| Library / Tipiṭaka / д̇ибидага • Tipiṭaka / бхигкунийвибхан̇г̇а • Bhikkhunīvibhaṅga |
10. д̣̇асамасан̇гхаад̣̇исзсасигкаабад̣̇ам̣
10. Dasamasaṅghādisesasikkhāpadaṃ
727. д̇зна самаязна б̣уд̣̇д̇хо бхаг̇аваа саавад̇т̇ияам̣ вихарад̇и ж̇зд̇аванз анаат̇абин̣д̣игасса аараамз. д̇зна ко бана самаязна т̇уллананд̣̇аа бхигкунийсан̇гхзна саманубхадтаа бхигкунияо звам̣ вад̣̇зд̇и – ‘‘сам̣садтаава аяяз, д̇умхз вихарат̇а. маа д̇умхз наанаа вихарид̇т̇а. санд̇и сан̇гхз ан̃н̃ааби бхигкунияо зваажаараа звам̣сад̣̇д̣̇аа звам̣силогаа, бхигкунисан̇гхасса вихзсигаа, ан̃н̃аман̃н̃иссаа важ̇ж̇аббадижчаад̣̇игаа. д̇аа сан̇гхо на гин̃жи ааха. д̇умхан̃н̃зва 1 сан̇гхо ун̃н̃ааяа барибхавзна агканд̇ияаа взбхассияаа 2 д̣̇уб̣б̣аляаа звамааха – ‘бхаг̇инияо ко сам̣садтаа вихаранд̇и баабаажаараа баабасад̣̇д̣̇аа баабасилогаа, бхигкунисан̇гхасса вихзсигаа, ан̃н̃аман̃н̃иссаа важ̇ж̇аббадижчаад̣̇игаа. вивижжат̇ааяяз. вивзган̃н̃зва бхаг̇инийнам̣ сан̇гхо ван̣н̣зд̇ий’’’д̇и. яаа д̇аа бхигкунияо аббижчаа…бз… д̇аа уж̇жхааяанд̇и кияяанд̇и вибаажзнд̇и – гат̇ан̃хи наама аяяаа т̇уллананд̣̇аа бхигкуний сан̇гхзна саманубхадтаа бхигкунияо звам̣ вагкад̇и – сам̣садтаава аяяз, д̇умхз вихарат̇а. маа д̇умхз наанаа вихарид̇т̇а. санд̇и сан̇гхз ан̃н̃ааби бхигкунияо…бз… вивижжат̇ааяяз. вивзган̃н̃зва бхаг̇инийнам̣ сан̇гхо ван̣н̣зд̇ийд̇и…бз… сажжам̣ гира, бхигкавз, т̇уллананд̣̇аа бхигкуний сан̇гхзна саманубхадтаа бхигкунияо звам̣ вад̣̇зд̇и – сам̣садтаава аяяз д̇умхз вихарат̇а. маа д̇умхз наанаа вихарид̇т̇а. санд̇и сан̇гхз ан̃н̃ааби бхигкунияо зваажаараа звам̣сад̣̇д̣̇аа звам̣силогаа, бхигкунисан̇гхасса вихзсигаа, ан̃н̃аман̃н̃иссаа важ̇ж̇аббадижчаад̣̇игаа. д̇аа сан̇гхо на гин̃жи ааха. д̇умхан̃н̃зва сан̇гхо ун̃н̃ааяа барибхавзна агканд̇ияаа взбхассияаа д̣̇уб̣б̣аляаа звамааха – бхаг̇инияо ко сам̣садтаа вихаранд̇и баабаажаараа баабасад̣̇д̣̇аа баабасилогаа, бхигкунисан̇гхасса вихзсигаа, ан̃н̃аман̃н̃иссаа важ̇ж̇аббадижчаад̣̇игаа. вивижжат̇ааяяз. вивзган̃н̃зва бхаг̇инийнам̣ сан̇гхо ван̣н̣зд̇ийд̇и? ‘‘сажжам̣ бхаг̇аваа’’д̇и. виг̇арахи б̣уд̣̇д̇хо бхаг̇аваа…бз… гат̇ан̃хи наама, бхигкавз, т̇уллананд̣̇аа бхигкуний сан̇гхзна саманубхадтаа бхигкунияо звам̣ вагкад̇и – сам̣садтаава аяяз, д̇умхз вихарат̇а. маа д̇умхз наанаа вихарид̇т̇а. санд̇и сан̇гхз ан̃н̃ааби бхигкунияо…бз… вивижжат̇ааяяз. вивзган̃н̃зва бхаг̇инийнам̣ сан̇гхо ван̣н̣зд̇ийд̇и! нзд̇ам̣, бхигкавз, аббасаннаанам̣ ваа басаад̣̇ааяа…бз… зван̃жа бана бхигкавз, бхигкунияо имам̣ сигкаабад̣̇ам̣ уд̣̇д̣̇исанд̇у –
