| Library / Tipiṭaka / તિપિટક • Tipiṭaka / મહાવગ્ગપાળિ • Mahāvaggapāḷi |
૩૪. દાસવત્થુ
34. Dāsavatthu
૯૭. તેન ખો પન સમયેન અઞ્ઞતરો દાસો પલાયિત્વા ભિક્ખૂસુ પબ્બજિતો હોતિ. અય્યકા 1 પસ્સિત્વા એવમાહંસુ – ‘‘અયં સો અમ્હાકં દાસો. હન્દ, નં નેમા’’તિ. એકચ્ચે એવમાહંસુ – ‘‘માય્યો, એવં અવચુત્થ, અનુઞ્ઞાતં રઞ્ઞા માગધેન સેનિયેન બિમ્બિસારેન ‘‘યે સમણેસુ સક્યપુત્તિયેસુ પબ્બજન્તિ, ન તે લબ્ભા કિઞ્ચિ કાતું, સ્વાક્ખાતો ધમ્મો, ચરન્તુ બ્રહ્મચરિયં સમ્મા દુક્ખસ્સ અન્તકિરિયાયા’’તિ. મનુસ્સા ઉજ્ઝાયન્તિ ખિય્યન્તિ વિપાચેન્તિ – ‘‘અભયૂવરા ઇમે સમણા સક્યપુત્તિયા, નયિમે લબ્ભા કિઞ્ચિ કાતું. કથઞ્હિ નામ સમણા સક્યપુત્તિયા દાસં પબ્બાજેસ્સન્તી’’તિ. ભગવતો એતમત્થં આરોચેસું. ન, ભિક્ખવે, દાસો પબ્બાજેતબ્બો. યો પબ્બાજેય્ય, આપત્તિ દુક્કટસ્સાતિ.
97. Tena kho pana samayena aññataro dāso palāyitvā bhikkhūsu pabbajito hoti. Ayyakā 2 passitvā evamāhaṃsu – ‘‘ayaṃ so amhākaṃ dāso. Handa, naṃ nemā’’ti. Ekacce evamāhaṃsu – ‘‘māyyo, evaṃ avacuttha, anuññātaṃ raññā māgadhena seniyena bimbisārena ‘‘ye samaṇesu sakyaputtiyesu pabbajanti, na te labbhā kiñci kātuṃ, svākkhāto dhammo, carantu brahmacariyaṃ sammā dukkhassa antakiriyāyā’’ti. Manussā ujjhāyanti khiyyanti vipācenti – ‘‘abhayūvarā ime samaṇā sakyaputtiyā, nayime labbhā kiñci kātuṃ. Kathañhi nāma samaṇā sakyaputtiyā dāsaṃ pabbājessantī’’ti. Bhagavato etamatthaṃ ārocesuṃ. Na, bhikkhave, dāso pabbājetabbo. Yo pabbājeyya, āpatti dukkaṭassāti.
દાસવત્થુ નિટ્ઠિતં.
Dāsavatthu niṭṭhitaṃ.
Footnotes:
Related texts:
અટ્ઠકથા • Aṭṭhakathā / વિનયપિટક (અટ્ઠકથા) • Vinayapiṭaka (aṭṭhakathā) / મહાવગ્ગ-અટ્ઠકથા • Mahāvagga-aṭṭhakathā / દાસવત્થુકથા • Dāsavatthukathā
ટીકા • Tīkā / વિનયપિટક (ટીકા) • Vinayapiṭaka (ṭīkā) / સારત્થદીપની-ટીકા • Sāratthadīpanī-ṭīkā / રાજભટાદિવત્થુકથાવણ્ણના • Rājabhaṭādivatthukathāvaṇṇanā
ટીકા • Tīkā / વિનયપિટક (ટીકા) • Vinayapiṭaka (ṭīkā) / વજિરબુદ્ધિ-ટીકા • Vajirabuddhi-ṭīkā / ઇણાયિકદાસવત્થુકથાવણ્ણના • Iṇāyikadāsavatthukathāvaṇṇanā
ટીકા • Tīkā / વિનયપિટક (ટીકા) • Vinayapiṭaka (ṭīkā) / વિમતિવિનોદની-ટીકા • Vimativinodanī-ṭīkā / દાસવત્થુકથાવણ્ણના • Dāsavatthukathāvaṇṇanā
ટીકા • Tīkā / વિનયપિટક (ટીકા) • Vinayapiṭaka (ṭīkā) / પાચિત્યાદિયોજનાપાળિ • Pācityādiyojanāpāḷi / ૩૪. દાસવત્થુકથા • 34. Dāsavatthukathā
