| Library / Tipiṭaka / तिपिटक • Tipiṭaka / अपदानपाळि • Apadānapāḷi |
१०. चुन्दत्थेरअपदानं
10. Cundattheraapadānaṃ
१२५.
125.
‘‘सिद्धत्थस्स भगवतो, लोकजेट्ठस्स तादिनो।
‘‘Siddhatthassa bhagavato, lokajeṭṭhassa tādino;
अग्घियं कारयित्वान, जातिपुप्फेहि छादयिं॥
Agghiyaṃ kārayitvāna, jātipupphehi chādayiṃ.
१२६.
126.
‘‘निट्ठापेत्वान तं पुप्फं, बुद्धस्स उपनामयिं।
‘‘Niṭṭhāpetvāna taṃ pupphaṃ, buddhassa upanāmayiṃ;
पुप्फावसेसं पग्गय्ह, बुद्धस्स अभिरोपयिं॥
Pupphāvasesaṃ paggayha, buddhassa abhiropayiṃ.
१२७.
127.
‘‘कञ्चनग्घियसङ्कासं , बुद्धं लोकग्गनायकं।
‘‘Kañcanagghiyasaṅkāsaṃ , buddhaṃ lokagganāyakaṃ;
पसन्नचित्तो सुमनो, पुप्फग्घियमुपानयिं॥
Pasannacitto sumano, pupphagghiyamupānayiṃ.
१२८.
128.
‘‘वितिण्णकङ्खो सम्बुद्धो, तिण्णोघेहि पुरक्खतो।
‘‘Vitiṇṇakaṅkho sambuddho, tiṇṇoghehi purakkhato;
भिक्खुसङ्घे निसीदित्वा, इमा गाथा अभासथ॥
Bhikkhusaṅghe nisīditvā, imā gāthā abhāsatha.
१२९.
129.
‘‘‘दिब्बगन्धं पवायन्तं, यो मे पुप्फग्घियं अदा।
‘‘‘Dibbagandhaṃ pavāyantaṃ, yo me pupphagghiyaṃ adā;
तमहं कित्तयिस्सामि, सुणाथ मम भासतो॥
Tamahaṃ kittayissāmi, suṇātha mama bhāsato.
१३०.
130.
‘‘‘इतो चुतो अयं पोसो, देवसङ्घपुरक्खतो।
‘‘‘Ito cuto ayaṃ poso, devasaṅghapurakkhato;
जातिपुप्फेहि परिकिण्णो, देवलोकं गमिस्सति॥
Jātipupphehi parikiṇṇo, devalokaṃ gamissati.
१३१.
131.
‘‘‘उब्बिद्धं भवनं तस्स, सोवण्णञ्च मणीमयं।
‘‘‘Ubbiddhaṃ bhavanaṃ tassa, sovaṇṇañca maṇīmayaṃ;
ब्यम्हं पातुभविस्सति, पुञ्ञकम्मप्पभावितं॥
Byamhaṃ pātubhavissati, puññakammappabhāvitaṃ.
१३२.
132.
‘‘‘चतुसत्ततिक्खत्तुं सो, देवरज्जं करिस्सति।
‘‘‘Catusattatikkhattuṃ so, devarajjaṃ karissati;
अनुभोस्सति सम्पत्तिं, अच्छराहि पुरक्खतो॥
Anubhossati sampattiṃ, accharāhi purakkhato.
१३३.
133.
‘‘‘पथब्या रज्जं तिसतं, वसुधं आवसिस्सति।
‘‘‘Pathabyā rajjaṃ tisataṃ, vasudhaṃ āvasissati;
पञ्चसत्ततिक्खत्तुञ्च, चक्कवत्ती भविस्सति॥
Pañcasattatikkhattuñca, cakkavattī bhavissati.
१३४.
134.
‘‘‘दुज्जयो नाम नामेन, हेस्सति मनुजाधिपो।
‘‘‘Dujjayo nāma nāmena, hessati manujādhipo;
१३५.
135.
