| Library / Tipiṭaka / д̇ибидага • Tipiṭaka / винаяаалан̇гаара-дийгаа • Vinayālaṅkāra-ṭīkā |
13. д̣̇ааналагкан̣аад̣̇ивинижчаяагат̇аа
13. Dānalakkhaṇādivinicchayakathā
69. звам̣ руубияаад̣̇ибадиг̇г̇ахан̣авинижчаяам̣ гат̇зд̇ваа ид̣̇аани д̣̇аанависсаасаг̇г̇аахалаабхабарин̣ааманавинижчаяам̣ гат̇зд̇ум̣ ‘‘д̣̇аанависсаасаг̇г̇аахзхий’’д̇иаад̣̇имааха. д̇ад̇т̇а д̣̇ийяад̇з д̣̇аанам̣, жийвараад̣̇ивад̇т̇ум̣ аарамман̣ам̣ гад̇ваа бавад̇д̇о алобхаббад̇хаано гаамааважарагусалагирияажид̇д̇уббаад̣̇о. сасанам̣ саасо, сасу хим̣сааяанд̇и д̇хаад̇у, хим̣сананд̇и ад̇т̇о, виг̇ад̇о саасо зд̇асмаа г̇аахаад̇и виссаасо. г̇ахан̣ам̣ г̇аахо, виссаасзна г̇аахо виссаасаг̇г̇аахо. висзсанз жзд̇т̇а гаран̣аважанам̣, виссаасавасзна г̇аахо, на т̇зяяажид̇д̇авасзнаад̇и ад̇т̇о. лажчад̇зд̇и лаабхо, жийвараад̣̇ивад̇т̇у, д̇асса лаабхасса. барин̣амияад̇з барин̣ааманам̣, ан̃н̃зсам̣ ад̇т̇ааяа барин̣ад̇асса ад̇д̇ано, ан̃н̃асса ваа барин̣ааманам̣, д̣̇аабананд̇и ад̇т̇о. д̣̇аанависсаасаг̇г̇аахзхи лаабхасса барин̣аамананд̇и зд̇т̇а уд̣̇д̣̇зсз самабхинивидтасса ‘‘д̣̇аана’’нд̇и бад̣̇асса ад̇т̇авинижчаяо д̇аава батамам̣ звам̣ взд̣̇ид̇аб̣б̣од̇и яож̇анаа. ад̇д̇ано санд̇агасса жийвараад̣̇ибаригкаарасса д̣̇аананд̇и самб̣анд̇хо. яасса гассажийд̇и самбад̣̇аананид̣̇д̣̇зсо, яасса гассажи бадиг̇г̇аахагассаад̇и ад̇т̇о.
69. Evaṃ rūpiyādipaṭiggahaṇavinicchayaṃ kathetvā idāni dānavissāsaggāhalābhapariṇāmanavinicchayaṃ kathetuṃ ‘‘dānavissāsaggāhehī’’tiādimāha. Tattha dīyate dānaṃ, cīvarādivatthuṃ ārammaṇaṃ katvā pavatto alobhappadhāno kāmāvacarakusalakiriyacittuppādo. Sasanaṃ sāso, sasu hiṃsāyanti dhātu, hiṃsananti attho, vigato sāso etasmā gāhāti vissāso. Gahaṇaṃ gāho, vissāsena gāho vissāsaggāho. Visesane cettha karaṇavacanaṃ, vissāsavasena gāho, na theyyacittavasenāti attho. Lacchateti lābho, cīvarādivatthu, tassa lābhassa. Pariṇamiyate pariṇāmanaṃ, aññesaṃ atthāya pariṇatassa attano, aññassa vā pariṇāmanaṃ, dāpananti attho. Dānavissāsaggāhehi lābhassa pariṇāmananti ettha uddese samabhiniviṭṭhassa ‘‘dāna’’nti padassa atthavinicchayo tāva paṭhamaṃ evaṃ veditabboti yojanā. Attano santakassa cīvarādiparikkhārassa dānanti sambandho. Yassa kassacīti sampadānaniddeso, yassa kassaci paṭiggāhakassāti attho.
яад̣̇ид̣̇ам̣ ‘‘д̣̇аана’’нд̇и вуд̇д̇ам̣, д̇ад̇т̇а гим̣ лагкан̣анд̇и ааха ‘‘д̇ад̇рид̣̇ам̣ д̣̇ааналагкан̣а’’нд̇и. ‘‘ид̣̇ам̣ д̇уяхам̣ д̣̇змий’’д̇и вад̣̇ад̇ийд̇и ид̣̇ам̣ д̇иван̇г̇асамбаннам̣ д̣̇ааналагкан̣ам̣ ход̇ийд̇и яож̇анаа. д̇ад̇т̇а ид̣̇анд̇и д̣̇зяяад̇хамманид̣̇ассанам̣. д̇уяханд̇и бадиг̇г̇аахаганид̣̇ассанам̣. д̣̇змийд̇и д̣̇ааяаганид̣̇ассанам̣. д̣̇ад̣̇аамийд̇иаад̣̇ийни бана барияааяаважанаани. вуд̇д̇ан̃хи ‘‘д̣̇зяяад̣̇ааяагабадиг̇г̇аахагаа вияа д̣̇аанассаа’’д̇и, ‘‘д̇ин̣н̣ам̣ саммукийбхааваа гусалам̣ ход̇ий’’д̇и жа. ‘‘вад̇т̇убарижжааг̇алагкан̣ад̇д̇аа д̣̇аанассаа’’д̇и ид̣̇ам̣ бана згад̣̇зсалагкан̣агат̇анамзва, гим̣ звам̣ д̣̇ийяамаанам̣ саммукааязва д̣̇иннам̣ ход̇и, уд̣̇ааху бараммукаабийд̇и ааха ‘‘саммукааби бараммукааби д̣̇иннам̣язва ход̇ий’’д̇и. д̇уяхам̣ г̇ан̣хаахийд̇иаад̣̇ийсу аяамад̇т̇о – ‘‘г̇ан̣хаахий’’д̇и вуд̇д̇з ‘‘д̣̇змий’’д̇и вуд̇д̇асад̣̇исам̣ ход̇и, д̇асмаа мукяад̇о д̣̇иннад̇д̇аа суд̣̇иннам̣ ход̇и, ‘‘г̇ан̣хаамий’’д̇и жа вуд̇д̇з мукяад̇о г̇ахан̣ам̣ ход̇и, д̇асмаа суг̇г̇ахид̇ам̣ ход̇и. ‘‘д̇уяхам̣ маяха’’нд̇и имаани бана бадиг̇г̇аахагабадиб̣анд̇хад̇аагаран̣з важанаани. д̇ава санд̇агам̣ гарохийд̇иаад̣̇ийни бана барияааяад̇о д̣̇аанаг̇г̇ахан̣аани, д̇асмаа д̣̇уд̣̇иннам̣ д̣̇уг̇г̇ахид̇ан̃жа ход̇и. логз хи абарижжаж̇ид̇угаамааби буна г̇ан̣хид̇угаамааби ‘‘д̇ава санд̇агам̣ ход̇уу’’д̇и нияяаад̇знд̇и яат̇аа д̇ам̣ гусаран̃н̃о маад̇у раж̇ж̇анияяаад̇анам̣. д̇знааха ‘‘нзва д̣̇аад̇аа д̣̇аад̇ум̣ ж̇аанаад̇и, на ид̇аро г̇ахзд̇у’’нд̇и. сажз банаад̇иаад̣̇ийсу бана д̣̇ааяагзна бан̃н̃ад̇д̇ияам̣ аговид̣̇ад̇ааяа барияааяаважанз вуд̇д̇зби бадиг̇г̇аахаго ад̇д̇ано бан̃н̃ад̇д̇ияам̣ говид̣̇ад̇ааяа мукяаважанзна г̇ан̣хаад̇и, д̇асмаа ‘‘суг̇г̇ахид̇а’’нд̇и вуд̇д̇ам̣.
Yadidaṃ ‘‘dāna’’nti vuttaṃ, tattha kiṃ lakkhaṇanti āha ‘‘tatridaṃ dānalakkhaṇa’’nti. ‘‘Idaṃ tuyhaṃ demī’’ti vadatīti idaṃ tivaṅgasampannaṃ dānalakkhaṇaṃ hotīti yojanā. Tattha idanti deyyadhammanidassanaṃ. Tuyhanti paṭiggāhakanidassanaṃ. Demīti dāyakanidassanaṃ. Dadāmītiādīni pana pariyāyavacanāni. Vuttañhi ‘‘deyyadāyakapaṭiggāhakā viya dānassā’’ti, ‘‘tiṇṇaṃ sammukhībhāvā kusalaṃ hotī’’ti ca. ‘‘Vatthupariccāgalakkhaṇattā dānassā’’ti idaṃ pana ekadesalakkhaṇakathanameva, kiṃ evaṃ dīyamānaṃ sammukhāyeva dinnaṃ hoti, udāhu parammukhāpīti āha ‘‘sammukhāpi parammukhāpi dinnaṃyeva hotī’’ti. Tuyhaṃ gaṇhāhītiādīsu ayamattho – ‘‘gaṇhāhī’’ti vutte ‘‘demī’’ti vuttasadisaṃ hoti, tasmā mukhyato dinnattā sudinnaṃ hoti, ‘‘gaṇhāmī’’ti ca vutte mukhyato gahaṇaṃ hoti, tasmā suggahitaṃ hoti. ‘‘Tuyhaṃ mayha’’nti imāni pana paṭiggāhakapaṭibandhatākaraṇe vacanāni. Tava santakaṃ karohītiādīni pana pariyāyato dānaggahaṇāni, tasmā dudinnaṃ duggahitañca hoti. Loke hi apariccajitukāmāpi puna gaṇhitukāmāpi ‘‘tava santakaṃ hotū’’ti niyyātenti yathā taṃ kusarañño mātu rajjaniyyātanaṃ. Tenāha ‘‘neva dātā dātuṃ jānāti, na itaro gahetu’’nti. Sace panātiādīsu pana dāyakena paññattiyaṃ akovidatāya pariyāyavacane vuttepi paṭiggāhako attano paññattiyaṃ kovidatāya mukhyavacanena gaṇhāti, tasmā ‘‘suggahita’’nti vuttaṃ.
сажз бана згод̇иаад̣̇ийсу бана д̣̇ааяаго мукяаважанзна д̣̇зд̇и, бадиг̇г̇аахагоби мукяаважанзна бадигкибад̇и, д̇асмаа д̣̇ааяагасса буб̣б̣з ад̇хидтид̇амби жийварам̣ д̣̇аанавасзна ад̇хидтаанам̣ виж̇ахад̇и, барижжад̇д̇ад̇д̇аа ад̇д̇ано асанд̇агад̇д̇аа ад̇ирзгажийварамби на ход̇и, д̇асмаа д̣̇асаахаад̇иггамзби аабад̇д̇и на ход̇и. бадиг̇г̇аахагассаби на бадигкибид̇ад̇д̇аа ад̇д̇ано санд̇агам̣ на ход̇и, д̇асмаа ад̇ирзгажийварам̣ на ход̇ийд̇и д̣̇асаахаад̇иггамзби аабад̇д̇и над̇т̇и. яасса бана ружжад̇ийд̇и зд̇т̇а бана имасса жийварасса ассаамигад̇д̇аа бам̣сугууладтаанз тид̇ад̇д̇аа яасса ружжад̇и, д̇зна бам̣сугуулабхаавзна г̇ахзд̇ваа барибхун̃ж̇ид̇аб̣б̣ам̣, барибхун̃ж̇анд̇зна бана д̣̇ааяагзна буб̣б̣аад̇хидтид̇амби д̣̇аанавасзна ад̇хидтаанасса виж̇ахид̇ад̇д̇аа буна ад̇хидтахид̇ваа барибхун̃ж̇ид̇аб̣б̣ам̣ ид̇арзна буб̣б̣з анад̇хидтид̇ад̇д̇аад̇и д̣̇адтаб̣б̣ам̣.
