| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа • Aṅguttaranikāya |
9. д̣̇аанамахабпаласуд̇д̇ам̣
9. Dānamahapphalasuttaṃ
52. згам̣ самаяам̣ бхаг̇аваа жамбааяам̣ вихарад̇и г̇аг̇г̇арааяа богкаран̣ияаа д̇ийрз. ат̇а ко самб̣ахулаа жамбзяяагаа убаасагаа язна ааяасмаа саарибуд̇д̇о д̇знубасан̇гамим̣су; убасан̇гамид̇ваа ааяасманд̇ам̣ саарибуд̇д̇ам̣ абхиваад̣̇зд̇ваа згаманд̇ам̣ нисийд̣̇им̣су. згаманд̇ам̣ нисиннаа ко жамбзяяагаа убаасагаа ааяасманд̇ам̣ саарибуд̇д̇ам̣ зд̇ад̣̇авожум̣ – ‘‘жирассуд̇аа но, бханд̇з 1, бхаг̇авад̇о саммукаа д̇хаммийгат̇аа. саад̇ху маяам̣, бханд̇з, лабхзяяаама бхаг̇авад̇о саммукаа д̇хаммим̣ гат̇ам̣ 2 саванааяаа’’д̇и. ‘‘д̇знахаавусо, д̇ад̣̇ахубосат̇з ааг̇ажчзяяаат̇а, аббзва наама лабхзяяаат̇а бхаг̇авад̇о саммукаа 3 д̇хаммим̣ гат̇ам̣ саванааяаа’’д̇и. ‘‘звам̣, бханд̇з’’д̇и ко жамбзяяагаа убаасагаа ааяасмад̇о саарибуд̇д̇асса бадиссуд̇ваа удтааяаасанаа ааяасманд̇ам̣ саарибуд̇д̇ам̣ абхиваад̣̇зд̇ваа бад̣̇агкин̣ам̣ гад̇ваа баггамим̣су.
52. Ekaṃ samayaṃ bhagavā campāyaṃ viharati gaggarāya pokkharaṇiyā tīre. Atha kho sambahulā campeyyakā upāsakā yena āyasmā sāriputto tenupasaṅkamiṃsu; upasaṅkamitvā āyasmantaṃ sāriputtaṃ abhivādetvā ekamantaṃ nisīdiṃsu. Ekamantaṃ nisinnā kho campeyyakā upāsakā āyasmantaṃ sāriputtaṃ etadavocuṃ – ‘‘cirassutā no, bhante 4, bhagavato sammukhā dhammīkathā. Sādhu mayaṃ, bhante, labheyyāma bhagavato sammukhā dhammiṃ kathaṃ 5 savanāyā’’ti. ‘‘Tenahāvuso, tadahuposathe āgaccheyyātha, appeva nāma labheyyātha bhagavato sammukhā 6 dhammiṃ kathaṃ savanāyā’’ti. ‘‘Evaṃ, bhante’’ti kho campeyyakā upāsakā āyasmato sāriputtassa paṭissutvā uṭṭhāyāsanā āyasmantaṃ sāriputtaṃ abhivādetvā padakkhiṇaṃ katvā pakkamiṃsu.
