| Library / Tipiṭaka / д̇ибидага • Tipiṭaka / ж̇аад̇ага-адтагат̇аа • Jātaka-aṭṭhakathā |
[304] 4. д̣̇ад̣̇д̣̇араж̇аад̇агаван̣н̣анаа
[304] 4. Daddarajātakavaṇṇanā
имаани манд̇и ид̣̇ам̣ сад̇т̇аа ж̇зд̇аванз вихаранд̇о згам̣ год̇ханам̣ бхигкум̣ аараб̣бха гат̇зси. вад̇т̇у хздтаа гат̇ид̇амзва. д̇ад̣̇аа хи д̇хаммасабхааяам̣ д̇асса год̇ханабхаавагат̇ааяа самудтид̇ааяа сад̇т̇аа ааг̇анд̇ваа ‘‘гааяа нуд̇т̇а, бхигкавз, зд̇арахи гат̇ааяа саннисиннаа’’д̇и бужчид̇ваа ‘‘имааяа наамаа’’д̇и вуд̇д̇з д̇ам̣ баггосаабзд̇ваа ‘‘сажжам̣ гира д̇вам̣ бхигку год̇ханосий’’д̇и вад̇ваа ‘‘аама, бханд̇з’’д̇и вуд̇д̇з ‘‘на, бхигкавз , ид̣̇аанзва, буб̣б̣збзса год̇ханоязва, год̇ханабхаавзнзвасса бораан̣агабан̣д̣ид̇аа барисуд̣̇д̇хаа нааг̇арааж̇абхаавз тид̇ааби д̇ийн̣и вассаани г̇уут̇абуурид̇ааяа уггаарабхуумияам̣ васим̣суу’’д̇и вад̇ваа ад̇ийд̇ам̣ аахари.
Imāni manti idaṃ satthā jetavane viharanto ekaṃ kodhanaṃ bhikkhuṃ ārabbha kathesi. Vatthu heṭṭhā kathitameva. Tadā hi dhammasabhāyaṃ tassa kodhanabhāvakathāya samuṭṭhitāya satthā āgantvā ‘‘kāya nuttha, bhikkhave, etarahi kathāya sannisinnā’’ti pucchitvā ‘‘imāya nāmā’’ti vutte taṃ pakkosāpetvā ‘‘saccaṃ kira tvaṃ bhikkhu kodhanosī’’ti vatvā ‘‘āma, bhante’’ti vutte ‘‘na, bhikkhave , idāneva, pubbepesa kodhanoyeva, kodhanabhāvenevassa porāṇakapaṇḍitā parisuddhā nāgarājabhāve ṭhitāpi tīṇi vassāni gūthapūritāya ukkārabhūmiyaṃ vasiṃsū’’ti vatvā atītaṃ āhari.
ад̇ийд̇з б̣аараан̣асияам̣ б̣рахмад̣̇ад̇д̇з раж̇ж̇ам̣ гаарзнд̇з б̣од̇хисад̇д̇о химаванд̇абад̣̇зсз д̣̇ад̣̇д̣̇арабаб̣б̣ад̇абаад̣̇з д̣̇ад̣̇д̣̇аранааг̇абхаванам̣ наама ад̇т̇и, д̇ад̇т̇а раж̇ж̇ам̣ гаарзнд̇асса д̣̇ад̣̇д̣̇араран̃н̃о буд̇д̇о махаад̣̇ад̣̇д̣̇аро наама ахоси, ганидтабхаад̇аа банасса жуул̣ад̣̇ад̣̇д̣̇аро наама. со год̇хано парусо нааг̇амаан̣авагз аггосанд̇о барибхаасанд̇о бахаранд̇о вижарад̇и. нааг̇арааж̇аа д̇асса парусабхаавам̣ н̃ад̇ваа нааг̇абхаванад̇о д̇ам̣ нийхараабзд̇ум̣ аан̣аабзси. махаад̣̇ад̣̇д̣̇аро бана бид̇арам̣ камаабзд̇ваа ниваарзси. д̣̇уд̇ияамби рааж̇аа д̇асса гуж̇жхи, д̣̇уд̇ияамби камаабзси. д̇ад̇ияаваарз бана ‘‘д̇вам̣ мам̣ имам̣ анаажаарам̣ нийхараабзнд̇ам̣ ниваарзси, г̇ажчат̇а д̣̇взби ж̇анаа имамхаа нааг̇абхаванаа нигкамид̇ваа б̣аараан̣асияам̣ уггаарабхуумияам̣ д̇ийн̣и вассаани васат̇аа’’д̇и нааг̇абхаванаа ниггад̣дхаабзси. д̇з д̇ад̇т̇а г̇анд̇ваа васим̣су. ат̇а нз уггаарабхуумияам̣ уд̣̇агабарияанд̇з г̇ожарам̣ бариязсамаанз г̇аамад̣̇аарагаа д̣̇исваа бахаранд̇аа лзд̣д̣уд̣̇ан̣д̣аад̣̇аяо кибанд̇аа ‘‘гз имз бут̇уласийсаа суужинан̇г̇удтаа уд̣̇агад̣̇зд̣д̣убхаа ман̣д̣уугабхагкаа’’д̇иаад̣̇ийни вад̇ваа аггосанд̇и барибхаасанд̇и.
