| Library / Tipiṭaka / д̇ибидага • Tipiṭaka / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) |
3. жунд̣̇асуд̇д̇аван̣н̣анаа
3. Cundasuttavaṇṇanā
379. д̇ад̇ияз маг̇ад̇хзсууд̇и звам̣наамагз ж̇анабад̣̇з. наалагаг̇аамагзд̇и рааж̇аг̇ахасса авид̣̇уурз ад̇д̇ано гуласанд̇агз звам̣наамагз г̇аамз. жунд̣̇о саман̣уд̣̇д̣̇зсод̇и аяам̣ т̇зро д̇хаммасзнаабад̇исса ганидтабхаад̇иго, д̇ам̣ бхигкуу анубасамбаннагаалз ‘‘жунд̣̇о саман̣уд̣̇д̣̇зсо’’д̇и самуд̣̇аажарид̇ваа т̇зрагаалзби д̇ат̇зва самуд̣̇аажарим̣су. д̇зна вуд̇д̇ам̣ ‘‘жунд̣̇о саман̣уд̣̇д̣̇зсо’’д̇и. убадтааго ход̇ийд̇и мукод̣̇агад̣̇анд̇агадтад̣̇аанзна жзва баривзн̣асаммаж̇ж̇ана-бидтибаригаммагаран̣а-бад̇д̇ажийвараг̇г̇ахан̣зна жа убадтаанагаро ход̇и. бариниб̣б̣ааяийд̇и анубаад̣̇исзсааяа ниб̣б̣аанад̇хаад̇уяаа бариниб̣б̣уд̇о. гад̇арасмим̣ гаалзд̇и? бхаг̇авад̇о бариниб̣б̣аанасам̣важчарз.
379. Tatiye magadhesūti evaṃnāmake janapade. Nālakagāmaketi rājagahassa avidūre attano kulasantake evaṃnāmake gāme. Cundo samaṇuddesoti ayaṃ thero dhammasenāpatissa kaniṭṭhabhātiko, taṃ bhikkhū anupasampannakāle ‘‘cundo samaṇuddeso’’ti samudācaritvā therakālepi tatheva samudācariṃsu. Tena vuttaṃ ‘‘cundo samaṇuddeso’’ti. Upaṭṭhāko hotīti mukhodakadantakaṭṭhadānena ceva pariveṇasammajjana-piṭṭhiparikammakaraṇa-pattacīvaraggahaṇena ca upaṭṭhānakaro hoti. Parinibbāyīti anupādisesāya nibbānadhātuyā parinibbuto. Katarasmiṃ kāleti? Bhagavato parinibbānasaṃvacchare.
д̇ад̇рааяам̣ анубуб̣б̣игат̇аа – бхаг̇аваа гира вуд̇т̇авассо взл̣уваг̇аамагаа нигкамид̇ваа ‘‘саавад̇т̇им̣ г̇амиссаамий’’д̇и ааг̇ад̇амаг̇г̇знзва бадинивад̇д̇анд̇о анубуб̣б̣зна саавад̇т̇им̣ бад̇ваа ж̇зд̇аванам̣ баависи. д̇хаммасзнаабад̇и бхаг̇авад̇о вад̇д̇ам̣ д̣̇ассзд̇ваа д̣̇иваадтаанам̣ г̇ад̇о, со д̇ад̇т̇а анд̇зваасигзсу вад̇д̇ам̣ д̣̇ассзд̇ваа бадигганд̇зсу д̣̇иваадтаанам̣ саммаж̇ж̇ид̇ваа жаммакан̣д̣ам̣ бан̃н̃аабзд̇ваа баад̣̇з багкаалзд̇ваа баллан̇гам̣ аабхуж̇ид̇ваа паласамаабад̇д̇им̣ баависи. ат̇асса яат̇аа барижчзд̣̇зна д̇ад̇о вудтид̇асса аяам̣ баривид̇агго уд̣̇абаад̣̇и ‘‘б̣уд̣̇д̇хаа ну ко батамам̣ бариниб̣б̣ааяанд̇и, уд̣̇ааху аг̇г̇асаавагаад̇и, д̇ад̇о ‘‘аг̇г̇асаавагаа батама’’нд̇и н̃ад̇ваа ад̇д̇ано ааяусан̇каарам̣ ологзси. со ‘‘сад̇д̇аахамзва мз ааяусан̇каараа бавад̇д̇иссанд̇ий’’д̇и н̃ад̇ваа ‘‘гад̇т̇а бариниб̣б̣ааяиссаамий’’д̇и жинд̇зси.
Tatrāyaṃ anupubbikathā – bhagavā kira vutthavasso veḷuvagāmakā nikkhamitvā ‘‘sāvatthiṃ gamissāmī’’ti āgatamaggeneva paṭinivattanto anupubbena sāvatthiṃ patvā jetavanaṃ pāvisi. Dhammasenāpati bhagavato vattaṃ dassetvā divāṭṭhānaṃ gato, so tattha antevāsikesu vattaṃ dassetvā paṭikkantesu divāṭṭhānaṃ sammajjitvā cammakhaṇḍaṃ paññāpetvā pāde pakkhāletvā pallaṅkaṃ ābhujitvā phalasamāpattiṃ pāvisi. Athassa yathā paricchedena tato vuṭṭhitassa ayaṃ parivitakko udapādi ‘‘buddhā nu kho paṭhamaṃ parinibbāyanti, udāhu aggasāvakāti, tato ‘‘aggasāvakā paṭhama’’nti ñatvā attano āyusaṅkhāraṃ olokesi. So ‘‘sattāhameva me āyusaṅkhārā pavattissantī’’ti ñatvā ‘‘kattha parinibbāyissāmī’’ti cintesi.
д̇ад̇о ‘‘раахуло д̇аавад̇им̣сзсу бариниб̣б̣уд̇о, ан̃н̃аасигон̣д̣ан̃н̃ад̇т̇зро чад̣̇д̣̇анд̇ад̣̇ахз, ахам̣ гад̇т̇а бариниб̣б̣ааяиссаамий’’д̇и бунаббунам̣ жинд̇знд̇о маад̇арам̣ аараб̣бха сад̇им̣ уббаад̣̇зси – ‘‘маяхам̣ маад̇аа сад̇д̇аннам̣ араханд̇аанам̣ маад̇аа худ̇вааби б̣уд̣̇д̇хад̇хаммасан̇гхзсу аббасаннаа, ад̇т̇и ну ко д̇ассаа убаниссаяо, над̇т̇и ну ко’’д̇и. сод̇аабад̇д̇имаг̇г̇асса убаниссаяам̣ д̣̇исваа ‘‘гасса д̣̇зсанааяа абхисамаяо бхависсад̇ий’’д̇и ологзнд̇о ‘‘мамзва д̇хаммад̣̇зсанааяа бхависсад̇и, на ан̃н̃асса. сажз ко банаахам̣ аббоссугго бхавзяяам̣, бхависсанд̇и мз вад̇д̇ааро – ‘‘саарибуд̇д̇ад̇т̇зро авасзсаж̇анаанамби авассаяо ход̇и. д̇ат̇аа хисса самажид̇д̇асуд̇д̇анд̇ад̣̇зсанаад̣̇ивасз (а. ни. 2.33-37) годисад̇асахассад̣̇звад̇аа арахад̇д̇ам̣ бад̇д̇аа, д̇аяо маг̇г̇з бадивид̣̇д̇хад̣̇звад̇аанам̣ г̇ан̣анаа над̇т̇и, ан̃н̃зсу жа таанзсу анзгаа абхисамаяаа д̣̇иссанд̇и, т̇зрз жа жид̇д̇ам̣ басаад̣̇зд̇ваа саг̇г̇з ниб̣б̣ад̇д̇аанзва асийд̇и гуласахассаани, со д̣̇аани сагамаад̇умижчаад̣̇ассанамад̇д̇амби харид̇ум̣ наасагкий’’д̇и. д̇асмаа маад̇арам̣ мижчаад̣̇ассанаа можзд̇ваа ж̇аад̇оварагзязва бариниб̣б̣ааяиссаамий’’д̇и саннидтаанам̣ гад̇ваа ‘‘аж̇ж̇зва бхаг̇аванд̇ам̣ ануж̇аанаабзд̇ваа нигкамиссаамий’’д̇и жунд̣̇ад̇т̇зрам̣ ааманд̇зси – ‘‘аавусо, жунд̣̇а, амхаагам̣ бан̃жасад̇ааяа бхигкубарисааяа сан̃н̃ам̣ д̣̇зхи. ‘г̇ан̣хат̇аавусо бад̇д̇ажийвараани, д̇хаммасзнаабад̇и наалагаг̇аамам̣ г̇анд̇угаамо’’’д̇и. т̇зро д̇ат̇аа агааси.
Tato ‘‘rāhulo tāvatiṃsesu parinibbuto, aññāsikoṇḍaññatthero chaddantadahe, ahaṃ kattha parinibbāyissāmī’’ti punappunaṃ cintento mātaraṃ ārabbha satiṃ uppādesi – ‘‘mayhaṃ mātā sattannaṃ arahantānaṃ mātā hutvāpi buddhadhammasaṅghesu appasannā, atthi nu kho tassā upanissayo, natthi nu kho’’ti. Sotāpattimaggassa upanissayaṃ disvā ‘‘kassa desanāya abhisamayo bhavissatī’’ti olokento ‘‘mameva dhammadesanāya bhavissati, na aññassa. Sace kho panāhaṃ appossukko bhaveyyaṃ, bhavissanti me vattāro – ‘‘sāriputtatthero avasesajanānampi avassayo hoti. Tathā hissa samacittasuttantadesanādivase (a. ni. 2.33-37) koṭisatasahassadevatā arahattaṃ pattā, tayo magge paṭividdhadevatānaṃ gaṇanā natthi, aññesu ca ṭhānesu anekā abhisamayā dissanti, there ca cittaṃ pasādetvā sagge nibbattāneva asīti kulasahassāni, so dāni sakamātumicchādassanamattampi harituṃ nāsakkhī’’ti. Tasmā mātaraṃ micchādassanā mocetvā jātovarakeyeva parinibbāyissāmī’’ti sanniṭṭhānaṃ katvā ‘‘ajjeva bhagavantaṃ anujānāpetvā nikkhamissāmī’’ti cundattheraṃ āmantesi – ‘‘āvuso, cunda, amhākaṃ pañcasatāya bhikkhuparisāya saññaṃ dehi. ‘Gaṇhathāvuso pattacīvarāni, dhammasenāpati nālakagāmaṃ gantukāmo’’’ti. Thero tathā akāsi.
