| Library / Tipiṭaka / д̇ибидага • Tipiṭaka / ж̇аад̇ага-адтагат̇аа • Jātaka-aṭṭhakathā |
[378] 3. д̣̇ариймукаж̇аад̇агаван̣н̣анаа
[378] 3. Darīmukhajātakavaṇṇanā
бан̇го жа гаамаад̇и ид̣̇ам̣ сад̇т̇аа ж̇зд̇аванз вихаранд̇о махаабхинигкаманам̣ аараб̣бха гат̇зси. бажжуббаннавад̇т̇у хздтаа гат̇ид̇амзва.
Paṅkoca kāmāti idaṃ satthā jetavane viharanto mahābhinikkhamanaṃ ārabbha kathesi. Paccuppannavatthu heṭṭhā kathitameva.
ад̇ийд̇з рааж̇аг̇аханаг̇арз маг̇ад̇харааж̇аа наама раж̇ж̇ам̣ гаарзси. д̇ад̣̇аа б̣од̇хисад̇д̇о д̇асса аг̇г̇амахзсияаа гужчимхи ниб̣б̣ад̇д̇и, б̣рахмад̣̇ад̇д̇агумаарод̇исса наамам̣ агам̣су. д̇асса ж̇аад̇ад̣̇ивасзязва бурохид̇ассаби буд̇д̇о ж̇ааяи, д̇асса мукам̣ ад̇ивияа собхад̇и, д̇знасса д̣̇ариймукод̇и наамам̣ агам̣су. д̇з убхоби рааж̇агулзязва сам̣вад̣дхаа ан̃н̃аман̃н̃ам̣ бияасахааяаа худ̇ваа сол̣асавассагаалз д̇аггасилам̣ г̇анд̇ваа саб̣б̣асиббаани уг̇г̇ан̣хид̇ваа ‘‘саб̣б̣асамаяасиббан̃жа сигкиссаама, д̣̇зсажаарид̇д̇ан̃жа ж̇ааниссаамаа’’д̇и г̇ааманиг̇амаад̣̇ийсу жаранд̇аа б̣аараан̣асим̣ бад̇ваа д̣̇звагулз васид̇ваа бунад̣̇ивасз б̣аараан̣асим̣ бхигкааяа бависим̣су. д̇ад̇т̇а згасмим̣ гулз ‘‘б̣раахман̣з бхож̇зд̇ваа ваажанагам̣ д̣̇ассаамаа’’д̇и бааяаасам̣ бажид̇ваа аасанаани бан̃н̃ад̇д̇аани хонд̇и. мануссаа д̇з убхоби бхигкааяа жаранд̇з д̣̇исваа ‘‘б̣раахман̣аа ааг̇ад̇аа’’д̇и г̇зхам̣ бавзсзд̇ваа махаасад̇д̇асса аасанз суд̣̇д̇хавад̇т̇ам̣ бан̃н̃аабзсум̣, д̣̇ариймукасса аасанз рад̇д̇агамб̣алам̣. д̣̇ариймуко д̇ам̣ нимид̇д̇ам̣ д̣̇исваа ‘‘аж̇ж̇а маяхам̣ сахааяо б̣аараан̣асирааж̇аа бхависсад̇и, ахам̣ сзнаабад̇ий’’д̇и ан̃н̃ааси. д̇з д̇ад̇т̇а бхун̃ж̇ид̇ваа ваажанагам̣ г̇ахзд̇ваа ман̇г̇алам̣ вад̇ваа нигкамма д̇ам̣ рааж̇уяяаанам̣ аг̇амам̣су. д̇ад̇т̇а махаасад̇д̇о ман̇г̇аласилаабаддз нибаж̇ж̇и, д̣̇ариймуко банасса баад̣̇з баримаж̇ж̇анд̇о нисийд̣̇и.
Atīte rājagahanagare magadharājā nāma rajjaṃ kāresi. Tadā bodhisatto tassa aggamahesiyā kucchimhi nibbatti, brahmadattakumārotissa nāmaṃ akaṃsu. Tassa jātadivaseyeva purohitassapi putto jāyi, tassa mukhaṃ ativiya sobhati, tenassa darīmukhoti nāmaṃ akaṃsu. Te ubhopi rājakuleyeva saṃvaḍḍhā aññamaññaṃ piyasahāyā hutvā soḷasavassakāle takkasilaṃ gantvā sabbasippāni uggaṇhitvā ‘‘sabbasamayasippañca sikkhissāma, desacārittañca jānissāmā’’ti gāmanigamādīsu carantā bārāṇasiṃ patvā devakule vasitvā punadivase bārāṇasiṃ bhikkhāya pavisiṃsu. Tattha ekasmiṃ kule ‘‘brāhmaṇe bhojetvā vācanakaṃ dassāmā’’ti pāyāsaṃ pacitvā āsanāni paññattāni honti. Manussā te ubhopi bhikkhāya carante disvā ‘‘brāhmaṇā āgatā’’ti gehaṃ pavesetvā mahāsattassa āsane suddhavatthaṃ paññāpesuṃ, darīmukhassa āsane rattakambalaṃ. Darīmukho taṃ nimittaṃ disvā ‘‘ajja mayhaṃ sahāyo bārāṇasirājā bhavissati, ahaṃ senāpatī’’ti aññāsi. Te tattha bhuñjitvā vācanakaṃ gahetvā maṅgalaṃ vatvā nikkhamma taṃ rājuyyānaṃ agamaṃsu. Tattha mahāsatto maṅgalasilāpaṭṭe nipajji, darīmukho panassa pāde parimajjanto nisīdi.
д̇ад̣̇аа б̣аараан̣асиран̃н̃о мад̇асса сад̇д̇амо д̣̇ивасо ход̇и. бурохид̇о ран̃н̃о сарийрагижжам̣ гад̇ваа абуд̇д̇агз раж̇ж̇з сад̇д̇амз д̣̇ивасз пуссарат̇ам̣ виссаж̇ж̇зси. пуссарат̇ависсаж̇ж̇анагижжам̣ махааж̇анагаж̇аад̇агз (ж̇аа. 2.22.123 аад̣̇аяо) аави бхависсад̇и. пуссарат̇о наг̇араа нигкамид̇ваа жад̇уран̇г̇инияаа сзнааяа баривуд̇о анзгасад̇зхи д̇ууриязхи важ̇ж̇амаанзхи уяяаанад̣̇ваарам̣ баабун̣и. д̣̇ариймуко д̇уурияасад̣̇д̣̇ам̣ суд̇ваа ‘‘сахааяасса мз пуссарат̇о ааг̇ажчад̇и, аж̇ж̇звзса рааж̇аа худ̇ваа маяхам̣ сзнаабад̇идтаанам̣ д̣̇ассад̇и, го мз гхарааваасзнад̇т̇о, нигкамид̇ваа баб̣б̣аж̇иссаамий’’д̇и б̣од̇хисад̇д̇ам̣ анааманд̇зд̇ваава згаманд̇ам̣ г̇анд̇ваа бадижчаннз адтааси. бурохид̇о уяяаанад̣̇ваарз рат̇ам̣ табзд̇ваа уяяаанам̣ бавидто б̣од̇хисад̇д̇ам̣ ман̇г̇аласилаабаддз нибаннам̣ д̣̇исваа баад̣̇зсу лагкан̣аани ологзд̇ваа ‘‘аяам̣ бун̃н̃аваа сад̇д̇о д̣̇висахассад̣̇ийбабариваараанам̣ жад̇уннамби махаад̣̇ийбаанам̣ раж̇ж̇ам̣ гаарзд̇ум̣ самад̇т̇о, д̇хид̇и банасса гийд̣̇исаа’’д̇и саб̣б̣ад̇уурияаани баг̇г̇ан̣хаабзси. б̣од̇хисад̇д̇о баб̣уж̇жхид̇ваа мукад̇о саадагам̣ абанзд̇ваа махааж̇анам̣ ологзд̇ваа буна саадагзна мукам̣ бадижчаад̣̇зд̇ваа т̇огам̣ нибаж̇ж̇ид̇ваа бассад̣̇д̇хад̣̇арат̇о удтааяа силаабаддз баллан̇гзна нисийд̣̇и. бурохид̇о ж̇аан̣угзна бад̇идтааяа ‘‘д̣̇зва, раж̇ж̇ам̣ д̇умхаагам̣ баабун̣аад̇ий’’д̇и ааха. ‘‘абуд̇д̇агам̣ бхан̣з раж̇ж̇а’’нд̇и. ‘‘аама, д̣̇зваа’’д̇и. ‘‘д̇зна хи саад̇хуу’’д̇и самбадижчи. д̇з д̇асса уяяаанзязва абхисзгам̣ агам̣су. со яасамаханд̇ад̇ааяа д̣̇ариймукам̣ асарид̇ваава рат̇ам̣ абхируяха махааж̇анабаривуд̇о наг̇арам̣ бависид̇ваа бад̣̇агкин̣ам̣ гад̇ваа рааж̇ад̣̇ваарз тид̇ова амажжаанам̣ таананд̇араани вижаарзд̇ваа баасаад̣̇ам̣ абхирухи.
