| Library / Tipiṭaka / д̇ибидага • Tipiṭaka / маж̇жхиманигааяа • Majjhimanikāya |
намо д̇асса бхаг̇авад̇о арахад̇о саммаасамб̣уд̣̇д̇хасса
Namo tassa bhagavato arahato sammāsambuddhassa
маж̇жхиманигааяз
Majjhimanikāye
убарибан̣н̣аасабаал̣и
Uparipaṇṇāsapāḷi
1. д̣̇звад̣̇ахаваг̇г̇о
1. Devadahavaggo
1. д̣̇звад̣̇ахасуд̇д̇ам̣
1. Devadahasuttaṃ
1. звам̣ мз суд̇ам̣ – згам̣ самаяам̣ бхаг̇аваа саггзсу вихарад̇и д̣̇звад̣̇ахам̣ наама сагяаанам̣ ниг̇амо. д̇ад̇ра ко бхаг̇аваа бхигкуу ааманд̇зси – ‘‘бхигкаво’’д̇и. ‘‘бхад̣̇анд̇з’’д̇и д̇з бхигкуу бхаг̇авад̇о бажжассосум̣. бхаг̇аваа зд̇ад̣̇авожа – ‘‘санд̇и, бхигкавз, згз саман̣аб̣раахман̣аа звам̣ваад̣̇ино звам̣д̣̇идтино – ‘яам̣ гин̃жааяам̣ бурисабуг̇г̇ало бадисам̣взд̣̇зд̇и сукам̣ ваа д̣̇угкам̣ ваа ад̣̇угкамасукам̣ ваа, саб̣б̣ам̣ д̇ам̣ буб̣б̣згад̇ахзд̇у. ид̇и бураан̣аанам̣ гаммаанам̣ д̇абасаа б̣яанд̇ийбхааваа, наваанам̣ гаммаанам̣ агаран̣аа, ааяад̇им̣ анавассаво; ааяад̇им̣ анавассаваа гаммагкаяо; гаммагкаяаа д̣̇угкагкаяо; д̣̇угкагкаяаа взд̣̇анаагкаяо; взд̣̇анаагкаяаа саб̣б̣ам̣ д̣̇угкам̣ ниж̇ж̇ин̣н̣ам̣ бхависсад̇ий’д̇и. звам̣ваад̣̇ино, бхигкавз, ниг̇ан̣таа.
1. Evaṃ me sutaṃ – ekaṃ samayaṃ bhagavā sakkesu viharati devadahaṃ nāma sakyānaṃ nigamo. Tatra kho bhagavā bhikkhū āmantesi – ‘‘bhikkhavo’’ti. ‘‘Bhadante’’ti te bhikkhū bhagavato paccassosuṃ. Bhagavā etadavoca – ‘‘santi, bhikkhave, eke samaṇabrāhmaṇā evaṃvādino evaṃdiṭṭhino – ‘yaṃ kiñcāyaṃ purisapuggalo paṭisaṃvedeti sukhaṃ vā dukkhaṃ vā adukkhamasukhaṃ vā, sabbaṃ taṃ pubbekatahetu. Iti purāṇānaṃ kammānaṃ tapasā byantībhāvā, navānaṃ kammānaṃ akaraṇā, āyatiṃ anavassavo; āyatiṃ anavassavā kammakkhayo; kammakkhayā dukkhakkhayo; dukkhakkhayā vedanākkhayo; vedanākkhayā sabbaṃ dukkhaṃ nijjiṇṇaṃ bhavissatī’ti. Evaṃvādino, bhikkhave, nigaṇṭhā.
‘‘звам̣ваад̣̇аахам̣ , бхигкавз, ниг̇ан̣тз убасан̇гамид̇ваа звам̣ вад̣̇аами – ‘сажжам̣ гира д̇умхз, аавусо ниг̇ан̣таа, звам̣ваад̣̇ино звам̣д̣̇идтино – яам̣ гин̃жааяам̣ бурисабуг̇г̇ало бадисам̣взд̣̇зд̇и сукам̣ ваа д̣̇угкам̣ ваа ад̣̇угкамасукам̣ ваа, саб̣б̣ам̣ д̇ам̣ буб̣б̣згад̇ахзд̇у. ид̇и бураан̣аанам̣ гаммаанам̣ д̇абасаа б̣яанд̇ийбхааваа, наваанам̣ гаммаанам̣ агаран̣аа, ааяад̇им̣ анавассаво; ааяад̇им̣ анавассаваа гаммагкаяо; гаммагкаяаа д̣̇угкагкаяо; д̣̇угкагкаяаа взд̣̇анаагкаяо; взд̣̇анаагкаяаа саб̣б̣ам̣ д̣̇угкам̣ ниж̇ж̇ин̣н̣ам̣ бхависсад̇ий’д̇и? д̇з жа мз, бхигкавз, ниг̇ан̣таа звам̣ будтаа ‘аамаа’д̇и бадиж̇аананд̇и.
‘‘Evaṃvādāhaṃ , bhikkhave, nigaṇṭhe upasaṅkamitvā evaṃ vadāmi – ‘saccaṃ kira tumhe, āvuso nigaṇṭhā, evaṃvādino evaṃdiṭṭhino – yaṃ kiñcāyaṃ purisapuggalo paṭisaṃvedeti sukhaṃ vā dukkhaṃ vā adukkhamasukhaṃ vā, sabbaṃ taṃ pubbekatahetu. Iti purāṇānaṃ kammānaṃ tapasā byantībhāvā, navānaṃ kammānaṃ akaraṇā, āyatiṃ anavassavo; āyatiṃ anavassavā kammakkhayo; kammakkhayā dukkhakkhayo; dukkhakkhayā vedanākkhayo; vedanākkhayā sabbaṃ dukkhaṃ nijjiṇṇaṃ bhavissatī’ti? Te ca me, bhikkhave, nigaṇṭhā evaṃ puṭṭhā ‘āmā’ti paṭijānanti.
‘‘д̇яаахам̣ звам̣ вад̣̇аами – ‘гим̣ бана д̇умхз, аавусо ниг̇ан̣таа, ж̇аанаат̇а – ахувамхзва маяам̣ буб̣б̣з, на наахувамхаа’д̇и? ‘но хид̣̇ам̣, аавусо’.
‘‘Tyāhaṃ evaṃ vadāmi – ‘kiṃ pana tumhe, āvuso nigaṇṭhā, jānātha – ahuvamheva mayaṃ pubbe, na nāhuvamhā’ti? ‘No hidaṃ, āvuso’.
‘‘‘гим̣ бана д̇умхз, аавусо ниг̇ан̣таа, ж̇аанаат̇а – агарамхзва маяам̣ буб̣б̣з баабагаммам̣, на наагарамхаа’д̇и? ‘но хид̣̇ам̣, аавусо’.
‘‘‘Kiṃ pana tumhe, āvuso nigaṇṭhā, jānātha – akaramheva mayaṃ pubbe pāpakammaṃ, na nākaramhā’ti? ‘No hidaṃ, āvuso’.
‘‘‘гим̣ бана д̇умхз, аавусо ниг̇ан̣таа, ж̇аанаат̇а – зваруубам̣ ваа зваруубам̣ ваа баабагаммам̣ агарамхаа’д̇и? ‘но хид̣̇ам̣, аавусо’.
‘‘‘Kiṃ pana tumhe, āvuso nigaṇṭhā, jānātha – evarūpaṃ vā evarūpaṃ vā pāpakammaṃ akaramhā’ti? ‘No hidaṃ, āvuso’.
‘‘‘гим̣ бана д̇умхз, аавусо ниг̇ан̣таа, ж̇аанаат̇а – зд̇д̇агам̣ ваа д̣̇угкам̣ ниж̇ж̇ин̣н̣ам̣, зд̇д̇агам̣ ваа д̣̇угкам̣ ниж̇ж̇ийрзд̇аб̣б̣ам̣, зд̇д̇агамхи ваа д̣̇угкз ниж̇ж̇ин̣н̣з саб̣б̣ам̣ д̣̇угкам̣ ниж̇ж̇ин̣н̣ам̣ бхависсад̇ий’д̇и? ‘но хид̣̇ам̣, аавусо’.
‘‘‘Kiṃ pana tumhe, āvuso nigaṇṭhā, jānātha – ettakaṃ vā dukkhaṃ nijjiṇṇaṃ, ettakaṃ vā dukkhaṃ nijjīretabbaṃ, ettakamhi vā dukkhe nijjiṇṇe sabbaṃ dukkhaṃ nijjiṇṇaṃ bhavissatī’ti? ‘No hidaṃ, āvuso’.
‘‘‘гим̣ бана д̇умхз, аавусо ниг̇ан̣таа, ж̇аанаат̇а – д̣̇идтзва д̇хаммз агусалаанам̣ д̇хаммаанам̣ бахаанам̣, гусалаанам̣ д̇хаммаанам̣ убасамбад̣̇а’нд̇и? ‘но хид̣̇ам̣, аавусо’.
‘‘‘Kiṃ pana tumhe, āvuso nigaṇṭhā, jānātha – diṭṭheva dhamme akusalānaṃ dhammānaṃ pahānaṃ, kusalānaṃ dhammānaṃ upasampada’nti? ‘No hidaṃ, āvuso’.
2. ‘‘ид̇и гира д̇умхз, аавусо ниг̇ан̣таа, на ж̇аанаат̇а – ахувамхзва маяам̣ буб̣б̣з, на наахувамхаад̇и , на ж̇аанаат̇а – агарамхзва маяам̣ буб̣б̣з баабагаммам̣, на наагарамхаад̇и, на ж̇аанаат̇а – зваруубам̣ ваа зваруубам̣ ваа баабагаммам̣ агарамхаад̇и, на ж̇аанаат̇а – зд̇д̇агам̣ ваа д̣̇угкам̣ ниж̇ж̇ин̣н̣ам̣, зд̇д̇агам̣ ваа д̣̇угкам̣ ниж̇ж̇ийрзд̇аб̣б̣ам̣, зд̇д̇агамхи ваа д̣̇угкз ниж̇ж̇ин̣н̣з саб̣б̣ам̣ д̣̇угкам̣ ниж̇ж̇ин̣н̣ам̣ бхависсад̇ийд̇и, на ж̇аанаат̇а – д̣̇идтзва д̇хаммз агусалаанам̣ д̇хаммаанам̣ бахаанам̣, гусалаанам̣ д̇хаммаанам̣ убасамбад̣̇ам̣; звам̣ санд̇з ааяасманд̇аанам̣ ниг̇ан̣таанам̣ на галламасса взяяаагаран̣ааяа – яам̣ гин̃жааяам̣ бурисабуг̇г̇ало бадисам̣взд̣̇зд̇и сукам̣ ваа д̣̇угкам̣ ваа ад̣̇угкамасукам̣ ваа, саб̣б̣ам̣ д̇ам̣ буб̣б̣згад̇ахзд̇у. ид̇и бураан̣аанам̣ гаммаанам̣ д̇абасаа б̣яанд̇ийбхааваа, наваанам̣ гаммаанам̣ агаран̣аа, ааяад̇им̣ анавассаво; ааяад̇им̣ анавассаваа гаммагкаяо; гаммагкаяаа д̣̇угкагкаяо; д̣̇угкагкаяаа взд̣̇анаагкаяо; взд̣̇анаагкаяаа саб̣б̣ам̣ д̣̇угкам̣ ниж̇ж̇ин̣н̣ам̣ бхависсад̇ий’’д̇и.
2. ‘‘Iti kira tumhe, āvuso nigaṇṭhā, na jānātha – ahuvamheva mayaṃ pubbe, na nāhuvamhāti , na jānātha – akaramheva mayaṃ pubbe pāpakammaṃ, na nākaramhāti, na jānātha – evarūpaṃ vā evarūpaṃ vā pāpakammaṃ akaramhāti, na jānātha – ettakaṃ vā dukkhaṃ nijjiṇṇaṃ, ettakaṃ vā dukkhaṃ nijjīretabbaṃ, ettakamhi vā dukkhe nijjiṇṇe sabbaṃ dukkhaṃ nijjiṇṇaṃ bhavissatīti, na jānātha – diṭṭheva dhamme akusalānaṃ dhammānaṃ pahānaṃ, kusalānaṃ dhammānaṃ upasampadaṃ; evaṃ sante āyasmantānaṃ nigaṇṭhānaṃ na kallamassa veyyākaraṇāya – yaṃ kiñcāyaṃ purisapuggalo paṭisaṃvedeti sukhaṃ vā dukkhaṃ vā adukkhamasukhaṃ vā, sabbaṃ taṃ pubbekatahetu. Iti purāṇānaṃ kammānaṃ tapasā byantībhāvā, navānaṃ kammānaṃ akaraṇā, āyatiṃ anavassavo; āyatiṃ anavassavā kammakkhayo; kammakkhayā dukkhakkhayo; dukkhakkhayā vedanākkhayo; vedanākkhayā sabbaṃ dukkhaṃ nijjiṇṇaṃ bhavissatī’’ti.
‘‘сажз бана д̇умхз, аавусо ниг̇ан̣таа, ж̇аанзяяаат̇а – ахувамхзва маяам̣ буб̣б̣з, на наахувамхаад̇и, ж̇аанзяяаат̇а – агарамхзва маяам̣ буб̣б̣з баабагаммам̣, на наагарамхаад̇и, ж̇аанзяяаат̇а – зваруубам̣ ваа зваруубам̣ ваа баабагаммам̣ агарамхаад̇и, ж̇аанзяяаат̇а – зд̇д̇агам̣ ваа д̣̇угкам̣ ниж̇ж̇ин̣н̣ам̣, зд̇д̇агам̣ ваа д̣̇угкам̣ ниж̇ж̇ийрзд̇аб̣б̣ам̣, зд̇д̇агамхи ваа д̣̇угкз ниж̇ж̇ин̣н̣з саб̣б̣ам̣ д̣̇угкам̣ ниж̇ж̇ин̣н̣ам̣ бхависсад̇ийд̇и, ж̇аанзяяаат̇а – д̣̇идтзва д̇хаммз агусалаанам̣ д̇хаммаанам̣ бахаанам̣, гусалаанам̣ д̇хаммаанам̣ убасамбад̣̇ам̣; звам̣ санд̇з ааяасманд̇аанам̣ ниг̇ан̣таанам̣ галламасса взяяаагаран̣ааяа – яам̣ гин̃жааяам̣ бурисабуг̇г̇ало бадисам̣взд̣̇зд̇и сукам̣ ваа д̣̇угкам̣ ваа ад̣̇угкамасукам̣ ваа, саб̣б̣ам̣ д̇ам̣ буб̣б̣згад̇ахзд̇у. ид̇и бураан̣аанам̣ гаммаанам̣ д̇абасаа б̣яанд̇ийбхааваа, наваанам̣ гаммаанам̣ агаран̣аа, ааяад̇им̣ анавассаво; ааяад̇им̣ анавассаваа гаммагкаяо; гаммагкаяаа д̣̇угкагкаяо; д̣̇угкагкаяаа взд̣̇анаагкаяо; взд̣̇анаагкаяаа саб̣б̣ам̣ д̣̇угкам̣ ниж̇ж̇ин̣н̣ам̣ бхависсад̇ий’’д̇и.
‘‘Sace pana tumhe, āvuso nigaṇṭhā, jāneyyātha – ahuvamheva mayaṃ pubbe, na nāhuvamhāti, jāneyyātha – akaramheva mayaṃ pubbe pāpakammaṃ, na nākaramhāti, jāneyyātha – evarūpaṃ vā evarūpaṃ vā pāpakammaṃ akaramhāti, jāneyyātha – ettakaṃ vā dukkhaṃ nijjiṇṇaṃ, ettakaṃ vā dukkhaṃ nijjīretabbaṃ, ettakamhi vā dukkhe nijjiṇṇe sabbaṃ dukkhaṃ nijjiṇṇaṃ bhavissatīti, jāneyyātha – diṭṭheva dhamme akusalānaṃ dhammānaṃ pahānaṃ, kusalānaṃ dhammānaṃ upasampadaṃ; evaṃ sante āyasmantānaṃ nigaṇṭhānaṃ kallamassa veyyākaraṇāya – yaṃ kiñcāyaṃ purisapuggalo paṭisaṃvedeti sukhaṃ vā dukkhaṃ vā adukkhamasukhaṃ vā, sabbaṃ taṃ pubbekatahetu. Iti purāṇānaṃ kammānaṃ tapasā byantībhāvā, navānaṃ kammānaṃ akaraṇā, āyatiṃ anavassavo; āyatiṃ anavassavā kammakkhayo; kammakkhayā dukkhakkhayo; dukkhakkhayā vedanākkhayo; vedanākkhayā sabbaṃ dukkhaṃ nijjiṇṇaṃ bhavissatī’’ti.
