ patto, kiṃ me janapadavāsena, mayhaṃ ñātakāpi puññāni karissanti, bhikkhunisaṅghopi paccayehi na kilamissati, rājagahaṃ gacchāmī’’ti bhikkhunisaṅghaṃ gahetvā rājagahameva agamāsi. Visākho, ‘‘dhammadinnā kira āgatā’’ti sutvā, ‘‘pabbajitvā nacirasseva janapadaṃ gatā, gantvāpi nacirasseva paccāgatā, kiṃ nu kho bhavissati, gantvā jānissāmī’’ti dutiyagamanena bhikkhuniupassayaṃ agamāsi. Tena vuttaṃ – ‘‘atha kho visākho upāsako yena dhammadinnā bhikkhunī tenupasaṅkamī’’ti.
зд̇ад̣̇авожаад̇и зд̇ам̣ саггааяод̇иаад̣̇иважанам̣ авожа. гасмаа авожаад̇и? звам̣ гирасса ахоси – ‘‘абхирамаси наабхирамаси, аяяз’’д̇и звам̣ бужчанам̣ наама на бан̣д̣ид̇агижжам̣, бан̃жубаад̣̇аанагканд̇хз убанзд̇ваа бан̃хам̣ бужчиссаами, бан̃хаб̣яаагаран̣зна д̇ассаа абхирад̇им̣ ваа анабхирад̇им̣ ваа ж̇ааниссаамийд̇и, д̇асмаа авожа. д̇ам̣ суд̇ваава д̇хаммад̣̇иннаа ахам̣, аавусо висаака, ажирабаб̣б̣аж̇ид̇аа сагааяам̣ ваа барагааяам̣ ваа гуд̇о ж̇ааниссаамийд̇и ваа, ан̃н̃ад̇т̇зрияо убасан̇гамид̇ваа бужчаад̇и ваа авад̇ваа убанигкид̇д̇ам̣ самбадижчамаанаа вияа, згабаасагаг̇ан̣тим̣ можзнд̇ий вияа г̇аханадтаанз хад̇т̇имаг̇г̇ам̣ нийхарамаанаа вияа каг̇г̇амукзна самуг̇г̇ам̣ виварамаанаа вияа жа бадисамбхид̣̇аависаяз тад̇ваа бан̃хам̣ виссаж̇ж̇амаанаа, бан̃жа ко имз, аавусо висаака, убаад̣̇аанагканд̇хаад̇иаад̣̇имааха. д̇ад̇т̇а бан̃жаад̇и г̇ан̣анабарижчзд̣̇о. убаад̣̇аанагканд̇хаад̇и убаад̣̇аанаанам̣ бажжаяабхууд̇аа канд̇хаад̇и звамаад̣̇инаа наязнзд̇т̇а убаад̣̇аанагканд̇хагат̇аа вид̇т̇аарзд̇ваа гат̇зд̇аб̣б̣аа. саа банзсаа висуд̣̇д̇химаг̇г̇з вид̇т̇аарид̇аа зваад̇и д̇ад̇т̇а вид̇д̇аарид̇анаязнзва взд̣̇ид̇аб̣б̣аа. саггааяасамуд̣̇аяаад̣̇ийсуби яам̣ вад̇д̇аб̣б̣ам̣, д̇ам̣ хздтаа д̇ад̇т̇а д̇ад̇т̇а вуд̇д̇амзва.
Etadavocāti etaṃ sakkāyotiādivacanaṃ avoca. Kasmā avocāti? Evaṃ kirassa ahosi – ‘‘abhiramasi nābhiramasi, ayye’’ti evaṃ pucchanaṃ nāma na paṇḍitakiccaṃ, pañcupādānakkhandhe upanetvā pañhaṃ pucchissāmi, pañhabyākaraṇena tassā abhiratiṃ vā anabhiratiṃ vā jānissāmīti, tasmā avoca. Taṃ sutvāva dhammadinnā ahaṃ, āvuso visākha, acirapabbajitā sakāyaṃ vā parakāyaṃ vā kuto jānissāmīti vā, aññattheriyo upasaṅkamitvā pucchāti vā avatvā upanikkhittaṃ sampaṭicchamānā viya, ekapāsakagaṇṭhiṃ mocentī viya gahanaṭṭhāne hatthimaggaṃ nīharamānā viya khaggamukhena samuggaṃ vivaramānā viya ca paṭisambhidāvisaye ṭhatvā pañhaṃ vissajjamānā, pañca kho ime, āvuso visākha, upādānakkhandhātiādimāha. Tattha pañcāti gaṇanaparicchedo. Upādānakkhandhāti upādānānaṃ paccayabhūtā khandhāti evamādinā nayenettha upādānakkhandhakathā vitthāretvā kathetabbā. Sā panesā visuddhimagge vitthāritā evāti tattha vittāritanayeneva veditabbā. Sakkāyasamudayādīsupi yaṃ vattabbaṃ, taṃ heṭṭhā tattha tattha vuttameva.
ид̣̇ам̣ бана жад̇усажжаб̣яаагаран̣ам̣ суд̇ваа висаако т̇зрияаа абхирад̇абхаавам̣ ан̃н̃ааси. яо хи б̣уд̣̇д̇хасаасанз угган̣тид̇о ход̇и анабхирад̇о, со звам̣ бужчид̇абужчид̇абан̃хам̣ сан̣д̣аасзна згзгам̣ балид̇ам̣ г̇ан̣ханд̇о вияа, синзрубаад̣̇ад̇о ваалугам̣ уд̣̇д̇харанд̇о вияа виссаж̇ж̇зд̇ум̣ на саггод̇и. яасмаа бана имаани жад̇д̇аари сажжаани логз жанд̣̇имасуурияаа вияа б̣уд̣̇д̇хасаасанз баагадаани, барисамаж̇жхз г̇ад̇о хи бхаг̇авааби махаат̇зрааби сажжаанзва багаасзнд̇и; бхигкусан̇гхоби баб̣б̣аж̇ид̇ад̣̇ивасад̇о бадтааяа гулабуд̇д̇з жад̇д̇аари наама гим̣, жад̇д̇аари арияасажжаанийд̇и бан̃хам̣ уг̇г̇ан̣хаабзд̇и. аяан̃жа д̇хаммад̣̇иннаа убааяагосаллз тид̇аа бан̣д̣ид̇аа б̣яад̇д̇аа наяам̣ г̇ахзд̇ваа суд̇знаби гат̇зд̇ум̣ самад̇т̇аа, д̇асмаа ‘‘на саггаа зд̇иссаа зд̇д̇аавад̇аа сажжаанам̣ бадивид̣̇д̇хабхааво н̃аад̇ум̣, сажжавиниб̣бхог̇абан̃хаб̣яаагаран̣зна саггаа н̃аад̇у’’нд̇и жинд̇зд̇ваа хздтаа гат̇ид̇аани д̣̇вз сажжаани бадинивад̇д̇зд̇ваа г̇ул̣хам̣ гад̇ваа г̇ан̣тибан̃хам̣ бужчиссаамийд̇и бужчанд̇о д̇ан̃н̃зва ну ко, аяязд̇иаад̣̇имааха.
Idaṃ pana catusaccabyākaraṇaṃ sutvā visākho theriyā abhiratabhāvaṃ aññāsi. Yo hi buddhasāsane ukkaṇṭhito hoti anabhirato, so evaṃ pucchitapucchitapañhaṃ saṇḍāsena ekekaṃ palitaṃ gaṇhanto viya, sinerupādato vālukaṃ uddharanto viya vissajjetuṃ na sakkoti. Yasmā pana imāni cattāri saccāni loke candimasūriyā viya buddhasāsane pākaṭāni, parisamajjhe gato hi bhagavāpi mahātherāpi saccāneva pakāsenti; bhikkhusaṅghopi pabbajitadivasato paṭṭhāya kulaputte cattāri nāma kiṃ, cattāri ariyasaccānīti pañhaṃ uggaṇhāpeti. Ayañca dhammadinnā upāyakosalle ṭhitā paṇḍitā byattā nayaṃ gahetvā sutenapi kathetuṃ samatthā, tasmā ‘‘na sakkā etissā ettāvatā saccānaṃ paṭividdhabhāvo ñātuṃ, saccavinibbhogapañhabyākaraṇena sakkā ñātu’’nti cintetvā heṭṭhā kathitāni dve saccāni paṭinivattetvā guḷhaṃ katvā gaṇṭhipañhaṃ pucchissāmīti pucchanto taññeva nu kho, ayyetiādimāha.
д̇асса виссаж̇ж̇анз на ко, аавусо висаака, д̇ан̃н̃зва убаад̣̇аананд̇и убаад̣̇аанасса сан̇каарагканд̇хзгад̣̇зсабхаавад̇о на д̇ам̣язва убаад̣̇аанам̣ д̇з бан̃жубаад̣̇аанагканд̇хаа, нааби ан̃н̃ад̇ра бан̃жахи убаад̣̇аанагканд̇хзхи убаад̣̇аанам̣. яад̣̇и хи д̇ан̃н̃зва сияаа, руубаад̣̇исабхаавамби убаад̣̇аанам̣ сияаа. яад̣̇и ан̃н̃ад̇ра сияаа, барасамаяз жид̇д̇авиббаяуд̇д̇о анусаяо вияа бан̣н̣ад̇д̇и вияа ниб̣б̣аанам̣ вияа жа канд̇хавинимуд̇д̇ам̣ ваа сияаа, чадто ваа канд̇хо бан̃н̃абзд̇аб̣б̣о бхавзяяа, д̇асмаа звам̣ б̣яаагааси. д̇ассаа б̣яаагаран̣ам̣ суд̇ваа ‘‘ад̇хиг̇ад̇абад̇идтаа аяа’’нд̇и висаако нидтамаг̇амааси. на хи саггаа акийн̣аасавзна асамб̣ад̣̇д̇хзна авид̇т̇ааяанд̇зна бад̣̇ийбасахассам̣ ж̇аалзнд̇зна вияа зваруубо г̇ул̣хо бадижчанно д̇илагкан̣аахад̇о г̇амбхийро бан̃хо виссаж̇ж̇зд̇ум̣. нидтам̣ г̇анд̇ваа бана, ‘‘аяам̣ д̇хаммад̣̇иннаа саасанз лад̣̇д̇хабад̇идтаа ад̇хиг̇ад̇абадисамбхид̣̇аа взсаараж̇ж̇аббад̇д̇аа бхавамад̇т̇агз тид̇аа махаакийн̣аасаваа, самад̇т̇аа маяхам̣ бужчид̇абан̃хам̣ гат̇зд̇ум̣, ид̣̇аани бана нам̣ овад̇д̇игасаарам̣ бан̃хам̣ бужчиссаамий’’д̇и жинд̇зд̇ваа д̇ам̣ бужчанд̇о, гат̇ам̣ банааяязд̇иаад̣̇имааха.
Tassa vissajjane na kho, āvuso visākha, taññeva upādānanti upādānassa saṅkhārakkhandhekadesabhāvato na taṃyeva upādānaṃ te pañcupādānakkhandhā, nāpi aññatra pañcahi upādānakkhandhehi upādānaṃ. Yadi hi taññeva siyā, rūpādisabhāvampi upādānaṃ siyā. Yadi aññatra siyā, parasamaye cittavippayutto anusayo viya paṇṇatti viya nibbānaṃ viya ca khandhavinimuttaṃ vā siyā, chaṭṭho vā khandho paññapetabbo bhaveyya, tasmā evaṃ byākāsi. Tassā byākaraṇaṃ sutvā ‘‘adhigatapatiṭṭhā aya’’nti visākho niṭṭhamagamāsi. Na hi sakkā akhīṇāsavena asambaddhena avitthāyantena padīpasahassaṃ jālentena viya evarūpo guḷho paṭicchanno tilakkhaṇāhato gambhīro pañho vissajjetuṃ. Niṭṭhaṃ gantvā pana, ‘‘ayaṃ dhammadinnā sāsane laddhapatiṭṭhā adhigatapaṭisambhidā vesārajjappattā bhavamatthake ṭhitā mahākhīṇāsavā, samatthā mayhaṃ pucchitapañhaṃ kathetuṃ, idāni pana naṃ ovattikasāraṃ pañhaṃ pucchissāmī’’ti cintetvā taṃ pucchanto, kathaṃ panāyyetiādimāha.
