| Library / Tipiṭaka / д̇ибидага • Tipiṭaka / сам̣яуд̇д̇анигааяа • Saṃyuttanikāya |
14. д̣̇звад̣̇ахаваг̇г̇о
14. Devadahavaggo
1. д̣̇звад̣̇ахасуд̇д̇ам̣
1. Devadahasuttaṃ
134. згам̣ самаяам̣ бхаг̇аваа саггзсу вихарад̇и д̣̇звад̣̇ахам̣ наама сагяаанам̣ ниг̇амо. д̇ад̇ра ко бхаг̇аваа бхигкуу ааманд̇зси – ‘‘наахам̣, бхигкавз, саб̣б̣зсам̣язва бхигкуунам̣ часу пассааяад̇анзсу аббамаад̣̇зна гаран̣ийяанд̇и вад̣̇аами, на жа банаахам̣, бхигкавз, саб̣б̣зсам̣язва бхигкуунам̣ часу пассааяад̇анзсу нааббамаад̣̇зна гаран̣ийяанд̇и вад̣̇аами. яз д̇з, бхигкавз, бхигкуу араханд̇о кийн̣аасаваа вусид̇аванд̇о гад̇агаран̣ийяаа охид̇абхаараа ануббад̇д̇асад̣̇ад̇т̇аа баригкийн̣абхавасам̣яож̇анаа саммад̣̇ан̃н̃аа вимуд̇д̇аа, д̇зсаахам̣, бхигкавз, бхигкуунам̣ часу пассааяад̇анзсу нааббамаад̣̇зна гаран̣ийяанд̇и вад̣̇аами. д̇ам̣ гисса хзд̇у? гад̇ам̣ д̇зсам̣ аббамаад̣̇зна, абхаб̣б̣аа д̇з бамаж̇ж̇ид̇ум̣. яз жа ко д̇з, бхигкавз, бхигкуу сзгкаа 1 аббад̇д̇амаанасаа ануд̇д̇арам̣ яог̇агкзмам̣ бад̇т̇аяамаанаа вихаранд̇и, д̇зсаахам̣, бхигкавз, бхигкуунам̣ часу пассааяад̇анзсу аббамаад̣̇зна гаран̣ийяанд̇и вад̣̇аами. д̇ам̣ гисса хзд̇у? санд̇и, бхигкавз, жагкувин̃н̃зяяаа руубаа манорамааби, аманорамааби. д̇яаасса пусса пусса жид̇д̇ам̣ на барияаад̣̇ааяа д̇идтанд̇и. жзд̇асо абарияаад̣̇аанаа аарад̣̇д̇хам̣ ход̇и вийрияам̣ асаллийнам̣, убадтид̇аа сад̇и асаммудтаа 2, бассад̣̇д̇хо гааяо асаарад̣̇д̇хо, самаахид̇ам̣ жид̇д̇ам̣ згаг̇г̇ам̣. имам̣ кваахам̣, бхигкавз, аббамаад̣̇апалам̣ самбассамаано д̇зсам̣ бхигкуунам̣ часу пассааяад̇анзсу аббамаад̣̇зна гаран̣ийяанд̇и вад̣̇аами…бз… санд̇и, бхигкавз, мановин̃н̃зяяаа д̇хаммаа манорамааби аманорамааби. д̇яаасса пусса пусса жид̇д̇ам̣ на барияаад̣̇ааяа д̇идтанд̇и. жзд̇асо абарияаад̣̇аанаа аарад̣̇д̇хам̣ ход̇и вийрияам̣ асаллийнам̣, убадтид̇аа сад̇и асаммудтаа, бассад̣̇д̇хо гааяо асаарад̣̇д̇хо, самаахид̇ам̣ жид̇д̇ам̣ згаг̇г̇ам̣. имам̣ кваахам̣, бхигкавз, аббамаад̣̇апалам̣ самбассамаано д̇зсам̣ бхигкуунам̣ часу 3 пассааяад̇анзсу аббамаад̣̇зна гаран̣ийяанд̇и вад̣̇аамий’’д̇и. батамам̣.
134. Ekaṃ samayaṃ bhagavā sakkesu viharati devadahaṃ nāma sakyānaṃ nigamo. Tatra kho bhagavā bhikkhū āmantesi – ‘‘nāhaṃ, bhikkhave, sabbesaṃyeva bhikkhūnaṃ chasu phassāyatanesu appamādena karaṇīyanti vadāmi, na ca panāhaṃ, bhikkhave, sabbesaṃyeva bhikkhūnaṃ chasu phassāyatanesu nāppamādena karaṇīyanti vadāmi. Ye te, bhikkhave, bhikkhū arahanto khīṇāsavā vusitavanto katakaraṇīyā ohitabhārā anuppattasadatthā parikkhīṇabhavasaṃyojanā sammadaññā vimuttā, tesāhaṃ, bhikkhave, bhikkhūnaṃ chasu phassāyatanesu nāppamādena karaṇīyanti vadāmi. Taṃ kissa hetu? Kataṃ tesaṃ appamādena, abhabbā te pamajjituṃ. Ye ca kho te, bhikkhave, bhikkhū sekkhā 4 appattamānasā anuttaraṃ yogakkhemaṃ patthayamānā viharanti, tesāhaṃ, bhikkhave, bhikkhūnaṃ chasu phassāyatanesu appamādena karaṇīyanti vadāmi. Taṃ kissa hetu? Santi, bhikkhave, cakkhuviññeyyā rūpā manoramāpi, amanoramāpi. Tyāssa phussa phussa cittaṃ na pariyādāya tiṭṭhanti. Cetaso apariyādānā āraddhaṃ hoti vīriyaṃ asallīnaṃ, upaṭṭhitā sati asammuṭṭhā 5, passaddho kāyo asāraddho, samāhitaṃ cittaṃ ekaggaṃ. Imaṃ khvāhaṃ, bhikkhave, appamādaphalaṃ sampassamāno tesaṃ bhikkhūnaṃ chasu phassāyatanesu appamādena karaṇīyanti vadāmi…pe… santi, bhikkhave, manoviññeyyā dhammā manoramāpi amanoramāpi. Tyāssa phussa phussa cittaṃ na pariyādāya tiṭṭhanti. Cetaso apariyādānā āraddhaṃ hoti vīriyaṃ asallīnaṃ, upaṭṭhitā sati asammuṭṭhā, passaddho kāyo asāraddho, samāhitaṃ cittaṃ ekaggaṃ. Imaṃ khvāhaṃ, bhikkhave, appamādaphalaṃ sampassamāno tesaṃ bhikkhūnaṃ chasu 6 phassāyatanesu appamādena karaṇīyanti vadāmī’’ti. Paṭhamaṃ.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 1. д̣̇звад̣̇ахасуд̇д̇аван̣н̣анаа • 1. Devadahasuttavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 1. д̣̇звад̣̇ахасуд̇д̇аван̣н̣анаа • 1. Devadahasuttavaṇṇanā