Tadā bārāṇasirañño matassa sattamo divaso hoti. Purohito rañño sarīrakiccaṃ katvā aputtake rajje sattame divase phussarathaṃ vissajjesi. Phussarathavissajjanakiccaṃ mahājanakajātake (jā. 2.22.123 ādayo) āvi bhavissati. Phussaratho nagarā nikkhamitvā caturaṅginiyā senāya parivuto anekasatehi tūriyehi vajjamānehi uyyānadvāraṃ pāpuṇi. Darīmukho tūriyasaddaṃ sutvā ‘‘sahāyassa me phussaratho āgacchati, ajjevesa rājā hutvā mayhaṃ senāpatiṭṭhānaṃ dassati, ko me gharāvāsenattho, nikkhamitvā pabbajissāmī’’ti bodhisattaṃ anāmantetvāva ekamantaṃ gantvā paṭicchanne aṭṭhāsi. Purohito uyyānadvāre rathaṃ ṭhapetvā uyyānaṃ paviṭṭho bodhisattaṃ maṅgalasilāpaṭṭe nipannaṃ disvā pādesu lakkhaṇāni oloketvā ‘‘ayaṃ puññavā satto dvisahassadīpaparivārānaṃ catunnampi mahādīpānaṃ rajjaṃ kāretuṃ samattho, dhiti panassa kīdisā’’ti sabbatūriyāni paggaṇhāpesi. Bodhisatto pabujjhitvā mukhato sāṭakaṃ apanetvā mahājanaṃ oloketvā puna sāṭakena mukhaṃ paṭicchādetvā thokaṃ nipajjitvā passaddhadaratho uṭṭhāya silāpaṭṭe pallaṅkena nisīdi. Purohito jāṇukena patiṭṭhāya ‘‘deva, rajjaṃ tumhākaṃ pāpuṇātī’’ti āha. ‘‘Aputtakaṃ bhaṇe rajja’’nti. ‘‘Āma, devā’’ti. ‘‘Tena hi sādhū’’ti sampaṭicchi. Te tassa uyyāneyeva abhisekaṃ akaṃsu. So yasamahantatāya darīmukhaṃ asaritvāva rathaṃ abhiruyha mahājanaparivuto nagaraṃ pavisitvā padakkhiṇaṃ katvā rājadvāre ṭhitova amaccānaṃ ṭhānantarāni vicāretvā pāsādaṃ abhiruhi.
д̇асмим̣ кан̣з д̣̇ариймуко ‘‘сун̃н̃ам̣ д̣̇аани уяяаана’’нд̇и ааг̇анд̇ваа ман̇г̇аласилааяа нисийд̣̇и, ат̇асса бурад̇о бан̣д̣убалаасам̣ бад̇и. со д̇асмим̣язва бан̣д̣убалаасз каяаваяам̣ бадтабзд̇ваа д̇илагкан̣ам̣ саммасид̇ваа бат̇авим̣ уннаад̣̇знд̇о бажжзгаб̣од̇хим̣ ниб̣б̣ад̇д̇зси. д̇асса д̇ан̇кан̣ан̃н̃зва г̇ихилин̇г̇ам̣ анд̇арад̇хааяи, ид̣̇д̇химаяабад̇д̇ажийварам̣ аагаасад̇о од̇арид̇ваа сарийрз бадимун̃жи. д̇аавад̣̇зва адтабаригкаарад̇харо ирияаабат̇асамбанно вассасадтигад̇т̇зро вияа худ̇ваа ид̣̇д̇хияаа аагаасз уббад̇ид̇ваа химаванд̇абад̣̇зсз нанд̣̇амуулагабаб̣бхаарам̣ аг̇амааси. б̣од̇хисад̇д̇оби д̇хаммзна раж̇ж̇ам̣ гаарзси, яасамаханд̇ад̇ааяа бана яасзна бамад̇д̇о худ̇ваа жад̇д̇аалийса вассаани д̣̇ариймукам̣ на сари, жад̇д̇аалийсз бана сам̣важчарз ад̇ийд̇з д̇ам̣ сарид̇ваа ‘‘маяхам̣ сахааяо д̣̇ариймуко наама ад̇т̇и, гахам̣ ну ко со’’д̇и д̇ам̣ д̣̇адтугаамо ахоси. со д̇ад̇о бадтааяа анд̇збурзби барисамаж̇жхзби ‘‘гахам̣ ну ко маяхам̣ сахааяо д̣̇ариймуко , яо мз д̇асса васанадтаанам̣ гат̇зд̇и, маханд̇амасса яасам̣ д̣̇ассаамий’’д̇и вад̣̇ад̇и. звам̣ д̇асса бунаббунам̣ д̇ам̣ саранд̇ассзва ан̃н̃аани д̣̇аса сам̣важчараани ад̇игганд̇аани.
Tasmiṃ khaṇe darīmukho ‘‘suññaṃ dāni uyyāna’’nti āgantvā maṅgalasilāya nisīdi, athassa purato paṇḍupalāsaṃ pati. So tasmiṃyeva paṇḍupalāse khayavayaṃ paṭṭhapetvā tilakkhaṇaṃ sammasitvā pathaviṃ unnādento paccekabodhiṃ nibbattesi. Tassa taṅkhaṇaññeva gihiliṅgaṃ antaradhāyi, iddhimayapattacīvaraṃ ākāsato otaritvā sarīre paṭimuñci. Tāvadeva aṭṭhaparikkhāradharo iriyāpathasampanno vassasaṭṭhikatthero viya hutvā iddhiyā ākāse uppatitvā himavantapadese nandamūlakapabbhāraṃ agamāsi. Bodhisattopi dhammena rajjaṃ kāresi, yasamahantatāya pana yasena pamatto hutvā cattālīsa vassāni darīmukhaṃ na sari, cattālīse pana saṃvacchare atīte taṃ saritvā ‘‘mayhaṃ sahāyo darīmukho nāma atthi, kahaṃ nu kho so’’ti taṃ daṭṭhukāmo ahosi. So tato paṭṭhāya antepurepi parisamajjhepi ‘‘kahaṃ nu kho mayhaṃ sahāyo darīmukho , yo me tassa vasanaṭṭhānaṃ katheti, mahantamassa yasaṃ dassāmī’’ti vadati. Evaṃ tassa punappunaṃ taṃ sarantasseva aññāni dasa saṃvaccharāni atikkantāni.
