| Library / Tipiṭaka / ਤਿਪਿਟਕ • Tipiṭaka / ਸਾਰਤ੍ਥਦੀਪਨੀ-ਟੀਕਾ • Sāratthadīpanī-ṭīkā |
੧੨. ਸਤ੍ਤਸਤਿਕਕ੍ਖਨ੍ਧਕਂ
12. Sattasatikakkhandhakaṃ
ਦਸવਤ੍ਥੁਕਥਾવਣ੍ਣਨਾ
Dasavatthukathāvaṇṇanā
੪੪੬. ਸਤ੍ਤਸਤਿਕਕ੍ਖਨ੍ਧਕੇ ਨਿਕ੍ਖਿਤ੍ਤਮਣਿਸੁવਣ੍ਣਾਤਿ ਰੂਪਿਯਸਿਕ੍ਖਾਪਦੇਨੇવ ਪਟਿਕ੍ਖਿਤ੍ਤਮਣਿਸੁવਣ੍ਣਾ। ਤਤ੍ਥ ਮਣਿਗ੍ਗਹਣੇਨ ਸਬ੍ਬਂ ਦੁਕ੍ਕਟવਤ੍ਥੁ, ਸੁવਣ੍ਣਗ੍ਗਹਣੇਨ ਸਬ੍ਬਂ ਪਾਚਿਤ੍ਤਿਯવਤ੍ਥੁ ਗਹਿਤਂ ਹੋਤਿ। ਭਿਕ੍ਖਗ੍ਗੇਨਾਤਿ ਭਿਕ੍ਖੁਗਣਨਾਯ।
446. Sattasatikakkhandhake nikkhittamaṇisuvaṇṇāti rūpiyasikkhāpadeneva paṭikkhittamaṇisuvaṇṇā. Tattha maṇiggahaṇena sabbaṃ dukkaṭavatthu, suvaṇṇaggahaṇena sabbaṃ pācittiyavatthu gahitaṃ hoti. Bhikkhaggenāti bhikkhugaṇanāya.
੪੪੭. ਉਪਕ੍ਕਿਲੇਸਾਤਿ વਿਰੋਚਿਤੁਂ ਅਦਤ੍વਾ ਉਪਕ੍ਕਿਲਿਟ੍ਠਭਾવਕਰਣੇਨ ਉਪਕ੍ਕਿਲੇਸਾ। ਮਹਿਕਾਤਿ ਹਿਮਂ। ਧੂਮੋ ਚ ਰਜੋ ਚ ਧੂਮਰਜੋ। ਏਤ੍ਥ ਪੁਰਿਮਾ ਤਯੋ ਅਸਮ੍ਪਤ੍ਤਉਪਕ੍ਕਿਲੇਸਾ, ਰਾਹੁ ਪਨ ਸਮ੍ਪਤ੍ਤਉਪਕ੍ਕਿਲੇਸવਸੇਨ ਕਥਿਤੋਤਿ વੇਦਿਤਬ੍ਬੋ। ਸਮਣਬ੍ਰਾਹ੍ਮਣਾ ਨ ਤਪਨ੍ਤਿ ਨ ਭਾਸਨ੍ਤਿ ਨ વਿਰੋਚਨ੍ਤੀਤਿ ਗੁਣਪਤਾਪੇਨ ਨ ਤਪਨ੍ਤਿ ਗੁਣੋਭਾਸੇਨ ਨ ਭਾਸਨ੍ਤਿ ਗੁਣવਿਰੋਚਨੇਨ ਨ વਿਰੋਚਨ੍ਤਿ। ਸੁਰਾਮੇਰਯਪਾਨਾ ਅਪ੍ਪਟਿવਿਰਤਾਤਿ ਪਞ੍ਚવਿਧਾਯ ਸੁਰਾਯ ਚਤੁਬ੍ਬਿਧਸ੍ਸ ਚ ਮੇਰਯਸ੍ਸ ਪਾਨਤੋ ਅવਿਰਤਾ।
447.Upakkilesāti virocituṃ adatvā upakkiliṭṭhabhāvakaraṇena upakkilesā. Mahikāti himaṃ. Dhūmo ca rajo ca dhūmarajo. Ettha purimā tayo asampattaupakkilesā, rāhu pana sampattaupakkilesavasena kathitoti veditabbo. Samaṇabrāhmaṇā na tapanti na bhāsanti na virocantīti guṇapatāpena na tapanti guṇobhāsena na bhāsanti guṇavirocanena na virocanti. Surāmerayapānā appaṭiviratāti pañcavidhāya surāya catubbidhassa ca merayassa pānato aviratā.
