| Library / Tipiṭaka / д̇ибидага • Tipiṭaka / баажид̇яаад̣̇ияож̇анаабаал̣и • Pācityādiyojanāpāḷi |
10. д̣̇асамасигкаабад̣̇ам̣
10. Dasamasikkhāpadaṃ
835. д̣̇асамз сон̣д̣аа ваад̇и сураасон̣д̣аа ваа. мород̇и маяууро. сувод̇и суго. маггадод̇и ваанаро. аад̣̇исад̣̇д̣̇зна саббаад̣̇аяо сан̇г̇ан̣хаад̇и, маггадаад̣̇аяоби нажжанд̇ууд̇и самб̣анд̇хо. асам̣яад̇абхигкуунанд̇и ваажасигагаммз асам̣яад̇аанам̣ бхигкуунам̣, д̇хаммабхаан̣агаг̇ийд̇ам̣ ваа ход̇ууд̇и яож̇анаа. д̇анд̇ияаа г̇ун̣зна б̣ад̣̇д̇хаа д̇анд̇иб̣ад̣̇д̇хаа. ‘‘бхи’’нд̇исан̇каад̇о раасад̣̇д̣̇о зд̇иссаад̇и бхзри. гудзна гад̇аа бхзри гудабхзри, д̇ааяа ваад̣̇ид̇ам̣ гудабхзриваад̣̇ид̇ам̣, д̇ам̣ ваа. уд̣̇агабхзрийд̇и уд̣̇агзна багкид̇д̇аа бхзри, д̇ааяа ваад̣̇ид̇амби ход̇ууд̇и самб̣анд̇хо.
835. Dasame soṇḍā vāti surāsoṇḍā vā. Moroti mayūro. Suvoti suko. Makkaṭoti vānaro. Ādisaddena sappādayo saṅgaṇhāti, makkaṭādayopi naccantūti sambandho. Asaṃyatabhikkhūnanti vācasikakamme asaṃyatānaṃ bhikkhūnaṃ, dhammabhāṇakagītaṃ vā hotūti yojanā. Tantiyā guṇena baddhā tantibaddhā. ‘‘Bhi’’ntisaṅkhāto rāsaddo etissāti bheri. Kuṭena katā bheri kuṭabheri, tāya vāditaṃ kuṭabherivāditaṃ, taṃ vā. Udakabherīti udakena pakkhittā bheri, tāya vāditampi hotūti sambandho.
836. д̇зсам̣язваад̇и язсам̣ нажжам̣ бассад̇и, д̇зсам̣язва. яад̣̇и бана нажжаг̇ийд̇аваад̣̇ид̇з висум̣ висум̣ бассад̇и сун̣аад̇и, баадзггаа аабад̇д̇ияод̇и д̣̇ассзнд̇о ааха ‘‘сажз банаа’’д̇иаад̣̇и. ан̃н̃ад̇од̇и ан̃н̃ад̇о д̣̇зсад̇о, бассад̇ийд̇и самб̣анд̇хо. ‘‘ологзд̇ваа’’д̇и бад̣̇з абзгкид̇з убаяог̇ад̇т̇з д̇обажжаяо ход̇и. ан̃н̃ам̣ ологзд̇ваад̇и хи ад̇т̇о. ан̃н̃ад̇о ваад̣̇знд̇з бассад̇ийд̇и яож̇анаа. бхигкуний на лабхад̇ийд̇и самб̣анд̇хо. ан̃н̃з вад̇д̇умбийд̇и самб̣анд̇хо. убахааранд̇и бууж̇ам̣. убадтаананд̇и баарижарияам̣. саб̣б̣ад̇т̇аад̇и саб̣б̣зсу саяам̣ нажжаад̣̇ийсу.
836.Tesaṃyevāti yesaṃ naccaṃ passati, tesaṃyeva. Yadi pana naccagītavādite visuṃ visuṃ passati suṇāti, pāṭekkā āpattiyoti dassento āha ‘‘sace panā’’tiādi. Aññatoti aññato desato, passatīti sambandho. ‘‘Oloketvā’’ti pade apekkhite upayogatthe topaccayo hoti. Aññaṃ oloketvāti hi attho. Aññato vādente passatīti yojanā. Bhikkhunī na labhatīti sambandho. Aññe vattumpīti sambandho. Upahāranti pūjaṃ. Upaṭṭhānanti pāricariyaṃ. Sabbatthāti sabbesu sayaṃ naccādīsu.
837. анд̇араараамз ваад̇и аараамасса анд̇арз ваа. б̣ахиаараамз ваад̇и аараамасса б̣ахи ваа. ан̃н̃зна ваад̇и салаагабхад̇д̇аад̣̇ийхи ан̃н̃зна ваа. д̇аад̣̇исзнаад̇и яаад̣̇исо жораад̣̇иубад̣̇д̣̇аво, д̇аад̣̇исзнаад̇и. д̣̇асамам̣.
837.Antarārāme vāti ārāmassa antare vā. Bahiārāme vāti ārāmassa bahi vā. Aññena vāti salākabhattādīhi aññena vā. Tādisenāti yādiso corādiupaddavo, tādisenāti. Dasamaṃ.
ласун̣аваг̇г̇о батамо.
Lasuṇavaggo paṭhamo.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / бхигкунийвибхан̇г̇а • Bhikkhunīvibhaṅga / 10. д̣̇асамасигкаабад̣̇ам̣ • 10. Dasamasikkhāpadaṃ
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / бхигкунийвибхан̇г̇а-адтагат̇аа • Bhikkhunīvibhaṅga-aṭṭhakathā / 10. д̣̇асамасигкаабад̣̇аван̣н̣анаа • 10. Dasamasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / 1. ласун̣аваг̇г̇аван̣н̣анаа • 1. Lasuṇavaggavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / 10. д̣̇асамасигкаабад̣̇аван̣н̣анаа • 10. Dasamasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / 1. батамаласун̣аад̣̇исигкаабад̣̇аван̣н̣анаа • 1. Paṭhamalasuṇādisikkhāpadavaṇṇanā