3. ‘‘сзяяат̇ааби, аавусо ниг̇ан̣таа, бурисо саллзна вид̣̇д̇хо асса сависзна г̇аал̣хуубалзбанзна 1; со саллассаби взд̇ханахзд̇у 2 д̣̇угкаа д̇иб̣б̣аа 3 гадугаа взд̣̇анаа взд̣̇иязяяа. д̇асса мид̇д̇аамажжаа н̃аад̇исаалохид̇аа бхисаггам̣ саллагад̇д̇ам̣ убадтаабзяяум̣. д̇асса со бхисагго саллагад̇д̇о сад̇т̇зна ван̣амукам̣ бариганд̇зяяа; со сад̇т̇знаби ван̣амукасса бариганд̇анахзд̇у д̣̇угкаа д̇иб̣б̣аа гадугаа взд̣̇анаа взд̣̇иязяяа. д̇асса со бхисагго саллагад̇д̇о зсанияаа саллам̣ зсзяяа; со зсанияааби салласса зсанаахзд̇у д̣̇угкаа д̇иб̣б̣аа гадугаа взд̣̇анаа взд̣̇иязяяа . д̇асса со бхисагго саллагад̇д̇о саллам̣ аб̣б̣ухзяяа 4; со саллассаби аб̣б̣уханахзд̇у 5 д̣̇угкаа д̇иб̣б̣аа гадугаа взд̣̇анаа взд̣̇иязяяа. д̇асса со бхисагго саллагад̇д̇о аг̇ад̣̇ан̇г̇аарам̣ ван̣амукз од̣̇ахзяяа; со аг̇ад̣̇ан̇г̇аарассаби ван̣амукз од̣̇аханахзд̇у д̣̇угкаа д̇иб̣б̣аа гадугаа взд̣̇анаа взд̣̇иязяяа. со абарзна самаязна руул̣хзна ван̣зна сан̃чавинаа арог̇о асса сукий сзрий саяам̣васий язна гааман̇г̇амо. д̇асса звамасса – ахам̣ ко буб̣б̣з саллзна вид̣̇д̇хо ахосим̣ сависзна г̇аал̣хуубалзбанзна. сохам̣ саллассаби взд̇ханахзд̇у д̣̇угкаа д̇иб̣б̣аа гадугаа взд̣̇анаа взд̣̇ияим̣. д̇асса мз мид̇д̇аамажжаа н̃аад̇исаалохид̇аа бхисаггам̣ саллагад̇д̇ам̣ убадтабзсум̣. д̇асса мз со бхисагго саллагад̇д̇о сад̇т̇зна ван̣амукам̣ бариганд̇и; сохам̣ сад̇т̇знаби ван̣амукасса бариганд̇анахзд̇у д̣̇угкаа д̇иб̣б̣аа гадугаа взд̣̇анаа взд̣̇ияим̣. д̇асса мз со бхисагго саллагад̇д̇о зсанияаа саллам̣ зси; со ахам̣ зсанияааби салласса зсанаахзд̇у д̣̇угкаа д̇иб̣б̣аа гадугаа взд̣̇анаа взд̣̇ияим̣. д̇асса мз со бхисагго саллагад̇д̇о саллам̣ аб̣б̣ухи 6; сохам̣ саллассаби аб̣б̣уханахзд̇у д̣̇угкаа д̇иб̣б̣аа гадугаа взд̣̇анаа взд̣̇ияим̣. д̇асса мз со бхисагго саллагад̇д̇о аг̇ад̣̇ан̇г̇аарам̣ ван̣амукз од̣̇ахи; сохам̣ аг̇ад̣̇ан̇г̇аарассаби ван̣амукз од̣̇аханахзд̇у д̣̇угкаа д̇иб̣б̣аа гадугаа взд̣̇анаа взд̣̇ияим̣. сомхи зд̇арахи руул̣хзна ван̣зна сан̃чавинаа арог̇о сукий сзрий саяам̣васий язна гааман̇г̇амо’’д̇и.
3. ‘‘Seyyathāpi, āvuso nigaṇṭhā, puriso sallena viddho assa savisena gāḷhūpalepanena 7; so sallassapi vedhanahetu 8 dukkhā tibbā 9 kaṭukā vedanā vediyeyya. Tassa mittāmaccā ñātisālohitā bhisakkaṃ sallakattaṃ upaṭṭhāpeyyuṃ. Tassa so bhisakko sallakatto satthena vaṇamukhaṃ parikanteyya; so satthenapi vaṇamukhassa parikantanahetu dukkhā tibbā kaṭukā vedanā vediyeyya. Tassa so bhisakko sallakatto esaniyā sallaṃ eseyya; so esaniyāpi sallassa esanāhetu dukkhā tibbā kaṭukā vedanā vediyeyya . Tassa so bhisakko sallakatto sallaṃ abbuheyya 10; so sallassapi abbuhanahetu 11 dukkhā tibbā kaṭukā vedanā vediyeyya. Tassa so bhisakko sallakatto agadaṅgāraṃ vaṇamukhe odaheyya; so agadaṅgārassapi vaṇamukhe odahanahetu dukkhā tibbā kaṭukā vedanā vediyeyya. So aparena samayena rūḷhena vaṇena sañchavinā arogo assa sukhī serī sayaṃvasī yena kāmaṅgamo. Tassa evamassa – ahaṃ kho pubbe sallena viddho ahosiṃ savisena gāḷhūpalepanena. Sohaṃ sallassapi vedhanahetu dukkhā tibbā kaṭukā vedanā vediyiṃ. Tassa me mittāmaccā ñātisālohitā bhisakkaṃ sallakattaṃ upaṭṭhapesuṃ. Tassa me so bhisakko sallakatto satthena vaṇamukhaṃ parikanti; sohaṃ satthenapi vaṇamukhassa parikantanahetu dukkhā tibbā kaṭukā vedanā vediyiṃ. Tassa me so bhisakko sallakatto esaniyā sallaṃ esi; so ahaṃ esaniyāpi sallassa esanāhetu dukkhā tibbā kaṭukā vedanā vediyiṃ. Tassa me so bhisakko sallakatto sallaṃ abbuhi 12; sohaṃ sallassapi abbuhanahetu dukkhā tibbā kaṭukā vedanā vediyiṃ. Tassa me so bhisakko sallakatto agadaṅgāraṃ vaṇamukhe odahi; sohaṃ agadaṅgārassapi vaṇamukhe odahanahetu dukkhā tibbā kaṭukā vedanā vediyiṃ. Somhi etarahi rūḷhena vaṇena sañchavinā arogo sukhī serī sayaṃvasī yena kāmaṅgamo’’ti.
‘‘звамзва ко, аавусо ниг̇ан̣таа, сажз д̇умхз ж̇аанзяяаат̇а – ахувамхзва маяам̣ буб̣б̣з, на наахувамхаад̇и, ж̇аанзяяаат̇а – агарамхзва маяам̣ буб̣б̣з баабагаммам̣, на наагарамхаад̇и, ж̇аанзяяаат̇а – зваруубам̣ ваа зваруубам̣ ваа баабагаммам̣ агарамхаад̇и, ж̇аанзяяаат̇а – зд̇д̇агам̣ ваа д̣̇угкам̣ ниж̇ж̇ин̣н̣ам̣, зд̇д̇агам̣ ваа д̣̇угкам̣ ниж̇ж̇ийрзд̇аб̣б̣ам̣, зд̇д̇агамхи ваа д̣̇угкз ниж̇ж̇ин̣н̣з саб̣б̣ам̣ д̣̇угкам̣ ниж̇ж̇ин̣н̣ам̣ бхависсад̇ийд̇и, ж̇аанзяяаат̇а – д̣̇идтзва д̇хаммз агусалаанам̣ д̇хаммаанам̣ бахаанам̣, гусалаанам̣ д̇хаммаанам̣ убасамбад̣̇ам̣; звам̣ санд̇з ааяасманд̇аанам̣ ниг̇ан̣таанам̣ галламасса взяяаагаран̣ааяа – яам̣ гин̃жааяам̣ бурисабуг̇г̇ало бадисам̣взд̣̇зд̇и сукам̣ ваа д̣̇угкам̣ ваа ад̣̇угкамасукам̣ ваа, саб̣б̣ам̣ д̇ам̣ буб̣б̣згад̇ахзд̇у. ид̇и бураан̣аанам̣ гаммаанам̣ д̇абасаа б̣яанд̇ийбхааваа, наваанам̣ гаммаанам̣ агаран̣аа, ааяад̇им̣ анавассаво; ааяад̇им̣ анавассаваа гаммагкаяо; гаммагкаяаа д̣̇угкагкаяо; д̣̇угкагкаяаа взд̣̇анаагкаяо; взд̣̇анаагкаяаа саб̣б̣ам̣ д̣̇угкам̣ ниж̇ж̇ин̣н̣ам̣ бхависсад̇ий’’д̇и.
‘‘Evameva kho, āvuso nigaṇṭhā, sace tumhe jāneyyātha – ahuvamheva mayaṃ pubbe, na nāhuvamhāti, jāneyyātha – akaramheva mayaṃ pubbe pāpakammaṃ, na nākaramhāti, jāneyyātha – evarūpaṃ vā evarūpaṃ vā pāpakammaṃ akaramhāti, jāneyyātha – ettakaṃ vā dukkhaṃ nijjiṇṇaṃ, ettakaṃ vā dukkhaṃ nijjīretabbaṃ, ettakamhi vā dukkhe nijjiṇṇe sabbaṃ dukkhaṃ nijjiṇṇaṃ bhavissatīti, jāneyyātha – diṭṭheva dhamme akusalānaṃ dhammānaṃ pahānaṃ, kusalānaṃ dhammānaṃ upasampadaṃ; evaṃ sante āyasmantānaṃ nigaṇṭhānaṃ kallamassa veyyākaraṇāya – yaṃ kiñcāyaṃ purisapuggalo paṭisaṃvedeti sukhaṃ vā dukkhaṃ vā adukkhamasukhaṃ vā, sabbaṃ taṃ pubbekatahetu. Iti purāṇānaṃ kammānaṃ tapasā byantībhāvā, navānaṃ kammānaṃ akaraṇā, āyatiṃ anavassavo; āyatiṃ anavassavā kammakkhayo; kammakkhayā dukkhakkhayo; dukkhakkhayā vedanākkhayo; vedanākkhayā sabbaṃ dukkhaṃ nijjiṇṇaṃ bhavissatī’’ti.
‘‘яасмаа жа ко д̇умхз, аавусо ниг̇ан̣таа, на ж̇аанаат̇а – ахувамхзва маяам̣ буб̣б̣з, на наахувамхаад̇и, на ж̇аанаат̇а – агарамхзва маяам̣ буб̣б̣з баабагаммам̣, на наагарамхаад̇и, на ж̇аанаат̇а – зваруубам̣ ваа зваруубам̣ ваа баабагаммам̣ агарамхаад̇и, на ж̇аанаат̇а – зд̇д̇агам̣ ваа д̣̇угкам̣ ниж̇ж̇ин̣н̣ам̣, зд̇д̇агам̣ ваа д̣̇угкам̣ ниж̇ж̇ийрзд̇аб̣б̣ам̣, зд̇д̇агамхи ваа д̣̇угкз ниж̇ж̇ин̣н̣з саб̣б̣ам̣ д̣̇угкам̣ ниж̇ж̇ин̣н̣ам̣ бхависсад̇ийд̇и, на ж̇аанаат̇а – д̣̇идтзва д̇хаммз агусалаанам̣ д̇хаммаанам̣ бахаанам̣, гусалаанам̣ д̇хаммаанам̣ убасамбад̣̇ам̣; д̇асмаа ааяасманд̇аанам̣ ниг̇ан̣таанам̣ на галламасса взяяаагаран̣ааяа – яам̣ гин̃жааяам̣ бурисабуг̇г̇ало бадисам̣взд̣̇зд̇и сукам̣ ваа д̣̇угкам̣ ваа ад̣̇угкамасукам̣ ваа, саб̣б̣ам̣ д̇ам̣ буб̣б̣згад̇ахзд̇у. ид̇и бураан̣аанам̣ гаммаанам̣ д̇абасаа б̣яанд̇ийбхааваа, наваанам̣ гаммаанам̣ агаран̣аа, ааяад̇им̣ анавассаво; ааяад̇им̣ анавассаваа гаммагкаяо; гаммагкаяаа д̣̇угкагкаяо; д̣̇угкагкаяаа взд̣̇анаагкаяо; взд̣̇анаагкаяаа саб̣б̣ам̣ д̣̇угкам̣ ниж̇ж̇ин̣н̣ам̣ бхависсад̇ий’’д̇и.
‘‘Yasmā ca kho tumhe, āvuso nigaṇṭhā, na jānātha – ahuvamheva mayaṃ pubbe, na nāhuvamhāti, na jānātha – akaramheva mayaṃ pubbe pāpakammaṃ, na nākaramhāti, na jānātha – evarūpaṃ vā evarūpaṃ vā pāpakammaṃ akaramhāti, na jānātha – ettakaṃ vā dukkhaṃ nijjiṇṇaṃ, ettakaṃ vā dukkhaṃ nijjīretabbaṃ, ettakamhi vā dukkhe nijjiṇṇe sabbaṃ dukkhaṃ nijjiṇṇaṃ bhavissatīti, na jānātha – diṭṭheva dhamme akusalānaṃ dhammānaṃ pahānaṃ, kusalānaṃ dhammānaṃ upasampadaṃ; tasmā āyasmantānaṃ nigaṇṭhānaṃ na kallamassa veyyākaraṇāya – yaṃ kiñcāyaṃ purisapuggalo paṭisaṃvedeti sukhaṃ vā dukkhaṃ vā adukkhamasukhaṃ vā, sabbaṃ taṃ pubbekatahetu. Iti purāṇānaṃ kammānaṃ tapasā byantībhāvā, navānaṃ kammānaṃ akaraṇā, āyatiṃ anavassavo; āyatiṃ anavassavā kammakkhayo; kammakkhayā dukkhakkhayo; dukkhakkhayā vedanākkhayo; vedanākkhayā sabbaṃ dukkhaṃ nijjiṇṇaṃ bhavissatī’’ti.
4. ‘‘звам̣ вуд̇д̇з, бхигкавз, д̇з ниг̇ан̣таа мам̣ зд̇ад̣̇авожум̣ – ‘ниг̇ан̣то , аавусо, наадабуд̇д̇о 13 саб̣б̣ан̃н̃уу саб̣б̣ад̣̇ассаавий, абарисзсам̣ н̃аан̣ад̣̇ассанам̣ бадиж̇аанаад̇и . жарад̇о жа мз д̇идтад̇о жа суд̇д̇асса жа ж̇ааг̇арасса жа сад̇ад̇ам̣ самид̇ам̣ н̃аан̣ад̣̇ассанам̣ бажжубадтид̇а’нд̇и. со звамааха – ‘ад̇т̇и ко во, аавусо ниг̇ан̣таа, буб̣б̣зва баабагаммам̣ гад̇ам̣, д̇ам̣ имааяа гадугааяа д̣̇уггарагааригааяа ниж̇ж̇ийрзт̇а, яам̣ банзд̇т̇а зд̇арахи гааязна сам̣вуд̇аа ваажааяа сам̣вуд̇аа манасаа сам̣вуд̇аа д̇ам̣ ааяад̇им̣ баабагаммасса агаран̣ам̣. ид̇и бураан̣аанам̣ гаммаанам̣ д̇абасаа б̣яанд̇ийбхааваа, наваанам̣ гаммаанам̣ агаран̣аа, ааяад̇им̣ анавассаво; ааяад̇им̣ анавассаваа гаммагкаяо; гаммагкаяаа д̣̇угкагкаяо; д̣̇угкагкаяаа взд̣̇анаагкаяо; взд̣̇анаагкаяаа саб̣б̣ам̣ д̣̇угкам̣ ниж̇ж̇ин̣н̣ам̣ бхависсад̇ий’д̇и. д̇ан̃жа банамхаагам̣ ружжад̇и жзва камад̇и жа, д̇зна жамхаа ад̇д̇аманаа’’д̇и.
4. ‘‘Evaṃ vutte, bhikkhave, te nigaṇṭhā maṃ etadavocuṃ – ‘nigaṇṭho , āvuso, nāṭaputto 14 sabbaññū sabbadassāvī, aparisesaṃ ñāṇadassanaṃ paṭijānāti . Carato ca me tiṭṭhato ca suttassa ca jāgarassa ca satataṃ samitaṃ ñāṇadassanaṃ paccupaṭṭhita’nti. So evamāha – ‘atthi kho vo, āvuso nigaṇṭhā, pubbeva pāpakammaṃ kataṃ, taṃ imāya kaṭukāya dukkarakārikāya nijjīretha, yaṃ panettha etarahi kāyena saṃvutā vācāya saṃvutā manasā saṃvutā taṃ āyatiṃ pāpakammassa akaraṇaṃ. Iti purāṇānaṃ kammānaṃ tapasā byantībhāvā, navānaṃ kammānaṃ akaraṇā, āyatiṃ anavassavo; āyatiṃ anavassavā kammakkhayo; kammakkhayā dukkhakkhayo; dukkhakkhayā vedanākkhayo; vedanākkhayā sabbaṃ dukkhaṃ nijjiṇṇaṃ bhavissatī’ti. Tañca panamhākaṃ ruccati ceva khamati ca, tena camhā attamanā’’ti.