Sace pana ekotiādīsu pana dāyako mukhyavacanena deti, paṭiggāhakopi mukhyavacanena paṭikkhipati, tasmā dāyakassa pubbe adhiṭṭhitampi cīvaraṃ dānavasena adhiṭṭhānaṃ vijahati, pariccattattā attano asantakattā atirekacīvarampi na hoti, tasmā dasāhātikkamepi āpatti na hoti. Paṭiggāhakassapi na paṭikkhipitattā attano santakaṃ na hoti, tasmā atirekacīvaraṃ na hotīti dasāhātikkamepi āpatti natthi. Yassa pana ruccatīti ettha pana imassa cīvarassa assāmikattā paṃsukūlaṭṭhāne ṭhitattā yassa ruccati, tena paṃsukūlabhāvena gahetvā paribhuñjitabbaṃ, paribhuñjantena pana dāyakena pubbaadhiṭṭhitampi dānavasena adhiṭṭhānassa vijahitattā puna adhiṭṭhahitvā paribhuñjitabbaṃ itarena pubbe anadhiṭṭhitattāti daṭṭhabbaṃ.
ид̇т̇аннаамасса д̣̇зхийд̇иаад̣̇ийсу бана аан̣ад̇яад̇т̇з бавад̇д̇ааяа бан̃жамийвибхад̇д̇ияаа вуд̇д̇ад̇д̇аа аан̣ад̇д̇зна бадиг̇г̇аахагасса д̣̇иннагаалзязва бадиг̇г̇аахагасса санд̇агам̣ ход̇и, на д̇ад̇о буб̣б̣з, буб̣б̣з бана аан̣аабагассзва, д̇асмаа ‘‘яо бахин̣ад̇и, д̇ассзва санд̇ага’’нд̇и вуд̇д̇ам̣. ид̇т̇аннаамасса д̣̇аммийд̇и бана бажжуббаннад̇т̇з бавад̇д̇ааяа вад̇д̇амаанавибхад̇д̇ияаа вуд̇д̇ад̇д̇аа д̇ад̇о бадтааяа бадиг̇г̇аахагассзва санд̇агам̣ ход̇и, д̇асмаа ‘‘яасса бахийяад̇и, д̇асса санд̇ага’’нд̇и вуд̇д̇ам̣. д̇асмаад̇и иминаа ааяасмад̇аа рзвад̇ад̇т̇зрзна ааяасмад̇о саарибуд̇д̇асса жийварабзсанавад̇т̇усмим̣ бхаг̇авад̇аа д̣̇зсид̇зсу ад̇хидтаанзсу ид̇ха вуд̇д̇алагкан̣зна асаммохад̇о ж̇аанид̇аб̣б̣анд̇и д̣̇ассзд̇и.
Itthannāmassa dehītiādīsu pana āṇatyatthe pavattāya pañcamīvibhattiyā vuttattā āṇattena paṭiggāhakassa dinnakāleyeva paṭiggāhakassa santakaṃ hoti, na tato pubbe, pubbe pana āṇāpakasseva, tasmā ‘‘yo pahiṇati, tasseva santaka’’nti vuttaṃ. Itthannāmassa dammīti pana paccuppannatthe pavattāya vattamānavibhattiyā vuttattā tato paṭṭhāya paṭiggāhakasseva santakaṃ hoti, tasmā ‘‘yassa pahīyati, tassa santaka’’nti vuttaṃ. Tasmāti iminā āyasmatā revatattherena āyasmato sāriputtassa cīvarapesanavatthusmiṃ bhagavatā desitesu adhiṭṭhānesu idha vuttalakkhaṇena asammohato jānitabbanti dasseti.
д̇ад̇т̇а д̣̇ваад̇хидтид̇ам̣, сваад̇хидтид̇анд̇и жа на д̇ижийвараад̇хидтаанам̣ санд̇хааяа вуд̇д̇ам̣, ат̇а ко саамигз ж̇ийванд̇з виссаасаг̇г̇аахажийварабхаавзна жа саамигз мад̇з мад̇агажийварабхаавзна жа г̇ахан̣ам̣ санд̇хааяа вуд̇д̇ам̣, д̇ад̇о бана д̣̇асаахз анад̇игганд̇зязва д̇ижийвараад̇хидтаанам̣ ваа баригкааражол̣аад̇хидтаанам̣ ваа вигаббанам̣ ваа гаад̇аб̣б̣ам̣. яо бахин̣ад̇ийд̇и д̣̇ааяагам̣ санд̇хааяааха, яасса бахийяад̇ийд̇и бадиг̇г̇аахагам̣.
Tattha dvādhiṭṭhitaṃ, svādhiṭṭhitanti ca na ticīvarādhiṭṭhānaṃ sandhāya vuttaṃ, atha kho sāmike jīvante vissāsaggāhacīvarabhāvena ca sāmike mate matakacīvarabhāvena ca gahaṇaṃ sandhāya vuttaṃ, tato pana dasāhe anatikkanteyeva ticīvarādhiṭṭhānaṃ vā parikkhāracoḷādhiṭṭhānaṃ vā vikappanaṃ vā kātabbaṃ. Yo pahiṇatīti dāyakaṃ sandhāyāha, yassa pahīyatīti paṭiggāhakaṃ.
