| Library / Tipiṭaka / တိပိဋက • Tipiṭaka / အင္ဂုတ္တရနိကာယ (အဋ္ဌကထာ) • Aṅguttaranikāya (aṭṭhakathā) |
၂. စုန္ဒီသုတ္တဝဏ္ဏနာ
2. Cundīsuttavaṇṇanā
၃၂. ဒုတိယေ ပဉ္စဟိ ရထသတေဟီတိ ဘုတ္တပာတရာသာ ပိတု သန္တိကံ ပေသေတ္ဝာ ပဉ္စ ရထသတာနိ ယောဇာပေတ္ဝာ တေဟိ ပရိဝုတာတိ အတ္ထော။ ဥပသင္ကမီတိ ဘာတရာ သဒ္ဓိံ ပဝတ္တိတံ ပဉ္ဟသာကစ္ဆံ ပုစ္ဆိသ္သာမီတိ ဂန္ဓမာလစုဏ္ဏာဒီနိ အာဒာယ ဥပသင္ကမိ။ ယဒေဝ သော ဟောတီတိ ယဒာ ဧဝ သော ဟောတိ။ အထ ဝာ ယော ဧဝ သော ဟောတိ။ အရိယကန္တာနိ သီလာနီတိ မဂ္ဂဖလသမ္ပယုတ္တာနိ သီလာနိ။ တာနိ ဟိ အရိယာနံ ကန္တာနိ ဟောန္တိ, ဘဝန္တရေပိ န ပရိစ္စဇန္တိ။ သေသံ စတုက္ကနိပာတေ အဂ္ဂပ္ပသာဒသုတ္တေ ဝုတ္တနယေနေဝ ဝေဒိတဗ္ဗံ။
32. Dutiye pañcahi rathasatehīti bhuttapātarāsā pitu santikaṃ pesetvā pañca rathasatāni yojāpetvā tehi parivutāti attho. Upasaṅkamīti bhātarā saddhiṃ pavattitaṃ pañhasākacchaṃ pucchissāmīti gandhamālacuṇṇādīni ādāya upasaṅkami. Yadeva so hotīti yadā eva so hoti. Atha vā yo eva so hoti. Ariyakantāni sīlānīti maggaphalasampayuttāni sīlāni. Tāni hi ariyānaṃ kantāni honti, bhavantarepi na pariccajanti. Sesaṃ catukkanipāte aggappasādasutte vuttanayeneva veditabbaṃ.
Related texts:
တိပိဋက (မူလ) • Tipiṭaka (Mūla) / သုတ္တပိဋက • Suttapiṭaka / အင္ဂုတ္တရနိကာယ • Aṅguttaranikāya / ၂. စုန္ဒီသုတ္တံ • 2. Cundīsuttaṃ
ဋီကာ • Tīkā / သုတ္တပိဋက (ဋီကာ) • Suttapiṭaka (ṭīkā) / အင္ဂုတ္တရနိကာယ (ဋီကာ) • Aṅguttaranikāya (ṭīkā) / ၂. စုန္ဒီသုတ္တဝဏ္ဏနာ • 2. Cundīsuttavaṇṇanā
