| Library / Tipiṭaka / തിപിടക • Tipiṭaka / അങ്ഗുത്തരനികായ (അട്ഠകഥാ) • Aṅguttaranikāya (aṭṭhakathā) |
൧൧. ദാരുക്ഖന്ധസുത്തവണ്ണനാ
11. Dārukkhandhasuttavaṇṇanā
൪൧. ഏകാദസമേ ചേതോവസിപ്പത്തോതി ചിത്തവസിഭാവം പത്തോ. പഥവീത്വേവ അധിമുച്ചേയ്യാതി ഥദ്ധാകാരം പഥവീധാതൂതി സല്ലക്ഖേയ്യ. യം നിസ്സായാതി യം വിജ്ജമാനം ഥദ്ധാകാരം പഥവീധാതും നിസ്സായ അമും ദാരുക്ഖന്ധം പഥവീത്വേവ അധിമുച്ചേയ്യ, സാ ഏത്ഥ പഥവീധാതു അത്ഥീതി. ഇമിനാ നയേന സേസപദാനിപി വേദിതബ്ബാനി. യഥേവ ഹി തസ്മിം ഥദ്ധാകാരാ പഥവീധാതു അത്ഥി, ഏവം യൂസാകാരാ ആപോധാതു, ഉണ്ഹാകാരാ തേജോധാതു, വിത്ഥമ്ഭനാകാരാ വായോധാതു, രത്തവണ്ണമ്ഹി സാരേ പദുമപുപ്ഫവണ്ണാ സുഭധാതു, പൂതിഭൂതേ ചുണ്ണേ ചേവ ഫേഗ്ഗുപപടികാസു ച അമനുഞ്ഞവണ്ണാ അസുഭധാതു, തം നിസ്സായ അമും ദാരുക്ഖന്ധം അസുഭന്ത്വേവ അധിമുച്ചേയ്യ സല്ലക്ഖേയ്യാതി. ഇമസ്മിം സുത്തേ മിസ്സകവിഹാരോ നാമ കഥിതോ.
41. Ekādasame cetovasippattoti cittavasibhāvaṃ patto. Pathavītveva adhimucceyyāti thaddhākāraṃ pathavīdhātūti sallakkheyya. Yaṃnissāyāti yaṃ vijjamānaṃ thaddhākāraṃ pathavīdhātuṃ nissāya amuṃ dārukkhandhaṃ pathavītveva adhimucceyya, sā ettha pathavīdhātu atthīti. Iminā nayena sesapadānipi veditabbāni. Yatheva hi tasmiṃ thaddhākārā pathavīdhātu atthi, evaṃ yūsākārā āpodhātu, uṇhākārā tejodhātu, vitthambhanākārā vāyodhātu, rattavaṇṇamhi sāre padumapupphavaṇṇā subhadhātu, pūtibhūte cuṇṇe ceva pheggupapaṭikāsu ca amanuññavaṇṇā asubhadhātu, taṃ nissāya amuṃ dārukkhandhaṃ asubhantveva adhimucceyya sallakkheyyāti. Imasmiṃ sutte missakavihāro nāma kathito.
Related texts:
തിപിടക (മൂല) • Tipiṭaka (Mūla) / സുത്തപിടക • Suttapiṭaka / അങ്ഗുത്തരനികായ • Aṅguttaranikāya / ൧൧. ദാരുക്ഖന്ധസുത്തം • 11. Dārukkhandhasuttaṃ
ടീകാ • Tīkā / സുത്തപിടക (ടീകാ) • Suttapiṭaka (ṭīkā) / അങ്ഗുത്തരനികായ (ടീകാ) • Aṅguttaranikāya (ṭīkā) / ൮-൧൧. അത്തകാരീസുത്താദിവണ്ണനാ • 8-11. Attakārīsuttādivaṇṇanā