461. д̇асса виссаж̇ж̇анз ассуд̇аваад̇иаад̣̇и муулабарияааяз вид̇т̇аарид̇амзва. руубам̣ ад̇д̇ад̇о саманубассад̇ийд̇и, ‘‘ид̇хзгажжо руубам̣ ад̇д̇ад̇о саманубассад̇и. яам̣ руубам̣ со ахам̣, яо ахам̣ д̇ам̣ руубанд̇и руубан̃жа ад̇д̇ан̃жа ад̣̇ваяам̣ саманубассад̇и. сзяяат̇ааби наама д̇злаббад̣̇ийбасса жхааяад̇о яаа ажжи со ван̣н̣о, яо ван̣н̣о саа ажжийд̇и ажжин̃жа ван̣н̣ан̃жа ад̣̇ваяам̣ саманубассад̇и. звамзва ид̇хзгажжо руубам̣ ад̇д̇ад̇о саманубассад̇и…бз… ад̣̇ваяам̣ саманубассад̇ий’’д̇и (бади. ма. 1.131) звам̣ руубам̣ ад̇д̇аад̇и д̣̇идтибассанааяа бассад̇и. руубаванд̇ам̣ ваа ад̇д̇аананд̇и аруубам̣ ад̇д̇аад̇и г̇ахзд̇ваа чааяааванд̇ам̣ ругкам̣ вияа д̇ам̣ ад̇д̇аанам̣ руубаванд̇ам̣ саманубассад̇и. ад̇д̇ани ваа руубанд̇и аруубамзва ад̇д̇аад̇и г̇ахзд̇ваа бубпасмим̣ г̇анд̇хам̣ вияа ад̇д̇ани руубам̣ саманубассад̇и. руубасмим̣ ваа ад̇д̇аананд̇и аруубамзва ад̇д̇аад̇и г̇ахзд̇ваа гаран̣д̣ааяа ман̣им̣ вияа ад̇д̇аанам̣ руубасмим̣ саманубассад̇и. взд̣̇анам̣ ад̇д̇ад̇од̇иаад̣̇ийсуби зсзва наяо.
461. Tassa vissajjane assutavātiādi mūlapariyāye vitthāritameva. Rūpaṃ attato samanupassatīti, ‘‘idhekacco rūpaṃ attato samanupassati. Yaṃ rūpaṃ so ahaṃ, yo ahaṃ taṃ rūpanti rūpañca attañca advayaṃ samanupassati. Seyyathāpi nāma telappadīpassa jhāyato yā acci so vaṇṇo, yo vaṇṇo sā accīti acciñca vaṇṇañca advayaṃ samanupassati. Evameva idhekacco rūpaṃ attato samanupassati…pe… advayaṃ samanupassatī’’ti (paṭi. ma. 1.131) evaṃ rūpaṃ attāti diṭṭhipassanāya passati. Rūpavantaṃ vā attānanti arūpaṃ attāti gahetvā chāyāvantaṃ rukkhaṃ viya taṃ attānaṃ rūpavantaṃ samanupassati. Attani vā rūpanti arūpameva attāti gahetvā pupphasmiṃ gandhaṃ viya attani rūpaṃ samanupassati. Rūpasmiṃ vā attānanti arūpameva attāti gahetvā karaṇḍāya maṇiṃ viya attānaṃ rūpasmiṃ samanupassati. Vedanaṃ attatotiādīsupi eseva nayo.
д̇ад̇т̇а, руубам̣ ад̇д̇ад̇о саманубассад̇ийд̇и суд̣̇д̇харуубамзва ад̇д̇аад̇и гат̇ид̇ам̣. руубаванд̇ам̣ ваа ад̇д̇аанам̣, ад̇д̇ани ваа руубам̣, руубасмим̣ ваа ад̇д̇аанам̣. взд̣̇анам̣ ад̇д̇ад̇о… сан̃н̃ам̣… сан̇каарз… вин̃н̃аан̣ам̣ ад̇д̇ад̇о саманубассад̇ийд̇и имзсу сад̇д̇асу таанзсу аруубам̣ ад̇д̇аад̇и гат̇ид̇ам̣. взд̣̇анааванд̇ам̣ ваа ад̇д̇аанам̣, ад̇д̇ани ваа взд̣̇анам̣, взд̣̇анааяа ваа ад̇д̇аананд̇и звам̣ жад̇уусу канд̇хзсу д̇ин̣н̣ам̣ д̇ин̣н̣ам̣ васзна д̣̇ваад̣̇асасу таанзсу руубааруубамиссаго ад̇д̇аа гат̇ид̇о. д̇ад̇т̇а руубам̣ ад̇д̇ад̇о саманубассад̇и… взд̣̇анам̣… сан̃н̃ам̣… сан̇каарз… вин̃н̃аан̣ам̣ ад̇д̇ад̇о саманубассад̇ийд̇и имзсу бан̃жасу таанзсу ужчзд̣̇ад̣̇идти гат̇ид̇аа, авасзсзсу сассад̇ад̣̇идтийд̇и. звамзд̇т̇а баннараса бхавад̣̇идтияо, бан̃жа вибхавад̣̇идтияо хонд̇и. на руубам̣ ад̇д̇ад̇од̇и зд̇т̇а руубам̣ ад̇д̇аад̇и на саманубассад̇и. анижжам̣ д̣̇угкам̣ анад̇д̇аад̇и бана саманубассад̇и. на руубаванд̇ам̣ ад̇д̇аанам̣…бз… на вин̃н̃аан̣асмим̣ ад̇д̇аананд̇и имз бан̃жагканд̇хз гзнажи барияааязна ад̇д̇ад̇о на саманубассад̇и, саб̣б̣аагаарзна бана анижжаа д̣̇угкаа анад̇д̇аад̇и саманубассад̇и.
Tattha, rūpaṃ attato samanupassatīti suddharūpameva attāti kathitaṃ. Rūpavantaṃ vā attānaṃ, attani vā rūpaṃ, rūpasmiṃ vā attānaṃ. Vedanaṃ attato… saññaṃ… saṅkhāre… viññāṇaṃ attato samanupassatīti imesu sattasu ṭhānesu arūpaṃ attāti kathitaṃ. Vedanāvantaṃ vā attānaṃ, attani vā vedanaṃ, vedanāya vā attānanti evaṃ catūsu khandhesu tiṇṇaṃ tiṇṇaṃ vasena dvādasasu ṭhānesu rūpārūpamissako attā kathito. Tattha rūpaṃ attato samanupassati… vedanaṃ… saññaṃ… saṅkhāre… viññāṇaṃ attato samanupassatīti imesu pañcasu ṭhānesu ucchedadiṭṭhi kathitā, avasesesu sassatadiṭṭhīti. Evamettha pannarasa bhavadiṭṭhiyo, pañca vibhavadiṭṭhiyo honti. Na rūpaṃ attatoti ettha rūpaṃ attāti na samanupassati. Aniccaṃ dukkhaṃ anattāti pana samanupassati. Na rūpavantaṃ attānaṃ…pe… na viññāṇasmiṃ attānanti ime pañcakkhandhe kenaci pariyāyena attato na samanupassati, sabbākārena pana aniccā dukkhā anattāti samanupassati.
зд̇д̇аавад̇аа т̇зрияаа, ‘‘звам̣ ко, аавусо висаака, саггааяад̣̇идти ход̇ий’’д̇и звам̣ буримабан̃хам̣ виссаж̇ж̇знд̇ияаа зд̇д̇агзна г̇аманам̣ ход̇и, ааг̇аманам̣ ход̇и, г̇аманааг̇аманам̣ ход̇и, ваддам̣ вад̇д̇ад̇ийд̇и ваддам̣ мад̇т̇агам̣ баабзд̇ваа д̣̇ассид̇ам̣. звам̣ ко, аавусо висаака, саггааяад̣̇идти на ход̇ийд̇и бажчимам̣ бан̃хам̣ виссаж̇ж̇знд̇ияаа зд̇д̇агзна г̇аманам̣ на ход̇и, ааг̇аманам̣ на ход̇и, г̇аманааг̇аманам̣ на ход̇и, ваддам̣ наама на вад̇д̇ад̇ийд̇и виваддам̣ мад̇т̇агам̣ баабзд̇ваа д̣̇ассид̇ам̣.
Ettāvatā theriyā, ‘‘evaṃ kho, āvuso visākha, sakkāyadiṭṭhi hotī’’ti evaṃ purimapañhaṃ vissajjentiyā ettakena gamanaṃ hoti, āgamanaṃ hoti, gamanāgamanaṃ hoti, vaṭṭaṃ vattatīti vaṭṭaṃ matthakaṃ pāpetvā dassitaṃ. Evaṃ kho, āvuso visākha, sakkāyadiṭṭhi na hotīti pacchimaṃ pañhaṃ vissajjentiyā ettakena gamanaṃ na hoti, āgamanaṃ na hoti, gamanāgamanaṃ na hoti, vaṭṭaṃ nāma na vattatīti vivaṭṭaṃ matthakaṃ pāpetvā dassitaṃ.
462. гад̇амо банааяяз, арияо адтан̇г̇иго маг̇г̇од̇и аяам̣ бан̃хо т̇зрияаа бадибужчид̇ваа виссаж̇ж̇зд̇аб̣б̣о бхавзяяа – ‘‘убаасага, д̇аяаа хздтаа маг̇г̇о бужчид̇о, ид̇ха гасмаа маг̇г̇амзва бужчасий’’д̇и. саа бана ад̇д̇ано б̣яад̇д̇ад̇ааяа бан̣д̣ижжзна д̇асса ад̇хиббааяам̣ саллагкзси – ‘‘иминаа убаасагзна хздтаа бадибад̇д̇ивасзна маг̇г̇о бужчид̇о бхависсад̇и, ид̇ха бана д̇ам̣ сан̇кад̇аасан̇кад̇алогияалогуд̇д̇арасан̇г̇ахид̇аасан̇г̇ахид̇авасзна бужчид̇угаамо бхависсад̇ий’’д̇и. д̇асмаа аббадибужчид̇ваава яам̣ яам̣ бужчи, д̇ам̣ д̇ам̣ виссаж̇ж̇зси. д̇ад̇т̇а сан̇кад̇од̇и жзд̇ид̇о габбид̇о багаббид̇о ааяуухид̇о гад̇о ниб̣б̣ад̇д̇ид̇о самаабаж̇ж̇анд̇зна самаабаж̇ж̇ид̇аб̣б̣о. д̇ийхи жа ко, аавусо висаака, канд̇хзхи арияо адтан̇г̇иго маг̇г̇о сан̇г̇ахид̇од̇и зд̇т̇а яасмаа маг̇г̇о саббад̣̇зсо, д̇аяо канд̇хаа ниббад̣̇зсаа, д̇асмаа аяам̣ саббад̣̇зсад̇д̇аа наг̇арам̣ вияа раж̇ж̇зна ниббад̣̇зсзхи д̇ийхи канд̇хзхи сан̇г̇ахид̇о. д̇ад̇т̇а саммааваажаад̣̇аяо д̇аяо сийламзва, д̇асмаа д̇з саж̇аад̇ид̇о сийлагканд̇хзна сан̇г̇ахид̇аад̇и. гин̃жааби хи баал̣ияам̣ сийлагканд̇хзд̇и бхуммзна вияа нид̣̇д̣̇зсо гад̇о, ад̇т̇о бана гаран̣авасзна взд̣̇ид̇аб̣б̣о. саммаавааяаамаад̣̇ийсу бана д̇ийсу самаад̇хи ад̇д̇ано д̇хаммад̇ааяа аарамман̣з згаг̇г̇абхаавзна аббзд̇ум̣ на саггод̇и. вийрияз бана баг̇г̇ахагижжам̣ саад̇хзнд̇з сад̇ияаа жа абилаабанагижжам̣ саад̇хзнд̇ияаа лад̣̇д̇хуубагааро худ̇ваа саггод̇и.