5. ‘‘звам̣ вуд̇д̇з ахам̣, бхигкавз, д̇з ниг̇ан̣тз зд̇ад̣̇авожам̣ – ‘бан̃жа ко имз, аавусо ниг̇ан̣таа, д̇хаммаа д̣̇идтзва д̇хаммз д̣̇вид̇хаавибаагаа. гад̇амз бан̃жа? сад̣̇д̇хаа, ружи, ануссаво, аагаарабаривид̇агго, д̣̇идтиниж̇жхаанагканд̇и – имз ко, аавусо ниг̇ан̣таа, бан̃жа д̇хаммаа д̣̇идтзва д̇хаммз д̣̇вид̇хаавибаагаа. д̇ад̇рааяасманд̇аанам̣ ниг̇ан̣таанам̣ гаа ад̇ийд̇ам̣сз сад̇т̇ари сад̣̇д̇хаа, гаа ружи, го ануссаво, го аагаарабаривид̇агго, гаа д̣̇идтиниж̇жхаанагканд̇ий’д̇и. звам̣ваад̣̇ий 15 ко ахам̣, бхигкавз, ниг̇ан̣тзсу на ган̃жи 16 сахад̇хаммигам̣ ваад̣̇абадихаарам̣ саманубассаами.
5. ‘‘Evaṃ vutte ahaṃ, bhikkhave, te nigaṇṭhe etadavocaṃ – ‘pañca kho ime, āvuso nigaṇṭhā, dhammā diṭṭheva dhamme dvidhāvipākā. Katame pañca? Saddhā, ruci, anussavo, ākāraparivitakko, diṭṭhinijjhānakkhanti – ime kho, āvuso nigaṇṭhā, pañca dhammā diṭṭheva dhamme dvidhāvipākā. Tatrāyasmantānaṃ nigaṇṭhānaṃ kā atītaṃse satthari saddhā, kā ruci, ko anussavo, ko ākāraparivitakko, kā diṭṭhinijjhānakkhantī’ti. Evaṃvādī 17 kho ahaṃ, bhikkhave, nigaṇṭhesu na kañci 18 sahadhammikaṃ vādapaṭihāraṃ samanupassāmi.
‘‘буна жабараахам̣ 19, бхигкавз, д̇з ниг̇ан̣тз звам̣ вад̣̇аами – ‘д̇ам̣ гим̣ ман̃н̃ат̇а, аавусо ниг̇ан̣таа. яасмим̣ во самаяз д̇иб̣б̣о 20 убаггамо ход̇и д̇иб̣б̣ам̣ бад̇хаанам̣, д̇иб̣б̣аа д̇асмим̣ самаяз обаггамигаа д̣̇угкаа д̇иб̣б̣аа гадугаа взд̣̇анаа взд̣̇иязт̇а; яасмим̣ бана во самаяз на д̇иб̣б̣о убаггамо ход̇и на д̇иб̣б̣ам̣ бад̇хаанам̣, на д̇иб̣б̣аа д̇асмим̣ самаяз обаггамигаа д̣̇угкаа д̇иб̣б̣аа гадугаа взд̣̇анаа взд̣̇иязт̇аа’д̇и? ‘яасмим̣ но, аавусо г̇од̇ама, самаяз д̇иб̣б̣о убаггамо ход̇и д̇иб̣б̣ам̣ бад̇хаанам̣, д̇иб̣б̣аа д̇асмим̣ самаяз обаггамигаа д̣̇угкаа д̇иб̣б̣аа гадугаа взд̣̇анаа взд̣̇ияаама; яасмим̣ бана но самаяз на д̇иб̣б̣о убаггамо ход̇и на д̇иб̣б̣ам̣ бад̇хаанам̣, на д̇иб̣б̣аа д̇асмим̣ самаяз обаггамигаа д̣̇угкаа д̇иб̣б̣аа гадугаа взд̣̇анаа взд̣̇ияаамаа’’’д̇и.
‘‘Puna caparāhaṃ 21, bhikkhave, te nigaṇṭhe evaṃ vadāmi – ‘taṃ kiṃ maññatha, āvuso nigaṇṭhā. Yasmiṃ vo samaye tibbo 22 upakkamo hoti tibbaṃ padhānaṃ, tibbā tasmiṃ samaye opakkamikā dukkhā tibbā kaṭukā vedanā vediyetha; yasmiṃ pana vo samaye na tibbo upakkamo hoti na tibbaṃ padhānaṃ, na tibbā tasmiṃ samaye opakkamikā dukkhā tibbā kaṭukā vedanā vediyethā’ti? ‘Yasmiṃ no, āvuso gotama, samaye tibbo upakkamo hoti tibbaṃ padhānaṃ, tibbā tasmiṃ samaye opakkamikā dukkhā tibbā kaṭukā vedanā vediyāma; yasmiṃ pana no samaye na tibbo upakkamo hoti na tibbaṃ padhānaṃ, na tibbā tasmiṃ samaye opakkamikā dukkhā tibbā kaṭukā vedanā vediyāmā’’’ti.
6. ‘‘ид̇и гира, аавусо ниг̇ан̣таа, яасмим̣ во самаяз д̇иб̣б̣о убаггамо ход̇и д̇иб̣б̣ам̣ бад̇хаанам̣, д̇иб̣б̣аа д̇асмим̣ самаяз обаггамигаа д̣̇угкаа д̇иб̣б̣аа гадугаа взд̣̇анаа взд̣̇иязт̇а; яасмим̣ бана во самаяз на д̇иб̣б̣о убаггамо ход̇и на д̇иб̣б̣ам̣ бад̇хаанам̣, на д̇иб̣б̣аа д̇асмим̣ самаяз обаггамигаа д̣̇угкаа д̇иб̣б̣аа гадугаа взд̣̇анаа взд̣̇иязт̇а. звам̣ санд̇з ааяасманд̇аанам̣ ниг̇ан̣таанам̣ на галламасса взяяаагаран̣ааяа – яам̣ гин̃жааяам̣ бурисабуг̇г̇ало бадисам̣взд̣̇зд̇и сукам̣ ваа д̣̇угкам̣ ваа ад̣̇угкамасукам̣ ваа, саб̣б̣ам̣ д̇ам̣ буб̣б̣згад̇ахзд̇у. ид̇и бураан̣аанам̣ гаммаанам̣ д̇абасаа б̣яанд̇ийбхааваа, наваанам̣ гаммаанам̣ агаран̣аа, ааяад̇им̣ анавассаво; ааяад̇им̣ анавассаваа гаммагкаяо; гаммагкаяаа д̣̇угкагкаяо; д̣̇угкагкаяаа взд̣̇анаагкаяо ; взд̣̇анаагкаяаа саб̣б̣ам̣ д̣̇угкам̣ ниж̇ж̇ин̣н̣ам̣ бхависсад̇ийд̇и. сажз, аавусо ниг̇ан̣таа, яасмим̣ во самаяз д̇иб̣б̣о убаггамо ход̇и д̇иб̣б̣ам̣ бад̇хаанам̣, на д̇иб̣б̣аа д̇асмим̣ самаяз обаггамигаа д̣̇угкаа д̇иб̣б̣аа гадугаа взд̣̇анаа взд̣̇иязт̇а; яасмим̣ бана во самаяз на д̇иб̣б̣о убаггамо ход̇и на д̇иб̣б̣ам̣ бад̇хаанам̣, д̇иб̣б̣аа д̇асмим̣ самаяз обаггамигаа д̣̇угкаа д̇иб̣б̣аа гадугаа взд̣̇анаа взд̣̇иязт̇а 23; звам̣ санд̇з ааяасманд̇аанам̣ ниг̇ан̣таанам̣ галламасса взяяаагаран̣ааяа – яам̣ гин̃жааяам̣ бурисабуг̇г̇ало бадисам̣взд̣̇зд̇и сукам̣ ваа д̣̇угкам̣ ваа ад̣̇угкамасукам̣ ваа, саб̣б̣ам̣ д̇ам̣ буб̣б̣згад̇ахзд̇у. ид̇и бураан̣аанам̣ гаммаанам̣ д̇абасаа б̣яанд̇ийбхааваа, наваанам̣ гаммаанам̣ агаран̣аа, ааяад̇им̣ анавассаво; ааяад̇им̣ анавассаваа гаммагкаяо; гаммагкаяаа д̣̇угкагкаяо; д̣̇угкагкаяаа взд̣̇анаагкаяо; взд̣̇анаагкаяаа саб̣б̣ам̣ д̣̇угкам̣ ниж̇ж̇ин̣н̣ам̣ бхависсад̇ий’’д̇и.
6. ‘‘Iti kira, āvuso nigaṇṭhā, yasmiṃ vo samaye tibbo upakkamo hoti tibbaṃ padhānaṃ, tibbā tasmiṃ samaye opakkamikā dukkhā tibbā kaṭukā vedanā vediyetha; yasmiṃ pana vo samaye na tibbo upakkamo hoti na tibbaṃ padhānaṃ, na tibbā tasmiṃ samaye opakkamikā dukkhā tibbā kaṭukā vedanā vediyetha. Evaṃ sante āyasmantānaṃ nigaṇṭhānaṃ na kallamassa veyyākaraṇāya – yaṃ kiñcāyaṃ purisapuggalo paṭisaṃvedeti sukhaṃ vā dukkhaṃ vā adukkhamasukhaṃ vā, sabbaṃ taṃ pubbekatahetu. Iti purāṇānaṃ kammānaṃ tapasā byantībhāvā, navānaṃ kammānaṃ akaraṇā, āyatiṃ anavassavo; āyatiṃ anavassavā kammakkhayo; kammakkhayā dukkhakkhayo; dukkhakkhayā vedanākkhayo ; vedanākkhayā sabbaṃ dukkhaṃ nijjiṇṇaṃ bhavissatīti. Sace, āvuso nigaṇṭhā, yasmiṃ vo samaye tibbo upakkamo hoti tibbaṃ padhānaṃ, na tibbā tasmiṃ samaye opakkamikā dukkhā tibbā kaṭukā vedanā vediyetha; yasmiṃ pana vo samaye na tibbo upakkamo hoti na tibbaṃ padhānaṃ, tibbā tasmiṃ samaye opakkamikā dukkhā tibbā kaṭukā vedanā vediyetha 24; evaṃ sante āyasmantānaṃ nigaṇṭhānaṃ kallamassa veyyākaraṇāya – yaṃ kiñcāyaṃ purisapuggalo paṭisaṃvedeti sukhaṃ vā dukkhaṃ vā adukkhamasukhaṃ vā, sabbaṃ taṃ pubbekatahetu. Iti purāṇānaṃ kammānaṃ tapasā byantībhāvā, navānaṃ kammānaṃ akaraṇā, āyatiṃ anavassavo; āyatiṃ anavassavā kammakkhayo; kammakkhayā dukkhakkhayo; dukkhakkhayā vedanākkhayo; vedanākkhayā sabbaṃ dukkhaṃ nijjiṇṇaṃ bhavissatī’’ti.
‘‘‘яасмаа жа ко, аавусо ниг̇ан̣таа, яасмим̣ во самаяз д̇иб̣б̣о убаггамо ход̇и д̇иб̣б̣ам̣ бад̇хаанам̣, д̇иб̣б̣аа д̇асмим̣ самаяз обаггамигаа д̣̇угкаа д̇иб̣б̣аа гадугаа взд̣̇анаа взд̣̇иязт̇а; яасмим̣ бана во самаяз на д̇иб̣б̣о убаггамо ход̇и на д̇иб̣б̣ам̣ бад̇хаанам̣, на д̇иб̣б̣аа д̇асмим̣ самаяз обаггамигаа д̣̇угкаа д̇иб̣б̣аа гадугаа взд̣̇анаа взд̣̇иязт̇а; д̇з д̇умхз саамам̣язва обаггамигаа д̣̇угкаа д̇иб̣б̣аа гадугаа взд̣̇анаа взд̣̇аяамаанаа авиж̇ж̇аа ан̃н̃аан̣аа саммохаа вибажжзт̇а – яам̣ гин̃жааяам̣ бурисабуг̇г̇ало бадисам̣взд̣̇зд̇и сукам̣ ваа д̣̇угкам̣ ваа ад̣̇угкамасукам̣ ваа, саб̣б̣ам̣ д̇ам̣ буб̣б̣згад̇ахзд̇у. ид̇и бураан̣аанам̣ гаммаанам̣ д̇абасаа б̣яанд̇ийбхааваа, наваанам̣ гаммаанам̣ агаран̣аа, ааяад̇им̣ анавассаво; ааяад̇им̣ анавассаваа гаммагкаяо; гаммагкаяаа д̣̇угкагкаяо; д̣̇угкагкаяаа взд̣̇анаагкаяо ; взд̣̇анаагкаяаа саб̣б̣ам̣ д̣̇угкам̣ ниж̇ж̇ин̣н̣ам̣ бхависсад̇ий’д̇и. звам̣ваад̣̇ийби 25 ко ахам̣, бхигкавз, ниг̇ан̣тзсу на ган̃жи сахад̇хаммигам̣ ваад̣̇абадихаарам̣ саманубассаами.
‘‘‘Yasmā ca kho, āvuso nigaṇṭhā, yasmiṃ vo samaye tibbo upakkamo hoti tibbaṃ padhānaṃ, tibbā tasmiṃ samaye opakkamikā dukkhā tibbā kaṭukā vedanā vediyetha; yasmiṃ pana vo samaye na tibbo upakkamo hoti na tibbaṃ padhānaṃ, na tibbā tasmiṃ samaye opakkamikā dukkhā tibbā kaṭukā vedanā vediyetha; te tumhe sāmaṃyeva opakkamikā dukkhā tibbā kaṭukā vedanā vedayamānā avijjā aññāṇā sammohā vipaccetha – yaṃ kiñcāyaṃ purisapuggalo paṭisaṃvedeti sukhaṃ vā dukkhaṃ vā adukkhamasukhaṃ vā, sabbaṃ taṃ pubbekatahetu. Iti purāṇānaṃ kammānaṃ tapasā byantībhāvā, navānaṃ kammānaṃ akaraṇā, āyatiṃ anavassavo; āyatiṃ anavassavā kammakkhayo; kammakkhayā dukkhakkhayo; dukkhakkhayā vedanākkhayo ; vedanākkhayā sabbaṃ dukkhaṃ nijjiṇṇaṃ bhavissatī’ti. Evaṃvādīpi 26 kho ahaṃ, bhikkhave, nigaṇṭhesu na kañci sahadhammikaṃ vādapaṭihāraṃ samanupassāmi.
7. ‘‘буна жабараахам̣, бхигкавз, д̇з ниг̇ан̣тз звам̣ вад̣̇аами – ‘д̇ам̣ гим̣ ман̃н̃ат̇аавусо ниг̇ан̣таа, яамид̣̇ам̣ гаммам̣ д̣̇идтад̇хаммавзд̣̇анийяам̣ д̇ам̣ убаггамзна ваа бад̇хаанзна ваа самбарааяавзд̣̇анийяам̣ ход̇ууд̇и лаб̣бхамзд̇а’нд̇и? ‘но хид̣̇ам̣, аавусо’. ‘яам̣ банид̣̇ам̣ гаммам̣ самбарааяавзд̣̇анийяам̣ д̇ам̣ убаггамзна ваа бад̇хаанзна ваа д̣̇идтад̇хаммавзд̣̇анийяам̣ ход̇ууд̇и лаб̣бхамзд̇а’нд̇и? ‘но хид̣̇ам̣, аавусо’. ‘д̇ам̣ гим̣ ман̃н̃ат̇аавусо ниг̇ан̣таа, яамид̣̇ам̣ гаммам̣ сукавзд̣̇анийяам̣ д̇ам̣ убаггамзна ваа бад̇хаанзна ваа д̣̇угкавзд̣̇анийяам̣ ход̇ууд̇и лаб̣бхамзд̇а’нд̇и? ‘но хид̣̇ам̣, аавусо’. ‘яам̣ банид̣̇ам̣ гаммам̣ д̣̇угкавзд̣̇анийяам̣ д̇ам̣ убаггамзна ваа бад̇хаанзна ваа сукавзд̣̇анийяам̣ ход̇ууд̇и лаб̣бхамзд̇а’нд̇и? ‘но хид̣̇ам̣, аавусо’. ‘д̇ам̣ гим̣ ман̃н̃ат̇аавусо ниг̇ан̣таа, яамид̣̇ам̣ гаммам̣ барибаггавзд̣̇анийяам̣ д̇ам̣ убаггамзна ваа бад̇хаанзна ваа абарибаггавзд̣̇анийяам̣ ход̇ууд̇и лаб̣бхамзд̇а’нд̇и? ‘но хид̣̇ам̣, аавусо’. ‘яам̣ банид̣̇ам̣ гаммам̣ абарибаггавзд̣̇анийяам̣ д̇ам̣ убаггамзна ваа бад̇хаанзна ваа барибаггавзд̣̇анийяам̣ ход̇ууд̇и лаб̣бхамзд̇а’нд̇и? ‘но хид̣̇ам̣, аавусо’. ‘д̇ам̣ гим̣ ман̃н̃ат̇аавусо ниг̇ан̣таа, яамид̣̇ам̣ гаммам̣ б̣ахувзд̣̇анийяам̣ д̇ам̣ убаггамзна ваа бад̇хаанзна ваа аббавзд̣̇анийяам̣ ход̇ууд̇и лаб̣бхамзд̇а’нд̇и? ‘но хид̣̇ам̣, аавусо’. ‘яам̣ банид̣̇ам̣ гаммам̣ аббавзд̣̇анийяам̣ д̇ам̣ убаггамзна ваа бад̇хаанзна ваа б̣ахувзд̣̇анийяам̣ ход̇ууд̇и лаб̣бхамзд̇а’нд̇и? ‘но хид̣̇ам̣, аавусо’. ‘д̇ам̣ гим̣ ман̃н̃ат̇аавусо ниг̇ан̣таа, яамид̣̇ам̣ гаммам̣ савзд̣̇анийяам̣ д̇ам̣ убаггамзна ваа бад̇хаанзна ваа авзд̣̇анийяам̣ ход̇ууд̇и лаб̣бхамзд̇а’нд̇и? ‘но хид̣̇ам̣, аавусо’. ‘яам̣ банид̣̇ам̣ гаммам̣ авзд̣̇анийяам̣ д̇ам̣ убаггамзна ваа бад̇хаанзна ваа савзд̣̇анийяам̣ ход̇ууд̇и лаб̣бхамзд̇а’нд̇и? ‘но хид̣̇ам̣, аавусо’.