727. Tena samayena buddho bhagavā sāvatthiyaṃ viharati jetavane anāthapiṇḍikassa ārāme. Tena kho pana samayena thullanandā bhikkhunīsaṅghena samanubhaṭṭhā bhikkhuniyo evaṃ vadeti – ‘‘saṃsaṭṭhāva ayye, tumhe viharatha. Mā tumhe nānā viharittha. Santi saṅghe aññāpi bhikkhuniyo evācārā evaṃsaddā evaṃsilokā, bhikkhunisaṅghassa vihesikā, aññamaññissā vajjappaṭicchādikā. Tā saṅgho na kiñci āha. Tumhaññeva 3 saṅgho uññāya paribhavena akkhantiyā vebhassiyā 4 dubbalyā evamāha – ‘bhaginiyo kho saṃsaṭṭhā viharanti pāpācārā pāpasaddā pāpasilokā, bhikkhunisaṅghassa vihesikā, aññamaññissā vajjappaṭicchādikā. Viviccathāyye. Vivekaññeva bhaginīnaṃ saṅgho vaṇṇetī’’’ti. Yā tā bhikkhuniyo appicchā…pe… tā ujjhāyanti khiyyanti vipācenti – kathañhi nāma ayyā thullanandā bhikkhunī saṅghena samanubhaṭṭhā bhikkhuniyo evaṃ vakkhati – saṃsaṭṭhāva ayye, tumhe viharatha. Mā tumhe nānā viharittha. Santi saṅghe aññāpi bhikkhuniyo…pe… viviccathāyye. Vivekaññeva bhaginīnaṃ saṅgho vaṇṇetīti…pe… saccaṃ kira, bhikkhave, thullanandā bhikkhunī saṅghena samanubhaṭṭhā bhikkhuniyo evaṃ vadeti – saṃsaṭṭhāva ayye tumhe viharatha. Mā tumhe nānā viharittha. Santi saṅghe aññāpi bhikkhuniyo evācārā evaṃsaddā evaṃsilokā, bhikkhunisaṅghassa vihesikā, aññamaññissā vajjappaṭicchādikā. Tā saṅgho na kiñci āha. Tumhaññeva saṅgho uññāya paribhavena akkhantiyā vebhassiyā dubbalyā evamāha – bhaginiyo kho saṃsaṭṭhā viharanti pāpācārā pāpasaddā pāpasilokā, bhikkhunisaṅghassa vihesikā, aññamaññissā vajjappaṭicchādikā. Viviccathāyye. Vivekaññeva bhaginīnaṃ saṅgho vaṇṇetīti? ‘‘Saccaṃ bhagavā’’ti. Vigarahi buddho bhagavā…pe… kathañhi nāma, bhikkhave, thullanandā bhikkhunī saṅghena samanubhaṭṭhā bhikkhuniyo evaṃ vakkhati – saṃsaṭṭhāva ayye, tumhe viharatha. Mā tumhe nānā viharittha. Santi saṅghe aññāpi bhikkhuniyo…pe… viviccathāyye. Vivekaññeva bhaginīnaṃ saṅgho vaṇṇetīti! Netaṃ, bhikkhave, appasannānaṃ vā pasādāya…pe… evañca pana bhikkhave, bhikkhuniyo imaṃ sikkhāpadaṃ uddisantu –
728. ‘‘яаа бана бхигкуний звам̣ вад̣̇зяяа – ‘сам̣садтаава аяяз, д̇умхз вихарат̇а. маа д̇умхз наанаа вихарид̇т̇а. санд̇и сан̇гхз ан̃н̃ааби бхигкунияо зваажаараа звам̣сад̣̇д̣̇аа звам̣силогаа, бхигкунисан̇гхасса вихзсигаа, ан̃н̃аман̃н̃иссаа важ̇ж̇аббадижчаад̣̇игаа. д̇аа сан̇гхо на гин̃жи ааха. д̇умхан̃н̃зва сан̇гхо ун̃н̃ааяа барибхавзна агканд̇ияаа взбхассияаа д̣̇уб̣б̣аляаа звамааха – бхаг̇инияо ко сам̣садтаа вихаранд̇и баабаажаараа баабасад̣̇д̣̇аа баабасилогаа, бхигкунисан̇гхасса вихзсигаа, ан̃н̃аман̃н̃иссаа