| Library / Tipiṭaka / д̇ибидага • Tipiṭaka / маж̇жхиманигааяа (адтагат̇аа) • Majjhimanikāya (aṭṭhakathā) |
намо д̇асса бхаг̇авад̇о арахад̇о саммаасамб̣уд̣̇д̇хасса
Namo tassa bhagavato arahato sammāsambuddhassa
маж̇жхиманигааяз
Majjhimanikāye
убарибан̣н̣ааса-адтагат̇аа
Uparipaṇṇāsa-aṭṭhakathā
1. д̣̇звад̣̇ахаваг̇г̇о
1. Devadahavaggo
1. д̣̇звад̣̇ахасуд̇д̇аван̣н̣анаа
1. Devadahasuttavaṇṇanā
1. звам̣ мз суд̇анд̇и д̣̇звад̣̇ахасуд̇д̇ам̣. д̇ад̇т̇а д̣̇звад̣̇ахам̣ наамаад̇и д̣̇зваа вужжанд̇и рааж̇аано, д̇ад̇т̇а жа сагяарааж̇уунам̣ ман̇г̇алабогкаран̣ий ахоси баасаад̣̇игаа аарагкасамбаннаа, саа д̣̇зваанам̣ д̣̇ахад̇д̇аа ‘‘д̣̇звад̣̇аха’’нд̇и бан̃н̃ааяид̇т̇а. д̇ад̣̇убаад̣̇ааяа соби ниг̇амо д̣̇звад̣̇аханд̇взва сан̇кам̣ г̇ад̇о. бхаг̇аваа д̇ам̣ ниг̇амам̣ ниссааяа лумб̣иниванз вихарад̇и. саб̣б̣ам̣ д̇ам̣ буб̣б̣згад̇ахзд̇ууд̇и буб̣б̣з гад̇агаммабажжаяаа. иминаа гаммавзд̣̇анан̃жа гирияавзд̣̇анан̃жа бадигкибид̇ваа згам̣ вибаагавзд̣̇анамзва самбадижчанд̇ийд̇и д̣̇ассзд̇и. звам̣ ваад̣̇ино, бхигкавз, ниг̇ан̣таад̇и иминаа буб̣б̣з анияамзд̇ваа вуд̇д̇ам̣ нияамзд̇ваа д̣̇ассзд̇и.
1.Evaṃme sutanti devadahasuttaṃ. Tattha devadahaṃ nāmāti devā vuccanti rājāno, tattha ca sakyarājūnaṃ maṅgalapokkharaṇī ahosi pāsādikā ārakkhasampannā, sā devānaṃ dahattā ‘‘devadaha’’nti paññāyittha. Tadupādāya sopi nigamo devadahantveva saṅkhaṃ gato. Bhagavā taṃ nigamaṃ nissāya lumbinivane viharati. Sabbaṃ taṃ pubbekatahetūti pubbe katakammapaccayā. Iminā kammavedanañca kiriyavedanañca paṭikkhipitvā ekaṃ vipākavedanameva sampaṭicchantīti dasseti. Evaṃ vādino, bhikkhave, nigaṇṭhāti iminā pubbe aniyametvā vuttaṃ niyametvā dasseti.
ахувамхзва маяанд̇и ид̣̇ам̣ бхаг̇аваа д̇зсам̣ аж̇аананабхаавам̣ ж̇аананд̇ова гзвалам̣ галисаасанам̣ ааробзд̇угаамо бужчад̇и. яз хи ‘‘маяам̣ ахувамхаа’’д̇иби на ж̇аананд̇и, д̇з гат̇ам̣ гаммасса гад̇абхаавам̣ ваа агад̇абхаавам̣ ваа ж̇ааниссанд̇и. уд̇д̇арибужчааяаби зсзва наяо.
Ahuvamhevamayanti idaṃ bhagavā tesaṃ ajānanabhāvaṃ jānantova kevalaṃ kalisāsanaṃ āropetukāmo pucchati. Ye hi ‘‘mayaṃ ahuvamhā’’tipi na jānanti, te kathaṃ kammassa katabhāvaṃ vā akatabhāvaṃ vā jānissanti. Uttaripucchāyapi eseva nayo.
2. звам̣ санд̇зд̇и жуул̣ад̣̇угкагканд̇хз (ма. ни. 1.179-180) махааниг̇ан̣тасса важанз сажжз санд̇зд̇и ад̇т̇о, ид̇ха бана зд̇д̇агасса таанасса д̇умхаагам̣ аж̇аананабхаавз санд̇зд̇и ад̇т̇о. на галланд̇и на яуд̇д̇ам̣.
2.Evaṃ santeti cūḷadukkhakkhandhe (ma. ni. 1.179-180) mahānigaṇṭhassa vacane sacce santeti attho, idha pana ettakassa ṭhānassa tumhākaṃ ajānanabhāve santeti attho. Na kallanti na yuttaṃ.
3. г̇аал̣хуубалзбанзнаад̇и б̣ахалуубалзбанзна, бунаббунам̣ висаран̃ж̇ид̇зна, на бана калияаа лид̇д̇зна вияа. зсанияаад̇и зсанисалаагааяа анд̇амасо нанд̇агаваддияааби. зсзяяаад̇и г̇амбхийрам̣ ваа уд̇д̇аанам̣ ваад̇и виймам̣сзяяа. аг̇ад̣̇ан̇г̇ааранд̇и жхаамахарийд̇агасса ваа аамалагасса ваа жун̣н̣ам̣. од̣̇ахзяяаад̇и багкибзяяа. арог̇од̇иаад̣̇и мааг̇ан̣д̣ияасуд̇д̇з (ма. ни. 2.213) вуд̇д̇амзва.