барижжаж̇ид̇ваа…бз… на лабхад̇и, аахараабзнд̇о бхан̣д̣аг̇гхзна гаарзд̇аб̣б̣од̇и ад̇т̇о. ад̇д̇анаа…бз… ниссаг̇г̇ияанд̇и иминаа барасанд̇агабхууд̇ад̇д̇ам̣ ж̇аананд̇о т̇зяяабасаяхавасзна ажчинд̣̇анд̇о баарааж̇иго ход̇ийд̇и д̣̇ассзд̇и. бораан̣адийгааяам̣ бана ‘‘сагасан̃н̃ааяа винаа г̇ан̣ханд̇о бхан̣д̣ам̣ аг̇гхаабзд̇ваа аабад̇д̇ияаа гаарзд̇аб̣б̣о’’д̇и вуд̇д̇ам̣. сагасан̃н̃ааяа винааби д̇аавагаалигабам̣сугууласан̃н̃аад̣̇ивасзна г̇ан̣ханд̇о аабад̇д̇ияаа на гаарзд̇аб̣б̣о. адтагат̇ааяам̣ бана басаяхаагаарам̣ санд̇хааяа вад̣̇ад̇и. д̇знааха ‘‘ажчинд̣̇ад̇о ниссаг̇г̇ияа’’нд̇и. сажз бана…бз… ваддад̇ийд̇и д̇удтад̣̇аанам̣ ааха, ат̇а банаад̇иаад̣̇инаа губид̇ад̣̇аанам̣. убхаяат̇ааби саяам̣ д̣̇иннад̇д̇аа ваддад̇и, г̇ахан̣з аабад̇д̇и над̇т̇ийд̇и ад̇т̇о.
Pariccajitvā…pe… na labhati, āharāpento bhaṇḍagghena kāretabboti attho. Attanā…pe… nissaggiyanti iminā parasantakabhūtattaṃ jānanto theyyapasayhavasena acchindanto pārājiko hotīti dasseti. Porāṇaṭīkāyaṃ pana ‘‘sakasaññāya vinā gaṇhanto bhaṇḍaṃ agghāpetvā āpattiyā kāretabbo’’ti vuttaṃ. Sakasaññāya vināpi tāvakālikapaṃsukūlasaññādivasena gaṇhanto āpattiyā na kāretabbo. Aṭṭhakathāyaṃ pana pasayhākāraṃ sandhāya vadati. Tenāha ‘‘acchindato nissaggiya’’nti. Sace pana…pe… vaṭṭatīti tuṭṭhadānaṃ āha, atha panātiādinā kupitadānaṃ. Ubhayathāpi sayaṃ dinnattā vaṭṭati, gahaṇe āpatti natthīti attho.
мама санд̇игз…бз… звам̣ бана д̣̇аад̇ум̣ на ваддад̇ийд̇и вад̇т̇убарижжааг̇алагкан̣ад̇д̇аа д̣̇аанасса звам̣ д̣̇ад̣̇анд̇о абарижжаж̇ид̇ваа д̣̇иннад̇д̇аа д̣̇аанам̣ на ход̇ийд̇и на ваддад̇и, д̇ад̇о зва д̣̇уггадам̣ ход̇и. аахараабзд̇ум̣ бана ваддад̇ийд̇и буб̣б̣з ‘‘агаронд̇асса на д̣̇змий’’д̇и вуд̇д̇ад̇д̇аа яат̇аавуд̇д̇аубаж̇жхааяаг̇г̇ахан̣аад̣̇ийни агаронд̇з аажарияассзва санд̇агам̣ ход̇ийд̇и гад̇ваа вуд̇д̇ам̣. гаронд̇з бана анд̇зваасигасса санд̇агам̣ бхавзяяа саб̣б̣асо абарижжаж̇ид̇ваа д̣̇иннад̇д̇аа. сагасан̃н̃ааяа виж̇ж̇амаанад̇д̇аа ‘‘аахараабзд̇ум̣ ваддад̇ий’’д̇и вуд̇д̇ам̣ сияаа. дийгааяам̣ (саарад̇т̇а. дий. 2.635) бана ‘‘звам̣ д̣̇иннам̣ бхад̇исад̣̇исад̇д̇аа аахараабзд̇ум̣ ваддад̇ий’’д̇и вуд̇д̇ам̣. бхад̇исад̣̇исз сад̇иби гаммз гад̇з бхад̇и лад̣̇д̇хаб̣б̣аа ход̇и, д̇асмаа ааробзд̇ум̣ на ваддзяяа. вимад̇ивинод̣̇анияам̣ (ви. ви. дий. 1.635) бана ‘‘аахараабзд̇ум̣ ваддад̇ийд̇и гаммз агад̇з бхад̇исад̣̇исад̇д̇аа вуд̇д̇а’’нд̇и вуд̇д̇ам̣, д̇зна гаммз гад̇з аахараабзд̇ум̣ на ваддад̇ийд̇и сид̣̇д̇хам̣. убаж̇жхам̣ г̇ан̣хиссад̇ийд̇и сааман̣зрасса д̣̇аанам̣ д̣̇ийбзд̇и, д̇зна жа сааман̣зрагаалз д̣̇ад̇ваа убасамбаннагаалз ажчинд̣̇ад̇оби баажид̇д̇ияам̣ д̣̇ийбзд̇и. аяам̣ д̇аава д̣̇аанз винижчаяод̇и иминаа д̣̇аанавинижчаяаад̣̇ийнам̣ д̇ин̣н̣ам̣ винижчаяаанам̣ згабарижчзд̣̇агад̇абхаавам̣ д̣̇ийбзд̇и.