‘‘‘विनिपातं अगन्त्वान, मनुस्सत्तं गमिस्सति।
‘‘‘Vinipātaṃ agantvāna, manussattaṃ gamissati;
१३६.
136.
‘‘‘निब्बत्तिस्सति योनिम्हि, ब्राह्मणे सो भविस्सति।
‘‘‘Nibbattissati yonimhi, brāhmaṇe so bhavissati;
वङ्गन्तस्स सुतो धीमा, सारिया ओरसो पियो॥
Vaṅgantassa suto dhīmā, sāriyā oraso piyo.
१३७.
137.
‘‘‘सो च पच्छा पब्बजित्वा, अङ्गीरसस्स सासने।
‘‘‘So ca pacchā pabbajitvā, aṅgīrasassa sāsane;
१३८.
138.
‘‘‘सामणेरोव सो सन्तो, खीणासवो भविस्सति।
‘‘‘Sāmaṇerova so santo, khīṇāsavo bhavissati;
सब्बासवे परिञ्ञाय, निब्बायिस्सतिनासवो’॥
Sabbāsave pariññāya, nibbāyissatināsavo’.
१३९.
139.
‘‘उपट्ठहिं महावीरं, अञ्ञे च पेसले बहू।
‘‘Upaṭṭhahiṃ mahāvīraṃ, aññe ca pesale bahū;
भातरं मे चुपट्ठासिं, उत्तमत्थस्स पत्तिया॥
Bhātaraṃ me cupaṭṭhāsiṃ, uttamatthassa pattiyā.
१४०.
140.
सम्बुद्धं उपनामेसिं, लोकजेट्ठं नरासभं॥
Sambuddhaṃ upanāmesiṃ, lokajeṭṭhaṃ narāsabhaṃ.
१४१.
141.
‘‘उभो हत्थेहि पग्गय्ह, बुद्धो लोके सदेवके।
‘‘Ubho hatthehi paggayha, buddho loke sadevake;
सन्दस्सयन्तो तं धातुं, कित्तयि अग्गसावकं॥
Sandassayanto taṃ dhātuṃ, kittayi aggasāvakaṃ.
१४२.
142.
‘‘चित्तञ्च सुविमुत्तं मे, सद्धा मय्हं पतिट्ठिता।
‘‘Cittañca suvimuttaṃ me, saddhā mayhaṃ patiṭṭhitā;
सब्बासवे परिञ्ञाय, विहरामि अनासवो॥
Sabbāsave pariññāya, viharāmi anāsavo.
१४३.
143.
छळभिञ्ञा सच्छिकता, कतं बुद्धस्स सासनं’’॥
Chaḷabhiññā sacchikatā, kataṃ buddhassa sāsanaṃ’’.
इत्थं सुदं आयस्मा चुन्दो थेरो इमा गाथायो अभासित्थाति।
Itthaṃ sudaṃ āyasmā cundo thero imā gāthāyo abhāsitthāti.
चुन्दत्थेरस्सापदानं दसमं।
Cundattherassāpadānaṃ dasamaṃ.
उपालिवग्गो पञ्चमो।
Upālivaggo pañcamo.
तस्सुद्दानं –
Tassuddānaṃ –
उपालि सोणो भद्दियो, सन्निट्ठापकहत्थियो।
Upāli soṇo bhaddiyo, sanniṭṭhāpakahatthiyo;
छदनं सेय्यचङ्कमं, सुभद्दो चुन्दसव्हयो।
Chadanaṃ seyyacaṅkamaṃ, subhaddo cundasavhayo;
Footnotes:
Related texts:
अट्ठकथा • Aṭṭhakathā / सुत्तपिटक (अट्ठकथा) • Suttapiṭaka (aṭṭhakathā) / खुद्दकनिकाय (अट्ठकथा) • Khuddakanikāya (aṭṭhakathā) / अपदान-अट्ठकथा • Apadāna-aṭṭhakathā / १०. चुन्दत्थेरअपदानवण्णना • 10. Cundattheraapadānavaṇṇanā