бхигкуу сзнаасанам̣ сам̣саамзд̇ваа бад̇д̇ажийварамаад̣̇ааяа т̇зрасса санд̇игам̣ аг̇амам̣су. т̇зро сзнаасанам̣ сам̣саамзд̇ваа д̣̇иваадтаанам̣ саммаж̇ж̇ид̇ваа д̣̇иваадтаанад̣̇ваарз тад̇ваа д̣̇иваадтаанам̣ ологзд̇ваа ‘‘ид̣̇ам̣ д̣̇аани бажчимад̣̇ассанам̣, буна ааг̇аманам̣ над̇т̇ий’’д̇и бан̃жасад̇абхигкуухи баривуд̇о бхаг̇аванд̇ам̣ убасан̇гамид̇ваа ванд̣̇ид̇ваа бхаг̇аванд̇ам̣ зд̇ад̣̇авожа ‘‘ануж̇аанаад̇у мз бханд̇з бхаг̇аваа, ануж̇аанаад̇у суг̇ад̇о. бариниб̣б̣аанагаало мз, оссадто мз ааяусан̇кааро’’д̇и. б̣уд̣̇д̇хаа бана яасмаа ‘‘бариниб̣б̣аахий’’д̇и вуд̇д̇з маран̣аван̣н̣ам̣ сам̣ван̣н̣знд̇ийд̇и, ‘‘маа бариниб̣б̣аахий’’д̇и вуд̇д̇з ваддасса г̇ун̣ам̣ гат̇знд̇ийд̇и мижчаад̣̇идтигаа д̣̇осам̣ ааробзссанд̇и, д̇асмаа д̇ад̣̇убхаяамби на вад̣̇анд̇и. д̇зна нам̣ бхаг̇аваа – ‘‘гад̇т̇а бариниб̣б̣ааяиссаси саарибуд̇д̇аа’’д̇и вад̇ваа – ‘‘ад̇т̇и, бханд̇з, маг̇ад̇хзсу наалагаг̇аамз ж̇аад̇овараго, д̇ад̇т̇аахам̣ бариниб̣б̣ааяиссаамий’’д̇и вуд̇д̇з – ‘‘яасса д̣̇аани д̇вам̣, саарибуд̇д̇а, гаалам̣ ман̃н̃аси, ид̣̇аани бана д̇з ж̇здтаганидтабхаад̇игаанам̣ д̇аад̣̇исасса бхигкуно д̣̇ассанам̣ д̣̇уллабхам̣ бхависсад̇и, д̣̇зсзхи нзсам̣ д̇хамма’’нд̇и ааха.
Bhikkhū senāsanaṃ saṃsāmetvā pattacīvaramādāya therassa santikaṃ agamaṃsu. Thero senāsanaṃ saṃsāmetvā divāṭṭhānaṃ sammajjitvā divāṭṭhānadvāre ṭhatvā divāṭṭhānaṃ oloketvā ‘‘idaṃ dāni pacchimadassanaṃ, puna āgamanaṃ natthī’’ti pañcasatabhikkhūhi parivuto bhagavantaṃ upasaṅkamitvā vanditvā bhagavantaṃ etadavoca ‘‘anujānātu me bhante bhagavā, anujānātu sugato. Parinibbānakālo me, ossaṭṭho me āyusaṅkhāro’’ti. Buddhā pana yasmā ‘‘parinibbāhī’’ti vutte maraṇavaṇṇaṃ saṃvaṇṇentīti, ‘‘mā parinibbāhī’’ti vutte vaṭṭassa guṇaṃ kathentīti micchādiṭṭhikā dosaṃ āropessanti, tasmā tadubhayampi na vadanti. Tena naṃ bhagavā – ‘‘kattha parinibbāyissasi sāriputtā’’ti vatvā – ‘‘atthi, bhante, magadhesu nālakagāme jātovarako, tatthāhaṃ parinibbāyissāmī’’ti vutte – ‘‘yassa dāni tvaṃ, sāriputta, kālaṃ maññasi, idāni pana te jeṭṭhakaniṭṭhabhātikānaṃ tādisassa bhikkhuno dassanaṃ dullabhaṃ bhavissati, desehi nesaṃ dhamma’’nti āha.
т̇зро – ‘‘сад̇т̇аа маяхам̣ ид̣̇д̇хивигуб̣б̣анабуб̣б̣ан̇г̇амам̣ д̇хаммад̣̇зсанам̣ бажжаасийсад̇ий’’д̇и н̃ад̇ваа бхаг̇аванд̇ам̣ ванд̣̇ид̇ваа д̇аалаббамаан̣ам̣ аагаасам̣ аб̣бхуг̇г̇анд̇ваа оруяха д̣̇асаб̣аласса баад̣̇з ванд̣̇и, буна д̣̇вид̇аалаббамаан̣ам̣ аб̣бхуг̇г̇анд̇ваа оруяха д̣̇асаб̣аласса баад̣̇з ванд̣̇и, зд̇знубааязна сад̇д̇ад̇аалаббамаан̣ам̣ аб̣бхуг̇г̇анд̇ваа анзгаани баадихаарияасад̇аани д̣̇ассзнд̇о д̇хаммагат̇ам̣ аарабхи. д̣̇иссамаанзнаби гааязна гат̇зд̇и, ад̣̇иссамаанзнаби. убаримзна ваа хздтимзна ваа убад̣дхагааязна гат̇зд̇и ад̣̇иссамаанзнаби д̣̇иссамаанзнаби, гаалзна жанд̣̇аван̣н̣ам̣ д̣̇ассзд̇и, гаалзна суурияаван̣н̣ам̣, гаалзна баб̣б̣ад̇аван̣н̣ам̣, гаалзна самуд̣̇д̣̇аван̣н̣ам̣, гаалзна жаггавад̇д̇ирааж̇аа ход̇и, гаалзна взссаван̣амахаарааж̇аа, гаалзна сагго д̣̇зварааж̇аа, гаалзна махааб̣рахмаад̇и звам̣ анзгаани баадихаарияасад̇аани д̣̇ассзнд̇о д̇хаммагат̇ам̣ гат̇зси. сагаланаг̇арам̣ саннибад̇и. т̇зро оруяха д̣̇асаб̣аласса баад̣̇з ванд̣̇ид̇ваа адтааси. ат̇а нам̣ сад̇т̇аа ааха – ‘‘го наамо аяам̣ саарибуд̇д̇а д̇хаммабарияааяо’’д̇и. сийхавигийл̣ид̇о наама, бханд̇зд̇и. д̇аг̇гха, саарибуд̇д̇а, сийхавигийл̣ид̇о д̇аг̇гха, саарибуд̇д̇а, сийхавигийл̣ид̇од̇и.
Thero – ‘‘satthā mayhaṃ iddhivikubbanapubbaṅgamaṃ dhammadesanaṃ paccāsīsatī’’ti ñatvā bhagavantaṃ vanditvā tālappamāṇaṃ ākāsaṃ abbhuggantvā oruyha dasabalassa pāde vandi, puna dvitālappamāṇaṃ abbhuggantvā oruyha dasabalassa pāde vandi, etenupāyena sattatālappamāṇaṃ abbhuggantvā anekāni pāṭihāriyasatāni dassento dhammakathaṃ ārabhi. Dissamānenapi kāyena katheti, adissamānenapi. Uparimena vā heṭṭhimena vā upaḍḍhakāyena katheti adissamānenapi dissamānenapi, kālena candavaṇṇaṃ dasseti, kālena sūriyavaṇṇaṃ, kālena pabbatavaṇṇaṃ, kālena samuddavaṇṇaṃ, kālena cakkavattirājā hoti, kālena vessavaṇamahārājā, kālena sakko devarājā, kālena mahābrahmāti evaṃ anekāni pāṭihāriyasatāni dassento dhammakathaṃ kathesi. Sakalanagaraṃ sannipati. Thero oruyha dasabalassa pāde vanditvā aṭṭhāsi. Atha naṃ satthā āha – ‘‘ko nāmo ayaṃ sāriputta dhammapariyāyo’’ti. Sīhavikīḷito nāma, bhanteti. Taggha, sāriputta, sīhavikīḷito taggha, sāriputta, sīhavikīḷitoti.
т̇зро алад̇д̇агаван̣н̣з хад̇т̇з басаарзд̇ваа сад̇т̇у суван̣н̣агажчабасад̣̇исз баад̣̇з г̇обпагзсу г̇ахзд̇ваа – ‘‘бханд̇з, имзсам̣ баад̣̇аанам̣ ванд̣̇анад̇т̇ааяа габбасад̇асахассаад̇хигам̣ асан̇кязяяам̣ баарамияо буурид̇аа, со мз манорат̇о мад̇т̇агам̣ бад̇д̇о, ид̇о д̣̇аани бадтааяа бадисанд̇хивасзна на буна згадтаанз саннибаад̇о самааг̇амо ад̇т̇и, чинно зса виссаасо, анзгзхи б̣уд̣̇д̇хасад̇асахассзхи бавидтам̣ аж̇арам̣ амарам̣ кзмам̣ сукам̣ сийд̇алам̣ абхаяам̣ ниб̣б̣аанабурам̣ бависиссаами, сажз мз гин̃жи гааяигам̣ ваа ваажасигам̣ ваа на рожзт̇а, камат̇а д̇ам̣ бхаг̇аваа, г̇аманагаало маяха’’нд̇и. камаами д̇з, саарибуд̇д̇а, на ко бана д̇з гин̃жи гааяигам̣ ваа ваажасигам̣ ваа маяхам̣ аружжанагам̣ ад̇т̇и, яасса д̣̇аани д̇вам̣, саарибуд̇д̇а, гаалам̣ ман̃н̃асийд̇и.
Thero alattakavaṇṇe hatthe pasāretvā satthu suvaṇṇakacchapasadise pāde gopphakesu gahetvā – ‘‘bhante, imesaṃ pādānaṃ vandanatthāya kappasatasahassādhikaṃ asaṅkhyeyyaṃ pāramiyo pūritā, so me manoratho matthakaṃ patto, ito dāni paṭṭhāya paṭisandhivasena na puna ekaṭṭhāne sannipāto samāgamo atthi, chinno esa vissāso, anekehi buddhasatasahassehi paviṭṭhaṃ ajaraṃ amaraṃ khemaṃ sukhaṃ sītalaṃ abhayaṃ nibbānapuraṃ pavisissāmi, sace me kiñci kāyikaṃ vā vācasikaṃ vā na rocetha, khamatha taṃ bhagavā, gamanakālo mayha’’nti. Khamāmi te, sāriputta, na kho pana te kiñci kāyikaṃ vā vācasikaṃ vā mayhaṃ aruccanakaṃ atthi, yassa dāni tvaṃ, sāriputta, kālaṃ maññasīti.
ид̇и бхаг̇авад̇аа анун̃н̃аад̇асамананд̇арам̣ сад̇т̇у баад̣̇з ванд̣̇ид̇ваа удтид̇амад̇д̇з ааяасманд̇з саарибуд̇д̇з синзружаггаваал̣ахимаванд̇абарибхан̣д̣абаб̣б̣ад̇з д̇хаараяамаанааби – ‘‘аж̇ж̇а имам̣ г̇ун̣араасим̣ д̇хаарзд̇ум̣ на саггомий’’д̇и вад̣̇анд̇ий вияа згаббахаарзнзва виравамаанаа махаабат̇авий яаава уд̣̇агабарияанд̇аа агамби, аагаасз д̣̇звад̣̇унд̣̇убхияо палим̣су, махаамзгхо удтахид̇ваа богкаравассам̣ васси.