3.Gāḷhūpalepanenāti bahalūpalepanena, punappunaṃ visarañjitena, na pana khaliyā littena viya. Esaniyāti esanisalākāya antamaso nantakavaṭṭiyāpi. Eseyyāti gambhīraṃ vā uttānaṃ vāti vīmaṃseyya. Agadaṅgāranti jhāmaharītakassa vā āmalakassa vā cuṇṇaṃ. Odaheyyāti pakkhipeyya. Arogotiādi māgaṇḍiyasutte (ma. ni. 2.213) vuttameva.
звамзва код̇и зд̇т̇а ид̣̇ам̣ обаммасам̣санд̣̇анам̣, саллзна вид̣̇д̇хасса хи вид̣̇д̇хагаалз взд̣̇анааяа баагадагаало вияа имзсам̣ ‘‘маяам̣ буб̣б̣з ахувамхаа ваа но ваа, баабагаммам̣ агарамхаа ваа но ваа, зваруубам̣ ваа баабам̣ гарамхаа’’д̇и ж̇аананагаало сияаа. ван̣амукасса бариганд̇анаад̣̇ийсу жад̇уусу гаалзсу взд̣̇анааяа баагадагаало вияа ‘‘зд̇д̇агам̣ ваа но д̣̇угкам̣ ниж̇ж̇ин̣н̣ам̣, зд̇д̇агз ваа ниж̇ж̇ин̣н̣з саб̣б̣амзва д̣̇угкам̣ ниж̇ж̇ин̣н̣ам̣ бхависсад̇и, суд̣̇д̇ханд̇з бад̇идтид̇аа наама бхависсаамаа’’д̇и ж̇аананагаало сияаа. абарабхааг̇з паасубхааваж̇аананагаало вияа д̣̇идтзва д̇хаммз агусалаанам̣ д̇хаммаанам̣ бахаанааяа гусалаанам̣ д̇хаммаанам̣ убасамбад̣̇ааяа ж̇аананагаало сияаа. звамзд̇т̇а згааяа убамааяа д̇аяо ад̇т̇аа, жад̇уухи убамаахи зго ад̇т̇о барид̣̇ийбид̇о.
Evameva khoti ettha idaṃ opammasaṃsandanaṃ, sallena viddhassa hi viddhakāle vedanāya pākaṭakālo viya imesaṃ ‘‘mayaṃ pubbe ahuvamhā vā no vā, pāpakammaṃ akaramhā vā no vā, evarūpaṃ vā pāpaṃ karamhā’’ti jānanakālo siyā. Vaṇamukhassa parikantanādīsu catūsu kālesu vedanāya pākaṭakālo viya ‘‘ettakaṃ vā no dukkhaṃ nijjiṇṇaṃ, ettake vā nijjiṇṇe sabbameva dukkhaṃ nijjiṇṇaṃ bhavissati, suddhante patiṭṭhitā nāma bhavissāmā’’ti jānanakālo siyā. Aparabhāge phāsubhāvajānanakālo viya diṭṭheva dhamme akusalānaṃ dhammānaṃ pahānāya kusalānaṃ dhammānaṃ upasampadāya jānanakālo siyā. Evamettha ekāya upamāya tayo atthā, catūhi upamāhi eko attho paridīpito.
4. имз бана д̇ад̇о згамби на ж̇аананд̇и, вираж̇жхид̇ваа г̇ад̇з саллз авид̣̇д̇хова ‘‘вид̣̇д̇хоси маяаа’’д̇и бажжад̇т̇игасса важанаббамаан̣знзва ‘‘вид̣̇д̇хосмий’’д̇и сан̃н̃ам̣ уббаад̣̇зд̇ваа д̣̇угкаббад̇д̇абурисо вияа гзвалам̣ махааниг̇ан̣тасса важанаббамаан̣зна саб̣б̣амзд̇ам̣ сад̣̇д̣̇аханд̇аа звам̣ саллобамааяа бхаг̇авад̇аа ниг̇г̇ахид̇аа бажжаахарид̇ум̣ асаггонд̇аа яат̇аа наама д̣̇уб̣б̣ало сунако миг̇ам̣ удтаабзд̇ваа саамигасса абхимукам̣ гарид̇ваа ад̇д̇анаа осаггад̇и, звам̣ махааниг̇ан̣тасса мад̇т̇агз ваад̣̇ам̣ багкибанд̇аа ниг̇ан̣то, аавусод̇иаад̣̇иймаахам̣су.
4. Ime pana tato ekampi na jānanti, virajjhitvā gate salle aviddhova ‘‘viddhosi mayā’’ti paccatthikassa vacanappamāṇeneva ‘‘viddhosmī’’ti saññaṃ uppādetvā dukkhappattapuriso viya kevalaṃ mahānigaṇṭhassa vacanappamāṇena sabbametaṃ saddahantā evaṃ sallopamāya bhagavatā niggahitā paccāharituṃ asakkontā yathā nāma dubbalo sunakho migaṃ uṭṭhāpetvā sāmikassa abhimukhaṃ karitvā attanā osakkati, evaṃ mahānigaṇṭhassa matthake vādaṃ pakkhipantā nigaṇṭho, āvusotiādīmāhaṃsu.