7. ‘‘Puna caparāhaṃ, bhikkhave, te nigaṇṭhe evaṃ vadāmi – ‘taṃ kiṃ maññathāvuso nigaṇṭhā, yamidaṃ kammaṃ diṭṭhadhammavedanīyaṃ taṃ upakkamena vā padhānena vā samparāyavedanīyaṃ hotūti labbhameta’nti? ‘No hidaṃ, āvuso’. ‘Yaṃ panidaṃ kammaṃ samparāyavedanīyaṃ taṃ upakkamena vā padhānena vā diṭṭhadhammavedanīyaṃ hotūti labbhameta’nti? ‘No hidaṃ, āvuso’. ‘Taṃ kiṃ maññathāvuso nigaṇṭhā, yamidaṃ kammaṃ sukhavedanīyaṃ taṃ upakkamena vā padhānena vā dukkhavedanīyaṃ hotūti labbhameta’nti? ‘No hidaṃ, āvuso’. ‘Yaṃ panidaṃ kammaṃ dukkhavedanīyaṃ taṃ upakkamena vā padhānena vā sukhavedanīyaṃ hotūti labbhameta’nti? ‘No hidaṃ, āvuso’. ‘Taṃ kiṃ maññathāvuso nigaṇṭhā, yamidaṃ kammaṃ paripakkavedanīyaṃ taṃ upakkamena vā padhānena vā aparipakkavedanīyaṃ hotūti labbhameta’nti? ‘No hidaṃ, āvuso’. ‘Yaṃ panidaṃ kammaṃ aparipakkavedanīyaṃ taṃ upakkamena vā padhānena vā paripakkavedanīyaṃ hotūti labbhameta’nti? ‘No hidaṃ, āvuso’. ‘Taṃ kiṃ maññathāvuso nigaṇṭhā, yamidaṃ kammaṃ bahuvedanīyaṃ taṃ upakkamena vā padhānena vā appavedanīyaṃ hotūti labbhameta’nti? ‘No hidaṃ, āvuso’. ‘Yaṃ panidaṃ kammaṃ appavedanīyaṃ taṃ upakkamena vā padhānena vā bahuvedanīyaṃ hotūti labbhameta’nti? ‘No hidaṃ, āvuso’. ‘Taṃ kiṃ maññathāvuso nigaṇṭhā, yamidaṃ kammaṃ savedanīyaṃ taṃ upakkamena vā padhānena vā avedanīyaṃ hotūti labbhameta’nti? ‘No hidaṃ, āvuso’. ‘Yaṃ panidaṃ kammaṃ avedanīyaṃ taṃ upakkamena vā padhānena vā savedanīyaṃ hotūti labbhameta’nti? ‘No hidaṃ, āvuso’.
8. ‘‘ид̇и гира, аавусо ниг̇ан̣таа, яамид̣̇ам̣ гаммам̣ д̣̇идтад̇хаммавзд̣̇анийяам̣ д̇ам̣ убаггамзна ваа бад̇хаанзна ваа самбарааяавзд̣̇анийяам̣ ход̇ууд̇и алаб̣бхамзд̇ам̣, яам̣ банид̣̇ам̣ гаммам̣ самбарааяавзд̣̇анийяам̣ д̇ам̣ убаггамзна ваа бад̇хаанзна ваа д̣̇идтад̇хаммавзд̣̇анийяам̣ ход̇ууд̇и алаб̣бхамзд̇ам̣, яамид̣̇ам̣ гаммам̣ сукавзд̣̇анийяам̣ д̇ам̣ убаггамзна ваа бад̇хаанзна ваа д̣̇угкавзд̣̇анийяам̣ ход̇ууд̇и алаб̣бхамзд̇ам̣, яамид̣̇ам̣ гаммам̣ д̣̇угкавзд̣̇анийяам̣ д̇ам̣ убаггамзна ваа бад̇хаанзна ваа сукавзд̣̇анийяам̣ ход̇ууд̇и алаб̣бхамзд̇ам̣, яамид̣̇ам̣ гаммам̣ барибаггавзд̣̇анийяам̣ д̇ам̣ убаггамзна ваа бад̇хаанзна ваа абарибаггавзд̣̇анийяам̣ ход̇ууд̇и алаб̣бхамзд̇ам̣, яамид̣̇ам̣ гаммам̣ абарибаггавзд̣̇анийяам̣ д̇ам̣ убаггамзна ваа бад̇хаанзна ваа барибаггавзд̣̇анийяам̣ ход̇ууд̇и алаб̣бхамзд̇ам̣, яамид̣̇ам̣ гаммам̣ б̣ахувзд̣̇анийяам̣ д̇ам̣ убаггамзна ваа бад̇хаанзна ваа аббавзд̣̇анийяам̣ ход̇ууд̇и алаб̣бхамзд̇ам̣, яамид̣̇ам̣ гаммам̣ аббавзд̣̇анийяам̣ д̇ам̣ убаггамзна ваа бад̇хаанзна ваа б̣ахувзд̣̇анийяам̣ ход̇ууд̇и алаб̣бхамзд̇ам̣, яамид̣̇ам̣ гаммам̣ савзд̣̇анийяам̣ д̇ам̣ убаггамзна ваа бад̇хаанзна ваа авзд̣̇анийяам̣ ход̇ууд̇и алаб̣бхамзд̇ам̣, яамид̣̇ам̣ гаммам̣ авзд̣̇анийяам̣ д̇ам̣ убаггамзна ваа бад̇хаанзна ваа савзд̣̇анийяам̣ ход̇ууд̇и алаб̣бхамзд̇ам̣; звам̣ санд̇з ааяасманд̇аанам̣ ниг̇ан̣таанам̣ апало убаггамо ход̇и, апалам̣ бад̇хаанам̣’’.
8. ‘‘Iti kira, āvuso nigaṇṭhā, yamidaṃ kammaṃ diṭṭhadhammavedanīyaṃ taṃ upakkamena vā padhānena vā samparāyavedanīyaṃ hotūti alabbhametaṃ, yaṃ panidaṃ kammaṃ samparāyavedanīyaṃ taṃ upakkamena vā padhānena vā diṭṭhadhammavedanīyaṃ hotūti alabbhametaṃ, yamidaṃ kammaṃ sukhavedanīyaṃ taṃ upakkamena vā padhānena vā dukkhavedanīyaṃ hotūti alabbhametaṃ, yamidaṃ kammaṃ dukkhavedanīyaṃ taṃ upakkamena vā padhānena vā sukhavedanīyaṃ hotūti alabbhametaṃ, yamidaṃ kammaṃ paripakkavedanīyaṃ taṃ upakkamena vā padhānena vā aparipakkavedanīyaṃ hotūti alabbhametaṃ, yamidaṃ kammaṃ aparipakkavedanīyaṃ taṃ upakkamena vā padhānena vā paripakkavedanīyaṃ hotūti alabbhametaṃ, yamidaṃ kammaṃ bahuvedanīyaṃ taṃ upakkamena vā padhānena vā appavedanīyaṃ hotūti alabbhametaṃ, yamidaṃ kammaṃ appavedanīyaṃ taṃ upakkamena vā padhānena vā bahuvedanīyaṃ hotūti alabbhametaṃ, yamidaṃ kammaṃ savedanīyaṃ taṃ upakkamena vā padhānena vā avedanīyaṃ hotūti alabbhametaṃ, yamidaṃ kammaṃ avedanīyaṃ taṃ upakkamena vā padhānena vā savedanīyaṃ hotūti alabbhametaṃ; evaṃ sante āyasmantānaṃ nigaṇṭhānaṃ aphalo upakkamo hoti, aphalaṃ padhānaṃ’’.
‘‘звам̣ваад̣̇ий, бхигкавз, ниг̇ан̣таа. звам̣ваад̣̇ийнам̣, бхигкавз, ниг̇ан̣таанам̣ д̣̇аса сахад̇хаммигаа ваад̣̇аануваад̣̇аа г̇аараяхам̣ таанам̣ ааг̇ажчанд̇и.
‘‘Evaṃvādī, bhikkhave, nigaṇṭhā. Evaṃvādīnaṃ, bhikkhave, nigaṇṭhānaṃ dasa sahadhammikā vādānuvādā gārayhaṃ ṭhānaṃ āgacchanti.
9. ‘‘сажз, бхигкавз, сад̇д̇аа буб̣б̣згад̇ахзд̇у сукад̣̇угкам̣ бадисам̣взд̣̇знд̇и; ад̣̇д̇хаа, бхигкавз, ниг̇ан̣таа буб̣б̣з д̣̇уггадагаммагаарино яам̣ зд̇арахи зваруубаа д̣̇угкаа д̇иб̣б̣аа гадугаа взд̣̇анаа взд̣̇ияанд̇и. сажз, бхигкавз, сад̇д̇аа иссараниммаанахзд̇у сукад̣̇угкам̣ бадисам̣взд̣̇знд̇и; ад̣̇д̇хаа, бхигкавз, ниг̇ан̣таа баабагзна иссарзна ниммид̇аа яам̣ зд̇арахи зваруубаа д̣̇угкаа д̇иб̣б̣аа гадугаа взд̣̇анаа взд̣̇ияанд̇и. сажз, бхигкавз, сад̇д̇аа сан̇г̇ад̇ибхаавахзд̇у сукад̣̇угкам̣ бадисам̣взд̣̇знд̇и; ад̣̇д̇хаа, бхигкавз, ниг̇ан̣таа баабасан̇г̇ад̇игаа яам̣ зд̇арахи зваруубаа д̣̇угкаа д̇иб̣б̣аа гадугаа взд̣̇анаа взд̣̇ияанд̇и. сажз, бхигкавз, сад̇д̇аа абхиж̇аад̇ихзд̇у сукад̣̇угкам̣ бадисам̣взд̣̇знд̇и; ад̣̇д̇хаа, бхигкавз, ниг̇ан̣таа баабаабхиж̇аад̇игаа яам̣ зд̇арахи зваруубаа д̣̇угкаа д̇иб̣б̣аа гадугаа взд̣̇анаа взд̣̇ияанд̇и. сажз, бхигкавз, сад̇д̇аа д̣̇идтад̇хаммуубаггамахзд̇у сукад̣̇угкам̣ бадисам̣взд̣̇знд̇и; ад̣̇д̇хаа, бхигкавз, ниг̇ан̣таа зваруубаа д̣̇идтад̇хаммуубаггамаа яам̣ зд̇арахи зваруубаа д̣̇угкаа д̇иб̣б̣аа гадугаа взд̣̇анаа взд̣̇ияанд̇и.
9. ‘‘Sace, bhikkhave, sattā pubbekatahetu sukhadukkhaṃ paṭisaṃvedenti; addhā, bhikkhave, nigaṇṭhā pubbe dukkaṭakammakārino yaṃ etarahi evarūpā dukkhā tibbā kaṭukā vedanā vediyanti. Sace, bhikkhave, sattā issaranimmānahetu sukhadukkhaṃ paṭisaṃvedenti; addhā, bhikkhave, nigaṇṭhā pāpakena issarena nimmitā yaṃ etarahi evarūpā dukkhā tibbā kaṭukā vedanā vediyanti. Sace, bhikkhave, sattā saṅgatibhāvahetu sukhadukkhaṃ paṭisaṃvedenti; addhā, bhikkhave, nigaṇṭhā pāpasaṅgatikā yaṃ etarahi evarūpā dukkhā tibbā kaṭukā vedanā vediyanti. Sace, bhikkhave, sattā abhijātihetu sukhadukkhaṃ paṭisaṃvedenti; addhā, bhikkhave, nigaṇṭhā pāpābhijātikā yaṃ etarahi evarūpā dukkhā tibbā kaṭukā vedanā vediyanti. Sace, bhikkhave, sattā diṭṭhadhammūpakkamahetu sukhadukkhaṃ paṭisaṃvedenti; addhā, bhikkhave, nigaṇṭhā evarūpā diṭṭhadhammūpakkamā yaṃ etarahi evarūpā dukkhā tibbā kaṭukā vedanā vediyanti.
‘‘сажз, бхигкавз, сад̇д̇аа буб̣б̣згад̇ахзд̇у сукад̣̇угкам̣ бадисам̣взд̣̇знд̇и, г̇аараяхаа ниг̇ан̣таа; но жз сад̇д̇аа буб̣б̣згад̇ахзд̇у сукад̣̇угкам̣ бадисам̣взд̣̇знд̇и, г̇аараяхаа ниг̇ан̣таа. сажз, бхигкавз, сад̇д̇аа иссараниммаанахзд̇у сукад̣̇угкам̣ бадисам̣взд̣̇знд̇и, г̇аараяхаа ниг̇ан̣таа; но жз сад̇д̇аа иссараниммаанахзд̇у сукад̣̇угкам̣ бадисам̣взд̣̇знд̇и, г̇аараяхаа ниг̇ан̣таа. сажз, бхигкавз, сад̇д̇аа сан̇г̇ад̇ибхаавахзд̇у сукад̣̇угкам̣ бадисам̣взд̣̇знд̇и, г̇аараяхаа ниг̇ан̣таа; но жз сад̇д̇аа сан̇г̇ад̇ибхаавахзд̇у сукад̣̇угкам̣ бадисам̣взд̣̇знд̇и, г̇аараяхаа ниг̇ан̣таа. сажз, бхигкавз, сад̇д̇аа абхиж̇аад̇ихзд̇у сукад̣̇угкам̣ бадисам̣взд̣̇знд̇и, г̇аараяхаа ниг̇ан̣таа; но жз сад̇д̇аа абхиж̇аад̇ихзд̇у сукад̣̇угкам̣ бадисам̣взд̣̇знд̇и, г̇аараяхаа ниг̇ан̣таа. сажз, бхигкавз, сад̇д̇аа д̣̇идтад̇хаммуубаггамахзд̇у сукад̣̇угкам̣ бадисам̣взд̣̇знд̇и, г̇аараяхаа ниг̇ан̣таа; но жз сад̇д̇аа д̣̇идтад̇хаммуубаггамахзд̇у сукад̣̇угкам̣ бадисам̣взд̣̇знд̇и, г̇аараяхаа ниг̇ан̣таа. звам̣ваад̣̇ий, бхигкавз, ниг̇ан̣таа. звам̣ваад̣̇ийнам̣, бхигкавз, ниг̇ан̣таанам̣ имз д̣̇аса сахад̇хаммигаа ваад̣̇аануваад̣̇аа г̇аараяхам̣ таанам̣ ааг̇ажчанд̇и. звам̣ ко, бхигкавз, апало убаггамо ход̇и, апалам̣ бад̇хаанам̣.
‘‘Sace, bhikkhave, sattā pubbekatahetu sukhadukkhaṃ paṭisaṃvedenti, gārayhā nigaṇṭhā; no ce sattā pubbekatahetu sukhadukkhaṃ paṭisaṃvedenti, gārayhā nigaṇṭhā. Sace, bhikkhave, sattā issaranimmānahetu sukhadukkhaṃ paṭisaṃvedenti, gārayhā nigaṇṭhā; no ce sattā issaranimmānahetu sukhadukkhaṃ paṭisaṃvedenti, gārayhā nigaṇṭhā. Sace, bhikkhave, sattā saṅgatibhāvahetu sukhadukkhaṃ paṭisaṃvedenti, gārayhā nigaṇṭhā; no ce sattā saṅgatibhāvahetu sukhadukkhaṃ paṭisaṃvedenti, gārayhā nigaṇṭhā. Sace, bhikkhave, sattā abhijātihetu sukhadukkhaṃ paṭisaṃvedenti, gārayhā nigaṇṭhā; no ce sattā abhijātihetu sukhadukkhaṃ paṭisaṃvedenti, gārayhā nigaṇṭhā. Sace, bhikkhave, sattā diṭṭhadhammūpakkamahetu sukhadukkhaṃ paṭisaṃvedenti, gārayhā nigaṇṭhā; no ce sattā diṭṭhadhammūpakkamahetu sukhadukkhaṃ paṭisaṃvedenti, gārayhā nigaṇṭhā. Evaṃvādī, bhikkhave, nigaṇṭhā. Evaṃvādīnaṃ, bhikkhave, nigaṇṭhānaṃ ime dasa sahadhammikā vādānuvādā gārayhaṃ ṭhānaṃ āgacchanti. Evaṃ kho, bhikkhave, aphalo upakkamo hoti, aphalaṃ padhānaṃ.