Iti bhagavatā anuññātasamanantaraṃ satthu pāde vanditvā uṭṭhitamatte āyasmante sāriputte sinerucakkavāḷahimavantaparibhaṇḍapabbate dhārayamānāpi – ‘‘ajja imaṃ guṇarāsiṃ dhāretuṃ na sakkomī’’ti vadantī viya ekappahāreneva viravamānā mahāpathavī yāva udakapariyantā akampi, ākāse devadundubhiyo phaliṃsu, mahāmegho uṭṭhahitvā pokkharavassaṃ vassi.
сад̇т̇аа – ‘‘д̇хаммасзнаабад̇им̣ бадибаад̣̇зссаамий’’д̇и д̇хаммаасанаа вудтааяа г̇анд̇хагудиабхимуко г̇анд̇ваа ман̣ипалагз адтааси. т̇зро д̇игкад̇д̇ум̣ бад̣̇агкин̣ам̣ гад̇ваа жад̇уусу таанзсу ванд̣̇ид̇ваа – ‘‘бхаг̇аваа ид̇о габбасад̇асахассаад̇хигасса асан̇кязяяасса убари аномад̣̇ассийсаммаасамб̣уд̣̇д̇хасса баад̣̇амуулз нибаж̇ж̇ид̇ваа д̇умхаагам̣ д̣̇ассанам̣ бад̇т̇зсим̣, саа мз бад̇т̇анаа самид̣̇д̇хаа, д̣̇идтаа д̇умхз, д̇ам̣ батамад̣̇ассанам̣, ид̣̇ам̣ бажчимад̣̇ассанам̣. буна д̇умхаагам̣ д̣̇ассанам̣ над̇т̇ий’’д̇и вад̇ваа д̣̇асанакасамод̇хаанасамуж̇ж̇алам̣ ан̃ж̇алим̣ баг̇г̇аяха яаава д̣̇ассанависаяаа абхимукова бадиггамид̇ваа ванд̣̇ид̇ваа баггаами. буна махаабат̇авий д̇хаарзд̇ум̣ асаггонд̇ий уд̣̇агабарияанд̇ам̣ гад̇ваа агамби.
Satthā – ‘‘dhammasenāpatiṃ paṭipādessāmī’’ti dhammāsanā vuṭṭhāya gandhakuṭiabhimukho gantvā maṇiphalake aṭṭhāsi. Thero tikkhattuṃ padakkhiṇaṃ katvā catūsu ṭhānesu vanditvā – ‘‘bhagavā ito kappasatasahassādhikassa asaṅkhyeyyassa upari anomadassīsammāsambuddhassa pādamūle nipajjitvā tumhākaṃ dassanaṃ patthesiṃ, sā me patthanā samiddhā, diṭṭhā tumhe, taṃ paṭhamadassanaṃ, idaṃ pacchimadassanaṃ. Puna tumhākaṃ dassanaṃ natthī’’ti vatvā dasanakhasamodhānasamujjalaṃ añjaliṃ paggayha yāva dassanavisayā abhimukhova paṭikkamitvā vanditvā pakkāmi. Puna mahāpathavī dhāretuṃ asakkontī udakapariyantaṃ katvā akampi.
бхаг̇аваа бариваарзд̇ваа тид̇з бхигкуу ааха – ‘‘ануг̇ажчат̇а, бхигкавз, д̇умхаагам̣ ж̇здтабхаад̇ига’’нд̇и. д̇асмим̣ кан̣з жад̇ассоби барисаа саммаасамб̣уд̣̇д̇хам̣ згагам̣язва ж̇зд̇аванз охааяа ниравасзсаа нигкамим̣су. саавад̇т̇инаг̇араваасиноби – ‘‘саарибуд̇д̇ад̇т̇зро гира саммаасамб̣уд̣̇д̇хам̣ аабужчид̇ваа бариниб̣б̣ааяид̇угаамо нигканд̇о, бассиссаама на’’нд̇и наг̇арад̣̇ваараани нирогаасаани гаронд̇аа нигкамид̇ваа г̇анд̇хамаалаад̣̇ихад̇т̇аа гзсз вигирид̇ваа – ‘‘ид̣̇аани маяам̣ гахам̣ махаабан̃н̃о нисинно, гахам̣ д̇хаммасзнаабад̇и нисинно’’д̇и бужчанд̇аа – ‘‘гасса санд̇игам̣ г̇амиссаама, гасса хад̇т̇з сад̇т̇аарам̣ табзд̇ваа т̇зро багганд̇о’’д̇иаад̣̇инаа наязна барид̣̇званд̇аа род̣̇анд̇аа т̇зрам̣ ануб̣анд̇хим̣су.
Bhagavā parivāretvā ṭhite bhikkhū āha – ‘‘anugacchatha, bhikkhave, tumhākaṃ jeṭṭhabhātika’’nti. Tasmiṃ khaṇe catassopi parisā sammāsambuddhaṃ ekakaṃyeva jetavane ohāya niravasesā nikkhamiṃsu. Sāvatthinagaravāsinopi – ‘‘sāriputtatthero kira sammāsambuddhaṃ āpucchitvā parinibbāyitukāmo nikkhanto, passissāma na’’nti nagaradvārāni nirokāsāni karontā nikkhamitvā gandhamālādihatthā kese vikiritvā – ‘‘idāni mayaṃ kahaṃ mahāpañño nisinno, kahaṃ dhammasenāpati nisinno’’ti pucchantā – ‘‘kassa santikaṃ gamissāma, kassa hatthe satthāraṃ ṭhapetvā thero pakkanto’’tiādinā nayena paridevantā rodantā theraṃ anubandhiṃsu.
т̇зро махаабан̃н̃ааяа тид̇ад̇д̇аа – ‘‘саб̣б̣зсам̣ анад̇иггаманийяо зса маг̇г̇о’’д̇и махааж̇анам̣ овад̣̇ид̇ваа – ‘‘д̇умхзби, аавусо, д̇идтат̇а, маа д̣̇асаб̣алз бамаад̣̇ам̣ аабаж̇ж̇ид̇т̇аа’’д̇и бхигкусан̇гхамби нивад̇д̇зд̇ваа ад̇д̇ано барисааязва сад̣̇д̇хим̣ баггаами. язби мануссаа – ‘‘буб̣б̣з аяяо бажжааг̇аманажааригам̣ жарад̇и, ид̣̇ам̣ ид̣̇аани г̇аманам̣ на буна бажжааг̇аманааяаа’’д̇и барид̣̇званд̇аа ануб̣анд̇хим̣суязва. д̇зби – ‘‘аббамад̇д̇аа, аавусо, хот̇а, звам̣бхаавино наама сан̇каараа’’д̇и нивад̇д̇зси.
Thero mahāpaññāya ṭhitattā – ‘‘sabbesaṃ anatikkamanīyo esa maggo’’ti mahājanaṃ ovaditvā – ‘‘tumhepi, āvuso, tiṭṭhatha, mā dasabale pamādaṃ āpajjitthā’’ti bhikkhusaṅghampi nivattetvā attano parisāyeva saddhiṃ pakkāmi. Yepi manussā – ‘‘pubbe ayyo paccāgamanacārikaṃ carati, idaṃ idāni gamanaṃ na puna paccāgamanāyā’’ti paridevantā anubandhiṃsuyeva. Tepi – ‘‘appamattā, āvuso, hotha, evaṃbhāvino nāma saṅkhārā’’ti nivattesi.
ат̇а ко ааяасмаа саарибуд̇д̇о саб̣б̣ад̇т̇а згарад̇д̇иваасзна анд̇араамаг̇г̇з сад̇д̇аахам̣ мануссаанам̣ сан̇г̇ахам̣ гаронд̇о сааяам̣ наалагаг̇аамам̣ бад̇ваа г̇аамад̣̇ваарз ниг̇род̇харугкамуулз адтааси. ат̇а убарзвад̇о наама т̇зрасса бхааг̇инзяяо б̣ахиг̇аамам̣ г̇ажчанд̇о т̇зрам̣ д̣̇исваа убасан̇гамид̇ваа ванд̣̇ид̇ваа адтааси. т̇зро д̇ам̣ ааха – ‘‘ад̇т̇и г̇зхз д̇з аяяигаа’’д̇и. аама бханд̇зд̇и. г̇ажча амхаагам̣ ид̇хааг̇ад̇абхаавам̣ аарожзхи. ‘‘гасмаа ааг̇ад̇о’’д̇и жа вуд̇д̇з – ‘‘аж̇ж̇а гира згад̣̇ивасам̣ анд̇ог̇аамз васиссад̇и, ж̇аад̇оварагам̣ бадиж̇аг̇г̇ат̇а, бан̃жаннан̃жа гира бхигкусад̇аанам̣ васанадтаанам̣ ж̇аанаат̇аа’’д̇и. со г̇анд̇ваа – ‘‘аяяигз маяхам̣ маад̇уло ааг̇ад̇о’’д̇и ааха. ид̣̇аани гухинд̇и? г̇аамад̣̇ваарзд̇и. згагова, ан̃н̃оби гожи ад̇т̇ийд̇и? ад̇т̇и бан̃жасад̇аа бхигкууд̇и. гим̣гааран̣аа ааг̇ад̇од̇и? со д̇ам̣ бавад̇д̇им̣ аарожзси. б̣раахман̣ий – ‘‘гим̣ ну ко зд̇д̇агаанам̣ васанадтаанам̣ бадиж̇аг̇г̇аабзд̇и , д̣̇ахарагаалз баб̣б̣аж̇ид̇ваа махаллагагаалз г̇ихий ход̇угаамо’’д̇и жинд̇знд̇ий ж̇аад̇оварагам̣ бадиж̇аг̇г̇аабзд̇ваа бан̃жасад̇аанам̣ васанадтаанам̣ гаарзд̇ваа д̣̇ан̣д̣ад̣̇ийбигаа ж̇аалзд̇ваа т̇зрасса баахзси.
Atha kho āyasmā sāriputto sabbattha ekarattivāsena antarāmagge sattāhaṃ manussānaṃ saṅgahaṃ karonto sāyaṃ nālakagāmaṃ patvā gāmadvāre nigrodharukkhamūle aṭṭhāsi. Atha uparevato nāma therassa bhāgineyyo bahigāmaṃ gacchanto theraṃ disvā upasaṅkamitvā vanditvā aṭṭhāsi. Thero taṃ āha – ‘‘atthi gehe te ayyikā’’ti. Āma bhanteti. Gaccha amhākaṃ idhāgatabhāvaṃ ārocehi. ‘‘Kasmā āgato’’ti ca vutte – ‘‘ajja kira ekadivasaṃ antogāme vasissati, jātovarakaṃ paṭijaggatha, pañcannañca kira bhikkhusatānaṃ vasanaṭṭhānaṃ jānāthā’’ti. So gantvā – ‘‘ayyike mayhaṃ mātulo āgato’’ti āha. Idāni kuhinti? Gāmadvāreti. Ekakova, aññopi koci atthīti? Atthi pañcasatā bhikkhūti. Kiṃkāraṇā āgatoti? So taṃ pavattiṃ ārocesi. Brāhmaṇī – ‘‘kiṃ nu kho ettakānaṃ vasanaṭṭhānaṃ paṭijaggāpeti , daharakāle pabbajitvā mahallakakāle gihī hotukāmo’’ti cintentī jātovarakaṃ paṭijaggāpetvā pañcasatānaṃ vasanaṭṭhānaṃ kāretvā daṇḍadīpikā jāletvā therassa pāhesi.