5. ат̇а нз бхаг̇аваа саажарияагз ниг̇г̇ан̣ханд̇о бан̃жа ко имзд̇иаад̣̇имааха. д̇ад̇рааяасманд̇аананд̇и д̇зсу бан̃жасу д̇хаммзсу ааяасманд̇аанам̣. гаа ад̇ийд̇ам̣сз сад̇т̇ари сад̣̇д̇хаад̇и ад̇ийд̇ам̣саваад̣̇имхи сад̇т̇ари гаа сад̣̇д̇хаа. яаа ад̇ийд̇аваад̣̇ам̣ сад̣̇д̣̇аханд̇аанам̣ д̇умхаагам̣ махааниг̇ан̣тасса сад̣̇д̇хаа, саа гад̇амаа? гим̣ бхууд̇ад̇т̇аа абхууд̇ад̇т̇аа, бхууд̇авибаагаа абхууд̇авибаагаад̇и бужчад̇и. сзсабад̣̇зсуби зсзва наяо. сахад̇хаммиганд̇и сахзд̇угам̣ сагааран̣ам̣. ваад̣̇абадихааранд̇и бажжааг̇аманагаваад̣̇ам̣. зд̇д̇аавад̇аа д̇зсам̣ ‘‘абанзт̇а сад̣̇д̇хам̣, саб̣б̣ад̣̇уб̣б̣алаа зсаа’’д̇и сад̣̇д̇хаачзд̣̇агаваад̣̇ам̣ наама д̣̇ассзд̇и.
5. Atha ne bhagavā sācariyake niggaṇhanto pañca kho imetiādimāha. Tatrāyasmantānanti tesu pañcasu dhammesu āyasmantānaṃ. Kā atītaṃse satthari saddhāti atītaṃsavādimhi satthari kā saddhā. Yā atītavādaṃ saddahantānaṃ tumhākaṃ mahānigaṇṭhassa saddhā, sā katamā? Kiṃ bhūtatthā abhūtatthā, bhūtavipākā abhūtavipākāti pucchati. Sesapadesupi eseva nayo. Sahadhammikanti sahetukaṃ sakāraṇaṃ. Vādapaṭihāranti paccāgamanakavādaṃ. Ettāvatā tesaṃ ‘‘apanetha saddhaṃ, sabbadubbalā esā’’ti saddhāchedakavādaṃ nāma dasseti.
6. авиж̇ж̇аа ан̃н̃аан̣аад̇и авиж̇ж̇ааяа ан̃н̃аан̣зна. саммохаад̇и саммохзна. вибажжзт̇аад̇и вибарийд̇ад̇о сад̣̇д̣̇ахат̇а, вибаллаасаг̇г̇аахам̣ ваа г̇ан̣хат̇аад̇и ад̇т̇о.
6.Avijjā aññāṇāti avijjāya aññāṇena. Sammohāti sammohena. Vipaccethāti viparītato saddahatha, vipallāsaggāhaṃ vā gaṇhathāti attho.
7. д̣̇идтад̇хаммавзд̣̇анийяанд̇и имасмим̣язва ад̇д̇абхаавз вибаагад̣̇ааяагам̣. убаггамзнаад̇и баяог̇зна. бад̇хаанзнаад̇и вийриязна. самбарааяавзд̣̇анийяанд̇и д̣̇уд̇ияз ваа д̇ад̇ияз ваа ад̇д̇абхаавз вибаагад̣̇ааяагам̣. сукавзд̣̇анийяанд̇и идтаарамман̣авибаагад̣̇ааяагам̣ гусалагаммам̣. вибарийд̇ам̣ д̣̇угкавзд̣̇анийяам̣. барибаггавзд̣̇анийяанд̇и барибаггз нибпаннз ад̇д̇абхаавз взд̣̇анийяам̣, д̣̇идтад̇хаммавзд̣̇анийяассзвзд̇ам̣ ад̇хиважанам̣. абарибаггавзд̣̇анийяанд̇и абарибаггз ад̇д̇абхаавз взд̣̇анийяам̣, самбарааяавзд̣̇анийяассзвзд̇ам̣ ад̇хиважанам̣. звам̣ санд̇зби аяамзд̇т̇а висзсо – яам̣ батамаваяз гад̇ам̣ батамаваяз ваа маж̇жхимаваяз ваа бажчимаваяз ваа вибаагам̣ д̣̇зд̇и, маж̇жхимаваяз гад̇ам̣ маж̇жхимаваяз ваа бажчимаваяз ваа вибаагам̣ д̣̇зд̇и, бажчимаваяз гад̇ам̣ д̇ад̇т̇зва вибаагам̣ д̣̇зд̇и, д̇ам̣ д̣̇идтад̇хаммавзд̣̇анийяам̣ наама. яам̣ бана сад̇д̇ад̣̇ивасаб̣бханд̇арз вибаагам̣ д̣̇зд̇и, д̇ам̣ барибаггавзд̣̇анийяам̣ наама. д̇ам̣ гусаламби ход̇и агусаламби.