важ̇ж̇аббадижчаад̣̇игаа. вивижжат̇ааяяз. вивзган̃н̃зва бхаг̇инийнам̣ сан̇гхо ван̣н̣зд̇ий’д̇и. саа бхигкуний бхигкунийхи звамасса важанийяаа – ‘маа, аяяз, звам̣ аважа – сам̣садтаава аяяз, д̇умхз вихарат̇а. маа д̇умхз наанаа вихарид̇т̇а. санд̇и сан̇гхз ан̃н̃ааби бхигкунияо зваажаараа звам̣сад̣̇д̣̇аа звам̣силогаа, бхигкунисан̇гхасса вихзсигаа, ан̃н̃аман̃н̃иссаа важ̇ж̇аббадижчаад̣̇игаа. д̇аа сан̇гхо на гин̃жи ааха. д̇умхан̃н̃зва сан̇гхо ун̃н̃ааяа барибхавзна агканд̇ияаа взбхассияаа д̣̇уб̣б̣аляаа звамааха – бхаг̇инияо ко сам̣садтаа вихаранд̇и баабаажаараа баабасад̣̇д̣̇аа баабасилогаа, бхигкунисан̇гхасса вихзсигаа, ан̃н̃аман̃н̃иссаа важ̇ж̇аббадижчаад̣̇игаа. вивижжат̇ааяяз. вивзган̃н̃зва бхаг̇инийнам̣ сан̇гхо ван̣н̣зд̇ий’д̇и. зван̃жа саа бхигкуний бхигкунийхи вужжамаанаа д̇ат̇зва баг̇г̇ан̣хзяяа, саа бхигкуний бхигкунийхи яаавад̇ад̇ияам̣ саманубхаасид̇аб̣б̣аа д̇асса бадиниссаг̇г̇ааяа. яаавад̇ад̇ияан̃жз саманубхаасийяамаанаа д̇ам̣ бадиниссаж̇ж̇зяяа, ижжзд̇ам̣ гусалам̣; но жз бадиниссаж̇ж̇зяяа, аяамби бхигкуний яаавад̇ад̇ияагам̣ д̇хаммам̣ аабаннаа ниссааран̣ийяам̣ сан̇гхаад̣̇исзса’’нд̇и.
728.‘‘Yāpana bhikkhunī evaṃ vadeyya – ‘saṃsaṭṭhāva ayye, tumhe viharatha. Mā tumhe nānā viharittha. Santi saṅghe aññāpi bhikkhuniyo evācārā evaṃsaddā evaṃsilokā, bhikkhunisaṅghassa vihesikā, aññamaññissā vajjappaṭicchādikā. Tā saṅgho na kiñci āha. Tumhaññeva saṅgho uññāya paribhavena akkhantiyā vebhassiyā dubbalyā evamāha – bhaginiyo kho saṃsaṭṭhā viharanti pāpācārā pāpasaddā pāpasilokā, bhikkhunisaṅghassa vihesikā, aññamaññissā vajjappaṭicchādikā. Viviccathāyye. Vivekaññeva bhaginīnaṃ saṅgho vaṇṇetī’ti. Sā bhikkhunī bhikkhunīhi evamassa vacanīyā – ‘mā, ayye, evaṃ avaca – saṃsaṭṭhāva ayye, tumhe viharatha. Mā tumhe nānā viharittha. Santi saṅghe aññāpi bhikkhuniyo evācārā evaṃsaddā evaṃsilokā, bhikkhunisaṅghassa vihesikā, aññamaññissā vajjappaṭicchādikā. Tā saṅgho na kiñci āha. Tumhaññeva saṅgho uññāya paribhavena akkhantiyā vebhassiyā dubbalyā evamāha – bhaginiyo kho saṃsaṭṭhā viharanti pāpācārā pāpasaddā pāpasilokā, bhikkhunisaṅghassa vihesikā, aññamaññissā vajjappaṭicchādikā. Viviccathāyye. Vivekaññeva bhaginīnaṃ saṅgho vaṇṇetī’ti. Evañca sā bhikkhunī bhikkhunīhi vuccamānā tatheva paggaṇheyya, sā bhikkhunī bhikkhunīhi yāvatatiyaṃ samanubhāsitabbā tassa paṭinissaggāya. Yāvatatiyañce samanubhāsīyamānā taṃ paṭinissajjeyya, iccetaṃ kusalaṃ; no ce paṭinissajjeyya, ayampi bhikkhunī yāvatatiyakaṃ dhammaṃ āpannā nissāraṇīyaṃ saṅghādisesa’’nti.