Atīte bārāṇasiyaṃ brahmadatte rajjaṃ kārente bodhisatto himavantapadese daddarapabbatapāde daddaranāgabhavanaṃ nāma atthi, tattha rajjaṃ kārentassa daddararañño putto mahādaddaro nāma ahosi, kaniṭṭhabhātā panassa cūḷadaddaro nāma. So kodhano pharuso nāgamāṇavake akkosanto paribhāsanto paharanto vicarati. Nāgarājā tassa pharusabhāvaṃ ñatvā nāgabhavanato taṃ nīharāpetuṃ āṇāpesi. Mahādaddaro pana pitaraṃ khamāpetvā nivāresi. Dutiyampi rājā tassa kujjhi, dutiyampi khamāpesi. Tatiyavāre pana ‘‘tvaṃ maṃ imaṃ anācāraṃ nīharāpentaṃ nivāresi, gacchatha dvepi janā imamhā nāgabhavanā nikkhamitvā bārāṇasiyaṃ ukkārabhūmiyaṃ tīṇi vassāni vasathā’’ti nāgabhavanā nikkaḍḍhāpesi. Te tattha gantvā vasiṃsu. Atha ne ukkārabhūmiyaṃ udakapariyante gocaraṃ pariyesamāne gāmadārakā disvā paharantā leḍḍudaṇḍādayo khipantā ‘‘ke ime puthulasīsā sūcinaṅguṭṭhā udakadeḍḍubhā maṇḍūkabhakkhā’’tiādīni vatvā akkosanti paribhāsanti.
жуул̣ад̣̇ад̣̇д̣̇аро жан̣д̣апарусад̇ааяа д̇зсам̣ д̇ам̣ авамаанам̣ асаханд̇о ‘‘бхаад̇ига, имз д̣̇аарагаа амхз барибхаванд̇и, аасийвисабхаавам̣ но на ж̇аананд̇и, ахам̣ д̇зсам̣ авамаанам̣ сахид̇ум̣ на саггоми, наасааваад̇зна д̇з наасзссаамий’’д̇и бхаад̇араа сад̣̇д̇хим̣ саллабанд̇о батамам̣ г̇аат̇амааха –
Cūḷadaddaro caṇḍapharusatāya tesaṃ taṃ avamānaṃ asahanto ‘‘bhātika, ime dārakā amhe paribhavanti, āsīvisabhāvaṃ no na jānanti, ahaṃ tesaṃ avamānaṃ sahituṃ na sakkomi, nāsāvātena te nāsessāmī’’ti bhātarā saddhiṃ sallapanto paṭhamaṃ gāthamāha –
13.
13.
‘‘имаани мам̣ д̣̇ад̣̇д̣̇ара д̇аабаяанд̇и, ваажаад̣̇уруд̇д̇аани мануссалогз;
‘‘Imāni maṃ daddara tāpayanti, vācāduruttāni manussaloke;
ман̣д̣уугабхагкаа уд̣̇аганд̇асзвий, аасийвисам̣ мам̣ ависаа сабанд̇ий’’д̇и.
Maṇḍūkabhakkhā udakantasevī, āsīvisaṃ maṃ avisā sapantī’’ti.
д̇ад̇т̇а д̇аабаяанд̇ийд̇и д̣̇угкаабзнд̇и. ман̣д̣уугабхагкаа уд̣̇аганд̇асзвийд̇и ‘‘ман̣д̣уугабхагкаа’’д̇и жа ‘‘уд̣̇аганд̇асзвий’’д̇и жа вад̣̇анд̇аа зд̇з ависаа г̇аамад̣̇аарагаа мам̣ аасийвисам̣ самаанам̣ сабанд̇и аггосанд̇ийд̇и.
Tattha tāpayantīti dukkhāpenti. Maṇḍūkabhakkhā udakantasevīti ‘‘maṇḍūkabhakkhā’’ti ca ‘‘udakantasevī’’ti ca vadantā ete avisā gāmadārakā maṃ āsīvisaṃ samānaṃ sapanti akkosantīti.
д̇асса важанам̣ суд̇ваа махаад̣̇ад̣̇д̣̇аро сзсаг̇аат̇аа абхааси –
Tassa vacanaṃ sutvā mahādaddaro sesagāthā abhāsi –
14.
14.
‘‘сагаа радтаа баб̣б̣ааж̇ид̇о, ан̃н̃ам̣ ж̇анабад̣̇ам̣ г̇ад̇о;
‘‘Sakā raṭṭhā pabbājito, aññaṃ janapadaṃ gato;
маханд̇ам̣ годтам̣ гаяираат̇а, д̣̇уруд̇д̇аанам̣ нид̇хзд̇авз.
Mahantaṃ koṭṭhaṃ kayirātha, duruttānaṃ nidhetave.
15.
15.
‘‘яад̇т̇а босам̣ на ж̇аананд̇и, ж̇аад̇ияаа винаязна ваа;
‘‘Yattha posaṃ na jānanti, jātiyā vinayena vā;
на д̇ад̇т̇а маанам̣ гаяираат̇а, васаман̃н̃аад̇агз ж̇анз.