7.Diṭṭhadhammavedanīyanti imasmiṃyeva attabhāve vipākadāyakaṃ. Upakkamenāti payogena. Padhānenāti vīriyena. Samparāyavedanīyanti dutiye vā tatiye vā attabhāve vipākadāyakaṃ. Sukhavedanīyanti iṭṭhārammaṇavipākadāyakaṃ kusalakammaṃ. Viparītaṃ dukkhavedanīyaṃ. Paripakkavedanīyanti paripakke nipphanne attabhāve vedanīyaṃ, diṭṭhadhammavedanīyassevetaṃ adhivacanaṃ. Aparipakkavedanīyanti aparipakke attabhāve vedanīyaṃ, samparāyavedanīyassevetaṃ adhivacanaṃ. Evaṃ santepi ayamettha viseso – yaṃ paṭhamavaye kataṃ paṭhamavaye vā majjhimavaye vā pacchimavaye vā vipākaṃ deti, majjhimavaye kataṃ majjhimavaye vā pacchimavaye vā vipākaṃ deti, pacchimavaye kataṃ tattheva vipākaṃ deti, taṃ diṭṭhadhammavedanīyaṃ nāma. Yaṃ pana sattadivasabbhantare vipākaṃ deti, taṃ paripakkavedanīyaṃ nāma. Taṃ kusalampi hoti akusalampi.
д̇ад̇римаани вад̇т̇ууни – бун̣н̣о наама гира д̣̇уг̇г̇ад̇амануссо рааж̇аг̇ахз суманасздтим̣ ниссааяа васад̇и. д̇амзнам̣ згад̣̇ивасам̣ наг̇арамхи нагкад̇д̇з сан̇гхудтз сздти ааха – ‘‘сажз аж̇ж̇а гасиссаси, д̣̇вз жа г̇он̣з нан̇г̇алан̃жа лабхиссаси. гим̣ нагкад̇д̇ам̣ гийл̣иссаси, гасиссасий’’д̇и. гим̣ мз нагкад̇д̇зна, гасиссаамийд̇и? д̇зна хи яз г̇он̣з ижчаси, д̇з г̇ахзд̇ваа гасаахийд̇и. со гасид̇ум̣ г̇ад̇о. д̇ам̣ д̣̇ивасам̣ саарибуд̇д̇ад̇т̇зро нирод̇хаа вудтааяа ‘‘гасса сан̇г̇ахам̣ гаромий’’д̇и? ааваж̇ж̇анд̇о бун̣н̣ам̣ д̣̇исваа бад̇д̇ажийварам̣ аад̣̇ааяа д̇асса гасанадтаанам̣ г̇ад̇о. бун̣н̣о гасим̣ табзд̇ваа т̇зрасса д̣̇анд̇агадтам̣ д̣̇ад̇ваа мукод̣̇агам̣ ад̣̇ааси. т̇зро сарийрам̣ бадиж̇аг̇г̇ид̇ваа гамманд̇асса авид̣̇уурз нисийд̣̇и бхад̇д̇аабхихаарам̣ ологзнд̇о. ат̇асса бхарияам̣ бхад̇д̇ам̣ аахаранд̇им̣ д̣̇исваа анд̇араамаг̇г̇зязва ад̇д̇аанам̣ д̣̇ассзси.
Tatrimāni vatthūni – puṇṇo nāma kira duggatamanusso rājagahe sumanaseṭṭhiṃ nissāya vasati. Tamenaṃ ekadivasaṃ nagaramhi nakkhatte saṅghuṭṭhe seṭṭhi āha – ‘‘sace ajja kasissasi, dve ca goṇe naṅgalañca labhissasi. Kiṃ nakkhattaṃ kīḷissasi, kasissasī’’ti. Kiṃ me nakkhattena, kasissāmīti? Tena hi ye goṇe icchasi, te gahetvā kasāhīti. So kasituṃ gato. Taṃ divasaṃ sāriputtatthero nirodhā vuṭṭhāya ‘‘kassa saṅgahaṃ karomī’’ti? Āvajjanto puṇṇaṃ disvā pattacīvaraṃ ādāya tassa kasanaṭṭhānaṃ gato. Puṇṇo kasiṃ ṭhapetvā therassa dantakaṭṭhaṃ datvā mukhodakaṃ adāsi. Thero sarīraṃ paṭijaggitvā kammantassa avidūre nisīdi bhattābhihāraṃ olokento. Athassa bhariyaṃ bhattaṃ āharantiṃ disvā antarāmaggeyeva attānaṃ dassesi.