729. яаа банаад̇и яаа яаад̣̇исаа…бз… бхигкунийд̇и…бз… аяам̣ имасмим̣ ад̇т̇з ад̇хиббзд̇аа бхигкунийд̇и.
729.Yāpanāti yā yādisā…pe… bhikkhunīti…pe… ayaṃ imasmiṃ atthe adhippetā bhikkhunīti.
звам̣ вад̣̇зяяаад̇и – ‘‘сам̣садтаава аяяз, д̇умхз вихарат̇а. маа д̇умхз наанаа вихарид̇т̇а. санд̇и сан̇гхз ан̃н̃ааби бхигкунияо зваажаараа звам̣сад̣̇д̣̇аа звам̣силогаа, бхигкунисан̇гхасса вихзсигаа, ан̃н̃аман̃н̃иссаа важ̇ж̇аббадижчаад̣̇игаа. д̇аа сан̇гхо на гин̃жи ааха’’.
Evaṃ vadeyyāti – ‘‘saṃsaṭṭhāva ayye, tumhe viharatha. Mā tumhe nānā viharittha. Santi saṅghe aññāpi bhikkhuniyo evācārā evaṃsaddā evaṃsilokā, bhikkhunisaṅghassa vihesikā, aññamaññissā vajjappaṭicchādikā. Tā saṅgho na kiñci āha’’.
д̇умхан̃н̃зва сан̇гхо ун̃н̃ааяаад̇и аван̃н̃ааяа.
Tumhaññeva saṅgho uññāyāti avaññāya.
барибхавзнаад̇и баарибхаб̣яад̇аа.
Paribhavenāti pāribhabyatā.
агканд̇ияаад̇и гобзна.
Akkhantiyāti kopena.
д̣̇уб̣б̣аляаад̇и абагкад̇аа.
Dubbalyāti apakkhatā.
звамааха – ‘‘бхаг̇инияо ко сам̣садтаа вихаранд̇и баабаажаараа баабасад̣̇д̣̇аа баабасилогаа, бхигкунисан̇гхасса вихзсигаа, ан̃н̃аман̃н̃иссаа важ̇ж̇аббадижчаад̣̇игаа. вижижжат̇ааяяз. вивзган̃н̃зва бхаг̇инийнам̣ сан̇гхо ван̣н̣зд̇ий’’д̇и.
Evamāha – ‘‘bhaginiyo kho saṃsaṭṭhā viharanti pāpācārā pāpasaddā pāpasilokā, bhikkhunisaṅghassa vihesikā, aññamaññissā vajjappaṭicchādikā. Viciccathāyye. Vivekaññeva bhaginīnaṃ saṅgho vaṇṇetī’’ti.
саа бхигкунийд̇и яаа саа звам̣ваад̣̇иний бхигкуний.
Sā bhikkhunīti yā sā evaṃvādinī bhikkhunī.
бхигкунийхийд̇и ан̃н̃аахи бхигкунийхи.
Bhikkhunīhīti aññāhi bhikkhunīhi.
яаа бассанд̇и яаа сун̣анд̇и д̇аахи вад̇д̇аб̣б̣аа – ‘‘мааяяз, звам̣ аважа – ‘сам̣садтаава аяяз, д̇умхз вихарат̇а. маа д̇умхз наанаа вихарид̇т̇а. санд̇и сан̇гхз ан̃н̃ааби бхигкунияо…бз… вивижжат̇ааяяз. вивзган̃н̃зва бхаг̇инийнам̣ сан̇гхо ван̣н̣зд̇ий’’д̇и. д̣̇уд̇ияамби вад̇д̇аб̣б̣аа. д̇ад̇ияамби вад̇д̇аб̣б̣аа. сажз бадиниссаж̇ж̇ад̇и, ижжзд̇ам̣ гусалам̣; но жз бадиниссаж̇ж̇ад̇и, аабад̇д̇и д̣̇уггадасса. суд̇ваа на вад̣̇анд̇и, аабад̇д̇и д̣̇уггадасса. саа бхигкуний сан̇гхамаж̇жхамби аагад̣дхид̇ваа вад̇д̇аб̣б̣аа – ‘‘мааяяз, звам̣ аважа – ‘сам̣садтаава аяяз, д̇умхз вихарат̇а. маа д̇умхз наанаа