ਅવਿਜ੍ਜਾਨਿવੁਟਾਤਿ ਅવਿਜ੍ਜਾਯ ਨਿવਾਰਿਤਾ ਪਿਹਿਤਾ। ਪਿਯਰੂਪਾਭਿਨਨ੍ਦਿਨੋਤਿ ਪਿਯਰੂਪਂ ਸਾਤਰੂਪਂ ਅਭਿਨਨ੍ਦਮਾਨਾ ਤੁਸ੍ਸਮਾਨਾ। ਸਾਦਿਯਨ੍ਤੀਤਿ ਗਣ੍ਹਨ੍ਤਿ। ਅવਿਦ੍ਦਸੂਤਿ ਅਨ੍ਧਬਾਲਾ। ਸਰਜਾਤਿ ਸਕਿਲੇਸਰਜਾ। ਮਗਾਤਿ ਮਿਗਸਦਿਸਾ। ਤਸ੍ਮਿਂ ਤਸ੍ਮਿਂ વਿਸਯੇ ਭવੇ વਾ ਨੇਤੀਤਿ ਨੇਤ੍ਤਿ, ਤਣ੍ਹਾਯੇਤਂ ਅਧਿવਚਨਂ। ਤਾਯ ਸਹ વਤ੍ਤਨ੍ਤੀਤਿ ਸਨੇਤ੍ਤਿਕਾ।
Avijjānivuṭāti avijjāya nivāritā pihitā. Piyarūpābhinandinoti piyarūpaṃ sātarūpaṃ abhinandamānā tussamānā. Sādiyantīti gaṇhanti. Aviddasūti andhabālā. Sarajāti sakilesarajā. Magāti migasadisā. Tasmiṃ tasmiṃ visaye bhave vā netīti netti, taṇhāyetaṃ adhivacanaṃ. Tāya saha vattantīti sanettikā.
੪੪੮. ਤਂ ਪਰਿਸਂ ਏਤਦવੋਚਾਤਿ (ਸਂ॰ ਨਿ॰ ਅਟ੍ਠ॰ ੩.੪.੩੬੨) ਤਸ੍ਸ ਕਿਰ ਏવਂ ਅਹੋਸਿ ‘‘ਕੁਲਪੁਤ੍ਤਾ ਪਬ੍ਬਜਨ੍ਤਾ ਪੁਤ੍ਤਦਾਰਞ੍ਚੇવ ਜਾਤਰੂਪਰਜਤਞ੍ਚ ਪਹਾਯੇવ ਪਬ੍ਬਜਨ੍ਤਿ, ਨ ਚ ਸਕ੍ਕਾ ਯਂ ਪਹਾਯ ਪਬ੍ਬਜਿਤਾ ਤਂ ਏਤੇਹਿ ਗਾਹੇਤੁ’’ਨ੍ਤਿ ਨਯਗ੍ਗਾਹੇ ਠਤ੍વਾ ਏਤਂ ‘‘ਮਾ ਅਯ੍ਯਾ’’ਤਿਆਦਿવਚਨਂ ਅવੋਚ। ਏਕਂਸੇਨੇਤਨ੍ਤਿ ਏਤਂ ਪਞ੍ਚਕਾਮਗੁਣਕਪ੍ਪਨਂ ‘‘ਅਸ੍ਸਮਣਧਮ੍ਮੋ ਅਸਕ੍ਯਪੁਤ੍ਤਿਯਧਮ੍ਮੋ’’ਤਿ ਏਕਂਸੇਨ ਧਾਰੇਯ੍ਯਾਸਿ।
448.Taṃ parisaṃ etadavocāti (saṃ. ni. aṭṭha. 3.4.362) tassa kira evaṃ ahosi ‘‘kulaputtā pabbajantā puttadārañceva jātarūparajatañca pahāyeva pabbajanti, na ca sakkā yaṃ pahāya pabbajitā taṃ etehi gāhetu’’nti nayaggāhe ṭhatvā etaṃ ‘‘mā ayyā’’tiādivacanaṃ avoca. Ekaṃsenetanti etaṃ pañcakāmaguṇakappanaṃ ‘‘assamaṇadhammo asakyaputtiyadhammo’’ti ekaṃsena dhāreyyāsi.
