| Library / Tipiṭaka / д̇ибидага • Tipiṭaka / ж̇аад̇ага-адтагат̇аа • Jātaka-aṭṭhakathā |
[186] 6. д̣̇ад̇хивааханаж̇аад̇агаван̣н̣анаа
[186] 6. Dadhivāhanajātakavaṇṇanā
ван̣н̣аг̇анд̇харасуубзд̇од̇и ид̣̇ам̣ сад̇т̇аа взл̣уванз вихаранд̇о вибагкасзвим̣ бхигкум̣ аараб̣бха гат̇зси. вад̇т̇у хздтаа гат̇ид̇амзва. сад̇т̇аа бана ‘‘бхигкавз, асаад̇хусанниваасо наама баабо анад̇т̇агаро, д̇ад̇т̇а мануссабхууд̇аанам̣ д̇аава баабасанниваасасса анад̇т̇агарад̇ааяа гим̣ вад̇д̇аб̣б̣ам̣, буб̣б̣з бана асаад̇зна амад̇хурзна нимб̣аругкзна сад̣̇д̇хим̣ санниваасамааг̇амма мад̇хурарасо д̣̇иб̣б̣арасабадибхааг̇о ажзд̇ано амб̣аругкоби амад̇хуро д̇ид̇д̇аго ж̇аад̇о’’д̇и вад̇ваа ад̇ийд̇ам̣ аахари.
Vaṇṇagandharasūpetoti idaṃ satthā veḷuvane viharanto vipakkhaseviṃ bhikkhuṃ ārabbha kathesi. Vatthu heṭṭhā kathitameva. Satthā pana ‘‘bhikkhave, asādhusannivāso nāma pāpo anatthakaro, tattha manussabhūtānaṃ tāva pāpasannivāsassa anatthakaratāya kiṃ vattabbaṃ, pubbe pana asātena amadhurena nimbarukkhena saddhiṃ sannivāsamāgamma madhuraraso dibbarasapaṭibhāgo acetano ambarukkhopi amadhuro tittako jāto’’ti vatvā atītaṃ āhari.
ад̇ийд̇з б̣аараан̣асияам̣ б̣рахмад̣̇ад̇д̇з раж̇ж̇ам̣ гаарзнд̇з гаасирадтз жад̇д̇ааро бхаад̇аро б̣раахман̣аа исибаб̣б̣аж̇ж̇ам̣ баб̣б̣аж̇ид̇ваа химаванд̇абад̣̇зсз бадибаадияаа бан̣н̣асаалаа гад̇ваа ваасам̣ габбзсум̣. д̇зсам̣ ж̇здтагабхаад̇аа гаалам̣ гад̇ваа саггад̇д̇ам̣ баабун̣и. со д̇ам̣ гааран̣ам̣ н̃ад̇ваа анд̇аранд̇араа сад̇д̇адтад̣̇ивасажжаязна д̇зсам̣ убадтаанам̣ г̇ажчанд̇о згад̣̇ивасам̣ ж̇здтагад̇аабасам̣ ванд̣̇ид̇ваа згаманд̇ам̣ нисийд̣̇ид̇ваа – ‘‘бханд̇з, гзна д̇з ад̇т̇о’’д̇и бужчи. бан̣д̣урог̇о д̇аабасо ‘‘аг̇г̇инаа мз ад̇т̇о’’д̇и ааха. со д̇ам̣ суд̇ваа д̇асса ваасипарасугам̣ ад̣̇ааси. ваасипарасуго наама д̣̇ан̣д̣з бавзсанавасзна ваасиби ход̇и парасуби. д̇аабасо ‘‘го мз имам̣ аад̣̇ааяа д̣̇аарууни аахариссад̇ий’’д̇и ааха. ат̇а нам̣ сагго звамааха – ‘‘яад̣̇аа д̇з, бханд̇з, д̣̇ааруухи ад̇т̇о, имам̣ парасум̣ хад̇т̇зна бахарид̇ваа ‘д̣̇аарууни мз аахарид̇ваа аг̇г̇им̣ гарохий’д̇и вад̣̇зяяааси, д̣̇аарууни аахарид̇ваа аг̇г̇им̣ гад̇ваа д̣̇ассад̇ий’’д̇и. д̇асса ваасипарасугам̣ д̣̇ад̇ваа д̣̇уд̇ияамби убасан̇гамид̇ваа ‘‘бханд̇з, гзна д̇з ад̇т̇о’’д̇и бужчи. д̇асса бан̣н̣асаалааяа хад̇т̇имаг̇г̇о ход̇и, со хад̇т̇ийхи убад̣̇д̣̇уд̇о ‘‘хад̇т̇ийнам̣ мз васзна д̣̇угкам̣ уббаж̇ж̇ад̇и, д̇з балаабзхий’’д̇и ааха. сагго д̇асса згам̣ бхзрим̣ убанаамзд̇ваа ‘‘бханд̇з, имасмим̣ д̇алз бахадз д̇умхаагам̣ бажжаамид̇д̇аа балааяиссанд̇и, имасмим̣ д̇алз бахадз мзд̇д̇ажид̇д̇аа худ̇ваа жад̇уран̇г̇инияаа сзнааяа бариваарзссанд̇ий’’д̇и вад̇ваа д̇ам̣ бхзрим̣ д̣̇ад̇ваа ганидтасса санд̇игам̣ г̇анд̇ваа ‘‘бханд̇з, гзна д̇з ад̇т̇о’’д̇и бужчи. соби бан̣д̣урог̇ад̇хаад̇угова, д̇асмаа ‘‘д̣̇ад̇хинаа мз ад̇т̇о’’д̇и ааха. сагго д̇асса згам̣ д̣̇ад̇хигхадам̣ д̣̇ад̇ваа ‘‘сажз д̇умхз ижчамаанаа имам̣ аасин̃жзяяаат̇а, махаанад̣̇ий худ̇ваа махогхам̣ бавад̇д̇зд̇ваа д̇умхаагам̣ раж̇ж̇ам̣ г̇ахзд̇ваа д̣̇аад̇ум̣ самад̇т̇оби бхависсад̇ий’’д̇и вад̇ваа баггаами. д̇ад̇о бадтааяа ваасипарасуго ж̇здтабхаад̇игасса аг̇г̇им̣ гарод̇и, ид̇арзна бхзрид̇алз бахадз хад̇т̇ий балааяанд̇и, ганидто д̣̇ад̇хим̣ барибхун̃ж̇ад̇и.
Atīte bārāṇasiyaṃ brahmadatte rajjaṃ kārente kāsiraṭṭhe cattāro bhātaro brāhmaṇā isipabbajjaṃ pabbajitvā himavantapadese paṭipāṭiyā paṇṇasālā katvā vāsaṃ kappesuṃ. Tesaṃ jeṭṭhakabhātā kālaṃ katvā sakkattaṃ pāpuṇi. So taṃ kāraṇaṃ ñatvā antarantarā sattaṭṭhadivasaccayena tesaṃ upaṭṭhānaṃ gacchanto ekadivasaṃ jeṭṭhakatāpasaṃ vanditvā ekamantaṃ nisīditvā – ‘‘bhante, kena te attho’’ti pucchi. Paṇḍurogo tāpaso ‘‘agginā me attho’’ti āha. So taṃ sutvā tassa vāsipharasukaṃ adāsi. Vāsipharasuko nāma daṇḍe pavesanavasena vāsipi hoti pharasupi. Tāpaso ‘‘ko me imaṃ ādāya dārūni āharissatī’’ti āha. Atha naṃ sakko evamāha – ‘‘yadā te, bhante, dārūhi attho, imaṃ pharasuṃ hatthena paharitvā ‘dārūni me āharitvā aggiṃ karohī’ti vadeyyāsi, dārūni āharitvā aggiṃ katvā dassatī’’ti. Tassa vāsipharasukaṃ datvā dutiyampi upasaṅkamitvā ‘‘bhante, kena te attho’’ti pucchi. Tassa paṇṇasālāya hatthimaggo hoti, so hatthīhi upadduto ‘‘hatthīnaṃ me vasena dukkhaṃ uppajjati, te palāpehī’’ti āha. Sakko tassa ekaṃ bheriṃ upanāmetvā ‘‘bhante, imasmiṃ tale pahaṭe tumhākaṃ paccāmittā palāyissanti, imasmiṃ tale pahaṭe mettacittā hutvā caturaṅginiyā senāya parivāressantī’’ti vatvā taṃ bheriṃ datvā kaniṭṭhassa santikaṃ gantvā ‘‘bhante, kena te attho’’ti pucchi. Sopi paṇḍurogadhātukova, tasmā ‘‘dadhinā me attho’’ti āha. Sakko tassa ekaṃ dadhighaṭaṃ datvā ‘‘sace tumhe icchamānā imaṃ āsiñceyyātha, mahānadī hutvā mahoghaṃ pavattetvā tumhākaṃ rajjaṃ gahetvā dātuṃ samatthopi bhavissatī’’ti vatvā pakkāmi. Tato paṭṭhāya vāsipharasuko jeṭṭhabhātikassa aggiṃ karoti, itarena bheritale pahaṭe hatthī palāyanti, kaniṭṭho dadhiṃ paribhuñjati.