д̣̇ариймукабажжзгаб̣уд̣̇д̇хоби бан̃н̃аасавассажжаязна ааваж̇ж̇знд̇о ‘‘мам̣ ко сахааяо сарад̇ий’’д̇и н̃ад̇ваа ‘‘ид̣̇аани со махаллаго буд̇д̇ад̇хийд̇аад̣̇ийхи вуд̣̇д̇хиббад̇д̇о, г̇анд̇ваа д̇хаммам̣ гат̇зд̇ваа баб̣б̣ааж̇зссаами на’’нд̇и ид̣̇д̇хияаа аагаасзна ааг̇анд̇ваа уяяаанз од̇арид̇ваа суван̣н̣абадимаа вияа силаабаддз нисийд̣̇и. уяяаанабаало д̇ам̣ д̣̇исваа убасан̇гамид̇ваа ‘‘бханд̇з, гуд̇о д̇умхз зт̇аа’’д̇и бужчи. ‘‘нанд̣̇амуулагабаб̣бхаарад̇о’’д̇и. ‘‘гз наама д̇умхз’’д̇и? ‘‘д̣̇ариймукабажжзгаб̣уд̣̇д̇хо наамаахам̣, аавусо’’д̇и. ‘‘бханд̇з, амхаагам̣ рааж̇аанам̣ ж̇аанаат̇аа’’д̇и? ‘‘аама ж̇аанаами, г̇ихигаалз но сахааяо’’д̇и. ‘‘бханд̇з, рааж̇аа д̇умхз д̣̇адтугаамо, гат̇зссаами д̇асса д̇умхаагам̣ ааг̇ад̇абхаава’’нд̇и. ‘‘г̇ажча гат̇зхий’’д̇и. со ‘‘саад̇хуу’’д̇и вад̇ваа д̇урид̇ад̇урид̇ова г̇анд̇ваа д̇асса силаабаддз нисиннабхаавам̣ ран̃н̃о гат̇зси. рааж̇аа ‘‘ааг̇ад̇о гира мз сахааяо, бассиссаами на’’нд̇и рат̇ам̣ ааруяха маханд̇зна бариваарзна уяяаанам̣ г̇анд̇ваа бажжзгаб̣уд̣̇д̇хам̣ ванд̣̇ид̇ваа бадисант̇аарам̣ гад̇ваа згаманд̇ам̣ нисийд̣̇и. ат̇а нам̣ бажжзгаб̣уд̣̇д̇хо ‘‘гим̣, б̣рахмад̣̇ад̇д̇а, д̇хаммзна раж̇ж̇ам̣ гаарзси, аг̇ад̇иг̇аманам̣ на г̇ажчаси, д̇ханад̇т̇ааяа логам̣ на бийл̣зси, д̣̇аанаад̣̇ийни бун̃н̃аани гаросий’’д̇иаад̣̇ийни вад̣̇анд̇о бадисант̇аарам̣ гад̇ваа ‘‘б̣рахмад̣̇ад̇д̇а, махаллагоси, зд̇арахи гаамз бахааяа баб̣б̣аж̇ид̇ум̣ д̇з самаяо’’д̇и вад̇ваа д̇асса д̇хаммам̣ д̣̇зсзнд̇о батамам̣ г̇аат̇амааха –
Darīmukhapaccekabuddhopi paññāsavassaccayena āvajjento ‘‘maṃ kho sahāyo saratī’’ti ñatvā ‘‘idāni so mahallako puttadhītādīhi vuddhippatto, gantvā dhammaṃ kathetvā pabbājessāmi na’’nti iddhiyā ākāsena āgantvā uyyāne otaritvā suvaṇṇapaṭimā viya silāpaṭṭe nisīdi. Uyyānapālo taṃ disvā upasaṅkamitvā ‘‘bhante, kuto tumhe ethā’’ti pucchi. ‘‘Nandamūlakapabbhārato’’ti. ‘‘Ke nāma tumhe’’ti? ‘‘Darīmukhapaccekabuddho nāmāhaṃ, āvuso’’ti. ‘‘Bhante, amhākaṃ rājānaṃ jānāthā’’ti? ‘‘Āma jānāmi, gihikāle no sahāyo’’ti. ‘‘Bhante, rājā tumhe daṭṭhukāmo, kathessāmi tassa tumhākaṃ āgatabhāva’’nti. ‘‘Gaccha kathehī’’ti. So ‘‘sādhū’’ti vatvā turitaturitova gantvā tassa silāpaṭṭe nisinnabhāvaṃ rañño kathesi. Rājā ‘‘āgato kira me sahāyo, passissāmi na’’nti rathaṃ āruyha mahantena parivārena uyyānaṃ gantvā paccekabuddhaṃ vanditvā paṭisanthāraṃ katvā ekamantaṃ nisīdi. Atha naṃ paccekabuddho ‘‘kiṃ, brahmadatta, dhammena rajjaṃ kāresi, agatigamanaṃ na gacchasi, dhanatthāya lokaṃ na pīḷesi, dānādīni puññāni karosī’’tiādīni vadanto paṭisanthāraṃ katvā ‘‘brahmadatta, mahallakosi, etarahi kāme pahāya pabbajituṃ te samayo’’ti vatvā tassa dhammaṃ desento paṭhamaṃ gāthamāha –
14.
14.
‘‘бан̇го жа гаамаа балибо жа гаамаа, бхаяан̃жа мзд̇ам̣ д̇имуулам̣ бавуд̇д̇ам̣;
‘‘Paṅko ca kāmā palipo ca kāmā, bhayañca metaṃ timūlaṃ pavuttaṃ;
раж̇о жа д̇хуумо жа маяаа багаасид̇аа, хид̇ваа д̇увам̣ баб̣б̣аж̇а б̣рахмад̣̇ад̇д̇аа’’д̇и.
Rajo ca dhūmo ca mayā pakāsitā, hitvā tuvaṃ pabbaja brahmadattā’’ti.