462.Katamo panāyye, ariyo aṭṭhaṅgiko maggoti ayaṃ pañho theriyā paṭipucchitvā vissajjetabbo bhaveyya – ‘‘upāsaka, tayā heṭṭhā maggo pucchito, idha kasmā maggameva pucchasī’’ti. Sā pana attano byattatāya paṇḍiccena tassa adhippāyaṃ sallakkhesi – ‘‘iminā upāsakena heṭṭhā paṭipattivasena maggo pucchito bhavissati, idha pana taṃ saṅkhatāsaṅkhatalokiyalokuttarasaṅgahitāsaṅgahitavasena pucchitukāmo bhavissatī’’ti. Tasmā appaṭipucchitvāva yaṃ yaṃ pucchi, taṃ taṃ vissajjesi. Tattha saṅkhatoti cetito kappito pakappito āyūhito kato nibbattito samāpajjantena samāpajjitabbo. Tīhi ca kho, āvuso visākha, khandhehi ariyo aṭṭhaṅgiko maggo saṅgahitoti ettha yasmā maggo sappadeso, tayo khandhā nippadesā, tasmā ayaṃ sappadesattā nagaraṃ viya rajjena nippadesehi tīhi khandhehi saṅgahito. Tattha sammāvācādayo tayo sīlameva, tasmā te sajātito sīlakkhandhena saṅgahitāti. Kiñcāpi hi pāḷiyaṃ sīlakkhandheti bhummena viya niddeso kato, attho pana karaṇavasena veditabbo. Sammāvāyāmādīsu pana tīsu samādhi attano dhammatāya ārammaṇe ekaggabhāvena appetuṃ na sakkoti. Vīriye pana paggahakiccaṃ sādhente satiyā ca apilāpanakiccaṃ sādhentiyā laddhūpakāro hutvā sakkoti.
д̇ад̇рааяам̣ убамаа – яат̇аа хи ‘‘нагкад̇д̇ам̣ гийл̣иссаамаа’’д̇и уяяаанам̣ бавидтзсу д̇ийсу сахааязсу зго субубпид̇ам̣ жамбагаругкам̣ д̣̇исваа хад̇т̇ам̣ угкибид̇вааби г̇ахзд̇ум̣ на саггун̣зяяа. ат̇асса д̣̇уд̇ияо онамид̇ваа бидтим̣ д̣̇ад̣̇зяяа, со д̇асса бидтияам̣ тад̇вааби гамбамаано г̇ахзд̇ум̣ на саггун̣зяяа . ат̇асса ид̇аро ам̣сагуудам̣ убанаамзяяа, со згасса бидтияам̣ тад̇ваа згасса ам̣сагуудам̣ олуб̣бха яат̇ааружи бубпаани ожинид̇ваа бил̣анд̇хид̇ваа нагкад̇д̇ам̣ гийл̣зяяа. звам̣самбад̣̇амид̣̇ам̣ д̣̇адтаб̣б̣ам̣. згад̇о уяяаанам̣ бавидтаа д̇аяо сахааяагаа вияа хи згад̇о ж̇аад̇аа саммаавааяаамаад̣̇аяо д̇аяо д̇хаммаа. субубпид̇ажамбаго вияа аарамман̣ам̣. хад̇т̇ам̣ угкибид̇вааби г̇ахзд̇ум̣ асаггонд̇о вияа ад̇д̇ано д̇хаммад̇ааяа аарамман̣з згаг̇г̇абхаавзна аббзд̇ум̣ асаггонд̇о самаад̇хи. бидтим̣ д̣̇ад̇ваа онад̇асахааяо вияа вааяаамо. ам̣сагуудам̣ д̣̇ад̇ваа тид̇асахааяо вияа сад̇и. яат̇аа д̇зсу згасса бидтияам̣ тад̇ваа згасса ам̣сагуудам̣ олуб̣бха ид̇аро яат̇ааружи бубпам̣ г̇ахзд̇ум̣ саггод̇и, звамзвам̣ вийрияз баг̇г̇ахагижжам̣ саад̇хзнд̇з, сад̇ияаа жа абилаабанагижжам̣ саад̇хзнд̇ияаа лад̣̇д̇хубагааро самаад̇хи саггод̇и аарамман̣з згаг̇г̇абхаавзна аббзд̇ум̣. д̇асмаа самаад̇хиязвзд̇т̇а саж̇аад̇ид̇о самаад̇хигканд̇хзна сан̇г̇ахид̇о. вааяаамасад̇ияо бана гирияад̇о сан̇г̇ахид̇аа хонд̇и.
Tatrāyaṃ upamā – yathā hi ‘‘nakkhattaṃ kīḷissāmā’’ti uyyānaṃ paviṭṭhesu tīsu sahāyesu eko supupphitaṃ campakarukkhaṃ disvā hatthaṃ ukkhipitvāpi gahetuṃ na sakkuṇeyya. Athassa dutiyo onamitvā piṭṭhiṃ dadeyya, so tassa piṭṭhiyaṃ ṭhatvāpi kampamāno gahetuṃ na sakkuṇeyya . Athassa itaro aṃsakūṭaṃ upanāmeyya, so ekassa piṭṭhiyaṃ ṭhatvā ekassa aṃsakūṭaṃ olubbha yathāruci pupphāni ocinitvā piḷandhitvā nakkhattaṃ kīḷeyya. Evaṃsampadamidaṃ daṭṭhabbaṃ. Ekato uyyānaṃ paviṭṭhā tayo sahāyakā viya hi ekato jātā sammāvāyāmādayo tayo dhammā. Supupphitacampako viya ārammaṇaṃ. Hatthaṃ ukkhipitvāpi gahetuṃ asakkonto viya attano dhammatāya ārammaṇe ekaggabhāvena appetuṃ asakkonto samādhi. Piṭṭhiṃ datvā onatasahāyo viya vāyāmo. Aṃsakūṭaṃ datvā ṭhitasahāyo viya sati. Yathā tesu ekassa piṭṭhiyaṃ ṭhatvā ekassa aṃsakūṭaṃ olubbha itaro yathāruci pupphaṃ gahetuṃ sakkoti, evamevaṃ vīriye paggahakiccaṃ sādhente, satiyā ca apilāpanakiccaṃ sādhentiyā laddhupakāro samādhi sakkoti ārammaṇe ekaggabhāvena appetuṃ. Tasmā samādhiyevettha sajātito samādhikkhandhena saṅgahito. Vāyāmasatiyo pana kiriyato saṅgahitā honti.
саммаад̣̇идтисаммаасан̇габбзсуби бан̃н̃аа ад̇д̇ано д̇хаммад̇ааяа анижжам̣ д̣̇угкам̣ анад̇д̇аад̇и аарамман̣ам̣ нижчзд̇ум̣ на саггод̇и, вид̇аггз бана аагодзд̇ваа аагодзд̇ваа д̣̇знд̇з саггод̇и. гат̇ам̣? яат̇аа хи хзран̃н̃иго гахаабан̣ам̣ хад̇т̇з табзд̇ваа саб̣б̣абхааг̇зсу ологзд̇угаамо самааноби на жагкуд̣̇алзнзва баривад̇д̇зд̇ум̣ саггод̇и, ан̇г̇улибаб̣б̣зхи бана баривад̇д̇зд̇ваа ид̇о жид̇о жа ологзд̇ум̣ саггод̇и. звамзва на бан̃н̃аа ад̇д̇ано д̇хаммад̇ааяа анижжаад̣̇ивасзна аарамман̣ам̣ нижчзд̇ум̣ саггод̇и, абхиниробаналагкан̣зна бана аахананабарияаахананарасзна вид̇аггзна аагодзнд̇зна вияа баривад̇д̇знд̇зна вияа жа аад̣̇ааяаа д̣̇иннамзва винижчзд̇ум̣ саггод̇и. д̇асмаа ид̇хааби саммаад̣̇идтиязва саж̇аад̇ид̇о бан̃н̃аагканд̇хзна сан̇г̇ахид̇аа. саммаасан̇габбо бана гирияад̇о сан̇г̇ахид̇о ход̇и. ид̇и имзхи д̇ийхи канд̇хзхи маг̇г̇о сан̇г̇ахам̣ г̇ажчад̇и. д̇зна вуд̇д̇ам̣ – ‘‘д̇ийхи жа ко, аавусо висаака, канд̇хзхи арияо адтан̇г̇иго маг̇г̇о сан̇г̇ахид̇о’’д̇и.
Sammādiṭṭhisammāsaṅkappesupi paññā attano dhammatāya aniccaṃ dukkhaṃ anattāti ārammaṇaṃ nicchetuṃ na sakkoti, vitakke pana ākoṭetvā ākoṭetvā dente sakkoti. Kathaṃ? Yathā hi heraññiko kahāpaṇaṃ hatthe ṭhapetvā sabbabhāgesu oloketukāmo samānopi na cakkhudaleneva parivattetuṃ sakkoti, aṅgulipabbehi pana parivattetvā ito cito ca oloketuṃ sakkoti. Evameva na paññā attano dhammatāya aniccādivasena ārammaṇaṃ nicchetuṃ sakkoti, abhiniropanalakkhaṇena pana āhananapariyāhananarasena vitakkena ākoṭentena viya parivattentena viya ca ādāyā dinnameva vinicchetuṃ sakkoti. Tasmā idhāpi sammādiṭṭhiyeva sajātito paññākkhandhena saṅgahitā. Sammāsaṅkappo pana kiriyato saṅgahito hoti. Iti imehi tīhi khandhehi maggo saṅgahaṃ gacchati. Tena vuttaṃ – ‘‘tīhi ca kho, āvuso visākha, khandhehi ariyo aṭṭhaṅgiko maggo saṅgahito’’ti.
ид̣̇аани згажид̇д̇агкан̣игам̣ маг̇г̇асамаад̇хим̣ санимид̇д̇ам̣ сабаригкаарам̣ бужчанд̇о, гад̇амо банааяязд̇иаад̣̇имааха. д̇асса виссаж̇ж̇анз жад̇д̇ааро сад̇ибадтаанаа маг̇г̇агкан̣з жад̇угижжасаад̇ханавасзна уббаннаа сад̇и, саа самаад̇хисса бажжаяад̇т̇зна нимид̇д̇ам̣. жад̇д̇ааро саммаббад̇хаанаа жад̇угижжасаад̇ханавасзнзва уббаннам̣ вийрияам̣, д̇ам̣ бариваарадтзна баригкааро ход̇и. д̇зсам̣язва д̇хаммаананд̇и д̇зсам̣ маг̇г̇асамбаяуд̇д̇ад̇хаммаанам̣. аасзванаад̇иаад̣̇ийсу згажид̇д̇агкан̣игааязва аасзванаад̣̇аяо вуд̇д̇аад̇и.