ат̇а ко жамбзяяагаа убаасагаа д̇ад̣̇ахубосат̇з язнааяасмаа саарибуд̇д̇о д̇знубасан̇гамим̣су; убасан̇гамид̇ваа ааяасманд̇ам̣ саарибуд̇д̇ам̣ абхиваад̣̇зд̇ваа згаманд̇ам̣ адтам̣су. ат̇а ко ааяасмаа саарибуд̇д̇о д̇зхи жамбзяяагзхи убаасагзхи сад̣̇д̇хим̣ язна бхаг̇аваа д̇знубасан̇гами; убасан̇гамид̇ваа бхаг̇аванд̇ам̣ абхиваад̣̇зд̇ваа згаманд̇ам̣ нисийд̣̇и. згаманд̇ам̣ нисинно ко ааяасмаа саарибуд̇д̇о бхаг̇аванд̇ам̣ зд̇ад̣̇авожа –
Atha kho campeyyakā upāsakā tadahuposathe yenāyasmā sāriputto tenupasaṅkamiṃsu; upasaṅkamitvā āyasmantaṃ sāriputtaṃ abhivādetvā ekamantaṃ aṭṭhaṃsu. Atha kho āyasmā sāriputto tehi campeyyakehi upāsakehi saddhiṃ yena bhagavā tenupasaṅkami; upasaṅkamitvā bhagavantaṃ abhivādetvā ekamantaṃ nisīdi. Ekamantaṃ nisinno kho āyasmā sāriputto bhagavantaṃ etadavoca –
‘‘сияаа ну ко, бханд̇з, ид̇хзгажжасса д̇аад̣̇исам̣язва д̣̇аанам̣ д̣̇иннам̣ на махабпалам̣ ход̇и на махаанисам̣сам̣; сияаа бана, бханд̇з, ид̇хзгажжасса д̇аад̣̇исам̣язва д̣̇аанам̣ д̣̇иннам̣ махабпалам̣ ход̇и махаанисам̣са’’нд̇и? ‘‘сияаа, саарибуд̇д̇а, ид̇хзгажжасса д̇аад̣̇исам̣язва д̣̇аанам̣ д̣̇иннам̣ на махабпалам̣ ход̇и на махаанисам̣сам̣; сияаа бана, саарибуд̇д̇а, ид̇хзгажжасса д̇аад̣̇исам̣язва д̣̇аанам̣ д̣̇иннам̣ махабпалам̣ ход̇и махаанисам̣са’’нд̇и. ‘‘го ну ко, бханд̇з, хзд̇у го бажжаяо язна мид̇хзгажжасса д̇аад̣̇исам̣язва д̣̇аанам̣ д̣̇иннам̣ на махабпалам̣ ход̇и на махаанисам̣сам̣; го ну ко, бханд̇з, хзд̇у го бажжаяо язна мид̇хзгажжасса д̇аад̣̇исам̣язва д̣̇аанам̣ д̣̇иннам̣ махабпалам̣ ход̇и махаанисам̣са’’нд̇и?
‘‘Siyā nu kho, bhante, idhekaccassa tādisaṃyeva dānaṃ dinnaṃ na mahapphalaṃ hoti na mahānisaṃsaṃ; siyā pana, bhante, idhekaccassa tādisaṃyeva dānaṃ dinnaṃ mahapphalaṃ hoti mahānisaṃsa’’nti? ‘‘Siyā, sāriputta, idhekaccassa tādisaṃyeva dānaṃ dinnaṃ na mahapphalaṃ hoti na mahānisaṃsaṃ; siyā pana, sāriputta, idhekaccassa tādisaṃyeva dānaṃ dinnaṃ mahapphalaṃ hoti mahānisaṃsa’’nti. ‘‘Ko nu kho, bhante, hetu ko paccayo yena midhekaccassa tādisaṃyeva dānaṃ dinnaṃ na mahapphalaṃ hoti na mahānisaṃsaṃ; ko nu kho, bhante, hetu ko paccayo yena midhekaccassa tādisaṃyeva dānaṃ dinnaṃ mahapphalaṃ hoti mahānisaṃsa’’nti?
‘‘ид̇ха, саарибуд̇д̇а, згажжо саабзко 7 д̣̇аанам̣ д̣̇зд̇и, бад̇иб̣ад̣̇д̇хажид̇д̇о 8 д̣̇аанам̣ д̣̇зд̇и, саннид̇хибзко д̣̇аанам̣ д̣̇зд̇и, ‘имам̣ бзжжа барибхун̃ж̇иссаамий’д̇и д̣̇аанам̣ д̣̇зд̇и. со д̇ам̣ д̣̇аанам̣ д̣̇зд̇и саман̣асса ваа б̣раахман̣асса ваа аннам̣ баанам̣ вад̇т̇ам̣ яаанам̣ маалааг̇анд̇хавилзбанам̣ сзяяаавасат̇абад̣̇ийбзяяам̣. д̇ам̣ гим̣ ман̃н̃аси, саарибуд̇д̇а, д̣̇ад̣̇зяяа ид̇хзгажжо зваруубам̣ д̣̇аана’’нд̇и? ‘‘звам̣, бханд̇з’’.