д̇ад̇т̇а бан̇год̇и уд̣̇агз ж̇аад̇аани д̇ин̣асзваалагумуд̣̇аг̇ажчаад̣̇ийни ад̇хиббзд̇аани. яат̇аа хи уд̣̇агам̣ д̇аранд̇ам̣ д̇аани лаг̇г̇аабзнд̇и саж̇ж̇аабзнд̇и, д̇ат̇аа сам̣саарасааг̇арам̣ д̇аранд̇асса яог̇ааважарасса бан̃жа гаамаг̇ун̣аа саб̣б̣з ваа бана вад̇т̇угаамагилзсагаамаа лаг̇г̇аабанавасзна бан̇го наама. имасмин̃хи бан̇гз аасад̇д̇аа висад̇д̇аа д̣̇звааби мануссааби д̇иражчаанааби гиламанд̇и род̣̇анд̇и барид̣̇званд̇и. балибо жа гаамаад̇и балибо вужжад̇и махаагад̣̇д̣̇амо, яамхи лаг̇г̇аа суугарамиг̇аад̣̇аяоби сийхааби вааран̣ааби ад̇д̇аанам̣ уд̣̇д̇харид̇ваа г̇анд̇ум̣ на саггонд̇и, вад̇т̇угаамагилзсагаамааби д̇ам̣саригкад̇ааяа ‘‘балибаа’’д̇и вуд̇д̇аа. бан̃н̃аванд̇оби хи сад̇д̇аа д̇зсу гаамзсу сагим̣ лаг̇г̇агаалад̇о бадтааяа д̇з гаамз бад̣̇аалзд̇ваа сийгхам̣ удтааяа агин̃жанам̣ абалиб̣од̇хам̣ раман̣ийяам̣ баб̣б̣аж̇ж̇ам̣ убаг̇анд̇ум̣ на саггонд̇и. бхаяан̃жа мзд̇анд̇и бхаяан̃жа зд̇ам̣, ма-гааро б̣яан̃ж̇анасанд̇хивасзна вуд̇д̇о. д̇имууланд̇и д̇ийхи муулзхи бад̇идтид̇ам̣ вияа ажалам̣. б̣алавабхаяассзд̇ам̣ наамам̣. бавуд̇д̇анд̇и махаарааж̇а, зд̇з гаамаа наама д̣̇идтад̇хаммигасамбарааяигасса ад̇д̇аануваад̣̇абхаяаад̣̇игасса жзва д̣̇вад̇д̇им̣сагаммагаран̣ачанавуд̇ирог̇авасаббавад̇д̇асса жа бхаяасса бажжаяадтзна б̣алавабхаяанд̇и б̣уд̣̇д̇хабажжзгаб̣уд̣̇д̇хаб̣уд̣̇д̇хасаавагзхи жзва саб̣б̣ан̃н̃уб̣од̇хисад̇д̇зхи жа бавуд̇д̇ам̣ гат̇ид̇ам̣, д̣̇ийбид̇анд̇и ад̇т̇о. ат̇а ваа бхаяан̃жа мзд̇анд̇и бхаяан̃жа маяаа зд̇ам̣ д̇имуулам̣ бавуд̇д̇анд̇и зван̃жзд̇т̇а ад̇т̇о д̣̇адтаб̣б̣оязва.
Tattha paṅkoti udake jātāni tiṇasevālakumudagacchādīni adhippetāni. Yathā hi udakaṃ tarantaṃ tāni laggāpenti sajjāpenti, tathā saṃsārasāgaraṃ tarantassa yogāvacarassa pañca kāmaguṇā sabbe vā pana vatthukāmakilesakāmā laggāpanavasena paṅko nāma. Imasmiñhi paṅke āsattā visattā devāpi manussāpi tiracchānāpi kilamanti rodanti paridevanti. Palipo ca kāmāti palipo vuccati mahākaddamo, yamhi laggā sūkaramigādayopi sīhāpi vāraṇāpi attānaṃ uddharitvā gantuṃ na sakkonti, vatthukāmakilesakāmāpi taṃsarikkhatāya ‘‘palipā’’ti vuttā. Paññavantopi hi sattā tesu kāmesu sakiṃ laggakālato paṭṭhāya te kāme padāletvā sīghaṃ uṭṭhāya akiñcanaṃ apalibodhaṃ ramaṇīyaṃ pabbajjaṃ upagantuṃ na sakkonti. Bhayañca metanti bhayañca etaṃ, ma-kāro byañjanasandhivasena vutto. Timūlanti tīhi mūlehi patiṭṭhitaṃ viya acalaṃ. Balavabhayassetaṃ nāmaṃ. Pavuttanti mahārāja, ete kāmā nāma diṭṭhadhammikasamparāyikassa attānuvādabhayādikassa ceva dvattiṃsakammakaraṇachanavutirogavasappavattassa ca bhayassa paccayaṭṭhena balavabhayanti buddhapaccekabuddhabuddhasāvakehi ceva sabbaññubodhisattehi ca pavuttaṃ kathitaṃ, dīpitanti attho. Atha vā bhayañca metanti bhayañca mayā etaṃ timūlaṃ pavuttanti evañcettha attho daṭṭhabboyeva.
раж̇о жа д̇хуумо жаад̇и раж̇ад̇хуумасад̣̇исад̇д̇аа ‘‘раж̇о’’д̇и жа ‘‘д̇хуумо’’д̇и жа маяаа багаасид̇аа. яат̇аа хи сунхаад̇асса сувилид̇д̇аалан̇гад̇асса бурисасса сарийрз сукумараж̇ам̣ бад̇ид̇ам̣, д̇ам̣ сарийрам̣ д̣̇уб̣б̣ан̣н̣ам̣ собхаарахид̇ам̣ гилидтам̣ гарод̇и, звамзва ид̣̇д̇хиб̣алзна аагаасзна ааг̇анд̇ваа жанд̣̇о вияа жа суурияо вияа жа логз бан̃н̃аад̇ааби сагим̣ гаамараж̇асса анд̇о бад̇ид̇агаалад̇о бадтааяа г̇ун̣аван̣н̣аг̇ун̣асобхааг̇ун̣асуд̣̇д̇хийнам̣ убахад̇ад̇д̇аа д̣̇уб̣б̣ан̣н̣аа собхаарахид̇аа гилидтааязва хонд̇и. яат̇аа жа д̇хуумзна бахадагаалад̇о бадтааяа субарисуд̣̇д̇хааби бхид̇д̇и гаал̣аван̣н̣аа ход̇и, звам̣ ад̇ибарисуд̣̇д̇хан̃н̃аан̣ааби гаамад̇хуумзна бахадагаалад̇о бадтааяа г̇ун̣авинаасаббад̇д̇ияаа махааж̇анамаж̇жхз гаал̣агаава худ̇ваа бан̃н̃ааяанд̇и. ид̇и раж̇ад̇хуумасаригкад̇ааяа зд̇з гаамаа ‘‘раж̇о жа д̇хуумо жаа’’д̇и маяаа д̇уяхам̣ багаасид̇аа, д̇асмаа имз гаамз хид̇ваа д̇увам̣ баб̣б̣аж̇а б̣рахмад̣̇ад̇д̇аад̇и рааж̇аанам̣ баб̣б̣аж̇ж̇ааяа уссаахам̣ ж̇анзд̇и.
Rajo ca dhūmo cāti rajadhūmasadisattā ‘‘rajo’’ti ca ‘‘dhūmo’’ti ca mayā pakāsitā. Yathā hi sunhātassa suvilittālaṅkatassa purisassa sarīre sukhumarajaṃ patitaṃ, taṃ sarīraṃ dubbaṇṇaṃ sobhārahitaṃ kiliṭṭhaṃ karoti, evameva iddhibalena ākāsena āgantvā cando viya ca sūriyo viya ca loke paññātāpi sakiṃ kāmarajassa anto patitakālato paṭṭhāya guṇavaṇṇaguṇasobhāguṇasuddhīnaṃ upahatattā dubbaṇṇā sobhārahitā kiliṭṭhāyeva honti. Yathā ca dhūmena pahaṭakālato paṭṭhāya suparisuddhāpi bhitti kāḷavaṇṇā hoti, evaṃ atiparisuddhaññāṇāpi kāmadhūmena pahaṭakālato paṭṭhāya guṇavināsappattiyā mahājanamajjhe kāḷakāva hutvā paññāyanti. Iti rajadhūmasarikkhatāya ete kāmā ‘‘rajo ca dhūmo cā’’ti mayā tuyhaṃ pakāsitā, tasmā ime kāme hitvā tuvaṃ pabbaja brahmadattāti rājānaṃ pabbajjāya ussāhaṃ janeti.