т̇зро бхигкуухи сад̣̇д̇хим̣ баасаад̣̇ам̣ ааруяха ж̇аад̇оварагам̣ бависид̇ваа нисийд̣̇и, нисийд̣̇ид̇ваа ‘‘д̇умхаагам̣ васанадтаанам̣ г̇ажчат̇аа’’д̇и бхигкуу уяяож̇зси. д̇зсу г̇ад̇амад̇д̇зсуязва т̇зрасса каро ааб̣аад̇хо уббаж̇ж̇и, лохид̇абагканд̣̇игаа мааран̣анд̇игаа взд̣̇анаа вад̇д̇анд̇и. згам̣ бхааж̇анам̣ бависад̇и, згам̣ нигкамад̇и. б̣раахман̣ий – ‘‘мама буд̇д̇асса бавад̇д̇и маяхам̣ на ружжад̇ий’’д̇и ад̇д̇ано васанаг̇аб̣бхад̣̇ваарам̣ ниссааяа адтааси.
Thero bhikkhūhi saddhiṃ pāsādaṃ āruyha jātovarakaṃ pavisitvā nisīdi, nisīditvā ‘‘tumhākaṃ vasanaṭṭhānaṃ gacchathā’’ti bhikkhū uyyojesi. Tesu gatamattesuyeva therassa kharo ābādho uppajji, lohitapakkhandikā māraṇantikā vedanā vattanti. Ekaṃ bhājanaṃ pavisati, ekaṃ nikkhamati. Brāhmaṇī – ‘‘mama puttassa pavatti mayhaṃ na ruccatī’’ti attano vasanagabbhadvāraṃ nissāya aṭṭhāsi.
жад̇д̇ааро махаарааж̇аано ‘‘д̇хаммасзнаабад̇и гухим̣ вихарад̇ий’’д̇и ологзнд̇аа наалагаг̇аамз ж̇аад̇оварагз бариниб̣б̣аанаман̃жз нибанно, бажчимад̣̇ассанам̣ г̇амиссаамаа’’д̇и ааг̇амма ванд̣̇ид̇ваа адтам̣су. гз д̇умхзд̇и? махаарааж̇аано бханд̇зд̇и. гасмаа ааг̇ад̇ад̇т̇аад̇и? г̇илаанубадтаагаа бхависсаамаад̇и. ‘‘ход̇у, ад̇т̇и г̇илаанубадтааго, г̇ажчат̇а д̇умхз’’д̇и уяяож̇зси. д̇зсам̣ г̇ад̇аавасаанз д̇знзва наязна сагго д̣̇зваанаминд̣̇о. д̇асмим̣ г̇ад̇з махааб̣рахмаа жа ааг̇амим̣су. д̇зби д̇ат̇зва т̇зро уяяож̇зси.
Cattāro mahārājāno ‘‘dhammasenāpati kuhiṃ viharatī’’ti olokentā nālakagāme jātovarake parinibbānamañce nipanno, pacchimadassanaṃ gamissāmā’’ti āgamma vanditvā aṭṭhaṃsu. Ke tumheti? Mahārājāno bhanteti. Kasmā āgatatthāti? Gilānupaṭṭhākā bhavissāmāti. ‘‘Hotu, atthi gilānupaṭṭhāko, gacchatha tumhe’’ti uyyojesi. Tesaṃ gatāvasāne teneva nayena sakko devānamindo. Tasmiṃ gate mahābrahmā ca āgamiṃsu. Tepi tatheva thero uyyojesi.
б̣раахман̣ий д̣̇звад̇аанам̣ ааг̇аманан̃жа г̇аманан̃жа д̣̇исваа ‘‘гз ну ко зд̇з мама буд̇д̇ам̣ ванд̣̇ид̇ваа г̇ажчанд̇ий’’д̇и т̇зрасса г̇аб̣бхад̣̇ваарам̣ г̇анд̇ваа ‘‘д̇аад̇а, жунд̣̇а, гаа бавад̇д̇ий’’д̇и бужчи. со д̇ам̣ бавад̇д̇им̣ аажигкид̇ваа ‘‘махааубаасигаа, бханд̇з, ааг̇ад̇аа’’д̇и ааха. т̇зро ‘‘гасмаа авзлааяа ааг̇ад̇аа’’д̇и бужчи. саа ‘‘д̇уяхам̣, д̇аад̇а, д̣̇ассанад̇т̇ааяаа’’д̇и вад̇ваа ‘‘д̇аад̇а, батамам̣ гз ааг̇ад̇аа’’д̇и бужчи. жад̇д̇ааро махаарааж̇аано убаасигзд̇и. д̇аад̇а, д̇вам̣ жад̇уухи махаарааж̇зхи маханд̇ад̇арод̇и? аараамигасад̣̇исаа зд̇з убаасигз, амхаагам̣ сад̇т̇у бадисанд̇хиг̇г̇ахан̣ад̇о бадтааяа каг̇г̇ахад̇т̇аа худ̇ваа аарагкам̣ агам̣сууд̇и. д̇зсам̣ д̇аад̇а г̇ад̇аавасаанз го ааг̇ад̇од̇и? сагго д̣̇зваанаминд̣̇од̇и. д̣̇зварааж̇ад̇оби д̇вам̣ д̇аад̇а маханд̇ад̇арод̇и? бхан̣д̣аг̇г̇аахагасааман̣зрасад̣̇исо зса убаасигз, амхаагам̣ сад̇т̇у д̇аавад̇им̣сад̇о од̇аран̣агаалз бад̇д̇ажийварам̣ г̇ахзд̇ваа од̇ин̣н̣од̇и. д̇асса д̇аад̇а г̇ад̇аавасаанз ж̇од̇аяамаано вияа го ааг̇ад̇од̇и? убаасигз, д̇уяхам̣ бхаг̇аваа жа сад̇т̇аа жа махааб̣рахмаа наама зсод̇и. маяхам̣ бхаг̇авад̇о махааб̣рахмад̇оби д̇вам̣, д̇аад̇а, маханд̇ад̇арод̇и? аама убаасигз, зд̇з наама гира амхаагам̣ сад̇т̇у ж̇аад̇ад̣̇ивасз жад̇д̇ааро махааб̣рахмаано махаабурисам̣ суван̣н̣аж̇аалзна бадиг̇г̇ан̣хим̣сууд̇и.
Brāhmaṇī devatānaṃ āgamanañca gamanañca disvā ‘‘ke nu kho ete mama puttaṃ vanditvā gacchantī’’ti therassa gabbhadvāraṃ gantvā ‘‘tāta, cunda, kā pavattī’’ti pucchi. So taṃ pavattiṃ ācikkhitvā ‘‘mahāupāsikā, bhante, āgatā’’ti āha. Thero ‘‘kasmā avelāya āgatā’’ti pucchi. Sā ‘‘tuyhaṃ, tāta, dassanatthāyā’’ti vatvā ‘‘tāta, paṭhamaṃ ke āgatā’’ti pucchi. Cattāro mahārājāno upāsiketi. Tāta, tvaṃ catūhi mahārājehi mahantataroti? Ārāmikasadisā ete upāsike, amhākaṃ satthu paṭisandhiggahaṇato paṭṭhāya khaggahatthā hutvā ārakkhaṃ akaṃsūti. Tesaṃ tāta gatāvasāne ko āgatoti? Sakko devānamindoti. Devarājatopi tvaṃ tāta mahantataroti? Bhaṇḍaggāhakasāmaṇerasadiso esa upāsike, amhākaṃ satthu tāvatiṃsato otaraṇakāle pattacīvaraṃ gahetvā otiṇṇoti. Tassa tāta gatāvasāne jotayamāno viya ko āgatoti? Upāsike, tuyhaṃ bhagavā ca satthā ca mahābrahmā nāma esoti. Mayhaṃ bhagavato mahābrahmatopi tvaṃ, tāta, mahantataroti? Āma upāsike, ete nāma kira amhākaṃ satthu jātadivase cattāro mahābrahmāno mahāpurisaṃ suvaṇṇajālena paṭiggaṇhiṃsūti.
ат̇а б̣раахман̣ияаа – ‘‘буд̇д̇асса д̇аава мз аяам̣ аанубхааво, гийд̣̇исо вад̇а маяхам̣ буд̇д̇асса бхаг̇авад̇о сад̇т̇у аанубхааво бхависсад̇ий’’д̇и жинд̇аяанд̇ияаа сахасаа бан̃жаван̣н̣аа бийд̇и уббаж̇ж̇ид̇ваа сагаласарийрам̣ пари. т̇зро – ‘‘уббаннам̣ мз маад̇у бийд̇исоманассам̣, аяам̣ д̣̇аани гаало д̇хаммад̣̇зсанааяаа’’д̇и жинд̇зд̇ваа ‘‘гим̣ жинд̇зси махааубаасигз’’д̇и ааха. саа ‘‘буд̇д̇асса д̇аава мз аяам̣ г̇ун̣о, сад̇т̇у банасса гийд̣̇исо бхависсад̇ийд̇и ид̣̇ам̣, д̇аад̇а, жинд̇змий’’д̇и ааха. махааубаасигз, маяхам̣ сад̇т̇уж̇аад̇агкан̣з махаабхинигкаманз самб̣од̇хияам̣ д̇хаммажаггаббавад̇д̇анз жа д̣̇асасахассилогад̇хаад̇у гамбид̇т̇а. сийлзна самаад̇хинаа бан̃н̃ааяа вимуд̇д̇ияаа вимуд̇д̇ин̃аан̣ад̣̇ассанзна само наама над̇т̇и, ид̇иби со бхаг̇аваад̇и вид̇т̇аарзд̇ваа б̣уд̣̇д̇хаг̇ун̣абадисам̣яуд̇д̇ам̣ д̇хаммад̣̇зсанам̣ гат̇зси.
Atha brāhmaṇiyā – ‘‘puttassa tāva me ayaṃ ānubhāvo, kīdiso vata mayhaṃ puttassa bhagavato satthu ānubhāvo bhavissatī’’ti cintayantiyā sahasā pañcavaṇṇā pīti uppajjitvā sakalasarīraṃ phari. Thero – ‘‘uppannaṃ me mātu pītisomanassaṃ, ayaṃ dāni kālo dhammadesanāyā’’ti cintetvā ‘‘kiṃ cintesi mahāupāsike’’ti āha. Sā ‘‘puttassa tāva me ayaṃ guṇo, satthu panassa kīdiso bhavissatīti idaṃ, tāta, cintemī’’ti āha. Mahāupāsike, mayhaṃ satthujātakkhaṇe mahābhinikkhamane sambodhiyaṃ dhammacakkappavattane ca dasasahassilokadhātu kampittha. Sīlena samādhinā paññāya vimuttiyā vimuttiñāṇadassanena samo nāma natthi, itipi so bhagavāti vitthāretvā buddhaguṇapaṭisaṃyuttaṃ dhammadesanaṃ kathesi.