д̇асмим̣ гаалз зго суугаро згасмим̣ бураан̣аг̇аамадтаанз жаранд̇о аанубхаавасамбаннам̣ згам̣ ман̣игканд̇хам̣ ад̣̇д̣̇аса. со д̇ам̣ ман̣игканд̇хам̣ мукзна д̣ам̣сид̇ваа д̇ассаанубхаавзна аагаасз уббад̇ид̇ваа самуд̣̇д̣̇асса маж̇жхз згам̣ д̣̇ийбагам̣ г̇анд̇ваа ‘‘зд̇т̇а д̣̇аани маяаа васид̇ум̣ ваддад̇ий’’д̇и од̇арид̇ваа паасугадтаанз згасса уд̣̇умб̣араругкасса хздтаа ваасам̣ габбзси. со згад̣̇ивасам̣ д̇асмим̣ ругкамуулз ман̣игканд̇хам̣ бурад̇о табзд̇ваа нид̣̇д̣̇ам̣ оггами. ат̇зго гаасирадтаваасий мануссо ‘‘нирубагааро зса амхаага’’нд̇и маад̇аабид̇уухи г̇зхаа ниггад̣дхид̇о згам̣ бадданаг̇аамам̣ г̇анд̇ваа наавигаанам̣ гаммагааро худ̇ваа наавам̣ ааруяха самуд̣̇д̣̇амаж̇жхз бхиннааяа наавааяа палагз нибанно д̇ам̣ д̣̇ийбагам̣ бад̇ваа палаапалаани бариязсанд̇о д̇ам̣ суугарам̣ нид̣̇д̣̇ааяанд̇ам̣ д̣̇исваа сан̣игам̣ г̇анд̇ваа ман̣игканд̇хам̣ г̇ан̣хид̇ваа д̇асса аанубхаавзна аагаасз уббад̇ид̇ваа уд̣̇умб̣араругкз нисийд̣̇ид̇ваа жинд̇зси – ‘‘аяам̣ суугаро имасса ман̣игканд̇хасса аанубхаавзна аагаасажаариго худ̇ваа ид̇ха васад̇и ман̃н̃з, маяаа батамамзва имам̣ суугарам̣ маарзд̇ваа мам̣сам̣ каад̣̇ид̇ваа бажчаа г̇анд̇ум̣ ваддад̇ий’’д̇и. со згам̣ д̣̇ан̣д̣агам̣ бхан̃ж̇ид̇ваа д̇асса сийсз баад̇зд̇и. суугаро баб̣уж̇жхид̇ваа ман̣им̣ абассанд̇о ид̇о жид̇о жа гамбамаано вид̇хаавад̇и, ругкз нисиннабурисо хаси. суугаро ологзнд̇о д̇ам̣ д̣̇исваа д̇ам̣ ругкам̣ сийсзна бахарид̇ваа д̇ад̇т̇зва мад̇о.
Tasmiṃ kāle eko sūkaro ekasmiṃ purāṇagāmaṭṭhāne caranto ānubhāvasampannaṃ ekaṃ maṇikkhandhaṃ addasa. So taṃ maṇikkhandhaṃ mukhena ḍaṃsitvā tassānubhāvena ākāse uppatitvā samuddassa majjhe ekaṃ dīpakaṃ gantvā ‘‘ettha dāni mayā vasituṃ vaṭṭatī’’ti otaritvā phāsukaṭṭhāne ekassa udumbararukkhassa heṭṭhā vāsaṃ kappesi. So ekadivasaṃ tasmiṃ rukkhamūle maṇikkhandhaṃ purato ṭhapetvā niddaṃ okkami. Atheko kāsiraṭṭhavāsī manusso ‘‘nirupakāro esa amhāka’’nti mātāpitūhi gehā nikkaḍḍhito ekaṃ paṭṭanagāmaṃ gantvā nāvikānaṃ kammakāro hutvā nāvaṃ āruyha samuddamajjhe bhinnāya nāvāya phalake nipanno taṃ dīpakaṃ patvā phalāphalāni pariyesanto taṃ sūkaraṃ niddāyantaṃ disvā saṇikaṃ gantvā maṇikkhandhaṃ gaṇhitvā tassa ānubhāvena ākāse uppatitvā udumbararukkhe nisīditvā cintesi – ‘‘ayaṃ sūkaro imassa maṇikkhandhassa ānubhāvena ākāsacāriko hutvā idha vasati maññe, mayā paṭhamameva imaṃ sūkaraṃ māretvā maṃsaṃ khāditvā pacchā gantuṃ vaṭṭatī’’ti. So ekaṃ daṇḍakaṃ bhañjitvā tassa sīse pāteti. Sūkaro pabujjhitvā maṇiṃ apassanto ito cito ca kampamāno vidhāvati, rukkhe nisinnapuriso hasi. Sūkaro olokento taṃ disvā taṃ rukkhaṃ sīsena paharitvā tattheva mato.