Mama santike…pe… evaṃ pana dātuṃ na vaṭṭatīti vatthupariccāgalakkhaṇattā dānassa evaṃ dadanto apariccajitvā dinnattā dānaṃ na hotīti na vaṭṭati, tato eva dukkaṭaṃ hoti. Āharāpetuṃ pana vaṭṭatīti pubbe ‘‘akarontassa na demī’’ti vuttattā yathāvuttaupajjhāyaggahaṇādīni akaronte ācariyasseva santakaṃ hotīti katvā vuttaṃ. Karonte pana antevāsikassa santakaṃ bhaveyya sabbaso apariccajitvā dinnattā. Sakasaññāya vijjamānattā ‘‘āharāpetuṃ vaṭṭatī’’ti vuttaṃ siyā. Ṭīkāyaṃ (sārattha. ṭī. 2.635) pana ‘‘evaṃ dinnaṃ bhatisadisattā āharāpetuṃ vaṭṭatī’’ti vuttaṃ. Bhatisadise satipi kamme kate bhati laddhabbā hoti, tasmā āropetuṃ na vaṭṭeyya. Vimativinodaniyaṃ (vi. vi. ṭī. 1.635) pana ‘‘āharāpetuṃ vaṭṭatīti kamme akate bhatisadisattā vutta’’nti vuttaṃ, tena kamme kate āharāpetuṃ na vaṭṭatīti siddhaṃ. Upajjhaṃ gaṇhissatīti sāmaṇerassa dānaṃ dīpeti, tena ca sāmaṇerakāle datvā upasampannakāle acchindatopi pācittiyaṃ dīpeti. Ayaṃ tāva dāne vinicchayoti iminā dānavinicchayādīnaṃ tiṇṇaṃ vinicchayānaṃ ekaparicchedakatabhāvaṃ dīpeti.
виссаасаг̇г̇аахалагкан̣авинижчаяагат̇аа
Vissāsaggāhalakkhaṇavinicchayakathā
70. анудтаанасзяяаа наама яааяа сзяяааяа саяид̇о яаава ж̇ийвид̇инд̣̇рияубажчзд̣̇ам̣ на баабун̣аад̇и, д̇аава вужжад̇и. д̣̇ад̣̇амаанзна жа мад̇агад̇ханам̣ д̇аава яз д̇асса д̇ханз иссараа г̇ахадтаа ваа баб̣б̣аж̇ид̇аа ваа, д̇зсам̣ д̣̇аад̇аб̣б̣анд̇и зд̇т̇а гз г̇ахадтаа гз баб̣б̣аж̇ид̇аа гзна гааран̣зна д̇асса д̇ханз иссараад̇и? г̇ахадтаа д̇аава г̇илаанубадтаагабхууд̇аа д̇зна гааран̣зна г̇илаанубадтаагабхааг̇абхууд̇з д̇асса д̇ханз иссараа, язсан̃жа ваан̣иж̇аанам̣ хад̇т̇ад̇о габбияагаарагзна бад̇д̇аад̣̇ибаригкааро г̇аахаабид̇о, д̇зсам̣ яам̣ д̣̇аад̇аб̣б̣амуулам̣, д̇з жа д̇асса д̇ханз иссараа, язсан̃жа маад̇аабид̇уунам̣ ад̇т̇ааяа барижчинд̣̇ид̇ваа вад̇т̇аани табид̇аани, д̇зби д̇асса д̇ханасса иссараа. звамаад̣̇инаа язна язна гааран̣зна яам̣ яам̣ баригкаарад̇ханам̣ язхи язхи г̇ахадтзхи лабхид̇аб̣б̣ам̣ ход̇и, д̇зна д̇зна гааран̣зна д̇з д̇з г̇ахадтаа д̇асса д̇асса д̇ханасса иссараа.
70.Anuṭṭhānaseyyā nāma yāya seyyāya sayito yāva jīvitindriyupacchedaṃ na pāpuṇāti, tāva vuccati. Dadamānena ca matakadhanaṃ tāva ye tassa dhane issarā gahaṭṭhā vā pabbajitā vā, tesaṃ dātabbanti ettha ke gahaṭṭhā ke pabbajitā kena kāraṇena tassa dhane issarāti? Gahaṭṭhā tāva gilānupaṭṭhākabhūtā tena kāraṇena gilānupaṭṭhākabhāgabhūte tassa dhane issarā, yesañca vāṇijānaṃ hatthato kappiyakārakena pattādiparikkhāro gāhāpito, tesaṃ yaṃ dātabbamūlaṃ, te ca tassa dhane issarā, yesañca mātāpitūnaṃ atthāya paricchinditvā vatthāni ṭhapitāni, tepi tassa dhanassa issarā. Evamādinā yena yena kāraṇena yaṃ yaṃ parikkhāradhanaṃ yehi yehi gahaṭṭhehi labhitabbaṃ hoti, tena tena kāraṇena te te gahaṭṭhā tassa tassa dhanassa issarā.
баб̣б̣аж̇ид̇аа бана б̣аахирагаа д̇ат̇зва сад̇и гааран̣з иссараа. бан̃жасу бана сахад̇хаммигзсу бхигкуу сааман̣зраа жа мад̇аанам̣ бхигкусааман̣зраанам̣ д̇ханам̣ винааби гааран̣зна д̣̇ааяаад̣̇абхаавзна лабханд̇и, на ид̇араа. бхигкунийсигкамаанасааман̣зрийнамби д̇ханам̣ д̇ааязва лабханд̇и, на ид̇арз. д̇ам̣ бана мад̇агад̇ханабхааж̇анам̣ жад̇убажжаяабхааж̇анавинижчаяз аави бхависсад̇и, б̣ахуу бана винаяад̇харад̇т̇зраа ‘‘яз д̇асса д̇ханасса иссараа г̇ахадтаа ваа баб̣б̣аж̇ид̇аа ваа’’д̇и баатам̣ ниссааяа ‘‘мад̇абхигкусса д̇ханам̣ г̇ахадтабхууд̇аа н̃аад̇агаа лабханд̇ий’’д̇и винижчинанд̇и, д̇амби винижчаяам̣ д̇асса жа яуд̇д̇ааяуд̇д̇абхаавам̣ д̇ад̇т̇зва вагкаама.