саа саамигасса аахадабхад̇д̇ам̣ т̇зрасса бад̇д̇з багкибид̇ваа буна г̇анд̇ваа ан̃н̃ам̣ бхад̇д̇ам̣ самбаад̣̇зд̇ваа д̣̇иваа аг̇амааси. бун̣н̣о згаваарам̣ гасид̇ваа нисийд̣̇и. сааби бхад̇д̇ам̣ г̇ахзд̇ваа ааг̇ажчанд̇ий ааха – ‘‘саами баад̇ова д̇з бхад̇д̇ам̣ аахарияид̇т̇а, анд̇араамаг̇г̇з бана саарибуд̇д̇ад̇т̇зрам̣ д̣̇исваа д̇ам̣ д̇асса д̣̇ад̇ваа ан̃н̃ам̣ бажид̇ваа аахаранд̇ияаа мз уссууро ж̇аад̇о, маа гуж̇жхи саамий’’д̇и. бхад̣̇д̣̇агам̣ д̇з бхад̣̇д̣̇з гад̇ам̣, маяаа т̇зрасса баад̇ова д̣̇анд̇агадтан̃жа мукод̣̇аган̃жа д̣̇иннам̣, амхаагам̣язваанзна бин̣д̣абаад̇оби барибхуд̇д̇о, аж̇ж̇а т̇зрзна гад̇асаман̣ад̇хаммасса маяам̣ бхааг̇ино ж̇аад̇аад̇и жид̇д̇ам̣ басаад̣̇зси. згаваарам̣ гасид̇адтаанам̣ суван̣н̣амзва ахоси. со бхун̃ж̇ид̇ваа гасид̇адтаанам̣ ологзнд̇о виж̇ж̇од̇амаанам̣ д̣̇исваа удтааяа яадтияаа бахарид̇ваа рад̇д̇асуван̣н̣абхаавам̣ ж̇аанид̇ваа ‘‘ран̃н̃о агат̇зд̇ваа барибхун̃ж̇ид̇ум̣ на саггаа’’д̇и г̇анд̇ваа ран̃н̃о аарожзси. рааж̇аа д̇ам̣ саб̣б̣ам̣ сагадзхи аахараабзд̇ваа рааж̇ан̇г̇ан̣з раасим̣ гаарзд̇ваа ‘‘гассимасмим̣ наг̇арз зд̇д̇агам̣ суван̣н̣ам̣ ад̇т̇ий’’д̇и бужчи. гассажи над̇т̇ийд̇и жа вуд̇д̇з сздтидтаанамасса ад̣̇ааси. со бун̣н̣асздти наама ж̇аад̇о.
Sā sāmikassa āhaṭabhattaṃ therassa patte pakkhipitvā puna gantvā aññaṃ bhattaṃ sampādetvā divā agamāsi. Puṇṇo ekavāraṃ kasitvā nisīdi. Sāpi bhattaṃ gahetvā āgacchantī āha – ‘‘sāmi pātova te bhattaṃ āhariyittha, antarāmagge pana sāriputtattheraṃ disvā taṃ tassa datvā aññaṃ pacitvā āharantiyā me ussūro jāto, mā kujjhi sāmī’’ti. Bhaddakaṃ te bhadde kataṃ, mayā therassa pātova dantakaṭṭhañca mukhodakañca dinnaṃ, amhākaṃyevānena piṇḍapātopi paribhutto, ajja therena katasamaṇadhammassa mayaṃ bhāgino jātāti cittaṃ pasādesi. Ekavāraṃ kasitaṭṭhānaṃ suvaṇṇameva ahosi. So bhuñjitvā kasitaṭṭhānaṃ olokento vijjotamānaṃ disvā uṭṭhāya yaṭṭhiyā paharitvā rattasuvaṇṇabhāvaṃ jānitvā ‘‘rañño akathetvā paribhuñjituṃ na sakkā’’ti gantvā rañño ārocesi. Rājā taṃ sabbaṃ sakaṭehi āharāpetvā rājaṅgaṇe rāsiṃ kāretvā ‘‘kassimasmiṃ nagare ettakaṃ suvaṇṇaṃ atthī’’ti pucchi. Kassaci natthīti ca vutte seṭṭhiṭṭhānamassa adāsi. So puṇṇaseṭṭhi nāma jāto.
абарамби вад̇т̇у – д̇асмим̣язва рааж̇аг̇ахз гаал̣авзл̣ияо наама д̣̇уг̇г̇ад̇о ад̇т̇и. д̇асса бхарияаа бан̣н̣амб̣илаяааг̇ум̣ бажи. махаагассабад̇т̇зро нирод̇хаа вудтааяа ‘‘гасса сан̇г̇ахам̣ гаромий’’д̇и ааваж̇ж̇анд̇о д̇ам̣ д̣̇исваа г̇анд̇ваа г̇зхад̣̇ваарз адтааси. саа бад̇д̇ам̣ г̇ахзд̇ваа саб̣б̣ам̣ д̇ад̇т̇а багкибид̇ваа т̇зрасса ад̣̇ааси, т̇зро вихаарам̣ г̇анд̇ваа сад̇т̇у убанаамзси. сад̇т̇аа ад̇д̇ано яаабанамад̇д̇ам̣ г̇ан̣хи, сзсам̣ бан̃жаннам̣ бхигкусад̇аанам̣ бахоси. гаал̣авал̣ияоби д̇ам̣ таанам̣ бад̇д̇о жуул̣агам̣ лабхи. махаагассабо сад̇т̇аарам̣ гаал̣авал̣ияасса вибаагам̣ бужчи. сад̇т̇аа ‘‘ид̇о сад̇д̇амз д̣̇ивасз сздтижчад̇д̇ам̣ лабхиссад̇ий’’д̇и ааха. гаал̣авал̣ияо д̇ам̣ гат̇ам̣ суд̇ваа г̇анд̇ваа бхарияааяа аарожзси.
Aparampi vatthu – tasmiṃyeva rājagahe kāḷaveḷiyo nāma duggato atthi. Tassa bhariyā paṇṇambilayāguṃ paci. Mahākassapatthero nirodhā vuṭṭhāya ‘‘kassa saṅgahaṃ karomī’’ti āvajjanto taṃ disvā gantvā gehadvāre aṭṭhāsi. Sā pattaṃ gahetvā sabbaṃ tattha pakkhipitvā therassa adāsi, thero vihāraṃ gantvā satthu upanāmesi. Satthā attano yāpanamattaṃ gaṇhi, sesaṃ pañcannaṃ bhikkhusatānaṃ pahosi. Kāḷavaḷiyopi taṃ ṭhānaṃ patto cūḷakaṃ labhi. Mahākassapo satthāraṃ kāḷavaḷiyassa vipākaṃ pucchi. Satthā ‘‘ito sattame divase seṭṭhicchattaṃ labhissatī’’ti āha. Kāḷavaḷiyo taṃ kathaṃ sutvā gantvā bhariyāya ārocesi.