вихарид̇т̇а. санд̇и сан̇гхз ан̃н̃ааби бхигкунияо…бз… вивижжат̇ааяяз. вивзган̃н̃зва бхаг̇инийнам̣ сан̇гхо ван̣н̣зд̇ий’’’д̇и. д̣̇уд̇ияамби вад̇д̇аб̣б̣аа. д̇ад̇ияамби вад̇д̇аб̣б̣аа. сажз бадиниссаж̇ж̇ад̇и, ижжзд̇ам̣ гусалам̣; но жз бадиниссаж̇ж̇ад̇и, аабад̇д̇и д̣̇уггадасса. саа бхигкуний саманубхаасид̇аб̣б̣аа. зван̃жа бана, бхигкавз, саманубхаасид̇аб̣б̣аа. б̣яад̇д̇ааяа бхигкунияаа бадиб̣алааяа сан̇гхо н̃аабзд̇аб̣б̣о –
Yā passanti yā suṇanti tāhi vattabbā – ‘‘māyye, evaṃ avaca – ‘saṃsaṭṭhāva ayye, tumhe viharatha. Mā tumhe nānā viharittha. Santi saṅghe aññāpi bhikkhuniyo…pe… viviccathāyye. Vivekaññeva bhaginīnaṃ saṅgho vaṇṇetī’’ti. Dutiyampi vattabbā. Tatiyampi vattabbā. Sace paṭinissajjati, iccetaṃ kusalaṃ; no ce paṭinissajjati, āpatti dukkaṭassa. Sutvā na vadanti, āpatti dukkaṭassa. Sā bhikkhunī saṅghamajjhampi ākaḍḍhitvā vattabbā – ‘‘māyye, evaṃ avaca – ‘saṃsaṭṭhāva ayye, tumhe viharatha. Mā tumhe nānā viharittha. Santi saṅghe aññāpi bhikkhuniyo…pe… viviccathāyye. Vivekaññeva bhaginīnaṃ saṅgho vaṇṇetī’’’ti. Dutiyampi vattabbā. Tatiyampi vattabbā. Sace paṭinissajjati, iccetaṃ kusalaṃ; no ce paṭinissajjati, āpatti dukkaṭassa. Sā bhikkhunī samanubhāsitabbā. Evañca pana, bhikkhave, samanubhāsitabbā. Byattāya bhikkhuniyā paṭibalāya saṅgho ñāpetabbo –
730. ‘‘сун̣аад̇у мз, аяяз, сан̇гхо. аяам̣ ид̇т̇аннаамаа бхигкуний сан̇гхзна саманубхадтаа бхигкунияо звам̣ вад̣̇зд̇и – ‘сам̣садтаава аяяз, д̇умхз вихарат̇а. маа д̇умхз наанаа вихарид̇т̇а. санд̇и сан̇гхз ан̃н̃ааби бхигкунияо зваажаараа звам̣сад̣̇д̣̇аа звам̣силогаа, бхигкунисан̇гхасса вихзсигаа, ан̃н̃аман̃н̃иссаа важ̇ж̇аббадижчаад̣̇игаа. д̇аа сан̇гхо на гин̃жи ааха. д̇умхан̃н̃зва сан̇гхо ун̃н̃ааяа барибхавзна агканд̇ияаа взбхассияаа д̣̇уб̣б̣аляаа звамааха – бхаг̇инияо ко сам̣садтаа вихаранд̇и баабаажаараа баабасад̣̇д̣̇аа баабасилогаа, бхигкунисан̇гхасса вихзсигаа ан̃н̃аман̃н̃иссаа важ̇ж̇аббадижчаад̣̇игаа . вивижжат̇ааяяз. вивзган̃н̃зва бхаг̇инийнам̣ сан̇гхо ван̣н̣зд̇ий’д̇и. саа д̇ам̣ вад̇т̇ум̣ на бадиниссаж̇ж̇ад̇и. яад̣̇и сан̇гхасса бад̇д̇агаллам̣, сан̇гхо ид̇т̇аннаамам̣ бхигкуним̣ саманубхаасзяяа д̇асса вад̇т̇усса бадиниссаг̇г̇ааяа. зсаа н̃ад̇д̇и.