Idāni ekacittakkhaṇikaṃ maggasamādhiṃ sanimittaṃ saparikkhāraṃ pucchanto, katamo panāyyetiādimāha. Tassa vissajjane cattāro satipaṭṭhānā maggakkhaṇe catukiccasādhanavasena uppannā sati, sā samādhissa paccayatthena nimittaṃ. Cattāro sammappadhānā catukiccasādhanavaseneva uppannaṃ vīriyaṃ, taṃ parivāraṭṭhena parikkhāro hoti. Tesaṃyeva dhammānanti tesaṃ maggasampayuttadhammānaṃ. Āsevanātiādīsu ekacittakkhaṇikāyeva āsevanādayo vuttāti.
вид̇ан̣д̣аваад̣̇ий бана, ‘‘згажид̇д̇агкан̣иго наама маг̇г̇о над̇т̇и, ‘звам̣ бхаавзяяа сад̇д̇а вассааний’д̇и хи важанад̇о сад̇д̇аби вассаани маг̇г̇абхааванаа ход̇и, гилзсаа бана лаху чиж̇ж̇анд̇аа сад̇д̇ахи н̃аан̣зхи чиж̇ж̇анд̇ий’’д̇и вад̣̇ад̇и. со ‘‘суд̇д̇ам̣ аахараа’’д̇и вад̇д̇аб̣б̣о. ад̣̇д̇хаа ан̃н̃ам̣ абассанд̇о, ‘‘яаа д̇зсам̣язва д̇хаммаанам̣ аасзванаа бхааванаа б̣ахулийгамма’’нд̇и ид̣̇амзва суд̇д̇ам̣ аахарид̇ваа, ‘‘ан̃н̃зна жид̇д̇зна аасзвад̇и, ан̃н̃зна бхаавзд̇и, ан̃н̃зна б̣ахулийгарод̇ий’’д̇и вагкад̇и. д̇ад̇о вад̇д̇аб̣б̣о – ‘‘гим̣ банид̣̇ам̣, суд̇д̇ам̣ нзяяад̇т̇ам̣ нийд̇ад̇т̇а’’нд̇и. д̇ад̇о вагкад̇и – ‘‘нийд̇ад̇т̇ам̣ яат̇аа суд̇д̇ам̣ д̇ат̇зва ад̇т̇о’’д̇и. д̇асса ид̣̇ам̣ уд̇д̇арам̣ – звам̣ санд̇з згам̣ жид̇д̇ам̣ аасзвамаанам̣ уббаннам̣, абарамби аасзвамаанам̣, абарамби аасзвамаананд̇и звам̣ д̣̇ивасамби аасзванаава бхависсад̇и, гуд̇о бхааванаа, гуд̇о б̣ахулийгаммам̣? згам̣ ваа бхааваяамаанам̣ уббаннам̣ абарамби бхааваяамаанам̣ абарамби бхааваяамаананд̇и звам̣ д̣̇ивасамби бхааванаава бхависсад̇и, гуд̇о аасзванаа гуд̇о б̣ахулийгаммам̣? згам̣ ваа б̣ахулийгаронд̇ам̣ уббаннам̣, абарамби б̣ахулийгаронд̇ам̣, абарамби б̣ахулийгаронд̇анд̇и звам̣ д̣̇ивасамби б̣ахулийгаммамзва бхависсад̇и гуд̇о аасзванаа, гуд̇о бхааванаад̇и.
Vitaṇḍavādī pana, ‘‘ekacittakkhaṇiko nāma maggo natthi, ‘evaṃ bhāveyya satta vassānī’ti hi vacanato sattapi vassāni maggabhāvanā hoti, kilesā pana lahu chijjantā sattahi ñāṇehi chijjantī’’ti vadati. So ‘‘suttaṃ āharā’’ti vattabbo. Addhā aññaṃ apassanto, ‘‘yā tesaṃyeva dhammānaṃ āsevanā bhāvanā bahulīkamma’’nti idameva suttaṃ āharitvā, ‘‘aññena cittena āsevati, aññena bhāveti, aññena bahulīkarotī’’ti vakkhati. Tato vattabbo – ‘‘kiṃ panidaṃ, suttaṃ neyyatthaṃ nītattha’’nti. Tato vakkhati – ‘‘nītatthaṃ yathā suttaṃ tatheva attho’’ti. Tassa idaṃ uttaraṃ – evaṃ sante ekaṃ cittaṃ āsevamānaṃ uppannaṃ, aparampi āsevamānaṃ, aparampi āsevamānanti evaṃ divasampi āsevanāva bhavissati, kuto bhāvanā, kuto bahulīkammaṃ? Ekaṃ vā bhāvayamānaṃ uppannaṃ aparampi bhāvayamānaṃ aparampi bhāvayamānanti evaṃ divasampi bhāvanāva bhavissati, kuto āsevanā kuto bahulīkammaṃ? Ekaṃ vā bahulīkarontaṃ uppannaṃ, aparampi bahulīkarontaṃ, aparampi bahulīkarontanti evaṃ divasampi bahulīkammameva bhavissati kuto āsevanā, kuto bhāvanāti.
ат̇а ваа звам̣ вад̣̇зяяа – ‘‘згзна жид̇д̇зна аасзвад̇и, д̣̇вийхи бхаавзд̇и, д̇ийхи б̣ахулийгарод̇и. д̣̇вийхи ваа аасзвад̇и, д̇ийхи бхаавзд̇и, згзна б̣ахулийгарод̇и . д̇ийхи ваа аасзвад̇и, згзна бхаавзд̇и, д̣̇вийхи б̣ахулийгарод̇ий’’д̇и. со вад̇д̇аб̣б̣о – ‘‘маа суд̇д̇ам̣ мз лад̣̇д̇ханд̇и яам̣ ваа д̇ам̣ ваа аважа. бан̃хам̣ виссаж̇ж̇знд̇зна наама аажарияасса санд̇игз васид̇ваа б̣уд̣̇д̇хаважанам̣ уг̇г̇ан̣хид̇ваа ад̇т̇арасам̣ вид̣̇ид̇ваа вад̇д̇аб̣б̣ам̣ ход̇и. згажид̇д̇агкан̣игаава аяам̣ аасзванаа, згажид̇д̇агкан̣игаа бхааванаа, згажид̇д̇агкан̣игам̣ б̣ахулийгаммам̣. каяаг̇аамилогуд̇д̇арамаг̇г̇о б̣ахулажид̇д̇агкан̣иго наама над̇т̇и, ‘згажид̇д̇агкан̣игоязваа’д̇и сан̃н̃аабзд̇аб̣б̣о. сажз сан̃ж̇аанаад̇и, сан̃ж̇аанаад̇у, но жз сан̃ж̇аанаад̇и, г̇ажча баад̇ова вихаарам̣ бависид̇ваа яааг̇ум̣ биваахий’’д̇и уяяож̇зд̇аб̣б̣о.
Atha vā evaṃ vadeyya – ‘‘ekena cittena āsevati, dvīhi bhāveti, tīhi bahulīkaroti. Dvīhi vā āsevati, tīhi bhāveti, ekena bahulīkaroti . Tīhi vā āsevati, ekena bhāveti, dvīhi bahulīkarotī’’ti. So vattabbo – ‘‘mā suttaṃ me laddhanti yaṃ vā taṃ vā avaca. Pañhaṃ vissajjentena nāma ācariyassa santike vasitvā buddhavacanaṃ uggaṇhitvā attharasaṃ viditvā vattabbaṃ hoti. Ekacittakkhaṇikāva ayaṃ āsevanā, ekacittakkhaṇikā bhāvanā, ekacittakkhaṇikaṃ bahulīkammaṃ. Khayagāmilokuttaramaggo bahulacittakkhaṇiko nāma natthi, ‘ekacittakkhaṇikoyevā’ti saññāpetabbo. Sace sañjānāti, sañjānātu, no ce sañjānāti, gaccha pātova vihāraṃ pavisitvā yāguṃ pivāhī’’ti uyyojetabbo.
463. гад̇и банааяяз сан̇каараад̇и ид̇ха гим̣ бужчад̇и? яз сан̇каарз нирод̇хзд̇ваа нирод̇хам̣ самаабаж̇ж̇ад̇и, д̇з бужчиссаамийд̇и бужчад̇и. д̇знзвасса ад̇хиббааяам̣ н̃ад̇ваа т̇зрий, бун̃н̃аабхисан̇каараад̣̇ийсу анзгзсу сан̇каарзсу виж̇ж̇амаанзсуби, гааяасан̇каараад̣̇аяова аажигканд̇ий, д̇аяомз , аавусод̇иаад̣̇имааха. д̇ад̇т̇а гааяабадиб̣ад̣̇д̇хад̇д̇аа гааязна сан̇карийяад̇и гарийяад̇и ниб̣б̣ад̇д̇ийяад̇ийд̇и гааяасан̇кааро. ваажам̣ сан̇карод̇и гарод̇и ниб̣б̣ад̇д̇зд̇ийд̇и важийсан̇кааро. жид̇д̇абадиб̣ад̣̇д̇хад̇д̇аа жид̇д̇зна сан̇карийяад̇и гарийяад̇и ниб̣б̣ад̇д̇ийяад̇ийд̇и жид̇д̇асан̇кааро. гад̇амо банааяязд̇и ид̇ха гим̣ бужчад̇и? имз сан̇каараа ан̃н̃аман̃н̃амиссаа аалул̣ид̇аа авибхууд̇аа д̣̇уд̣̇д̣̇ийбанаа. д̇ат̇аа хи, гааяад̣̇ваарз аад̣̇аанаг̇ахан̣амун̃жанажобанаани баабзд̇ваа уббаннаа адта гаамааважарагусалажзд̇анаа д̣̇ваад̣̇аса агусалажзд̇анаад̇и звам̣ гусалаагусалаа вийсад̇и жзд̇анааби ассаасабассаасааби гааяасан̇каараад̇взва вужжанд̇и. важийд̣̇ваарз ханусам̣жобанам̣ важийбхзд̣̇ам̣ баабзд̇ваа уббаннаа вуд̇д̇аббагаараава вийсад̇и жзд̇анааби вид̇аггавижаарааби важийсан̇каарод̇взва вужжанд̇и. гааяаважийд̣̇ваарзсу жобанам̣ абад̇д̇аа рахо нисиннасса жинд̇аяад̇о уббаннаа гусалаагусалаа згуунад̇им̣са жзд̇анааби сан̃н̃аа жа взд̣̇анаа жаад̇и имз д̣̇вз д̇хаммааби жид̇д̇асан̇каарод̇взва вужжанд̇и. звам̣ имз сан̇каараа ан̃н̃аман̃н̃амиссаа аалул̣ид̇аа авибхууд̇аа д̣̇уд̣̇д̣̇ийбанаа. д̇з баагадз вибхууд̇з гад̇ваа гат̇аабзссаамийд̇и бужчад̇и.