б̣раахман̣ий бияабуд̇д̇асса д̇хаммад̣̇зсанаабарияосаанз сод̇аабад̇д̇ипалз бад̇идтааяа буд̇д̇ам̣ ааха – ‘‘д̇аад̇а убад̇исса, гасмаа звамагааси, зваруубам̣ наама амад̇ам̣ маяхам̣ зд̇д̇агам̣ гаалам̣ на ад̣̇аасий’’д̇и. т̇зро – ‘‘д̣̇иннам̣ д̣̇аани мз маад̇у руубасаарияаа б̣раахман̣ияаа босааванигамуулам̣, зд̇д̇агзна ваддиссад̇ий’’д̇и жинд̇зд̇ваа – ‘‘г̇ажча махааубасигз’’д̇и б̣раахман̣им̣ уяяож̇зд̇ваа – ‘‘жунд̣̇а гаа взлаа’’д̇и ааха. б̣алавабажжуусагаало, бханд̇зд̇и. бхигкусан̇гхам̣ саннибаад̇зхийд̇и. саннибад̇ид̇о бханд̇з бхигкусан̇гход̇и. ‘‘мам̣ угкибид̇ваа нисийд̣̇аабзхи жунд̣̇аа’’д̇и угкибид̇ваа нисийд̣̇аабзси.
Brāhmaṇī piyaputtassa dhammadesanāpariyosāne sotāpattiphale patiṭṭhāya puttaṃ āha – ‘‘tāta upatissa, kasmā evamakāsi, evarūpaṃ nāma amataṃ mayhaṃ ettakaṃ kālaṃ na adāsī’’ti. Thero – ‘‘dinnaṃ dāni me mātu rūpasāriyā brāhmaṇiyā posāvanikamūlaṃ, ettakena vaṭṭissatī’’ti cintetvā – ‘‘gaccha mahāupasike’’ti brāhmaṇiṃ uyyojetvā – ‘‘cunda kā velā’’ti āha. Balavapaccūsakālo, bhanteti. Bhikkhusaṅghaṃ sannipātehīti. Sannipatito bhante bhikkhusaṅghoti. ‘‘Maṃ ukkhipitvā nisīdāpehi cundā’’ti ukkhipitvā nisīdāpesi.
т̇зро бхигкуу ааманд̇зси – ‘‘аавусо жад̇ужад̇д̇аалийсам̣ во вассаани маяаа сад̣̇д̇хим̣ вижаранд̇аанам̣ яам̣ мз гааяигам̣ ваа ваажасигам̣ ваа на рожзт̇а, д̇ам̣ камат̇а аавусо’’д̇и. зд̇д̇агам̣, бханд̇з, амхаагам̣ чааяаа вияа д̇умхз амун̃жид̇ваа вижаранд̇аанам̣ аружжанагам̣ наама над̇т̇и, д̇умхз бана амхаагам̣ камат̇аад̇и. ат̇а т̇зро махаажийварам̣ сан̇гад̣дхид̇ваа мукам̣ бид̇хааяа д̣̇агкин̣зна бассзна нибанно сад̇т̇аа вияа нава анубуб̣б̣асамаабад̇д̇ияо ануломабадиломад̇о самаабаж̇ж̇ид̇ваа буна батамаж̇жхаанам̣ аад̣̇им̣ гад̇ваа яаава жад̇уд̇т̇аж̇жхаанаа самаабаж̇ж̇и . д̇ад̇о вудтааяа ананд̇арам̣язва махаабат̇авим̣ уннаад̣̇знд̇о анубаад̣̇исзсааяа ниб̣б̣аанад̇хаад̇уяаа бариниб̣б̣ааяи.
Thero bhikkhū āmantesi – ‘‘āvuso catucattālīsaṃ vo vassāni mayā saddhiṃ vicarantānaṃ yaṃ me kāyikaṃ vā vācasikaṃ vā na rocetha, taṃ khamatha āvuso’’ti. Ettakaṃ, bhante, amhākaṃ chāyā viya tumhe amuñcitvā vicarantānaṃ aruccanakaṃ nāma natthi, tumhe pana amhākaṃ khamathāti. Atha thero mahācīvaraṃ saṅkaḍḍhitvā mukhaṃ pidhāya dakkhiṇena passena nipanno satthā viya nava anupubbasamāpattiyo anulomapaṭilomato samāpajjitvā puna paṭhamajjhānaṃ ādiṃ katvā yāva catutthajjhānā samāpajji . Tato vuṭṭhāya anantaraṃyeva mahāpathaviṃ unnādento anupādisesāya nibbānadhātuyā parinibbāyi.
убаасигаа – ‘‘гим̣ ну ко мз буд̇д̇о, на гин̃жи гат̇зд̇ий’’д̇и удтааяа бидтибаад̣̇з баримаж̇ж̇анд̇ий бариниб̣б̣уд̇абхаавам̣ н̃ад̇ваа махаасад̣̇д̣̇ам̣ гурумаанаа баад̣̇зсу нибад̇ид̇ваа – ‘‘д̇аад̇а маяам̣ ид̇о буб̣б̣з д̇ава г̇ун̣ам̣ на ж̇аанимхаа, ид̣̇аани бана д̇ам̣ аад̣̇им̣ гад̇ваа анзгасад̇з анзгасахассз анзгасад̇асахассз бхигкуу имасмим̣ нивзсанз нисийд̣̇аабзд̇ваа бхож̇зд̇ум̣ на лабхимхаа, жийварзхи ажчаад̣̇зд̇ум̣ на лабхимхаа, вихаарасад̇ам̣ вихаарасахассам̣ гаарзд̇ум̣ на лабхимхаа’’д̇и яаава арун̣уг̇г̇аманаа барид̣̇зви . арун̣з уг̇г̇ад̇амад̇д̇зязва суван̣н̣агаарз баггосаабзд̇ваа суван̣н̣аг̇аб̣бхам̣ вивараабзд̇ваа суван̣н̣агхадияо махаад̇улааяа д̇улаабзд̇ваа – ‘‘бан̃жа гуудааг̇аарасад̇аани бан̃жа аг̇гхигасад̇аани гарот̇аа’’д̇и д̣̇аабзд̇и.
Upāsikā – ‘‘kiṃ nu kho me putto, na kiñci kathetī’’ti uṭṭhāya piṭṭhipāde parimajjantī parinibbutabhāvaṃ ñatvā mahāsaddaṃ kurumānā pādesu nipatitvā – ‘‘tāta mayaṃ ito pubbe tava guṇaṃ na jānimhā, idāni pana taṃ ādiṃ katvā anekasate anekasahasse anekasatasahasse bhikkhū imasmiṃ nivesane nisīdāpetvā bhojetuṃ na labhimhā, cīvarehi acchādetuṃ na labhimhā, vihārasataṃ vihārasahassaṃ kāretuṃ na labhimhā’’ti yāva aruṇuggamanā paridevi . Aruṇe uggatamatteyeva suvaṇṇakāre pakkosāpetvā suvaṇṇagabbhaṃ vivarāpetvā suvaṇṇaghaṭiyo mahātulāya tulāpetvā – ‘‘pañca kūṭāgārasatāni pañca agghikasatāni karothā’’ti dāpeti.
саггоби д̣̇зварааж̇аа виссагаммад̣̇звабуд̇д̇ам̣ ааманд̇зд̇ваа – ‘‘д̇аад̇а д̇хаммасзнаабад̇и бариниб̣б̣уд̇о, бан̃жа гуудааг̇аарасад̇аани бан̃жа аг̇гхигасад̇аани жа маабзхий’’д̇и ааха. ид̇и убаасигааяа гаарид̇аани жа виссагаммзна ниммид̇аани жа саб̣б̣ааниби д̣̇взсахассаани ахзсум̣. д̇ад̇о наг̇арамаж̇жхз саарамаяам̣ махааман̣д̣абам̣ гаарзд̇ваа ман̣д̣абамаж̇жхз махаагуудааг̇аарам̣ табзд̇ваа сзсаани бариваарасан̇кзбзна табзд̇ваа саад̇хугийл̣игам̣ аарабхим̣су. д̣̇зваанам̣ анд̇арз мануссаа, мануссаанам̣ анд̇арз д̣̇зваа ахзсум̣.
Sakkopi devarājā vissakammadevaputtaṃ āmantetvā – ‘‘tāta dhammasenāpati parinibbuto, pañca kūṭāgārasatāni pañca agghikasatāni ca māpehī’’ti āha. Iti upāsikāya kāritāni ca vissakammena nimmitāni ca sabbānipi dvesahassāni ahesuṃ. Tato nagaramajjhe sāramayaṃ mahāmaṇḍapaṃ kāretvā maṇḍapamajjhe mahākūṭāgāraṃ ṭhapetvā sesāni parivārasaṅkhepena ṭhapetvā sādhukīḷikaṃ ārabhiṃsu. Devānaṃ antare manussā, manussānaṃ antare devā ahesuṃ.
рзвад̇ий наама згаа т̇зрасса убадтааяигаа – ‘‘ахам̣ т̇зрасса бууж̇ам̣ гариссаамий’’д̇и суван̣н̣абубпаанам̣ д̇аяо гумбхз гаарзси. ‘‘т̇зрасса бууж̇ам̣ гариссаамий’’д̇и сагго д̣̇зварааж̇аа ад̣дхад̇зяяагодинаадагзхи бариваарид̇о од̇ари. ‘‘сагго од̇арад̇ий’’д̇и махааж̇ано бажчаамуко бадиггами. д̇ад̇т̇а сааби убаасигаа бадиггамамаанаа г̇арубхаарад̇д̇аа згаманд̇ам̣ абасаггид̇ум̣ асаггонд̇ий мануссаанам̣ анд̇арз бад̇и. мануссаа абассанд̇аа д̇ам̣ мад̣̇д̣̇ид̇ваа аг̇амим̣су. саа д̇ад̇т̇зва гаалам̣ гад̇ваа д̇аавад̇им̣сабхаванз ганагавимаанз ниб̣б̣ад̇д̇и. ниб̣б̣ад̇д̇агкан̣зязвассаа рад̇анагканд̇хо вияа д̇иг̇аавуд̇аббамаан̣о ад̇д̇абхааво ахоси садтисагадабуураббамаан̣аалан̇гаарабадиман̣д̣ид̇аа ажчараасахассабариваарид̇аа. ат̇ассаа д̣̇иб̣б̣ам̣ саб̣б̣агааяигаад̣̇аасам̣ бурад̇о табаяим̣су . саа ад̇д̇ано сирисамбад̇д̇им̣ д̣̇исваа – ‘‘ул̣аараа аяам̣ самбад̇д̇и, гим̣ ну ко мз гаммам̣ гад̇а’’нд̇и жинд̇аяамаанаа ад̣̇д̣̇аса – ‘‘маяаа саарибуд̇д̇ад̇т̇зрасса бариниб̣б̣уд̇адтаанз д̇ийхи суван̣н̣абубпагумбхзхи бууж̇аа гад̇аа, махааж̇ано мам̣ мад̣̇д̣̇ид̇ваа г̇ад̇о, саахам̣ д̇ад̇т̇а гаалам̣ гад̇ваа ид̇хуубабаннаа, т̇зрам̣ ниссааяа лад̣̇д̇хам̣ ид̣̇аани бун̃н̃авибаагам̣ мануссаанам̣ гат̇зссаамий’’д̇и саха вимаанзнзва од̇ари.
