| Library / Tipiṭaka / д̇ибидага • Tipiṭaka / бан̃жабагаран̣а-мууладийгаа • Pañcapakaraṇa-mūlaṭīkā |
4. д̣̇аанагат̇ааван̣н̣анаа
4. Dānakathāvaṇṇanā
478. д̣̇зяяад̇хаммавасзна жод̣̇зд̇унд̇и яад̣̇и жзд̇асигова д̇хаммо д̣̇аанам̣, ‘‘д̣̇ияяад̇ийд̇и д̣̇аана’’нд̇и иминааби ад̇т̇зна жзд̇асигассзва д̣̇аанабхааво аабаж̇ж̇ад̇ийд̇и жод̣̇зд̇унд̇и ад̇т̇о.
478. Deyyadhammavasena codetunti yadi cetasikova dhammo dānaṃ, ‘‘diyyatīti dāna’’nti imināpi atthena cetasikasseva dānabhāvo āpajjatīti codetunti attho.
479. анидтапаланд̇иаад̣̇и ажзд̇асигасса д̇хаммасса д̣̇аанабхаавад̣̇ийбанад̇т̇ам̣ вуд̇д̇анд̇и палад̣̇аанабхаавад̣̇ийбанад̇т̇ам̣ на вуд̇д̇анд̇и ад̇т̇о д̣̇адтаб̣б̣о. анидтапаланд̇иаад̣̇инаа ажзд̇асигасса д̇хаммасса палад̣̇аанам̣ вуд̇д̇ам̣ вияа ход̇и, на д̣̇аанабхааво, д̇аннивааран̣ад̇т̇ан̃жзд̇амаахаад̇и. зван̃жа гад̇ваа ананд̇арамзвааха ‘‘на хи ажзд̇асиго аннаад̣̇ид̇хаммо ааяад̇им̣ вибаагам̣ д̣̇зд̇ий’’д̇и. идтапалабхааванияаманад̇т̇анд̇и д̣̇зяяад̇хаммо вияа гзнажи барияааязна анидтапалад̇аа д̣̇аанасса над̇т̇и, зганд̇ам̣ бана идтапаламзваад̇и нияаманад̇т̇анд̇и ад̇т̇о.
479. Aniṭṭhaphalantiādi acetasikassa dhammassa dānabhāvadīpanatthaṃ vuttanti phaladānabhāvadīpanatthaṃ na vuttanti attho daṭṭhabbo. Aniṭṭhaphalantiādinā acetasikassa dhammassa phaladānaṃ vuttaṃ viya hoti, na dānabhāvo, tannivāraṇatthañcetamāhāti. Evañca katvā anantaramevāha ‘‘na hi acetasiko annādidhammo āyatiṃ vipākaṃ detī’’ti. Iṭṭhaphalabhāvaniyamanatthanti deyyadhammo viya kenaci pariyāyena aniṭṭhaphalatā dānassa natthi, ekantaṃ pana iṭṭhaphalamevāti niyamanatthanti attho.
ид̇арзнаад̇и ‘‘д̣̇ияяад̇ийд̇и д̣̇аана’’нд̇и иминаа барияааязна. на бана згзнад̇т̇знаад̇и ‘‘д̣̇зяяад̇хаммова д̣̇аана’’нд̇и имам̣ сагаваад̣̇ийваад̣̇ам̣ нивад̇д̇зд̇ум̣ ‘‘сад̣̇д̇хаа хирияа’’нд̇иаад̣̇игам̣ суд̇д̇асаад̇ханам̣ бараваад̣̇ийваад̣̇з яуж̇ж̇ад̇и, ‘‘ид̇хзгажжо аннам̣ д̣̇зд̇ий’’д̇иаад̣̇иган̃жа, ‘‘жзд̇асигова д̇хаммо д̣̇аана’’нд̇и имам̣ нивад̇д̇зд̇ум̣ ‘‘жзд̇асиго д̇хаммо д̣̇аана’’нд̇и имам̣ бана саад̇хзд̇ум̣ ‘‘сад̣̇д̇хаа хирияа’’нд̇иаад̣̇игам̣ сагаваад̣̇ийваад̣̇з яуж̇ж̇ад̇и, ‘‘ид̇хзгажжо аннам̣ д̣̇зд̇ий’’д̇иаад̣̇игам̣ ваа ‘‘д̣̇зяяад̇хаммо д̣̇аана’’нд̇и саад̇хзд̇унд̇и звам̣ нивад̇д̇анасаад̇ханад̇т̇анаанад̇д̇ам̣ санд̇хааяа ‘‘на бана згзнад̇т̇знаа’’д̇и вуд̇д̇анд̇и д̣̇адтаб̣б̣ам̣. д̇ад̇т̇а