463.Kati panāyye saṅkhārāti idha kiṃ pucchati? Ye saṅkhāre nirodhetvā nirodhaṃ samāpajjati, te pucchissāmīti pucchati. Tenevassa adhippāyaṃ ñatvā therī, puññābhisaṅkhārādīsu anekesu saṅkhāresu vijjamānesupi, kāyasaṅkhārādayova ācikkhantī, tayome, āvusotiādimāha. Tattha kāyapaṭibaddhattā kāyena saṅkharīyati karīyati nibbattīyatīti kāyasaṅkhāro. Vācaṃ saṅkharoti karoti nibbattetīti vacīsaṅkhāro. Cittapaṭibaddhattā cittena saṅkharīyati karīyati nibbattīyatīti cittasaṅkhāro. Katamo panāyyeti idha kiṃ pucchati? Ime saṅkhārā aññamaññamissā āluḷitā avibhūtā duddīpanā. Tathā hi, kāyadvāre ādānagahaṇamuñcanacopanāni pāpetvā uppannā aṭṭha kāmāvacarakusalacetanā dvādasa akusalacetanāti evaṃ kusalākusalā vīsati cetanāpi assāsapassāsāpi kāyasaṅkhārātveva vuccanti. Vacīdvāre hanusaṃcopanaṃ vacībhedaṃ pāpetvā uppannā vuttappakārāva vīsati cetanāpi vitakkavicārāpi vacīsaṅkhārotveva vuccanti. Kāyavacīdvāresu copanaṃ apattā raho nisinnassa cintayato uppannā kusalākusalā ekūnatiṃsa cetanāpi saññā ca vedanā cāti ime dve dhammāpi cittasaṅkhārotveva vuccanti. Evaṃ ime saṅkhārā aññamaññamissā āluḷitā avibhūtā duddīpanā. Te pākaṭe vibhūte katvā kathāpessāmīti pucchati.
гасмаа банааяязд̇и ид̇ха гааяасан̇каараад̣̇инаамасса бад̣̇ад̇т̇ам̣ бужчад̇и. д̇асса виссаж̇ж̇анз гааяаббадиб̣ад̣̇д̇хаад̇и гааяаниссид̇аа, гааяз сад̇и хонд̇и, асад̇и на хонд̇и. жид̇д̇аббадиб̣ад̣̇д̇хаад̇и жид̇д̇аниссид̇аа, жид̇д̇з сад̇и хонд̇и, асад̇и на хонд̇и.
Kasmā panāyyeti idha kāyasaṅkhārādināmassa padatthaṃ pucchati. Tassa vissajjane kāyappaṭibaddhāti kāyanissitā, kāye sati honti, asati na honti. Cittappaṭibaddhāti cittanissitā, citte sati honti, asati na honti.
464. ид̣̇аани гим̣ ну ко зсаа сан̃н̃аавзд̣̇аяид̇анирод̇хам̣ валан̃ж̇зд̇и, на валан̃ж̇зд̇и. жин̣н̣авасий ваа д̇ад̇т̇а но жин̣н̣авасийд̇и ж̇аананад̇т̇ам̣ бужчанд̇о, гат̇ам̣ банааяяз, сан̃н̃аавзд̣̇аяид̇анирод̇хасамаабад̇д̇и ход̇ийд̇иаад̣̇имааха. д̇асса виссаж̇ж̇анз самаабаж̇ж̇иссанд̇и ваа самаабаж̇ж̇аамийд̇и ваа бад̣̇ад̣̇ваязна нзвасан̃н̃аанаасан̃н̃ааяад̇анасамаабад̇д̇игаало гат̇ид̇о. самаабаннод̇и бад̣̇зна анд̇онирод̇хо. д̇ат̇аа буримзхи д̣̇вийхи бад̣̇зхи сажид̇д̇агагаало гат̇ид̇о, бажчимзна ажид̇д̇агагаало. буб̣б̣зва д̇ат̇аа жид̇д̇ам̣ бхаавид̇ам̣ ход̇ийд̇и нирод̇хасамаабад̇д̇ид̇о буб̣б̣з ад̣̇д̇хаанабарижчзд̣̇агаалзязва, зд̇д̇агам̣ гаалам̣ ажид̇д̇аго бхависсаамийд̇и ад̣̇д̇хаанабарижчзд̣̇ажид̇д̇ам̣ бхаавид̇ам̣ ход̇и. яам̣ д̇ам̣ д̇ат̇ад̇д̇ааяа убанзд̇ийд̇и яам̣ звам̣ бхаавид̇ам̣ жид̇д̇ам̣, д̇ам̣ буг̇г̇алам̣ д̇ат̇ад̇д̇ааяа ажид̇д̇агабхаавааяа убанзд̇и.
464. Idāni kiṃ nu kho esā saññāvedayitanirodhaṃ valañjeti, na valañjeti. Ciṇṇavasī vā tattha no ciṇṇavasīti jānanatthaṃ pucchanto, kathaṃ panāyye, saññāvedayitanirodhasamāpatti hotītiādimāha. Tassa vissajjane samāpajjissanti vā samāpajjāmīti vā padadvayena nevasaññānāsaññāyatanasamāpattikālo kathito. Samāpannoti padena antonirodho. Tathā purimehi dvīhi padehi sacittakakālo kathito, pacchimena acittakakālo. Pubbeva tathā cittaṃ bhāvitaṃ hotīti nirodhasamāpattito pubbe addhānaparicchedakāleyeva, ettakaṃ kālaṃ acittako bhavissāmīti addhānaparicchedacittaṃ bhāvitaṃ hoti. Yaṃ taṃ tathattāya upanetīti yaṃ evaṃ bhāvitaṃ cittaṃ, taṃ puggalaṃ tathattāya acittakabhāvāya upaneti.
батамам̣ нируж̇жхад̇и важийсан̇каарод̇и сзсасан̇каарзхи батамам̣ д̣̇уд̇ияаж̇жхаанзязва нируж̇жхад̇и. д̇ад̇о гааяасан̇каарод̇и д̇ад̇о барам̣ гааяасан̇кааро жад̇уд̇т̇аж̇жхаанз нируж̇жхад̇и. д̇ад̇о жид̇д̇асан̇каарод̇и д̇ад̇о барам̣ жид̇д̇асан̇кааро анд̇онирод̇хз нируж̇жхад̇и. вудтахиссанд̇и ваа вудтахаамийд̇и ваа бад̣̇ад̣̇ваязна анд̇онирод̇хагаало гат̇ид̇о. вудтид̇од̇и бад̣̇зна паласамаабад̇д̇игаало. д̇ат̇аа буримзхи д̣̇вийхи бад̣̇зхи ажид̇д̇агагаало гат̇ид̇о, бажчимзна сажид̇д̇агагаало. буб̣б̣зва д̇ат̇аа жид̇д̇ам̣ бхаавид̇ам̣ ход̇ийд̇и нирод̇хасамаабад̇д̇ид̇о буб̣б̣з ад̣̇д̇хаанабарижчзд̣̇агаалзязва зд̇д̇агам̣ гаалам̣ ажид̇д̇аго худ̇ваа д̇ад̇о барам̣ сажид̇д̇аго бхависсаамийд̇и ад̣̇д̇хаанабарижчзд̣̇ажид̇д̇ам̣ бхаавид̇ам̣ ход̇и. яам̣ д̇ам̣ д̇ат̇ад̇д̇ааяа убанзд̇ийд̇и яам̣ звам̣ бхаавид̇ам̣ жид̇д̇ам̣, д̇ам̣ буг̇г̇алам̣ д̇ат̇ад̇д̇ааяа сажид̇д̇агабхаавааяа убанзд̇и. ид̇и хздтаа нирод̇хасамаабаж̇ж̇анагаало г̇ахид̇о, ид̇ха нирод̇хад̇о вудтаанагаало.
Paṭhamaṃ nirujjhati vacīsaṅkhāroti sesasaṅkhārehi paṭhamaṃ dutiyajjhāneyeva nirujjhati. Tato kāyasaṅkhāroti tato paraṃ kāyasaṅkhāro catutthajjhāne nirujjhati. Tato cittasaṅkhāroti tato paraṃ cittasaṅkhāro antonirodhe nirujjhati. Vuṭṭhahissanti vā vuṭṭhahāmīti vā padadvayena antonirodhakālo kathito. Vuṭṭhitoti padena phalasamāpattikālo. Tathā purimehi dvīhi padehi acittakakālo kathito, pacchimena sacittakakālo. Pubbeva tathā cittaṃ bhāvitaṃ hotīti nirodhasamāpattito pubbe addhānaparicchedakāleyeva ettakaṃ kālaṃ acittako hutvā tato paraṃ sacittako bhavissāmīti addhānaparicchedacittaṃ bhāvitaṃ hoti. Yaṃ taṃ tathattāya upanetīti yaṃ evaṃ bhāvitaṃ cittaṃ, taṃ puggalaṃ tathattāya sacittakabhāvāya upaneti. Iti heṭṭhā nirodhasamāpajjanakālo gahito, idha nirodhato vuṭṭhānakālo.
ид̣̇аани нирод̇хагат̇ам̣ гат̇зд̇ум̣ ваарод̇и нирод̇хагат̇аа гат̇зд̇аб̣б̣аа сияаа, саа банзсаа, ‘‘д̣̇вийхи б̣алзхи саманнааг̇ад̇ад̇д̇аа д̇аяо жа сан̇каараанам̣ бадиббассад̣̇д̇хияаа сол̣асахи н̃аан̣ажарияаахи навахи самаад̇хижарияаахи васийбхаавад̇аабан̃н̃аа нирод̇хасамаабад̇д̇ияаа н̃аан̣а’’нд̇и маад̇игам̣ табзд̇ваа саб̣б̣аагаарзна висуд̣̇д̇химаг̇г̇з гат̇ид̇аа. д̇асмаа д̇ад̇т̇а гат̇ид̇анаязнзва г̇ахзд̇аб̣б̣аа . го банааяам̣ нирод̇хо наама? жад̇уннам̣ канд̇хаанам̣ бадисан̇каа аббавад̇д̇и. ат̇а гимад̇т̇амзд̇ам̣ самаабаж̇ж̇анд̇ийд̇и. сан̇каараанам̣ бавад̇д̇з угган̣тид̇аа сад̇д̇аахам̣ ажид̇д̇агаа худ̇ваа сукам̣ вихариссаама, д̣̇идтад̇хамманиб̣б̣аанам̣ наамзд̇ам̣, яад̣̇ид̣̇ам̣ нирод̇ход̇и зд̇ад̣̇ад̇т̇ам̣ самаабаж̇ж̇анд̇и.
Idāni nirodhakathaṃ kathetuṃ vāroti nirodhakathā kathetabbā siyā, sā panesā, ‘‘dvīhi balehi samannāgatattā tayo ca saṅkhārānaṃ paṭippassaddhiyā soḷasahi ñāṇacariyāhi navahi samādhicariyāhi vasībhāvatāpaññā nirodhasamāpattiyā ñāṇa’’nti mātikaṃ ṭhapetvā sabbākārena visuddhimagge kathitā. Tasmā tattha kathitanayeneva gahetabbā . Ko panāyaṃ nirodho nāma? Catunnaṃ khandhānaṃ paṭisaṅkhā appavatti. Atha kimatthametaṃ samāpajjantīti. Saṅkhārānaṃ pavatte ukkaṇṭhitā sattāhaṃ acittakā hutvā sukhaṃ viharissāma, diṭṭhadhammanibbānaṃ nāmetaṃ, yadidaṃ nirodhoti etadatthaṃ samāpajjanti.