д̇ад̣̇аа жа рааж̇аа наг̇арам̣ анусан̃жаранд̇о б̣ахинаг̇арз ж̇ийвасуулз нисиннам̣ бурисам̣ ад̣̇д̣̇аса. бурисо рааж̇аанам̣ д̣̇исваа ужжаасад̣̇д̣̇ам̣ агааси ‘‘д̇умхаагам̣ мз бхун̃ж̇анабхад̇д̇ам̣ бахин̣ат̇а д̣̇зваа’’д̇и. рааж̇аа ‘‘бзсзссаамий’’д̇и вад̇ваа сааяамаасабхад̇д̇з убанийд̇з сарид̇ваа ‘‘имам̣ харид̇ум̣ самад̇т̇ам̣ ж̇аанаат̇аа’’д̇и ааха, наг̇арз сахассабхан̣д̣игам̣ жаарзсум̣. д̇ад̇ияаваарз гаал̣авал̣ияасса бхарияаа аг̇г̇ахзси . ат̇а нам̣ ран̃н̃о д̣̇ассзсум̣, саа бурисавзсам̣ г̇ахзд̇ваа бан̃жаавуд̇хасаннад̣̇д̇хаа бхад̇д̇абаад̇им̣ г̇ахзд̇ваа наг̇араа нигками. б̣ахинаг̇арз д̇аалз ад̇хивад̇т̇о д̣̇ийгхад̇аало наама яагко д̇ам̣ ругкамуулзна г̇ажчанд̇им̣ д̣̇исваа ‘‘д̇идта д̇идта бхагкоси мз’’д̇и ааха. наахам̣ д̇ава бхагко, рааж̇ад̣̇ууд̇о аханд̇и. гад̇т̇а г̇ажчасийд̇и. ж̇ийвасуулз нисиннасса бурисасса санд̇иганд̇и. мамаби згам̣ саасанам̣ харид̇ум̣ сагкиссасийд̇и. аама сагкиссаамийд̇и. ‘‘д̣̇ийгхад̇ааласса бхарияаа суманад̣̇зварааж̇ад̇хийд̇аа гаал̣ий буд̇д̇ам̣ виж̇аад̇аа’’д̇и аарожзяяааси. имасмим̣ д̇ааламуулз сад̇д̇а нид̇хигумбхияо ад̇т̇и, д̇аа д̇вам̣ г̇ан̣хзяяаасийд̇и. саа ‘‘д̣̇ийгхад̇ааласса бхарияаа суманад̣̇зварааж̇ад̇хийд̇аа гаал̣ий буд̇д̇ам̣ виж̇аад̇аа’’д̇и уг̇гхосзнд̇ий аг̇амааси.
Tadā ca rājā nagaraṃ anusañcaranto bahinagare jīvasūle nisinnaṃ purisaṃ addasa. Puriso rājānaṃ disvā uccāsaddaṃ akāsi ‘‘tumhākaṃ me bhuñjanabhattaṃ pahiṇatha devā’’ti. Rājā ‘‘pesessāmī’’ti vatvā sāyamāsabhatte upanīte saritvā ‘‘imaṃ harituṃ samatthaṃ jānāthā’’ti āha, nagare sahassabhaṇḍikaṃ cāresuṃ. Tatiyavāre kāḷavaḷiyassa bhariyā aggahesi . Atha naṃ rañño dassesuṃ, sā purisavesaṃ gahetvā pañcāvudhasannaddhā bhattapātiṃ gahetvā nagarā nikkhami. Bahinagare tāle adhivattho dīghatālo nāma yakkho taṃ rukkhamūlena gacchantiṃ disvā ‘‘tiṭṭha tiṭṭha bhakkhosi me’’ti āha. Nāhaṃ tava bhakkho, rājadūto ahanti. Kattha gacchasīti. Jīvasūle nisinnassa purisassa santikanti. Mamapi ekaṃ sāsanaṃ harituṃ sakkhissasīti. Āma sakkhissāmīti. ‘‘Dīghatālassa bhariyā sumanadevarājadhītā kāḷī puttaṃ vijātā’’ti āroceyyāsi. Imasmiṃ tālamūle satta nidhikumbhiyo atthi, tā tvaṃ gaṇheyyāsīti. Sā ‘‘dīghatālassa bhariyā sumanadevarājadhītā kāḷī puttaṃ vijātā’’ti ugghosentī agamāsi.
