| Library / Tipiṭaka / д̇ибидага • Tipiṭaka / маж̇жхиманигааяа (дийгаа) • Majjhimanikāya (ṭīkā) |
12. д̣̇агкин̣аавибхан̇г̇асуд̇д̇аван̣н̣анаа
12. Dakkhiṇāvibhaṅgasuttavaṇṇanā
376. махаабаж̇аабад̇иг̇од̇амийд̇и зд̇т̇а г̇од̇амийд̇и д̇асса г̇од̇амаг̇од̇д̇ад̇о ааг̇ад̇ам̣ наамам̣, махаабаж̇аабад̇и бана г̇ун̣ад̇о. д̇ам̣ виварид̇ум̣, ‘‘наамагаран̣ад̣̇ивасз банассаа’’д̇иаад̣̇и вуд̇д̇ам̣. махад̇им̣ ул̣аарам̣ баж̇ам̣ ж̇ананабосанзхи барирагкад̇ийд̇и махаабаж̇аабад̇и. барибхог̇авасзна на хан̃н̃ад̇ийд̇и ахад̇ам̣. сиббигаананд̇и д̇анд̇авааяаанам̣. вааяанадтаананд̇и вийнадтаанам̣. д̇аани мам̣ на д̇осзнд̇и гааяигасса бун̃н̃асса абхаавад̇о. д̇знааха – ‘‘сахад̇т̇аа гад̇амзва мам̣ д̇осзд̇ий’’д̇и. бисид̇ваа ниб̣б̣ад̇д̇анам̣ гад̇ваа. бот̇зд̇ваад̇и сукумабхааваабаад̣̇анад̇т̇ам̣ д̇ханугзна нзд̇ваа. гаалаанугаалан̃жа д̇хаад̇иг̇ан̣абаривуд̇аа г̇анд̇ваа взмагодим̣ аг̇г̇ахзси згад̣̇ивасанд̇и ад̇хиббааяо. зван̃хи ‘‘згад̣̇ивасам̣ бана…бз… агаасий’’д̇и буримаважанзна д̇ам̣ на вируж̇жхзяяа.
376.Mahāpajāpatigotamīti ettha gotamīti tassa gotamagottato āgataṃ nāmaṃ, mahāpajāpati pana guṇato. Taṃ vivarituṃ, ‘‘nāmakaraṇadivase panassā’’tiādi vuttaṃ. Mahatiṃ uḷāraṃ pajaṃ jananaposanehi parirakkhatīti mahāpajāpati. Paribhogavasena na haññatīti ahataṃ. Sippikānanti tantavāyānaṃ. Vāyanaṭṭhānanti vīnaṭṭhānaṃ. Tāni maṃ na tosenti kāyikassa puññassa abhāvato. Tenāha – ‘‘sahatthā katamevamaṃ tosetī’’ti. Pisitvā nibbattanaṃ katvā. Pothetvāti sukhumabhāvāpādanatthaṃ dhanukena netvā. Kālānukālañca dhātigaṇaparivutā gantvā vemakoṭiṃ aggahesi ekadivasanti adhippāyo. Evañhi ‘‘ekadivasaṃ pana…pe… akāsī’’ti purimavacanena taṃ na virujjheyya.
ча жзд̇анаад̇и чаб̣б̣ид̇хаа жзд̇анаа. на хи д̇аа чаязва жзд̇анаад̇и. сан̇гхз г̇од̇ами д̣̇зхи…бз… сан̇гхо жаад̇и ид̣̇амзва суд̇д̇абад̣̇ам̣. сан̇гхз г̇од̇ами д̣̇зхийд̇и сан̇гхасса д̣̇аанааяа нияож̇зси, д̇асмаа сан̇гхова д̣̇агкин̣зяяад̇арод̇и аяамзвзд̇т̇а ад̇т̇о. яад̣̇и званд̇иаад̣̇инаа д̇ад̇т̇а б̣яабхижаарам̣ д̣̇ассзд̇и. рааж̇амахаамад̇д̇аад̣̇аяод̇иаад̣̇инаа д̇ад̇т̇а б̣яад̇ирзгад̇о нид̣̇ассанам̣ ааха. маханд̇ад̇араа бхавзяяунд̇и аанубхааваад̣̇инаа маханд̇ад̇араа бхавзяяум̣, на жа д̇ам̣ ад̇т̇ийд̇и. д̇асмаад̇и яасмаа г̇ун̣ависидтахзд̇угам̣ д̣̇агкин̣зяяад̇ам̣ анабзгкид̇ваа ад̇д̇ано д̣̇ийяамаанасса д̣̇аабанам̣ лабхад̇и, д̇асмаа. маа звам̣ г̇ан̣хаад̇и саммаасамб̣уд̣̇д̇хад̇о сан̇гхова д̣̇агкин̣зяяо’’д̇и маа г̇ан̣ха.
Cha cetanāti chabbidhā cetanā. Na hi tā chayeva cetanāti. Saṅghe gotami dehi…pe… saṅgho cāti idameva suttapadaṃ. Saṅghe gotami dehīti saṅghassa dānāya niyojesi, tasmā saṅghova dakkhiṇeyyataroti ayamevettha attho. Yadi evantiādinā tattha byabhicāraṃ dasseti. Rājamahāmattādayotiādinā tattha byatirekato nidassanaṃ āha. Mahantatarā bhaveyyunti ānubhāvādinā mahantatarā bhaveyyuṃ, na ca taṃ atthīti. Tasmāti yasmā guṇavisiṭṭhahetukaṃ dakkhiṇeyyataṃ anapekkhitvā attano dīyamānassa dāpanaṃ labhati, tasmā. Mā evaṃ gaṇhāti sammāsambuddhato saṅghova dakkhiṇeyyo’’ti mā gaṇha.
д̇ад̇т̇а нижчаяасаад̇хагам̣ суд̇д̇абад̣̇ам̣ д̣̇ассзнд̇о, ‘‘наяимасмим̣ логз…бз… вибулапалзсина’’нд̇и ааха. свааяамад̇т̇о рад̇анасуд̇д̇з (ку. баа. 6.3; су. ни. 226), ‘‘яам̣ гин̃жи вид̇д̇а’’нд̇и г̇аат̇ааяа, аг̇г̇абасаад̣̇асуд̇д̇аад̣̇ийхи (ид̇иву. 90) жа вибхаавзд̇аб̣б̣од̇и. д̇знааха – ‘‘сад̇т̇аараа уд̇д̇арид̇аро д̣̇агкин̣зяяо наама над̇т̇ий’’д̇и.
Tattha nicchayasādhakaṃ suttapadaṃ dassento, ‘‘nayimasmiṃ loke…pe… vipulaphalesina’’nti āha. Svāyamattho ratanasutte (khu. pā. 6.3; su. ni. 226), ‘‘yaṃ kiñci vitta’’nti gāthāya, aggapasādasuttādīhi (itivu. 90) ca vibhāvetabboti. Tenāha – ‘‘satthārā uttaritaro dakkhiṇeyyo nāma natthī’’ti.
г̇од̇амияаа анд̇имабхавигад̇ааяа д̣̇аанасса д̣̇ийгхарад̇д̇ам̣ хид̇ааяа сукааяа ануббаад̣̇анад̇о на д̇ам̣ г̇аруд̇арам̣ сан̇гхасса баад̣̇аабанз гааран̣анд̇и ааха – ‘‘бажчимааяа ж̇анад̇ааяаа’’д̇иаад̣̇и. важанад̇обийд̇и д̇асса вад̇т̇аяуг̇асса сад̇т̇у зва бадиг̇г̇ахан̣ааяа важанад̇оби. д̇знааха ‘‘на хий’’д̇иаад̣̇и.
Gotamiyā antimabhavikatāya dānassa dīgharattaṃ hitāya sukhāya anuppādanato na taṃ garutaraṃ saṅghassa pādāpane kāraṇanti āha – ‘‘pacchimāya janatāyā’’tiādi. Vacanatopīti tassa vatthayugassa satthu eva paṭiggahaṇāya vacanatopi. Tenāha ‘‘na hī’’tiādi.
сад̇т̇аа сан̇гхабарияаабаннова ийд̣̇исз таанз аг̇г̇апаладтад̇ааяа адта-арияабуг̇г̇алабхаавад̇о, сажз банасса на саяам̣ сан̇гхабарияаабаннад̇аа, гат̇ам̣ сан̇гхз бууж̇ид̇з сад̇т̇аа бууж̇ид̇о наама сияаад̇и ад̇хиббааяо. д̇ийн̣и саран̣аг̇аманаани д̇аяо зва аг̇г̇абасаад̣̇аад̇и вагкад̇ийд̇и ад̇хиббааяо. абхид̇хзяяаануруубаани хи лин̇г̇аважанаани. на рухад̇и аяаат̇аавабадибад̇д̇ибхаавад̇о, на г̇ихивзсаг̇г̇ахан̣аад̣̇инаа г̇ихибхаавасса бадигкибид̇ад̇д̇аа. на вад̇д̇аб̣б̣амзд̇ам̣ ‘‘сад̇т̇аа сан̇гхабарияаабанно’’д̇и сад̇т̇убхаавад̇о. саавагасамуухо хи сан̇гхо . сан̇гхаг̇ан̣з хи сад̇т̇аа уд̇д̇арид̇аро анан̃н̃асаад̇хааран̣аг̇ун̣зхи саманнааг̇ад̇абхаавад̇о мууларад̇анабхаавад̇о жа.
