| Library / Tipiṭaka / ਤਿਪਿਟਕ • Tipiṭaka / ਅਙ੍ਗੁਤ੍ਤਰਨਿਕਾਯ (ਟੀਕਾ) • Aṅguttaranikāya (ṭīkā) |
੫. ਦਾਨੂਪਪਤ੍ਤਿਸੁਤ੍ਤવਣ੍ਣਨਾ
5. Dānūpapattisuttavaṇṇanā
੩੫. ਪਞ੍ਚਮੇ ਦਾਨਪਚ੍ਚਯਾਤਿ ਦਾਨਕਾਰਣਾ, ਦਾਨਮਯਪੁਞ੍ਞਸ੍ਸ ਕਤਤ੍ਤਾ ਉਪਚਿਤਤ੍ਤਾਤਿ ਅਤ੍ਥੋ। ਉਪਪਤ੍ਤਿਯੋਤਿ ਮਨੁਸ੍ਸੇਸੁ ਦੇવੇਸੁ ਚ ਨਿਬ੍ਬਤ੍ਤਿਯੋ। ਠਪੇਤੀਤਿ ਏਕવਾਰਮੇવ ਅਨੁਪ੍ਪਜ੍ਜਿਤ੍વਾ ਯਥਾ ਉਪਰਿ ਤੇਨੇવਾਕਾਰੇਨ ਪવਤ੍ਤਤਿ, ਏવਂ ਠਪੇਤਿ। ਤਦੇવ ਚਸ੍ਸ ਅਧਿਟ੍ਠਾਨਨ੍ਤਿ ਆਹ ‘‘ਤਸ੍ਸੇવ વੇવਚਨ’’ਨ੍ਤਿ। વਡ੍ਢੇਤੀਤਿ ਬ੍ਰੂਹੇਤਿ ਨ ਹਾਪੇਤਿ। વਿਮੁਤ੍ਤਨ੍ਤਿ ਅਧਿਮੁਤ੍ਤਂ, ਨਿਨ੍ਨਂ ਪੋਣਂ ਪਬ੍ਭਾਰਨ੍ਤਿ ਅਤ੍ਥੋ। વਿਮੁਤ੍ਤਨ੍ਤਿ વਾ વਿਸ੍ਸਟ੍ਠਂ। ਨਿਪ੍ਪਰਿਯਾਯਤੋ ਉਤ੍ਤਰਿ ਨਾਮ ਪਣੀਤਂ ਮਜ੍ਝੇਪਿ ਹੀਨਮਜ੍ਝਿਮવਿਭਾਗਸ੍ਸ ਲਬ੍ਭਨਤੋਤਿ વੁਤ੍ਤਂ ‘‘ਉਤ੍ਤਰਿ ਅਭਾવਿਤਨ੍ਤਿ ਤਤੋ ਉਪਰਿਮਗ੍ਗਫਲਤ੍ਥਾਯ ਅਭਾવਿਤ’’ਨ੍ਤਿ। ਸਂવਤ੍ਤਤਿ ਤਥਾਪਣਿਹਿਤਂ ਦਾਨਮਯਂ ਚਿਤ੍ਤਂ। ਯਂ ਪਨ ਪਾਲ਼ਿਯਂ ‘‘ਤਞ੍ਚ ਖੋ’’ਤਿਆਦਿ વੁਤ੍ਤਂ, ਤਂ ਤਤ੍ਰੁਪਪਤ੍ਤਿਯਾ વਿਬਨ੍ਧਕਰਦੁਸ੍ਸੀਲ੍ਯਾਭਾવਦਸ੍ਸਨਪਰਂ ਦਟ੍ਠਬ੍ਬਂ, ਨ ਦਾਨਮਯਸ੍ਸ ਪੁਞ੍ਞਸ੍ਸ ਕੇવਲਸ੍ਸ ਤਂਸਂવਤ੍ਤਨਤਾਦਸ੍ਸਨਪਰਨ੍ਤਿ ਦਟ੍ਠਬ੍ਬਂ। ਸਮੁਚ੍ਛਿਨ੍ਨਰਾਗਸ੍ਸਾਤਿ ਸਮੁਚ੍ਛਿਨ੍ਨਕਾਮਰਾਗਸ੍ਸ। ਤਸ੍ਸ ਹਿ ਸਿਯਾ ਬ੍ਰਹ੍ਮਲੋਕੇ ਉਪਪਤ੍ਤਿ, ਨ ਸਮੁਚ੍ਛਿਨ੍ਨਭવਰਾਗਸ੍ਸ। વੀਤਰਾਗਗ੍ਗਹਣੇਨ ਚੇਤ੍ਥ ਕਾਮੇਸੁ વੀਤਰਾਗਤਾ ਅਧਿਪ੍ਪੇਤਾ, ਯਾਯ ਬ੍ਰਹ੍ਮਲੋਕੂਪਪਤ੍ਤਿ ਸਿਯਾ। ਤੇਨਾਹ ‘‘ਦਾਨਮਤ੍ਤੇਨੇવਾ’’ਤਿਆਦਿ। ਯਦਿ ਏવਂ ਦਾਨਂ ਤਤ੍ਥ ਕਿਮਤ੍ਥਿਯਨ੍ਤਿ ਆਹ ‘‘ਦਾਨਂ ਪਨਾ’’ਤਿਆਦਿ। ਦਾਨੇਨ ਮੁਦੁਚਿਤ੍ਤੋਤਿ ਬਦ੍ਧਾਘਾਤੇ વੇਰਿਪੁਗ੍ਗਲੇਪਿ ਅਤ੍ਤਨੋ ਦਾਨਸਮ੍ਪਟਿਚ੍ਛਨੇਨ ਮੁਦੁਭੂਤਚਿਤ੍ਤੋ।