д̇ам̣ суд̇ваа рааж̇аа гилзсзхи ад̇д̇ано б̣ад̣̇д̇хабхаавам̣ гат̇знд̇о д̣̇уд̇ияам̣ г̇аат̇амааха –
Taṃ sutvā rājā kilesehi attano baddhabhāvaṃ kathento dutiyaṃ gāthamāha –
15.
15.
‘‘г̇ад̇хид̇о жа рад̇д̇о жа ад̇химужчид̇о жа, гаамзсвахам̣ б̣раахман̣а бхим̣саруубам̣;
‘‘Gadhito ca ratto ca adhimucchito ca, kāmesvahaṃ brāhmaṇa bhiṃsarūpaṃ;
д̇ам̣ нуссахз ж̇ийвигад̇т̇о бахаад̇ум̣, гаахаами бун̃н̃аани анаббагааний’’д̇и.
Taṃ nussahe jīvikattho pahātuṃ, kāhāmi puññāni anappakānī’’ti.
д̇ад̇т̇а г̇ад̇хид̇од̇и абхиж̇жхаагааяаг̇ант̇зна б̣ад̣̇д̇хо. рад̇д̇од̇и багад̇иж̇ахаабанзна рааг̇зна рад̇д̇о. ад̇химужчид̇од̇и ад̇ивияа мужчид̇о. гаамзсваханд̇и д̣̇увид̇хзсуби гаамзсу ахам̣. б̣раахман̣аад̇и д̣̇ариймукабажжзгаб̣уд̣̇д̇хам̣ аалабад̇и. бхим̣саруубанд̇и б̣алаваруубам̣. д̇ам̣ нуссахзд̇и д̇ам̣ д̣̇увид̇хамби гаамам̣ на уссахаами на саггоми. ж̇ийвигад̇т̇о бахаад̇унд̇и имааяа ж̇ийвигааяа ад̇т̇иго ахам̣ д̇ам̣ гаамам̣ бахаад̇ум̣ на саггомийд̇и вад̣̇ад̇и. гаахаами бун̃н̃аанийд̇и ид̣̇аани д̣̇аанасийлаубосат̇агаммасан̇каад̇аани бун̃н̃аани анаббагаани б̣ахууни гариссаамийд̇и.
Tattha gadhitoti abhijjhākāyaganthena baddho. Rattoti pakatijahāpanena rāgena ratto. Adhimucchitoti ativiya mucchito. Kāmesvahanti duvidhesupi kāmesu ahaṃ. Brāhmaṇāti darīmukhapaccekabuddhaṃ ālapati. Bhiṃsarūpanti balavarūpaṃ. Taṃ nussaheti taṃ duvidhampi kāmaṃ na ussahāmi na sakkomi. Jīvikattho pahātunti imāya jīvikāya atthiko ahaṃ taṃ kāmaṃ pahātuṃ na sakkomīti vadati. Kāhāmi puññānīti idāni dānasīlauposathakammasaṅkhātāni puññāni anappakāni bahūni karissāmīti.
звам̣ гилзсагаамо наамзса сагим̣ аллийнагаалад̇о бадтааяа абанзд̇ум̣ на саггод̇и, язна сам̣гилидтажид̇д̇о махаабурисо бажжзгаб̣уд̣̇д̇хзна баб̣б̣аж̇ж̇ааяа г̇ун̣з гат̇ид̇зби ‘‘баб̣б̣аж̇ид̇ум̣ на саггомий’’д̇и ааха. яояам̣ д̣̇ийбан̇гарабаад̣̇амуулз ад̇д̇ани самбхавзна н̃аан̣зна б̣уд̣̇д̇хагарад̇хаммз вижинанд̇о д̇ад̇ияам̣ нзгкаммабаарамим̣ д̣̇исваа –
Evaṃ kilesakāmo nāmesa sakiṃ allīnakālato paṭṭhāya apanetuṃ na sakkoti, yena saṃkiliṭṭhacitto mahāpuriso paccekabuddhena pabbajjāya guṇe kathitepi ‘‘pabbajituṃ na sakkomī’’ti āha. Yoyaṃ dīpaṅkarapādamūle attani sambhavena ñāṇena buddhakaradhamme vicinanto tatiyaṃ nekkhammapāramiṃ disvā –
‘‘имам̣ д̇вам̣ д̇ад̇ияам̣ д̇аава, д̣̇ал̣хам̣ гад̇ваа самаад̣̇ияа;
‘‘Imaṃ tvaṃ tatiyaṃ tāva, daḷhaṃ katvā samādiya;
нзгкаммабаарамид̇ам̣ г̇ажча, яад̣̇и б̣од̇хим̣ бад̇д̇умижчаси.
Nekkhammapāramitaṃ gaccha, yadi bodhiṃ pattumicchasi.
‘‘яат̇аа анд̣̇угхарз бурисо, жиравуд̇т̇о д̣̇укаддид̇о;
‘‘Yathā andughare puriso, ciravuttho dukhaṭṭito;
на д̇ад̇т̇а рааг̇ам̣ ж̇анзд̇и, муд̇д̇им̣язва г̇авзсад̇и.
Na tattha rāgaṃ janeti, muttiṃyeva gavesati.
‘‘д̇ат̇зва д̇вам̣ саб̣б̣абхавз, басса анд̣̇угхарз вияа;
‘‘Tatheva tvaṃ sabbabhave, passa andughare viya;
нзгкаммаабхимуко худ̇ваа, самб̣од̇хим̣ баабун̣иссасий’’д̇и. –
Nekkhammābhimukho hutvā, sambodhiṃ pāpuṇissasī’’ti. –
звам̣ нзгкаммз г̇ун̣ам̣ баригид̇д̇зси, со бажжзгаб̣уд̣̇д̇хзна баб̣б̣аж̇ж̇ааяа ван̣н̣ам̣ вад̇ваа ‘‘гилзсз чад̣д̣зд̇ваа саман̣о хохий’’д̇и вужжамааноби ‘‘наахам̣ гилзсз чад̣д̣зд̇ваа саман̣о бхавид̇ум̣ саггомий’’д̇и вад̣̇ад̇и.
Evaṃ nekkhamme guṇaṃ parikittesi, so paccekabuddhena pabbajjāya vaṇṇaṃ vatvā ‘‘kilese chaḍḍetvā samaṇo hohī’’ti vuccamānopi ‘‘nāhaṃ kilese chaḍḍetvā samaṇo bhavituṃ sakkomī’’ti vadati.
имасмим̣ гира логз адта уммад̇д̇агаа наама. д̇знааху бораан̣аа ‘‘адта буг̇г̇алаа уммад̇д̇агасан̃н̃ам̣ бадилабханд̇и, гаамуммад̇д̇аго лобхавасам̣ г̇ад̇о , год̇хуммад̇д̇аго д̣̇осавасам̣ г̇ад̇о, д̣̇идтуммад̇д̇аго вибаллаасавасам̣ г̇ад̇о, мохуммад̇д̇аго ан̃н̃аан̣авасам̣ г̇ад̇о, яагкуммад̇д̇аго яагкавасам̣ г̇ад̇о, бид̇д̇уммад̇д̇аго бид̇д̇авасам̣ г̇ад̇о, суруммад̇д̇аго баанавасам̣ г̇ад̇о, б̣яасануммад̇д̇аго согавасам̣ г̇ад̇о’’д̇и. имзсу адтасу уммад̇д̇агзсу махаасад̇д̇о имасмим̣ ж̇аад̇агз гаамуммад̇д̇аго худ̇ваа лобхавасам̣ г̇ад̇о баб̣б̣аж̇ж̇ааяа г̇ун̣ам̣ на ан̃н̃ааси.