Satthāsaṅghapariyāpannova īdise ṭhāne aggaphalaṭṭhatāya aṭṭha-ariyapuggalabhāvato, sace panassa na sayaṃ saṅghapariyāpannatā, kathaṃ saṅghe pūjite satthā pūjito nāma siyāti adhippāyo. Tīṇi saraṇagamanāni tayo eva aggapasādāti vakkhatīti adhippāyo. Abhidheyyānurūpāni hi liṅgavacanāni. Na ruhati ayāthāvapaṭipattibhāvato, na gihivesaggahaṇādinā gihibhāvassa paṭikkhipitattā. Na vattabbametaṃ ‘‘satthā saṅghapariyāpanno’’ti satthubhāvato. Sāvakasamūho hi saṅgho . Saṅghagaṇe hi satthā uttaritaro anaññasādhāraṇaguṇehi samannāgatabhāvato mūlaratanabhāvato ca.
377. самбад̇иж̇аад̇асса махаасад̇д̇асса сад̇д̇абад̣̇авийд̇ихаараг̇аманам̣ д̇хаммад̇аавасзна ж̇аад̇ам̣, барам̣ д̇ад̣̇ан̃н̃ад̣̇ахарасад̣̇исий бадибад̇д̇ийд̇и ааха – ‘‘хад̇т̇абаад̣̇агижжам̣ асаад̇хзнд̇зсуу’’д̇и.
377. Sampatijātassa mahāsattassa sattapadavītihāragamanaṃ dhammatāvasena jātaṃ, paraṃ tadaññadaharasadisī paṭipattīti āha – ‘‘hatthapādakiccaṃ asādhentesū’’ti.
378. бажжуубагаарам̣ на сугарам̣ вад̣̇аами анужчавигагирияааяа гаад̇ум̣ асаггун̣зяяад̇д̇аа. абхиваад̣̇знд̇и зд̇знаад̇и абхиваад̣̇анам̣. ванд̣̇амаанзхи анд̇зваасигзхи аажарияам̣ ‘‘сукий ход̇уу’’д̇иаад̣̇инаа абхиваад̣̇знд̇и наама. д̇зна вуд̇д̇ам̣ ‘‘абхиваад̣̇ана’’нд̇и. д̇ад̣̇абхимуко…бз… ванд̣̇ид̇ваа нибаж̇ж̇ад̇и, сзяяат̇ааби ааяасмаа саарибуд̇д̇о. гаалаанугаалам̣ убадтаанам̣ б̣ийж̇аяанабаад̣̇асамб̣ааханаад̣̇и анужчавигагаммасса гаран̣ам̣ наама. анужчавигам̣ гирияам̣ гаад̇ум̣ на саггод̇иязва, яасмаа аажариязна гад̇асса д̇хаммаануг̇г̇ахасса анд̇зваасинаа гарияамаано аамисаануг̇г̇ахо сан̇камби галамби галабхааг̇амби на убзд̇иязваад̇и. д̇зна вуд̇д̇ам̣ ‘‘на суббад̇игаарам̣ вад̣̇аамий’’д̇и.
378.Paccūpakāraṃ na sukaraṃ vadāmi anucchavikakiriyāya kātuṃ asakkuṇeyyattā. Abhivādenti etenāti abhivādanaṃ. Vandamānehi antevāsikehi ācariyaṃ ‘‘sukhī hotū’’tiādinā abhivādenti nāma. Tena vuttaṃ ‘‘abhivādana’’nti. Tadabhimukho…pe… vanditvā nipajjati, seyyathāpi āyasmā sāriputto. Kālānukālaṃ upaṭṭhānaṃ bījayanapādasambāhanādi anucchavikakammassa karaṇaṃ nāma. Anucchavikaṃ kiriyaṃ kātuṃ na sakkotiyeva, yasmā ācariyena katassa dhammānuggahassa antevāsinā kariyamāno āmisānuggaho saṅkhampi kalampi kalabhāgampi na upetiyevāti. Tena vuttaṃ ‘‘na suppatikāraṃ vadāmī’’ti.
379. баадибуг̇г̇алигам̣ д̣̇агкин̣ам̣ аараб̣бха самудтид̇ам̣, ‘‘д̇ам̣ мз бхаг̇аваа бадиг̇г̇ан̣хад̇уу’’д̇и махаабаж̇аабад̇иг̇од̇амияаа важанам̣ нимид̇д̇ам̣ гад̇ваа д̣̇зсанааяа удтид̇ад̇д̇аа. на гзвалан̃жа д̇ассаа зва важанам̣, ат̇а ко аананд̣̇ад̇т̇зроби…бз… самаад̣̇абзси, д̇асмаа вибхааг̇ад̇о жуд̣̇д̣̇асасу…бз… ход̇ийд̇и д̣̇ассзд̇ум̣, имам̣ д̣̇зсанам̣ аарабхи. д̇ад̇т̇а бад̇ибажжзгам̣ буг̇г̇алам̣ д̣̇ийяад̇ийд̇и баадибуг̇г̇алигам̣. батамасад̣̇д̣̇о яат̇аа аг̇г̇ад̇т̇о, звам̣ сздтабарияааяобийд̇и ааха ‘‘ж̇здтагавасзнабий’’д̇и. аг̇г̇аа уд̇д̇амз кзд̇д̇з бавад̇д̇ад̇д̇аа. д̣̇уд̇ияад̇ад̇ияааби барамад̣̇агкин̣ааязва саб̣б̣асо саммаавигкамбхид̇арааг̇аад̣̇игилзсад̇д̇аа. рааг̇аад̣̇аяо хи ад̣̇агкин̣зяяабхаавасса гааран̣ам̣. д̇знзвааха – ‘‘д̇ин̣ад̣̇осаани кзд̇д̇аани, рааг̇ад̣̇осаа аяам̣ баж̇аа’’д̇иаад̣̇и (д̇ха. ба. 356). яасмаа бана саваасанам̣ саб̣б̣асо самужчиннагилзсзхи д̇ад̇о зва саб̣б̣асо аббадихад̇ан̃аан̣ажаарзхи ананд̇аабаримзяяаг̇ун̣аг̇ан̣аад̇хаарзхи саммаасамб̣уд̣̇д̇хзхи сад̣̇исо сад̣̇звагз логз гожи д̣̇агкин̣зяяо над̇т̇и. д̇асмаа ‘‘барамад̣̇агкин̣ааязваа’’д̇и саасан̇гам̣ вад̣̇ад̇и. яасмаа бан̃жаабхин̃н̃о адтасамаабад̇д̇илаабхий зва ход̇и логияаабхин̃н̃аанам̣ адтасамаабад̇д̇иад̇хидтаанад̇д̇аа, д̇асмаа ‘‘логияабан̃жаабхин̃н̃з’’ижжзва вуд̇д̇ам̣, на ‘‘адтасамаабад̇д̇илаабхимхий’’д̇и д̇ааяа авуд̇д̇асид̣̇д̇хад̇д̇аа. г̇осийлад̇хаад̇угод̇и г̇осийласабхааво, сийлавад̇аа сад̣̇исасийлод̇и ад̇т̇о. д̇знааха ‘‘асато’’д̇иаад̣̇и. д̇зна на алаж̇ж̇ид̇хаад̇уго багад̇исид̣̇д̇хо ид̇ха бут̇уж̇ж̇анасийлаваад̇и ад̇хиббзд̇од̇и д̣̇ассзд̇и.
379.Pāṭipuggalikaṃ dakkhiṇaṃ ārabbha samuṭṭhitaṃ, ‘‘taṃ me bhagavā paṭiggaṇhatū’’ti mahāpajāpatigotamiyā vacanaṃ nimittaṃ katvā desanāya uṭṭhitattā. Na kevalañca tassā eva vacanaṃ, atha kho ānandattheropi…pe… samādapesi, tasmā vibhāgato cuddasasu…pe… hotīti dassetuṃ, imaṃ desanaṃ ārabhi. Tattha patipaccekaṃ puggalaṃ dīyatīti pāṭipuggalikaṃ. Paṭhamasaddo yathā aggattho, evaṃ seṭṭhapariyāyopīti āha ‘‘jeṭṭhakavasenapī’’ti. Aggā uttame khette pavattattā. Dutiyatatiyāpi paramadakkhiṇāyeva sabbaso sammāvikkhambhitarāgādikilesattā. Rāgādayo hi adakkhiṇeyyabhāvassa kāraṇaṃ. Tenevāha – ‘‘tiṇadosāni khettāni, rāgadosā ayaṃ pajā’’tiādi (dha. pa. 356). Yasmā pana savāsanaṃ sabbaso samucchinnakilesehi tato eva sabbaso appaṭihatañāṇacārehi anantāparimeyyaguṇagaṇādhārehi sammāsambuddhehi sadiso sadevake loke koci dakkhiṇeyyo natthi. Tasmā ‘‘paramadakkhiṇāyevā’’ti sāsaṅkaṃ vadati. Yasmā pañcābhiñño aṭṭhasamāpattilābhī eva hoti lokiyābhiññānaṃ aṭṭhasamāpattiadhiṭṭhānattā, tasmā ‘‘lokiyapañcābhiññe’’icceva vuttaṃ, na ‘‘aṭṭhasamāpattilābhimhī’’ti tāya avuttasiddhattā. Gosīladhātukoti gosīlasabhāvo, sīlavatā sadisasīloti attho. Tenāha ‘‘asaṭho’’tiādi. Tena na alajjidhātuko pakatisiddho idha puthujjanasīlavāti adhippetoti dasseti.