‘‘Idha, sāriputta, ekacco sāpekho 9 dānaṃ deti, patibaddhacitto 10 dānaṃ deti, sannidhipekho dānaṃ deti, ‘imaṃ pecca paribhuñjissāmī’ti dānaṃ deti. So taṃ dānaṃ deti samaṇassa vā brāhmaṇassa vā annaṃ pānaṃ vatthaṃ yānaṃ mālāgandhavilepanaṃ seyyāvasathapadīpeyyaṃ. Taṃ kiṃ maññasi, sāriputta, dadeyya idhekacco evarūpaṃ dāna’’nti? ‘‘Evaṃ, bhante’’.
‘‘д̇ад̇ра, саарибуд̇д̇а, явааяам̣ саабзко д̣̇аанам̣ д̣̇зд̇и , бад̇иб̣ад̣̇д̇хажид̇д̇о д̣̇аанам̣ д̣̇зд̇и, саннид̇хибзко д̣̇аанам̣ д̣̇зд̇и, ‘имам̣ бзжжа барибхун̃ж̇иссаамий’д̇и д̣̇аанам̣ д̣̇зд̇и. со д̇ам̣ д̣̇аанам̣ д̣̇ад̇ваа гааяасса бхзд̣̇аа барам̣ маран̣аа жаад̇умахаарааж̇игаанам̣ д̣̇зваанам̣ сахаб̣яад̇ам̣ убабаж̇ж̇ад̇и. со д̇ам̣ гаммам̣ кзбзд̇ваа д̇ам̣ ид̣̇д̇хим̣ д̇ам̣ яасам̣ д̇ам̣ аад̇хибажжам̣ ааг̇аамий ход̇и ааг̇анд̇аа ид̇т̇ад̇д̇ам̣.
‘‘Tatra, sāriputta, yvāyaṃ sāpekho dānaṃ deti , patibaddhacitto dānaṃ deti, sannidhipekho dānaṃ deti, ‘imaṃ pecca paribhuñjissāmī’ti dānaṃ deti. So taṃ dānaṃ datvā kāyassa bhedā paraṃ maraṇā cātumahārājikānaṃ devānaṃ sahabyataṃ upapajjati. So taṃ kammaṃ khepetvā taṃ iddhiṃ taṃ yasaṃ taṃ ādhipaccaṃ āgāmī hoti āgantā itthattaṃ.
‘‘ид̇ха бана, саарибуд̇д̇а, згажжо на хзва ко саабзко д̣̇аанам̣ д̣̇зд̇и, на бад̇иб̣ад̣̇д̇хажид̇д̇о д̣̇аанам̣ д̣̇зд̇и, на саннид̇хибзко д̣̇аанам̣ д̣̇зд̇и, на ‘имам̣ бзжжа барибхун̃ж̇иссаамий’д̇и д̣̇аанам̣ д̣̇зд̇и; аби жа ко ‘сааху д̣̇аана’нд̇и д̣̇аанам̣ д̣̇зд̇и…бз… наби ‘сааху д̣̇аана’нд̇и д̣̇аанам̣ д̣̇зд̇и; аби жа ко ‘д̣̇иннабуб̣б̣ам̣ гад̇абуб̣б̣ам̣ бид̇убид̇аамахзхи на арахаами бораан̣ам̣ гулавам̣сам̣ хаабзд̇у’нд̇и д̣̇аанам̣ д̣̇зд̇и…бз… наби ‘д̣̇иннабуб̣б̣ам̣ гад̇абуб̣б̣ам̣ бид̇убид̇аамахзхи на арахаами бораан̣ам̣ гулавам̣сам̣ хаабзд̇у’нд̇и д̣̇аанам̣ д̣̇зд̇и; аби жа ко ‘ахам̣ бажаами, имз на бажанд̇и, наарахаами бажанд̇о абажанд̇аанам̣ д̣̇аанам̣ ад̣̇аад̇у’нд̇и д̣̇аанам̣ д̣̇зд̇и…бз… наби ‘ахам̣ бажаами, имз на бажанд̇и, наарахаами бажанд̇о абажанд̇аанам̣ д̣̇аанам̣ ад̣̇аад̇у’нд̇и д̣̇аанам̣ д̣̇зд̇и; аби жа ко ‘яат̇аа д̇зсам̣ буб̣б̣агаанам̣ исийнам̣ д̇аани махааяан̃н̃аани ахзсум̣, сзяяат̇ид̣̇ам̣ – адтагасса ваамагасса ваамад̣̇звасса взссаамид̇д̇асса яамад̣̇аг̇г̇ино ан̇г̇ийрасасса бхаарад̣̇вааж̇асса ваасздтасса гассабасса бхаг̇уно, звам̣ мз аяам̣ д̣̇аанасам̣вибхааг̇о бхависсад̇ий’д̇и д̣̇аанам̣ д̣̇зд̇и…бз… наби ‘яат̇аа д̇зсам̣ буб̣б̣агаанам̣ исийнам̣ д̇аани махааяан̃н̃аани ахзсум̣, сзяяат̇ид̣̇ам̣ – адтагасса ваамагасса ваамад̣̇звасса взссаамид̇д̇асса яамад̣̇аг̇г̇ино ан̇г̇ийрасасса бхаарад̣̇вааж̇асса ваасздтасса гассабасса бхаг̇уно, звам̣ мз аяам̣ д̣̇аанасам̣вибхааг̇о бхависсад̇ий’д̇и д̣̇аанам̣ д̣̇зд̇и; аби жа ко ‘имам̣ мз д̣̇аанам̣ д̣̇ад̣̇ад̇о жид̇д̇ам̣ басийд̣̇ад̇и, ад̇д̇аманад̇аа соманассам̣ убаж̇ааяад̇ий’д̇и д̣̇аанам̣ д̣̇зд̇и…бз… наби ‘имам̣ мз д̣̇аанам̣ д̣̇ад̣̇ад̇о жид̇д̇ам̣ басийд̣̇ад̇и, ад̇д̇аманад̇аа соманассам̣ убаж̇ааяад̇ий’д̇и д̣̇аанам̣ д̣̇зд̇и; аби жа ко жид̇д̇аалан̇гааражид̇д̇абаригкаарам̣ д̣̇аанам̣ д̣̇зд̇и. со д̇ам̣ д̣̇аанам̣ д̣̇зд̇и саман̣асса ваа б̣раахман̣асса ваа аннам̣ баанам̣ вад̇т̇ам̣ яаанам̣ маалааг̇анд̇хавилзбанам̣ сзяяаавасат̇абад̣̇ийбзяяам̣. д̇ам̣ гим̣ ман̃н̃аси, саарибуд̇д̇а, д̣̇ад̣̇зяяа ид̇хзгажжо зваруубам̣ д̣̇аана’’нд̇и? ‘‘звам̣, бханд̇з’’.