Na tattha mānaṃ kayirātha, vasamaññātake jane.
16.
16.
‘‘вид̣̇зсаваасам̣ васад̇о, ж̇аад̇авзд̣̇асамзнаби;
‘‘Videsavāsaṃ vasato, jātavedasamenapi;
камид̇аб̣б̣ам̣ сабан̃н̃зна, аби д̣̇аасасса д̇аж̇ж̇ид̇а’’нд̇и.
Khamitabbaṃ sapaññena, api dāsassa tajjita’’nti.
д̇ад̇т̇а д̣̇уруд̇д̇аанам̣ нид̇хзд̇авзд̇и яат̇аа д̇хан̃н̃анид̇хаанад̇т̇ааяа маханд̇ам̣ годтам̣ гад̇ваа буурзд̇ваа гижжз уббаннз д̇хан̃н̃ам̣ вал̣ан̃ж̇знд̇и, звамзвам̣ вид̣̇зсам̣ г̇ад̇о анд̇охад̣̇аяз бан̣д̣ид̇о босо д̣̇уруд̇д̇аанам̣ нид̇хаанад̇т̇ааяа маханд̇ам̣ годтам̣ гаяираат̇а. д̇ад̇т̇а д̇аани д̣̇уруд̇д̇аани нид̣̇ахид̇ваа буна ад̇д̇ано бахонагагаалз гаад̇аб̣б̣ам̣ гариссад̇и. ж̇аад̇ияаа винаязна ваад̇и ‘‘аяам̣ кад̇д̇ияо б̣раахман̣о’’д̇и ваа ‘‘сийлаваа б̣ахуссуд̇о г̇ун̣асамбанно’’д̇и ваа звам̣ яад̇т̇а ж̇аад̇ияаа винаязна ваа на ж̇аананд̇ийд̇и ад̇т̇о. маананд̇и зваруубам̣ мам̣ лаамагавохаарзна вохаранд̇и, на саггаронд̇и на г̇арум̣ гаронд̇ийд̇и маанам̣ на гарзяяа. васаман̃н̃аад̇агз ж̇анзд̇и ад̇д̇ано ж̇аад̇иг̇од̇д̇аад̣̇ийни аж̇аананд̇асса ж̇анасса санд̇игз васанд̇о. васад̇од̇и васад̇аа, аяамзва ваа баато.
Tattha duruttānaṃ nidhetaveti yathā dhaññanidhānatthāya mahantaṃ koṭṭhaṃ katvā pūretvā kicce uppanne dhaññaṃ vaḷañjenti, evamevaṃ videsaṃ gato antohadaye paṇḍito poso duruttānaṃ nidhānatthāya mahantaṃ koṭṭhaṃ kayirātha. Tattha tāni duruttāni nidahitvā puna attano pahonakakāle kātabbaṃ karissati. Jātiyā vinayena vāti ‘‘ayaṃ khattiyo brāhmaṇo’’ti vā ‘‘sīlavā bahussuto guṇasampanno’’ti vā evaṃ yattha jātiyā vinayena vā na jānantīti attho. Mānanti evarūpaṃ maṃ lāmakavohārena voharanti, na sakkaronti na garuṃ karontīti mānaṃ na kareyya. Vasamaññātake janeti attano jātigottādīni ajānantassa janassa santike vasanto. Vasatoti vasatā, ayameva vā pāṭho.
звам̣ д̇з д̇ад̇т̇а д̇ийн̣и вассаани васим̣су. ат̇а нз бид̇аа баггосаабзси. д̇з д̇ад̇о бадтааяа нихад̇амаанаа ж̇аад̇аа.
Evaṃ te tattha tīṇi vassāni vasiṃsu. Atha ne pitā pakkosāpesi. Te tato paṭṭhāya nihatamānā jātā.
сад̇т̇аа имам̣ д̇хаммад̣̇зсанам̣ аахарид̇ваа сажжаани багаасзд̇ваа ж̇аад̇агам̣ самод̇хаанзси, сажжабарияосаанз год̇хано бхигку анааг̇аамипалз бад̇идтахи. ‘‘д̇ад̣̇аа жуул̣ад̣̇ад̣̇д̣̇аро год̇хано бхигку ахоси, махаад̣̇ад̣̇д̣̇аро бана ахамзва ахоси’’нд̇и.
Satthā imaṃ dhammadesanaṃ āharitvā saccāni pakāsetvā jātakaṃ samodhānesi, saccapariyosāne kodhano bhikkhu anāgāmiphale patiṭṭhahi. ‘‘Tadā cūḷadaddaro kodhano bhikkhu ahosi, mahādaddaro pana ahameva ahosi’’nti.
д̣̇ад̣̇д̣̇араж̇аад̇агаван̣н̣анаа жад̇уд̇т̇аа.
Daddarajātakavaṇṇanā catutthā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / ж̇аад̇агабаал̣и • Jātakapāḷi / 304. д̣̇ад̣̇д̣̇араж̇аад̇агам̣ • 304. Daddarajātakaṃ