730. ‘‘Suṇātu me, ayye, saṅgho. Ayaṃ itthannāmā bhikkhunī saṅghena samanubhaṭṭhā bhikkhuniyo evaṃ vadeti – ‘saṃsaṭṭhāva ayye, tumhe viharatha. Mā tumhe nānā viharittha. Santi saṅghe aññāpi bhikkhuniyo evācārā evaṃsaddā evaṃsilokā, bhikkhunisaṅghassa vihesikā, aññamaññissā vajjappaṭicchādikā. Tā saṅgho na kiñci āha. Tumhaññeva saṅgho uññāya paribhavena akkhantiyā vebhassiyā dubbalyā evamāha – bhaginiyo kho saṃsaṭṭhā viharanti pāpācārā pāpasaddā pāpasilokā, bhikkhunisaṅghassa vihesikā aññamaññissā vajjappaṭicchādikā . Viviccathāyye. Vivekaññeva bhaginīnaṃ saṅgho vaṇṇetī’ti. Sā taṃ vatthuṃ na paṭinissajjati. Yadi saṅghassa pattakallaṃ, saṅgho itthannāmaṃ bhikkhuniṃ samanubhāseyya tassa vatthussa paṭinissaggāya. Esā ñatti.
‘‘сун̣аад̇у мз, аяяз, сан̇гхо. аяам̣ ид̇т̇аннаамаа бхигкуний сан̇гхзна саманубхадтаа бхигкунияо звам̣ вад̣̇зд̇и – ‘сам̣садтаава аяяз, д̇умхз вихарат̇а. маа д̇умхз наанаа вихарид̇т̇а. санд̇и сан̇гхз ан̃н̃ааби бхигкунияо зваажаараа звам̣сад̣̇д̣̇аа звам̣силогаа, бхигкунисан̇гхасса вихзсигаа, ан̃н̃аман̃н̃иссаа важ̇ж̇аббадижчаад̣̇игаа. д̇аа сан̇гхо на гин̃жи ааха. д̇умхан̃н̃зва сан̇гхо ун̃н̃ааяа барибхавзна агканд̇ияаа взбхассияаа д̣̇уб̣б̣аляаа звамааха – бхаг̇инияо ко сам̣садтаа вихаранд̇и баабаажаараа баабасад̣̇д̣̇аа баабасилогаа, бхигкунисан̇гхасса вихзсигаа, ан̃н̃аман̃н̃иссаа важ̇ж̇аббадижчаад̣̇игаа. вивижжат̇ааяяз. вивзган̃н̃зва бхаг̇инийнам̣ сан̇гхо ван̣н̣зд̇ий’д̇и. саа д̇ам̣ вад̇т̇ум̣ на бадиниссаж̇ж̇ад̇и. сан̇гхо ид̇т̇аннаамам̣ бхигкуним̣ саманубхаасад̇и д̇асса вад̇т̇усса бадиниссаг̇г̇ааяа. яассаа аяяааяа камад̇и ид̇т̇аннаамааяа бхигкунияаа саманубхаасанаа д̇асса вад̇т̇усса бадиниссаг̇г̇ааяа, саа д̇ун̣хасса; яассаа нагкамад̇и, саа бхаасзяяа.
‘‘Suṇātu me, ayye, saṅgho. Ayaṃ itthannāmā bhikkhunī saṅghena samanubhaṭṭhā bhikkhuniyo evaṃ vadeti – ‘saṃsaṭṭhāva ayye, tumhe viharatha. Mā tumhe nānā viharittha. Santi saṅghe aññāpi bhikkhuniyo evācārā evaṃsaddā evaṃsilokā, bhikkhunisaṅghassa vihesikā, aññamaññissā vajjappaṭicchādikā. Tā saṅgho na kiñci āha. Tumhaññeva saṅgho uññāya paribhavena akkhantiyā vebhassiyā dubbalyā evamāha – bhaginiyo kho saṃsaṭṭhā viharanti pāpācārā pāpasaddā pāpasilokā, bhikkhunisaṅghassa vihesikā, aññamaññissā vajjappaṭicchādikā. Viviccathāyye. Vivekaññeva bhaginīnaṃ saṅgho vaṇṇetī’ti. Sā taṃ vatthuṃ na paṭinissajjati. Saṅgho itthannāmaṃ bhikkhuniṃ samanubhāsati tassa vatthussa paṭinissaggāya. Yassā ayyāya khamati itthannāmāya bhikkhuniyā samanubhāsanā tassa vatthussa paṭinissaggāya, sā tuṇhassa; yassā nakkhamati, sā bhāseyya.
‘‘д̣̇уд̇ияамби зд̇амад̇т̇ам̣ вад̣̇аами…бз… д̇ад̇ияамби зд̇амад̇т̇ам̣ вад̣̇аами…бз….
‘‘Dutiyampi etamatthaṃ vadāmi…pe… tatiyampi etamatthaṃ vadāmi…pe….