ਤਿਣਨ੍ਤਿ ਸੇਨਾਸਨਚ੍ਛਦਨਤਿਣਂ। ਪਰਿਯੇਸਿਤਬ੍ਬਨ੍ਤਿ ਤਿਣਚ੍ਛਦਨੇ વਾ ਇਟ੍ਠਕਚ੍ਛਦਨੇ વਾ ਗੇਹੇ ਪਲੁਜ੍ਜਨ੍ਤੇ ਯੇਹਿ ਤਂ ਕਾਰਿਤਂ, ਤੇਸਂ ਸਨ੍ਤਿਕਂ ਗਨ੍ਤ੍વਾ ‘‘ਤੁਮ੍ਹੇਹਿ ਕਾਰਿਤਂ ਸੇਨਾਸਨਂ ਓવਸ੍ਸਤਿ, ਨ ਸਕ੍ਕਾ ਤਤ੍ਥ વਸਿਤੁ’’ਨ੍ਤਿ ਆਚਿਕ੍ਖਿਤਬ੍ਬਂ। ਮਨੁਸ੍ਸਾ ਸਕ੍ਕੋਨ੍ਤਾ ਕਰਿਸ੍ਸਨ੍ਤਿ, ਅਸਕ੍ਕੋਨ੍ਤਾ ‘‘ਤੁਮ੍ਹੇ વਡ੍ਢਕੀ ਗਹੇਤ੍વਾ ਕਾਰਾਪੇਥ, ਮਯਂ ਤੇ ਸਞ੍ਞਾਪੇਸ੍ਸਾਮਾ’’ਤਿ વਕ੍ਖਨ੍ਤਿ। ਏવਂ વੁਤ੍ਤੇ ਕਾਰੇਤ੍વਾ ਤੇਸਂ ਆਚਿਕ੍ਖਿਤਬ੍ਬਂ, ਮਨੁਸ੍ਸਾ વਡ੍ਢਕੀਨਂ ਦਾਤਬ੍ਬਂ ਦਸ੍ਸਨ੍ਤਿ। ਸਚੇ ਆવਾਸਸਾਮਿਕਾ ਨਤ੍ਥਿ, ਅਞ੍ਞੇਸਮ੍ਪਿ ਭਿਕ੍ਖਾਚਾਰવਤ੍ਤੇਨ ਆਰੋਚੇਤ੍વਾ ਕਾਰੇਤੁਂ વਟ੍ਟਤਿ। ਇਮਂ ਸਨ੍ਧਾਯ ‘‘ਪਰਿਯੇਸਿਤਬ੍ਬ’’ਨ੍ਤਿ વੁਤ੍ਤਂ।
Tiṇanti senāsanacchadanatiṇaṃ. Pariyesitabbanti tiṇacchadane vā iṭṭhakacchadane vā gehe palujjante yehi taṃ kāritaṃ, tesaṃ santikaṃ gantvā ‘‘tumhehi kāritaṃ senāsanaṃ ovassati, na sakkā tattha vasitu’’nti ācikkhitabbaṃ. Manussā sakkontā karissanti, asakkontā ‘‘tumhe vaḍḍhakī gahetvā kārāpetha, mayaṃ te saññāpessāmā’’ti vakkhanti. Evaṃ vutte kāretvā tesaṃ ācikkhitabbaṃ, manussā vaḍḍhakīnaṃ dātabbaṃ dassanti. Sace āvāsasāmikā natthi, aññesampi bhikkhācāravattena ārocetvā kāretuṃ vaṭṭati. Imaṃ sandhāya ‘‘pariyesitabba’’nti vuttaṃ.
