Library / Tipiṭaka / д̇ибидага • Tipiṭaka / бхигкунийвибхан̇г̇а-адтагат̇аа • Bhikkhunīvibhaṅga-aṭṭhakathā |
10. д̣̇асамасигкаабад̣̇аван̣н̣анаа
10. Dasamasikkhāpadavaṇṇanā
835. д̣̇асамз – яам̣гин̃жи нажжанд̇и надаад̣̇аяо ваа нажжанд̇у сон̣д̣аа ваа, анд̇амасо морасувамаггадаад̣̇аяоби, саб̣б̣амбзд̇ам̣ нажжамзва. яам̣гин̃жи г̇ийд̇анд̇и яам̣гин̃жи надаад̣̇ийнам̣ ваа г̇ийд̇ам̣ ход̇у, арияаанам̣ бариниб̣б̣аанагаалз рад̇анад̇д̇аяаг̇ун̣уубасам̣хид̇ам̣ саад̇хугийл̣ид̇аг̇ийд̇ам̣ ваа асам̣яад̇абхигкуунам̣ д̇хаммабхаан̣агаг̇ийд̇ам̣ ваа, саб̣б̣амбзд̇ам̣ г̇ийд̇амзва. яам̣гин̃жи ваад̣̇ид̇анд̇и д̇анд̇иб̣ад̣̇д̇хаад̣̇иваад̣̇анийяабхан̣д̣аваад̣̇ид̇ам̣ ваа ход̇у, гудабхзриваад̣̇ид̇ам̣ ваа, анд̇амасо уд̣̇агабхзриваад̣̇ид̇амби, саб̣б̣амбзд̇ам̣ ваад̣̇ид̇амзва.
835. Dasame – yaṃkiñci naccanti naṭādayo vā naccantu soṇḍā vā, antamaso morasuvamakkaṭādayopi, sabbampetaṃ naccameva. Yaṃkiñci gītanti yaṃkiñci naṭādīnaṃ vā gītaṃ hotu, ariyānaṃ parinibbānakāle ratanattayaguṇūpasaṃhitaṃ sādhukīḷitagītaṃ vā asaṃyatabhikkhūnaṃ dhammabhāṇakagītaṃ vā, sabbampetaṃ gītameva. Yaṃkiñci vāditanti tantibaddhādivādanīyabhaṇḍavāditaṃ vā hotu, kuṭabherivāditaṃ vā, antamaso udakabherivāditampi, sabbampetaṃ vāditameva.
836. д̣̇ассанааяа г̇ажчад̇и аабад̇д̇и д̣̇уггадассаад̇и бад̣̇аваараг̇ан̣анааяа аабад̇д̇и д̣̇уггадасса. яад̇т̇а тид̇аа бассад̇и ваа сун̣аад̇и ваад̇и згабаяог̇зна ологзнд̇ий бассад̇и, д̇зсам̣язва г̇ийд̇аваад̣̇ид̇ам̣ сун̣аад̇и, згамзва баажид̇д̇ияам̣. сажз бана згам̣ д̣̇исам̣ ологзд̇ваа нажжам̣ бассад̇и, буна ан̃н̃ад̇о ологзд̇ваа г̇ааяанд̇з бассад̇и ан̃н̃ад̇о ваад̣̇знд̇з, баадзггаа аабад̇д̇ияо. бхигкуний саяамби нажжид̇ум̣ ваа г̇ааяид̇ум̣ ваа ваад̣̇ид̇ум̣ ваа на лабхад̇и, ан̃н̃з ‘‘нажжа, г̇ааяа, ваад̣̇зхий’’д̇и вад̇д̇умби на лабхад̇и. ‘‘жзд̇ияасса убахаарам̣ д̣̇зт̇а, убаасагаа’’д̇и вад̇д̇умби ‘‘д̇умхаагам̣ жзд̇ияасса убадтаанам̣ гаромаа’’д̇и вуд̇д̇з ‘‘саад̇хуу’’д̇и самбадижчид̇умби на лабхад̇и. саб̣б̣ад̇т̇а баажид̇д̇ияанд̇и саб̣б̣аадтагат̇аасу вуд̇д̇ам̣. бхигкуно д̣̇уггадам̣. ‘‘д̇умхаагам̣ жзд̇ияасса убадтаанам̣ гаромаа’’д̇и вуд̇д̇з бана ‘‘убадтаанагаран̣ам̣ наама сунд̣̇ара’’нд̇и вад̇д̇ум̣ ваддад̇и.