барижчинд̣̇анд̇од̇и зд̇д̇агод̇и бажжзгаббамаан̣ад̇о д̇ад̇о зва ан̃н̃аман̃н̃ам̣ асан̇гарад̇ова барижчинд̣̇анд̇о. гат̇ам̣ бана асан̇кязяяабхаавзна вужжамаано вибааго барижчинно ход̇и? соби д̇асса барижчзд̣̇о зва ид̇арзхи асам̣гин̣н̣абхаавад̣̇ийбанад̇о, зд̇ад̣̇ад̇т̇амзва буб̣б̣з асан̇гараг̇г̇ахан̣ам̣ гад̇ам̣. г̇ун̣авасзнаад̇и лагкан̣асамбаннаад̣̇иг̇ун̣авасзна. убагааравасзнаад̇и бхог̇арагкаад̣̇иубагааравасзна. яам̣ босанад̇т̇ам̣ д̣̇иннам̣, ид̣̇ам̣ на г̇ахид̇ам̣ д̣̇ааналагкан̣ааяог̇ад̇о. ануг̇г̇ахабууж̇анижчаавасзна хи ад̇д̇ано д̣̇зяяавад̇т̇убарижжааг̇о д̣̇аанам̣ бхаяарааг̇алад̣̇д̇хугаамагулаад̣̇ивасзна сааваж̇ж̇аабхаавад̇о. д̇амби на г̇ахид̇ам̣ аяаавад̣̇ад̇т̇ад̇ааабарибун̣н̣абхаавзна яат̇аад̇хиббзд̇апалад̣̇аанаасамад̇т̇абхаавад̇о. самбад̇д̇ассаад̇и санд̇игааг̇ад̇асса. д̇зна самбад̇д̇ибаяож̇анз анабзгкад̇ам̣ д̣̇ассзд̇и. палам̣ бадиган̇кид̇ваад̇и ‘‘ид̣̇ам̣ мз д̣̇аанамаяам̣ бун̃н̃ам̣ ааяад̇им̣ сукахид̇абхаавааяа ход̇уу’’д̇иаад̣̇инаа палам̣ бажжаасийсид̇ваа. д̇знасса палад̣̇аанз намияад̇ам̣ д̣̇ассзд̇и, яаавад̣̇ад̇т̇анд̇и иминаа барибун̣н̣апалад̇ам̣. сад̇аг̇ун̣аад̇и зд̇т̇а г̇ун̣асад̣̇д̣̇о на ‘‘г̇ун̣зна наамам̣ уд̣̇д̇харзяяа’’нд̇иаад̣̇ийсу (д̇ха. са. адта. 1313; уд̣̇аа. адта. 53; бади. ма. адта. 1.1.76; нзд̇д̇и. адта. 4.38) вияа самбад̇д̇иад̇т̇о, ‘‘д̇ад̣̇д̣̇иг̇ун̣а’’нд̇иаад̣̇ийсу вияа на вад̣дханад̇т̇о, ‘‘бан̃жа гаамаг̇ун̣аа логз, маночадтаа бавзд̣̇ид̇аа’’д̇иаад̣̇ийсу (су. ни. 173) вияа на годтаасад̇т̇о, ‘‘анд̇ам̣ анд̇аг̇ун̣а’’нд̇иаад̣̇ийсу (д̣̇ий. ни. 2.377; ма. ни. 1.110; ку. баа. 3) вияа на анд̇абхааг̇ад̇т̇о, ат̇а ко аанисам̣сад̇т̇од̇и д̣̇ассзнд̇о, ‘‘сад̇аанисам̣саа’’д̇и ааха, д̇з аанисам̣сз саруубад̇о д̣̇ассзд̇ум̣, ‘‘ааяусад̇а’’нд̇иаад̣̇и вуд̇д̇ам̣. сад̇аг̇ун̣аад̇и ваа сад̇авад̣дхигаад̇и звамзд̇т̇а ад̇т̇о д̣̇адтаб̣б̣о. ниббарид̇асам̣ гарод̇ийд̇и ааяуаад̣̇ийнам̣ аанисам̣саанам̣ абарид̇д̇аасам̣ гарод̇и. ат̇а ваа ниббарид̇асам̣ гарод̇ийд̇и ааяуаад̣̇инимид̇д̇ам̣ абарид̇д̇аасам̣ гарод̇и. ат̇а ваа ниббарид̇асам̣ гарод̇ийд̇и ааяуаад̣̇ийни д̇ад̇о уд̇д̇аримби аахаараад̣̇ихзд̇у абарид̇д̇аасам̣ гарод̇и. ад̇д̇абхаававинимуд̇д̇асан̃жаран̣асса абхааваа, ‘‘бхавасад̇зби вуд̇д̇з аяамзвад̇т̇о’’д̇и вуд̇д̇ам̣. саб̣б̣ад̇т̇аад̇и, ‘‘бут̇уж̇ж̇анад̣̇уссийлз’’д̇иаад̣̇ийсу саб̣б̣аваарзсу. наяо нзд̇аб̣б̣од̇и, ‘‘ааяусахассам̣ ван̣н̣асахасса’’нд̇иаад̣̇иго наяо.
Paricchindantoti ettakoti paccekappamāṇato tato eva aññamaññaṃ asaṅkaratova paricchindanto. Kathaṃ pana asaṅkhyeyyabhāvena vuccamāno vipāko paricchinno hoti? Sopi tassa paricchedo eva itarehi asaṃkiṇṇabhāvadīpanato, etadatthameva pubbe asaṅkaraggahaṇaṃ kataṃ. Guṇavasenāti lakkhaṇasampannādiguṇavasena. Upakāravasenāti bhogarakkhādiupakāravasena. Yaṃ posanatthaṃ dinnaṃ, idaṃ na gahitaṃ dānalakkhaṇāyogato. Anuggahapūjanicchāvasena hi attano deyyavatthupariccāgo dānaṃ bhayarāgaladdhukāmakulādivasena sāvajjābhāvato. Tampi na gahitaṃ ayāvadatthatāaparipuṇṇabhāvena yathādhippetaphaladānāsamatthabhāvato. Sampattassāti santikāgatassa. Tena sampattipayojane anapekkhataṃ dasseti. Phalaṃ paṭikaṅkhitvāti ‘‘idaṃ me dānamayaṃ puññaṃ āyatiṃ sukhahitabhāvāya hotū’’tiādinā phalaṃ paccāsīsitvā. Tenassa phaladāne namiyataṃ dasseti, yāvadatthanti iminā paripuṇṇaphalataṃ. Sataguṇāti ettha guṇasaddo na ‘‘guṇena nāmaṃ uddhareyya’’ntiādīsu (dha. sa. aṭṭha. 1313; udā. aṭṭha. 53; paṭi. ma. aṭṭha. 1.1.76; netti. aṭṭha. 4.38) viya sampattiattho, ‘‘taddiguṇa’’ntiādīsu viya na vaḍḍhanattho, ‘‘pañca kāmaguṇā loke, manochaṭṭhā paveditā’’tiādīsu (su. ni. 173) viya na koṭṭhāsattho, ‘‘antaṃ antaguṇa’’ntiādīsu (dī. ni. 2.377; ma. ni. 1.110; khu. pā. 3) viya na antabhāgattho, atha kho ānisaṃsatthoti dassento, ‘‘satānisaṃsā’’ti āha, te ānisaṃse sarūpato dassetuṃ, ‘‘āyusata’’ntiādi vuttaṃ. Sataguṇāti vā satavaḍḍhikāti evamettha attho daṭṭhabbo. Nipparitasaṃ karotīti āyuādīnaṃ ānisaṃsānaṃ aparittāsaṃ karoti. Atha vā nipparitasaṃ karotīti āyuādinimittaṃ aparittāsaṃ karoti. Atha vā nipparitasaṃ karotīti āyuādīni tato uttarimpi āhārādihetu aparittāsaṃ karoti. Attabhāvavinimuttasañcaraṇassa abhāvā, ‘‘bhavasatepi vutte ayamevattho’’ti vuttaṃ. Sabbatthāti, ‘‘puthujjanadussīle’’tiādīsu sabbavāresu. Nayo netabboti, ‘‘āyusahassaṃ vaṇṇasahassa’’ntiādiko nayo.
саасанаавад̇аран̣ам̣ наама яаавад̣̇зва ваддад̣̇угканид̇т̇аран̣ад̇т̇ам̣, д̇ан̃жа маг̇г̇абадивзд̇ханам̣, д̇асмаа ниб̣б̣зд̇хабхааг̇ияасаран̣аг̇аманам̣ сигкаабад̣̇асамаад̣̇аанам̣ баб̣б̣аж̇ж̇аа убасамбад̣̇аа сийлабарибууран̣ам̣ ад̇хижид̇д̇асигкаануяог̇о вибассанаабхааванаад̇и саб̣б̣аабзсаа сод̇аабад̇д̇ипаласажчигирияааяа бадибад̇д̇и зва ход̇ийд̇и ааха – ‘‘д̇исаран̣ам̣ г̇ад̇о убаасагобий’’д̇иаад̣̇и. д̇ад̇т̇а яат̇аа ниб̣б̣зд̇хабхааг̇ияо самаад̇хи д̇аава наама барамбарааяа арияамаг̇г̇аад̇хиг̇амасса бажжаяабхаавад̇о убаниссаяо; д̇ат̇аа ниб̣б̣зд̇хабхааг̇ияам̣ сийлабарибууран̣ам̣ убасамбад̣̇аа баб̣б̣аж̇ж̇аа убаасагасса д̣̇асасу бан̃жасу сийлзсу бад̇идтаанам̣ анд̇амасо саран̣аад̣̇иг̇аманамби ниб̣б̣зд̇хабхааг̇ияам̣ арияамаг̇г̇аад̇хиг̇амасса убаниссаяо ход̇иязваад̇и, ‘‘саб̣б̣аабзсаа сод̇аабад̇д̇ипаласажчигирияааяа бадибад̇д̇ий’’д̇и вуд̇д̇аа. д̇ад̇т̇а анан̃н̃асаад̇хааран̣а-виж̇ж̇аажаран̣аад̣̇и-асан̇кязяяаабаримзяяа-г̇ун̣а-самуд̣̇аяабуурид̇з бхаг̇авад̇и сад̣̇д̇хаммз арияасан̇гхз ул̣аарад̇араб̣ахумаанаг̇ааравад̇ам̣ г̇ад̇о. ‘‘саммаасамб̣уд̣̇д̇хо бхаг̇аваа, сваакаад̇о д̇хаммо, суббадибанно сан̇гхо’’д̇и д̇аббарааяан̣ад̇аад̣̇иаагаараббад̇д̇о н̃аан̣абарисод̇хид̇о басаад̣̇о саран̣аг̇амананд̇и д̇зна вад̇т̇уг̇ад̇зна басаад̣̇зна барибхаавид̇з санд̇аанз гад̇ам̣ бун̃н̃агкзд̇д̇асамбад̇д̇ияаа махабпалам̣ махаанисам̣самзва ход̇ийд̇и ааха – ‘‘д̇асмим̣ д̣̇иннад̣̇аанамби асан̇кязяяам̣ аббамзяяа’’нд̇и. д̇аяид̣̇ам̣ саран̣ам̣ вад̇т̇уд̇д̇аяз басаад̣̇абхаавзна аж̇жхаасаяасамбад̇д̇имад̇д̇ам̣, д̇аад̣̇исасса бана бан̃жасийлам̣ аж̇жхаасаяасамбад̇д̇иубат̇амбхид̇о гааяаважийсам̣яамод̇и д̇ад̇т̇а д̣̇иннам̣ д̇ад̇о уд̇д̇ари махабпаланд̇и, д̣̇асасийлам̣ бана барибун̣н̣убосат̇асийлам̣, д̇ад̇т̇а д̣̇иннам̣ махабпаланд̇и, ‘‘д̇ад̇о уд̇д̇ари махабпала’’нд̇и вуд̇д̇ам̣. сааман̣зрасийлаад̣̇ийнам̣ бана уд̇д̇ари висидтад̇араад̣̇ибхаавад̇о д̇ад̇т̇а д̇ад̇т̇а д̣̇иннасса висзсамахабпалад̇аа вуд̇д̇аа.