яат̇аа бараваад̣̇ийваад̣̇з жа суд̇д̇асаад̇ханад̇т̇ам̣ ‘‘на вад̇д̇аб̣б̣ам̣ жзд̇асиго д̇хаммо д̣̇аана’’нд̇и бужчааяам̣ жзд̇асиговаад̇и ад̇т̇о д̣̇адтаб̣б̣о, д̇ат̇аа ‘‘на вад̇д̇аб̣б̣ам̣ д̣̇зяяад̇хаммо д̣̇аана’’нд̇и бужчааяа жа д̣̇зяяад̇хаммоваад̇и . д̣̇зяяад̇хаммо идтапалод̇и идтапалаабхаавамад̇д̇амзва бадигкид̇д̇анд̇и зд̇т̇а ‘‘идтапалабхаавамад̇д̇амзва бадигкид̇д̇а’’нд̇и баатзна бхавид̇аб̣б̣анд̇и . ‘‘идтапалаабхаавамад̇д̇амзва д̣̇исваа бадигкид̇д̇а’’нд̇и ваа вад̇д̇аб̣б̣ам̣. сан̇гарабхааваможанад̇т̇анд̇и жзд̇асигасса д̣̇аад̇аб̣б̣адтзна д̣̇зяяад̇хаммасса жа идтапаладтзна д̣̇аанабхааваможанад̇т̇анд̇и вуд̇д̇ам̣ ход̇и.
Itarenāti ‘‘diyyatīti dāna’’nti iminā pariyāyena. Na pana ekenatthenāti ‘‘deyyadhammova dāna’’nti imaṃ sakavādīvādaṃ nivattetuṃ ‘‘saddhā hiriya’’ntiādikaṃ suttasādhanaṃ paravādīvāde yujjati, ‘‘idhekacco annaṃ detī’’tiādikañca, ‘‘cetasikova dhammo dāna’’nti imaṃ nivattetuṃ ‘‘cetasiko dhammo dāna’’nti imaṃ pana sādhetuṃ ‘‘saddhā hiriya’’ntiādikaṃ sakavādīvāde yujjati, ‘‘idhekacco annaṃ detī’’tiādikaṃ vā ‘‘deyyadhammo dāna’’nti sādhetunti evaṃ nivattanasādhanatthanānattaṃ sandhāya ‘‘na pana ekenatthenā’’ti vuttanti daṭṭhabbaṃ. Tattha yathā paravādīvāde ca suttasādhanatthaṃ ‘‘na vattabbaṃ cetasiko dhammo dāna’’nti pucchāyaṃ cetasikovāti attho daṭṭhabbo, tathā ‘‘na vattabbaṃ deyyadhammo dāna’’nti pucchāya ca deyyadhammovāti . Deyyadhammo iṭṭhaphaloti iṭṭhaphalābhāvamattameva paṭikkhittanti ettha ‘‘iṭṭhaphalabhāvamattameva paṭikkhitta’’nti pāṭhena bhavitabbanti . ‘‘Iṭṭhaphalābhāvamattameva disvā paṭikkhitta’’nti vā vattabbaṃ. Saṅkarabhāvamocanatthanti cetasikassa dātabbaṭṭhena deyyadhammassa ca iṭṭhaphalaṭṭhena dānabhāvamocanatthanti vuttaṃ hoti.
д̣̇аанагат̇ааван̣н̣анаа нидтид̇аа.
Dānakathāvaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / абхид̇хаммабидага • Abhidhammapiṭaka / гат̇аавад̇т̇убаал̣и • Kathāvatthupāḷi / (66) 4. д̣̇аанагат̇аа • (66) 4. Dānakathā
адтагат̇аа • Aṭṭhakathā / абхид̇хаммабидага (адтагат̇аа) • Abhidhammapiṭaka (aṭṭhakathā) / бан̃жабагаран̣а-адтагат̇аа • Pañcapakaraṇa-aṭṭhakathā / 4. д̣̇аанагат̇ааван̣н̣анаа • 4. Dānakathāvaṇṇanā
дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / бан̃жабагаран̣а-анудийгаа • Pañcapakaraṇa-anuṭīkā / 4. д̣̇аанагат̇ааван̣н̣анаа • 4. Dānakathāvaṇṇanā