Pabbajitā pana bāhirakā tatheva sati kāraṇe issarā. Pañcasu pana sahadhammikesu bhikkhū sāmaṇerā ca matānaṃ bhikkhusāmaṇerānaṃ dhanaṃ vināpi kāraṇena dāyādabhāvena labhanti, na itarā. Bhikkhunīsikkhamānasāmaṇerīnampi dhanaṃ tāyeva labhanti, na itare. Taṃ pana matakadhanabhājanaṃ catupaccayabhājanavinicchaye āvi bhavissati, bahū pana vinayadharattherā ‘‘ye tassa dhanassa issarā gahaṭṭhā vā pabbajitā vā’’ti pāṭhaṃ nissāya ‘‘matabhikkhussa dhanaṃ gahaṭṭhabhūtā ñātakā labhantī’’ti vinicchinanti, tampi vinicchayaṃ tassa ca yuttāyuttabhāvaṃ tattheva vakkhāma.
анад̇д̇аманасса санд̇аганд̇и ‘‘д̣̇удту гад̇ам̣ д̇аяаа маяаа ад̣̇иннам̣ мама санд̇агам̣ г̇ан̣ханд̇знаа’’д̇и важийбхзд̣̇зна ваа жид̇д̇уббаад̣̇амад̇д̇зна ваа д̣̇оманассаббад̇д̇асса санд̇агам̣. яо бана батамам̣язва ‘‘судту гад̇ам̣ д̇аяаа мама санд̇агам̣ г̇ан̣ханд̇знаа’’д̇и важийбхзд̣̇зна ваа жид̇д̇уббаад̣̇амад̇д̇зна ваа анумод̣̇ид̇ваа бажчаа гзнажи гааран̣зна губид̇о, бажжаахараабзд̇ум̣ на лабхад̇и. яоби ад̣̇аад̇угаамо, жид̇д̇зна бана ад̇хиваасзд̇и, на гин̃жи вад̣̇ад̇ийд̇и зд̇т̇а д̇у бораан̣адийгааяам̣ (саарад̇т̇а. дий. 2.131) ‘‘жид̇д̇зна бана ад̇хиваасзд̇ийд̇и вуд̇д̇амзвад̇т̇ам̣ вибхаавзд̇ум̣ ‘на гин̃жи вад̣̇ад̇ий’д̇и вуд̇д̇а’’нд̇и вуд̇д̇ам̣. звам̣ сад̇и ‘‘жид̇д̇знаа’’д̇и ид̣̇ам̣ ад̇хиваасанагирияааяа гаран̣ам̣ ход̇и. ад̣̇аад̇угаамод̇и зд̇т̇ааби д̇амзва гаран̣ам̣ сияаа, д̇ад̇о ‘‘жид̇д̇зна ад̣̇аад̇угаамо, жид̇д̇зна ад̇хиваасзд̇ий’’д̇иважанам̣ ожид̇яасамбосагам̣ на бхавзяяа. д̇ам̣ табзд̇ваа ‘‘ад̣̇аад̇угаамо’’д̇и зд̇т̇а гааязнаад̇и ваа ваажааяаад̇и ваа ан̃н̃ам̣ гаран̣амби на самбхавад̇и, д̇ад̣̇асамбхавз сад̇и висзсад̇т̇аваажаго бана-сад̣̇д̣̇оби нирад̇т̇аго. на гин̃жи вад̣̇ад̇ийд̇и зд̇т̇а д̇у вад̣̇анагирияааяа гаран̣ам̣ ‘‘ваажааяаа’’д̇и бад̣̇ам̣ ижчид̇аб̣б̣ам̣, д̇ат̇аа жа сад̇и ан̃н̃ам̣ ад̇хиваасанагирияааяа гаран̣ам̣, ан̃н̃ам̣ вад̣̇анагирияааяа гаран̣ам̣, ан̃н̃аа ад̇хиваасанагирияаа, ан̃н̃аа вад̣̇анагирияаа, д̇асмаа ‘‘вуд̇д̇амзвад̇т̇ам̣ вибхаавзд̇у’’нд̇и вад̇д̇ум̣ на арахад̇и, д̇асмаа яоби жид̇д̇зна ад̣̇аад̇угаамо ход̇и, бана д̇ат̇ааби ваажааяа ад̇хиваасзд̇и, на гин̃жи вад̣̇ад̇ийд̇и яож̇анам̣ гад̇ваа бана ‘‘ад̇хиваасзд̇ийд̇и вуд̇д̇амзвад̇т̇ам̣ багаасзд̇ум̣ на гин̃жи вад̣̇ад̇ийд̇и вуд̇д̇а’’нд̇и вад̇д̇умарахад̇и. зд̇т̇а д̇у бана-сад̣̇д̣̇о аружилагкан̣асуужанад̇т̇о. ‘‘жид̇д̇знаа’’д̇и ид̣̇ам̣ ад̣̇аад̇угаамагирияааяа гаран̣ам̣, ‘‘ваажааяаа’’д̇и ад̇хиваасанагирияааяа авад̣̇анагирияааяа жа гаран̣ам̣. ад̇хиваасанагирияаа жа авад̣̇анагирияааязва . ‘‘ад̇хиваасзд̇ий’’д̇и вуд̇д̇з авад̣̇анагирияааяа абаагадабхаавад̇о д̇ам̣ багаасзд̇ум̣ ‘‘на гин̃жи вад̣̇ад̇ий’’д̇и вуд̇д̇ам̣, звам̣ г̇аяхамаанз буб̣б̣аабараважанад̇т̇о ожид̇яасамбосаго сияаа, д̇асмаа зд̇д̇агавиварзхи вижаарзд̇ваа г̇ахзд̇аб̣б̣од̇и.