‘‘Idha pana, sāriputta, ekacco na heva kho sāpekho dānaṃ deti, na patibaddhacitto dānaṃ deti, na sannidhipekho dānaṃ deti, na ‘imaṃ pecca paribhuñjissāmī’ti dānaṃ deti; api ca kho ‘sāhu dāna’nti dānaṃ deti…pe… napi ‘sāhu dāna’nti dānaṃ deti; api ca kho ‘dinnapubbaṃ katapubbaṃ pitupitāmahehi na arahāmi porāṇaṃ kulavaṃsaṃ hāpetu’nti dānaṃ deti…pe… napi ‘dinnapubbaṃ katapubbaṃ pitupitāmahehi na arahāmi porāṇaṃ kulavaṃsaṃ hāpetu’nti dānaṃ deti; api ca kho ‘ahaṃ pacāmi, ime na pacanti, nārahāmi pacanto apacantānaṃ dānaṃ adātu’nti dānaṃ deti…pe… napi ‘ahaṃ pacāmi, ime na pacanti, nārahāmi pacanto apacantānaṃ dānaṃ adātu’nti dānaṃ deti; api ca kho ‘yathā tesaṃ pubbakānaṃ isīnaṃ tāni mahāyaññāni ahesuṃ, seyyathidaṃ – aṭṭhakassa vāmakassa vāmadevassa vessāmittassa yamadaggino aṅgīrasassa bhāradvājassa vāseṭṭhassa kassapassa bhaguno, evaṃ me ayaṃ dānasaṃvibhāgo bhavissatī’ti dānaṃ deti…pe… napi ‘yathā tesaṃ pubbakānaṃ isīnaṃ tāni mahāyaññāni ahesuṃ, seyyathidaṃ – aṭṭhakassa vāmakassa vāmadevassa vessāmittassa yamadaggino aṅgīrasassa bhāradvājassa vāseṭṭhassa kassapassa bhaguno, evaṃ me ayaṃ dānasaṃvibhāgo bhavissatī’ti dānaṃ deti; api ca kho ‘imaṃ me dānaṃ dadato cittaṃ pasīdati, attamanatā somanassaṃ upajāyatī’ti dānaṃ deti…pe… napi ‘imaṃ me dānaṃ dadato cittaṃ pasīdati, attamanatā somanassaṃ upajāyatī’ti dānaṃ deti; api ca kho cittālaṅkāracittaparikkhāraṃ dānaṃ deti. So taṃ dānaṃ deti samaṇassa vā brāhmaṇassa vā annaṃ pānaṃ vatthaṃ yānaṃ mālāgandhavilepanaṃ seyyāvasathapadīpeyyaṃ. Taṃ kiṃ maññasi, sāriputta, dadeyya idhekacco evarūpaṃ dāna’’nti? ‘‘Evaṃ, bhante’’.
‘‘д̇ад̇ра, саарибуд̇д̇а, явааяам̣ на хзва 11 саабзко д̣̇аанам̣ д̣̇зд̇и; на бад̇иб̣ад̣̇д̇хажид̇д̇о д̣̇аанам̣ д̣̇зд̇и; на саннид̇хибзко д̣̇аанам̣ д̣̇зд̇и; на ‘имам̣ бзжжа барибхун̃ж̇иссаамий’д̇и д̣̇аанам̣ д̣̇зд̇и; наби ‘сааху д̣̇аана’нд̇и д̣̇аанам̣ д̣̇зд̇и; наби ‘д̣̇иннабуб̣б̣ам̣ гад̇абуб̣б̣ам̣ бид̇убид̇аамахзхи на арахаами бораан̣ам̣ гулавам̣сам̣ хаабзд̇у’нд̇и д̣̇аанам̣ д̣̇зд̇и; наби ‘ахам̣ бажаами, имз на бажанд̇и, наарахаами бажанд̇о абажанд̇аанам̣ д̣̇аанам̣ ад̣̇аад̇у’нд̇и д̣̇аанам̣ д̣̇зд̇и; наби ‘яат̇аа д̇зсам̣ буб̣б̣агаанам̣ исийнам̣ д̇аани махааяан̃н̃аани ахзсум̣, сзяяат̇ид̣̇ам̣ – адтагасса ваамагасса ваамад̣̇звасса взссаамид̇д̇асса яамад̣̇аг̇г̇ино ан̇г̇ийрасасса бхаарад̣̇вааж̇асса ваасздтасса гассабасса бхаг̇уно, звам̣ мз аяам̣ д̣̇аанасам̣вибхааг̇о бхависсад̇ий’д̇и д̣̇аанам̣ д̣̇зд̇и; наби ‘имам̣ мз д̣̇аанам̣ д̣̇ад̣̇ад̇о жид̇д̇ам̣ басийд̣̇ад̇и, ад̇д̇аманад̇аа соманассам̣ убаж̇ааяад̇ий’д̇и д̣̇аанам̣ д̣̇зд̇и; аби жа ко жид̇д̇аалан̇гааражид̇д̇абаригкаарам̣ д̣̇аанам̣ д̣̇зд̇и. со д̇ам̣ д̣̇аанам̣ д̣̇ад̇ваа гааяасса бхзд̣̇аа барам̣ маран̣аа б̣рахмагааяигаанам̣ д̣̇зваанам̣ сахаб̣яад̇ам̣ убабаж̇ж̇ад̇и. со д̇ам̣ гаммам̣ кзбзд̇ваа д̇ам̣ ид̣̇д̇хим̣ д̇ам̣ яасам̣ д̇ам̣ аад̇хибажжам̣ анааг̇аамий ход̇и анааг̇анд̇аа ид̇т̇ад̇д̇ам̣. аяам̣ ко, саарибуд̇д̇а, хзд̇у аяам̣ бажжаяо язна мид̇хзгажжасса д̇аад̣̇исам̣язва д̣̇аанам̣ д̣̇иннам̣ на махабпалам̣ ход̇и на махаанисам̣сам̣. аяам̣ бана, саарибуд̇д̇а, хзд̇у аяам̣ бажжаяо язна мид̇хзгажжасса д̇аад̣̇исам̣язва д̣̇аанам̣ д̣̇иннам̣ махабпалам̣ ход̇и махаанисам̣са’’нд̇и. навамам̣.
‘‘Tatra, sāriputta, yvāyaṃ na heva 12 sāpekho dānaṃ deti; na patibaddhacitto dānaṃ deti; na sannidhipekho dānaṃ deti; na ‘imaṃ pecca paribhuñjissāmī’ti dānaṃ deti; napi ‘sāhu dāna’nti dānaṃ deti; napi ‘dinnapubbaṃ katapubbaṃ pitupitāmahehi na arahāmi porāṇaṃ kulavaṃsaṃ hāpetu’nti dānaṃ deti; napi ‘ahaṃ pacāmi, ime na pacanti, nārahāmi pacanto apacantānaṃ dānaṃ adātu’nti dānaṃ deti; napi ‘yathā tesaṃ pubbakānaṃ isīnaṃ tāni mahāyaññāni ahesuṃ, seyyathidaṃ – aṭṭhakassa vāmakassa vāmadevassa vessāmittassa yamadaggino aṅgīrasassa bhāradvājassa vāseṭṭhassa kassapassa bhaguno, evaṃ me ayaṃ dānasaṃvibhāgo bhavissatī’ti dānaṃ deti; napi ‘imaṃ me dānaṃ dadato cittaṃ pasīdati, attamanatā somanassaṃ upajāyatī’ti dānaṃ deti; api ca kho cittālaṅkāracittaparikkhāraṃ dānaṃ deti. So taṃ dānaṃ datvā kāyassa bhedā paraṃ maraṇā brahmakāyikānaṃ devānaṃ sahabyataṃ upapajjati. So taṃ kammaṃ khepetvā taṃ iddhiṃ taṃ yasaṃ taṃ ādhipaccaṃ anāgāmī hoti anāgantā itthattaṃ. Ayaṃ kho, sāriputta, hetu ayaṃ paccayo yena midhekaccassa tādisaṃyeva dānaṃ dinnaṃ na mahapphalaṃ hoti na mahānisaṃsaṃ. Ayaṃ pana, sāriputta, hetu ayaṃ paccayo yena midhekaccassa tādisaṃyeva dānaṃ dinnaṃ mahapphalaṃ hoti mahānisaṃsa’’nti. Navamaṃ.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) / 9. д̣̇аанамахабпаласуд̇д̇аван̣н̣анаа • 9. Dānamahapphalasuttavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / ан̇г̇уд̇д̇аранигааяа (дийгаа) • Aṅguttaranikāya (ṭīkā) / 9. д̣̇аанамахабпаласуд̇д̇аван̣н̣анаа • 9. Dānamahapphalasuttavaṇṇanā
