| Library / Tipiṭaka / д̇ибидага • Tipiṭaka / бхигкунийвибхан̇г̇а • Bhikkhunīvibhaṅga |
10. д̣̇асамасигкаабад̣̇ам̣
10. Dasamasikkhāpadaṃ
925. д̇зна самаязна б̣уд̣̇д̇хо бхаг̇аваа саавад̇т̇ияам̣ вихарад̇и ж̇зд̇аванз анаат̇абин̣д̣игасса аараамз. д̇зна ко бана самаязна ан̃н̃ад̇арзна убаасагзна сан̇гхам̣ уд̣̇д̣̇исса вихааро гаараабид̇о ход̇и. со д̇асса вихаарасса махз убхад̇осан̇гхасса агаалажийварам̣ д̣̇аад̇угаамо ход̇и. д̇зна ко бана самаязна убхад̇осан̇гхасса гат̇инам̣ ад̇т̇ад̇ам̣ ход̇и. ат̇а ко со убаасаго сан̇гхам̣ убасан̇гамид̇ваа гат̇инуд̣̇д̇хаарам̣ яаажи. бхаг̇авад̇о зд̇амад̇т̇ам̣ аарожзсум̣. ат̇а ко бхаг̇аваа зд̇асмим̣ нид̣̇аанз зд̇асмим̣ багаран̣з д̇хаммим̣ гат̇ам̣ гад̇ваа бхигкуу ааманд̇зси – ‘‘ануж̇аанаами, бхигкавз, гат̇инам̣ уд̣̇д̇харид̇ум̣. зван̃жа бана бхигкавз гат̇инам̣ уд̣̇д̇харид̇аб̣б̣ам̣. б̣яад̇д̇зна бхигкунаа бадиб̣алзна сан̇гхо н̃аабзд̇аб̣б̣о –
925. Tena samayena buddho bhagavā sāvatthiyaṃ viharati jetavane anāthapiṇḍikassa ārāme. Tena kho pana samayena aññatarena upāsakena saṅghaṃ uddissa vihāro kārāpito hoti. So tassa vihārassa mahe ubhatosaṅghassa akālacīvaraṃ dātukāmo hoti. Tena kho pana samayena ubhatosaṅghassa kathinaṃ atthataṃ hoti. Atha kho so upāsako saṅghaṃ upasaṅkamitvā kathinuddhāraṃ yāci. Bhagavato etamatthaṃ ārocesuṃ. Atha kho bhagavā etasmiṃ nidāne etasmiṃ pakaraṇe dhammiṃ kathaṃ katvā bhikkhū āmantesi – ‘‘anujānāmi, bhikkhave, kathinaṃ uddharituṃ. Evañca pana bhikkhave kathinaṃ uddharitabbaṃ. Byattena bhikkhunā paṭibalena saṅgho ñāpetabbo –
926. ‘‘сун̣аад̇у мз, бханд̇з, сан̇гхо. яад̣̇и сан̇гхасса бад̇д̇агаллам̣, сан̇гхо гат̇инам̣ уд̣̇д̇харзяяа. зсаа н̃ад̇д̇и.
926. ‘‘Suṇātu me, bhante, saṅgho. Yadi saṅghassa pattakallaṃ, saṅgho kathinaṃ uddhareyya. Esā ñatti.
‘‘сун̣аад̇у мз, бханд̇з, сан̇гхо. сан̇гхо гат̇инам̣ уд̣̇д̇харад̇и. яассааяасмад̇о камад̇и гат̇инасса уд̣̇д̇хааро, со д̇ун̣хасса; яасса нагкамад̇и, со бхаасзяяа.
‘‘Suṇātu me, bhante, saṅgho. Saṅgho kathinaṃ uddharati. Yassāyasmato khamati kathinassa uddhāro, so tuṇhassa; yassa nakkhamati, so bhāseyya.