Sāsanāvataraṇaṃ nāma yāvadeva vaṭṭadukkhanittharaṇatthaṃ, tañca maggapaṭivedhanaṃ, tasmā nibbedhabhāgiyasaraṇagamanaṃ sikkhāpadasamādānaṃ pabbajjā upasampadā sīlaparipūraṇaṃ adhicittasikkhānuyogo vipassanābhāvanāti sabbāpesā sotāpattiphalasacchikiriyāya paṭipatti eva hotīti āha – ‘‘tisaraṇaṃ gato upāsakopī’’tiādi. Tattha yathā nibbedhabhāgiyo samādhi tāva nāma paramparāya ariyamaggādhigamassa paccayabhāvato upanissayo; tathā nibbedhabhāgiyaṃ sīlaparipūraṇaṃ upasampadā pabbajjā upāsakassa dasasu pañcasu sīlesu patiṭṭhānaṃ antamaso saraṇādigamanampi nibbedhabhāgiyaṃ ariyamaggādhigamassa upanissayo hotiyevāti, ‘‘sabbāpesā sotāpattiphalasacchikiriyāya paṭipattī’’ti vuttā. Tattha anaññasādhāraṇa-vijjācaraṇādi-asaṅkhyeyyaaparimeyya-guṇa-samudayapūrite bhagavati saddhamme ariyasaṅghe uḷāratarabahumānagāravataṃ gato. ‘‘Sammāsambuddho bhagavā, svākhāto dhammo, suppaṭipanno saṅgho’’ti tapparāyaṇatādiākārappatto ñāṇaparisodhito pasādo saraṇagamananti tena vatthugatena pasādena paribhāvite santāne kataṃ puññakkhettasampattiyā mahapphalaṃ mahānisaṃsameva hotīti āha – ‘‘tasmiṃ dinnadānampi asaṅkhyeyyaṃ appameyya’’nti. Tayidaṃ saraṇaṃ vatthuttaye pasādabhāvena ajjhāsayasampattimattaṃ, tādisassa pana pañcasīlaṃ ajjhāsayasampattiupathambhito kāyavacīsaṃyamoti tattha dinnaṃ tato uttari mahapphalanti, dasasīlaṃ pana paripuṇṇuposathasīlaṃ, tattha dinnaṃ mahapphalanti, ‘‘tato uttari mahapphala’’nti vuttaṃ. Sāmaṇerasīlādīnaṃ pana uttari visiṭṭhatarādibhāvato tattha tattha dinnassa visesamahapphalatā vuttā.
маг̇г̇асаман̇г̇ид̇аа наама маг̇г̇ажид̇д̇агкан̣абарижчиннаа, д̇асмин̃жа кан̣з гат̇ам̣ д̣̇аад̇ум̣ бадиг̇г̇ахзд̇ун̃жа самбхавад̇ийд̇и жод̣̇зд̇и ‘‘гим̣ бана маг̇г̇асаман̇г̇исса саггаа д̣̇аанам̣ д̣̇аад̇у’’нд̇и. ид̇аро д̇аад̣̇исз сад̇и самаязд̇и д̣̇ассзнд̇о, ‘‘аама саггаа’’д̇и бадиж̇аанид̇ваа, ‘‘аарад̣̇д̇хавибассаго’’д̇иаад̣̇инаа д̇амад̇т̇ам̣ виварад̇и. д̇асмим̣ кан̣зд̇и д̇асмим̣ багкибанагкан̣з. яад̣̇и адтамагасса сод̇аабаннасса д̣̇иннад̣̇аанам̣ палад̇о асан̇кязяяамзва, го нзсам̣ висзсод̇и ааха ‘‘д̇ад̇т̇аа’’д̇иаад̣̇и. д̇зна сад̇иби асан̇кязяяабхаавасааман̃н̃з ад̇т̇и нзсам̣ аббаб̣ахубхааво сам̣ваддадтааяий асан̇кязяяамахаагаббаасан̇кязяяаанам̣ вияаад̇и д̣̇ассзд̇и. маг̇г̇асаман̇г̇ийнам̣ д̇зна д̇зна од̇хинаа сам̣гилзсад̇хаммаанам̣ бахийяамаанад̇д̇аа вод̣̇аанад̇хаммаанам̣ вад̣дхамаанад̇д̇аа абарияосид̇агижжад̇д̇аа абарибун̣н̣аг̇ун̣ад̇аа, барияосид̇агижжад̇д̇аа паласаман̇г̇ийнам̣ барибун̣н̣аг̇ун̣ад̇аад̇и д̇ам̣д̇ам̣маг̇г̇адтзхи паладтаанам̣ кзд̇д̇аад̇исаяад̇аа взд̣̇ид̇аб̣б̣аа. хздтимахздтимзхи бана маг̇г̇адтзхи убаримаанам̣ маг̇г̇адтаанам̣ паладтзхи паладтаанам̣ уд̇д̇арид̇арад̇аа баагадаа зва. д̇ат̇аа хи убаримаанам̣ д̣̇иннад̣̇аанасса махабпалад̇аа вуд̇д̇аа.
Maggasamaṅgitā nāma maggacittakkhaṇaparicchinnā, tasmiñca khaṇe kathaṃ dātuṃ paṭiggahetuñca sambhavatīti codeti ‘‘kiṃ pana maggasamaṅgissa sakkā dānaṃ dātu’’nti. Itaro tādise sati samayeti dassento, ‘‘āma sakkā’’ti paṭijānitvā, ‘‘āraddhavipassako’’tiādinā tamatthaṃ vivarati. Tasmiṃ khaṇeti tasmiṃ pakkhipanakkhaṇe. Yadi aṭṭhamakassa sotāpannassa dinnadānaṃ phalato asaṅkhyeyyameva, ko nesaṃ visesoti āha ‘‘tatthā’’tiādi. Tena satipi asaṅkhyeyyabhāvasāmaññe atthi nesaṃ appabahubhāvo saṃvaṭṭaṭṭhāyī asaṅkhyeyyamahākappāsaṅkhyeyyānaṃ viyāti dasseti. Maggasamaṅgīnaṃ tena tena odhinā saṃkilesadhammānaṃ pahīyamānattā vodānadhammānaṃ vaḍḍhamānattā apariyositakiccattā aparipuṇṇaguṇatā, pariyositakiccattā phalasamaṅgīnaṃ paripuṇṇaguṇatāti taṃtaṃmaggaṭṭhehi phalaṭṭhānaṃ khettātisayatā veditabbā. Heṭṭhimaheṭṭhimehi pana maggaṭṭhehi uparimānaṃ maggaṭṭhānaṃ phalaṭṭhehi phalaṭṭhānaṃ uttaritaratā pākaṭā eva. Tathā hi uparimānaṃ dinnadānassa mahapphalatā vuttā.
380. гааман̃жзд̇т̇а б̣уд̣̇д̇хаббамукз убхад̇осан̇гхз гзвалз жа бхигкусан̇гхз д̣̇аанам̣ ад̇т̇и зва, на бана б̣уд̣̇д̇хаббамукз бхигкусан̇гхз, д̇ам̣ бана б̣уд̣̇д̇хаббамукаубхад̇осан̇гхзнзва сан̇г̇ахид̇анд̇и авируд̣̇д̇хам̣. на баабун̣анд̇и махабпалабхаавзна сад̣̇исад̇амби, гуд̇о ад̇хигад̇ам̣.
380. Kāmañcettha buddhappamukhe ubhatosaṅghe kevale ca bhikkhusaṅghe dānaṃ atthi eva, na pana buddhappamukhe bhikkhusaṅghe, taṃ pana buddhappamukhaubhatosaṅgheneva saṅgahitanti aviruddhaṃ. Na pāpuṇanti mahapphalabhāvena sadisatampi, kuto adhikataṃ.
