| Library / Tipiṭaka / д̇ибидага • Tipiṭaka / бхигкунийвибхан̇г̇а • Bhikkhunīvibhaṅga |
10. д̣̇асамасигкаабад̣̇ам̣
10. Dasamasikkhāpadaṃ
1017. д̇зна самаязна б̣уд̣̇д̇хо бхаг̇аваа саавад̇т̇ияам̣ вихарад̇и ж̇зд̇аванз анаат̇абин̣д̣игасса аараамз. д̇зна ко бана самаязна чаб̣б̣аг̇г̇ияаа бхигкунияо д̇иражчаанавиж̇ж̇ам̣ ваажзнд̇и. мануссаа уж̇жхааяанд̇и кияяанд̇и вибаажзнд̇и – ‘‘гат̇ан̃хи наама бхигкунияо д̇иражчаанавиж̇ж̇ам̣ ваажзссанд̇и, сзяяат̇ааби г̇ихинияо гаамабхог̇инияо’’д̇и! ассосум̣ ко бхигкунияо д̇зсам̣ мануссаанам̣ уж̇жхааяанд̇аанам̣ кияяанд̇аанам̣ вибаажзнд̇аанам̣. яаа д̇аа бхигкунияо аббижчаа…бз… д̇аа уж̇жхааяанд̇и кияяанд̇и вибаажзнд̇и – ‘‘гат̇ан̃хи наама чаб̣б̣аг̇г̇ияаа бхигкунияо д̇иражчаанавиж̇ж̇ам̣ ваажзссанд̇ий’’д̇и…бз… сажжам̣ гира, бхигкавз, чаб̣б̣аг̇г̇ияаа бхигкунияо д̇иражчаанавиж̇ж̇ам̣ ваажзнд̇ийд̇и? ‘‘сажжам̣, бхаг̇аваа’’д̇и. виг̇арахи б̣уд̣̇д̇хо бхаг̇аваа…бз… гат̇ан̃хи наама, бхигкавз, чаб̣б̣аг̇г̇ияаа бхигкунияо д̇иражчаанавиж̇ж̇ам̣ ваажзссанд̇и! нзд̇ам̣, бхигкавз, аббасаннаанам̣ ваа басаад̣̇ааяа…бз… зван̃жа бана, бхигкавз, бхигкунияо имам̣ сигкаабад̣̇ам̣ уд̣̇д̣̇исанд̇у –
1017. Tena samayena buddho bhagavā sāvatthiyaṃ viharati jetavane anāthapiṇḍikassa ārāme. Tena kho pana samayena chabbaggiyā bhikkhuniyo tiracchānavijjaṃ vācenti. Manussā ujjhāyanti khiyyanti vipācenti – ‘‘kathañhi nāma bhikkhuniyo tiracchānavijjaṃ vācessanti, seyyathāpi gihiniyo kāmabhoginiyo’’ti! Assosuṃ kho bhikkhuniyo tesaṃ manussānaṃ ujjhāyantānaṃ khiyyantānaṃ vipācentānaṃ. Yā tā bhikkhuniyo appicchā…pe… tā ujjhāyanti khiyyanti vipācenti – ‘‘kathañhi nāma chabbaggiyā bhikkhuniyo tiracchānavijjaṃ vācessantī’’ti…pe… saccaṃ kira, bhikkhave, chabbaggiyā bhikkhuniyo tiracchānavijjaṃ vācentīti? ‘‘Saccaṃ, bhagavā’’ti. Vigarahi buddho bhagavā…pe… kathañhi nāma, bhikkhave, chabbaggiyā bhikkhuniyo tiracchānavijjaṃ vācessanti! Netaṃ, bhikkhave, appasannānaṃ vā pasādāya…pe… evañca pana, bhikkhave, bhikkhuniyo imaṃ sikkhāpadaṃ uddisantu –
1018. ‘‘яаа бана бхигкуний д̇иражчаанавиж̇ж̇ам̣ ваажзяяа, баажид̇д̇ияа’’нд̇и.
1018.‘‘Yā pana bhikkhunī tiracchānavijjaṃ vāceyya, pācittiya’’nti.
1019. яаа банаад̇и яаа яаад̣̇исаа…бз… бхигкунийд̇и…бз… аяам̣ имасмим̣ ад̇т̇з ад̇хиббзд̇аа бхигкунийд̇и.
1019.Yā panāti yā yādisā…pe… bhikkhunīti…pe… ayaṃ imasmiṃ atthe adhippetā bhikkhunīti.
д̇иражчаанавиж̇ж̇аа 1 наама яам̣ гин̃жи б̣аахирагам̣ анад̇т̇асам̣хид̇ам̣.
Tiracchānavijjā2 nāma yaṃ kiñci bāhirakaṃ anatthasaṃhitaṃ.
ваажзяяаад̇и бад̣̇зна ваажзд̇и, бад̣̇з бад̣̇з аабад̇д̇и баажид̇д̇ияасса. агкарааяа ваажзд̇и, агкарагкарааяа аабад̇д̇и баажид̇д̇ияасса.
Vāceyyāti padena vāceti, pade pade āpatti pācittiyassa. Akkharāya vāceti, akkharakkharāya āpatti pācittiyassa.
1020. анаабад̇д̇и лзкам̣ ваажзд̇и, д̇хааран̣ам̣ ваажзд̇и, г̇уд̇д̇ад̇т̇ааяа барид̇д̇ам̣ ваажзд̇и, уммад̇д̇игааяа, аад̣̇игаммигааяаад̇и.
1020. Anāpatti lekhaṃ vāceti, dhāraṇaṃ vāceti, guttatthāya parittaṃ vāceti, ummattikāya, ādikammikāyāti.
д̣̇асамасигкаабад̣̇ам̣ нидтид̇ам̣.
Dasamasikkhāpadaṃ niṭṭhitaṃ.
жид̇д̇ааг̇аараваг̇г̇о бан̃жамо.
Cittāgāravaggo pañcamo.
Footnotes:
Related texts:
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / бхигкунийвибхан̇г̇а-адтагат̇аа • Bhikkhunīvibhaṅga-aṭṭhakathā / 10. д̣̇асамасигкаабад̣̇аван̣н̣анаа • 10. Dasamasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / 5. жид̇д̇ааг̇аараваг̇г̇аван̣н̣анаа • 5. Cittāgāravaggavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / 9. навамасигкаабад̣̇аван̣н̣анаа • 9. Navamasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / 10. д̣̇асамасигкаабад̣̇ам̣ • 10. Dasamasikkhāpadaṃ
