| Library / Tipiṭaka / д̇ибидага • Tipiṭaka / маж̇жхиманигааяа (адтагат̇аа) • Majjhimanikāya (aṭṭhakathā) |
5. д̣̇анд̇абхуумисуд̇д̇аван̣н̣анаа
5. Dantabhūmisuttavaṇṇanā
213. звам̣ мз суд̇анд̇и д̣̇анд̇абхуумисуд̇д̇ам̣. д̇ад̇т̇а аран̃н̃агудигааяанд̇и д̇ассзва взл̣уванасса згасмим̣ вивид̇д̇адтаанз бад̇хаанагаммигаанам̣ бхигкуунам̣ ад̇т̇ааяа гад̇асзнаасанз. рааж̇агумаарод̇и б̣имб̣исаарасса буд̇д̇о орасаго.
213.Evaṃme sutanti dantabhūmisuttaṃ. Tattha araññakuṭikāyanti tasseva veḷuvanassa ekasmiṃ vivittaṭṭhāne padhānakammikānaṃ bhikkhūnaṃ atthāya katasenāsane. Rājakumāroti bimbisārassa putto orasako.
пусзяяаад̇и лабхзяяа. згаг̇г̇ад̇анд̇и звам̣ бадибанно самаабад̇д̇им̣ наама лабхад̇и, жхаанам̣ наама лабхад̇ийд̇и ид̣̇ам̣ маяаа суд̇анд̇и вад̣̇ад̇и. гиламат̇од̇и гааяагиламат̇о. вихзсаад̇и свзва гиламат̇о вуд̇д̇о. яат̇аасагз д̇идтзяяаасийд̇и ад̇д̇ано аж̇аананагодтаасзязва д̇идтзяяаасийд̇и.
Phuseyyāti labheyya. Ekaggatanti evaṃ paṭipanno samāpattiṃ nāma labhati, jhānaṃ nāma labhatīti idaṃ mayā sutanti vadati. Kilamathoti kāyakilamatho. Vihesāti sveva kilamatho vutto. Yathāsake tiṭṭheyyāsīti attano ajānanakoṭṭhāseyeva tiṭṭheyyāsīti.
214. д̣̇зсзсийд̇и жид̇д̇згаг̇г̇ад̇ам̣ наама звам̣ лабхад̇и, самаабад̇д̇им̣ звам̣ ниб̣б̣ад̇д̇зд̇ийд̇и аббанааубажаарам̣ баабзд̇ваа згагасин̣абаригаммам̣ гат̇зси. бавзд̣̇зд̇ваад̇и багаасзд̇ваа.
214.Desesīti cittekaggataṃ nāma evaṃ labhati, samāpattiṃ evaṃ nibbattetīti appanāupacāraṃ pāpetvā ekakasiṇaparikammaṃ kathesi. Pavedetvāti pakāsetvā.
нзгкаммзна н̃аад̇аб̣б̣анд̇и гаамад̇о ниссадаг̇ун̣зна н̃аад̇аб̣б̣ам̣. гаамад̇о ниссадаг̇ун̣з тид̇зна буг̇г̇алзна згаг̇г̇ам̣ наама ж̇аанид̇аб̣б̣анд̇и ад̇хиббааязнзд̇ам̣ вуд̇д̇ам̣ . сзсаани д̇ассзва взважанаани. гаамз барибхун̃ж̇анд̇од̇и д̣̇увид̇хзби гаамз бхун̃ж̇амаано.
Nekkhammena ñātabbanti kāmato nissaṭaguṇena ñātabbaṃ. Kāmato nissaṭaguṇe ṭhitena puggalena ekaggaṃ nāma jānitabbanti adhippāyenetaṃ vuttaṃ . Sesāni tasseva vevacanāni. Kāmeparibhuñjantoti duvidhepi kāme bhuñjamāno.