10. ‘‘гат̇ан̃жа, бхигкавз, сапало убаггамо ход̇и, сапалам̣ бад̇хаанам̣? ид̇ха, бхигкавз, бхигку на хзва анад̣̇д̇хабхууд̇ам̣ ад̇д̇аанам̣ д̣̇угкзна ад̣̇д̇хабхаавзд̇и, д̇хаммиган̃жа сукам̣ на барижжаж̇ад̇и, д̇асмин̃жа сукз анад̇химужчид̇о ход̇и. со звам̣ баж̇аанаад̇и – ‘имасса ко мз д̣̇угканид̣̇аанасса сан̇каарам̣ бад̣̇ахад̇о сан̇каараббад̇хаанаа вирааг̇о ход̇и, имасса бана мз д̣̇угканид̣̇аанасса аж̇жхубзгкад̇о убзгкам̣ бхааваяад̇о вирааг̇о ход̇ий’д̇и. со яасса хи кваасса 27 д̣̇угканид̣̇аанасса сан̇каарам̣ бад̣̇ахад̇о сан̇каараббад̇хаанаа вирааг̇о ход̇и, сан̇каарам̣ д̇ад̇т̇а бад̣̇ахад̇и. яасса банасса д̣̇угканид̣̇аанасса аж̇жхубзгкад̇о убзгкам̣ бхааваяад̇о вирааг̇о ход̇и, убзгкам̣ д̇ад̇т̇а бхаавзд̇и. д̇асса д̇асса д̣̇угканид̣̇аанасса сан̇каарам̣ бад̣̇ахад̇о сан̇каараббад̇хаанаа вирааг̇о ход̇и – звамбисса д̇ам̣ д̣̇угкам̣ ниж̇ж̇ин̣н̣ам̣ ход̇и. д̇асса д̇асса д̣̇угканид̣̇аанасса аж̇жхубзгкад̇о убзгкам̣ бхааваяад̇о вирааг̇о ход̇и – звамбисса д̇ам̣ д̣̇угкам̣ ниж̇ж̇ин̣н̣ам̣ ход̇и.
10. ‘‘Kathañca, bhikkhave, saphalo upakkamo hoti, saphalaṃ padhānaṃ? Idha, bhikkhave, bhikkhu na heva anaddhabhūtaṃ attānaṃ dukkhena addhabhāveti, dhammikañca sukhaṃ na pariccajati, tasmiñca sukhe anadhimucchito hoti. So evaṃ pajānāti – ‘imassa kho me dukkhanidānassa saṅkhāraṃ padahato saṅkhārappadhānā virāgo hoti, imassa pana me dukkhanidānassa ajjhupekkhato upekkhaṃ bhāvayato virāgo hotī’ti. So yassa hi khvāssa 28 dukkhanidānassa saṅkhāraṃ padahato saṅkhārappadhānā virāgo hoti, saṅkhāraṃ tattha padahati. Yassa panassa dukkhanidānassa ajjhupekkhato upekkhaṃ bhāvayato virāgo hoti, upekkhaṃ tattha bhāveti. Tassa tassa dukkhanidānassa saṅkhāraṃ padahato saṅkhārappadhānā virāgo hoti – evampissa taṃ dukkhaṃ nijjiṇṇaṃ hoti. Tassa tassa dukkhanidānassa ajjhupekkhato upekkhaṃ bhāvayato virāgo hoti – evampissa taṃ dukkhaṃ nijjiṇṇaṃ hoti.
11. ‘‘сзяяат̇ааби, бхигкавз, бурисо ид̇т̇ияаа саарад̇д̇о бадиб̣ад̣̇д̇хажид̇д̇о д̇иб̣б̣ажчанд̣̇о д̇иб̣б̣аабзгко. со д̇ам̣ ид̇т̇им̣ бассзяяа ан̃н̃зна бурисзна сад̣̇д̇хим̣ санд̇идтанд̇им̣ саллабанд̇им̣ сан̃ж̇аг̇гханд̇им̣ сам̣хасанд̇им̣. д̇ам̣ гим̣ ман̃н̃ат̇а, бхигкавз, аби ну д̇асса бурисасса амум̣ ид̇т̇им̣ д̣̇исваа ан̃н̃зна бурисзна сад̣̇д̇хим̣ санд̇идтанд̇им̣ саллабанд̇им̣ сан̃ж̇аг̇гханд̇им̣ сам̣хасанд̇им̣ уббаж̇ж̇зяяум̣ согабарид̣̇звад̣̇угкад̣̇оманассуубааяаасаа’’д̇и? ‘‘звам̣, бханд̇з’’. ‘‘д̇ам̣ гисса хзд̇у’’? ‘‘аму хи, бханд̇з, бурисо амуссаа ид̇т̇ияаа саарад̇д̇о бадиб̣ад̣̇д̇хажид̇д̇о д̇иб̣б̣ажчанд̣̇о д̇иб̣б̣аабзгко . д̇асмаа д̇ам̣ ид̇т̇им̣ д̣̇исваа ан̃н̃зна бурисзна сад̣̇д̇хим̣ санд̇идтанд̇им̣ саллабанд̇им̣ сан̃ж̇аг̇гханд̇им̣ сам̣хасанд̇им̣ уббаж̇ж̇зяяум̣ согабарид̣̇звад̣̇угкад̣̇оманассуубааяаасаа’’д̇и. ‘‘ат̇а ко, бхигкавз, д̇асса бурисасса звамасса – ‘ахам̣ ко амуссаа ид̇т̇ияаа саарад̇д̇о бадиб̣ад̣̇д̇хажид̇д̇о д̇иб̣б̣ажчанд̣̇о д̇иб̣б̣аабзгко. д̇асса мз амум̣ ид̇т̇им̣ д̣̇исваа ан̃н̃зна бурисзна сад̣̇д̇хим̣ санд̇идтанд̇им̣ саллабанд̇им̣ сан̃ж̇аг̇гханд̇им̣ сам̣хасанд̇им̣ уббаж̇ж̇анд̇и согабарид̣̇звад̣̇угкад̣̇оманассуубааяаасаа. яам̣нуунаахам̣ яо мз амуссаа ид̇т̇ияаа чанд̣̇арааг̇о д̇ам̣ баж̇ахзяяа’нд̇и. со яо амуссаа ид̇т̇ияаа чанд̣̇арааг̇о д̇ам̣ баж̇ахзяяа. со д̇ам̣ ид̇т̇им̣ бассзяяа абарзна самаязна ан̃н̃зна бурисзна сад̣̇д̇хим̣ санд̇идтанд̇им̣ саллабанд̇им̣ сан̃ж̇аг̇гханд̇им̣ сам̣хасанд̇им̣. д̇ам̣ гим̣ ман̃н̃ат̇а, бхигкавз, аби ну д̇асса бурисасса амум̣ ид̇т̇им̣ д̣̇исваа ан̃н̃зна бурисзна сад̣̇д̇хим̣ санд̇идтанд̇им̣ саллабанд̇им̣ сан̃ж̇аг̇гханд̇им̣ сам̣хасанд̇им̣ уббаж̇ж̇зяяум̣ согабарид̣̇звад̣̇угкад̣̇оманассуубааяаасаа’’д̇и? ‘‘но хзд̇ам̣, бханд̇з’’. ‘‘д̇ам̣ гисса хзд̇у’’? ‘‘аму хи, бханд̇з, бурисо амуссаа ид̇т̇ияаа вирааг̇о. д̇асмаа д̇ам̣ ид̇т̇им̣ д̣̇исваа ан̃н̃зна бурисзна сад̣̇д̇хим̣ санд̇идтанд̇им̣ саллабанд̇им̣ сан̃ж̇аг̇гханд̇им̣ сам̣хасанд̇им̣ на уббаж̇ж̇зяяум̣ согабарид̣̇звад̣̇угкад̣̇оманассуубааяаасаа’’д̇и.
11. ‘‘Seyyathāpi, bhikkhave, puriso itthiyā sāratto paṭibaddhacitto tibbacchando tibbāpekkho. So taṃ itthiṃ passeyya aññena purisena saddhiṃ santiṭṭhantiṃ sallapantiṃ sañjagghantiṃ saṃhasantiṃ. Taṃ kiṃ maññatha, bhikkhave, api nu tassa purisassa amuṃ itthiṃ disvā aññena purisena saddhiṃ santiṭṭhantiṃ sallapantiṃ sañjagghantiṃ saṃhasantiṃ uppajjeyyuṃ sokaparidevadukkhadomanassūpāyāsā’’ti? ‘‘Evaṃ, bhante’’. ‘‘Taṃ kissa hetu’’? ‘‘Amu hi, bhante, puriso amussā itthiyā sāratto paṭibaddhacitto tibbacchando tibbāpekkho . Tasmā taṃ itthiṃ disvā aññena purisena saddhiṃ santiṭṭhantiṃ sallapantiṃ sañjagghantiṃ saṃhasantiṃ uppajjeyyuṃ sokaparidevadukkhadomanassūpāyāsā’’ti. ‘‘Atha kho, bhikkhave, tassa purisassa evamassa – ‘ahaṃ kho amussā itthiyā sāratto paṭibaddhacitto tibbacchando tibbāpekkho. Tassa me amuṃ itthiṃ disvā aññena purisena saddhiṃ santiṭṭhantiṃ sallapantiṃ sañjagghantiṃ saṃhasantiṃ uppajjanti sokaparidevadukkhadomanassūpāyāsā. Yaṃnūnāhaṃ yo me amussā itthiyā chandarāgo taṃ pajaheyya’nti. So yo amussā itthiyā chandarāgo taṃ pajaheyya. So taṃ itthiṃ passeyya aparena samayena aññena purisena saddhiṃ santiṭṭhantiṃ sallapantiṃ sañjagghantiṃ saṃhasantiṃ. Taṃ kiṃ maññatha, bhikkhave, api nu tassa purisassa amuṃ itthiṃ disvā aññena purisena saddhiṃ santiṭṭhantiṃ sallapantiṃ sañjagghantiṃ saṃhasantiṃ uppajjeyyuṃ sokaparidevadukkhadomanassūpāyāsā’’ti? ‘‘No hetaṃ, bhante’’. ‘‘Taṃ kissa hetu’’? ‘‘Amu hi, bhante, puriso amussā itthiyā virāgo. Tasmā taṃ itthiṃ disvā aññena purisena saddhiṃ santiṭṭhantiṃ sallapantiṃ sañjagghantiṃ saṃhasantiṃ na uppajjeyyuṃ sokaparidevadukkhadomanassūpāyāsā’’ti.
‘‘звамзва ко, бхигкавз, бхигку на хзва анад̣̇д̇хабхууд̇ам̣ ад̇д̇аанам̣ д̣̇угкзна ад̣̇д̇хабхаавзд̇и, д̇хаммиган̃жа сукам̣ на барижжаж̇ад̇и, д̇асмин̃жа сукз анад̇химужчид̇о ход̇и. со звам̣ баж̇аанаад̇и – ‘имасса ко мз д̣̇угканид̣̇аанасса сан̇каарам̣ бад̣̇ахад̇о сан̇каараббад̇хаанаа вирааг̇о ход̇и, имасса бана мз д̣̇угканид̣̇аанасса аж̇жхубзгкад̇о убзгкам̣ бхааваяад̇о вирааг̇о ход̇ий’д̇и. со яасса хи кваасса д̣̇угканид̣̇аанасса сан̇каарам̣ бад̣̇ахад̇о сан̇каараббад̇хаанаа вирааг̇о ход̇и, сан̇каарам̣ д̇ад̇т̇а бад̣̇ахад̇и; яасса банасса д̣̇угканид̣̇аанасса аж̇жхубзгкад̇о убзгкам̣ бхааваяад̇о вирааг̇о ход̇и, убзгкам̣ д̇ад̇т̇а бхаавзд̇и. д̇асса д̇асса д̣̇угканид̣̇аанасса сан̇каарам̣ бад̣̇ахад̇о сан̇каараббад̇хаанаа вирааг̇о ход̇и – звамбисса д̇ам̣ д̣̇угкам̣ ниж̇ж̇ин̣н̣ам̣ ход̇и . д̇асса д̇асса д̣̇угканид̣̇аанасса аж̇жхубзгкад̇о убзгкам̣ бхааваяад̇о вирааг̇о ход̇и – звамбисса д̇ам̣ д̣̇угкам̣ ниж̇ж̇ин̣н̣ам̣ ход̇и. звамби, бхигкавз, сапало убаггамо ход̇и, сапалам̣ бад̇хаанам̣.
‘‘Evameva kho, bhikkhave, bhikkhu na heva anaddhabhūtaṃ attānaṃ dukkhena addhabhāveti, dhammikañca sukhaṃ na pariccajati, tasmiñca sukhe anadhimucchito hoti. So evaṃ pajānāti – ‘imassa kho me dukkhanidānassa saṅkhāraṃ padahato saṅkhārappadhānā virāgo hoti, imassa pana me dukkhanidānassa ajjhupekkhato upekkhaṃ bhāvayato virāgo hotī’ti. So yassa hi khvāssa dukkhanidānassa saṅkhāraṃ padahato saṅkhārappadhānā virāgo hoti, saṅkhāraṃ tattha padahati; yassa panassa dukkhanidānassa ajjhupekkhato upekkhaṃ bhāvayato virāgo hoti, upekkhaṃ tattha bhāveti. Tassa tassa dukkhanidānassa saṅkhāraṃ padahato saṅkhārappadhānā virāgo hoti – evampissa taṃ dukkhaṃ nijjiṇṇaṃ hoti . Tassa tassa dukkhanidānassa ajjhupekkhato upekkhaṃ bhāvayato virāgo hoti – evampissa taṃ dukkhaṃ nijjiṇṇaṃ hoti. Evampi, bhikkhave, saphalo upakkamo hoti, saphalaṃ padhānaṃ.
12. ‘‘буна жабарам̣, бхигкавз, бхигку ид̇и бадисан̃жигкад̇и – ‘яат̇аасукам̣ ко мз вихарад̇о агусалаа д̇хаммаа абхивад̣дханд̇и, гусалаа д̇хаммаа барихааяанд̇и; д̣̇угкааяа бана мз ад̇д̇аанам̣ бад̣̇ахад̇о агусалаа д̇хаммаа барихааяанд̇и, гусалаа д̇хаммаа абхивад̣дханд̇и. яам̣нуунаахам̣ д̣̇угкааяа ад̇д̇аанам̣ бад̣̇ахзяяа’нд̇и. со д̣̇угкааяа ад̇д̇аанам̣ бад̣̇ахад̇и. д̇асса д̣̇угкааяа ад̇д̇аанам̣ бад̣̇ахад̇о агусалаа д̇хаммаа барихааяанд̇и гусалаа д̇хаммаа абхивад̣дханд̇и. со на абарзна самаязна д̣̇угкааяа ад̇д̇аанам̣ бад̣̇ахад̇и. д̇ам̣ гисса хзд̇у? яасса хи со, бхигкавз, бхигку ад̇т̇ааяа д̣̇угкааяа ад̇д̇аанам̣ бад̣̇ахзяяа сваасса ад̇т̇о абхинибпанно ход̇и. д̇асмаа на абарзна самаязна д̣̇угкааяа ад̇д̇аанам̣ бад̣̇ахад̇и. сзяяат̇ааби, бхигкавз, усугааро д̇зж̇анам̣ д̣̇вийсу алаад̇зсу аад̇аабзд̇и барид̇аабзд̇и уж̇ум̣ гарод̇и гамманияам̣. яад̇о ко, бхигкавз, усугаарасса д̇зж̇анам̣ д̣̇вийсу алаад̇зсу аад̇аабид̇ам̣ ход̇и барид̇аабид̇ам̣ уж̇ум̣ гад̇ам̣ 29 гамманияам̣, на со д̇ам̣ абарзна самаязна усугааро д̇зж̇анам̣ д̣̇вийсу алаад̇зсу аад̇аабзд̇и барид̇аабзд̇и уж̇ум̣ гарод̇и гамманияам̣. д̇ам̣ гисса хзд̇у? яасса хи со, бхигкавз, ад̇т̇ааяа усугааро д̇зж̇анам̣ д̣̇вийсу алаад̇зсу аад̇аабзяяа барид̇аабзяяа уж̇ум̣ гарзяяа гамманияам̣ сваасса ад̇т̇о абхинибпанно ход̇и. д̇асмаа на абарзна самаязна усугааро д̇зж̇анам̣ д̣̇вийсу алаад̇зсу аад̇аабзд̇и барид̇аабзд̇и уж̇ум̣ гарод̇и гамманияам̣. звамзва ко, бхигкавз, бхигку ид̇и бадисан̃жигкад̇и – ‘яат̇аасукам̣ ко мз вихарад̇о агусалаа д̇хаммаа абхивад̣дханд̇и, гусалаа д̇хаммаа барихааяанд̇и; д̣̇угкааяа бана мз ад̇д̇аанам̣ бад̣̇ахад̇о агусалаа д̇хаммаа барихааяанд̇и, гусалаа д̇хаммаа абхивад̣дханд̇и. яам̣нуунаахам̣ д̣̇угкааяа ад̇д̇аанам̣ бад̣̇ахзяяа’нд̇и. со д̣̇угкааяа ад̇д̇аанам̣ бад̣̇ахад̇и. д̇асса д̣̇угкааяа ад̇д̇аанам̣ бад̣̇ахад̇о агусалаа д̇хаммаа барихааяанд̇и, гусалаа д̇хаммаа абхивад̣дханд̇и. со на абарзна самаязна д̣̇угкааяа ад̇д̇аанам̣ бад̣̇ахад̇и. д̇ам̣ гисса хзд̇у? яасса хи со, бхигкавз, бхигку ад̇т̇ааяа д̣̇угкааяа ад̇д̇аанам̣ бад̣̇ахзяяа сваасса ад̇т̇о абхинибпанно ход̇и. д̇асмаа на абарзна самаязна д̣̇угкааяа ад̇д̇аанам̣ бад̣̇ахад̇и. звамби, бхигкавз, сапало убаггамо ход̇и, сапалам̣ бад̇хаанам̣.