ਦਾਰੂਤਿ ਸੇਨਾਸਨੇ ਗੋਪਾਨਸਿਆਦੀਸੁ ਪਲੁਜ੍ਜਮਾਨੇਸੁ ਤਦਤ੍ਥਾਯ ਦਾਰੁ ਪਰਿਯੇਸਿਤਬ੍ਬਂ। ਸਕਟਨ੍ਤਿ ਗਿਹਿવਿਕਟਂ વਾ ਤਾવਕਾਲਿਕਂ વਾ ਕਤ੍વਾ ਸਕਟਂ ਪਰਿਯੇਸਿਤਬ੍ਬਂ। ਨ ਕੇવਲਞ੍ਚ ਸਕਟਮੇવ, ਅਞ੍ਞਮ੍ਪਿ વਾਸਿਫਰਸੁਕੁਦਾਲਾਦਿਉਪਕਰਣਂ ਏવਂ ਪਰਿਯੇਸਿਤੁਂ વਟ੍ਟਤਿ। ਪੁਰਿਸੋਤਿ ਹਤ੍ਥਕਮ੍ਮવਸੇਨ ਪੁਰਿਸੋ ਪਰਿਯੇਸਿਤਬ੍ਬੋ। ਯਂ ਕਞ੍ਚਿ ਹਿ ਪੁਰਿਸਂ ‘‘ਹਤ੍ਥਕਮ੍ਮਂ ਆવੁਸੋ ਦਸ੍ਸਸੀ’’ਤਿ વਤ੍વਾ ‘‘ਦਸ੍ਸਾਮਿ ਭਨ੍ਤੇ’’ਤਿ વੁਤ੍ਤੇ ‘‘ਇਮਸ੍ਮਿਂ ਇਦਞ੍ਚਿਦਞ੍ਚ ਕਰੋਹੀ’’ਤਿ ਯਂ ਇਚ੍ਛਤਿ, ਤਂ ਕਾਰੇਤੁਂ વਟ੍ਟਤਿ। ਨ ਤ੍વੇવਾਹਂ ਗਾਮਣਿ ਕੇਨਚਿ ਪਰਿਯਾਯੇਨਾਤਿ ਜਾਤਰੂਪਰਜਤਂ ਪਨਾਹਂ ਕੇਨਚਿਪਿ ਕਾਰਣੇਨ ਪਰਿਯੇਸਿਤਬ੍ਬਨ੍ਤਿ ਨ વਦਾਮਿ।
Dārūti senāsane gopānasiādīsu palujjamānesu tadatthāya dāru pariyesitabbaṃ. Sakaṭanti gihivikaṭaṃ vā tāvakālikaṃ vā katvā sakaṭaṃ pariyesitabbaṃ. Na kevalañca sakaṭameva, aññampi vāsipharasukudālādiupakaraṇaṃ evaṃ pariyesituṃ vaṭṭati. Purisoti hatthakammavasena puriso pariyesitabbo. Yaṃ kañci hi purisaṃ ‘‘hatthakammaṃ āvuso dassasī’’ti vatvā ‘‘dassāmi bhante’’ti vutte ‘‘imasmiṃ idañcidañca karohī’’ti yaṃ icchati, taṃ kāretuṃ vaṭṭati. Na tvevāhaṃ gāmaṇi kenaci pariyāyenāti jātarūparajataṃ panāhaṃ kenacipi kāraṇena pariyesitabbanti na vadāmi.
੪੪੯. ਪਾਪਕਂ ਕਤਨ੍ਤਿ ਅਸੁਨ੍ਦਰਂ ਕਤਂ।
449.Pāpakaṃ katanti asundaraṃ kataṃ.
੪੫੦. ਅਹੋਗਙ੍ਗੋਤਿ ਤਸ੍ਸ ਪਬ੍ਬਤਸ੍ਸ ਨਾਮਂ।
450.Ahogaṅgoti tassa pabbatassa nāmaṃ.
੪੫੧. ਪਟਿਕਚ੍ਚੇવ ਗਚ੍ਛੇਯ੍ਯਨ੍ਤਿ ਯਤ੍ਥ ਤਂ ਅਧਿਕਰਣਂ વੂਪਸਮੇਤੁਂ ਭਿਕ੍ਖੂ ਸਨ੍ਨਿਪਤਨ੍ਤਿ, ਤਤ੍ਥ ਪਠਮਮੇવ ਗਚ੍ਛੇਯ੍ਯਂ। ਸਮ੍ਭਾવੇਸੁਨ੍ਤਿ ਪਾਪੁਣਿਂਸੁ।
451.Paṭikacceva gaccheyyanti yattha taṃ adhikaraṇaṃ vūpasametuṃ bhikkhū sannipatanti, tattha paṭhamameva gaccheyyaṃ. Sambhāvesunti pāpuṇiṃsu.