‘‘д̇ат̇ааг̇ад̇з бариниб̣б̣уд̇з убхад̇осан̇гхасса’’ ижжзва вуд̇д̇ад̇д̇аа – ‘‘гим̣ банаа’’д̇иаад̣̇инаа жод̣̇зд̇и . ид̇аро бариниб̣б̣уд̇з д̇ат̇ааг̇ад̇з д̇ам̣ уд̣̇д̣̇исса г̇анд̇хабубпаад̣̇ибарижжааг̇о вияа жийвараад̣̇ибарижжааг̇оби махабпало ход̇иязваад̇и гад̇ваа бадибаж̇ж̇анавид̇хим̣ д̣̇ассзд̇ум̣, ‘‘убхад̇осан̇гхассаа’’д̇иаад̣̇и вуд̇д̇ам̣. ‘‘зд̇д̇агааязва, бхигкуу уд̣̇д̣̇исат̇аа’’д̇и звам̣ барижчзд̣̇асса агаран̣зна убажаарасиймаабарияаабаннаанам̣ кзд̇д̇абарияаабаннаанам̣ васзна абарижчиннагамахаабхигкусан̇гхз.
‘‘Tathāgate parinibbute ubhatosaṅghassa’’ icceva vuttattā – ‘‘kiṃ panā’’tiādinā codeti . Itaro parinibbute tathāgate taṃ uddissa gandhapupphādipariccāgo viya cīvarādipariccāgopi mahapphalo hotiyevāti katvā paṭipajjanavidhiṃ dassetuṃ, ‘‘ubhatosaṅghassā’’tiādi vuttaṃ. ‘‘Ettakāyeva, bhikkhū uddisathā’’ti evaṃ paricchedassa akaraṇena upacārasīmāpariyāpannānaṃ khettapariyāpannānaṃ vasena aparicchinnakamahābhikkhusaṅghe.
г̇од̇д̇ам̣ вужжад̇и саад̇хааран̣анаамам̣, мад̇д̇асад̣̇д̣̇о луд̇д̇анид̣̇д̣̇идто, д̇асмаа саман̣аад̇и г̇од̇д̇амад̇д̇ам̣ анубхаванд̇и д̇хаарзнд̇ийд̇и г̇од̇рабхуно. д̇знааха ‘‘наамамад̇д̇асаман̣аа’’д̇и. д̣̇идтисийласааман̃н̃зна сам̣хад̇о саман̣аг̇ан̣о сан̇гхо, д̇асмаа сан̇гхо д̣̇уссийло наама над̇т̇и. г̇ун̣асан̇кааяаад̇и аанисам̣саг̇ан̣анааяа, махабпалад̇ааяаад̇и ад̇т̇о. гаасаава…бз… асан̇кязяяаад̇и вуд̇д̇аа сан̇гхам̣ уд̣̇д̣̇исса д̣̇иннад̇д̇аа. яат̇аа бана сан̇гхам̣ уд̣̇д̣̇исса д̣̇аанам̣ ход̇и, д̇ам̣ вид̇хим̣ д̣̇ассзд̇ум̣, ‘‘сан̇гхаг̇ад̇аа д̣̇агкин̣аа’’д̇иаад̣̇и вуд̇д̇ам̣. д̇ад̇т̇а жид̇д̇ийгааранд̇и г̇ааравам̣.
Gottaṃ vuccati sādhāraṇanāmaṃ, mattasaddo luttaniddiṭṭho, tasmā samaṇāti gottamattaṃ anubhavanti dhārentīti gotrabhuno. Tenāha ‘‘nāmamattasamaṇā’’ti. Diṭṭhisīlasāmaññena saṃhato samaṇagaṇo saṅgho, tasmā saṅgho dussīlo nāma natthi. Guṇasaṅkhāyāti ānisaṃsagaṇanāya, mahapphalatāyāti attho. Kāsāva…pe… asaṅkhyeyyāti vuttā saṅghaṃ uddissa dinnattā. Yathā pana saṅghaṃ uddissa dānaṃ hoti, taṃ vidhiṃ dassetuṃ, ‘‘saṅghagatā dakkhiṇā’’tiādi vuttaṃ. Tattha cittīkāranti gāravaṃ.
сан̇гхад̇о на буг̇г̇алад̇о. ан̃н̃ат̇ад̇д̇ам̣ аабаж̇ж̇ад̇ийд̇и ‘‘имасса маяаа д̣̇иннам̣ сан̇гхасса д̣̇иннам̣ ход̇ий’’д̇и звам̣ жид̇д̇ам̣ ануббаад̣̇зд̇ваа, ‘‘сан̇гхасса д̣̇ассаамий’’д̇и д̣̇зяяад̇хаммам̣ бадияаад̣̇зд̇ваа сааман̣зрасса наама д̣̇аад̇аб̣б̣ам̣ ж̇аад̇анд̇и ан̃н̃ат̇ад̇д̇ам̣ аабаж̇ж̇ад̇и; д̇асмаа д̇асса д̣̇агкин̣аа сан̇гхаг̇ад̇аа на ход̇иязва буг̇г̇алавасзна жид̇д̇асса барин̣аамид̇ад̇д̇аа. ниб̣б̣змад̇иго худ̇ваад̇и ‘‘гим̣ ну ко маяаа имасса д̣̇иннам̣ ход̇и ваа на ваа’’д̇и вимад̇им̣ ануббаад̣̇зд̇ваа, ‘‘яо банаа’’д̇иаад̣̇инаа вуд̇д̇аагаарзна гарод̇и.
Saṅghato na puggalato. Aññathattaṃ āpajjatīti ‘‘imassa mayā dinnaṃ saṅghassa dinnaṃ hotī’’ti evaṃ cittaṃ anuppādetvā, ‘‘saṅghassa dassāmī’’ti deyyadhammaṃ paṭiyādetvā sāmaṇerassa nāma dātabbaṃ jātanti aññathattaṃ āpajjati; tasmā tassa dakkhiṇā saṅghagatā na hotiyeva puggalavasena cittassa pariṇāmitattā. Nibbematiko hutvāti ‘‘kiṃ nu kho mayā imassa dinnaṃ hoti vā na vā’’ti vimatiṃ anuppādetvā, ‘‘yo panā’’tiādinā vuttākārena karoti.
д̇ад̇т̇аад̇иаад̣̇инаа вуд̇д̇ассзвад̇т̇асса баагадагаран̣ад̇т̇ам̣ вад̇т̇ум̣ нид̣̇ассзд̇и, ‘‘барасамуд̣̇д̣̇аваасино’’д̇иаад̣̇инаа. обун̃ж̇аабзд̇ваа барибхан̣д̣ам̣ гаарзд̇ваа, харид̇аг̇омаязна убалимбид̇ваад̇и ад̇т̇о. гаасааваган̣тасан̇гхассаад̇и гаасааваган̣тасамуухасса. го сод̇хзд̇ийд̇и махабпалабхаавагаран̣зна го висод̇хзд̇и. махабпалабхааваабад̇д̇ияаа хи д̣̇агкин̣аа висуж̇жхад̇и наама. д̇ад̇т̇а язсам̣ хад̇т̇з д̣̇иннам̣, д̇зсам̣ васзна бадиг̇г̇аахагад̇о д̣̇агкин̣ааяа висуд̣̇д̇хад̇д̇аа, – ‘‘д̇ад̣̇аабаахам̣, аананд̣̇а, сан̇гхаг̇ад̇ам̣ д̣̇агкин̣ам̣ асан̇кязяяам̣ аббамзяяам̣ вад̣̇аамий’’д̇и (ма. ни. 3.380) жа вуд̇д̇ам̣, д̇асмаа гаммавасзнзва д̣̇агкин̣аависуд̣̇д̇хим̣ бужчад̇и. ид̇аро арияасан̇гхз д̣̇иннад̣̇агкин̣ааяа ниб̣б̣исидтам̣ гад̇ваа вуд̇д̇ад̇д̇аа мад̇т̇агаббад̇д̇ассзва арияасан̇гхасса васзна д̣̇агкин̣аависуд̣̇д̇хим̣ д̣̇ассзнд̇о, ‘‘саарибуд̇д̇а…бз… сод̇хзнд̇ий’’д̇и вад̇ваа буна, ‘‘яз гзжи араханд̇о сод̇хзнд̇ий’’д̇и д̣̇ассзнд̇о, ‘‘абижаа’’д̇иаад̣̇имааха. т̇зраа жирабариниб̣б̣уд̇аад̇и ид̣̇ам̣ аж̇ж̇ад̇анаанамби арияаанам̣ саавагад̇ам̣ д̣̇ассзнд̇зна маг̇г̇асод̇ханавасзна вуд̇д̇анд̇и д̣̇адтаб̣б̣ам̣, на уд̣̇д̣̇исса бун̃н̃агаран̣з сад̇и агаран̣аббад̇д̇ияаа. зван̃хи ‘‘асийд̇имахаат̇зраа сод̇хзнд̇ий’’д̇и ид̣̇ам̣ сувуд̇д̇ам̣ ход̇и, на ан̃н̃ат̇аа.
Tatthātiādinā vuttassevatthassa pākaṭakaraṇatthaṃ vatthuṃ nidasseti, ‘‘parasamuddavāsino’’tiādinā. Opuñjāpetvā paribhaṇḍaṃ kāretvā, haritagomayena upalimpitvāti attho. Kāsāvakaṇṭhasaṅghassāti kāsāvakaṇṭhasamūhassa. Ko sodhetīti mahapphalabhāvakaraṇena ko visodheti. Mahapphalabhāvāpattiyā hi dakkhiṇā visujjhati nāma. Tattha yesaṃ hatthe dinnaṃ, tesaṃ vasena paṭiggāhakato dakkhiṇāya visuddhattā, – ‘‘tadāpāhaṃ, ānanda, saṅghagataṃ dakkhiṇaṃ asaṅkhyeyyaṃ appameyyaṃ vadāmī’’ti (ma. ni. 3.380) ca vuttaṃ, tasmā kammavaseneva dakkhiṇāvisuddhiṃ pucchati. Itaro ariyasaṅghe dinnadakkhiṇāya nibbisiṭṭhaṃ katvā vuttattā matthakappattasseva ariyasaṅghassa vasena dakkhiṇāvisuddhiṃ dassento, ‘‘sāriputta…pe… sodhentī’’ti vatvā puna, ‘‘ye keci arahanto sodhentī’’ti dassento, ‘‘apicā’’tiādimāha. Therā ciraparinibbutāti idaṃ ajjatanānampi ariyānaṃ sāvakataṃ dassentena maggasodhanavasena vuttanti daṭṭhabbaṃ, na uddissa puññakaraṇe sati akaraṇappattiyā. Evañhi ‘‘asītimahātherā sodhentī’’ti idaṃ suvuttaṃ hoti, na aññathā.