12. ‘‘Puna caparaṃ, bhikkhave, bhikkhu iti paṭisañcikkhati – ‘yathāsukhaṃ kho me viharato akusalā dhammā abhivaḍḍhanti, kusalā dhammā parihāyanti; dukkhāya pana me attānaṃ padahato akusalā dhammā parihāyanti, kusalā dhammā abhivaḍḍhanti. Yaṃnūnāhaṃ dukkhāya attānaṃ padaheyya’nti. So dukkhāya attānaṃ padahati. Tassa dukkhāya attānaṃ padahato akusalā dhammā parihāyanti kusalā dhammā abhivaḍḍhanti. So na aparena samayena dukkhāya attānaṃ padahati. Taṃ kissa hetu? Yassa hi so, bhikkhave, bhikkhu atthāya dukkhāya attānaṃ padaheyya svāssa attho abhinipphanno hoti. Tasmā na aparena samayena dukkhāya attānaṃ padahati. Seyyathāpi, bhikkhave, usukāro tejanaṃ dvīsu alātesu ātāpeti paritāpeti ujuṃ karoti kammaniyaṃ. Yato kho, bhikkhave, usukārassa tejanaṃ dvīsu alātesu ātāpitaṃ hoti paritāpitaṃ ujuṃ kataṃ 30 kammaniyaṃ, na so taṃ aparena samayena usukāro tejanaṃ dvīsu alātesu ātāpeti paritāpeti ujuṃ karoti kammaniyaṃ. Taṃ kissa hetu? Yassa hi so, bhikkhave, atthāya usukāro tejanaṃ dvīsu alātesu ātāpeyya paritāpeyya ujuṃ kareyya kammaniyaṃ svāssa attho abhinipphanno hoti. Tasmā na aparena samayena usukāro tejanaṃ dvīsu alātesu ātāpeti paritāpeti ujuṃ karoti kammaniyaṃ. Evameva kho, bhikkhave, bhikkhu iti paṭisañcikkhati – ‘yathāsukhaṃ kho me viharato akusalā dhammā abhivaḍḍhanti, kusalā dhammā parihāyanti; dukkhāya pana me attānaṃ padahato akusalā dhammā parihāyanti, kusalā dhammā abhivaḍḍhanti. Yaṃnūnāhaṃ dukkhāya attānaṃ padaheyya’nti. So dukkhāya attānaṃ padahati. Tassa dukkhāya attānaṃ padahato akusalā dhammā parihāyanti, kusalā dhammā abhivaḍḍhanti. So na aparena samayena dukkhāya attānaṃ padahati. Taṃ kissa hetu? Yassa hi so, bhikkhave, bhikkhu atthāya dukkhāya attānaṃ padaheyya svāssa attho abhinipphanno hoti. Tasmā na aparena samayena dukkhāya attānaṃ padahati. Evampi, bhikkhave, saphalo upakkamo hoti, saphalaṃ padhānaṃ.
13. ‘‘буна жабарам̣, бхигкавз, ид̇ха д̇ат̇ааг̇ад̇о логз уббаж̇ж̇ад̇и арахам̣ саммаасамб̣уд̣̇д̇хо виж̇ж̇аажаран̣асамбанно суг̇ад̇о логавид̣̇уу ануд̇д̇аро бурисад̣̇аммасаарат̇и сад̇т̇аа д̣̇звамануссаанам̣ б̣уд̣̇д̇хо бхаг̇аваа. со имам̣ логам̣ сад̣̇звагам̣ самаарагам̣ саб̣рахмагам̣ сассаман̣аб̣раахман̣им̣ баж̇ам̣ сад̣̇звамануссам̣ саяам̣ абхин̃н̃аа сажчигад̇ваа бавзд̣̇зд̇и. со д̇хаммам̣ д̣̇зсзд̇и аад̣̇игаляаан̣ам̣ маж̇жхзгаляаан̣ам̣ барияосаанагаляаан̣ам̣ саад̇т̇ам̣ саб̣яан̃ж̇анам̣, гзвалабарибун̣н̣ам̣ барисуд̣̇д̇хам̣ б̣рахмажарияам̣ багаасзд̇и. д̇ам̣ д̇хаммам̣ сун̣аад̇и г̇ахабад̇и ваа г̇ахабад̇ибуд̇д̇о ваа ан̃н̃ад̇арасмим̣ ваа гулз бажжааж̇аад̇о. со д̇ам̣ д̇хаммам̣ суд̇ваа д̇ат̇ааг̇ад̇з сад̣̇д̇хам̣ бадилабхад̇и. со д̇зна сад̣̇д̇хаабадилаабхзна саманнааг̇ад̇о ид̇и бадисан̃жигкад̇и – ‘самб̣аад̇хо гхарааваасо раж̇аабат̇о, аб̣бхогаасо баб̣б̣аж̇ж̇аа. наяид̣̇ам̣ сугарам̣ аг̇аарам̣ аж̇жхаавасад̇аа зганд̇абарибун̣н̣ам̣ зганд̇абарисуд̣̇д̇хам̣ сан̇каликид̇ам̣ б̣рахмажарияам̣ жарид̇ум̣. яам̣нуунаахам̣ гзсамассум̣ охаарзд̇ваа гаасааяаани вад̇т̇аани ажчаад̣̇зд̇ваа аг̇аарасмаа анаг̇аарияам̣ баб̣б̣аж̇зяяа’нд̇и. со абарзна самаязна аббам̣ ваа бхог̇агканд̇хам̣ бахааяа маханд̇ам̣ ваа бхог̇агканд̇хам̣ бахааяа, аббам̣ ваа н̃аад̇ибариваддам̣ бахааяа маханд̇ам̣ ваа н̃аад̇ибариваддам̣ бахааяа гзсамассум̣ охаарзд̇ваа гаасааяаани вад̇т̇аани ажчаад̣̇зд̇ваа аг̇аарасмаа анаг̇аарияам̣ баб̣б̣аж̇ад̇и.
13. ‘‘Puna caparaṃ, bhikkhave, idha tathāgato loke uppajjati arahaṃ sammāsambuddho vijjācaraṇasampanno sugato lokavidū anuttaro purisadammasārathi satthā devamanussānaṃ buddho bhagavā. So imaṃ lokaṃ sadevakaṃ samārakaṃ sabrahmakaṃ sassamaṇabrāhmaṇiṃ pajaṃ sadevamanussaṃ sayaṃ abhiññā sacchikatvā pavedeti. So dhammaṃ deseti ādikalyāṇaṃ majjhekalyāṇaṃ pariyosānakalyāṇaṃ sātthaṃ sabyañjanaṃ, kevalaparipuṇṇaṃ parisuddhaṃ brahmacariyaṃ pakāseti. Taṃ dhammaṃ suṇāti gahapati vā gahapatiputto vā aññatarasmiṃ vā kule paccājāto. So taṃ dhammaṃ sutvā tathāgate saddhaṃ paṭilabhati. So tena saddhāpaṭilābhena samannāgato iti paṭisañcikkhati – ‘sambādho gharāvāso rajāpatho, abbhokāso pabbajjā. Nayidaṃ sukaraṃ agāraṃ ajjhāvasatā ekantaparipuṇṇaṃ ekantaparisuddhaṃ saṅkhalikhitaṃ brahmacariyaṃ carituṃ. Yaṃnūnāhaṃ kesamassuṃ ohāretvā kāsāyāni vatthāni acchādetvā agārasmā anagāriyaṃ pabbajeyya’nti. So aparena samayena appaṃ vā bhogakkhandhaṃ pahāya mahantaṃ vā bhogakkhandhaṃ pahāya, appaṃ vā ñātiparivaṭṭaṃ pahāya mahantaṃ vā ñātiparivaṭṭaṃ pahāya kesamassuṃ ohāretvā kāsāyāni vatthāni acchādetvā agārasmā anagāriyaṃ pabbajati.
14. ‘‘со звам̣ баб̣б̣аж̇ид̇о самаано бхигкуунам̣ сигкаасааж̇ийвасамаабанно баан̣аад̇ибаад̇ам̣ бахааяа баан̣аад̇ибаад̇аа бадивирад̇о ход̇и нихид̇ад̣̇ан̣д̣о нихид̇асад̇т̇о, лаж̇ж̇ий д̣̇аяаабанно саб̣б̣абаан̣абхууд̇ахид̇аанугамбий вихарад̇и. ад̣̇иннаад̣̇аанам̣ бахааяа ад̣̇иннаад̣̇аанаа бадивирад̇о ход̇и д̣̇иннаад̣̇ааяий д̣̇иннабаадиган̇кий, ат̇знзна сужибхууд̇зна ад̇д̇анаа вихарад̇и. аб̣рахмажарияам̣ бахааяа б̣рахмажаарий ход̇и аараажаарий вирад̇о мзт̇унаа г̇аамад̇хаммаа. мусааваад̣̇ам̣ бахааяа мусааваад̣̇аа бадивирад̇о ход̇и сажжаваад̣̇ий сажжасанд̇хо т̇зд̇о бажжаяиго ависам̣ваад̣̇аго логасса. бисун̣ам̣ ваажам̣ бахааяа бисун̣ааяа ваажааяа бадивирад̇о ход̇и; ид̇о суд̇ваа на амуд̇ра агкаад̇аа имзсам̣ бхзд̣̇ааяа, амуд̇ра ваа суд̇ваа на имзсам̣ агкаад̇аа амуусам̣ бхзд̣̇ааяа – ид̇и бхиннаанам̣ ваа санд̇хаад̇аа сахид̇аанам̣ ваа ануббад̣̇аад̇аа самаг̇г̇аараамо самаг̇г̇арад̇о самаг̇г̇ананд̣̇ий самаг̇г̇агаран̣им̣ ваажам̣ бхаасид̇аа ход̇и. парусам̣ ваажам̣ бахааяа парусааяа ваажааяа бадивирад̇о ход̇и; яаа саа ваажаа нзлаа ган̣н̣асукаа бзманийяаа хад̣̇аяан̇г̇амаа борий б̣ахуж̇анаганд̇аа б̣ахуж̇анаманаабаа д̇ат̇ааруубим̣ ваажам̣ бхаасид̇аа ход̇и. сампаббалаабам̣ бахааяа сампаббалаабаа бадивирад̇о ход̇и гаалаваад̣̇ий бхууд̇аваад̣̇ий ад̇т̇аваад̣̇ий д̇хаммаваад̣̇ий винаяаваад̣̇ий, нид̇хаанавад̇им̣ ваажам̣ бхаасид̇аа гаалзна саабад̣̇зсам̣ барияанд̇авад̇им̣ ад̇т̇асам̣хид̇ам̣. со б̣ийж̇аг̇аамабхууд̇аг̇аамасамаарамбхаа бадивирад̇о ход̇и. згабхад̇д̇иго ход̇и рад̇д̇уубарад̇о вирад̇о вигаалабхож̇анаа. нажжаг̇ийд̇аваад̣̇ид̇ависуугад̣̇ассанаа бадивирад̇о ход̇и. маалааг̇анд̇хавилзбанад̇хааран̣аман̣д̣анавибхуусанадтаанаа бадивирад̇о ход̇и. ужжаасаяанамахаасаяанаа бадивирад̇о ход̇и. ж̇аад̇аруубараж̇ад̇абадиг̇г̇ахан̣аа бадивирад̇о ход̇и. аамагад̇хан̃н̃абадиг̇г̇ахан̣аа бадивирад̇о ход̇и. аамагамам̣сабадиг̇г̇ахан̣аа бадивирад̇о ход̇и. ид̇т̇игумааригабадиг̇г̇ахан̣аа бадивирад̇о ход̇и. д̣̇аасид̣̇аасабадиг̇г̇ахан̣аа бадивирад̇о ход̇и. аж̇зл̣агабадиг̇г̇ахан̣аа бадивирад̇о ход̇и. гуггудасуугарабадиг̇г̇ахан̣аа бадивирад̇о ход̇и. хад̇т̇иг̇авассавал̣авабадиг̇г̇ахан̣аа бадивирад̇о ход̇и. кзд̇д̇авад̇т̇убадиг̇г̇ахан̣аа бадивирад̇о ход̇и. д̣̇ууд̇зяяабахин̣аг̇аманаануяог̇аа бадивирад̇о ход̇и. гаяавиггаяаа бадивирад̇о ход̇и. д̇улаагуудагам̣сагуудамаанагуудаа бадивирад̇о ход̇и. уггоданаван̃жананигад̇исаажияог̇аа 31 бадивирад̇о ход̇и. чзд̣̇анавад̇хаб̣анд̇ханавибараамосааалобасахасаагаараа бадивирад̇о ход̇и 32.
14. ‘‘So evaṃ pabbajito samāno bhikkhūnaṃ sikkhāsājīvasamāpanno pāṇātipātaṃ pahāya pāṇātipātā paṭivirato hoti nihitadaṇḍo nihitasattho, lajjī dayāpanno sabbapāṇabhūtahitānukampī viharati. Adinnādānaṃ pahāya adinnādānā paṭivirato hoti dinnādāyī dinnapāṭikaṅkhī, athenena sucibhūtena attanā viharati. Abrahmacariyaṃ pahāya brahmacārī hoti ārācārī virato methunā gāmadhammā. Musāvādaṃ pahāya musāvādā paṭivirato hoti saccavādī saccasandho theto paccayiko avisaṃvādako lokassa. Pisuṇaṃ vācaṃ pahāya pisuṇāya vācāya paṭivirato hoti; ito sutvā na amutra akkhātā imesaṃ bhedāya, amutra vā sutvā na imesaṃ akkhātā amūsaṃ bhedāya – iti bhinnānaṃ vā sandhātā sahitānaṃ vā anuppadātā samaggārāmo samaggarato samagganandī samaggakaraṇiṃ vācaṃ bhāsitā hoti. Pharusaṃ vācaṃ pahāya pharusāya vācāya paṭivirato hoti; yā sā vācā nelā kaṇṇasukhā pemanīyā hadayaṅgamā porī bahujanakantā bahujanamanāpā tathārūpiṃ vācaṃ bhāsitā hoti. Samphappalāpaṃ pahāya samphappalāpā paṭivirato hoti kālavādī bhūtavādī atthavādī dhammavādī vinayavādī, nidhānavatiṃ vācaṃ bhāsitā kālena sāpadesaṃ pariyantavatiṃ atthasaṃhitaṃ. So bījagāmabhūtagāmasamārambhā paṭivirato hoti. Ekabhattiko hoti rattūparato virato vikālabhojanā. Naccagītavāditavisūkadassanā paṭivirato hoti. Mālāgandhavilepanadhāraṇamaṇḍanavibhūsanaṭṭhānā paṭivirato hoti. Uccāsayanamahāsayanā paṭivirato hoti. Jātarūparajatapaṭiggahaṇā paṭivirato hoti. Āmakadhaññapaṭiggahaṇā paṭivirato hoti. Āmakamaṃsapaṭiggahaṇā paṭivirato hoti. Itthikumārikapaṭiggahaṇā paṭivirato hoti. Dāsidāsapaṭiggahaṇā paṭivirato hoti. Ajeḷakapaṭiggahaṇā paṭivirato hoti. Kukkuṭasūkarapaṭiggahaṇā paṭivirato hoti. Hatthigavassavaḷavapaṭiggahaṇā paṭivirato hoti. Khettavatthupaṭiggahaṇā paṭivirato hoti. Dūteyyapahiṇagamanānuyogā paṭivirato hoti. Kayavikkayā paṭivirato hoti. Tulākūṭakaṃsakūṭamānakūṭā paṭivirato hoti. Ukkoṭanavañcananikatisāciyogā 33 paṭivirato hoti. Chedanavadhabandhanaviparāmosaālopasahasākārā paṭivirato hoti 34.