со бурисо од̇арид̇ваа аг̇г̇им̣ гад̇ваа д̇асса мам̣сам̣ бажид̇ваа каад̣̇ид̇ваа аагаасз уббад̇ид̇ваа химаванд̇амад̇т̇агзна г̇ажчанд̇о ассамабад̣̇ам̣ д̣̇исваа ж̇здтабхаад̇игасса д̇аабасасса ассамз од̇арид̇ваа д̣̇вийхад̇ийхам̣ васид̇ваа д̇аабасасса вад̇д̇абадивад̇д̇ам̣ агааси, ваасипарасугасса аанубхааван̃жа басси. со ‘‘имам̣ маяаа г̇ахзд̇ум̣ ваддад̇ий’’д̇и ман̣игканд̇хасса аанубхаавам̣ д̇аабасасса д̣̇ассзд̇ваа ‘‘бханд̇з, имам̣ ман̣им̣ г̇ахзд̇ваа ваасипарасугам̣ д̣̇зт̇аа’’д̇и ааха. д̇аабасо аагаасзна жарид̇угаамо д̇ам̣ г̇ахзд̇ваа ваасипарасугам̣ ад̣̇ааси. со д̇ам̣ г̇ахзд̇ваа т̇огам̣ г̇анд̇ваа ваасипарасугам̣ бахарид̇ваа ‘‘ваасипарасуга д̇аабасасса сийсам̣ чинд̣̇ид̇ваа ман̣игканд̇хам̣ мз аахараа’’д̇и ааха. со г̇анд̇ваа д̇аабасасса сийсам̣ чинд̣̇ид̇ваа ман̣игканд̇хам̣ аахари. со ваасипарасугам̣ бадижчаннадтаанз табзд̇ваа маж̇жхимад̇аабасасса санд̇игам̣ г̇анд̇ваа гад̇ибаахам̣ васид̇ваа бхзрияаа аанубхаавам̣ д̣̇исваа ман̣игканд̇хам̣ д̣̇ад̇ваа бхзрим̣ г̇ан̣хид̇ваа буриманаязнзва д̇ассаби сийсам̣ чинд̣̇аабзд̇ваа ганидтам̣ убасан̇гамид̇ваа д̣̇ад̇хигхадасса аанубхаавам̣ д̣̇исваа ман̣игканд̇хам̣ д̣̇ад̇ваа д̣̇ад̇хигхадам̣ г̇ахзд̇ваа буриманаязнзва д̇асса сийсам̣ чинд̣̇аабзд̇ваа ман̣игканд̇хан̃жа ваасипарасуган̃жа бхзрин̃жа д̣̇ад̇хигхадан̃жа г̇ахзд̇ваа аагаасз уббад̇ид̇ваа б̣аараан̣асияаа авид̣̇уурз тад̇ваа б̣аараан̣асиран̃н̃о ‘‘яуд̣̇д̇хам̣ ваа мз д̣̇зд̇у раж̇ж̇ам̣ ваа’’д̇и згасса бурисасса хад̇т̇з бан̣н̣ам̣ баахзси.