Imasmiṃ kira loke aṭṭha ummattakā nāma. Tenāhu porāṇā ‘‘aṭṭha puggalā ummattakasaññaṃ paṭilabhanti, kāmummattako lobhavasaṃ gato , kodhummattako dosavasaṃ gato, diṭṭhummattako vipallāsavasaṃ gato, mohummattako aññāṇavasaṃ gato, yakkhummattako yakkhavasaṃ gato, pittummattako pittavasaṃ gato, surummattako pānavasaṃ gato, byasanummattako sokavasaṃ gato’’ti. Imesu aṭṭhasu ummattakesu mahāsatto imasmiṃ jātake kāmummattako hutvā lobhavasaṃ gato pabbajjāya guṇaṃ na aññāsi.
звам̣ анад̇т̇агаарагам̣ бана имам̣ г̇ун̣абарид̇хам̣сагам̣ лобхаж̇аад̇ам̣ гасмаа сад̇д̇аа баримун̃жид̇ум̣ на саггонд̇ийд̇и? анамад̇аг̇г̇з сам̣саарз анзгаани габбагодисад̇асахассаани згад̇о б̣анд̇хид̇абхаавзна. звам̣ санд̇зби д̇ам̣ бан̣д̣ид̇аа ‘‘аббассаад̣̇аа гаамаа’’д̇иаад̣̇ийнам̣ анзгзсам̣ бажжавзгкан̣аанам̣ васзна баж̇аханд̇и. д̇знзва д̣̇ариймукабажжзгаб̣уд̣̇д̇хо махаасад̇д̇зна ‘‘баб̣б̣аж̇ид̇ум̣ на саггомий’’д̇и вуд̇д̇зби д̇хуранигкзбам̣ агад̇ваа уд̇д̇аримби овад̣̇анд̇о д̣̇вз г̇аат̇аа ааха.
Evaṃ anatthakārakaṃ pana imaṃ guṇaparidhaṃsakaṃ lobhajātaṃ kasmā sattā parimuñcituṃ na sakkontīti? Anamatagge saṃsāre anekāni kappakoṭisatasahassāni ekato bandhitabhāvena. Evaṃ santepi taṃ paṇḍitā ‘‘appassādā kāmā’’tiādīnaṃ anekesaṃ paccavekkhaṇānaṃ vasena pajahanti. Teneva darīmukhapaccekabuddho mahāsattena ‘‘pabbajituṃ na sakkomī’’ti vuttepi dhuranikkhepaṃ akatvā uttarimpi ovadanto dve gāthā āha.
16.
16.
‘‘яо ад̇т̇агаамасса хид̇аанугамбино, оваж̇ж̇амаано на гарод̇и саасанам̣;
‘‘Yo atthakāmassa hitānukampino, ovajjamāno na karoti sāsanaṃ;
ид̣̇амзва сзяяо ид̇и ман̃н̃амаано, бунаббунам̣ г̇аб̣бхамубзд̇и манд̣̇о.
Idameva seyyo iti maññamāno, punappunaṃ gabbhamupeti mando.
17.
17.
‘‘со гхораруубам̣ нираяам̣ убзд̇и, субхаасубхам̣ муд̇д̇агарийсабуурам̣;
‘‘So ghorarūpaṃ nirayaṃ upeti, subhāsubhaṃ muttakarīsapūraṃ;
сад̇д̇аа сагааяз на ж̇аханд̇и г̇ид̣̇д̇хаа, яз хонд̇и гаамзсу авийд̇арааг̇аа’’д̇и.
Sattā sakāye na jahanti giddhā, ye honti kāmesu avītarāgā’’ti.
д̇ад̇т̇а ад̇т̇агаамассаад̇и вуд̣дхигаамасса. хид̇аанугамбинод̇и хид̇зна муд̣̇ужид̇д̇зна анугамбанд̇асса. оваж̇ж̇амаанод̇и овад̣̇ияамаано. ид̣̇амзва сзяяод̇и яам̣ ад̇д̇анаа г̇ахид̇ам̣ асзяяам̣ ануд̇д̇амамби самаанам̣, д̇ам̣ ид̣̇амзва сзяяо ид̇и ман̃н̃амаано. манд̣̇од̇и со ан̃н̃аан̣абуг̇г̇ало маад̇угужчияам̣ ваасам̣ наад̇иггамад̇и, бунаббунам̣ г̇аб̣бхам̣ убзд̇иязваад̇и ад̇т̇о.
Tattha atthakāmassāti vuḍḍhikāmassa. Hitānukampinoti hitena muducittena anukampantassa. Ovajjamānoti ovadiyamāno. Idameva seyyoti yaṃ attanā gahitaṃ aseyyaṃ anuttamampi samānaṃ, taṃ idameva seyyo iti maññamāno. Mandoti so aññāṇapuggalo mātukucchiyaṃ vāsaṃ nātikkamati, punappunaṃ gabbhaṃ upetiyevāti attho.
со гхораруубанд̇и махаарааж̇а, со манд̣̇о д̇ам̣ маад̇угужчим̣ убзнд̇о гхораруубам̣ д̣̇аарун̣аж̇аад̇игам̣ нираяам̣ убзд̇и наама. маад̇угужчи хи нирассаад̣̇адтзна ид̇ха ‘‘нираяо’’д̇и вуд̇д̇о, ‘‘жад̇угуддиганираяо’’д̇и вужжад̇и. ‘‘жад̇угуддиганираяо наама гад̇аро’’д̇и вуд̇д̇з маад̇угужчимзва вад̇д̇ум̣ ваддад̇и. авийжимахаанираяз ниб̣б̣ад̇д̇асад̇д̇асса хи абараабарам̣ аад̇хааванабарид̇хааванам̣ ход̇иязва, д̇асмаа д̇ам̣ ‘‘жад̇угуддиганираяо’’д̇и вад̇д̇ум̣ на лаб̣бхад̇и, маад̇угужчияам̣ бана нава ваа д̣̇аса ваа маасз жад̇уухиби бассзхи ид̇о жид̇о жа д̇хаавид̇ум̣ наама на саггаа, ад̇исамб̣аад̇хз огаасз жад̇угодзна жад̇усан̇гудид̇знзва худ̇ваа ажчид̇аб̣б̣ам̣, д̇асмаа зса ‘‘жад̇угуддиганираяо’’д̇и вужжад̇и.
So ghorarūpanti mahārāja, so mando taṃ mātukucchiṃ upento ghorarūpaṃ dāruṇajātikaṃ nirayaṃ upeti nāma. Mātukucchi hi nirassādaṭṭhena idha ‘‘nirayo’’ti vutto, ‘‘catukuṭṭikanirayo’’ti vuccati. ‘‘Catukuṭṭikanirayo nāma kataro’’ti vutte mātukucchimeva vattuṃ vaṭṭati. Avīcimahāniraye nibbattasattassa hi aparāparaṃ ādhāvanaparidhāvanaṃ hotiyeva, tasmā taṃ ‘‘catukuṭṭikanirayo’’ti vattuṃ na labbhati, mātukucchiyaṃ pana nava vā dasa vā māse catūhipi passehi ito cito ca dhāvituṃ nāma na sakkā, atisambādhe okāse catukoṭena catusaṅkuṭiteneva hutvā acchitabbaṃ, tasmā esa ‘‘catukuṭṭikanirayo’’ti vuccati.