‘‘со санд̇удто ход̇и гааяабарихааригзна жийварзна, гужчибарихааригзна бин̣д̣абаад̇зна. со язна язнзва баггамад̇и самаад̣̇ааязва баггамад̇и. сзяяат̇ааби наама багкий сагун̣о язна язнзва д̣зд̇и сабад̇д̇абхаарова д̣зд̇и, звамзва бхигку санд̇удто ход̇и гааяабарихааригзна жийварзна, гужчибарихааригзна бин̣д̣абаад̇зна; со язна язнзва баггамад̇и самаад̣̇ааязва баггамад̇и. со иминаа ариязна сийлагканд̇хзна саманнааг̇ад̇о аж̇жхад̇д̇ам̣ анаваж̇ж̇асукам̣ бадисам̣взд̣̇зд̇и.
‘‘So santuṭṭho hoti kāyaparihārikena cīvarena, kucchiparihārikena piṇḍapātena. So yena yeneva pakkamati samādāyeva pakkamati. Seyyathāpi nāma pakkhī sakuṇo yena yeneva ḍeti sapattabhārova ḍeti, evameva bhikkhu santuṭṭho hoti kāyaparihārikena cīvarena, kucchiparihārikena piṇḍapātena; so yena yeneva pakkamati samādāyeva pakkamati. So iminā ariyena sīlakkhandhena samannāgato ajjhattaṃ anavajjasukhaṃ paṭisaṃvedeti.
15. ‘‘со жагкунаа руубам̣ д̣̇исваа на нимид̇д̇аг̇г̇аахий ход̇и наануб̣яан̃ж̇анаг̇г̇аахий. яад̇ваад̇хигаран̣амзнам̣ жагкунд̣̇рияам̣ асам̣вуд̇ам̣ вихаранд̇ам̣ абхиж̇жхаад̣̇оманассаа баабагаа агусалаа д̇хаммаа анваассавзяяум̣ д̇асса сам̣варааяа бадибаж̇ж̇ад̇и, рагкад̇и жагкунд̣̇рияам̣, жагкунд̣̇рияз сам̣варам̣ аабаж̇ж̇ад̇и. сод̇зна сад̣̇д̣̇ам̣ суд̇ваа…бз… гхаанзна г̇анд̇хам̣ гхааяид̇ваа…бз… ж̇ивхааяа расам̣ сааяид̇ваа…бз… гааязна подтаб̣б̣ам̣ пусид̇ваа…бз… манасаа д̇хаммам̣ вин̃н̃ааяа на нимид̇д̇аг̇г̇аахий ход̇и наануб̣яан̃ж̇анаг̇г̇аахий. яад̇ваад̇хигаран̣амзнам̣ манинд̣̇рияам̣ асам̣вуд̇ам̣ вихаранд̇ам̣ абхиж̇жхаад̣̇оманассаа баабагаа агусалаа д̇хаммаа анваассавзяяум̣ д̇асса сам̣варааяа бадибаж̇ж̇ад̇и, рагкад̇и манинд̣̇рияам̣, манинд̣̇рияз сам̣варам̣ аабаж̇ж̇ад̇и. со иминаа ариязна инд̣̇рияасам̣варзна саманнааг̇ад̇о аж̇жхад̇д̇ам̣ аб̣яаасзгасукам̣ бадисам̣взд̣̇зд̇и.
15. ‘‘So cakkhunā rūpaṃ disvā na nimittaggāhī hoti nānubyañjanaggāhī. Yatvādhikaraṇamenaṃ cakkhundriyaṃ asaṃvutaṃ viharantaṃ abhijjhādomanassā pāpakā akusalā dhammā anvāssaveyyuṃ tassa saṃvarāya paṭipajjati, rakkhati cakkhundriyaṃ, cakkhundriye saṃvaraṃ āpajjati. Sotena saddaṃ sutvā…pe… ghānena gandhaṃ ghāyitvā…pe… jivhāya rasaṃ sāyitvā…pe… kāyena phoṭṭhabbaṃ phusitvā…pe… manasā dhammaṃ viññāya na nimittaggāhī hoti nānubyañjanaggāhī. Yatvādhikaraṇamenaṃ manindriyaṃ asaṃvutaṃ viharantaṃ abhijjhādomanassā pāpakā akusalā dhammā anvāssaveyyuṃ tassa saṃvarāya paṭipajjati, rakkhati manindriyaṃ, manindriye saṃvaraṃ āpajjati. So iminā ariyena indriyasaṃvarena samannāgato ajjhattaṃ abyāsekasukhaṃ paṭisaṃvedeti.
‘‘со абхигганд̇з бадигганд̇з самбаж̇аанагаарий ход̇и, аалогид̇з вилогид̇з самбаж̇аанагаарий ход̇и, самин̃ж̇ид̇з 35 басаарид̇з самбаж̇аанагаарий ход̇и, сан̇гхаадибад̇д̇ажийварад̇хааран̣з самбаж̇аанагаарий ход̇и , асид̇з бийд̇з кааяид̇з сааяид̇з самбаж̇аанагаарий ход̇и, ужжаарабассаавагаммз самбаж̇аанагаарий ход̇и, г̇ад̇з тид̇з нисиннз суд̇д̇з ж̇ааг̇арид̇з бхаасид̇з д̇ун̣хийбхаавз самбаж̇аанагаарий ход̇и.
‘‘So abhikkante paṭikkante sampajānakārī hoti, ālokite vilokite sampajānakārī hoti, samiñjite 36 pasārite sampajānakārī hoti, saṅghāṭipattacīvaradhāraṇe sampajānakārī hoti , asite pīte khāyite sāyite sampajānakārī hoti, uccārapassāvakamme sampajānakārī hoti, gate ṭhite nisinne sutte jāgarite bhāsite tuṇhībhāve sampajānakārī hoti.
16. ‘‘со иминаа жа ариязна сийлагканд̇хзна саманнааг̇ад̇о, (имааяа жа арияааяа санд̇удтияаа саманнааг̇ад̇о,) 37 иминаа жа ариязна инд̣̇рияасам̣варзна саманнааг̇ад̇о, иминаа жа ариязна сад̇исамбаж̇ан̃н̃зна саманнааг̇ад̇о вивид̇д̇ам̣ сзнаасанам̣ бхаж̇ад̇и аран̃н̃ам̣ ругкамуулам̣ баб̣б̣ад̇ам̣ ганд̣̇арам̣ г̇ириг̇ухам̣ сусаанам̣ ванабад̇т̇ам̣ аб̣бхогаасам̣ балаалабун̃ж̇ам̣. со бажчаабхад̇д̇ам̣ бин̣д̣абаад̇абадигганд̇о нисийд̣̇ад̇и баллан̇гам̣ аабхуж̇ид̇ваа, уж̇ум̣ гааяам̣ бан̣ид̇хааяа, баримукам̣ сад̇им̣ убадтабзд̇ваа. со абхиж̇жхам̣ логз бахааяа виг̇ад̇аабхиж̇жхзна жзд̇асаа вихарад̇и, абхиж̇жхааяа жид̇д̇ам̣ барисод̇хзд̇и. б̣яаабаад̣̇абад̣̇осам̣ бахааяа аб̣яаабаннажид̇д̇о вихарад̇и саб̣б̣абаан̣абхууд̇ахид̇аанугамбий, б̣яаабаад̣̇абад̣̇осаа жид̇д̇ам̣ барисод̇хзд̇и. т̇инамид̣̇д̇хам̣ бахааяа виг̇ад̇ат̇инамид̣̇д̇хо вихарад̇и аалогасан̃н̃ий сад̇о самбаж̇аано, т̇инамид̣̇д̇хаа жид̇д̇ам̣ барисод̇хзд̇и. уд̣̇д̇хажжагуггужжам̣ бахааяа ануд̣̇д̇хад̇о вихарад̇и аж̇жхад̇д̇ам̣ вуубасанд̇ажид̇д̇о , уд̣̇д̇хажжагуггужжаа жид̇д̇ам̣ барисод̇хзд̇и. вижигижчам̣ бахааяа д̇ин̣н̣авижигижчо вихарад̇и агат̇ам̣гат̇ий гусалзсу д̇хаммзсу, вижигижчааяа жид̇д̇ам̣ барисод̇хзд̇и.
16. ‘‘So iminā ca ariyena sīlakkhandhena samannāgato, (imāya ca ariyāya santuṭṭhiyā samannāgato,) 38 iminā ca ariyena indriyasaṃvarena samannāgato, iminā ca ariyena satisampajaññena samannāgato vivittaṃ senāsanaṃ bhajati araññaṃ rukkhamūlaṃ pabbataṃ kandaraṃ giriguhaṃ susānaṃ vanapatthaṃ abbhokāsaṃ palālapuñjaṃ. So pacchābhattaṃ piṇḍapātapaṭikkanto nisīdati pallaṅkaṃ ābhujitvā, ujuṃ kāyaṃ paṇidhāya, parimukhaṃ satiṃ upaṭṭhapetvā. So abhijjhaṃ loke pahāya vigatābhijjhena cetasā viharati, abhijjhāya cittaṃ parisodheti. Byāpādapadosaṃ pahāya abyāpannacitto viharati sabbapāṇabhūtahitānukampī, byāpādapadosā cittaṃ parisodheti. Thinamiddhaṃ pahāya vigatathinamiddho viharati ālokasaññī sato sampajāno, thinamiddhā cittaṃ parisodheti. Uddhaccakukkuccaṃ pahāya anuddhato viharati ajjhattaṃ vūpasantacitto , uddhaccakukkuccā cittaṃ parisodheti. Vicikicchaṃ pahāya tiṇṇavicikiccho viharati akathaṃkathī kusalesu dhammesu, vicikicchāya cittaṃ parisodheti.
‘‘со имз бан̃жа нийваран̣з бахааяа жзд̇асо убаггилзсз бан̃н̃ааяа д̣̇уб̣б̣алийгаран̣з вивижжзва гаамзхи вивижжа агусалзхи д̇хаммзхи савид̇аггам̣ савижаарам̣ вивзгаж̇ам̣ бийд̇исукам̣ батамам̣ жхаанам̣ убасамбаж̇ж̇а вихарад̇и. звамби , бхигкавз, сапало убаггамо ход̇и, сапалам̣ бад̇хаанам̣.
‘‘So ime pañca nīvaraṇe pahāya cetaso upakkilese paññāya dubbalīkaraṇe vivicceva kāmehi vivicca akusalehi dhammehi savitakkaṃ savicāraṃ vivekajaṃ pītisukhaṃ paṭhamaṃ jhānaṃ upasampajja viharati. Evampi , bhikkhave, saphalo upakkamo hoti, saphalaṃ padhānaṃ.
‘‘буна жабарам̣, бхигкавз, бхигку вид̇аггавижаараанам̣ вуубасамаа аж̇жхад̇д̇ам̣ самбасаад̣̇анам̣ жзд̇асо згод̣̇ибхаавам̣ авид̇аггам̣ авижаарам̣ самаад̇хиж̇ам̣ бийд̇исукам̣ д̣̇уд̇ияам̣ жхаанам̣ убасамбаж̇ж̇а вихарад̇и. звамби, бхигкавз, сапало убаггамо ход̇и, сапалам̣ бад̇хаанам̣.
‘‘Puna caparaṃ, bhikkhave, bhikkhu vitakkavicārānaṃ vūpasamā ajjhattaṃ sampasādanaṃ cetaso ekodibhāvaṃ avitakkaṃ avicāraṃ samādhijaṃ pītisukhaṃ dutiyaṃ jhānaṃ upasampajja viharati. Evampi, bhikkhave, saphalo upakkamo hoti, saphalaṃ padhānaṃ.
‘‘буна жабарам̣, бхигкавз, бхигку бийд̇ияаа жа вирааг̇аа убзгкаго жа вихарад̇и сад̇о жа самбаж̇аано, сукан̃жа гааязна бадисам̣взд̣̇зд̇и. яам̣ д̇ам̣ арияаа аажигканд̇и – ‘убзгкаго сад̇имаа сукавихаарий’д̇и д̇ад̇ияам̣ жхаанам̣ убасамбаж̇ж̇а вихарад̇и. звамби, бхигкавз, сапало убаггамо ход̇и, сапалам̣ бад̇хаанам̣.
‘‘Puna caparaṃ, bhikkhave, bhikkhu pītiyā ca virāgā upekkhako ca viharati sato ca sampajāno, sukhañca kāyena paṭisaṃvedeti. Yaṃ taṃ ariyā ācikkhanti – ‘upekkhako satimā sukhavihārī’ti tatiyaṃ jhānaṃ upasampajja viharati. Evampi, bhikkhave, saphalo upakkamo hoti, saphalaṃ padhānaṃ.
‘‘буна жабарам̣, бхигкавз, бхигку сукасса жа бахаанаа д̣̇угкасса жа бахаанаа, буб̣б̣зва соманассад̣̇оманассаанам̣ ад̇т̇ан̇г̇амаа, ад̣̇угкамасукам̣ убзгкаасад̇ибаарисуд̣̇д̇хим̣ жад̇уд̇т̇ам̣ жхаанам̣ убасамбаж̇ж̇а вихарад̇и. звамби, бхигкавз, сапало убаггамо ход̇и, сапалам̣ бад̇хаанам̣.
‘‘Puna caparaṃ, bhikkhave, bhikkhu sukhassa ca pahānā dukkhassa ca pahānā, pubbeva somanassadomanassānaṃ atthaṅgamā, adukkhamasukhaṃ upekkhāsatipārisuddhiṃ catutthaṃ jhānaṃ upasampajja viharati. Evampi, bhikkhave, saphalo upakkamo hoti, saphalaṃ padhānaṃ.
17. ‘‘со звам̣ самаахид̇з жид̇д̇з барисуд̣̇д̇хз барияод̣̇аад̇з анан̇г̇ан̣з виг̇ад̇уубаггилзсз муд̣̇убхууд̇з гамманияз тид̇з аанзн̃ж̇аббад̇д̇з буб̣б̣зниваасаануссад̇ин̃аан̣ааяа жид̇д̇ам̣ абхининнаамзд̇и. со анзгавихид̇ам̣ буб̣б̣зниваасам̣ ануссарад̇и, сзяяат̇ид̣̇ам̣ 39 – згамби ж̇аад̇им̣ д̣̇взби ж̇аад̇ияо д̇иссоби ж̇аад̇ияо жад̇ассоби ж̇аад̇ияо бан̃жаби ж̇аад̇ияо д̣̇асаби ж̇аад̇ияо вийсамби ж̇аад̇ияо д̇им̣самби ж̇аад̇ияо жад̇д̇аалийсамби ж̇аад̇ияо бан̃н̃аасамби ж̇аад̇ияо ж̇аад̇исад̇амби ж̇аад̇исахассамби ж̇аад̇исад̇асахассамби анзгзби сам̣ваддагаббз анзгзби виваддагаббз анзгзби сам̣ваддавиваддагаббз – ‘амуд̇раасим̣ звам̣наамо звам̣г̇од̇д̇о звам̣ван̣н̣о звамаахааро звам̣сукад̣̇угкаббадисам̣взд̣̇ий звамааяубарияанд̇о, со д̇ад̇о жуд̇о амуд̇ра уд̣̇абаад̣̇им̣; д̇ад̇раабаасим̣ звам̣наамо звам̣г̇од̇д̇о звам̣ван̣н̣о звамаахааро звам̣сукад̣̇угкаббадисам̣взд̣̇ий звамааяубарияанд̇о, со д̇ад̇о жуд̇о ид̇хуубабанно’д̇и. ид̇и саагаарам̣ сауд̣̇д̣̇зсам̣ анзгавихид̇ам̣ буб̣б̣зниваасам̣ ануссарад̇и. звамби, бхигкавз, сапало убаггамо ход̇и, сапалам̣ бад̇хаанам̣.
17. ‘‘So evaṃ samāhite citte parisuddhe pariyodāte anaṅgaṇe vigatūpakkilese mudubhūte kammaniye ṭhite āneñjappatte pubbenivāsānussatiñāṇāya cittaṃ abhininnāmeti. So anekavihitaṃ pubbenivāsaṃ anussarati, seyyathidaṃ 40 – ekampi jātiṃ dvepi jātiyo tissopi jātiyo catassopi jātiyo pañcapi jātiyo dasapi jātiyo vīsampi jātiyo tiṃsampi jātiyo cattālīsampi jātiyo paññāsampi jātiyo jātisatampi jātisahassampi jātisatasahassampi anekepi saṃvaṭṭakappe anekepi vivaṭṭakappe anekepi saṃvaṭṭavivaṭṭakappe – ‘amutrāsiṃ evaṃnāmo evaṃgotto evaṃvaṇṇo evamāhāro evaṃsukhadukkhappaṭisaṃvedī evamāyupariyanto, so tato cuto amutra udapādiṃ; tatrāpāsiṃ evaṃnāmo evaṃgotto evaṃvaṇṇo evamāhāro evaṃsukhadukkhappaṭisaṃvedī evamāyupariyanto, so tato cuto idhūpapanno’ti. Iti sākāraṃ sauddesaṃ anekavihitaṃ pubbenivāsaṃ anussarati. Evampi, bhikkhave, saphalo upakkamo hoti, saphalaṃ padhānaṃ.