суманад̣̇зво яагкасамааг̇амз нисинно суд̇ваа ‘‘зго мануссо амхаагам̣ бияабавад̇д̇им̣ аахарад̇и, баггосат̇а на’’нд̇и саасанам̣ суд̇ваа басанно ‘‘имасса ругкасса бариман̣д̣алажчааяааяа паран̣адтаанз нид̇хигумбхияо д̇уяхам̣ д̣̇аммий’’д̇и ааха. ж̇ийвасуулз нисиннабурисо бхад̇д̇ам̣ бхун̃ж̇ид̇ваа мукабун̃чанагаалз ид̇т̇ипассод̇и н̃ад̇ваа жуул̣ааяа д̣ам̣си, саа асинаа ад̇д̇ано жуул̣ам̣ чинд̣̇ид̇ваа ран̃н̃о санд̇игам̣язва г̇ад̇аа. рааж̇аа бхад̇д̇абхож̇ид̇абхааво гат̇ам̣ ж̇аанид̇аб̣б̣од̇и? жуул̣асан̃н̃ааяаад̇и вад̇ваа ран̃н̃о аажигкид̇ваа д̇ам̣ д̇ханам̣ аахараабзси. рааж̇аа ан̃н̃асса зд̇д̇агам̣ д̇ханам̣ наама ад̇т̇ийд̇и. над̇т̇и д̣̇зваад̇и. рааж̇аа д̇ассаа бад̇им̣ д̇асмим̣ наг̇арз д̇ханасздтим̣ агааси. маллигааяаби д̣̇звияаа вад̇т̇у гат̇зд̇аб̣б̣ам̣. имаани д̇аава гусалагаммз вад̇т̇ууни.
Sumanadevo yakkhasamāgame nisinno sutvā ‘‘eko manusso amhākaṃ piyapavattiṃ āharati, pakkosatha na’’nti sāsanaṃ sutvā pasanno ‘‘imassa rukkhassa parimaṇḍalacchāyāya pharaṇaṭṭhāne nidhikumbhiyo tuyhaṃ dammī’’ti āha. Jīvasūle nisinnapuriso bhattaṃ bhuñjitvā mukhapuñchanakāle itthiphassoti ñatvā cūḷāya ḍaṃsi, sā asinā attano cūḷaṃ chinditvā rañño santikaṃyeva gatā. Rājā bhattabhojitabhāvo kathaṃ jānitabboti? Cūḷasaññāyāti vatvā rañño ācikkhitvā taṃ dhanaṃ āharāpesi. Rājā aññassa ettakaṃ dhanaṃ nāma atthīti. Natthi devāti. Rājā tassā patiṃ tasmiṃ nagare dhanaseṭṭhiṃ akāsi. Mallikāyapi deviyā vatthu kathetabbaṃ. Imāni tāva kusalakamme vatthūni.
нанд̣̇амаан̣аваго бана уббалаван̣н̣ааяа т̇зрияаа виббадибаж̇ж̇и, д̇асса ман̃жад̇о удтааяа нигкамид̇ваа г̇ажчанд̇асса махаабат̇авий бхиж̇ж̇ид̇ваа огаасамад̣̇ааси, д̇ад̇т̇зва махаанарагам̣ бавидто. нанд̣̇оби г̇огхаад̇аго бан̣н̣ааса вассаани г̇огхаад̇агагаммам̣ гад̇ваа згад̣̇ивасам̣ бхож̇анагаалз мам̣сам̣ алабханд̇о згасса ж̇ийвамаанагаг̇он̣асса ж̇ивхам̣ чинд̣̇ид̇ваа ан̇г̇аарзсу бажаабзд̇ваа каад̣̇ид̇ум̣ аарад̣̇д̇хо. ат̇асса ж̇ивхаа муулз чиж̇ж̇ид̇ваа бхад̇д̇абаад̇ияам̣язва бад̇ид̇аа, со вираванд̇о гаалам̣ гад̇ваа нираяз ниб̣б̣ад̇д̇и. нанд̣̇оби яагко ан̃н̃зна яагкзна сад̣̇д̇хим̣ аагаасзна г̇ажчанд̇о саарибуд̇д̇ад̇т̇зрам̣ наворобид̇зхи гзсзхи рад̇д̇ибхааг̇з аб̣бхогаасз нисиннам̣ д̣̇исваа сийсз бахарид̇угаамо ид̇арасса яагкасса аарожзд̇ваа д̇зна ваарияамааноби бахаарам̣ д̣̇ад̇ваа д̣аяхаами д̣аяхаамийд̇и вираванд̇о д̇асмим̣язва таанз бхуумим̣ бависид̇ваа махаанираяз ниб̣б̣ад̇д̇од̇и имаани агусалагаммз вад̇т̇ууни.
Nandamāṇavako pana uppalavaṇṇāya theriyā vippaṭipajji, tassa mañcato uṭṭhāya nikkhamitvā gacchantassa mahāpathavī bhijjitvā okāsamadāsi, tattheva mahānarakaṃ paviṭṭho. Nandopi goghātako paṇṇāsa vassāni goghātakakammaṃ katvā ekadivasaṃ bhojanakāle maṃsaṃ alabhanto ekassa jīvamānakagoṇassa jivhaṃ chinditvā aṅgāresu pacāpetvā khādituṃ āraddho. Athassa jivhā mūle chijjitvā bhattapātiyaṃyeva patitā, so viravanto kālaṃ katvā niraye nibbatti. Nandopi yakkho aññena yakkhena saddhiṃ ākāsena gacchanto sāriputtattheraṃ navoropitehi kesehi rattibhāge abbhokāse nisinnaṃ disvā sīse paharitukāmo itarassa yakkhassa ārocetvā tena vāriyamānopi pahāraṃ datvā ḍayhāmi ḍayhāmīti viravanto tasmiṃyeva ṭhāne bhūmiṃ pavisitvā mahāniraye nibbattoti imāni akusalakamme vatthūni.