So puriso otaritvā aggiṃ katvā tassa maṃsaṃ pacitvā khāditvā ākāse uppatitvā himavantamatthakena gacchanto assamapadaṃ disvā jeṭṭhabhātikassa tāpasassa assame otaritvā dvīhatīhaṃ vasitvā tāpasassa vattapaṭivattaṃ akāsi, vāsipharasukassa ānubhāvañca passi. So ‘‘imaṃ mayā gahetuṃ vaṭṭatī’’ti maṇikkhandhassa ānubhāvaṃ tāpasassa dassetvā ‘‘bhante, imaṃ maṇiṃ gahetvā vāsipharasukaṃ dethā’’ti āha. Tāpaso ākāsena caritukāmo taṃ gahetvā vāsipharasukaṃ adāsi. So taṃ gahetvā thokaṃ gantvā vāsipharasukaṃ paharitvā ‘‘vāsipharasuka tāpasassa sīsaṃ chinditvā maṇikkhandhaṃ me āharā’’ti āha. So gantvā tāpasassa sīsaṃ chinditvā maṇikkhandhaṃ āhari. So vāsipharasukaṃ paṭicchannaṭṭhāne ṭhapetvā majjhimatāpasassa santikaṃ gantvā katipāhaṃ vasitvā bheriyā ānubhāvaṃ disvā maṇikkhandhaṃ datvā bheriṃ gaṇhitvā purimanayeneva tassapi sīsaṃ chindāpetvā kaniṭṭhaṃ upasaṅkamitvā dadhighaṭassa ānubhāvaṃ disvā maṇikkhandhaṃ datvā dadhighaṭaṃ gahetvā purimanayeneva tassa sīsaṃ chindāpetvā maṇikkhandhañca vāsipharasukañca bheriñca dadhighaṭañca gahetvā ākāse uppatitvā bārāṇasiyā avidūre ṭhatvā bārāṇasirañño ‘‘yuddhaṃ vā me detu rajjaṃ vā’’ti ekassa purisassa hatthe paṇṇaṃ pāhesi.
рааж̇аа саасанам̣ суд̇ваава ‘‘жорам̣ г̇ан̣хиссаамий’’д̇и нигками. со згам̣ бхзрид̇алам̣ бахари, жад̇уран̇г̇иний сзнаа бариваарзси. ран̃н̃о авад̇т̇аран̣абхаавам̣ н̃ад̇ваа д̣̇ад̇хигхадам̣ виссаж̇ж̇зси, махаанад̣̇ий бавад̇д̇и. махааж̇ано д̣̇ад̇химхи осийд̣̇ид̇ваа нигкамид̇ум̣ наасагки. ваасипарасугам̣ бахарид̇ваа ‘‘ран̃н̃о сийсам̣ аахараа’’д̇и ааха, ваасипарасуго г̇анд̇ваа ран̃н̃о сийсам̣ аахарид̇ваа баад̣̇амуулз нигкиби. згоби аавуд̇хам̣ угкибид̇ум̣ наасагки. со маханд̇зна б̣алзна баривуд̇о наг̇арам̣ бависид̇ваа абхисзгам̣ гаарзд̇ваа д̣̇ад̇хиваахано наама рааж̇аа худ̇ваа д̇хаммзна самзна раж̇ж̇ам̣ гаарзси.
Rājā sāsanaṃ sutvāva ‘‘coraṃ gaṇhissāmī’’ti nikkhami. So ekaṃ bheritalaṃ pahari, caturaṅginī senā parivāresi. Rañño avattharaṇabhāvaṃ ñatvā dadhighaṭaṃ vissajjesi, mahānadī pavatti. Mahājano dadhimhi osīditvā nikkhamituṃ nāsakkhi. Vāsipharasukaṃ paharitvā ‘‘rañño sīsaṃ āharā’’ti āha, vāsipharasuko gantvā rañño sīsaṃ āharitvā pādamūle nikkhipi. Ekopi āvudhaṃ ukkhipituṃ nāsakkhi. So mahantena balena parivuto nagaraṃ pavisitvā abhisekaṃ kāretvā dadhivāhano nāma rājā hutvā dhammena samena rajjaṃ kāresi.
