| Library / Tipiṭaka / તિપિટક • Tipiṭaka / અઙ્ગુત્તરનિકાય • Aṅguttaranikāya |
૫. દટ્ઠબ્બસુત્તં
5. Daṭṭhabbasuttaṃ
૧૫. ‘‘પઞ્ચિમાનિ, ભિક્ખવે, બલાનિ. કતમાનિ પઞ્ચ? સદ્ધાબલં, વીરિયબલં, સતિબલં, સમાધિબલં, પઞ્ઞાબલં . કત્થ ચ, ભિક્ખવે, સદ્ધાબલં દટ્ઠબ્બં? ચતૂસુ સોતાપત્તિયઙ્ગેસુ. એત્થ સદ્ધાબલં દટ્ઠબ્બં. કત્થ ચ, ભિક્ખવે, વીરિયબલં દટ્ઠબ્બં? ચતૂસુ સમ્મપ્પધાનેસુ. એત્થ વીરિયબલં દટ્ઠબ્બં. કત્થ ચ, ભિક્ખવે, સતિબલં દટ્ઠબ્બં? ચતૂસુ સતિપટ્ઠાનેસુ. એત્થ સતિબલં દટ્ઠબ્બં. કત્થ ચ, ભિક્ખવે, સમાધિબલં દટ્ઠબ્બં? ચતૂસુ ઝાનેસુ. એત્થ સમાધિબલં દટ્ઠબ્બં. કત્થ ચ, ભિક્ખવે, પઞ્ઞાબલં દટ્ઠબ્બં? ચતૂસુ અરિયસચ્ચેસુ. એત્થ પઞ્ઞાબલં દટ્ઠબ્બં. ઇમાનિ ખો, ભિક્ખવે, પઞ્ચ બલાની’’તિ. પઞ્ચમં.
15. ‘‘Pañcimāni, bhikkhave, balāni. Katamāni pañca? Saddhābalaṃ, vīriyabalaṃ, satibalaṃ, samādhibalaṃ, paññābalaṃ . Kattha ca, bhikkhave, saddhābalaṃ daṭṭhabbaṃ? Catūsu sotāpattiyaṅgesu. Ettha saddhābalaṃ daṭṭhabbaṃ. Kattha ca, bhikkhave, vīriyabalaṃ daṭṭhabbaṃ? Catūsu sammappadhānesu. Ettha vīriyabalaṃ daṭṭhabbaṃ. Kattha ca, bhikkhave, satibalaṃ daṭṭhabbaṃ? Catūsu satipaṭṭhānesu. Ettha satibalaṃ daṭṭhabbaṃ. Kattha ca, bhikkhave, samādhibalaṃ daṭṭhabbaṃ? Catūsu jhānesu. Ettha samādhibalaṃ daṭṭhabbaṃ. Kattha ca, bhikkhave, paññābalaṃ daṭṭhabbaṃ? Catūsu ariyasaccesu. Ettha paññābalaṃ daṭṭhabbaṃ. Imāni kho, bhikkhave, pañca balānī’’ti. Pañcamaṃ.
Related texts:
અટ્ઠકથા • Aṭṭhakathā / સુત્તપિટક (અટ્ઠકથા) • Suttapiṭaka (aṭṭhakathā) / અઙ્ગુત્તરનિકાય (અટ્ઠકથા) • Aṅguttaranikāya (aṭṭhakathā) / ૫. દટ્ઠબ્બસુત્તવણ્ણના • 5. Daṭṭhabbasuttavaṇṇanā
ટીકા • Tīkā / સુત્તપિટક (ટીકા) • Suttapiṭaka (ṭīkā) / અઙ્ગુત્તરનિકાય (ટીકા) • Aṅguttaranikāya (ṭīkā) / ૬. મહાસુપિનસુત્તવણ્ણના • 6. Mahāsupinasuttavaṇṇanā