‘‘сан̇гхаг̇ад̇ааяа д̣̇агкин̣ааяаа’’д̇и гааман̃жзд̇ам̣ саад̇хааран̣аважанам̣, д̇ат̇ааби д̇ад̇т̇а д̇ад̇т̇а буг̇г̇алависзсо н̃аад̇аб̣б̣од̇и д̣̇ассзнд̇о, ‘‘ад̇т̇и б̣уд̣̇д̇хаббамуко сан̇гхо’’д̇иаад̣̇имааха. на убанзд̇аб̣б̣о бхаг̇авад̇о гаалз бхигкуунам̣ абхин̃н̃аабадисамбхид̣̇ааг̇ун̣авасзна ад̇ивияа ул̣аарабхаавад̇о, зд̇арахи д̇ад̣̇абхаавад̇о. зд̇арахи сан̇гхо…бз… на убанзд̇аб̣б̣од̇и зд̇т̇а наяаанусаарзна ад̇т̇о вад̇д̇аб̣б̣о. д̇зна д̇знзва самаязнаад̇и д̇асса д̇асса гааласса самбад̇д̇ивибад̇д̇имукзна бадибад̇д̇ияаа ул̣аарад̇ам̣ анул̣аарад̇ан̃жа уллин̇г̇зд̇и. яад̇т̇а хи бхигкуу г̇ун̣зхи саб̣б̣асо барибун̣н̣аа хонд̇и, д̇асмим̣ самаяз сан̇гхаг̇ад̇аа д̣̇агкин̣аа ид̇арасмим̣ самаяз д̣̇агкин̣ад̇о махабпалад̇араад̇и д̣̇адтаб̣б̣аа. сан̇гхз жид̇д̇ийгаарам̣ гаад̇ум̣ саггонд̇ассаад̇и суббадибаннад̇аад̣̇им̣ сан̇гхз ааваж̇ж̇ид̇ваа сан̇гхаг̇ад̇зна басаад̣̇зна сан̇гхасса саммукаа вияа д̇асмим̣ буг̇г̇алз жа г̇аарававасзна д̣̇знд̇асса бут̇уж̇ж̇анасаман̣з д̣̇иннам̣ махабпалад̇арам̣ сан̇гхад̇о уд̣̇д̣̇исид̇ваа г̇ахид̇ад̇д̇аа, ‘‘сан̇гхасса д̣̇змий’’д̇иязва д̣̇иннад̇д̇аа жа.
‘‘Saṅghagatāya dakkhiṇāyā’’ti kāmañcetaṃ sādhāraṇavacanaṃ, tathāpi tattha tattha puggalaviseso ñātabboti dassento, ‘‘atthi buddhappamukho saṅgho’’tiādimāha. Na upanetabbo bhagavato kāle bhikkhūnaṃ abhiññāpaṭisambhidāguṇavasena ativiya uḷārabhāvato, etarahi tadabhāvato. Etarahi saṅgho…pe… na upanetabboti ettha nayānusārena attho vattabbo. Tena teneva samayenāti tassa tassa kālassa sampattivipattimukhena paṭipattiyā uḷārataṃ anuḷāratañca ulliṅgeti. Yattha hi bhikkhū guṇehi sabbaso paripuṇṇā honti, tasmiṃ samaye saṅghagatā dakkhiṇā itarasmiṃ samaye dakkhiṇato mahapphalatarāti daṭṭhabbā. Saṅghe cittīkāraṃ kātuṃ sakkontassāti suppaṭipannatādiṃ saṅghe āvajjitvā saṅghagatena pasādena saṅghassa sammukhā viya tasmiṃ puggale ca gāravavasena dentassa puthujjanasamaṇe dinnaṃ mahapphalataraṃ saṅghato uddisitvā gahitattā, ‘‘saṅghassa demī’’tiyeva dinnattā ca.
зсзва наяод̇и иминаа, ‘‘сод̇аабаннз д̣̇иннам̣ махабпалад̇ара’’нд̇и звамаад̣̇им̣ ад̇ид̣̇исад̇и. аад̣̇и-сад̣̇д̣̇зна уд̣̇д̣̇исид̇ваа г̇ахид̇о сагад̣̇ааг̇аамий, баадибуг̇г̇алиго анааг̇аамийд̇и звамаад̣̇и сан̇г̇ахид̇ам̣. махабпалад̇арамзва. д̇знааха бхаг̇аваа – ‘‘на д̇взваахам̣, аананд̣̇а, гзнажи барияааязна сан̇гхаг̇ад̇ааяа д̣̇агкин̣ааяа баадибуг̇г̇алигам̣ д̣̇аанам̣ махабпалад̇арам̣ вад̣̇аамий’’д̇и (ма. ни. 3.380). яад̣̇и кийн̣аасавз д̣̇иннад̣̇аанад̇о сан̇гхад̇о уд̣̇д̣̇исид̇ваа г̇ахид̇ад̣̇уссийлзби д̣̇иннад̣̇аанам̣ махабпалам̣, звам̣ санд̇з – ‘‘сийлавад̇о, махаарааж̇а, д̣̇иннам̣ махабпалам̣, но д̇ат̇аа д̣̇уссийлз’’д̇и ид̣̇ам̣ гат̇анд̇и ааха – ‘‘д̇ам̣ имам̣ наяам̣ г̇ахааяаа’’д̇иаад̣̇и. сан̇гхад̇о уд̣̇д̣̇исид̇ваа г̇ахан̣авид̇хим̣ бахааяа д̣̇уссийлассзва г̇ахан̣авасзна вуд̇д̇ам̣. имасмим̣ жад̇уггз д̣̇адтаб̣б̣анд̇и имасса бад̣̇асса васзна д̣̇адтаб̣б̣ам̣. д̇ад̇т̇а хи ‘‘бадиг̇г̇аахагаа хонд̇и д̣̇уссийлаа баабад̇хаммаа’’д̇и ааг̇ад̇ам̣.
Eseva nayoti iminā, ‘‘sotāpanne dinnaṃ mahapphalatara’’nti evamādiṃ atidisati. Ādi-saddena uddisitvā gahito sakadāgāmī, pāṭipuggaliko anāgāmīti evamādi saṅgahitaṃ. Mahapphalatarameva. Tenāha bhagavā – ‘‘na tvevāhaṃ, ānanda, kenaci pariyāyena saṅghagatāya dakkhiṇāya pāṭipuggalikaṃ dānaṃ mahapphalataraṃ vadāmī’’ti (ma. ni. 3.380). Yadi khīṇāsave dinnadānato saṅghato uddisitvā gahitadussīlepi dinnadānaṃ mahapphalaṃ, evaṃ sante – ‘‘sīlavato, mahārāja, dinnaṃ mahapphalaṃ, no tathā dussīle’’ti idaṃ kathanti āha – ‘‘taṃ imaṃ nayaṃ gahāyā’’tiādi. Saṅghato uddisitvā gahaṇavidhiṃ pahāya dussīlasseva gahaṇavasena vuttaṃ. Imasmiṃ catukke daṭṭhabbanti imassa padassa vasena daṭṭhabbaṃ. Tattha hi ‘‘paṭiggāhakā honti dussīlā pāpadhammā’’ti āgataṃ.
381. висуж̇жхад̇ийд̇и на гилиссад̇и, махааж̇уд̇игаарий махаавибпаараа ход̇ийд̇и ад̇т̇о. сужид̇хаммод̇и рааг̇аад̣̇иасуживид̇хаманзна сужисабхааво. на баабад̇хаммод̇и на нихийнасабхааво баабагирияааяа. агусалад̇хаммо хи зганд̇анихийно. ж̇ууж̇аго сийлаваа галяаан̣ад̇хаммо на ход̇и. д̇асса махааб̣од̇хисад̇д̇асса ад̇д̇ано буд̇д̇ад̣̇аанам̣ д̣̇аанабаарамияаа мад̇т̇агам̣ г̇ан̣ханд̇ам̣ махаабат̇авийгамбанасамад̇т̇ам̣ ж̇аад̇ам̣, свааяам̣ д̣̇аанаг̇ун̣о взссанд̇арамахааран̃н̃аа гат̇зд̇аб̣б̣од̇и.
381.Visujjhatīti na kilissati, mahājutikārī mahāvipphārā hotīti attho. Sucidhammoti rāgādiasucividhamanena sucisabhāvo. Na pāpadhammoti na nihīnasabhāvo pāpakiriyāya. Akusaladhammo hi ekantanihīno. Jūjako sīlavā kalyāṇadhammo na hoti. Tassa mahābodhisattassa attano puttadānaṃ dānapāramiyā matthakaṃ gaṇhantaṃ mahāpathavīkampanasamatthaṃ jātaṃ, svāyaṃ dānaguṇo vessantaramahāraññā kathetabboti.
уд̣̇д̇харад̇ийд̇и б̣ахулам̣ гад̇абаабагаммавасзна лад̣̇д̇хавинибаад̇ад̇о уд̣̇д̇харад̇и. д̇асмаа над̇т̇и маяхам̣ гин̃жи жид̇д̇асса ан̃н̃ат̇ад̇д̇анд̇и ад̇хиббааяо.
Uddharatīti bahulaṃ katapāpakammavasena laddhavinipātato uddharati. Tasmā natthi mayhaṃ kiñci cittassa aññathattanti adhippāyo.
