| Library / Tipiṭaka / д̇ибидага • Tipiṭaka / бан̃жабагаран̣а-адтагат̇аа • Pañcapakaraṇa-aṭṭhakathā |
4. д̣̇аанагат̇ааван̣н̣анаа
4. Dānakathāvaṇṇanā
478. ид̣̇аани д̣̇аанагат̇аа наама ход̇и. д̇ад̇т̇а д̣̇аанам̣ наама д̇ивид̇хам̣ – жааг̇ажзд̇анааби, вирад̇иби, д̣̇зяяад̇хаммоби. ‘‘сад̣̇д̇хаа хирияам̣ гусалан̃жа д̣̇аана’’нд̇и (а. ни. 8.30) ааг̇ад̇адтаанз жааг̇ажзд̇анаа д̣̇аанам̣. ‘‘абхаяам̣ д̣̇зд̇ий’’д̇и (а. ни. 8.39) ааг̇ад̇адтаанз вирад̇и. ‘‘д̣̇аанам̣ д̣̇зд̇и аннам̣ баана’’нд̇и ааг̇ад̇адтаанз д̣̇зяяад̇хаммо. д̇ад̇т̇а жааг̇ажзд̇анаа ‘‘д̣̇зд̇и ваа д̣̇зяяад̇хаммам̣, д̣̇знд̇и ваа зд̇ааяа д̣̇зяяад̇хамма’’нд̇и д̣̇аанам̣. вирад̇и авакан̣д̣анадтзна лаванадтзна ваа д̣̇аанам̣. саа хи уббаж̇ж̇амаанаа бхаяабхзраваад̣̇исан̇каад̇ам̣ д̣̇уссийляажзд̇анам̣ д̣̇аад̇и кан̣д̣зд̇и лунаад̇и ваад̇и д̣̇аанам̣. д̣̇зяяад̇хаммо д̣̇ияяад̇ийд̇и д̣̇аанам̣. звамзд̇ам̣ д̇ивид̇хамби ад̇т̇ад̇о жзд̇асиго жзва д̇хаммо д̣̇зяяад̇хаммо жаад̇и д̣̇увид̇хам̣ ход̇и. д̇ад̇т̇а язсам̣ ‘‘жзд̇асигова д̇хаммо д̣̇аанам̣, на д̣̇зяяад̇хаммо’’д̇и лад̣̇д̇хи, сзяяат̇ааби рааж̇аг̇иригасид̣̇д̇хад̇т̇игаанам̣; д̇з санд̇хааяа жзд̇асигод̇и бужчаа сагаваад̣̇исса, бадин̃н̃аа ид̇арасса. ат̇а нам̣ д̣̇зяяад̇хаммавасзна жод̣̇зд̇ум̣ лаб̣бхаад̇и бужчаа сагаваад̣̇исса, аннаад̣̇ийни вияа со на саггаа д̣̇аад̇унд̇и бадигкзбо ид̇арасса. буна д̣̇ал̣хам̣ гад̇ваа будтз ‘‘абхаяам̣ д̣̇зд̇ий’’д̇и суд̇д̇авасзна бадин̃н̃аа д̇ассзва. пассабан̃хаад̣̇ийсу бана пассам̣ д̣̇зд̇ийд̇иаад̣̇ивохаарам̣ абассанд̇о бадигкибад̇зва.
478. Idāni dānakathā nāma hoti. Tattha dānaṃ nāma tividhaṃ – cāgacetanāpi, viratipi, deyyadhammopi. ‘‘Saddhā hiriyaṃ kusalañca dāna’’nti (a. ni. 8.30) āgataṭṭhāne cāgacetanā dānaṃ. ‘‘Abhayaṃ detī’’ti (a. ni. 8.39) āgataṭṭhāne virati. ‘‘Dānaṃ deti annaṃ pāna’’nti āgataṭṭhāne deyyadhammo. Tattha cāgacetanā ‘‘deti vā deyyadhammaṃ, denti vā etāya deyyadhamma’’nti dānaṃ. Virati avakhaṇḍanaṭṭhena lavanaṭṭhena vā dānaṃ. Sā hi uppajjamānā bhayabheravādisaṅkhātaṃ dussīlyacetanaṃ dāti khaṇḍeti lunāti vāti dānaṃ. Deyyadhammo diyyatīti dānaṃ. Evametaṃ tividhampi atthato cetasiko ceva dhammo deyyadhammo cāti duvidhaṃ hoti. Tattha yesaṃ ‘‘cetasikova dhammo dānaṃ, na deyyadhammo’’ti laddhi, seyyathāpi rājagirikasiddhatthikānaṃ; te sandhāya cetasikoti pucchā sakavādissa, paṭiññā itarassa. Atha naṃ deyyadhammavasena codetuṃ labbhāti pucchā sakavādissa, annādīni viya so na sakkā dātunti paṭikkhepo itarassa. Puna daḷhaṃ katvā puṭṭhe ‘‘abhayaṃ detī’’ti suttavasena paṭiññā tasseva. Phassapañhādīsu pana phassaṃ detītiādivohāraṃ apassanto paṭikkhipateva.