батамам̣ уббаж̇ж̇ад̇и жид̇д̇асан̇каарод̇и нирод̇хаа вудтаханд̇асса хи паласамаабад̇д̇ижид̇д̇ам̣ батамам̣ уббаж̇ж̇ад̇и. д̇ам̣самбаяуд̇д̇ам̣ сан̃н̃ан̃жа взд̣̇анан̃жа санд̇хааяа, ‘‘батамам̣ уббаж̇ж̇ад̇и жид̇д̇асан̇кааро’’д̇и ааха. д̇ад̇о гааяасан̇каарод̇и д̇ад̇о барам̣ бхаван̇г̇асамаяз гааяасан̇кааро уббаж̇ж̇ад̇и. гим̣ бана паласамаабад̇д̇и ассаасабассаасз на самудтаабзд̇ийд̇и? самудтаабзд̇и. имасса бана жад̇уд̇т̇аж̇жхаанигаа паласамаабад̇д̇и, саа на самудтаабзд̇и. гим̣ ваа зд̇зна паласамаабад̇д̇и батамаж̇жхаанигаа ваа ход̇у, д̣̇уд̇ияад̇ад̇ияажад̇уд̇т̇аж̇жхаанигаа ваа, санд̇ааяа самаабад̇д̇ияаа вудтид̇асса бхигкуно ассаасабассаасаа аб̣б̣охааригаа хонд̇и. д̇зсам̣ аб̣б̣охааригабхааво сан̃ж̇ийвад̇т̇зравад̇т̇унаа взд̣̇ид̇аб̣б̣о. сан̃ж̇ийвад̇т̇зрасса хи самаабад̇д̇ид̇о вудтааяа гим̣сугабубпасад̣̇исз вийд̇ажжид̇ан̇г̇аарз мад̣̇д̣̇амаанасса г̇ажчад̇о жийварз ам̣сумад̇д̇амби на жхааяи, усумаагаарамад̇д̇амби наахоси, самаабад̇д̇ипалам̣ наамзд̇анд̇и вад̣̇анд̇и. звамзвам̣ санд̇ааяа самаабад̇д̇ияаа вудтид̇асса бхигкуно ассаасабассаасаа аб̣б̣охааригаа хонд̇ийд̇и бхаван̇г̇асамаязнзвзд̇ам̣ гат̇ид̇анд̇и взд̣̇ид̇аб̣б̣ам̣.
Paṭhamaṃ uppajjati cittasaṅkhāroti nirodhā vuṭṭhahantassa hi phalasamāpatticittaṃ paṭhamaṃ uppajjati. Taṃsampayuttaṃ saññañca vedanañca sandhāya, ‘‘paṭhamaṃ uppajjati cittasaṅkhāro’’ti āha. Tato kāyasaṅkhāroti tato paraṃ bhavaṅgasamaye kāyasaṅkhāro uppajjati. Kiṃ pana phalasamāpatti assāsapassāse na samuṭṭhāpetīti? Samuṭṭhāpeti. Imassa pana catutthajjhānikā phalasamāpatti, sā na samuṭṭhāpeti. Kiṃ vā etena phalasamāpatti paṭhamajjhānikā vā hotu, dutiyatatiyacatutthajjhānikā vā, santāya samāpattiyā vuṭṭhitassa bhikkhuno assāsapassāsā abbohārikā honti. Tesaṃ abbohārikabhāvo sañjīvattheravatthunā veditabbo. Sañjīvattherassa hi samāpattito vuṭṭhāya kiṃsukapupphasadise vītaccitaṅgāre maddamānassa gacchato cīvare aṃsumattampi na jhāyi, usumākāramattampi nāhosi, samāpattiphalaṃ nāmetanti vadanti. Evamevaṃ santāya samāpattiyā vuṭṭhitassa bhikkhuno assāsapassāsā abbohārikā hontīti bhavaṅgasamayenevetaṃ kathitanti veditabbaṃ.
д̇ад̇о важийсан̇каарод̇и д̇ад̇о барам̣ гирияамаяабавад̇д̇авал̣ан̃ж̇анагаалз важийсан̇кааро уббаж̇ж̇ад̇и. гим̣ бхаван̇г̇ам̣ вид̇аггавижаарз на самудтаабзд̇ийд̇и? самудтаабзд̇и. д̇ам̣самудтаанаа бана вид̇аггавижаараа ваажам̣ абхисан̇каад̇ум̣ на саггонд̇ийд̇и гирияамаяабавад̇д̇авал̣ан̃ж̇анагаалзнзвад̇ам̣ гат̇ид̇ам̣. сун̃н̃ад̇о пассод̇иаад̣̇аяо саг̇ун̣знааби аарамман̣знааби гат̇зд̇аб̣б̣аа. саг̇ун̣зна д̇аава сун̃н̃ад̇аа наама паласамаабад̇д̇и, д̇ааяа сахаж̇аад̇ам̣ пассам̣ санд̇хааяа сун̃н̃ад̇о пассод̇и вуд̇д̇ам̣. анимид̇д̇аабан̣ихид̇зсубизсзва наяо. аарамман̣зна бана ниб̣б̣аанам̣ рааг̇аад̣̇ийхи сун̃н̃ад̇д̇аа сун̃н̃ам̣ наама, рааг̇анимид̇д̇аад̣̇ийнам̣ абхааваа анимид̇д̇ам̣, рааг̇ад̣̇осамохаббан̣ид̇хийнам̣ абхааваа аббан̣ихид̇ам̣. сун̃н̃ад̇ам̣ ниб̣б̣аанам̣ аарамман̣ам̣ гад̇ваа уббаннапаласамаабад̇д̇ияам̣ пассо сун̃н̃ад̇о наама. анимид̇д̇аабан̣ихид̇зсуби зсзва наяо.
Tato vacīsaṅkhāroti tato paraṃ kiriyamayapavattavaḷañjanakāle vacīsaṅkhāro uppajjati. Kiṃ bhavaṅgaṃ vitakkavicāre na samuṭṭhāpetīti? Samuṭṭhāpeti. Taṃsamuṭṭhānā pana vitakkavicārā vācaṃ abhisaṅkhātuṃ na sakkontīti kiriyamayapavattavaḷañjanakālenevataṃ kathitaṃ. Suññato phassotiādayo saguṇenāpi ārammaṇenāpi kathetabbā. Saguṇena tāva suññatā nāma phalasamāpatti, tāya sahajātaṃ phassaṃ sandhāya suññato phassoti vuttaṃ. Animittāpaṇihitesupieseva nayo. Ārammaṇena pana nibbānaṃ rāgādīhi suññattā suññaṃ nāma, rāganimittādīnaṃ abhāvā animittaṃ, rāgadosamohappaṇidhīnaṃ abhāvā appaṇihitaṃ. Suññataṃ nibbānaṃ ārammaṇaṃ katvā uppannaphalasamāpattiyaṃ phasso suññato nāma. Animittāpaṇihitesupi eseva nayo.
абараа ааг̇аманияагат̇аа наама ход̇и, сун̃н̃ад̇аа, анимид̇д̇аа, аббан̣ихид̇аад̇и хи вибассанааби вужжад̇и. д̇ад̇т̇а яо бхигку сан̇каарз анижжад̇о бариг̇г̇ахзд̇ваа анижжад̇о д̣̇исваа анижжад̇о вудтаад̇и, д̇асса вудтаанаг̇ааминивибассанаа анимид̇д̇аа наама ход̇и. яо д̣̇угкад̇о бариг̇г̇ахзд̇ваа д̣̇угкад̇о д̣̇исваа д̣̇угкад̇о вудтаад̇и, д̇асса аббан̣ихид̇аа наама. яо анад̇д̇ад̇о бариг̇г̇ахзд̇ваа анад̇д̇ад̇о д̣̇исваа анад̇д̇ад̇о вудтаад̇и, д̇асса сун̃н̃ад̇аа наама. д̇ад̇т̇а анимид̇д̇авибассанааяа маг̇г̇о анимид̇д̇о наама, анимид̇д̇амаг̇г̇асса палам̣ анимид̇д̇ам̣ наама. анимид̇д̇апаласамаабад̇д̇исахаж̇аад̇з пассз пусанд̇з анимид̇д̇о пассо пусад̇ийд̇и вужжад̇и. аббан̣ихид̇асун̃н̃ад̇зсуби зсзва наяо. ааг̇аманиязна гат̇ид̇з бана сун̃н̃ад̇о ваа пассо анимид̇д̇о ваа пассо аббан̣ихид̇о ваа пассод̇и вигаббо аабаж̇ж̇зяяа, д̇асмаа саг̇ун̣зна жзва аарамман̣зна жа гат̇зд̇аб̣б̣ам̣. зван̃хи д̇аяо пассаа пусанд̇ийд̇и самзд̇и.
Aparā āgamaniyakathā nāma hoti, suññatā, animittā, appaṇihitāti hi vipassanāpi vuccati. Tattha yo bhikkhu saṅkhāre aniccato pariggahetvā aniccato disvā aniccato vuṭṭhāti, tassa vuṭṭhānagāminivipassanā animittā nāma hoti. Yo dukkhato pariggahetvā dukkhato disvā dukkhato vuṭṭhāti, tassa appaṇihitā nāma. Yo anattato pariggahetvā anattato disvā anattato vuṭṭhāti, tassa suññatā nāma. Tattha animittavipassanāya maggo animitto nāma, animittamaggassa phalaṃ animittaṃ nāma. Animittaphalasamāpattisahajāte phasse phusante animitto phasso phusatīti vuccati. Appaṇihitasuññatesupi eseva nayo. Āgamaniyena kathite pana suññato vā phasso animitto vā phasso appaṇihito vā phassoti vikappo āpajjeyya, tasmā saguṇena ceva ārammaṇena ca kathetabbaṃ. Evañhi tayo phassā phusantīti sameti.
вивзганиннанд̇иаад̣̇ийсу ниб̣б̣аанам̣ вивзго наама, д̇асмим̣ вивзгз ниннам̣ онад̇анд̇и вивзганиннам̣. ан̃н̃ад̇о ааг̇анд̇ваа язна вивзго, д̇зна ван̇гам̣ вияа худ̇ваа тид̇анд̇и вивзгабон̣ам̣. язна вивзго, д̇зна бад̇амаанам̣ вияа тид̇анд̇и вивзгабаб̣бхаарам̣.
Vivekaninnantiādīsu nibbānaṃ viveko nāma, tasmiṃ viveke ninnaṃ onatanti vivekaninnaṃ. Aññato āgantvā yena viveko, tena vaṅkaṃ viya hutvā ṭhitanti vivekapoṇaṃ. Yena viveko, tena patamānaṃ viya ṭhitanti vivekapabbhāraṃ.
465. ид̣̇аани яаа взд̣̇анаа нирод̇хзд̇ваа нирод̇хасамаабад̇д̇им̣ самаабаж̇ж̇ад̇и, д̇аа бужчиссаамийд̇и бужчанд̇о гад̇и банааяяз, взд̣̇анаад̇и ааха. гааяигам̣ ваад̇иаад̣̇ийсу бан̃жад̣̇вааригам̣ сукам̣ гааяигам̣ наама, манод̣̇вааригам̣ жзд̇асигам̣ наамаад̇и взд̣̇ид̇аб̣б̣ам̣. д̇ад̇т̇а суканд̇и сабхааванид̣̇д̣̇зсо. саад̇анд̇и д̇ассзва мад̇хурабхаавад̣̇ийбагам̣ взважанам̣. взд̣̇аяид̇анд̇и взд̣̇аяид̇абхаавад̣̇ийбагам̣, саб̣б̣авзд̣̇анаанам̣ саад̇хааран̣аважанам̣. сзсабад̣̇зсуби зсзва наяо. тид̇исукаа вибарин̣аамад̣̇угкаад̇иаад̣̇ийсу сукааяа взд̣̇анааяа ад̇т̇ибхааво сукам̣, над̇т̇ибхааво д̣̇угкам̣. д̣̇угкааяа взд̣̇анааяа ад̇т̇ибхааво д̣̇угкам̣, над̇т̇ибхааво сукам̣. ад̣̇угкамасукааяа взд̣̇анааяа ж̇аананабхааво сукам̣, аж̇аананабхааво д̣̇угканд̇и ад̇т̇о.