бзд̇ад̣̇агкин̣анд̇и бзд̇з уд̣̇д̣̇исса д̣̇аад̇аб̣б̣ад̣̇агкин̣ам̣. баабид̇агаалзязваад̇и, ‘‘ид̣̇ам̣ д̣̇аанам̣ асугасса бзд̇асса ход̇уу’’д̇и уд̣̇д̣̇исанавасзна бад̇д̇з баабид̇агаалзязва. ассаад̇и бзд̇асса. баабун̣ийд̇и паласамаабад̇д̇ияаа васзна баабун̣и. аяан̃хи бзд̇з уд̣̇д̣̇исса д̣̇аанз д̇хаммад̇аа.
Petadakkhiṇanti pete uddissa dātabbadakkhiṇaṃ. Pāpitakāleyevāti, ‘‘idaṃ dānaṃ asukassa petassa hotū’’ti uddisanavasena patte pāpitakāleyeva. Assāti petassa. Pāpuṇīti phalasamāpattiyā vasena pāpuṇi. Ayañhi pete uddissa dāne dhammatā.
д̇ад̣̇аа госаларан̃н̃о барижжааг̇авасзна ад̇ивияа ул̣аараж̇жхаасаяад̇ам̣, б̣уд̣̇д̇хаббамукасса жа бхигкусан̇гхасса уггам̣саг̇ад̇аг̇ун̣ависидтад̇ам̣ санд̇хааяааха, ‘‘асад̣̇исад̣̇аанам̣ гат̇зд̇аб̣б̣а’’нд̇и.
Tadā kosalarañño pariccāgavasena ativiya uḷārajjhāsayataṃ, buddhappamukhassa ca bhikkhusaṅghassa ukkaṃsagataguṇavisiṭṭhataṃ sandhāyāha, ‘‘asadisadānaṃ kathetabba’’nti.
асаарамби кзд̇д̇анд̇и саарахийнам̣ д̣̇угкзд̇д̇ам̣. самаязд̇и гасанаарахз гаалз. бам̣сум̣ абанзд̇ваад̇и ниссаарам̣ бам̣сум̣ нийхарид̇ваа. саараб̣ийж̇аанийд̇и сабхаавад̇о абхисан̇каарад̇о жа саарабхууд̇аани б̣ийж̇аани. бад̇идтабзд̇ваад̇и вабид̇ваа. званд̇и яат̇аа гассаго ад̇д̇ано баяог̇асамбад̇д̇ияаа асаарзби кзд̇д̇з палам̣ ад̇хиг̇ажчад̇и. звам̣ сийлаваа ад̇д̇ано баяог̇асамбад̇д̇ияаа д̣̇уссийлассаби д̣̇ад̇ваа палам̣ маханд̇ам̣ ад̇хиг̇ажчад̇и. иминаа убааязнаад̇и иминаа батамабад̣̇з вуд̇д̇анаязна. саб̣б̣абад̣̇зсууд̇и саб̣б̣агодтаасзсу висуж̇жханам̣ вуд̇д̇ам̣, д̇ад̇ияабад̣̇з бана висуж̇жханам̣ бадигкид̇д̇амзва.
Asārampi khettanti sārahīnaṃ dukkhettaṃ. Samayeti kasanārahe kāle. Paṃsuṃ apanetvāti nissāraṃ paṃsuṃ nīharitvā. Sārabījānīti sabhāvato abhisaṅkhārato ca sārabhūtāni bījāni. Patiṭṭhapetvāti vapitvā. Evanti yathā kassako attano payogasampattiyā asārepi khette phalaṃ adhigacchati. Evaṃ sīlavā attano payogasampattiyā dussīlassapi datvā phalaṃ mahantaṃ adhigacchati. Iminā upāyenāti iminā paṭhamapade vuttanayena. Sabbapadesūti sabbakoṭṭhāsesu visujjhanaṃ vuttaṃ, tatiyapade pana visujjhanaṃ paṭikkhittameva.
382. арахад̇о д̣̇иннад̣̇аанамзва аг̇г̇ам̣ д̣̇аанажзд̇анааяа гзнажи убаггилзсзна анубаггилидтад̇д̇аа, бадиг̇г̇аахагасса аг̇г̇ад̣̇агкин̣зяяад̇д̇аа. д̇знааха – ‘‘бхаваалаяасса бхавабад̇т̇анааяа абхаавад̇о’’д̇и, ‘‘убхиннамбий’’д̇и важанасзсо. кийн̣аасаво д̣̇аанапалам̣ на сад̣̇д̣̇ахад̇ийд̇и ид̣̇ам̣ д̇асса аббахийнагилзсаж̇анасса вияа гаммагаммапалаанам̣ сад̣̇д̣̇аханаагаарзна бавад̇д̇и над̇т̇ийд̇и гад̇ваа вуд̇д̇ам̣, яад̇о арахаа ‘‘асад̣̇д̇хо агад̇ан̃н̃уу жа…бз… борисо’’д̇и (д̇ха. ба. 97) т̇омийяад̇и. асад̣̇д̣̇аханам̣ анумаанабагкигам̣, анумаанан̃жа сам̣саяабуб̣б̣агам̣, ниссанд̣̇ид̣̇д̇хо жа гаммагаммапалзсу бажжагкабхаавам̣ г̇ад̇о. д̇амзва хи нижчид̇абхаавасид̣̇д̇хам̣ ниссанд̣̇ид̣̇д̇хад̇ам̣ санд̇хааяа – ‘‘д̣̇аанапалам̣ сад̣̇д̣̇аханд̇аа’’д̇иаад̣̇и вуд̇д̇ам̣. яад̣̇и звам̣ д̇зна гад̇агаммам̣ гаммалагкан̣аббад̇д̇ам̣ ход̇ийд̇и ааха ‘‘кийн̣аасавзнаа’’д̇иаад̣̇и. д̇знзвааха – ‘‘нижчанд̣̇арааг̇ад̇д̇аа’’д̇и, зд̇ан̃жа лагкан̣аважанам̣, гзнажи гилзсзна анубаггилидтад̇д̇аад̇и ад̇хиббааяо. ассаад̇и кийн̣аасавасса д̣̇аанам̣.
382. Arahato dinnadānameva aggaṃ dānacetanāya kenaci upakkilesena anupakkiliṭṭhattā, paṭiggāhakassa aggadakkhiṇeyyattā. Tenāha – ‘‘bhavālayassa bhavapatthanāya abhāvato’’ti, ‘‘ubhinnampī’’ti vacanaseso. Khīṇāsavo dānaphalaṃ na saddahatīti idaṃ tassa appahīnakilesajanassa viya kammakammaphalānaṃ saddahanākārena pavatti natthīti katvā vuttaṃ, yato arahā ‘‘asaddho akataññū ca…pe… poriso’’ti (dha. pa. 97) thomīyati. Asaddahanaṃ anumānapakkhikaṃ, anumānañca saṃsayapubbakaṃ, nissandiddho ca kammakammaphalesu paccakkhabhāvaṃ gato. Tameva hi nicchitabhāvasiddhaṃ nissandiddhataṃ sandhāya – ‘‘dānaphalaṃ saddahantā’’tiādi vuttaṃ. Yadi evaṃ tena katakammaṃ kammalakkhaṇappattaṃ hotīti āha ‘‘khīṇāsavenā’’tiādi. Tenevāha – ‘‘nicchandarāgattā’’ti, etañca lakkhaṇavacanaṃ, kenaci kilesena anupakkiliṭṭhattāti adhippāyo. Assāti khīṇāsavassa dānaṃ.
гим̣ бана саммаасамб̣уд̣̇д̇хзнаад̇иаад̣̇инаа д̣̇ааяагад̇о д̣̇агкин̣аависуд̣̇д̇хи жод̣̇ид̇аа, саарибуд̇д̇ад̇т̇зрзнаад̇иаад̣̇инаа бана бадиг̇г̇аахагад̇од̇и вад̣̇анд̇и; д̇ад̣̇аяуд̇д̇ам̣, саавагасса махабпалабхаавз сам̣саяаабхаавад̇о, хздтаа нижчид̇ад̇д̇аа жа, д̇асмаа убхаязнаби д̣̇ааяагад̇о д̣̇агкин̣аависуд̣̇д̇хи зва жод̣̇ид̇аа. саа хи ид̇ха саад̇хааран̣авасзна нижчид̇ад̇д̇аа сам̣саяавад̇т̇у. д̇знааха – ‘‘саммаасамб̣уд̣̇д̇хзна…бз… вад̣̇анд̇ий’’д̇и. саммаасамб̣уд̣̇д̇хам̣ хийд̇иаад̣̇и яат̇аавуд̇д̇аад̇т̇асса гааран̣аважанам̣. ан̃н̃о д̣̇аанасса вибаагам̣ ж̇аанид̇ум̣ самад̇т̇о наама над̇т̇и саб̣б̣асо сад̇д̇аанам̣ гаммавибаагавибхааг̇аж̇аананан̃аан̣асса ананун̃н̃аад̇ад̇д̇аа. д̇знааха бхаг̇аваа – ‘‘яасмаа жа ко, бхигкавз, сад̇д̇аа на ж̇аананд̇и, д̣̇аанасам̣вибхааг̇асса вибаагам̣ яат̇аахам̣ ж̇аанаами, д̇асмаа ад̣̇ад̇ваа бхун̃ж̇анд̇ий’’д̇иаад̣̇и (ид̇иву. 26). зд̇зна зд̇т̇а н̃аан̣ависод̇ханам̣ наама гат̇ид̇ам̣, на д̣̇агкин̣ааяа висуд̣̇д̇хи наама д̣̇ааяагад̇о бадиг̇г̇аахагад̇о жа васзна ход̇ийд̇и; саммаасамб̣уд̣̇д̇хзна саарибуд̇д̇ад̇т̇зрасса д̣̇иннад̣̇аанам̣ саб̣б̣асо убаггилзсависуд̣̇д̇хияаа н̃аан̣асса жа ад̇ивияа ул̣аарад̇д̇аа махаанубхаавам̣ наама сияаа махаад̇зж̇аванд̇ан̃жа; на махабпалам̣ д̇зсам̣ санд̇аанз барибун̣н̣апаласса асамбхавад̇о. яад̣̇и д̣̇иннад̣̇аанам̣ барибун̣н̣апалам̣ на ход̇и убхаяавибаагад̣̇аанаабхаавад̇о, бавад̇д̇ивибаагад̣̇ааяий бана ход̇ийд̇и д̣̇ассзнд̇о, ‘‘д̣̇аанам̣ хий’’д̇иаад̣̇имааха.