‘‘саманубхадтаа сан̇гхзна ид̇т̇аннаамаа бхигкуний д̇асса вад̇т̇усса бадиниссаг̇г̇ааяа. камад̇и сан̇гхасса, д̇асмаа д̇ун̣хий, звамзд̇ам̣ д̇хаараяаамий’’д̇и.
‘‘Samanubhaṭṭhā saṅghena itthannāmā bhikkhunī tassa vatthussa paṭinissaggāya. Khamati saṅghassa, tasmā tuṇhī, evametaṃ dhārayāmī’’ti.
н̃ад̇д̇ияаа д̣̇уггадам̣, д̣̇вийхи гаммаваажаахи т̇уллажжаяаа, гаммаваажаабарияосаанз аабад̇д̇и сан̇гхаад̣̇исзсасса. сан̇гхаад̣̇исзсам̣ аж̇жхаабаж̇ж̇анд̇ияаа н̃ад̇д̇ияаа д̣̇уггадам̣, д̣̇вийхи гаммаваажаахи т̇уллажжаяаа бадиббассамбханд̇и.
Ñattiyā dukkaṭaṃ, dvīhi kammavācāhi thullaccayā, kammavācāpariyosāne āpatti saṅghādisesassa. Saṅghādisesaṃ ajjhāpajjantiyā ñattiyā dukkaṭaṃ, dvīhi kammavācāhi thullaccayā paṭippassambhanti.
аяамбийд̇и буримааяо убаад̣̇ааяа вужжад̇и.
Ayampīti purimāyo upādāya vuccati.
яаавад̇ад̇ияаганд̇и яаавад̇ад̇ияам̣ саманубхаасанааяа аабаж̇ж̇ад̇и, на сахавад̇т̇уж̇жхаажаараа.
Yāvatatiyakanti yāvatatiyaṃ samanubhāsanāya āpajjati, na sahavatthujjhācārā.
ниссааран̣ийяанд̇и сан̇гхамхаа ниссаарийяад̇и.
Nissāraṇīyanti saṅghamhā nissārīyati.
сан̇гхаад̣̇исзсод̇и сан̇гхова д̇ассаа аабад̇д̇ияаа маанад̇д̇ам̣ д̣̇зд̇и, муулааяа бадигассад̇и, аб̣бхзд̇и, на самб̣ахулаа на згаа бхигкуний. д̇зна вужжад̇и ‘‘сан̇гхаад̣̇исзсо’’д̇и. д̇ассзва аабад̇д̇инигааяасса наамагаммам̣ ад̇хиважанам̣, д̇знаби вужжад̇и ‘‘сан̇гхаад̣̇исзсо’’д̇и.
Saṅghādisesoti saṅghova tassā āpattiyā mānattaṃ deti, mūlāya paṭikassati, abbheti, na sambahulā na ekā bhikkhunī. Tena vuccati ‘‘saṅghādiseso’’ti. Tasseva āpattinikāyassa nāmakammaṃ adhivacanaṃ, tenapi vuccati ‘‘saṅghādiseso’’ti.
731. д̇хаммагаммз д̇хаммагаммасан̃н̃аа на бадиниссаж̇ж̇ад̇и, аабад̇д̇и сан̇гхаад̣̇исзсасса . д̇хаммагаммз взмад̇игаа на бадиниссаж̇ж̇ад̇и, аабад̇д̇и сан̇гхаад̣̇исзсасса. д̇хаммагаммз ад̇хаммагаммасан̃н̃аа на бадиниссаж̇ж̇ад̇и, аабад̇д̇и сан̇гхаад̣̇исзсасса.
731. Dhammakamme dhammakammasaññā na paṭinissajjati, āpatti saṅghādisesassa . Dhammakamme vematikā na paṭinissajjati, āpatti saṅghādisesassa. Dhammakamme adhammakammasaññā na paṭinissajjati, āpatti saṅghādisesassa.
ад̇хаммагаммз д̇хаммагаммасан̃н̃аа, аабад̇д̇и д̣̇уггадасса. ад̇хаммагаммз взмад̇игаа, аабад̇д̇и д̣̇уггадасса. ад̇хаммагаммз ад̇хаммагаммасан̃н̃аа, аабад̇д̇и д̣̇уггадасса.
Adhammakamme dhammakammasaññā, āpatti dukkaṭassa. Adhammakamme vematikā, āpatti dukkaṭassa. Adhammakamme adhammakammasaññā, āpatti dukkaṭassa.
732. анаабад̇д̇и асаманубхаасанд̇ияаа, бадиниссаж̇ж̇анд̇ияаа, уммад̇д̇игааяа, аад̣̇игаммигааяаад̇и.
