| Library / Tipiṭaka / ਤਿਪਿਟਕ • Tipiṭaka / ਅਙ੍ਗੁਤ੍ਤਰਨਿਕਾਯ (ਟੀਕਾ) • Aṅguttaranikāya (ṭīkā) |
੮. ਦਕ੍ਖਿਣਸੁਤ੍ਤવਣ੍ਣਨਾ
8. Dakkhiṇasuttavaṇṇanā
੭੮. ਅਟ੍ਠਮੇ ਦਾਨਸਙ੍ਖਾਤਾਯ ਦਕ੍ਖਿਣਾਯਾਤਿ ਦੇਯ੍ਯਧਮ੍ਮਸਙ੍ਖਾਤਾਯ ਦਕ੍ਖਿਣਾਯ। વਿਸੁਦ੍ਧਿ ਨਾਮ ਮਹਾਜੁਤਿਕਤਾ। ਸਾ ਪਨ ਮਹਪ੍ਫਲਤਾਯ વੇਦਿਤਬ੍ਬਾਤਿ ਆਹ ‘‘ਮਹਪ੍ਫਲਭਾવੇਨਾ’’ਤਿ। વਿਸੁਜ੍ਝਤੀਤਿ ਨ ਕਿਲਿਸ੍ਸਤਿ, ਅਮਲਿਨਾ ਮਹਾਜੁਤਿਕਾ ਮਹਾવਿਪ੍ਫਾਰਾ ਹੋਤੀਤਿ ਅਤ੍ਥੋ। ਸੁਚਿਧਮ੍ਮੋਤਿ ਰਾਗਾਦਿਅਸੁਚਿવਿਧਮਨੇਨ ਸੁਚਿਸਭਾવੋ। ਲਾਮਕਧਮ੍ਮੋਤਿ ਹੀਨਸਭਾવੋ ਪਾਪਕਿਰਿਯਾਯ। ਅਕੁਸਲਧਮ੍ਮਾ ਹਿ ਏਕਨ੍ਤਨਿਹੀਨਾ। ਜੂਜਕੋ ਸੀਲવਾ ਕਲ੍ਯਾਣਧਮ੍ਮੋ ਨ ਹੋਤਿ, ਤਸ੍ਸ ਮਹਾਬੋਧਿਸਤ੍ਤਸ੍ਸ ਅਤ੍ਤਨੋ ਪੁਤ੍ਤਦਾਨਂ ਦਾਨਪਾਰਮਿਯਾ ਮਤ੍ਥਕਂ ਗਣ੍ਹਨ੍ਤਂ ਮਹਾਪਥવਿਕਮ੍ਪਨਸਮਤ੍ਥਂ ਜਾਤਂ। ਸ੍વਾਯਂ ਦਾਯਕਗੁਣੋਤਿ ਆਹ ‘‘વੇਸ੍ਸਨ੍ਤਰਮਹਾਰਾਜਾ ਕਥੇਤਬ੍ਬੋ’’ਤਿਆਦਿ। ਉਦ੍ਧਰਤੀਤਿ ਬਹੁਲਂ ਪਾਪਕਮ੍ਮવਸੇਨ ਲਦ੍ਧਬ੍ਬવਿਨਿਪਾਤਤੋ ਉਦ੍ਧਰਤਿ, ਤਸ੍ਮਾ ਨਤ੍ਥਿ ਮਯ੍ਹਂ ਕਿਞ੍ਚਿ ਚਿਤ੍ਤਸ੍ਸ ਅਞ੍ਞਤ੍ਥਤ੍ਤਨ੍ਤਿ ਅਧਿਪ੍ਪਾਯੋ।
78. Aṭṭhame dānasaṅkhātāya dakkhiṇāyāti deyyadhammasaṅkhātāya dakkhiṇāya. Visuddhi nāma mahājutikatā. Sā pana mahapphalatāya veditabbāti āha ‘‘mahapphalabhāvenā’’ti. Visujjhatīti na kilissati, amalinā mahājutikā mahāvipphārā hotīti attho. Sucidhammoti rāgādiasucividhamanena sucisabhāvo. Lāmakadhammoti hīnasabhāvo pāpakiriyāya. Akusaladhammā hi ekantanihīnā. Jūjako sīlavā kalyāṇadhammo na hoti, tassa mahābodhisattassa attano puttadānaṃ dānapāramiyā matthakaṃ gaṇhantaṃ mahāpathavikampanasamatthaṃ jātaṃ. Svāyaṃ dāyakaguṇoti āha ‘‘vessantaramahārājā kathetabbo’’tiādi. Uddharatīti bahulaṃ pāpakammavasena laddhabbavinipātato uddharati, tasmā natthi mayhaṃ kiñci cittassa aññatthattanti adhippāyo.