субхаасубханд̇и субхаанам̣ асубхам̣. субхаанан̃хи сам̣саарабхийругаанам̣ яог̇ааважарагулабуд̇д̇аанам̣ маад̇угужчи зганд̇ам̣ асубхасаммад̇о. д̇зна вуд̇д̇ам̣ –
Subhāsubhanti subhānaṃ asubhaṃ. Subhānañhi saṃsārabhīrukānaṃ yogāvacarakulaputtānaṃ mātukucchi ekantaṃ asubhasammato. Tena vuttaṃ –
‘‘аж̇ан̃н̃ам̣ ж̇ан̃н̃асан̇каад̇ам̣, асужим̣ сужисаммад̇ам̣;
‘‘Ajaññaṃ jaññasaṅkhātaṃ, asuciṃ sucisammataṃ;
наанаагун̣абабарибуурам̣, ж̇ан̃н̃аруубам̣ абассад̇о.
Nānākuṇapaparipūraṃ, jaññarūpaṃ apassato.
‘‘д̇хирад̇т̇умам̣ аад̇урам̣ бууд̇игааяам̣, ж̇зг̇ужчияам̣ ассужим̣ б̣яаад̇хид̇хаммам̣;
‘‘Dhiratthumaṃ āturaṃ pūtikāyaṃ, jegucchiyaṃ assuciṃ byādhidhammaṃ;
яад̇т̇аббамад̇д̇аа ад̇химужчид̇аа баж̇аа, хаабзнд̇и маг̇г̇ам̣ суг̇ад̇уубабад̇д̇ияаа’’д̇и. (ж̇аа. 1.3.128-129);
Yatthappamattā adhimucchitā pajā, hāpenti maggaṃ sugatūpapattiyā’’ti. (jā. 1.3.128-129);
сад̇д̇аад̇и аасад̇д̇аа висад̇д̇аа лаг̇г̇аа лаг̇г̇ид̇аа сагааяз на ж̇аханд̇ийд̇и д̇ам̣ маад̇угужчим̣ на барижжаж̇анд̇и . г̇ид̣̇д̇хаад̇и г̇ад̇хид̇аа. яз хонд̇ийд̇и яз гаамзсу авийд̇арааг̇аа хонд̇и, д̇з зд̇ам̣ г̇аб̣бхаваасам̣ на ж̇аханд̇ийд̇и.
Sattāti āsattā visattā laggā laggitā sakāye na jahantīti taṃ mātukucchiṃ na pariccajanti . Giddhāti gadhitā. Ye hontīti ye kāmesu avītarāgā honti, te etaṃ gabbhavāsaṃ na jahantīti.
звам̣ д̣̇ариймукабажжзгаб̣уд̣̇д̇хо г̇аб̣бхаогганд̇имуулаган̃жа, барихаарамуулаган̃жа д̣̇угкам̣ д̣̇ассзд̇ваа ид̣̇аани г̇аб̣бхавудтаанамуулагам̣ д̣̇ассзд̇ум̣ д̣̇ияад̣дхаг̇аат̇амааха.
Evaṃ darīmukhapaccekabuddho gabbhaokkantimūlakañca, parihāramūlakañca dukkhaṃ dassetvā idāni gabbhavuṭṭhānamūlakaṃ dassetuṃ diyaḍḍhagāthamāha.
18.
18.
‘‘мийл̣хзна лид̇д̇аа рухирзна магкид̇аа, сзмхзна лид̇д̇аа убанигкаманд̇и;
‘‘Mīḷhena littā ruhirena makkhitā, semhena littā upanikkhamanti;
яам̣ яан̃хи гааязна пусанд̇и д̇аавад̣̇з, саб̣б̣ам̣ асаад̇ам̣ д̣̇укамзва гзвалам̣.
Yaṃ yañhi kāyena phusanti tāvade, sabbaṃ asātaṃ dukhameva kevalaṃ.
19.
19.
‘‘д̣̇исваа вад̣̇аами на хи ан̃н̃ад̇о савам̣, буб̣б̣зниваасам̣ б̣ахугам̣ сараамий’’д̇и.
‘‘Disvā vadāmi na hi aññato savaṃ, pubbenivāsaṃ bahukaṃ sarāmī’’ti.
д̇ад̇т̇а мийл̣хзна лид̇д̇аад̇и махаарааж̇а, имз сад̇д̇аа маад̇угужчид̇о нигкаманд̇аа на жад̇уж̇ж̇аад̇иг̇анд̇хзхи вилимбид̇ваа сурабхимаалам̣ бил̣анд̇хид̇ваа нигкаманд̇и, бураан̣аг̇уут̇зна бана магкид̇аа балиб̣уд̣̇д̇хаа худ̇ваа нигкаманд̇и. рухирзна магкид̇аад̇и рад̇д̇алохид̇ажанд̣̇анаанулид̇д̇ааби жа худ̇ваа на нигкаманд̇и, рад̇д̇алохид̇амагкид̇аа бана худ̇ваа нигкаманд̇и. сзмхзна лид̇д̇аад̇и на жааби сзд̇ажанд̣̇анавилид̇д̇аа нигкаманд̇и, б̣ахалабижчиласзмхалид̇д̇аа бана худ̇ваа нигкаманд̇и. ид̇т̇ийнан̃хи г̇аб̣бхавудтаанагаалз зд̇аа асужияо нигкаманд̇и. д̇аавад̣̇зд̇и д̇асмим̣ самаяз. ид̣̇ам̣ вуд̇д̇ам̣ ход̇и – махаарааж̇а, имз сад̇д̇аа д̇асмим̣ маад̇угужчид̇о нигкаманасамаяз звам̣ мийл̣хаад̣̇илид̇д̇аа нигкаманд̇аа яам̣ яам̣ нигкаманамаг̇г̇абад̣̇зсам̣ ваа хад̇т̇ам̣ ваа баад̣̇ам̣ ваа пусанд̇и, д̇ам̣ саб̣б̣ам̣ асаад̇ам̣ амад̇хурам̣ гзвалам̣ асаммиссам̣ д̣̇угкамзва пусанд̇и, сукам̣ наама д̇зсам̣ д̇асмим̣ самаяз над̇т̇ийд̇и.
Tattha mīḷhena littāti mahārāja, ime sattā mātukucchito nikkhamantā na catujjātigandhehi vilimpitvā surabhimālaṃ piḷandhitvā nikkhamanti, purāṇagūthena pana makkhitā palibuddhā hutvā nikkhamanti. Ruhirena makkhitāti rattalohitacandanānulittāpi ca hutvā na nikkhamanti, rattalohitamakkhitā pana hutvā nikkhamanti. Semhena littāti na cāpi setacandanavilittā nikkhamanti, bahalapicchilasemhalittā pana hutvā nikkhamanti. Itthīnañhi gabbhavuṭṭhānakāle etā asuciyo nikkhamanti. Tāvadeti tasmiṃ samaye. Idaṃ vuttaṃ hoti – mahārāja, ime sattā tasmiṃ mātukucchito nikkhamanasamaye evaṃ mīḷhādilittā nikkhamantā yaṃ yaṃ nikkhamanamaggapadesaṃ vā hatthaṃ vā pādaṃ vā phusanti, taṃ sabbaṃ asātaṃ amadhuraṃ kevalaṃ asammissaṃ dukkhameva phusanti, sukhaṃ nāma tesaṃ tasmiṃ samaye natthīti.