18. ‘‘со звам̣ самаахид̇з жид̇д̇з барисуд̣̇д̇хз барияод̣̇аад̇з анан̇г̇ан̣з виг̇ад̇уубаггилзсз муд̣̇убхууд̇з гамманияз тид̇з аанзн̃ж̇аббад̇д̇з сад̇д̇аанам̣ жуд̇уубабаад̇ан̃аан̣ааяа жид̇д̇ам̣ абхининнаамзд̇и. со д̣̇иб̣б̣зна жагкунаа висуд̣̇д̇хзна ад̇игганд̇амаанусагзна сад̇д̇з бассад̇и жавамаанз убабаж̇ж̇амаанз хийнз бан̣ийд̇з суван̣н̣з д̣̇уб̣б̣ан̣н̣з, суг̇ад̇з д̣̇уг̇г̇ад̇з яат̇аагаммуубаг̇з сад̇д̇з баж̇аанаад̇и – ‘имз вад̇а бхонд̇о сад̇д̇аа гааяад̣̇ужжарид̇зна саманнааг̇ад̇аа важийд̣̇ужжарид̇зна саманнааг̇ад̇аа манод̣̇ужжарид̇зна саманнааг̇ад̇аа арияаанам̣ убаваад̣̇агаа мижчаад̣̇идтигаа мижчаад̣̇идтигаммасамаад̣̇аанаа, д̇з гааяасса бхзд̣̇аа барам̣ маран̣аа абааяам̣ д̣̇уг̇г̇ад̇им̣ винибаад̇ам̣ нираяам̣ убабаннаа. имз ваа бана бхонд̇о сад̇д̇аа гааяасужарид̇зна саманнааг̇ад̇аа важийсужарид̇зна саманнааг̇ад̇аа маносужарид̇зна саманнааг̇ад̇аа арияаанам̣ анубаваад̣̇агаа саммаад̣̇идтигаа саммаад̣̇идтигаммасамаад̣̇аанаа, д̇з гааяасса бхзд̣̇аа барам̣ маран̣аа суг̇ад̇им̣ саг̇г̇ам̣ логам̣ убабаннаа’д̇и. ид̇и д̣̇иб̣б̣зна жагкунаа висуд̣̇д̇хзна ад̇игганд̇амаанусагзна сад̇д̇з бассад̇и жавамаанз убабаж̇ж̇амаанз хийнз бан̣ийд̇з суван̣н̣з д̣̇уб̣б̣ан̣н̣з, суг̇ад̇з д̣̇уг̇г̇ад̇з яат̇аагаммуубаг̇з сад̇д̇з баж̇аанаад̇и. звамби, бхигкавз, сапало убаггамо ход̇и, сапалам̣ бад̇хаанам̣.
18. ‘‘So evaṃ samāhite citte parisuddhe pariyodāte anaṅgaṇe vigatūpakkilese mudubhūte kammaniye ṭhite āneñjappatte sattānaṃ cutūpapātañāṇāya cittaṃ abhininnāmeti. So dibbena cakkhunā visuddhena atikkantamānusakena satte passati cavamāne upapajjamāne hīne paṇīte suvaṇṇe dubbaṇṇe, sugate duggate yathākammūpage satte pajānāti – ‘ime vata bhonto sattā kāyaduccaritena samannāgatā vacīduccaritena samannāgatā manoduccaritena samannāgatā ariyānaṃ upavādakā micchādiṭṭhikā micchādiṭṭhikammasamādānā, te kāyassa bhedā paraṃ maraṇā apāyaṃ duggatiṃ vinipātaṃ nirayaṃ upapannā. Ime vā pana bhonto sattā kāyasucaritena samannāgatā vacīsucaritena samannāgatā manosucaritena samannāgatā ariyānaṃ anupavādakā sammādiṭṭhikā sammādiṭṭhikammasamādānā, te kāyassa bhedā paraṃ maraṇā sugatiṃ saggaṃ lokaṃ upapannā’ti. Iti dibbena cakkhunā visuddhena atikkantamānusakena satte passati cavamāne upapajjamāne hīne paṇīte suvaṇṇe dubbaṇṇe, sugate duggate yathākammūpage satte pajānāti. Evampi, bhikkhave, saphalo upakkamo hoti, saphalaṃ padhānaṃ.
19. ‘‘со звам̣ самаахид̇з жид̇д̇з барисуд̣̇д̇хз барияод̣̇аад̇з анан̇г̇ан̣з виг̇ад̇уубаггилзсз муд̣̇убхууд̇з гамманияз тид̇з аанзн̃ж̇аббад̇д̇з аасаваанам̣ каяан̃аан̣ааяа жид̇д̇ам̣ абхининнаамзд̇и. со ‘ид̣̇ам̣ д̣̇угка’нд̇и яат̇аабхууд̇ам̣ баж̇аанаад̇и, ‘аяам̣ д̣̇угкасамуд̣̇аяо’д̇и яат̇аабхууд̇ам̣ баж̇аанаад̇и, ‘аяам̣ д̣̇угканирод̇хо’д̇и яат̇аабхууд̇ам̣ баж̇аанаад̇и, ‘аяам̣ д̣̇угканирод̇хаг̇ааминий бадибад̣̇аа’д̇и яат̇аабхууд̇ам̣ баж̇аанаад̇и; ‘имз аасаваа’д̇и яат̇аабхууд̇ам̣ баж̇аанаад̇и, ‘аяам̣ аасавасамуд̣̇аяо’д̇и яат̇аабхууд̇ам̣ баж̇аанаад̇и, ‘аяам̣ аасаванирод̇хо’д̇и яат̇аабхууд̇ам̣ баж̇аанаад̇и, ‘аяам̣ аасаванирод̇хаг̇ааминий бадибад̣̇аа’д̇и яат̇аабхууд̇ам̣ баж̇аанаад̇и. д̇асса звам̣ ж̇аанад̇о звам̣ бассад̇о гаамаасавааби жид̇д̇ам̣ вимужжад̇и, бхаваасавааби жид̇д̇ам̣ вимужжад̇и, авиж̇ж̇аасавааби жид̇д̇ам̣ вимужжад̇и. вимуд̇д̇асмим̣ вимуд̇д̇амид̇и н̃аан̣ам̣ ход̇и. ‘кийн̣аа ж̇аад̇и, вусид̇ам̣ б̣рахмажарияам̣, гад̇ам̣ гаран̣ийяам̣, наабарам̣ ид̇т̇ад̇д̇ааяаа’д̇и баж̇аанаад̇и. звамби ко, бхигкавз, сапало убаггамо ход̇и, сапалам̣ бад̇хаанам̣. звам̣ваад̣̇ий, бхигкавз, д̇ат̇ааг̇ад̇аа. звам̣ваад̣̇ийнам̣, бхигкавз, д̇ат̇ааг̇ад̇аанам̣ 41 д̣̇аса сахад̇хаммигаа баасам̣садтаанаа ааг̇ажчанд̇и.
19. ‘‘So evaṃ samāhite citte parisuddhe pariyodāte anaṅgaṇe vigatūpakkilese mudubhūte kammaniye ṭhite āneñjappatte āsavānaṃ khayañāṇāya cittaṃ abhininnāmeti. So ‘idaṃ dukkha’nti yathābhūtaṃ pajānāti, ‘ayaṃ dukkhasamudayo’ti yathābhūtaṃ pajānāti, ‘ayaṃ dukkhanirodho’ti yathābhūtaṃ pajānāti, ‘ayaṃ dukkhanirodhagāminī paṭipadā’ti yathābhūtaṃ pajānāti; ‘ime āsavā’ti yathābhūtaṃ pajānāti, ‘ayaṃ āsavasamudayo’ti yathābhūtaṃ pajānāti, ‘ayaṃ āsavanirodho’ti yathābhūtaṃ pajānāti, ‘ayaṃ āsavanirodhagāminī paṭipadā’ti yathābhūtaṃ pajānāti. Tassa evaṃ jānato evaṃ passato kāmāsavāpi cittaṃ vimuccati, bhavāsavāpi cittaṃ vimuccati, avijjāsavāpi cittaṃ vimuccati. Vimuttasmiṃ vimuttamiti ñāṇaṃ hoti. ‘Khīṇā jāti, vusitaṃ brahmacariyaṃ, kataṃ karaṇīyaṃ, nāparaṃ itthattāyā’ti pajānāti. Evampi kho, bhikkhave, saphalo upakkamo hoti, saphalaṃ padhānaṃ. Evaṃvādī, bhikkhave, tathāgatā. Evaṃvādīnaṃ, bhikkhave, tathāgatānaṃ 42 dasa sahadhammikā pāsaṃsaṭṭhānā āgacchanti.
20. ‘‘сажз , бхигкавз, сад̇д̇аа буб̣б̣згад̇ахзд̇у сукад̣̇угкам̣ бадисам̣взд̣̇знд̇и; ад̣̇д̇хаа, бхигкавз, д̇ат̇ааг̇ад̇о буб̣б̣з сугад̇агаммагаарий яам̣ зд̇арахи зваруубаа анаасаваа сукаа взд̣̇анаа взд̣̇зд̇и. сажз, бхигкавз, сад̇д̇аа иссараниммаанахзд̇у сукад̣̇угкам̣ бадисам̣взд̣̇знд̇и; ад̣̇д̇хаа, бхигкавз, д̇ат̇ааг̇ад̇о бхад̣̇д̣̇агзна иссарзна ниммид̇о яам̣ зд̇арахи зваруубаа анаасаваа сукаа взд̣̇анаа взд̣̇зд̇и. сажз, бхигкавз, сад̇д̇аа сан̇г̇ад̇ибхаавахзд̇у сукад̣̇угкам̣ бадисам̣взд̣̇знд̇и; ад̣̇д̇хаа, бхигкавз, д̇ат̇ааг̇ад̇о галяаан̣асан̇г̇ад̇иго яам̣ зд̇арахи зваруубаа анаасаваа сукаа взд̣̇анаа взд̣̇зд̇и. сажз, бхигкавз, сад̇д̇аа абхиж̇аад̇ихзд̇у сукад̣̇угкам̣ бадисам̣взд̣̇знд̇и; ад̣̇д̇хаа, бхигкавз, д̇ат̇ааг̇ад̇о галяаан̣аабхиж̇аад̇иго яам̣ зд̇арахи зваруубаа анаасаваа сукаа взд̣̇анаа взд̣̇зд̇и. сажз, бхигкавз, сад̇д̇аа д̣̇идтад̇хаммуубаггамахзд̇у сукад̣̇угкам̣ бадисам̣взд̣̇знд̇и; ад̣̇д̇хаа, бхигкавз, д̇ат̇ааг̇ад̇о галяаан̣ад̣̇идтад̇хаммуубаггамо яам̣ зд̇арахи зваруубаа анаасаваа сукаа взд̣̇анаа взд̣̇зд̇и.
20. ‘‘Sace , bhikkhave, sattā pubbekatahetu sukhadukkhaṃ paṭisaṃvedenti; addhā, bhikkhave, tathāgato pubbe sukatakammakārī yaṃ etarahi evarūpā anāsavā sukhā vedanā vedeti. Sace, bhikkhave, sattā issaranimmānahetu sukhadukkhaṃ paṭisaṃvedenti; addhā, bhikkhave, tathāgato bhaddakena issarena nimmito yaṃ etarahi evarūpā anāsavā sukhā vedanā vedeti. Sace, bhikkhave, sattā saṅgatibhāvahetu sukhadukkhaṃ paṭisaṃvedenti; addhā, bhikkhave, tathāgato kalyāṇasaṅgatiko yaṃ etarahi evarūpā anāsavā sukhā vedanā vedeti. Sace, bhikkhave, sattā abhijātihetu sukhadukkhaṃ paṭisaṃvedenti; addhā, bhikkhave, tathāgato kalyāṇābhijātiko yaṃ etarahi evarūpā anāsavā sukhā vedanā vedeti. Sace, bhikkhave, sattā diṭṭhadhammūpakkamahetu sukhadukkhaṃ paṭisaṃvedenti; addhā, bhikkhave, tathāgato kalyāṇadiṭṭhadhammūpakkamo yaṃ etarahi evarūpā anāsavā sukhā vedanā vedeti.
‘‘сажз, бхигкавз, сад̇д̇аа буб̣б̣згад̇ахзд̇у сукад̣̇угкам̣ бадисам̣взд̣̇знд̇и, баасам̣со д̇ат̇ааг̇ад̇о; но жз сад̇д̇аа буб̣б̣згад̇ахзд̇у сукад̣̇угкам̣ бадисам̣взд̣̇знд̇и, баасам̣со д̇ат̇ааг̇ад̇о. сажз, бхигкавз, сад̇д̇аа иссараниммаанахзд̇у сукад̣̇угкам̣ бадисам̣взд̣̇знд̇и, баасам̣со д̇ат̇ааг̇ад̇о; но жз сад̇д̇аа иссараниммаанахзд̇у сукад̣̇угкам̣ бадисам̣взд̣̇знд̇и, баасам̣со д̇ат̇ааг̇ад̇о. сажз, бхигкавз, сад̇д̇аа сан̇г̇ад̇ибхаавахзд̇у сукад̣̇угкам̣ бадисам̣взд̣̇знд̇и, баасам̣со д̇ат̇ааг̇ад̇о; но жз сад̇д̇аа сан̇г̇ад̇ибхаавахзд̇у сукад̣̇угкам̣ бадисам̣взд̣̇знд̇и, баасам̣со д̇ат̇ааг̇ад̇о. сажз, бхигкавз, сад̇д̇аа абхиж̇аад̇ихзд̇у сукад̣̇угкам̣ бадисам̣взд̣̇знд̇и, баасам̣со д̇ат̇ааг̇ад̇о; но жз сад̇д̇аа абхиж̇аад̇ихзд̇у сукад̣̇угкам̣ бадисам̣взд̣̇знд̇и, баасам̣со д̇ат̇ааг̇ад̇о. сажз, бхигкавз, сад̇д̇аа д̣̇идтад̇хаммуубаггамахзд̇у сукад̣̇угкам̣ бадисам̣взд̣̇знд̇и, баасам̣со д̇ат̇ааг̇ад̇о; но жз сад̇д̇аа д̣̇идтад̇хаммуубаггамахзд̇у сукад̣̇угкам̣ бадисам̣взд̣̇знд̇и, баасам̣со д̇ат̇ааг̇ад̇о. звам̣ваад̣̇ий, бхигкавз, д̇ат̇ааг̇ад̇аа. звам̣ваад̣̇ийнам̣, бхигкавз, д̇ат̇ааг̇ад̇аанам̣ имз д̣̇аса сахад̇хаммигаа баасам̣садтаанаа ааг̇ажчанд̇ий’’д̇и.
‘‘Sace, bhikkhave, sattā pubbekatahetu sukhadukkhaṃ paṭisaṃvedenti, pāsaṃso tathāgato; no ce sattā pubbekatahetu sukhadukkhaṃ paṭisaṃvedenti, pāsaṃso tathāgato. Sace, bhikkhave, sattā issaranimmānahetu sukhadukkhaṃ paṭisaṃvedenti, pāsaṃso tathāgato; no ce sattā issaranimmānahetu sukhadukkhaṃ paṭisaṃvedenti, pāsaṃso tathāgato. Sace, bhikkhave, sattā saṅgatibhāvahetu sukhadukkhaṃ paṭisaṃvedenti, pāsaṃso tathāgato; no ce sattā saṅgatibhāvahetu sukhadukkhaṃ paṭisaṃvedenti, pāsaṃso tathāgato. Sace, bhikkhave, sattā abhijātihetu sukhadukkhaṃ paṭisaṃvedenti, pāsaṃso tathāgato; no ce sattā abhijātihetu sukhadukkhaṃ paṭisaṃvedenti, pāsaṃso tathāgato. Sace, bhikkhave, sattā diṭṭhadhammūpakkamahetu sukhadukkhaṃ paṭisaṃvedenti, pāsaṃso tathāgato; no ce sattā diṭṭhadhammūpakkamahetu sukhadukkhaṃ paṭisaṃvedenti, pāsaṃso tathāgato. Evaṃvādī, bhikkhave, tathāgatā. Evaṃvādīnaṃ, bhikkhave, tathāgatānaṃ ime dasa sahadhammikā pāsaṃsaṭṭhānā āgacchantī’’ti.
ид̣̇амавожа бхаг̇аваа. ад̇д̇аманаа д̇з бхигкуу бхаг̇авад̇о бхаасид̇ам̣ абхинанд̣̇унд̇и.
Idamavoca bhagavā. Attamanā te bhikkhū bhagavato bhāsitaṃ abhinandunti.
д̣̇звад̣̇ахасуд̇д̇ам̣ нидтид̇ам̣ батамам̣.
Devadahasuttaṃ niṭṭhitaṃ paṭhamaṃ.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / маж̇жхиманигааяа (адтагат̇аа) • Majjhimanikāya (aṭṭhakathā) / 1. д̣̇звад̣̇ахасуд̇д̇аван̣н̣анаа • 1. Devadahasuttavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / маж̇жхиманигааяа (дийгаа) • Majjhimanikāya (ṭīkā) / 1. д̣̇звад̣̇ахасуд̇д̇аван̣н̣анаа • 1. Devadahasuttavaṇṇanā