д̇ассзгад̣̇ивасам̣ махаанад̣̇ияам̣ ж̇аалагаран̣д̣агз гийл̣анд̇асса ган̣н̣амун̣д̣ад̣̇ахад̇о д̣̇звабарибхог̇ам̣ згам̣ амб̣абаггам̣ ааг̇анд̇ваа ж̇аалз лаг̇г̇и, ж̇аалам̣ угкибанд̇аа д̇ам̣ д̣̇исваа ран̃н̃о ад̣̇ам̣су. д̇ам̣ маханд̇ам̣ гхадаббамаан̣ам̣ бариман̣д̣алам̣ суван̣н̣аван̣н̣ам̣ ахоси. рааж̇аа ‘‘гисса палам̣ наамзд̇а’’нд̇и ванажарагз бужчид̇ваа ‘‘амб̣апала’’нд̇и суд̇ваа барибхун̃ж̇ид̇ваа д̇асса адтим̣ ад̇д̇ано уяяаанз робаабзд̇ваа кийрод̣̇агзна син̃жаабзси. ругко ниб̣б̣ад̇д̇ид̇ваа д̇ад̇ияз сам̣важчарз палам̣ ад̣̇ааси. амб̣асса саггааро махаа ахоси, кийрод̣̇агзна син̃жанд̇и, г̇анд̇хабан̃жан̇г̇улигам̣ д̣̇знд̇и, маалаад̣̇аамаани баригкибанд̇и, г̇анд̇хад̇злзна д̣̇ийбам̣ ж̇аалзнд̇и, баригкзбо банасса бадасаан̣ияаа ахоси. палаани мад̇хураани суван̣н̣аван̣н̣аани ахзсум̣. д̣̇ад̇хивааханарааж̇аа ан̃н̃зсам̣ рааж̇уунам̣ амб̣апалам̣ бзсзнд̇о адтид̇о ругканиб̣б̣ад̇д̇анабхаязна ан̇гураниб̣б̣ад̇д̇анадтаанам̣ ман̣д̣уугаган̣дагзна виж̇жхид̇ваа бзсзси. д̇зсам̣ амб̣ам̣ каад̣̇ид̇ваа адти робид̇ам̣ на самбаж̇ж̇ад̇и. д̇з ‘‘гим̣ ну ко зд̇т̇а гааран̣а’’нд̇и бужчанд̇аа д̇ам̣ гааран̣ам̣ ж̇ааним̣су.
Tassekadivasaṃ mahānadiyaṃ jālakaraṇḍake kīḷantassa kaṇṇamuṇḍadahato devaparibhogaṃ ekaṃ ambapakkaṃ āgantvā jāle laggi, jālaṃ ukkhipantā taṃ disvā rañño adaṃsu. Taṃ mahantaṃ ghaṭappamāṇaṃ parimaṇḍalaṃ suvaṇṇavaṇṇaṃ ahosi. Rājā ‘‘kissa phalaṃ nāmeta’’nti vanacarake pucchitvā ‘‘ambaphala’’nti sutvā paribhuñjitvā tassa aṭṭhiṃ attano uyyāne ropāpetvā khīrodakena siñcāpesi. Rukkho nibbattitvā tatiye saṃvacchare phalaṃ adāsi. Ambassa sakkāro mahā ahosi, khīrodakena siñcanti, gandhapañcaṅgulikaṃ denti, mālādāmāni parikkhipanti, gandhatelena dīpaṃ jālenti, parikkhepo panassa paṭasāṇiyā ahosi. Phalāni madhurāni suvaṇṇavaṇṇāni ahesuṃ. Dadhivāhanarājā aññesaṃ rājūnaṃ ambaphalaṃ pesento aṭṭhito rukkhanibbattanabhayena aṅkuranibbattanaṭṭhānaṃ maṇḍūkakaṇṭakena vijjhitvā pesesi. Tesaṃ ambaṃ khāditvā aṭṭhi ropitaṃ na sampajjati. Te ‘‘kiṃ nu kho ettha kāraṇa’’nti pucchantā taṃ kāraṇaṃ jāniṃsu.
ат̇зго рааж̇аа уяяаанабаалам̣ баггосид̇ваа ‘‘д̣̇ад̇хивааханасса амб̣апалаанам̣ расам̣ наасзд̇ваа д̇ид̇д̇агабхаавам̣ гаад̇ум̣ сагкиссасий’’д̇и бужчид̇ваа ‘‘аама, д̣̇зваа’’д̇и вуд̇д̇з ‘‘д̇зна хи г̇ажчаахий’’д̇и сахассам̣ д̣̇ад̇ваа бзсзси. со б̣аараан̣асим̣ г̇анд̇ваа ‘‘зго уяяаанабаало ааг̇ад̇о’’д̇и ран̃н̃о аарожаабзд̇ваа д̇зна баггосаабид̇о бависид̇ваа рааж̇аанам̣ ванд̣̇ид̇ваа ‘‘д̇вам̣ уяяаанабаало’’д̇и будто ‘‘аама, д̣̇зваа’’д̇и вад̇ваа ад̇д̇ано аанубхаавам̣ ван̣н̣зси. рааж̇аа ‘‘г̇ажча амхаагам̣ уяяаанабааласса санд̇игз хохий’’д̇и ааха. д̇з д̇ад̇о бадтааяа д̣̇вз ж̇анаа уяяаанам̣ бадиж̇аг̇г̇анд̇и. ад̇хунааг̇ад̇о уяяаанабаало агаалабубпаани судту бубпаабзнд̇о агаалапалаани г̇ан̣хаабзнд̇о уяяаанам̣ раман̣ийяам̣ агааси. рааж̇аа д̇асса басийд̣̇ид̇ваа бораан̣агауяяаанабаалам̣ нийхарид̇ваа д̇ассзва уяяаанам̣ ад̣̇ааси. со уяяаанасса ад̇д̇ано хад̇т̇аг̇ад̇абхаавам̣ н̃ад̇ваа амб̣аругкам̣ бариваарзд̇ваа нимб̣з жа паг̇г̇ававаллияо жа робзси, анубуб̣б̣зна нимб̣аа вад̣дхим̣су, муулзхи муулаани, саакаахи жа саакаа сам̣садтаа онад̣̇д̇хавинад̣̇д̇хаа ахзсум̣. д̇зна асаад̇аамад̇хурасам̣саг̇г̇зна д̇аавамад̇хурапало амб̣о д̇ид̇д̇аго ж̇аад̇о нимб̣абан̣н̣асад̣̇исарасо, амб̣апалаанам̣ д̇ид̇д̇агабхаавам̣ н̃ад̇ваа уяяаанабаало балааяи.