Anattamanassa santakanti ‘‘duṭṭhu kataṃ tayā mayā adinnaṃ mama santakaṃ gaṇhantenā’’ti vacībhedena vā cittuppādamattena vā domanassappattassa santakaṃ. Yo pana paṭhamaṃyeva ‘‘suṭṭhu kataṃ tayā mama santakaṃ gaṇhantenā’’ti vacībhedena vā cittuppādamattena vā anumoditvā pacchā kenaci kāraṇena kupito, paccāharāpetuṃ na labhati. Yopi adātukāmo, cittena pana adhivāseti, na kiñci vadatīti ettha tu porāṇaṭīkāyaṃ (sārattha. ṭī. 2.131) ‘‘cittena pana adhivāsetīti vuttamevatthaṃ vibhāvetuṃ ‘na kiñci vadatī’ti vutta’’nti vuttaṃ. Evaṃ sati ‘‘cittenā’’ti idaṃ adhivāsanakiriyāya karaṇaṃ hoti. Adātukāmoti etthāpi tameva karaṇaṃ siyā, tato ‘‘cittena adātukāmo, cittena adhivāsetī’’tivacanaṃ ocityasamposakaṃ na bhaveyya. Taṃ ṭhapetvā ‘‘adātukāmo’’ti ettha kāyenāti vā vācāyāti vā aññaṃ karaṇampi na sambhavati, tadasambhave sati visesatthavācako pana-saddopi niratthako. Na kiñci vadatīti ettha tu vadanakiriyāya karaṇaṃ ‘‘vācāyā’’ti padaṃ icchitabbaṃ, tathā ca sati aññaṃ adhivāsanakiriyāya karaṇaṃ, aññaṃ vadanakiriyāya karaṇaṃ, aññā adhivāsanakiriyā, aññā vadanakiriyā, tasmā ‘‘vuttamevatthaṃ vibhāvetu’’nti vattuṃ na arahati, tasmā yopi cittena adātukāmo hoti, pana tathāpi vācāya adhivāseti, na kiñci vadatīti yojanaṃ katvā pana ‘‘adhivāsetīti vuttamevatthaṃ pakāsetuṃ na kiñci vadatīti vutta’’nti vattumarahati. Ettha tu pana-saddo arucilakkhaṇasūcanattho. ‘‘Cittenā’’ti idaṃ adātukāmakiriyāya karaṇaṃ, ‘‘vācāyā’’ti adhivāsanakiriyāya avadanakiriyāya ca karaṇaṃ. Adhivāsanakiriyā ca avadanakiriyāyeva . ‘‘Adhivāsetī’’ti vutte avadanakiriyāya apākaṭabhāvato taṃ pakāsetuṃ ‘‘na kiñci vadatī’’ti vuttaṃ, evaṃ gayhamāne pubbāparavacanattho ocityasamposako siyā, tasmā ettakavivarehi vicāretvā gahetabboti.
лаабхабарин̣ааманавинижчаяагат̇аа
Lābhapariṇāmanavinicchayakathā
71. лаабхабарин̣ааманавинижчаяз д̇умхаагам̣ саббиаад̣̇ийни аабхад̇аанийд̇и д̇умхаагам̣ ад̇т̇ааяа аабхад̇аани саббиаад̣̇ийни. барин̣ад̇абхаавам̣ ж̇аанид̇вааби вуд̇д̇авид̇хинаа вин̃н̃аабзнд̇зна д̇зсам̣ санд̇агамзва вин̃н̃аабид̇ам̣ наама ход̇ийд̇и ааха ‘‘маяхамби д̣̇зт̇аад̇и вад̣̇ад̇и, ваддад̇ий’’д̇и.
71. Lābhapariṇāmanavinicchaye tumhākaṃ sappiādīni ābhatānīti tumhākaṃ atthāya ābhatāni sappiādīni. Pariṇatabhāvaṃ jānitvāpi vuttavidhinā viññāpentena tesaṃ santakameva viññāpitaṃ nāma hotīti āha ‘‘mayhampi dethāti vadati, vaṭṭatī’’ti.
‘‘бубпамби ааробзд̇ум̣ на ваддад̇ийд̇и ид̣̇ам̣ барин̣ад̇ам̣ санд̇хааяа вуд̇д̇ам̣, сажз бана згасмим̣ жзд̇ияз бууж̇ид̇ам̣ бубпам̣ г̇ахзд̇ваа ан̃н̃асмим̣ жзд̇ияз бууж̇зд̇и, ваддад̇ий’’д̇и саарад̇т̇ад̣̇ийбанияам̣ (саарад̇т̇а. дий. 2.660) вуд̇д̇ам̣. адтагат̇ааяам̣ (баараа. адта. 2.660) бана нияамзд̇ваа ‘‘ан̃н̃асса жзд̇ияасса ад̇т̇ааяа робид̇амаалааважчад̇о’’д̇и вуд̇д̇ад̇д̇аа на гзвалам̣ барин̣ад̇абхаавоязва гат̇ид̇о, ат̇а ко нияамзд̇ваа робид̇абхаавоби. бубпамбийд̇и би-сад̣̇д̣̇зна гуд̇о маалааважчанд̇и д̣̇ассзд̇и. вимад̇ивинод̣̇анияам̣ (ви. ви. дий. 1.660) бана ‘‘робид̇амаалааважчад̇од̇и гзнажи нияамзд̇ваа робид̇ам̣ санд̇хааяа вуд̇д̇ам̣, аножид̇ам̣ милааяамаанам̣ ожинид̇ваа яад̇т̇а гад̇т̇ажи бууж̇зд̇ум̣ ваддад̇ий’’д̇и вуд̇д̇ам̣. тид̇ам̣ д̣̇исваад̇и сзсагам̣ г̇ахзд̇ваа тид̇ам̣ д̣̇исваа. имасса сунакасса маа д̣̇зхи, зд̇асса д̣̇зхийд̇и ид̣̇ам̣ барин̣ад̇зязва, д̇иражчаанаг̇ад̇асса барижжаж̇ид̇ваа д̣̇иннз бана д̇ам̣ балаабзд̇ваа ан̃н̃ам̣ бхун̃ж̇аабзд̇ум̣ ваддад̇и, д̇асмаа ‘‘гад̇т̇а д̣̇змаад̇иаад̣̇инаа згзнаагаарзна анаабад̇д̇и д̣̇ассид̇аа. звам̣ бана абужчид̇зби ‘абарин̣ад̇ам̣ ид̣̇а’нд̇и ж̇аананд̇зна ад̇д̇ано ружияаа яад̇т̇а ижчад̇и, д̇ад̇т̇а д̣̇аабзд̇ум̣ ваддад̇ий’’д̇и д̇ийсуби г̇ан̣тибад̣̇зсу вуд̇д̇ам̣. яад̇т̇а ижчат̇а, д̇ад̇т̇а д̣̇зт̇аад̇и зд̇т̇ааби ‘‘д̇умхаагам̣ ружияаа’’д̇и вуд̇д̇ад̇д̇аа яад̇т̇а ижчад̇и, д̇ад̇т̇а д̣̇аабзд̇ум̣ лабхад̇и.
