| Library / Tipiṭaka / તિપિટક • Tipiṭaka / અઙ્ગુત્તરનિકાય • Aṅguttaranikāya |
૧૧. દારુક્ખન્ધસુત્તં
11. Dārukkhandhasuttaṃ
૪૧. એવં મે સુતં – એકં સમયં આયસ્મા સારિપુત્તો રાજગહે વિહરતિ ગિજ્ઝકૂટે પબ્બતે. અથ ખો આયસ્મા સારિપુત્તો પુબ્બણ્હસમયં નિવાસેત્વા પત્તચીવરમાદાય સમ્બહુલેહિ ભિક્ખૂહિ સદ્ધિં ગિજ્ઝકૂટા પબ્બતા ઓરોહન્તો અદ્દસ અઞ્ઞતરસ્મિં પદેસે મહન્તં દારુક્ખન્ધં. દિસ્વા ભિક્ખૂ આમન્તેસિ – ‘‘પસ્સથ નો, આવુસો, તુમ્હે અમું મહન્તં દારુક્ખન્ધ’’ન્તિ? ‘‘એવમાવુસો’’તિ.
41. Evaṃ me sutaṃ – ekaṃ samayaṃ āyasmā sāriputto rājagahe viharati gijjhakūṭe pabbate. Atha kho āyasmā sāriputto pubbaṇhasamayaṃ nivāsetvā pattacīvaramādāya sambahulehi bhikkhūhi saddhiṃ gijjhakūṭā pabbatā orohanto addasa aññatarasmiṃ padese mahantaṃ dārukkhandhaṃ. Disvā bhikkhū āmantesi – ‘‘passatha no, āvuso, tumhe amuṃ mahantaṃ dārukkhandha’’nti? ‘‘Evamāvuso’’ti.
‘‘આકઙ્ખમાનો, આવુસો, ભિક્ખુ ઇદ્ધિમા ચેતોવસિપ્પત્તો અમું દારુક્ખન્ધં પથવીત્વેવ અધિમુચ્ચેય્ય. તં કિસ્સ હેતુ? અત્થિ, આવુસો , અમુમ્હિ દારુક્ખન્ધે પથવીધાતુ, યં નિસ્સાય ભિક્ખુ ઇદ્ધિમા ચેતોવસિપ્પત્તો અમું દારુક્ખન્ધં પથવીત્વેવ અધિમુચ્ચેય્ય. આકઙ્ખમાનો, આવુસો, ભિક્ખુ ઇદ્ધિમા ચેતોવસિપ્પત્તો અમું દારુક્ખન્ધં આપોત્વેવ અધિમુચ્ચેય્ય …પે॰… તેજોત્વેવ અધિમુચ્ચેય્ય… વાયોત્વેવ અધિમુચ્ચેય્ય… સુભન્ત્વેવ અધિમુચ્ચેય્ય… અસુભન્ત્વેવ અધિમુચ્ચેય્ય. તં કિસ્સ હેતુ? અત્થિ, આવુસો, અમુમ્હિ દારુક્ખન્ધે અસુભધાતુ, યં નિસ્સાય ભિક્ખુ ઇદ્ધિમા ચેતોવસિપ્પત્તો અમું દારુક્ખન્ધં અસુભન્ત્વેવ અધિમુચ્ચેય્યા’’તિ. એકાદસમં.
‘‘Ākaṅkhamāno, āvuso, bhikkhu iddhimā cetovasippatto amuṃ dārukkhandhaṃ pathavītveva adhimucceyya. Taṃ kissa hetu? Atthi, āvuso , amumhi dārukkhandhe pathavīdhātu, yaṃ nissāya bhikkhu iddhimā cetovasippatto amuṃ dārukkhandhaṃ pathavītveva adhimucceyya. Ākaṅkhamāno, āvuso, bhikkhu iddhimā cetovasippatto amuṃ dārukkhandhaṃ āpotveva adhimucceyya …pe… tejotveva adhimucceyya… vāyotveva adhimucceyya… subhantveva adhimucceyya… asubhantveva adhimucceyya. Taṃ kissa hetu? Atthi, āvuso, amumhi dārukkhandhe asubhadhātu, yaṃ nissāya bhikkhu iddhimā cetovasippatto amuṃ dārukkhandhaṃ asubhantveva adhimucceyyā’’ti. Ekādasamaṃ.
Related texts:
અટ્ઠકથા • Aṭṭhakathā / સુત્તપિટક (અટ્ઠકથા) • Suttapiṭaka (aṭṭhakathā) / અઙ્ગુત્તરનિકાય (અટ્ઠકથા) • Aṅguttaranikāya (aṭṭhakathā) / ૧૧. દારુક્ખન્ધસુત્તવણ્ણના • 11. Dārukkhandhasuttavaṇṇanā
ટીકા • Tīkā / સુત્તપિટક (ટીકા) • Suttapiṭaka (ṭīkā) / અઙ્ગુત્તરનિકાય (ટીકા) • Aṅguttaranikāya (ṭīkā) / ૮-૧૧. અત્તકારીસુત્તાદિવણ્ણના • 8-11. Attakārīsuttādivaṇṇanā