‘‘уб̣бхад̇ам̣ сан̇гхзна гат̇инам̣, камад̇и сан̇гхасса, д̇асмаа д̇ун̣хий, звамзд̇ам̣ д̇хаараяаамий’’д̇и.
‘‘Ubbhataṃ saṅghena kathinaṃ, khamati saṅghassa, tasmā tuṇhī, evametaṃ dhārayāmī’’ti.
927. ат̇а ко со убаасаго бхигкунисан̇гхам̣ убасан̇гамид̇ваа гат̇инуд̣̇д̇хаарам̣ яаажи. т̇уллананд̣̇аа бхигкуний – ‘‘жийварам̣ амхаагам̣ бхависсад̇ий’’д̇и гат̇инуд̣̇д̇хаарам̣ бадиб̣аахи. ат̇а ко со убаасаго уж̇жхааяад̇и кияяад̇и вибаажзд̇и – ‘‘гат̇ан̃хи наама бхигкунияо амхаагам̣ гат̇инуд̣̇д̇хаарам̣ на д̣̇ассанд̇ий’’д̇и! ассосум̣ ко бхигкунияо д̇асса убаасагасса уж̇жхааяанд̇асса кияяанд̇асса вибаажзнд̇асса. яаа д̇аа бхигкунияо аббижчаа…бз… д̇аа уж̇жхааяанд̇и кияяанд̇и вибаажзнд̇и – ‘‘гат̇ан̃хи наама аяяаа т̇уллананд̣̇аа д̇хаммигам̣ гат̇инуд̣̇д̇хаарам̣ бадиб̣аахиссад̇ий’’д̇и…бз… сажжам̣ гира, бхигкавз, т̇уллананд̣̇аа бхигкуний д̇хаммигам̣ гат̇инуд̣̇д̇хаарам̣ бадиб̣аахад̇ийд̇и 1? ‘‘сажжам̣, бхаг̇аваа’’д̇и. виг̇арахи б̣уд̣̇д̇хо бхаг̇аваа…бз… гат̇ан̃хи наама, бхигкавз, т̇уллананд̣̇аа бхигкуний д̇хаммигам̣ гат̇инуд̣̇д̇хаарам̣ бадиб̣аахиссад̇и ! нзд̇ам̣, бхигкавз, аббасаннаанам̣ ваа басаад̣̇ааяа…бз… зван̃жа бана, бхигкавз, бхигкунияо имам̣ сигкаабад̣̇ам̣ уд̣̇д̣̇исанд̇у –
927. Atha kho so upāsako bhikkhunisaṅghaṃ upasaṅkamitvā kathinuddhāraṃ yāci. Thullanandā bhikkhunī – ‘‘cīvaraṃ amhākaṃ bhavissatī’’ti kathinuddhāraṃ paṭibāhi. Atha kho so upāsako ujjhāyati khiyyati vipāceti – ‘‘kathañhi nāma bhikkhuniyo amhākaṃ kathinuddhāraṃ na dassantī’’ti! Assosuṃ kho bhikkhuniyo tassa upāsakassa ujjhāyantassa khiyyantassa vipācentassa. Yā tā bhikkhuniyo appicchā…pe… tā ujjhāyanti khiyyanti vipācenti – ‘‘kathañhi nāma ayyā thullanandā dhammikaṃ kathinuddhāraṃ paṭibāhissatī’’ti…pe… saccaṃ kira, bhikkhave, thullanandā bhikkhunī dhammikaṃ kathinuddhāraṃ paṭibāhatīti 2? ‘‘Saccaṃ, bhagavā’’ti. Vigarahi buddho bhagavā…pe… kathañhi nāma, bhikkhave, thullanandā bhikkhunī dhammikaṃ kathinuddhāraṃ paṭibāhissati ! Netaṃ, bhikkhave, appasannānaṃ vā pasādāya…pe… evañca pana, bhikkhave, bhikkhuniyo imaṃ sikkhāpadaṃ uddisantu –
928. ‘‘яаа бана бхигкуний д̇хаммигам̣ гат̇инуд̣̇д̇хаарам̣ бадиб̣аахзяяа, баажид̇д̇ияа’’нд̇и.