836.Dassanāya gacchati āpatti dukkaṭassāti padavāragaṇanāya āpatti dukkaṭassa. Yattha ṭhitā passati vā suṇāti vāti ekapayogena olokentī passati, tesaṃyeva gītavāditaṃ suṇāti, ekameva pācittiyaṃ. Sace pana ekaṃ disaṃ oloketvā naccaṃ passati, puna aññato oloketvā gāyante passati aññato vādente, pāṭekkā āpattiyo. Bhikkhunī sayampi naccituṃ vā gāyituṃ vā vādituṃ vā na labhati, aññe ‘‘nacca, gāya, vādehī’’ti vattumpi na labhati. ‘‘Cetiyassa upahāraṃ detha, upāsakā’’ti vattumpi ‘‘tumhākaṃ cetiyassa upaṭṭhānaṃ karomā’’ti vutte ‘‘sādhū’’ti sampaṭicchitumpi na labhati. Sabbattha pācittiyanti sabbaaṭṭhakathāsu vuttaṃ. Bhikkhuno dukkaṭaṃ. ‘‘Tumhākaṃ cetiyassa upaṭṭhānaṃ karomā’’ti vutte pana ‘‘upaṭṭhānakaraṇaṃ nāma sundara’’nti vattuṃ vaṭṭati.
837. аараамз тид̇аад̇и аараамз тад̇ваа анд̇араараамз ваа б̣ахиаараамз ваа нажжаад̣̇ийни бассад̇и ваа сун̣аад̇и ваа, анаабад̇д̇и. сад̇и гаран̣ийязд̇и салаагабхад̇д̇аад̣̇ийнам̣ ваа ад̇т̇ааяа ан̃н̃зна ваа гзнажи гаран̣ийязна г̇анд̇ваа г̇ад̇адтаанз бассад̇и ваа сун̣аад̇и ваа, анаабад̇д̇и. аабад̣̇аасууд̇и д̇аад̣̇исзна убад̣̇д̣̇авзна убад̣̇д̣̇уд̇аа самаж̇ж̇адтаанам̣ бависад̇и, звам̣ бависид̇ваа бассанд̇ияаа ваа сун̣анд̇ияаа ваа анаабад̇д̇и. сзсам̣ уд̇д̇аанамзва.
837.Ārāme ṭhitāti ārāme ṭhatvā antarārāme vā bahiārāme vā naccādīni passati vā suṇāti vā, anāpatti. Sati karaṇīyeti salākabhattādīnaṃ vā atthāya aññena vā kenaci karaṇīyena gantvā gataṭṭhāne passati vā suṇāti vā, anāpatti. Āpadāsūti tādisena upaddavena upaddutā samajjaṭṭhānaṃ pavisati, evaṃ pavisitvā passantiyā vā suṇantiyā vā anāpatti. Sesaṃ uttānameva.
зл̣агаломасамудтаанам̣ – гирияам̣, носан̃н̃аавимогкам̣, ажид̇д̇агам̣, логаваж̇ж̇ам̣, гааяагаммам̣, агусалажид̇д̇ам̣, д̇ивзд̣̇ананд̇и.
Eḷakalomasamuṭṭhānaṃ – kiriyaṃ, nosaññāvimokkhaṃ, acittakaṃ, lokavajjaṃ, kāyakammaṃ, akusalacittaṃ, tivedananti.
д̣̇асамасигкаабад̣̇ам̣.
Dasamasikkhāpadaṃ.
ласун̣аваг̇г̇о батамо.
Lasuṇavaggo paṭhamo.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / бхигкунийвибхан̇г̇а • Bhikkhunīvibhaṅga / 10. д̣̇асамасигкаабад̣̇ам̣ • 10. Dasamasikkhāpadaṃ
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / 1. ласун̣аваг̇г̇аван̣н̣анаа • 1. Lasuṇavaggavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / 10. д̣̇асамасигкаабад̣̇аван̣н̣анаа • 10. Dasamasikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / 1. батамаласун̣аад̣̇исигкаабад̣̇аван̣н̣анаа • 1. Paṭhamalasuṇādisikkhāpadavaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / 10. д̣̇асамасигкаабад̣̇ам̣ • 10. Dasamasikkhāpadaṃ