Revatī nāma ekā therassa upaṭṭhāyikā – ‘‘ahaṃ therassa pūjaṃ karissāmī’’ti suvaṇṇapupphānaṃ tayo kumbhe kāresi. ‘‘Therassa pūjaṃ karissāmī’’ti sakko devarājā aḍḍhateyyakoṭināṭakehi parivārito otari. ‘‘Sakko otaratī’’ti mahājano pacchāmukho paṭikkami. Tattha sāpi upāsikā paṭikkamamānā garubhārattā ekamantaṃ apasakkituṃ asakkontī manussānaṃ antare pati. Manussā apassantā taṃ madditvā agamiṃsu. Sā tattheva kālaṃ katvā tāvatiṃsabhavane kanakavimāne nibbatti. Nibbattakkhaṇeyevassā ratanakkhandho viya tigāvutappamāṇo attabhāvo ahosi saṭṭhisakaṭapūrappamāṇaalaṅkārapaṭimaṇḍitā accharāsahassaparivāritā. Athassā dibbaṃ sabbakāyikādāsaṃ purato ṭhapayiṃsu . Sā attano sirisampattiṃ disvā – ‘‘uḷārā ayaṃ sampatti, kiṃ nu kho me kammaṃ kata’’nti cintayamānā addasa – ‘‘mayā sāriputtattherassa parinibbutaṭṭhāne tīhi suvaṇṇapupphakumbhehi pūjā katā, mahājano maṃ madditvā gato, sāhaṃ tattha kālaṃ katvā idhūpapannā, theraṃ nissāya laddhaṃ idāni puññavipākaṃ manussānaṃ kathessāmī’’ti saha vimāneneva otari.
махааж̇ано д̣̇уурад̇ова д̣̇исваа – ‘‘гим̣ ну ко д̣̇вз суурияаа удтид̇аа’’д̇и? ологзнд̇о – ‘‘вимаанз ааг̇ажчанд̇з гуудааг̇аарасан̣таанам̣ бан̃н̃ааяад̇и, нааяам̣ суурияо, вимаанамзд̇ам̣ зга’’нд̇и ааха. д̇амби вимаанам̣ д̇аавад̣̇зва ааг̇анд̇ваа т̇зрасса д̣̇ааружид̇агамад̇т̇агз взхаасам̣ адтааси. д̣̇звад̇хийд̇аа вимаанам̣ аагаасзязва табзд̇ваа бат̇авим̣ од̇ари. махааж̇ано – ‘‘гаа д̇вам̣, аяяз’’д̇и? бужчи. ‘‘на мам̣ д̇умхз ж̇аанаат̇а, рзвад̇ий наамаахам̣, д̇ийхи суван̣н̣абубпагумбхзхи т̇зрам̣ бууж̇ам̣ гад̇ваа мануссзхи мад̣̇д̣̇ид̇аа гаалам̣ гад̇ваа д̇аавад̇им̣сабхаванз ниб̣б̣ад̇д̇аа, бассат̇а мз сирисамбад̇д̇им̣, д̇умхзби д̣̇аани д̣̇аанаани д̣̇зт̇а, бун̃н̃аани гарот̇аа’’д̇и гусалагирияааяа ван̣н̣ам̣ гат̇зд̇ваа т̇зрасса жид̇агам̣ бад̣̇агкин̣ам̣ гад̇ваа ванд̣̇ид̇ваа ад̇д̇ано д̣̇звадтаанам̣язва г̇ад̇аа.
Mahājano dūratova disvā – ‘‘kiṃ nu kho dve sūriyā uṭṭhitā’’ti? Olokento – ‘‘vimāne āgacchante kūṭāgārasaṇṭhānaṃ paññāyati, nāyaṃ sūriyo, vimānametaṃ eka’’nti āha. Tampi vimānaṃ tāvadeva āgantvā therassa dārucitakamatthake vehāsaṃ aṭṭhāsi. Devadhītā vimānaṃ ākāseyeva ṭhapetvā pathaviṃ otari. Mahājano – ‘‘kā tvaṃ, ayye’’ti? Pucchi. ‘‘Na maṃ tumhe jānātha, revatī nāmāhaṃ, tīhi suvaṇṇapupphakumbhehi theraṃ pūjaṃ katvā manussehi madditā kālaṃ katvā tāvatiṃsabhavane nibbattā, passatha me sirisampattiṃ, tumhepi dāni dānāni detha, puññāni karothā’’ti kusalakiriyāya vaṇṇaṃ kathetvā therassa citakaṃ padakkhiṇaṃ katvā vanditvā attano devaṭṭhānaṃyeva gatā.
махааж̇аноби сад̇д̇аахам̣ саад̇хугийл̣игам̣ гийл̣ид̇ваа саб̣б̣аг̇анд̇хзхи жид̇агам̣ агааси, жид̇агаа згуунарад̇анасад̇игаа ахоси. т̇зрасса сарийрам̣ жид̇агам̣ ааробзд̇ваа усийрагалаабагзхи аалимбзсум̣. аал̣ааханз саб̣б̣арад̇д̇им̣ д̇хаммассаванам̣ бавад̇д̇и. ануруд̣̇д̇хад̇т̇зро саб̣б̣аг̇анд̇ход̣̇агзна т̇зрасса жид̇агам̣ ниб̣б̣аабзси. жунд̣̇ад̇т̇зро д̇хаад̇уяо бариссааванз багкибид̇ваа – ‘‘на д̣̇аани маяаа ид̇хзва саггаа таад̇ум̣, маяхам̣ ж̇здтабхаад̇игасса д̇хаммасзнаабад̇исаарибуд̇д̇ад̇т̇зрасса бариниб̣б̣уд̇абхаавам̣ саммаасамб̣уд̣̇д̇хасса аарожзссаамий’’д̇и д̇хаад̇убариссааванам̣ т̇зрасса жа бад̇д̇ажийварам̣ г̇ахзд̇ваа саавад̇т̇им̣ аг̇амааси. згадтаанзби жа д̣̇вз рад̇д̇ияо авасид̇ваа саб̣б̣ад̇т̇а згарад̇д̇иваасзнзва саавад̇т̇им̣ баабун̣и. д̇амад̇т̇ам̣ д̣̇ассзд̇ум̣ ат̇а ко жунд̣̇о саман̣уд̣̇д̣̇зсод̇иаад̣̇и вуд̇д̇ам̣.
Mahājanopi sattāhaṃ sādhukīḷikaṃ kīḷitvā sabbagandhehi citakaṃ akāsi, citakā ekūnaratanasatikā ahosi. Therassa sarīraṃ citakaṃ āropetvā usīrakalāpakehi ālimpesuṃ. Āḷāhane sabbarattiṃ dhammassavanaṃ pavatti. Anuruddhatthero sabbagandhodakena therassa citakaṃ nibbāpesi. Cundatthero dhātuyo parissāvane pakkhipitvā – ‘‘na dāni mayā idheva sakkā ṭhātuṃ, mayhaṃ jeṭṭhabhātikassa dhammasenāpatisāriputtattherassa parinibbutabhāvaṃ sammāsambuddhassa ārocessāmī’’ti dhātuparissāvanaṃ therassa ca pattacīvaraṃ gahetvā sāvatthiṃ agamāsi. Ekaṭṭhānepi ca dve rattiyo avasitvā sabbattha ekarattivāseneva sāvatthiṃ pāpuṇi. Tamatthaṃ dassetuṃ atha kho cundo samaṇuddesotiādi vuttaṃ.
д̇ад̇т̇а язнааяасмаа аананд̣̇од̇и язна ад̇д̇ано убаж̇жхааяо д̇хаммабхан̣д̣ааг̇аариго ааяасмаа аананд̣̇о, д̇знубасан̇гами. гасмаа банзса уж̇угам̣ сад̇т̇у санд̇игам̣ аг̇анд̇ваа т̇зрасса санд̇игам̣ аг̇амаасийд̇и? сад̇т̇ари жа т̇зрз жа г̇ааравзна. ж̇зд̇аванамахаавихаарз богкаран̣ияам̣ гирасса нхад̇ваа бажжуд̇д̇арид̇ваа сунивад̇т̇асубааруд̇асса зд̇ад̣̇ахоси – ‘‘б̣уд̣̇д̇хаа наама махаабаасаан̣ажчад̇д̇ам̣ вияа г̇аруно, пан̣агад̇асабба сийхаб̣яаг̇гхамад̇д̇аваравааран̣аад̣̇аяо вияа жа д̣̇ураасад̣̇аа, на саггаа маяаа уж̇угамзва сад̇т̇у санд̇игам̣ г̇анд̇ваа гат̇зд̇ум̣, гасса ну ко санд̇игам̣ г̇анд̇аб̣б̣а’’нд̇и. д̇ад̇о жинд̇зси – ‘‘убаж̇жхааяо мз д̇хаммабхан̣д̣ааг̇аариго ж̇здтабхаад̇игад̇т̇зрасса уд̇д̇амасахааяо, д̇асса санд̇игам̣ г̇анд̇ваа д̇ам̣ аад̣̇ааяа сад̇т̇аараа сад̣̇д̇хим̣ гат̇зссаамий’’д̇и сад̇т̇ари жзва т̇зрз жа г̇ааравзна убасан̇гами.
Tattha yenāyasmā ānandoti yena attano upajjhāyo dhammabhaṇḍāgāriko āyasmā ānando, tenupasaṅkami. Kasmā panesa ujukaṃ satthu santikaṃ agantvā therassa santikaṃ agamāsīti? Satthari ca there ca gāravena. Jetavanamahāvihāre pokkharaṇiyaṃ kirassa nhatvā paccuttaritvā sunivatthasupārutassa etadahosi – ‘‘buddhā nāma mahāpāsāṇacchattaṃ viya garuno, phaṇakatasappa sīhabyagghamattavaravāraṇādayo viya ca durāsadā, na sakkā mayā ujukameva satthu santikaṃ gantvā kathetuṃ, kassa nu kho santikaṃ gantabba’’nti. Tato cintesi – ‘‘upajjhāyo me dhammabhaṇḍāgāriko jeṭṭhabhātikattherassa uttamasahāyo, tassa santikaṃ gantvā taṃ ādāya satthārā saddhiṃ kathessāmī’’ti satthari ceva there ca gāravena upasaṅkami.