928.‘‘Yā pana bhikkhunī dhammikaṃ kathinuddhāraṃ paṭibāheyya, pācittiya’’nti.
929. яаа банаад̇и яаа яаад̣̇исаа…бз… бхигкунийд̇и…бз… аяам̣ имасмим̣ ад̇т̇з ад̇хиббзд̇аа бхигкунийд̇и.
929.Yā panāti yā yādisā…pe… bhikkhunīti…pe… ayaṃ imasmiṃ atthe adhippetā bhikkhunīti.
д̇хаммиго наама гат̇инуд̣̇д̇хааро самаг̇г̇о бхигкунисан̇гхо саннибад̇ид̇ваа уд̣̇д̇харад̇и.
Dhammiko nāma kathinuddhāro samaggo bhikkhunisaṅgho sannipatitvā uddharati.
бадиб̣аахзяяаад̇и ‘‘гат̇ам̣ ид̣̇ам̣ гат̇инам̣ на уд̣̇д̇харзяяаа’’д̇и 3 бадиб̣аахад̇и, аабад̇д̇и баажид̇д̇ияасса.
Paṭibāheyyāti ‘‘kathaṃ idaṃ kathinaṃ na uddhareyyā’’ti 4 paṭibāhati, āpatti pācittiyassa.
930. д̇хаммигз д̇хаммигасан̃н̃аа бадиб̣аахад̇и, аабад̇д̇и баажид̇д̇ияасса. д̇хаммигз взмад̇игаа бадиб̣аахад̇и, аабад̇д̇и д̣̇уггадасса. д̇хаммигз ад̇хаммигасан̃н̃аа бадиб̣аахад̇и, анаабад̇д̇и. ад̇хаммигз д̇хаммигасан̃н̃аа, аабад̇д̇и д̣̇уггадасса. ад̇хаммигз взмад̇игаа, аабад̇д̇и д̣̇уггадасса. ад̇хаммигз ад̇хаммигасан̃н̃аа, анаабад̇д̇и.
930. Dhammike dhammikasaññā paṭibāhati, āpatti pācittiyassa. Dhammike vematikā paṭibāhati, āpatti dukkaṭassa. Dhammike adhammikasaññā paṭibāhati, anāpatti. Adhammike dhammikasaññā, āpatti dukkaṭassa. Adhammike vematikā, āpatti dukkaṭassa. Adhammike adhammikasaññā, anāpatti.
931. анаабад̇д̇и анисам̣сам̣ д̣̇ассзд̇ваа бадиб̣аахад̇и, уммад̇д̇игааяа, аад̣̇игаммигааяаад̇и .
931. Anāpatti anisaṃsaṃ dassetvā paṭibāhati, ummattikāya, ādikammikāyāti .
д̣̇асамасигкаабад̣̇ам̣ нидтид̇ам̣.
Dasamasikkhāpadaṃ niṭṭhitaṃ.
наг̇г̇аваг̇г̇о д̇ад̇ияо.
Naggavaggo tatiyo.
Footnotes:
Related texts:
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / бхигкунийвибхан̇г̇а-адтагат̇аа • Bhikkhunīvibhaṅga-aṭṭhakathā / 10. д̣̇асамасигкаабад̣̇аван̣н̣анаа • 10. Dasamasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / 3. наг̇г̇аваг̇г̇аван̣н̣анаа • 3. Naggavaggavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / 10. д̣̇асамасигкаабад̣̇аван̣н̣анаа • 10. Dasamasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / 1. батамаад̣̇исигкаабад̣̇аван̣н̣анаа • 1. Paṭhamādisikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / 10. д̣̇асамасигкаабад̣̇ам̣ • 10. Dasamasikkhāpadaṃ