35. Pañcame dānapaccayāti dānakāraṇā, dānamayapuññassa katattā upacitattāti attho. Upapattiyoti manussesu devesu ca nibbattiyo. Ṭhapetīti ekavārameva anuppajjitvā yathā upari tenevākārena pavattati, evaṃ ṭhapeti. Tadeva cassa adhiṭṭhānanti āha ‘‘tasseva vevacana’’nti. Vaḍḍhetīti brūheti na hāpeti. Vimuttanti adhimuttaṃ, ninnaṃ poṇaṃ pabbhāranti attho. Vimuttanti vā vissaṭṭhaṃ. Nippariyāyato uttari nāma paṇītaṃ majjhepi hīnamajjhimavibhāgassa labbhanatoti vuttaṃ ‘‘uttari abhāvitanti tato uparimaggaphalatthāya abhāvita’’nti. Saṃvattati tathāpaṇihitaṃ dānamayaṃ cittaṃ. Yaṃ pana pāḷiyaṃ ‘‘tañca kho’’tiādi vuttaṃ, taṃ tatrupapattiyā vibandhakaradussīlyābhāvadassanaparaṃ daṭṭhabbaṃ, na dānamayassa puññassa kevalassa taṃsaṃvattanatādassanaparanti daṭṭhabbaṃ. Samucchinnarāgassāti samucchinnakāmarāgassa. Tassa hi siyā brahmaloke upapatti, na samucchinnabhavarāgassa. Vītarāgaggahaṇena cettha kāmesu vītarāgatā adhippetā, yāya brahmalokūpapatti siyā. Tenāha ‘‘dānamattenevā’’tiādi. Yadi evaṃ dānaṃ tattha kimatthiyanti āha ‘‘dānaṃ panā’’tiādi. Dānena muducittoti baddhāghāte veripuggalepi attano dānasampaṭicchanena mudubhūtacitto.
ਦਾਨੂਪਪਤ੍ਤਿਸੁਤ੍ਤવਣ੍ਣਨਾ ਨਿਟ੍ਠਿਤਾ।
Dānūpapattisuttavaṇṇanā niṭṭhitā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਅਙ੍ਗੁਤ੍ਤਰਨਿਕਾਯ • Aṅguttaranikāya / ੫. ਦਾਨੂਪਪਤ੍ਤਿਸੁਤ੍ਤਂ • 5. Dānūpapattisuttaṃ
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਅਙ੍ਗੁਤ੍ਤਰਨਿਕਾਯ (ਅਟ੍ਠਕਥਾ) • Aṅguttaranikāya (aṭṭhakathā) / ੫. ਦਾਨੂਪਪਤ੍ਤਿਸੁਤ੍ਤવਣ੍ਣਨਾ • 5. Dānūpapattisuttavaṇṇanā