465. Idāni yā vedanā nirodhetvā nirodhasamāpattiṃ samāpajjati, tā pucchissāmīti pucchanto kati panāyye, vedanāti āha. Kāyikaṃ vātiādīsu pañcadvārikaṃ sukhaṃ kāyikaṃ nāma, manodvārikaṃ cetasikaṃ nāmāti veditabbaṃ. Tattha sukhanti sabhāvaniddeso. Sātanti tasseva madhurabhāvadīpakaṃ vevacanaṃ. Vedayitanti vedayitabhāvadīpakaṃ, sabbavedanānaṃ sādhāraṇavacanaṃ. Sesapadesupi eseva nayo. Ṭhitisukhā vipariṇāmadukkhātiādīsu sukhāya vedanāya atthibhāvo sukhaṃ, natthibhāvo dukkhaṃ. Dukkhāya vedanāya atthibhāvo dukkhaṃ, natthibhāvo sukhaṃ. Adukkhamasukhāya vedanāya jānanabhāvo sukhaṃ, ajānanabhāvo dukkhanti attho.
гим̣ анусаяо анусзд̇ийд̇и гад̇амо анусаяо анусзд̇и. аббахийнадтзна саяид̇о вияа ход̇ийд̇и анусаяабужчам̣ бужчад̇и. на ко, аавусо висаака, саб̣б̣ааяа сукааяа взд̣̇анааяа рааг̇аанусаяо анусзд̇ийд̇и на саб̣б̣ааяа сукааяа взд̣̇анааяа рааг̇аанусаяо анусзд̇и. на саб̣б̣ааяа сукааяа взд̣̇анааяа со аббахийно, на саб̣б̣ам̣ сукам̣ взд̣̇анам̣ аараб̣бха уббаж̇ж̇ад̇ийд̇и ад̇т̇о. зса наяо саб̣б̣ад̇т̇а. гим̣ бахаад̇аб̣б̣анд̇и аяам̣ бахаанабужчаа наама.
Kiṃ anusayo anusetīti katamo anusayo anuseti. Appahīnaṭṭhena sayito viya hotīti anusayapucchaṃ pucchati. Na kho, āvuso visākha, sabbāya sukhāya vedanāya rāgānusayo anusetīti na sabbāya sukhāya vedanāya rāgānusayo anuseti. Na sabbāya sukhāya vedanāya so appahīno, na sabbaṃ sukhaṃ vedanaṃ ārabbha uppajjatīti attho. Esa nayo sabbattha. Kiṃ pahātabbanti ayaṃ pahānapucchā nāma.
рааг̇ам̣ д̇зна баж̇ахад̇ийд̇и зд̇т̇а згзнзва б̣яаагаран̣зна д̣̇вз бужчаа виссаж̇ж̇зси. ид̇ха бхигку рааг̇аанусаяам̣ вигкамбхзд̇ваа батамаж̇жхаанам̣ самаабаж̇ж̇ад̇и, жхаанавигкамбхид̇ам̣ рааг̇аанусаяам̣ д̇ат̇аа вигкамбхид̇амзва гад̇ваа вибассанам̣ вад̣дхзд̇ваа анааг̇аамимаг̇г̇зна самуг̇гхаад̇зд̇и. со анааг̇аамимаг̇г̇зна бахийноби д̇ат̇аа вигкамбхид̇ад̇д̇аава батамаж̇жхаанз наанусзд̇и наама. д̇знааха – ‘‘на д̇ад̇т̇а рааг̇аанусаяо анусзд̇ий’’д̇и. д̇ад̣̇ааяад̇ананд̇и д̇ам̣ ааяад̇анам̣, барамассаасабхаавзна бад̇идтаанабхууд̇ам̣ арахад̇д̇анд̇и ад̇т̇о. ид̇и ануд̇д̇арзсууд̇и звам̣ ануд̇д̇араа вимогкаад̇и лад̣̇д̇ханаамз арахад̇д̇з. бихам̣ убадтаабаяад̇од̇и бад̇т̇анам̣ бадтабзнд̇асса. уббаж̇ж̇ад̇и бихаабажжаяаа д̣̇оманассанд̇и бад̇т̇анааяа бадтабанамуулагам̣ д̣̇оманассам̣ уббаж̇ж̇ад̇и. д̇ам̣ банзд̇ам̣ на бад̇т̇анааяа бадтабанамуулагам̣ уббаж̇ж̇ад̇и, бад̇т̇зд̇ваа алабханд̇асса бана алаабхамуулагам̣ уббаж̇ж̇амаанам̣, ‘‘уббаж̇ж̇ад̇и бихаабажжаяаа’’д̇и вуд̇д̇ам̣. д̇ад̇т̇а гин̃жааби д̣̇оманассам̣ наама зганд̇зна агусалам̣, ид̣̇ам̣ бана сзвид̇аб̣б̣ам̣ д̣̇оманассам̣ ваддад̇ийд̇и вад̣̇анд̇и. яог̇ино хи д̇змаасигам̣ чамаасигам̣ ваа навамаасигам̣ ваа бадибад̣̇ам̣ г̇ан̣ханд̇и. д̇зсу яо д̇ам̣ д̇ам̣ бадибад̣̇ам̣ г̇ахзд̇ваа анд̇огаалабарижчзд̣̇зязва арахад̇д̇ам̣ баабун̣иссаамийд̇и гхадзнд̇о вааяаманд̇о на саггод̇и яат̇аабарижчиннагаалзна баабун̣ид̇ум̣, д̇асса б̣алавад̣̇оманассам̣ уббаж̇ж̇ад̇и, аал̣инд̣̇игаваасимахаапуссад̣̇звад̇т̇зрасса вияа ассуд̇хаараа бавад̇д̇анд̇и. т̇зро гира згуунавийсад̇ивассаани г̇ад̇абажжааг̇ад̇авад̇д̇ам̣ буурзси. д̇асса, ‘‘имасмим̣ ваарз арахад̇д̇ам̣ г̇ан̣хиссаами, имасмим̣ ваарз висуд̣̇д̇хибавааран̣ам̣ баваарзссаамий’’д̇и маанасам̣ б̣анд̇хид̇ваа саман̣ад̇хаммам̣ гаронд̇ассзва згуунавийсад̇ивассаани ад̇игганд̇аани. бавааран̣аад̣̇ивасз ааг̇ад̇з т̇зрасса ассубаад̇зна муд̇д̇ад̣̇ивасо наама наахоси. вийсад̇имз бана вассз арахад̇д̇ам̣ баан̣ун̣и.
Rāgaṃ tena pajahatīti ettha ekeneva byākaraṇena dve pucchā vissajjesi. Idha bhikkhu rāgānusayaṃ vikkhambhetvā paṭhamajjhānaṃ samāpajjati, jhānavikkhambhitaṃ rāgānusayaṃ tathā vikkhambhitameva katvā vipassanaṃ vaḍḍhetvā anāgāmimaggena samugghāteti. So anāgāmimaggena pahīnopi tathā vikkhambhitattāva paṭhamajjhāne nānuseti nāma. Tenāha – ‘‘na tattha rāgānusayo anusetī’’ti. Tadāyatananti taṃ āyatanaṃ, paramassāsabhāvena patiṭṭhānabhūtaṃ arahattanti attho. Iti anuttaresūti evaṃ anuttarā vimokkhāti laddhanāme arahatte. Pihaṃ upaṭṭhāpayatoti patthanaṃ paṭṭhapentassa. Uppajjati pihāpaccayā domanassanti patthanāya paṭṭhapanamūlakaṃ domanassaṃ uppajjati. Taṃ panetaṃ na patthanāya paṭṭhapanamūlakaṃ uppajjati, patthetvā alabhantassa pana alābhamūlakaṃ uppajjamānaṃ, ‘‘uppajjati pihāpaccayā’’ti vuttaṃ. Tattha kiñcāpi domanassaṃ nāma ekantena akusalaṃ, idaṃ pana sevitabbaṃ domanassaṃ vaṭṭatīti vadanti. Yogino hi temāsikaṃ chamāsikaṃ vā navamāsikaṃ vā paṭipadaṃ gaṇhanti. Tesu yo taṃ taṃ paṭipadaṃ gahetvā antokālaparicchedeyeva arahattaṃ pāpuṇissāmīti ghaṭento vāyamanto na sakkoti yathāparicchinnakālena pāpuṇituṃ, tassa balavadomanassaṃ uppajjati, āḷindikavāsimahāphussadevattherassa viya assudhārā pavattanti. Thero kira ekūnavīsativassāni gatapaccāgatavattaṃ pūresi. Tassa, ‘‘imasmiṃ vāre arahattaṃ gaṇhissāmi, imasmiṃ vāre visuddhipavāraṇaṃ pavāressāmī’’ti mānasaṃ bandhitvā samaṇadhammaṃ karontasseva ekūnavīsativassāni atikkantāni. Pavāraṇādivase āgate therassa assupātena muttadivaso nāma nāhosi. Vīsatime pana vasse arahattaṃ pāṇuṇi.
бадигхам̣ д̇зна баж̇ахад̇ийд̇и зд̇т̇а д̣̇оманассзнзва бадигхам̣ баж̇ахад̇и. на хи бадигхзнзва бадигхаббахаанам̣, д̣̇оманассзна ваа д̣̇оманассаббахаанам̣ наама ад̇т̇и. аяам̣ бана бхигку д̇змаасигаад̣̇ийсу ан̃н̃ад̇арам̣ бадибад̣̇ам̣ г̇ахзд̇ваа ид̇и бадисан̃жигкад̇и – ‘‘басса бхигку, гим̣ д̇уяхам̣ сийлзна хийнадтаанам̣ ад̇т̇и, уд̣̇ааху вийриязна, уд̣̇ааху бан̃н̃ааяа, нану д̇з сийлам̣ субарисуд̣̇д̇хам̣ вийрияам̣ субаг̇г̇ахид̇ам̣ бан̃н̃аа суураа худ̇ваа вахад̇ий’’д̇и. со звам̣ бадисан̃жигкид̇ваа, ‘‘на д̣̇аани буна имасса д̣̇оманассасса уббаж̇ж̇ид̇ум̣ д̣̇ассаамий’’д̇и вийрияам̣ д̣̇ал̣хам̣ гад̇ваа анд̇од̇змаасз ваа анд̇очамаасз ваа анд̇онавамаасз ваа анааг̇аамимаг̇г̇зна д̇ам̣ самуг̇гхаад̇зд̇и. иминаа барияааязна бадигхзнзва бадигхам̣, д̣̇оманассзнзва д̣̇оманассам̣ баж̇ахад̇и наама.
Paṭighaṃtena pajahatīti ettha domanasseneva paṭighaṃ pajahati. Na hi paṭigheneva paṭighappahānaṃ, domanassena vā domanassappahānaṃ nāma atthi. Ayaṃ pana bhikkhu temāsikādīsu aññataraṃ paṭipadaṃ gahetvā iti paṭisañcikkhati – ‘‘passa bhikkhu, kiṃ tuyhaṃ sīlena hīnaṭṭhānaṃ atthi, udāhu vīriyena, udāhu paññāya, nanu te sīlaṃ suparisuddhaṃ vīriyaṃ supaggahitaṃ paññā sūrā hutvā vahatī’’ti. So evaṃ paṭisañcikkhitvā, ‘‘na dāni puna imassa domanassassa uppajjituṃ dassāmī’’ti vīriyaṃ daḷhaṃ katvā antotemāse vā antochamāse vā antonavamāse vā anāgāmimaggena taṃ samugghāteti. Iminā pariyāyena paṭigheneva paṭighaṃ, domanasseneva domanassaṃ pajahati nāma.