Atheko rājā uyyānapālaṃ pakkositvā ‘‘dadhivāhanassa ambaphalānaṃ rasaṃ nāsetvā tittakabhāvaṃ kātuṃ sakkhissasī’’ti pucchitvā ‘‘āma, devā’’ti vutte ‘‘tena hi gacchāhī’’ti sahassaṃ datvā pesesi. So bārāṇasiṃ gantvā ‘‘eko uyyānapālo āgato’’ti rañño ārocāpetvā tena pakkosāpito pavisitvā rājānaṃ vanditvā ‘‘tvaṃ uyyānapālo’’ti puṭṭho ‘‘āma, devā’’ti vatvā attano ānubhāvaṃ vaṇṇesi. Rājā ‘‘gaccha amhākaṃ uyyānapālassa santike hohī’’ti āha. Te tato paṭṭhāya dve janā uyyānaṃ paṭijagganti. Adhunāgato uyyānapālo akālapupphāni suṭṭhu pupphāpento akālaphalāni gaṇhāpento uyyānaṃ ramaṇīyaṃ akāsi. Rājā tassa pasīditvā porāṇakauyyānapālaṃ nīharitvā tasseva uyyānaṃ adāsi. So uyyānassa attano hatthagatabhāvaṃ ñatvā ambarukkhaṃ parivāretvā nimbe ca phaggavavalliyo ca ropesi, anupubbena nimbā vaḍḍhiṃsu, mūlehi mūlāni, sākhāhi ca sākhā saṃsaṭṭhā onaddhavinaddhā ahesuṃ. Tena asātaamadhurasaṃsaggena tāvamadhuraphalo ambo tittako jāto nimbapaṇṇasadisaraso, ambaphalānaṃ tittakabhāvaṃ ñatvā uyyānapālo palāyi.
д̣̇ад̇хиваахано уяяаанам̣ г̇анд̇ваа амб̣апалам̣ каад̣̇анд̇о мукз бавидтам̣ амб̣арасам̣ нимб̣агасадам̣ вияа аж̇жхохарид̇ум̣ асаггонд̇о гаггаарзд̇ваа нидтубхи. д̇ад̣̇аа б̣од̇хисад̇д̇о д̇асса ад̇т̇ад̇хаммаанусаасаго амажжо ахоси. рааж̇аа б̣од̇хисад̇д̇ам̣ ааманд̇зд̇ваа ‘‘бан̣д̣ид̇а, имасса ругкасса бораан̣агабарихаарад̇о барихийнам̣ над̇т̇и, звам̣ санд̇збисса палам̣ д̇ид̇д̇агам̣ ж̇аад̇ам̣, гим̣ ну ко гааран̣а’’нд̇и бужчанд̇о батамам̣ г̇аат̇амааха –
Dadhivāhano uyyānaṃ gantvā ambaphalaṃ khādanto mukhe paviṭṭhaṃ ambarasaṃ nimbakasaṭaṃ viya ajjhoharituṃ asakkonto kakkāretvā niṭṭhubhi. Tadā bodhisatto tassa atthadhammānusāsako amacco ahosi. Rājā bodhisattaṃ āmantetvā ‘‘paṇḍita, imassa rukkhassa porāṇakaparihārato parihīnaṃ natthi, evaṃ santepissa phalaṃ tittakaṃ jātaṃ, kiṃ nu kho kāraṇa’’nti pucchanto paṭhamaṃ gāthamāha –
71.
