| Library / Tipiṭaka / તિપિટક • Tipiṭaka / ભિક્ખુનીવિભઙ્ગ-અટ્ઠકથા • Bhikkhunīvibhaṅga-aṭṭhakathā |
૧૦. દસમસઙ્ઘાદિસેસસિક્ખાપદવણ્ણના
10. Dasamasaṅghādisesasikkhāpadavaṇṇanā
૭૨૭. દસમે – એવાચારાતિ એવંઆચારા. યાદિસો તુમ્હાકં આચારો, તાદિસા આચારાતિ અત્થો. એસ નયો સબ્બત્થ. ઉઞ્ઞાયાતિ અવઞ્ઞાય નીચં કત્વા જાનનાય. પરિભવેનાતિ કિં ઇમા કરિસ્સન્તીતિ એવં પરિભવિત્વા જાનનેન. અક્ખન્તિયાતિ અસહનતાય; કોધેનાતિ અત્થો. વેભસ્સિયાતિ બલવભસ્સભાવેન; અત્તનો બલપ્પકાસનેન સમુત્રાસનેનાતિ અત્થો. દુબ્બલ્યાતિ તુમ્હાકં દુબ્બલભાવેન. સબ્બત્થ ઉઞ્ઞાય ચ પરિભવેન ચાતિ એવં સમુચ્ચયત્થો દટ્ઠબ્બો. વિવિચ્ચથાતિ વિના હોથ. સેસં ઉત્તાનમેવ સદ્ધિં સમુટ્ઠાનાદીહીતિ.
727. Dasame – evācārāti evaṃācārā. Yādiso tumhākaṃ ācāro, tādisā ācārāti attho. Esa nayo sabbattha. Uññāyāti avaññāya nīcaṃ katvā jānanāya. Paribhavenāti kiṃ imā karissantīti evaṃ paribhavitvā jānanena. Akkhantiyāti asahanatāya; kodhenāti attho. Vebhassiyāti balavabhassabhāvena; attano balappakāsanena samutrāsanenāti attho. Dubbalyāti tumhākaṃ dubbalabhāvena. Sabbattha uññāya ca paribhavena cāti evaṃ samuccayattho daṭṭhabbo. Viviccathāti vinā hotha. Sesaṃ uttānameva saddhiṃ samuṭṭhānādīhīti.
દસમસિક્ખાપદં.
Dasamasikkhāpadaṃ.
ઉદ્દિટ્ઠા ખો અય્યાયો સત્તરસ સઙ્ઘાદિસેસાતિ એત્થ છન્નં પઠમાપત્તિકાનં અનન્તરા સઞ્ચરિત્તં, દ્વે દુટ્ઠદોસાતિ ઇમાનિ તીણિ સિક્ખાપદાનિ મહાવિભઙ્ગતો પક્ખિપિત્વા નવ પઠમાપત્તિકા, ચતુન્નં યાવતતિયકાનં અનન્તરા મહાવિભઙ્ગતોપિ ચત્તારો યાવતતિયકે પક્ખિપિત્વા અટ્ઠ યાવતતિયકા વેદિતબ્બા. એવં સબ્બેપિ પાતિમોક્ખુદ્દેસમગ્ગેન ઉદ્દિટ્ઠા ખો અય્યાયો સત્તરસ સઙ્ઘાદિસેસા ધમ્માતિ એવમેત્થ અત્થો દટ્ઠબ્બો. સેસં ઉત્તાનમેવ અઞ્ઞત્ર પક્ખમાનત્તા. તં પન ખન્ધકે વિત્થારેન વણ્ણયિસ્સામાતિ.
Uddiṭṭhā kho ayyāyo sattarasa saṅghādisesāti ettha channaṃ paṭhamāpattikānaṃ anantarā sañcarittaṃ, dve duṭṭhadosāti imāni tīṇi sikkhāpadāni mahāvibhaṅgato pakkhipitvā nava paṭhamāpattikā, catunnaṃ yāvatatiyakānaṃ anantarā mahāvibhaṅgatopi cattāro yāvatatiyake pakkhipitvā aṭṭha yāvatatiyakā veditabbā. Evaṃ sabbepi pātimokkhuddesamaggena uddiṭṭhā kho ayyāyo sattarasa saṅghādisesā dhammāti evamettha attho daṭṭhabbo. Sesaṃ uttānameva aññatra pakkhamānattā. Taṃ pana khandhake vitthārena vaṇṇayissāmāti.
સમન્તપાસાદિકાય વિનયસંવણ્ણનાય ભિક્ખુનીવિભઙ્ગે
Samantapāsādikāya vinayasaṃvaṇṇanāya bhikkhunīvibhaṅge
સત્તરસકવણ્ણના નિટ્ઠિતા.
Sattarasakavaṇṇanā niṭṭhitā.
સઙ્ઘાદિસેસકણ્ડં નિટ્ઠિતં.
Saṅghādisesakaṇḍaṃ niṭṭhitaṃ.
Related texts:
તિપિટક (મૂલ) • Tipiṭaka (Mūla) / વિનયપિટક • Vinayapiṭaka / ભિક્ખુનીવિભઙ્ગ • Bhikkhunīvibhaṅga / ૧૦. દસમસઙ્ઘાદિસેસસિક્ખાપદં • 10. Dasamasaṅghādisesasikkhāpadaṃ
ટીકા • Tīkā / વિનયપિટક (ટીકા) • Vinayapiṭaka (ṭīkā) / સારત્થદીપની-ટીકા • Sāratthadīpanī-ṭīkā / ૯. નવમસઙ્ઘાદિસેસસિક્ખાપદવણ્ણના • 9. Navamasaṅghādisesasikkhāpadavaṇṇanā
ટીકા • Tīkā / વિનયપિટક (ટીકા) • Vinayapiṭaka (ṭīkā) / વિમતિવિનોદની-ટીકા • Vimativinodanī-ṭīkā / ૬. છટ્ઠસઙ્ઘાદિસેસસિક્ખાપદવણ્ણના • 6. Chaṭṭhasaṅghādisesasikkhāpadavaṇṇanā
ટીકા • Tīkā / વિનયપિટક (ટીકા) • Vinayapiṭaka (ṭīkā) / પાચિત્યાદિયોજનાપાળિ • Pācityādiyojanāpāḷi / ૧૦. દસમસઙ્ઘાદિસેસસિક્ખાપદં • 10. Dasamasaṅghādisesasikkhāpadaṃ