215. хад̇т̇ид̣̇аммаа ваа ассад̣̇аммаа ваа г̇од̣̇аммаа ваад̇и зд̇т̇а ад̣̇анд̇ахад̇т̇ид̣̇аммаад̣̇аяо вияа жид̇д̇згаг̇г̇арахид̇аа буг̇г̇алаа д̣̇адтаб̣б̣аа. д̣̇анд̇ахад̇т̇иаад̣̇аяо вияа жид̇д̇згаг̇г̇асамбаннаа. яат̇аа ад̣̇анд̇ахад̇т̇ид̣̇аммаад̣̇аяо гуудаагаарам̣ агад̇ваа д̇хурам̣ ачад̣д̣зд̇ваа д̣̇анд̇аг̇аманам̣ ваа г̇анд̇ум̣, д̣̇анд̇зхи ваа бад̇д̇аб̣б̣ам̣ бхуумим̣ баабун̣ид̇ум̣ на саггонд̇и, звамзва жид̇д̇згаг̇г̇арахид̇аа самбаннажид̇д̇згаг̇г̇зхи ниб̣б̣ад̇д̇ид̇аг̇ун̣ам̣ ваа ниб̣б̣ад̇д̇зд̇ум̣ бад̇д̇абхуумим̣ ваа баабун̣ид̇ум̣ на саггонд̇и.
215.Hatthidammā vā assadammā vā godammā vāti ettha adantahatthidammādayo viya cittekaggarahitā puggalā daṭṭhabbā. Dantahatthiādayo viya cittekaggasampannā. Yathā adantahatthidammādayo kūṭākāraṃ akatvā dhuraṃ achaḍḍetvā dantagamanaṃ vā gantuṃ, dantehi vā pattabbaṃ bhūmiṃ pāpuṇituṃ na sakkonti, evameva cittekaggarahitā sampannacittekaggehi nibbattitaguṇaṃ vā nibbattetuṃ pattabhūmiṃ vā pāpuṇituṃ na sakkonti.
216. хад̇т̇авилан̇гхагзнаад̇и хад̇т̇зна хад̇т̇ам̣ г̇ахзд̇ваа.
216.Hatthavilaṅghakenāti hatthena hatthaṃ gahetvā.
д̣̇адтзяяанд̇и бассид̇аб̣б̣аяуд̇д̇агам̣. аавуд̇од̇и ааварид̇о. нивуд̇од̇и ниваарид̇о. опудод̇и онад̣̇д̇хо.
Daṭṭheyyanti passitabbayuttakaṃ. Āvutoti āvarito. Nivutoti nivārito. Ophuṭoti onaddho.
217. нааг̇аваниганд̇и хад̇т̇ибад̣̇обамз (ма. ни. 1.288 аад̣̇аяо) нааг̇аванажараго бурисо ‘‘нааг̇аваниго’’д̇и вуд̇д̇о, ид̇ха хад̇т̇исигкааяа гусало хад̇т̇им̣ г̇ахзд̇ум̣ самад̇т̇о. ад̇ибассид̇ваад̇и д̣̇исваа. зд̇т̇аг̇зд̇хаад̇и зд̇асмим̣ бавад̇д̇аг̇зд̇хаа. сарасан̇габбаананд̇и д̇хааванасан̇габбаанам̣. мануссаганд̇зсу сийлзсу самаад̣̇абанааяаад̇и зд̇т̇а яад̣̇аа нааг̇о ид̇т̇ибурисзхи гумаарагумааригаахи сон̣д̣аад̣̇ийсу г̇ахзд̇ваа убагзл̣аяамаано вигаарам̣ на гарод̇и сукааяад̇и, д̇ад̣̇аанзна мануссаганд̇аани сийлаани самаад̣̇иннаани наама хонд̇и.
217.Nāgavanikanti hatthipadopame (ma. ni. 1.288 ādayo) nāgavanacarako puriso ‘‘nāgavaniko’’ti vutto, idha hatthisikkhāya kusalo hatthiṃ gahetuṃ samattho. Atipassitvāti disvā. Etthagedhāti etasmiṃ pavattagedhā. Sarasaṅkappānanti dhāvanasaṅkappānaṃ. Manussakantesu sīlesu samādapanāyāti ettha yadā nāgo itthipurisehi kumārakumārikāhi soṇḍādīsu gahetvā upakeḷayamāno vikāraṃ na karoti sukhāyati, tadānena manussakantāni sīlāni samādinnāni nāma honti.