д̣̇исваа вад̣̇аами на хи ан̃н̃ад̇о саванд̇и махаарааж̇а, ахам̣ имам̣ зд̇д̇агам̣ вад̣̇анд̇о на ан̃н̃ад̇о савам̣, ан̃н̃асса саман̣асса ваа б̣раахман̣асса ваа д̇ам̣ суд̇ваа на вад̣̇аами, ад̇д̇ано бана бажжзгаб̣од̇хин̃аан̣зна д̣̇исваа бадивиж̇жхид̇ваа бажжагкам̣ гад̇ваа вад̣̇аамийд̇и ад̇т̇о. буб̣б̣зниваасам̣ б̣ахуганд̇и ид̣̇ам̣ ад̇д̇ано аанубхаавам̣ д̣̇ассзнд̇о ааха. ид̣̇ам̣ вуд̇д̇ам̣ ход̇и – махаарааж̇а, ахан̃хи буб̣б̣з нивуд̇т̇агканд̇хабадибаадисан̇каад̇ам̣ буб̣б̣зниваасам̣ б̣ахугам̣ сараами, сад̇асахассагаббаад̇хигаани д̣̇вз асан̇кязяяаани сараамийд̇и.
Disvā vadāmi na hi aññato savanti mahārāja, ahaṃ imaṃ ettakaṃ vadanto na aññato savaṃ, aññassa samaṇassa vā brāhmaṇassa vā taṃ sutvā na vadāmi, attano pana paccekabodhiñāṇena disvā paṭivijjhitvā paccakkhaṃ katvā vadāmīti attho. Pubbenivāsaṃ bahukanti idaṃ attano ānubhāvaṃ dassento āha. Idaṃ vuttaṃ hoti – mahārāja, ahañhi pubbe nivutthakkhandhapaṭipāṭisaṅkhātaṃ pubbenivāsaṃ bahukaṃ sarāmi, satasahassakappādhikāni dve asaṅkhyeyyāni sarāmīti.
ид̣̇аани сад̇т̇аа абхисамб̣уд̣̇д̇хо худ̇ваа ‘‘звам̣ со бажжзгаб̣уд̣̇д̇хо рааж̇аанам̣ субхаасид̇агат̇ааяа сан̇г̇ан̣хий’’д̇и вад̇ваа осаанз убад̣дхаг̇аат̇амааха –
Idāni satthā abhisambuddho hutvā ‘‘evaṃ so paccekabuddho rājānaṃ subhāsitakathāya saṅgaṇhī’’ti vatvā osāne upaḍḍhagāthamāha –
‘‘жид̇раахи г̇аат̇аахи субхаасид̇аахи, д̣̇ариймуко ниж̇жхаабаяи сумзд̇ха’’нд̇и.
‘‘Citrāhi gāthāhi subhāsitāhi, darīmukho nijjhāpayi sumedha’’nti.
д̇ад̇т̇а жид̇раахийд̇и анзгад̇т̇асанниссид̇аахи. субхаасид̇аахийд̇и сугат̇ид̇аахи. д̣̇ариймуко ниж̇жхаабаяи сумзд̇ханд̇и бхигкавз, со д̣̇ариймукабажжзгаб̣уд̣̇д̇хо д̇ам̣ сумзд̇хам̣ сунд̣̇арабан̃н̃ам̣ гааран̣аагааран̣аж̇аананасамад̇т̇ам̣ рааж̇аанам̣ ниж̇жхаабзси сан̃н̃аабзси, ад̇д̇ано важанам̣ г̇ан̣хаабзсийд̇и ад̇т̇о.
Tattha citrāhīti anekatthasannissitāhi. Subhāsitāhīti sukathitāhi. Darīmukho nijjhāpayi sumedhanti bhikkhave, so darīmukhapaccekabuddho taṃ sumedhaṃ sundarapaññaṃ kāraṇākāraṇajānanasamatthaṃ rājānaṃ nijjhāpesi saññāpesi, attano vacanaṃ gaṇhāpesīti attho.
звам̣ бажжзгаб̣уд̣̇д̇хо гаамзсу д̣̇осам̣ д̣̇ассзд̇ваа ад̇д̇ано важанам̣ г̇аахаабзд̇ваа ‘‘махаарааж̇а, ид̣̇аани баб̣б̣аж̇а ваа маа ваа, маяаа бана д̇уяхам̣ гаамзсу аад̣̇ийнаво баб̣б̣аж̇ж̇ааяа жа аанисам̣со гат̇ид̇о, д̇вам̣ аббамад̇д̇о хохий’’д̇и вад̇ваа суван̣н̣арааж̇ахам̣со вияа аагаасз уббад̇ид̇ваа валаахагаг̇аб̣бхам̣ мад̣̇д̣̇анд̇о нанд̣̇амуулагабаб̣бхаарамзва г̇ад̇о. махаасад̇д̇о д̣̇асанакасамод̇хаанасамуж̇ж̇алам̣ ан̃ж̇алим̣ сирасмим̣ табзд̇ваа намассамаано д̇асмим̣ д̣̇ассанависаяз ад̇ийд̇з ж̇здтабуд̇д̇ам̣ баггосаабзд̇ваа раж̇ж̇ам̣ бадижчаабзд̇ваа махааж̇анасса род̣̇анд̇асса барид̣̇званд̇асса гаамз бахааяа химаванд̇ам̣ бависид̇ваа бан̣н̣асаалам̣ маабзд̇ваа исибаб̣б̣аж̇ж̇ам̣ баб̣б̣аж̇ид̇ваа на жирассзва абхин̃н̃аа жа самаабад̇д̇ияо жа ниб̣б̣ад̇д̇зд̇ваа ааяубарияосаанз б̣рахмалогуубаг̇о ахоси.
Evaṃ paccekabuddho kāmesu dosaṃ dassetvā attano vacanaṃ gāhāpetvā ‘‘mahārāja, idāni pabbaja vā mā vā, mayā pana tuyhaṃ kāmesu ādīnavo pabbajjāya ca ānisaṃso kathito, tvaṃ appamatto hohī’’ti vatvā suvaṇṇarājahaṃso viya ākāse uppatitvā valāhakagabbhaṃ maddanto nandamūlakapabbhārameva gato. Mahāsatto dasanakhasamodhānasamujjalaṃ añjaliṃ sirasmiṃ ṭhapetvā namassamāno tasmiṃ dassanavisaye atīte jeṭṭhaputtaṃ pakkosāpetvā rajjaṃ paṭicchāpetvā mahājanassa rodantassa paridevantassa kāme pahāya himavantaṃ pavisitvā paṇṇasālaṃ māpetvā isipabbajjaṃ pabbajitvā na cirasseva abhiññā ca samāpattiyo ca nibbattetvā āyupariyosāne brahmalokūpago ahosi.
сад̇т̇аа имам̣ д̇хаммад̣̇зсанам̣ аахарид̇ваа сажжаани багаасзд̇ваа ж̇аад̇агам̣ самод̇хаанзси, сажжабарияосаанз б̣ахуу сод̇аабаннаад̣̇аяо ахзсум̣. д̇ад̣̇аа рааж̇аа ахамзва ахосинд̇и.
Satthā imaṃ dhammadesanaṃ āharitvā saccāni pakāsetvā jātakaṃ samodhānesi, saccapariyosāne bahū sotāpannādayo ahesuṃ. Tadā rājā ahameva ahosinti.
д̣̇ариймукаж̇аад̇агаван̣н̣анаа д̇ад̇ияаа.
Darīmukhajātakavaṇṇanā tatiyā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / ж̇аад̇агабаал̣и • Jātakapāḷi / 378. д̣̇ариймукаж̇аад̇агам̣ • 378. Darīmukhajātakaṃ