੪੫੨. ਅਲੋਣਕਂ ਭવਿਸ੍ਸਤੀਤਿ ਅਲੋਣਕਂ ਭਤ੍ਤਂ વਾ ਬ੍ਯਞ੍ਜਨਂ વਾ ਭવਿਸ੍ਸਤਿ। ਆਸੁਤਾਤਿ ਸਬ੍ਬਸਮ੍ਭਾਰਸਜ੍ਜਿਤਾ। ‘‘ਅਸੁਤ੍ਤਾ’’ਤਿ વਾ ਪਾਠੋ।
452.Aloṇakaṃ bhavissatīti aloṇakaṃ bhattaṃ vā byañjanaṃ vā bhavissati. Āsutāti sabbasambhārasajjitā. ‘‘Asuttā’’ti vā pāṭho.
੪੫੩. ਉਜ੍ਜવਿਂਸੂਤਿ ਨਾવਂ ਆਰੁਯ੍ਹ ਪਟਿਸੋਤੇਨ ਗਚ੍ਛਿਂਸੁ। ਪਾਚੀਨਕਾਤਿ ਪਾਚੀਨਦੇਸવਾਸਿਨੋ।
453.Ujjaviṃsūti nāvaṃ āruyha paṭisotena gacchiṃsu. Pācīnakāti pācīnadesavāsino.
੪੫੪. ਨਨੁ ਤ੍વਂ ਆવੁਸੋ વੁਡ੍ਢੋ વੀਸਤਿવਸ੍ਸੋਸੀਤਿ ਨਨੁ ਤ੍વਂ ਆવੁਸੋ વੀਸਤਿવਸ੍ਸੋ, ਨ ਨਿਸ੍ਸਯਪਟਿਬਦ੍ਧੋ , ਕਸ੍ਮਾ ਤਂ ਥੇਰੋ ਪਣਾਮੇਤੀਤਿ ਦੀਪੇਨ੍ਤਿ। ਗਰੁਨਿਸ੍ਸਯਂ ਗਣ੍ਹਾਮਾਤਿ ਕਿਞ੍ਚਾਪਿ ਮਯਂ ਮਹਲ੍ਲਕਾ, ਏਤਂ ਪਨ ਥੇਰਂ ਗਰੁਂ ਕਤ੍વਾ વਸਿਸ੍ਸਾਮਾਤਿ ਅਧਿਪ੍ਪਾਯੋ।
454.Nanu tvaṃ āvuso vuḍḍho vīsativassosīti nanu tvaṃ āvuso vīsativasso, na nissayapaṭibaddho , kasmā taṃ thero paṇāmetīti dīpenti. Garunissayaṃ gaṇhāmāti kiñcāpi mayaṃ mahallakā, etaṃ pana theraṃ garuṃ katvā vasissāmāti adhippāyo.
੪੫੫. ਮੇਤ੍ਤਾਯ ਰੂਪਾવਚਰਸਮਾਧਿਮਤ੍ਤਭਾવਤੋ ‘‘ਕੁਲ੍ਲਕવਿਹਾਰੇਨਾ’’ਤਿ વੁਤ੍ਤਂ, ਖੁਦ੍ਦਕੇਨ વਿਹਾਰੇਨਾਤਿ ਅਤ੍ਥੋ, ਖੁਦ੍ਦਕਤਾ ਚਸ੍ਸ ਅਗਮ੍ਭੀਰਭਾવਤੋਤਿ ਆਹ ‘‘ਉਤ੍ਤਾਨવਿਹਾਰੇਨਾ’’ਤਿ। ਸੁਞ੍ਞਤਾવਿਹਾਰੇਨਾਤਿ ਸੁਞ੍ਞਤਾਮੁਖੇਨ ਅਧਿਗਤਫਲਸਮਾਪਤ੍ਤਿਂ ਸਨ੍ਧਾਯ વੁਤ੍ਤਂ।
455. Mettāya rūpāvacarasamādhimattabhāvato ‘‘kullakavihārenā’’ti vuttaṃ, khuddakena vihārenāti attho, khuddakatā cassa agambhīrabhāvatoti āha ‘‘uttānavihārenā’’ti. Suññatāvihārenāti suññatāmukhena adhigataphalasamāpattiṃ sandhāya vuttaṃ.
