| Library / Tipiṭaka / திபிடக • Tipiṭaka / அங்கு³த்தரனிகாய (அட்ட²கதா²) • Aṅguttaranikāya (aṭṭhakathā) |
7. தா³னஸுத்தவண்ணனா
7. Dānasuttavaṇṇanā
37. ஸத்தமே வேளுகண்ட³கீதி வேளுகண்ட³கனக³ரவாஸினீ. ச²ளங்க³ஸமன்னாக³தந்தி ச²ஹி கு³ணங்கே³ஹி ஸமன்னாக³தங். த³க்கி²ணங் பதிட்டா²பேதீதி தா³னங் தே³தி. புப்³பே³வ தா³னா ஸுமனோதி தா³னங் த³ஸ்ஸாமீதி மாஸட்³ட⁴மாஸதோ பட்டா²ய ஸோமனஸ்ஸப்பத்தோ ஹோதி. எத்த² ஹி புப்³பே³சேதனா த³ஸ்ஸாமீதி சித்துப்பாத³காலதோ பட்டா²ய ‘‘இதோ உட்டி²தேன தா³னங் த³ஸ்ஸாமீ’’தி கெ²த்தக்³க³ஹணங் ஆதி³ங் கத்வா சிந்தெந்தஸ்ஸ லப்³ப⁴தி. த³த³ங் சித்தங் பஸாதே³தீதி ஏவங் வுத்தா முஞ்சசேதனா பன தா³னகாலேயேவ லப்³ப⁴தி. த³த்வா அத்தமனோ ஹோதீதி அயங் பன அபரசேதனா அபராபரங் அனுஸ்ஸரந்தஸ்ஸ லப்³ப⁴தி. வீதராகா³தி விக³தராகா³ கீ²ணாஸவா. ராக³வினயாய வா படிபன்னாதி ராக³வினயபடிபத³ங் படிபன்னா. உக்கட்ட²தே³ஸனா சேஸா, ந கேவலங் பன கீ²ணாஸவானங், அனாகா³மி-ஸகதா³கா³மி-ஸோதாபன்னானம்பி அந்தமஸோ தத³ஹுபப்³ப³ஜிதஸ்ஸ ப⁴ண்ட³கா³ஹகஸாமணேரஸ்ஸாபி தி³ன்னா த³க்கி²ணா ச²ளங்க³ஸமன்னாக³தாவ ஹோதி. ஸோபி ஹி ஸோதாபத்திமக்³க³த்த²மேவ பப்³ப³ஜிதோ.
37. Sattame veḷukaṇḍakīti veḷukaṇḍakanagaravāsinī. Chaḷaṅgasamannāgatanti chahi guṇaṅgehi samannāgataṃ. Dakkhiṇaṃ patiṭṭhāpetīti dānaṃ deti. Pubbeva dānā sumanoti dānaṃ dassāmīti māsaḍḍhamāsato paṭṭhāya somanassappatto hoti. Ettha hi pubbecetanā dassāmīti cittuppādakālato paṭṭhāya ‘‘ito uṭṭhitena dānaṃ dassāmī’’ti khettaggahaṇaṃ ādiṃ katvā cintentassa labbhati. Dadaṃ cittaṃ pasādetīti evaṃ vuttā muñcacetanā pana dānakāleyeva labbhati. Datvā attamano hotīti ayaṃ pana aparacetanā aparāparaṃ anussarantassa labbhati. Vītarāgāti vigatarāgā khīṇāsavā. Rāgavinayāya vā paṭipannāti rāgavinayapaṭipadaṃ paṭipannā. Ukkaṭṭhadesanā cesā, na kevalaṃ pana khīṇāsavānaṃ, anāgāmi-sakadāgāmi-sotāpannānampi antamaso tadahupabbajitassa bhaṇḍagāhakasāmaṇerassāpi dinnā dakkhiṇā chaḷaṅgasamannāgatāva hoti. Sopi hi sotāpattimaggatthameva pabbajito.
யஞ்ஞஸ்ஸ ஸம்பதா³தி தா³னஸ்ஸ பரிபுண்ணதா. ஸஞ்ஞதாதி ஸீலஸஞ்ஞமேன ஸஞ்ஞதா. ஸயங் ஆசமயித்வானாதி அத்தனாவ ஹத்த²பாதே³ தோ⁴வித்வா முக²ங் விக்கா²லெத்வா. ஸகேஹி பாணிபீ⁴தி அத்தனோ ஹத்தே²ஹி. ஸயேஹீதிபி பாடோ². ஸத்³தோ⁴தி ரதனத்தயகு³ணே ஸத்³த³ஹந்தோ. முத்தேன சேதஸாதி லாப⁴மச்ச²ரியாதீ³ஹி விமுத்தேன சித்தேன. அப்³யாபஜ்ஜ²ங் ஸுக²ங் லோகந்தி நித்³து³க்க²ங் உளாரஸுக²ஸோமனஸ்ஸங் தே³வலோகங்.
Yaññassa sampadāti dānassa paripuṇṇatā. Saññatāti sīlasaññamena saññatā. Sayaṃ ācamayitvānāti attanāva hatthapāde dhovitvā mukhaṃ vikkhāletvā. Sakehi pāṇibhīti attano hatthehi. Sayehītipi pāṭho. Saddhoti ratanattayaguṇe saddahanto. Muttena cetasāti lābhamacchariyādīhi vimuttena cittena. Abyāpajjhaṃsukhaṃ lokanti niddukkhaṃ uḷārasukhasomanassaṃ devalokaṃ.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / அங்கு³த்தரனிகாய • Aṅguttaranikāya / 7. ச²ளங்க³தா³னஸுத்தங் • 7. Chaḷaṅgadānasuttaṃ
டீகா • Tīkā / ஸுத்தபிடக (டீகா) • Suttapiṭaka (ṭīkā) / அங்கு³த்தரனிகாய (டீகா) • Aṅguttaranikāya (ṭīkā) / 7. ச²ளங்க³தா³னஸுத்தவண்ணனா • 7. Chaḷaṅgadānasuttavaṇṇanā