732. Anāpatti asamanubhāsantiyā, paṭinissajjantiyā, ummattikāya, ādikammikāyāti.
д̣̇асамасан̇гхаад̣̇исзсасигкаабад̣̇ам̣ нидтид̇ам̣.
Dasamasaṅghādisesasikkhāpadaṃ niṭṭhitaṃ.
уд̣̇д̣̇идтаа ко, аяяааяо, сад̇д̇араса сан̇гхаад̣̇исзсаа д̇хаммаа – нава батамаабад̇д̇игаа, адта яаавад̇ад̇ияагаа. язсам̣ бхигкуний ан̃н̃ад̇арам̣ ваа ан̃н̃ад̇арам̣ ваа аабаж̇ж̇ад̇и, д̇ааяа бхигкунияаа убхад̇осан̇гхз багкамаанад̇д̇ам̣ жарид̇аб̣б̣ам̣. жин̣н̣амаанад̇д̇аа бхигкуний яад̇т̇а сияаа вийсад̇иг̇ан̣о бхигкунисан̇гхо д̇ад̇т̇а (саа бхигкуний) 7 аб̣бхзд̇аб̣б̣аа. згааяаби жз ууно вийсад̇иг̇ан̣о бхигкунисан̇гхо д̇ам̣ бхигкуним̣ аб̣бхзяяа. саа жа бхигкуний анаб̣бхид̇аа, д̇аа жа бхигкунияо г̇аараяхаа, аяам̣ д̇ад̇т̇а саамийжи.
Uddiṭṭhā kho, ayyāyo, sattarasa saṅghādisesā dhammā – nava paṭhamāpattikā, aṭṭha yāvatatiyakā. Yesaṃ bhikkhunī aññataraṃ vā aññataraṃ vā āpajjati, tāya bhikkhuniyā ubhatosaṅghe pakkhamānattaṃ caritabbaṃ. Ciṇṇamānattā bhikkhunī yattha siyā vīsatigaṇo bhikkhunisaṅgho tattha (sā bhikkhunī) 8 abbhetabbā. Ekāyapi ce ūno vīsatigaṇo bhikkhunisaṅgho taṃ bhikkhuniṃ abbheyya. Sā ca bhikkhunī anabbhitā, tā ca bhikkhuniyo gārayhā, ayaṃ tattha sāmīci.
д̇ад̇т̇ааяяааяо бужчаами – ‘‘гажжид̇т̇а барисуд̣̇д̇хаа’’? д̣̇уд̇ияамби бужчаами – ‘‘гажжид̇т̇а барисуд̣̇д̇хаа’’? д̇ад̇ияамби бужчаами – ‘‘гажжид̇т̇а барисуд̣̇д̇хаа’’? барисуд̣̇д̇хзд̇т̇ааяяааяо, д̇асмаа д̇ун̣хий, звамзд̇ам̣ д̇хаараяаамийд̇и.
Tatthāyyāyo pucchāmi – ‘‘kaccittha parisuddhā’’? Dutiyampi pucchāmi – ‘‘kaccittha parisuddhā’’? Tatiyampi pucchāmi – ‘‘kaccittha parisuddhā’’? Parisuddhetthāyyāyo, tasmā tuṇhī, evametaṃ dhārayāmīti.
сад̇д̇арасагам̣ нидтид̇ам̣.
Sattarasakaṃ niṭṭhitaṃ.
бхигкунивибхан̇г̇з сан̇гхаад̣̇исзсаган̣д̣ам̣ нидтид̇ам̣.
Bhikkhunivibhaṅge saṅghādisesakaṇḍaṃ niṭṭhitaṃ.
Footnotes:
Related texts:
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / бхигкунийвибхан̇г̇а-адтагат̇аа • Bhikkhunīvibhaṅga-aṭṭhakathā / 10. д̣̇асамасан̇гхаад̣̇исзсасигкаабад̣̇аван̣н̣анаа • 10. Dasamasaṅghādisesasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / 9. навамасан̇гхаад̣̇исзсасигкаабад̣̇аван̣н̣анаа • 9. Navamasaṅghādisesasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / 6. чадтасан̇гхаад̣̇исзсасигкаабад̣̇аван̣н̣анаа • 6. Chaṭṭhasaṅghādisesasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / 10. д̣̇асамасан̇гхаад̣̇исзсасигкаабад̣̇ам̣ • 10. Dasamasaṅghādisesasikkhāpadaṃ