бзманийяаад̇и д̇аад̇а рааж̇аа д̇з басанно ман̇г̇алахад̇т̇идтаанзва табзссад̇и, рааж̇аарахаани бхож̇анаад̣̇ийни лабхиссасийд̇и зваруубий нааг̇зхи бияаабид̇аб̣б̣аа гат̇аа. суссуусад̇ийд̇и д̇ам̣ бзманийяагат̇ам̣ сод̇угаамо ход̇и. д̇ин̣агхаасод̣̇аганд̇и д̇ин̣агхаасан̃жзва уд̣̇аган̃жа, д̇ин̣агхаасанд̇и гхаасид̇аб̣б̣ам̣ д̇ин̣ам̣, каад̣̇ид̇аб̣б̣анд̇и ад̇т̇о.
Pemanīyāti tāta rājā te pasanno maṅgalahatthiṭṭhāneva ṭhapessati, rājārahāni bhojanādīni labhissasīti evarūpī nāgehi piyāpitabbā kathā. Sussūsatīti taṃ pemanīyakathaṃ sotukāmo hoti. Tiṇaghāsodakanti tiṇaghāsañceva udakañca, tiṇaghāsanti ghāsitabbaṃ tiṇaṃ, khāditabbanti attho.
бан̣авод̇и д̣ин̣д̣имо. саб̣б̣аван̇гад̣̇осанихид̇аниннийд̇агасаавод̇и нихид̇асаб̣б̣аван̇гад̣̇осо жзва абанийд̇агасааво жа. ан̇г̇анд̇зва сан̇кам̣ г̇ажчад̇ийд̇и ан̇г̇асамо ход̇и.
Paṇavoti ḍiṇḍimo. Sabbavaṅkadosanihitaninnītakasāvoti nihitasabbavaṅkadoso ceva apanītakasāvo ca. Aṅganteva saṅkhaṃ gacchatīti aṅgasamo hoti.
219. г̇зхасид̇асийлаананд̇и бан̃жагаамаг̇ун̣аниссид̇асийлаанам̣. н̃ааяассаад̇и адтан̇г̇игамаг̇г̇асса.
219.Gehasitasīlānanti pañcakāmaguṇanissitasīlānaṃ. Ñāyassāti aṭṭhaṅgikamaggassa.
222. ад̣̇анд̇амаран̣ам̣ махаллаго ран̃н̃о нааг̇о гаалан̇гад̇од̇и ран̃н̃о махаллаго нааг̇о ад̣̇анд̇амаран̣ам̣ мад̇о гаалам̣ гад̇о ход̇и, ад̣̇анд̇амаран̣ам̣ гаалам̣гирияам̣ наама гарияад̇ийд̇и аяамзд̇т̇а ад̇т̇о. зса наяо саб̣б̣ад̇т̇а. сзсам̣ уд̇д̇аанамзваад̇и.
222.Adantamaraṇaṃ mahallako rañño nāgo kālaṅkatoti rañño mahallako nāgo adantamaraṇaṃ mato kālaṃ kato hoti, adantamaraṇaṃ kālaṃkiriyaṃ nāma kariyatīti ayamettha attho. Esa nayo sabbattha. Sesaṃ uttānamevāti.
бабан̃жасууд̣̇анияаа маж̇жхиманигааяадтагат̇ааяа
Papañcasūdaniyā majjhimanikāyaṭṭhakathāya
д̣̇анд̇абхуумисуд̇д̇аван̣н̣анаа нидтид̇аа.
Dantabhūmisuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / маж̇жхиманигааяа • Majjhimanikāya / 5. д̣̇анд̇абхуумисуд̇д̇ам̣ • 5. Dantabhūmisuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / маж̇жхиманигааяа (дийгаа) • Majjhimanikāya (ṭīkā) / 5. д̣̇анд̇абхуумисуд̇д̇аван̣н̣анаа • 5. Dantabhūmisuttavaṇṇanā