ид̣̇амасса бад̇д̇ажийваранд̇и ‘‘аяамасса барибхог̇абад̇д̇о, ид̣̇ам̣ д̇хаад̇убариссаавана’’нд̇и звам̣ згзгам̣ аажигки. баал̣ияам̣ бана ‘‘ид̣̇амасса бад̇д̇ажийвара’’нд̇и зд̇д̇агамзва вуд̇д̇ам̣. гат̇аабаабхад̇анд̇и гат̇аамуулам̣. муулан̃хи баабхад̇анд̇и вужжад̇и. яат̇ааха –
Idamassa pattacīvaranti ‘‘ayamassa paribhogapatto, idaṃ dhātuparissāvana’’nti evaṃ ekekaṃ ācikkhi. Pāḷiyaṃ pana ‘‘idamassa pattacīvara’’nti ettakameva vuttaṃ. Kathāpābhatanti kathāmūlaṃ. Mūlañhi pābhatanti vuccati. Yathāha –
‘‘аббагзнаби мзд̇хаавий, баабхад̇зна вижагкан̣о;
‘‘Appakenapi medhāvī, pābhatena vicakkhaṇo;
самудтаабзд̇и ад̇д̇аанам̣, ан̣ум̣ аг̇г̇им̣ва санд̇хама’’нд̇и. (ж̇аа. 1.1.4);
Samuṭṭhāpeti attānaṃ, aṇuṃ aggiṃva sandhama’’nti. (jā. 1.1.4);
бхаг̇аванд̇ам̣ д̣̇ассанааяаад̇и бхаг̇аванд̇ам̣ д̣̇ассанад̇т̇ааяа. гим̣ баниминаа бхаг̇аваа на д̣̇идтабуб̣б̣од̇и? но на д̣̇идтабуб̣б̣о. аяан̃хи ааяасмаа д̣̇иваа нава ваарз, рад̇д̇им̣ нава ваарзд̇и згаахам̣ адтаараса ваарз убадтаанамзва г̇ажчад̇и. д̣̇ивасасса бана сад̇аваарам̣ ваа сахассаваарам̣ ваа г̇анд̇угаамо самааноби на агааран̣аа г̇ажчад̇и, згам̣ бан̃хад̣̇ваарам̣ г̇ахзд̇ваава г̇ажчад̇и. со д̇ам̣д̣̇ивасам̣ д̇зна гат̇аабаабхад̇зна г̇анд̇угаамо звамааха. ид̣̇амасса бад̇д̇ажийваранд̇и т̇зроби – ‘‘ид̣̇ам̣ д̇асса бад̇д̇ажийварам̣, ид̣̇ан̃жа д̇хаад̇убариссаавана’’нд̇и баадиязггам̣язва д̣̇ассзд̇ваа аажигки.
Bhagavantaṃdassanāyāti bhagavantaṃ dassanatthāya. Kiṃ paniminā bhagavā na diṭṭhapubboti? No na diṭṭhapubbo. Ayañhi āyasmā divā nava vāre, rattiṃ nava vāreti ekāhaṃ aṭṭhārasa vāre upaṭṭhānameva gacchati. Divasassa pana satavāraṃ vā sahassavāraṃ vā gantukāmo samānopi na akāraṇā gacchati, ekaṃ pañhadvāraṃ gahetvāva gacchati. So taṃdivasaṃ tena kathāpābhatena gantukāmo evamāha. Idamassa pattacīvaranti theropi – ‘‘idaṃ tassa pattacīvaraṃ, idañca dhātuparissāvana’’nti pāṭiyekkaṃyeva dassetvā ācikkhi.
сад̇т̇аа хад̇т̇ам̣ басаарзд̇ваа д̇хаад̇убариссааванам̣ г̇ахзд̇ваа хад̇т̇ад̇алз табзд̇ваа бхигкуу ааманд̇зси – ‘‘яо со, бхигкавз, бхигку буримад̣̇ивасз анзгаани баадихаарияасад̇аани гад̇ваа бариниб̣б̣аанам̣ ануж̇аанаабзси, д̇асса ид̣̇аани имаа сан̇каван̣н̣асаннибхаа д̇хаад̇уяова бан̃н̃ааяанд̇и, габбасад̇асахассаад̇хигам̣ асан̇кязяяам̣ буурид̇абаарамий зса, бхигкавз, бхигку, маяаа бавад̇д̇ид̇ам̣ д̇хаммажаггам̣ анубавад̇д̇аго зса бхигку, бадилад̣̇д̇хад̣̇уд̇ияааасано зса бхигку, буурид̇асаавагасаннибаад̇о зса бхигку, табзд̇ваа мам̣ д̣̇асасу жаггаваал̣асахассзсу бан̃н̃ааяа асад̣̇исо зса бхигку, махаабан̃н̃о зса бхигку, бут̇убан̃н̃о хаасабан̃н̃о ж̇аванабан̃н̃о д̇игкабан̃н̃о ниб̣б̣зд̇хигабан̃н̃о зса бхигку, аббижчо зса бхигку, санд̇удто бавивид̇д̇о асам̣садто аарад̣̇д̇хавийрияо жод̣̇аго баабаг̇арахий зса бхигку, бан̃жа ж̇аад̇исад̇аани бадилад̣̇д̇хамахаасамбад̇д̇ияо бахааяа баб̣б̣аж̇ид̇о зса бхигку, мама саасанз бат̇авийсамаканд̇иго зса бхигку, чиннависаан̣аусабхасад̣̇исо зса бхигку, жан̣д̣аалабуд̇д̇асад̣̇исанийжажид̇д̇о зса бхигку. бассат̇а, бхигкавз, махаабан̃н̃асса д̇хаад̇уяо, бассат̇а, бхигкавз, бут̇убан̃н̃асса хаасабан̃н̃асса ж̇аванабан̃н̃асса д̇игкабан̃н̃асса ниб̣б̣зд̇хигабан̃н̃асса аббижчасса санд̇удтасса бавивид̇д̇асса асам̣садтасса аарад̣̇д̇хавийрияасса , жод̣̇агасса, бассат̇а, бхигкавз, баабаг̇арахисса д̇хаад̇уяод̇и.
Satthā hatthaṃ pasāretvā dhātuparissāvanaṃ gahetvā hatthatale ṭhapetvā bhikkhū āmantesi – ‘‘yo so, bhikkhave, bhikkhu purimadivase anekāni pāṭihāriyasatāni katvā parinibbānaṃ anujānāpesi, tassa idāni imā saṅkhavaṇṇasannibhā dhātuyova paññāyanti, kappasatasahassādhikaṃ asaṅkhyeyyaṃ pūritapāramī esa, bhikkhave, bhikkhu, mayā pavattitaṃ dhammacakkaṃ anupavattako esa bhikkhu, paṭiladdhadutiyaāsano esa bhikkhu, pūritasāvakasannipāto esa bhikkhu, ṭhapetvā maṃ dasasu cakkavāḷasahassesu paññāya asadiso esa bhikkhu, mahāpañño esa bhikkhu, puthupañño hāsapañño javanapañño tikkhapañño nibbedhikapañño esa bhikkhu, appiccho esa bhikkhu, santuṭṭho pavivitto asaṃsaṭṭho āraddhavīriyo codako pāpagarahī esa bhikkhu, pañca jātisatāni paṭiladdhamahāsampattiyo pahāya pabbajito esa bhikkhu, mama sāsane pathavīsamakhantiko esa bhikkhu, chinnavisāṇausabhasadiso esa bhikkhu, caṇḍālaputtasadisanīcacitto esa bhikkhu. Passatha, bhikkhave, mahāpaññassa dhātuyo, passatha, bhikkhave, puthupaññassa hāsapaññassa javanapaññassa tikkhapaññassa nibbedhikapaññassa appicchassa santuṭṭhassa pavivittassa asaṃsaṭṭhassa āraddhavīriyassa , codakassa, passatha, bhikkhave, pāpagarahissa dhātuyoti.
‘‘яо баб̣б̣аж̇ий ж̇аад̇исад̇аани бан̃жа,
‘‘Yo pabbajī jātisatāni pañca,
бахааяа гаамаани манорамаани;
Pahāya kāmāni manoramāni;
д̇ам̣ вийд̇арааг̇ам̣ сусамаахид̇инд̣̇рияам̣,
Taṃ vītarāgaṃ susamāhitindriyaṃ,
бариниб̣б̣уд̇ам̣ ванд̣̇ат̇а саарибуд̇д̇ам̣.
Parinibbutaṃ vandatha sāriputtaṃ.
‘‘канд̇иб̣ало бат̇ависамо на губбад̇и,
‘‘Khantibalo pathavisamo na kuppati,
на жааби жид̇д̇асса васзна вад̇д̇ад̇и;
Na cāpi cittassa vasena vattati;
анугамбаго гаарун̣иго жа ниб̣б̣уд̇о,
Anukampako kāruṇiko ca nibbuto,
бариниб̣б̣уд̇ам̣ ванд̣̇ат̇а саарибуд̇д̇ам̣.
Parinibbutaṃ vandatha sāriputtaṃ.
‘‘жан̣д̣аалабуд̇д̇о яат̇аа наг̇арам̣ бавидто,
‘‘Caṇḍālaputto yathā nagaraṃ paviṭṭho,
нийжамано жарад̇и гал̣обихад̇т̇о;
Nīcamano carati kaḷopihattho;
д̇ат̇аа аяам̣ вихарад̇и саарибуд̇д̇о,
Tathā ayaṃ viharati sāriputto,
бариниб̣б̣уд̇ам̣ ванд̣̇ат̇а саарибуд̇д̇ам̣.
Parinibbutaṃ vandatha sāriputtaṃ.
‘‘усабхо яат̇аа чиннависаан̣аго,
‘‘Usabho yathā chinnavisāṇako,
ахзтаяанд̇о жарад̇и буранд̇арз ванз;
Aheṭhayanto carati purantare vane;
д̇ат̇аа аяам̣ вихарад̇и саарибуд̇д̇о,
Tathā ayaṃ viharati sāriputto,
бариниб̣б̣уд̇ам̣ ванд̣̇ат̇а саарибуд̇д̇а’’нд̇и.
Parinibbutaṃ vandatha sāriputta’’nti.
