| Library / Tipiṭaka / તિપિટક • Tipiṭaka / અઙ્ગુત્તરનિકાય (અટ્ઠકથા) • Aṅguttaranikāya (aṭṭhakathā) |
૨. ચુન્દીસુત્તવણ્ણના
2. Cundīsuttavaṇṇanā
૩૨. દુતિયે પઞ્ચહિ રથસતેહીતિ ભુત્તપાતરાસા પિતુ સન્તિકં પેસેત્વા પઞ્ચ રથસતાનિ યોજાપેત્વા તેહિ પરિવુતાતિ અત્થો. ઉપસઙ્કમીતિ ભાતરા સદ્ધિં પવત્તિતં પઞ્હસાકચ્છં પુચ્છિસ્સામીતિ ગન્ધમાલચુણ્ણાદીનિ આદાય ઉપસઙ્કમિ. યદેવ સો હોતીતિ યદા એવ સો હોતિ. અથ વા યો એવ સો હોતિ. અરિયકન્તાનિ સીલાનીતિ મગ્ગફલસમ્પયુત્તાનિ સીલાનિ. તાનિ હિ અરિયાનં કન્તાનિ હોન્તિ, ભવન્તરેપિ ન પરિચ્ચજન્તિ. સેસં ચતુક્કનિપાતે અગ્ગપ્પસાદસુત્તે વુત્તનયેનેવ વેદિતબ્બં.
32. Dutiye pañcahi rathasatehīti bhuttapātarāsā pitu santikaṃ pesetvā pañca rathasatāni yojāpetvā tehi parivutāti attho. Upasaṅkamīti bhātarā saddhiṃ pavattitaṃ pañhasākacchaṃ pucchissāmīti gandhamālacuṇṇādīni ādāya upasaṅkami. Yadeva so hotīti yadā eva so hoti. Atha vā yo eva so hoti. Ariyakantāni sīlānīti maggaphalasampayuttāni sīlāni. Tāni hi ariyānaṃ kantāni honti, bhavantarepi na pariccajanti. Sesaṃ catukkanipāte aggappasādasutte vuttanayeneva veditabbaṃ.
Related texts:
તિપિટક (મૂલ) • Tipiṭaka (Mūla) / સુત્તપિટક • Suttapiṭaka / અઙ્ગુત્તરનિકાય • Aṅguttaranikāya / ૨. ચુન્દીસુત્તં • 2. Cundīsuttaṃ
ટીકા • Tīkā / સુત્તપિટક (ટીકા) • Suttapiṭaka (ṭīkā) / અઙ્ગુત્તરનિકાય (ટીકા) • Aṅguttaranikāya (ṭīkā) / ૨. ચુન્દીસુત્તવણ્ણના • 2. Cundīsuttavaṇṇanā