੪੫੭. ਸੁਤ੍ਤવਿਭਙ੍ਗੇਤਿ ਪਦਭਾਜਨੀਯੇ। ਤੇਨ ਸਦ੍ਧਿਨ੍ਤਿ ਪੁਰੇਪਟਿਗ੍ਗਹਿਤਲੋਣੇਨ ਸਦ੍ਧਿਂ। ਨ ਹਿ ਏਤ੍ਥ ਯਾવਜੀવਿਕਂ ਤਦਹੁਪਟਿਗ੍ਗਹਿਤਨ੍ਤਿ ‘‘ਕਪ੍ਪਤਿ ਸਿਙ੍ਗਿਲੋਣਕਪ੍ਪੋ’’ਤਿ ਏਤ੍ਥ વੁਤ੍ਤਸਿਙ੍ਗਿਲੋਣਂ ਸਨ੍ਧਾਯ વੁਤ੍ਤਂ। ਤਞ੍ਹਿ ਪੁਰੇ ਪਟਿਗ੍ਗਹੇਤ੍વਾ ਸਿਙ੍ਗੇਨ ਪਰਿਹਟਂ ਨ ਤਦਹੁਪਟਿਗ੍ਗਹਿਤਂ। ਯਾવਕਾਲਿਕਮੇવ ਤਦਹੁਪਟਿਗ੍ਗਹਿਤਨ੍ਤਿ ਸਿਙ੍ਗਿਲੋਣੇਨ ਮਿਸ੍ਸੇਤ੍વਾ ਭੁਞ੍ਜਿਤਬ੍ਬਂ ਅਲੋਣਾਮਿਸਂ ਸਨ੍ਧਾਯ વੁਤ੍ਤਂ। ਉਪੋਸਥਸਂਯੁਤ੍ਤੇਤਿ ਉਪੋਸਥਪਟਿਸਂਯੁਤ੍ਤੇ, ਉਪੋਸਥਕ੍ਖਨ੍ਧਕੇਤਿ વੁਤ੍ਤਂ ਹੋਤਿ। ਅਤਿਸਰਣਂ ਅਤਿਸਾਰੋ, ਅਤਿਕ੍ਕਮੋ। વਿਨਯਸ੍ਸ ਅਤਿਸਾਰੋ વਿਨਯਾਤਿਸਾਰੋ। ਤਂ ਪਮਾਣਂ ਕਰੋਨ੍ਤਸ੍ਸਾਤਿ ਦਸਾਯ ਸਦ੍ਧਿਂ ਨਿਸੀਦਨੇ ਯਂ ਪਮਾਣਂ વੁਤ੍ਤਂ, ਦਸਾਯ વਿਨਾ ਤਂ ਪਮਾਣਂ ਕਰੋਨ੍ਤਸ੍ਸ। ਸੇਸਮੇਤ੍ਥ ਸੁવਿਞ੍ਞੇਯ੍ਯਮੇવ।
457.Suttavibhaṅgeti padabhājanīye. Tena saddhinti purepaṭiggahitaloṇena saddhiṃ. Na hi ettha yāvajīvikaṃ tadahupaṭiggahitanti ‘‘kappati siṅgiloṇakappo’’ti ettha vuttasiṅgiloṇaṃ sandhāya vuttaṃ. Tañhi pure paṭiggahetvā siṅgena parihaṭaṃ na tadahupaṭiggahitaṃ. Yāvakālikameva tadahupaṭiggahitanti siṅgiloṇena missetvā bhuñjitabbaṃ aloṇāmisaṃ sandhāya vuttaṃ. Uposathasaṃyutteti uposathapaṭisaṃyutte, uposathakkhandhaketi vuttaṃ hoti. Atisaraṇaṃ atisāro, atikkamo. Vinayassa atisāro vinayātisāro. Taṃ pamāṇaṃ karontassāti dasāya saddhiṃ nisīdane yaṃ pamāṇaṃ vuttaṃ, dasāya vinā taṃ pamāṇaṃ karontassa. Sesamettha suviññeyyameva.