на д̇ад̇т̇а бадигхаанусаяо анусзд̇ийд̇и д̇ад̇т̇а зваруубз д̣̇оманассз бадигхаанусаяо наанусзд̇и. на д̇ам̣ аараб̣бха уббаж̇ж̇ад̇и, бахийнова д̇ад̇т̇а бадигхаанусаяод̇и ад̇т̇о. авиж̇ж̇ам̣ д̇зна баж̇ахад̇ийд̇и ид̇ха бхигку авиж̇ж̇аанусаяам̣ вигкамбхзд̇ваа жад̇уд̇т̇аж̇жхаанам̣ самаабаж̇ж̇ад̇и, жхаанавигкамбхид̇ам̣ авиж̇ж̇аанусаяам̣ д̇ат̇аа вигкамбхид̇амзва гад̇ваа вибассанам̣ вад̣дхзд̇ваа арахад̇д̇амаг̇г̇зна самуг̇гхаад̇зд̇и. со арахад̇д̇амаг̇г̇зна бахийноби д̇ат̇аа вигкамбхид̇ад̇д̇аава жад̇уд̇т̇аж̇жхаанз наанусзд̇и наама. д̇знааха – ‘‘на д̇ад̇т̇а авиж̇ж̇аанусаяо анусзд̇ий’’д̇и.
Na tattha paṭighānusayo anusetīti tattha evarūpe domanasse paṭighānusayo nānuseti. Na taṃ ārabbha uppajjati, pahīnova tattha paṭighānusayoti attho. Avijjaṃ tena pajahatīti idha bhikkhu avijjānusayaṃ vikkhambhetvā catutthajjhānaṃ samāpajjati, jhānavikkhambhitaṃ avijjānusayaṃ tathā vikkhambhitameva katvā vipassanaṃ vaḍḍhetvā arahattamaggena samugghāteti. So arahattamaggena pahīnopi tathā vikkhambhitattāva catutthajjhāne nānuseti nāma. Tenāha – ‘‘na tattha avijjānusayo anusetī’’ti.
466. ид̣̇аани бадибхааг̇абужчам̣ бужчанд̇о сукааяа банааяязд̇иаад̣̇имааха. д̇асса виссаж̇ж̇анз яасмаа сукасса д̣̇угкам̣, д̣̇угкасса жа сукам̣ бажжанийгам̣, д̇асмаа д̣̇вийсу взд̣̇анаасу висабхааг̇абадибхааг̇о гат̇ид̇о. убзгкаа бана анд̇хагаараа авибхууд̇аа д̣̇уд̣̇д̣̇ийбанаа, авиж̇ж̇ааби д̇аад̣̇исааваад̇и д̇знзд̇т̇а сабхааг̇абадибхааг̇о гат̇ид̇о. яад̇д̇агзсу бана таанзсу авиж̇ж̇аа д̇амам̣ гарод̇и, д̇ад̇д̇агзсу виж̇ж̇аа д̇амам̣ винод̣̇зд̇ийд̇и висабхааг̇абадибхааг̇о гат̇ид̇о. авиж̇ж̇ааяа ко, аавусод̇и зд̇т̇а убхобзд̇з д̇хаммаа анаасаваа логуд̇д̇араад̇и сабхааг̇абадибхааг̇ова гат̇ид̇о. вимуд̇д̇ияаа ко, аавусод̇и зд̇т̇а анаасавадтзна логуд̇д̇арадтзна аб̣яаагад̇адтзна жа сабхааг̇абадибхааг̇ова гат̇ид̇о. ажжаяаасийд̇и зд̇т̇а бан̃хам̣ ад̇иггамид̇ваа г̇ад̇осийд̇и ад̇т̇о. наасагки бан̃хаанам̣ барияанд̇ам̣ г̇ахзд̇унд̇и бан̃хаанам̣ барижчзд̣̇абамаан̣ам̣ г̇ахзд̇ум̣ наасагки, аббадибхааг̇ад̇хаммасса бадибхааг̇ам̣ бужчи. ниб̣б̣аанам̣ наамзд̇ам̣ аббадибхааг̇ам̣ , на саггаа нийлам̣ ваа бийд̇агам̣ ваад̇и гзнажи д̇хаммзна сад̣̇д̇хим̣ бадибхааг̇ам̣ гад̇ваа д̣̇ассзд̇ум̣. д̇ан̃жа д̇вам̣ иминаа ад̇хиббааязна бужчасийд̇и ад̇т̇о.
466. Idāni paṭibhāgapucchaṃ pucchanto sukhāya panāyyetiādimāha. Tassa vissajjane yasmā sukhassa dukkhaṃ, dukkhassa ca sukhaṃ paccanīkaṃ, tasmā dvīsu vedanāsu visabhāgapaṭibhāgo kathito. Upekkhā pana andhakārā avibhūtā duddīpanā, avijjāpi tādisāvāti tenettha sabhāgapaṭibhāgo kathito. Yattakesu pana ṭhānesu avijjā tamaṃ karoti, tattakesu vijjā tamaṃ vinodetīti visabhāgapaṭibhāgo kathito. Avijjāya kho, āvusoti ettha ubhopete dhammā anāsavā lokuttarāti sabhāgapaṭibhāgova kathito. Vimuttiyā kho, āvusoti ettha anāsavaṭṭhena lokuttaraṭṭhena abyākataṭṭhena ca sabhāgapaṭibhāgova kathito. Accayāsīti ettha pañhaṃ atikkamitvā gatosīti attho. Nāsakkhi pañhānaṃ pariyantaṃ gahetunti pañhānaṃ paricchedapamāṇaṃ gahetuṃ nāsakkhi, appaṭibhāgadhammassa paṭibhāgaṃ pucchi. Nibbānaṃ nāmetaṃ appaṭibhāgaṃ , na sakkā nīlaṃ vā pītakaṃ vāti kenaci dhammena saddhiṃ paṭibhāgaṃ katvā dassetuṃ. Tañca tvaṃ iminā adhippāyena pucchasīti attho.
зд̇д̇аавад̇аа жааяам̣ убаасаго яат̇аа наама сад̇д̇амз гхарз салаагабхад̇д̇ам̣ лабхид̇ваа г̇ад̇о бхигку сад̇д̇а гхараани ад̇иггамма адтамасса д̣̇ваарз тид̇о саб̣б̣ааниби сад̇д̇а г̇зхаани вирад̣̇д̇хова на ан̃н̃ааси, звамзвам̣ аббадибхааг̇ад̇хаммасса бадибхааг̇ам̣ бужчанд̇о саб̣б̣аасуби сад̇д̇асу саббадибхааг̇абужчаасу вирад̣̇д̇хова ход̇ийд̇и взд̣̇ид̇аб̣б̣о. ниб̣б̣ааног̇ад̇ханд̇и ниб̣б̣аанаб̣бханд̇арам̣ ниб̣б̣аанам̣ анубавидтам̣. ниб̣б̣аанабарааяананд̇и ниб̣б̣аанам̣ барам̣ аяанамасса бараа г̇ад̇и, на д̇ад̇о барам̣ г̇ажчад̇ийд̇и ад̇т̇о. ниб̣б̣аанам̣ барияосаанам̣ авасаанам̣ ассаад̇и ниб̣б̣аанабарияосаанам̣.
Ettāvatā cāyaṃ upāsako yathā nāma sattame ghare salākabhattaṃ labhitvā gato bhikkhu satta gharāni atikkamma aṭṭhamassa dvāre ṭhito sabbānipi satta gehāni viraddhova na aññāsi, evamevaṃ appaṭibhāgadhammassa paṭibhāgaṃ pucchanto sabbāsupi sattasu sappaṭibhāgapucchāsu viraddhova hotīti veditabbo. Nibbānogadhanti nibbānabbhantaraṃ nibbānaṃ anupaviṭṭhaṃ. Nibbānaparāyananti nibbānaṃ paraṃ ayanamassa parā gati, na tato paraṃ gacchatīti attho. Nibbānaṃ pariyosānaṃ avasānaṃ assāti nibbānapariyosānaṃ.
467. бан̣д̣ид̇аад̇и бан̣д̣ижжзна саманнааг̇ад̇аа, д̇хаад̇угусалаа ааяад̇анагусалаа бадижжасамуббаад̣̇агусалаа таанаадтаанагусалаад̇и ад̇т̇о. махаабан̃н̃аад̇и маханд̇з ад̇т̇з маханд̇з д̇хаммз маханд̇аа нируд̇д̇ияо маханд̇аани бадибхаанаани бариг̇г̇ан̣ханасамад̇т̇ааяа бан̃н̃ааяа саманнааг̇ад̇аа. яат̇аа д̇ам̣ д̇хаммад̣̇иннааяаад̇и яат̇аа д̇хаммад̣̇иннааяа бхигкунияаа б̣яаагад̇ам̣, ахамби д̇ам̣ звамзвам̣ б̣яаагарзяяанд̇и. зд̇д̇аавад̇аа жа бана аяам̣ суд̇д̇анд̇о ж̇инабхаасид̇о наама ж̇аад̇о, на саавагабхаасид̇о. яат̇аа хи рааж̇аяуд̇д̇зхи ликид̇ам̣ бан̣н̣ам̣ яаава рааж̇амуд̣̇д̣̇игааяа на лан̃чид̇ам̣ ход̇и, на д̇аава рааж̇абан̣н̣анд̇и сан̇кяам̣ г̇ажчад̇и; лан̃чид̇амад̇д̇ам̣ бана рааж̇абан̣н̣ам̣ наама ход̇и, д̇ат̇аа, ‘‘ахамби д̇ам̣ звамзва б̣яаагарзяяа’’нд̇и имааяа ж̇инаважанамуд̣̇д̣̇игааяа лан̃чид̇ад̇д̇аа аяам̣ суд̇д̇анд̇о аахажжаважанзна ж̇инабхаасид̇о наама ж̇аад̇о. сзсам̣ саб̣б̣ад̇т̇а уд̇д̇аанад̇т̇амзваад̇и.
467.Paṇḍitāti paṇḍiccena samannāgatā, dhātukusalā āyatanakusalā paṭiccasamuppādakusalā ṭhānāṭṭhānakusalāti attho. Mahāpaññāti mahante atthe mahante dhamme mahantā niruttiyo mahantāni paṭibhānāni pariggaṇhanasamatthāya paññāya samannāgatā. Yathā taṃ dhammadinnāyāti yathā dhammadinnāya bhikkhuniyā byākataṃ, ahampi taṃ evamevaṃ byākareyyanti. Ettāvatā ca pana ayaṃ suttanto jinabhāsito nāma jāto, na sāvakabhāsito. Yathā hi rājayuttehi likhitaṃ paṇṇaṃ yāva rājamuddikāya na lañchitaṃ hoti, na tāva rājapaṇṇanti saṅkhyaṃ gacchati; lañchitamattaṃ pana rājapaṇṇaṃ nāma hoti, tathā, ‘‘ahampi taṃ evameva byākareyya’’nti imāya jinavacanamuddikāya lañchitattā ayaṃ suttanto āhaccavacanena jinabhāsito nāma jāto. Sesaṃ sabbattha uttānatthamevāti.
бабан̃жасууд̣̇анияаа маж̇жхиманигааяадтагат̇ааяа
Papañcasūdaniyā majjhimanikāyaṭṭhakathāya
жуул̣авзд̣̇алласуд̇д̇аван̣н̣анаа нидтид̇аа.
Cūḷavedallasuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / маж̇жхиманигааяа • Majjhimanikāya / 4. жуул̣авзд̣̇алласуд̇д̇ам̣ • 4. Cūḷavedallasuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / маж̇жхиманигааяа (дийгаа) • Majjhimanikāya (ṭīkā) / 4. жуул̣авзд̣̇алласуд̇д̇аван̣н̣анаа • 4. Cūḷavedallasuttavaṇṇanā