479. анидтапаланд̇иаад̣̇и ажзд̇асигасса д̇хаммасса д̣̇аанабхаавад̣̇ийбанад̇т̇ам̣ вуд̇д̇ам̣. на хи ажзд̇асиго аннаад̣̇ид̇хаммо ааяад̇им̣ вибаагам̣ д̣̇зд̇и, идтапалабхааванияаманад̇т̇ам̣ банзд̇ам̣ вуд̇д̇анд̇и взд̣̇ид̇аб̣б̣ам̣. аяамби хзд̇т̇а ад̇хиббааяо – яад̣̇и ажзд̇асиго аннаад̣̇ид̇хаммо д̣̇аанам̣ бхавзяяа, хид̇ажид̇д̇зна анидтам̣ аганд̇ам̣ бхзсаж̇ж̇ам̣ д̣̇знд̇асса нимб̣аб̣ийж̇аад̣̇ийхи вияа нимб̣аад̣̇аяо анидтамзва палам̣ ниб̣б̣ад̇д̇зяяа. яасмаа банзд̇т̇а хид̇апаран̣ажааг̇ажзд̇анаа д̣̇аанам̣, д̇асмаа анидтзби д̣̇зяяад̇хаммз д̣̇аанам̣ идтапаламзва ход̇ийд̇и.
479. Aniṭṭhaphalantiādi acetasikassa dhammassa dānabhāvadīpanatthaṃ vuttaṃ. Na hi acetasiko annādidhammo āyatiṃ vipākaṃ deti, iṭṭhaphalabhāvaniyamanatthaṃ panetaṃ vuttanti veditabbaṃ. Ayampi hettha adhippāyo – yadi acetasiko annādidhammo dānaṃ bhaveyya, hitacittena aniṭṭhaṃ akantaṃ bhesajjaṃ dentassa nimbabījādīhi viya nimbādayo aniṭṭhameva phalaṃ nibbatteyya. Yasmā panettha hitapharaṇacāgacetanā dānaṃ, tasmā aniṭṭhepi deyyadhamme dānaṃ iṭṭhaphalameva hotīti.
звам̣ бараваад̣̇инаа жзд̇асигад̇хаммасса д̣̇аанабхаавз бад̇идтаабид̇з сагаваад̣̇ий ид̇арзна барияааязна д̣̇зяяад̇хаммасса д̣̇аанабхаавам̣ саад̇хзд̇ум̣ д̣̇аанам̣ идтапалам̣ вуд̇д̇ам̣ бхаг̇авад̇аад̇иаад̣̇имааха. бараваад̣̇ий бана жийвараад̣̇ийнам̣ идтавибаагад̇ам̣ абассанд̇о бадигкибад̇и. суд̇д̇асаад̇ханам̣ бараваад̣̇ийваад̣̇зби яуж̇ж̇ад̇и сагаваад̣̇ийваад̣̇зби, на бана згзнад̇т̇зна. д̣̇зяяад̇хаммо идтапалод̇и идтапалабхаавамад̇д̇амзва бадигкид̇д̇ам̣. д̇асмаа д̇зна хи на вад̇д̇аб̣б̣анд̇и идтапалабхаавзнзва на вад̇д̇аб̣б̣ад̇аа яуж̇ж̇ад̇и . д̣̇аад̇аб̣б̣адтзна бана д̣̇зяяад̇хаммо д̣̇аанамзва. д̣̇иннан̃хи д̣̇аанаанам̣ сан̇гарабхааваможанад̇т̇амзва аяам̣ гат̇аад̇и.
Evaṃ paravādinā cetasikadhammassa dānabhāve patiṭṭhāpite sakavādī itarena pariyāyena deyyadhammassa dānabhāvaṃ sādhetuṃ dānaṃ iṭṭhaphalaṃ vuttaṃ bhagavatātiādimāha. Paravādī pana cīvarādīnaṃ iṭṭhavipākataṃ apassanto paṭikkhipati. Suttasādhanaṃ paravādīvādepi yujjati sakavādīvādepi, na pana ekenatthena. Deyyadhammo iṭṭhaphaloti iṭṭhaphalabhāvamattameva paṭikkhittaṃ. Tasmā tena hi na vattabbanti iṭṭhaphalabhāveneva na vattabbatā yujjati . Dātabbaṭṭhena pana deyyadhammo dānameva. Dinnañhi dānānaṃ saṅkarabhāvamocanatthameva ayaṃ kathāti.
д̣̇аанагат̇ааван̣н̣анаа.
Dānakathāvaṇṇanā.
Related texts:
д̇ибидага (муула) • Tipiṭaka (Mūla) / абхид̇хаммабидага • Abhidhammapiṭaka / гат̇аавад̇т̇убаал̣и • Kathāvatthupāḷi / (66) 4. д̣̇аанагат̇аа • (66) 4. Dānakathā
дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / бан̃жабагаран̣а-мууладийгаа • Pañcapakaraṇa-mūlaṭīkā / 4. д̣̇аанагат̇ааван̣н̣анаа • 4. Dānakathāvaṇṇanā
дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / бан̃жабагаран̣а-анудийгаа • Pañcapakaraṇa-anuṭīkā / 4. д̣̇аанагат̇ааван̣н̣анаа • 4. Dānakathāvaṇṇanā