ਸਤ੍ਤਸਤਿਕਕ੍ਖਨ੍ਧਕવਣ੍ਣਨਾ ਨਿਟ੍ਠਿਤਾ।
Sattasatikakkhandhakavaṇṇanā niṭṭhitā.
ਦ੍વਿવਗ੍ਗਸਙ੍ਗਹਾਤਿ ਚੂਲ਼વਗ੍ਗਮਹਾવਗ੍ਗਸਙ੍ਖਾਤੇਹਿ ਦ੍વੀਹਿ વਗ੍ਗੇਹਿ ਸਙ੍ਗਹਿਤਾ। ਦ੍વਾવੀਸਤਿਪਭੇਦਨਾਤਿ ਮਹਾવਗ੍ਗੇ ਦਸ, ਚੂਲ਼વਗ੍ਗੇ ਦ੍વਾਦਸਾਤਿ ਏવਂ ਦ੍વਾવੀਸਤਿਪ੍ਪਭੇਦਾ। ਸਾਸਨੇਤਿ ਸਤ੍ਥੁਸਾਸਨੇ। ਯੇ ਖਨ੍ਧਕਾ વੁਤ੍ਤਾਤਿ ਯੋਜੇਤਬ੍ਬਂ।
Dvivaggasaṅgahāti cūḷavaggamahāvaggasaṅkhātehi dvīhi vaggehi saṅgahitā. Dvāvīsatipabhedanāti mahāvagge dasa, cūḷavagge dvādasāti evaṃ dvāvīsatippabhedā. Sāsaneti satthusāsane. Ye khandhakā vuttāti yojetabbaṃ.
ਇਤਿ ਸਮਨ੍ਤਪਾਸਾਦਿਕਾਯ વਿਨਯਟ੍ਠਕਥਾਯ ਸਾਰਤ੍ਥਦੀਪਨਿਯਂ
Iti samantapāsādikāya vinayaṭṭhakathāya sāratthadīpaniyaṃ
ਚੂਲ਼વਗ੍ਗવਣ੍ਣਨਾ ਨਿਟ੍ਠਿਤਾ।
Cūḷavaggavaṇṇanā niṭṭhitā.
Related texts:
ਤਿਪਿਟਕ (ਮੂਲ) • Tipiṭaka (Mūla) / વਿਨਯਪਿਟਕ • Vinayapiṭaka / ਚੂਲ਼વਗ੍ਗਪਾਲ਼ਿ • Cūḷavaggapāḷi
੧. ਪਠਮਭਾਣવਾਰੋ • 1. Paṭhamabhāṇavāro
੨. ਦੁਤਿਯਭਾਣવਾਰੋ • 2. Dutiyabhāṇavāro
ਅਟ੍ਠਕਥਾ • Aṭṭhakathā / વਿਨਯਪਿਟਕ (ਅਟ੍ਠਕਥਾ) • Vinayapiṭaka (aṭṭhakathā) / ਚੂਲ਼વਗ੍ਗ-ਅਟ੍ਠਕਥਾ • Cūḷavagga-aṭṭhakathā / ਦਸવਤ੍ਥੁਕਥਾ • Dasavatthukathā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਜਿਰਬੁਦ੍ਧਿ-ਟੀਕਾ • Vajirabuddhi-ṭīkā / ਦਸવਤ੍ਥੁਕਥਾવਣ੍ਣਨਾ • Dasavatthukathāvaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / વਿਮਤਿવਿਨੋਦਨੀ-ਟੀਕਾ • Vimativinodanī-ṭīkā / ਦਸવਤ੍ਥੁਕਥਾવਣ੍ਣਨਾ • Dasavatthukathāvaṇṇanā
ਟੀਕਾ • Tīkā / વਿਨਯਪਿਟਕ (ਟੀਕਾ) • Vinayapiṭaka (ṭīkā) / ਪਾਚਿਤ੍ਯਾਦਿਯੋਜਨਾਪਾਲ਼ਿ • Pācityādiyojanāpāḷi / ਦਸવਤ੍ਥੁਕਥਾ • Dasavatthukathā