ид̇и бхаг̇аваа бан̃жахи г̇аат̇аасад̇зхи т̇зрасса ван̣н̣ам̣ гат̇зси. яат̇аа яат̇аа бхаг̇аваа т̇зрасса ван̣н̣ам̣ гат̇зси, д̇ат̇аа д̇ат̇аа аананд̣̇ад̇т̇зро санд̇хаарзд̇ум̣ на саггод̇и, б̣ил̣аарамукз багканд̇агуггудо вияа бавзд̇хад̇и. д̇знааха абижа мз, бханд̇з, мад̇хурагаж̇аад̇о вияа гааяод̇и саб̣б̣ам̣ вид̇т̇аарзд̇аб̣б̣ам̣. д̇ад̇т̇а мад̇хурагаж̇аад̇од̇иаад̣̇ийнам̣ ад̇т̇о вуд̇д̇оязва. ид̇ха бана д̇хаммаад̇и уд̣̇д̣̇зсабарибужчаад̇хаммаа ад̇хиббзд̇аа. д̇асса хи уд̣̇д̣̇зсабарибужчаад̇хаммз аг̇ахид̇з ваа г̇ахзд̇ум̣, г̇ахид̇з ваа саж̇жхааяам̣ гаад̇ум̣ жид̇д̇ам̣ на бавад̇д̇ад̇и. ат̇а сад̇т̇аа бан̃жабасаад̣̇авижид̇раани агкийни уммийлзд̇ваа т̇зрам̣ ологзнд̇о ‘‘ассаасзссаами на’’нд̇и ассаасзнд̇о гим̣ ну ко д̇з, аананд̣̇а, саарибуд̇д̇од̇иаад̣̇имааха.
Iti bhagavā pañcahi gāthāsatehi therassa vaṇṇaṃ kathesi. Yathā yathā bhagavā therassa vaṇṇaṃ kathesi, tathā tathā ānandatthero sandhāretuṃ na sakkoti, biḷāramukhe pakkhantakukkuṭo viya pavedhati. Tenāha apica me, bhante, madhurakajāto viya kāyoti sabbaṃ vitthāretabbaṃ. Tattha madhurakajātotiādīnaṃ attho vuttoyeva. Idha pana dhammāti uddesaparipucchādhammā adhippetā. Tassa hi uddesaparipucchādhamme agahite vā gahetuṃ, gahite vā sajjhāyaṃ kātuṃ cittaṃ na pavattati. Atha satthā pañcapasādavicitrāni akkhīni ummīletvā theraṃ olokento ‘‘assāsessāmi na’’nti assāsento kiṃ nu kho te, ānanda, sāriputtotiādimāha.
д̇ад̇т̇а сийлагканд̇ханд̇и логияалогуд̇д̇арасийлам̣. самаад̇хибан̃н̃аасуби зсзва наяо. вимуд̇д̇и бана логуд̇д̇араава. вимуд̇д̇ин̃аан̣ад̣̇ассанам̣ бажжавзгкан̣ан̃аан̣ам̣, д̇ам̣ логияамзва. оваад̣̇агод̇и оваад̣̇ад̣̇ааяаго. од̇ин̣н̣од̇и од̇ин̣н̣зсу вад̇т̇уусу наанаббагаарзна од̇аран̣асийло. вин̃н̃аабагод̇и д̇хаммагат̇аагаалз ад̇т̇ан̃жа гааран̣ан̃жа вин̃н̃аабзд̇аа. санд̣̇ассагод̇и канд̇хад̇хаад̇уааяад̇анавасзна д̇зсам̣ д̇зсам̣ д̇хаммаанам̣ д̣̇ассзд̇аа. самаад̣̇абагод̇и ‘‘ид̣̇ан̃жид̣̇ан̃жа г̇ан̣хат̇аа’’д̇и звам̣ г̇ан̣хаабаго. самуд̇д̇зж̇агод̇и аб̣бхуссаахаго. самбахам̣сагод̇и бадилад̣̇д̇хаг̇ун̣зхи мод̣̇аабаго ж̇од̇аабаго.
Tattha sīlakkhandhanti lokiyalokuttarasīlaṃ. Samādhipaññāsupi eseva nayo. Vimutti pana lokuttarāva. Vimuttiñāṇadassanaṃ paccavekkhaṇañāṇaṃ, taṃ lokiyameva. Ovādakoti ovādadāyako. Otiṇṇoti otiṇṇesu vatthūsu nānappakārena otaraṇasīlo. Viññāpakoti dhammakathākāle atthañca kāraṇañca viññāpetā. Sandassakoti khandhadhātuāyatanavasena tesaṃ tesaṃ dhammānaṃ dassetā. Samādapakoti ‘‘idañcidañca gaṇhathā’’ti evaṃ gaṇhāpako. Samuttejakoti abbhussāhako. Sampahaṃsakoti paṭiladdhaguṇehi modāpako jotāpako.
агилаасу д̇хаммад̣̇зсанааяаад̇и д̇хаммад̣̇зсанам̣ аарабхид̇ваа ‘‘сийсам̣ ваа мз руж̇ж̇ад̇и, хад̣̇аяам̣ ваа гужчи ваа бидти ваа’’д̇и звам̣ осагганаагааравирахид̇о ниггилаасу висаарад̣̇о згассааби д̣̇виннамби сийхавзг̇знзва багканд̣̇ад̇и. ануг̇г̇аахаго саб̣рахмажаарийнанд̇и бад̣̇асса ад̇т̇о канд̇хагаваг̇г̇з вид̇т̇аарид̇ова. д̇хаммож̇ам̣ д̇хаммабхог̇анд̇и убхаязнаби д̇хаммабарибхог̇ова гат̇ид̇о. д̇хаммаануг̇г̇аханд̇и д̇хаммзна ануг̇г̇ахан̣ам̣.
Akilāsu dhammadesanāyāti dhammadesanaṃ ārabhitvā ‘‘sīsaṃ vā me rujjati, hadayaṃ vā kucchi vā piṭṭhi vā’’ti evaṃ osakkanākāravirahito nikkilāsu visārado ekassāpi dvinnampi sīhavegeneva pakkhandati. Anuggāhako sabrahmacārīnanti padassa attho khandhakavagge vitthāritova. Dhammojaṃ dhammabhoganti ubhayenapi dhammaparibhogova kathito. Dhammānuggahanti dhammena anuggahaṇaṃ.
сад̇т̇аа ‘‘ад̇ивияа аяам̣ бхигку гиламад̇ий’’д̇и буна д̇ам̣ ассаасзнд̇о нану д̇ам̣, аананд̣̇а, маяаад̇иаад̣̇имааха. д̇ад̇т̇а биязхи манаабзхийд̇и маад̇аабид̇аабхаад̇аабхаг̇инийаад̣̇игзхи ж̇аад̇ияаа наанаабхааво, маран̣зна винаабхааво, бхавзна ан̃н̃ат̇аабхааво. д̇ам̣ гуд̇зд̇т̇а, аананд̣̇а, лаб̣бхаад̇и д̇анд̇и д̇асмаа. яасмаа саб̣б̣зхи биязхи манаабзхи наанаабхааво, д̇асмаа д̣̇аса баарамияо буурзд̇вааби самб̣од̇хим̣ бад̇вааби д̇хаммажаггам̣ бавад̇д̇зд̇вааби яамагабаадихаарияам̣ д̣̇ассзд̇вааби д̣̇звороханам̣ гад̇вааби яам̣ д̇ам̣ ж̇аад̇ам̣ бхууд̇ам̣ сан̇кад̇ам̣ балогад̇хаммам̣, д̇ам̣ д̇ат̇ааг̇ад̇ассааби сарийрам̣ маа балуж̇ж̇ийд̇и нзд̇ам̣ таанам̣ виж̇ж̇ад̇и, род̣̇анд̇знаби ганд̣̇анд̇знаби на саггаа д̇ам̣ гааран̣ам̣ лад̣̇д̇хунд̇и. со балуж̇ж̇зяяаад̇и со бхиж̇ж̇зяяа.
Satthā ‘‘ativiya ayaṃ bhikkhu kilamatī’’ti puna taṃ assāsento nanu taṃ, ānanda, mayātiādimāha. Tattha piyehi manāpehīti mātāpitābhātābhaginīādikehi jātiyā nānābhāvo, maraṇena vinābhāvo, bhavena aññathābhāvo. Taṃ kutettha, ānanda, labbhāti tanti tasmā. Yasmā sabbehi piyehi manāpehi nānābhāvo, tasmā dasa pāramiyo pūretvāpi sambodhiṃ patvāpi dhammacakkaṃ pavattetvāpi yamakapāṭihāriyaṃ dassetvāpi devorohanaṃ katvāpi yaṃ taṃ jātaṃ bhūtaṃ saṅkhataṃ palokadhammaṃ, taṃ tathāgatassāpi sarīraṃ mā palujjīti netaṃ ṭhānaṃ vijjati, rodantenapi kandantenapi na sakkā taṃ kāraṇaṃ laddhunti. So palujjeyyāti so bhijjeyya.
звамзва код̇и зд̇т̇а яож̇анасад̇уб̣б̣зд̇хо махааж̇амб̣уругко вияа бхигкусан̇гхо д̇асса д̣̇агкин̣ад̣̇исам̣ г̇ад̇о бан̃н̃аасаяож̇аниго махааканд̇хо вияа д̇хаммасзнаабад̇и. д̇асмим̣ махааканд̇хз бхиннз д̇ад̇о бадтааяа анубуб̣б̣зна вад̣дхид̇ваа бубпапалаад̣̇ийхи д̇ам̣ таанам̣ буурзд̇ум̣ самад̇т̇асса ан̃н̃асса канд̇хасса абхааво вияа т̇зрз бариниб̣б̣уд̇з сол̣асаннам̣ бан̃н̃аанам̣ мад̇т̇агам̣ бад̇д̇асса ан̃н̃асса д̣̇агкин̣аасанз нисийд̣̇анасамад̇т̇асса саарибуд̇д̇асад̣̇исасса бхигкуно абхааво. д̇ааяа барибхиннааяа со ругко вияа бхигкусан̇гхо канд̇ход̇взва ж̇аад̇од̇и взд̣̇ид̇аб̣б̣о. д̇асмаад̇и яасмаа саб̣б̣ам̣ сан̇кад̇ам̣ балогад̇хаммам̣, д̇ам̣ маа балуж̇ж̇ийд̇и на саггаа лад̣̇д̇хум̣, д̇асмаа.
Evameva khoti ettha yojanasatubbedho mahājamburukkho viya bhikkhusaṅgho tassa dakkhiṇadisaṃ gato paññāsayojaniko mahākhandho viya dhammasenāpati. Tasmiṃ mahākhandhe bhinne tato paṭṭhāya anupubbena vaḍḍhitvā pupphaphalādīhi taṃ ṭhānaṃ pūretuṃ samatthassa aññassa khandhassa abhāvo viya there parinibbute soḷasannaṃ paññānaṃ matthakaṃ pattassa aññassa dakkhiṇāsane nisīdanasamatthassa sāriputtasadisassa bhikkhuno abhāvo. Tāya paribhinnāya so rukkho viya bhikkhusaṅgho khandhotveva jātoti veditabbo. Tasmāti yasmā sabbaṃ saṅkhataṃ palokadhammaṃ, taṃ mā palujjīti na sakkā laddhuṃ, tasmā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya / 3. жунд̣̇асуд̇д̇ам̣ • 3. Cundasuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 3. жунд̣̇асуд̇д̇аван̣н̣анаа • 3. Cundasuttavaṇṇanā