71.
‘‘ван̣н̣аг̇анд̇харасуубзд̇о , амб̣ояам̣ ахуваа бурз;
‘‘Vaṇṇagandharasūpeto , amboyaṃ ahuvā pure;
д̇амзва бууж̇ам̣ лабхамаано, гзнамб̣о гадугабпало’’д̇и.
Tameva pūjaṃ labhamāno, kenambo kaṭukapphalo’’ti.
ат̇асса гааран̣ам̣ аажигканд̇о б̣од̇хисад̇д̇о д̣̇уд̇ияам̣ г̇аат̇амааха –
Athassa kāraṇaṃ ācikkhanto bodhisatto dutiyaṃ gāthamāha –
72.
72.
‘‘бужиманд̣̇абаривааро, амб̣о д̇з д̣̇ад̇хиваахана;
‘‘Pucimandaparivāro, ambo te dadhivāhana;
муулам̣ муулзна сам̣садтам̣, саакаа саакаа нисзварз;
Mūlaṃ mūlena saṃsaṭṭhaṃ, sākhā sākhā nisevare;
асаад̇асанниваасзна, д̇знамб̣о гадугабпало’’д̇и.
Asātasannivāsena, tenambo kaṭukapphalo’’ti.
д̇ад̇т̇а бужиманд̣̇абариваарод̇и нимб̣аругкабаривааро. саакаа саакаа нисзварзд̇и бужиманд̣̇асса саакааяо амб̣аругкасса саакааяо нисзванд̇и. асаад̇асанниваасзнаад̇и амад̇хурзхи бужиманд̣̇зхи сад̣̇д̇хим̣ санниваасзна. д̇знаад̇и д̇зна гааран̣зна аяам̣ амб̣о гадугабпало асаад̇апало д̇ид̇д̇агапало ж̇аад̇од̇и.
Tattha pucimandaparivāroti nimbarukkhaparivāro. Sākhā sākhā nisevareti pucimandassa sākhāyo ambarukkhassa sākhāyo nisevanti. Asātasannivāsenāti amadhurehi pucimandehi saddhiṃ sannivāsena. Tenāti tena kāraṇena ayaṃ ambo kaṭukapphalo asātaphalo tittakaphalo jātoti.
рааж̇аа д̇асса важанам̣ суд̇ваа саб̣б̣зби бужиманд̣̇з жа паг̇г̇ававаллияо жа чинд̣̇аабзд̇ваа муулаани уд̣̇д̇хараабзд̇ваа саманд̇аа амад̇хурабам̣сум̣ хараабзд̇ваа мад̇хурабам̣сум̣ багкибаабзд̇ваа кийрод̣̇агасагкарод̣̇агаг̇анд̇ход̣̇агзхи амб̣ам̣ бадиж̇аг̇г̇аабзси. со мад̇хурасам̣саг̇г̇зна буна мад̇хурова ахоси. рааж̇аа багад̇иуяяаанабаалассзва уяяаанам̣ нияяаад̣̇зд̇ваа яаавад̇ааяугам̣ тад̇ваа яат̇аагаммам̣ г̇ад̇о.
Rājā tassa vacanaṃ sutvā sabbepi pucimande ca phaggavavalliyo ca chindāpetvā mūlāni uddharāpetvā samantā amadhurapaṃsuṃ harāpetvā madhurapaṃsuṃ pakkhipāpetvā khīrodakasakkharodakagandhodakehi ambaṃ paṭijaggāpesi. So madhurasaṃsaggena puna madhurova ahosi. Rājā pakatiuyyānapālasseva uyyānaṃ niyyādetvā yāvatāyukaṃ ṭhatvā yathākammaṃ gato.
сад̇т̇аа имам̣ д̇хаммад̣̇зсанам̣ аахарид̇ваа ж̇аад̇агам̣ самод̇хаанзси – ‘‘д̇ад̣̇аа ахамзва бан̣д̣ид̇аамажжо ахоси’’нд̇и.
Satthā imaṃ dhammadesanaṃ āharitvā jātakaṃ samodhānesi – ‘‘tadā ahameva paṇḍitāmacco ahosi’’nti.
д̣̇ад̇хивааханаж̇аад̇агаван̣н̣анаа чадтаа.
Dadhivāhanajātakavaṇṇanā chaṭṭhā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / ж̇аад̇агабаал̣и • Jātakapāḷi / 186. д̣̇ад̇хивааханаж̇аад̇агам̣ • 186. Dadhivāhanajātakaṃ