Kiṃ pana sammāsambuddhenātiādinā dāyakato dakkhiṇāvisuddhi coditā, sāriputtattherenātiādinā pana paṭiggāhakatoti vadanti; tadayuttaṃ, sāvakassa mahapphalabhāve saṃsayābhāvato, heṭṭhā nicchitattā ca, tasmā ubhayenapi dāyakato dakkhiṇāvisuddhi eva coditā. Sā hi idha sādhāraṇavasena nicchitattā saṃsayavatthu. Tenāha – ‘‘sammāsambuddhena…pe… vadantī’’ti. Sammāsambuddhaṃ hītiādi yathāvuttaatthassa kāraṇavacanaṃ. Añño dānassa vipākaṃ jānituṃ samattho nāma natthi sabbaso sattānaṃ kammavipākavibhāgajānanañāṇassa ananuññātattā. Tenāha bhagavā – ‘‘yasmā ca kho, bhikkhave, sattā na jānanti, dānasaṃvibhāgassa vipākaṃ yathāhaṃ jānāmi, tasmā adatvā bhuñjantī’’tiādi (itivu. 26). Etena ettha ñāṇavisodhanaṃ nāma kathitaṃ, na dakkhiṇāya visuddhi nāma dāyakato paṭiggāhakato ca vasena hotīti; sammāsambuddhena sāriputtattherassa dinnadānaṃ sabbaso upakkilesavisuddhiyā ñāṇassa ca ativiya uḷārattā mahānubhāvaṃ nāma siyā mahātejavantañca; na mahapphalaṃ tesaṃ santāne paripuṇṇaphalassa asambhavato. Yadi dinnadānaṃ paripuṇṇaphalaṃ na hoti ubhayavipākadānābhāvato, pavattivipākadāyī pana hotīti dassento, ‘‘dānaṃ hī’’tiādimāha.
жад̇уухийд̇и сахаяог̇з гаран̣аважанам̣, жад̇уухи самбад̣̇аахи сахаг̇ад̇аа сахид̇ам̣ гад̇ваад̇и ад̇т̇о. имаа жад̇ассо самбад̣̇аа саб̣б̣асаад̇хааран̣авасзна вуд̇д̇аа, на яат̇аад̇хиг̇ад̇абуг̇г̇алавасзна. д̇знааха – ‘‘д̣̇зяяад̇хаммасса д̇хаммзнаа’’д̇иаад̣̇и. д̇асмим̣язва ад̇д̇абхаавзд̇и яасмим̣ ад̇д̇абхаавз д̇ам̣ д̣̇аанамаяам̣ бун̃н̃ам̣ уббаннам̣, д̇асмим̣язва ад̇д̇абхаавз вибаагам̣ д̣̇зд̇и, жзд̇анааяа маханд̇ад̇д̇аа д̣̇идтад̇хаммавзд̣̇анийяам̣ худ̇ваа вибажжад̇ийд̇и ад̇т̇о. буб̣б̣ажзд̇анаад̣̇ивасзнаад̇и саннидтаабагаж̇аванавийт̇ид̇о буб̣б̣аабаравийт̇ижзд̇анаавасзна, ан̃н̃ат̇аа саннидтаабагавийт̇ияам̣язва буб̣б̣ажзд̇анаад̣̇ивасзнаад̇и вад̇д̇аб̣б̣ам̣ сияаа. саа хи жзд̇анаа д̣̇идтад̇хаммавзд̣̇анийяабхууд̇аа д̇асмим̣язва ад̇д̇абхаавз вибаагам̣ д̣̇зд̇и, на ид̇араа. махад̇д̇ад̇аад̇и буб̣б̣аабхисан̇кааравасзна н̃аан̣асамбаяог̇аад̣̇ивасзна жзд̇анааяа ул̣аарад̇аа. кийн̣аасавабхаавзнаад̇и яасса д̣̇зд̇и, д̇асса кийн̣аасавабхаавзна. вад̇т̇усамбаннад̇аад̇и зд̇т̇а яат̇аа бадигхасан̃н̃аа наанад̇д̇асан̃н̃аанам̣ виг̇амзна д̣̇иб̣б̣авихаараанам̣ васзна, б̣яаабаад̣̇асан̃н̃аад̣̇ийнам̣ виг̇амзна б̣рахмавихаараанам̣ васзна, саб̣б̣асо руубасан̃н̃аанаанад̇д̇асан̃н̃аанам̣ виг̇амзна аанзн̃ж̇авихаараанам̣ васзна саб̣б̣асо нижжасан̃н̃аад̣̇ийнам̣ бадиббассад̣̇д̇хияаа саб̣б̣асан̇кааравимукад̇ааяа арияавихаараанам̣ васзна вад̇т̇усамбаннад̇аа ижчид̇аа. д̇ам̣д̇ам̣самаабад̇д̇исамаабаж̇ж̇анзна санд̇аанасса нирод̇хасаад̇ханад̇аа д̇ам̣ д̣̇ивасам̣ нирод̇хасса саад̇ханад̇аа наама. вад̇т̇усамбаннад̇аад̇и саб̣б̣асо нирод̇хасамаабад̇д̇исамаабаж̇ж̇анзна вад̇т̇усамбаннад̇аа ижчид̇аа; на саб̣б̣асо анавасзсасан̃н̃аанирод̇хад̇ааяаад̇и ааха – ‘‘д̇ам̣ д̣̇ивасам̣ нирод̇хад̇о вудтид̇абхаавзна вад̇т̇усамбаннад̇аа’’д̇и. сан̃н̃аанирод̇хасса жзд̇т̇а ажжаасаннад̇ам̣ санд̇хааяа, ‘‘д̇ам̣ д̣̇иваса’’нд̇и вуд̇д̇ам̣. яам̣ банзд̇т̇а ад̇т̇ад̇о авибхад̇д̇ам̣, д̇ам̣ сувин̃н̃зяяамзва.
Catūhīti sahayoge karaṇavacanaṃ, catūhi sampadāhi sahagatā sahitaṃ katvāti attho. Imā catasso sampadā sabbasādhāraṇavasena vuttā, na yathādhigatapuggalavasena. Tenāha – ‘‘deyyadhammassa dhammenā’’tiādi. Tasmiṃyeva attabhāveti yasmiṃ attabhāve taṃ dānamayaṃ puññaṃ uppannaṃ, tasmiṃyeva attabhāve vipākaṃ deti, cetanāya mahantattā diṭṭhadhammavedanīyaṃ hutvā vipaccatīti attho. Pubbacetanādivasenāti sanniṭṭhāpakajavanavīthito pubbāparavīthicetanāvasena, aññathā sanniṭṭhāpakavīthiyaṃyeva pubbacetanādivasenāti vattabbaṃ siyā. Sā hi cetanā diṭṭhadhammavedanīyabhūtā tasmiṃyeva attabhāve vipākaṃ deti, na itarā. Mahattatāti pubbābhisaṅkhāravasena ñāṇasampayogādivasena cetanāya uḷāratā. Khīṇāsavabhāvenāti yassa deti, tassa khīṇāsavabhāvena. Vatthusampannatāti ettha yathā paṭighasaññā nānattasaññānaṃ vigamena dibbavihārānaṃ vasena, byāpādasaññādīnaṃ vigamena brahmavihārānaṃ vasena, sabbaso rūpasaññānānattasaññānaṃ vigamena āneñjavihārānaṃ vasena sabbaso niccasaññādīnaṃ paṭippassaddhiyā sabbasaṅkhāravimukhatāya ariyavihārānaṃ vasena vatthusampannatā icchitā. Taṃtaṃsamāpattisamāpajjanena santānassa nirodhasādhanatā taṃ divasaṃ nirodhassa sādhanatā nāma. Vatthusampannatāti sabbaso nirodhasamāpattisamāpajjanena vatthusampannatā icchitā; na sabbaso anavasesasaññānirodhatāyāti āha – ‘‘taṃ divasaṃ nirodhato vuṭṭhitabhāvena vatthusampannatā’’ti. Saññānirodhassa cettha accāsannataṃ sandhāya, ‘‘taṃ divasa’’nti vuttaṃ. Yaṃ panettha atthato avibhattaṃ, taṃ suviññeyyameva.
д̣̇агкин̣аавибхан̇г̇асуд̇д̇аван̣н̣анааяа лийнад̇т̇аббагаасанаа самад̇д̇аа.
Dakkhiṇāvibhaṅgasuttavaṇṇanāya līnatthappakāsanā samattā.
нидтид̇аа жа вибхан̇г̇аваг̇г̇аван̣н̣анаа.
Niṭṭhitā ca vibhaṅgavaggavaṇṇanā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / маж̇жхиманигааяа • Majjhimanikāya / 12. д̣̇агкин̣аавибхан̇г̇асуд̇д̇ам̣ • 12. Dakkhiṇāvibhaṅgasuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / маж̇жхиманигааяа (адтагат̇аа) • Majjhimanikāya (aṭṭhakathā) / 12. д̣̇агкин̣аавибхан̇г̇асуд̇д̇аван̣н̣анаа • 12. Dakkhiṇāvibhaṅgasuttavaṇṇanā