‘‘Pupphampi āropetuṃ na vaṭṭatīti idaṃ pariṇataṃ sandhāya vuttaṃ, sace pana ekasmiṃ cetiye pūjitaṃ pupphaṃ gahetvā aññasmiṃ cetiye pūjeti, vaṭṭatī’’ti sāratthadīpaniyaṃ (sārattha. ṭī. 2.660) vuttaṃ. Aṭṭhakathāyaṃ (pārā. aṭṭha. 2.660) pana niyametvā ‘‘aññassa cetiyassa atthāya ropitamālāvacchato’’ti vuttattā na kevalaṃ pariṇatabhāvoyeva kathito, atha kho niyametvā ropitabhāvopi. Pupphampīti pi-saddena kuto mālāvacchanti dasseti. Vimativinodaniyaṃ (vi. vi. ṭī. 1.660) pana ‘‘ropitamālāvacchatoti kenaci niyametvā ropitaṃ sandhāya vuttaṃ, anocitaṃ milāyamānaṃ ocinitvā yattha katthaci pūjetuṃ vaṭṭatī’’ti vuttaṃ. Ṭhitaṃ disvāti sesakaṃ gahetvā ṭhitaṃ disvā. Imassa sunakhassa mā dehi, etassa dehīti idaṃ pariṇateyeva, tiracchānagatassa pariccajitvā dinne pana taṃ palāpetvā aññaṃ bhuñjāpetuṃ vaṭṭati, tasmā ‘‘kattha demātiādinā ekenākārena anāpatti dassitā. Evaṃ pana apucchitepi ‘apariṇataṃ ida’nti jānantena attano ruciyā yattha icchati, tattha dāpetuṃ vaṭṭatī’’ti tīsupi gaṇṭhipadesu vuttaṃ. Yattha icchatha, tattha dethāti etthāpi ‘‘tumhākaṃ ruciyā’’ti vuttattā yattha icchati, tattha dāpetuṃ labhati.
бариваарз (бари. адта. 329) бана нава ад̇хаммигаани д̣̇аанаанийд̇и сан̇гхасса барин̣ад̇ам̣ ан̃н̃асан̇гхасса ваа жзд̇ияасса ваа буг̇г̇аласса ваа барин̣аамзд̇и, жзд̇ияасса барин̣ад̇ам̣ ан̃н̃ажзд̇ияасса ваа сан̇гхасса ваа буг̇г̇аласса ваа барин̣аамзд̇и, буг̇г̇аласса барин̣ад̇ам̣ ан̃н̃абуг̇г̇аласса ваа сан̇гхасса ваа жзд̇ияасса ваа барин̣аамзд̇ийд̇и звам̣ вуд̇д̇аани. нава бадиг̇г̇ахаа барибхог̇аа жаад̇и зд̇зсам̣язва д̣̇аанаанам̣ бадиг̇г̇ахаа жа барибхог̇аа жа. д̇ийн̣и д̇хаммигаани д̣̇аанаанийд̇и сан̇гхасса ниннам̣ сан̇гхассзва д̣̇зд̇и, жзд̇ияасса ниннам̣ жзд̇ияассзва д̣̇зд̇и, буг̇г̇аласса ниннам̣ буг̇г̇алассзва д̣̇зд̇ийд̇и имаани д̇ийн̣и. бадиг̇г̇ахабадибхог̇ааби д̇зсам̣язва бадиг̇г̇ахаа жа барибхог̇аа жаад̇и ааг̇ад̇ам̣.
Parivāre (pari. aṭṭha. 329) pana nava adhammikāni dānānīti saṅghassa pariṇataṃ aññasaṅghassa vā cetiyassa vā puggalassa vā pariṇāmeti, cetiyassa pariṇataṃ aññacetiyassa vā saṅghassa vā puggalassa vā pariṇāmeti, puggalassa pariṇataṃ aññapuggalassa vā saṅghassa vā cetiyassa vā pariṇāmetīti evaṃ vuttāni. Nava paṭiggahā paribhogācāti etesaṃyeva dānānaṃ paṭiggahā ca paribhogā ca. Tīṇi dhammikāni dānānīti saṅghassa ninnaṃ saṅghasseva deti, cetiyassa ninnaṃ cetiyasseva deti, puggalassa ninnaṃ puggalasseva detīti imāni tīṇi. Paṭiggahapaṭibhogāpi tesaṃyeva paṭiggahā ca paribhogā cāti āgataṃ.
ид̇и винаяасан̇г̇ахасам̣ван̣н̣анаабхууд̇з винаяаалан̇гаарз
Iti vinayasaṅgahasaṃvaṇṇanābhūte vinayālaṅkāre
д̣̇ааналагкан̣аад̣̇ивинижчаяагат̇аалан̇гааро наама
Dānalakkhaṇādivinicchayakathālaṅkāro nāma
д̇зрасамо барижчзд̣̇о.
Terasamo paricchedo.