ਪੇਤਦਕ੍ਖਿਣਨ੍ਤਿ ਪੇਤੇ ਉਦ੍ਦਿਸ੍ਸ ਦਾਤਬ੍ਬਦਕ੍ਖਿਣਂ। ਪਾਪਿਤਕਾਲੇਯੇવਾਤਿ ‘‘ਇਦਂ ਦਾਨਂ ਅਸੁਕਸ੍ਸ ਪੇਤਸ੍ਸ ਹੋਤੂ’’ਤਿ ਤਂਉਦ੍ਦਿਸਨવਸੇਨ ਪਤ੍ਤਿਯਾ ਪਾਪਿਤਕਾਲੇਯੇવ। ਅਸ੍ਸਾਤਿ ਪੇਤਸ੍ਸ। ਪਾਪੁਣੀਤਿ ਫਲਸਮ੍ਪਤ੍ਤਿਲਭਾਪਨવਸੇਨ ਪਾਪੁਣਿ। ਅਯਞ੍ਹਿ ਪੇਤੇ ਉਦ੍ਦਿਸ੍ਸ ਦਾਨੇ ਧਮ੍ਮਤਾ। ਤਦਾ ਕੋਸਲਰਞ੍ਞੋ ਪਰਿਚ੍ਚਾਗવਸੇਨ ਅਤਿવਿਯ ਦਾਨਜ੍ਝਾਸਯਤਂ ਬੁਦ੍ਧਪ੍ਪਮੁਖਸ੍ਸ ਚ ਸਙ੍ਘਸ੍ਸ ਉਕ੍ਕਂਸਗਤਗੁਣવਿਸਿਟ੍ਠਤਂ ਸਨ੍ਧਾਯਾਹ ‘‘ਅਸਦਿਸਦਾਨਂ ਕਥੇਤਬ੍ਬ’’ਨ੍ਤਿ।
Petadakkhiṇanti pete uddissa dātabbadakkhiṇaṃ. Pāpitakāleyevāti ‘‘idaṃ dānaṃ asukassa petassa hotū’’ti taṃuddisanavasena pattiyā pāpitakāleyeva. Assāti petassa. Pāpuṇīti phalasampattilabhāpanavasena pāpuṇi. Ayañhi pete uddissa dāne dhammatā. Tadā kosalarañño pariccāgavasena ativiya dānajjhāsayataṃ buddhappamukhassa ca saṅghassa ukkaṃsagataguṇavisiṭṭhataṃ sandhāyāha ‘‘asadisadānaṃ kathetabba’’nti.
ਦਕ੍ਖਿਣਸੁਤ੍ਤવਣ੍ਣਨਾ ਨਿਟ੍ਠਿਤਾ।
Dakkhiṇasuttavaṇṇanā niṭṭhitā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਅਙ੍ਗੁਤ੍ਤਰਨਿਕਾਯ • Aṅguttaranikāya / ੮. ਦਕ੍ਖਿਣਸੁਤ੍ਤਂ • 8. Dakkhiṇasuttaṃ
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਅਙ੍ਗੁਤ੍ਤਰਨਿਕਾਯ (ਅਟ੍ਠਕਥਾ) • Aṅguttaranikāya (aṭṭhakathā) / ੮. ਦਕ੍ਖਿਣਸੁਤ੍ਤવਣ੍ਣਨਾ • 8. Dakkhiṇasuttavaṇṇanā