яам̣ бана анд̇амасо маран̣асанд̇игзби гад̇ам̣ гаммам̣ бхаванд̇арз вибаагам̣ д̣̇зд̇и, д̇ам̣ саб̣б̣ам̣ самбарааяавзд̣̇анийяам̣ наама. д̇ад̇т̇а яо абарихийнасса жхаанасса вибааго ниб̣б̣ад̇д̇иссад̇и, со ид̇ха ниб̣б̣ад̇д̇ид̇авибаагод̇и вуд̇д̇о. д̇асса муулабхууд̇ам̣ гаммам̣ нзва д̣̇идтад̇хаммавзд̣̇анийяам̣ на самбарааяавзд̣̇анийяанд̇и, на вижаарид̇ам̣, гин̃жааби на вижаарид̇ам̣, самбарааяавзд̣̇анийяамзва банзд̇анд̇и взд̣̇ид̇аб̣б̣ам̣. яо батамамаг̇г̇аад̣̇ийнам̣ бхаванд̇арз паласамаабад̇д̇ивибааго, со ид̇ха ниб̣б̣ад̇д̇ид̇аг̇ун̣од̇взва вуд̇д̇о. гин̃жааби звам̣ вуд̇д̇о, маг̇г̇агаммам̣ бана барибаггавзд̣̇анийяанд̇и взд̣̇ид̇аб̣б̣ам̣. маг̇г̇ажзд̇анааязва хи саб̣б̣алахум̣ палад̣̇ааяигаа ананд̇арапалад̇д̇аад̇и.
Yaṃ pana antamaso maraṇasantikepi kataṃ kammaṃ bhavantare vipākaṃ deti, taṃ sabbaṃ samparāyavedanīyaṃ nāma. Tattha yo aparihīnassa jhānassa vipāko nibbattissati, so idha nibbattitavipākoti vutto. Tassa mūlabhūtaṃ kammaṃ neva diṭṭhadhammavedanīyaṃ na samparāyavedanīyanti, na vicāritaṃ, kiñcāpi na vicāritaṃ, samparāyavedanīyameva panetanti veditabbaṃ. Yo paṭhamamaggādīnaṃ bhavantare phalasamāpattivipāko, so idha nibbattitaguṇotveva vutto. Kiñcāpi evaṃ vutto, maggakammaṃ pana paripakkavedanīyanti veditabbaṃ. Maggacetanāyeva hi sabbalahuṃ phaladāyikā anantaraphalattāti.
8. б̣ахувзд̣̇анийяанд̇и сан̃н̃аабхавуубаг̇ам̣. аббавзд̣̇анийяанд̇и асан̃н̃аабхавуубаг̇ам̣. савзд̣̇анийяанд̇и савибаагам̣ гаммам̣. авзд̣̇анийяанд̇и авибаагам̣ гаммам̣. звам̣ санд̇зд̇и имзсам̣ д̣̇идтад̇хаммавзд̣̇анийяаад̣̇ийнам̣ гаммаанам̣ убаггамзна самбарааяавзд̣̇анийяаад̣̇и бхаавагааран̣асса алаабхз сад̇и. апалод̇и нибпало нирад̇т̇агод̇и. зд̇д̇аавад̇аа анияяаанигасаасанз баяог̇асса апалад̇ам̣ д̣̇ассзд̇ваа бад̇хаанажчзд̣̇агаваад̣̇о наама д̣̇ассид̇од̇и взд̣̇ид̇аб̣б̣о. сахад̇хаммигаа ваад̣̇аануваад̣̇аад̇и барзхи вуд̇д̇агааран̣зна сагааран̣аа худ̇ваа ниг̇ан̣таанам̣ ваад̣̇аа жа ануваад̣̇аа жа. г̇аараяхам̣ таанам̣ ааг̇ажчанд̇ийд̇и вин̃н̃уухи г̇арахид̇аб̣б̣ам̣ гааран̣ам̣ ааг̇ажчанд̇и. ‘‘ваад̣̇аануббад̇д̇аа г̇аараяхадтаанаа’’д̇иби баато. д̇ассад̇т̇о – барзхи вуд̇д̇зна гааран̣зна сагааран̣аа ниг̇ан̣таанам̣ ваад̣̇ам̣ ануббад̇д̇аа д̇ам̣ ваад̣̇ам̣ сосзнд̇аа милаабзнд̇аа д̣̇уггадагаммагааринод̇иаад̣̇аяо д̣̇аса г̇аараяхадтаанаа ааг̇ажчанд̇и.
8.Bahuvedanīyanti saññābhavūpagaṃ. Appavedanīyanti asaññābhavūpagaṃ. Savedanīyanti savipākaṃ kammaṃ. Avedanīyanti avipākaṃ kammaṃ. Evaṃ santeti imesaṃ diṭṭhadhammavedanīyādīnaṃ kammānaṃ upakkamena samparāyavedanīyādi bhāvakāraṇassa alābhe sati. Aphaloti nipphalo niratthakoti. Ettāvatā aniyyānikasāsane payogassa aphalataṃ dassetvā padhānacchedakavādo nāma dassitoti veditabbo. Sahadhammikā vādānuvādāti parehi vuttakāraṇena sakāraṇā hutvā nigaṇṭhānaṃ vādā ca anuvādā ca. Gārayhaṃ ṭhānaṃ āgacchantīti viññūhi garahitabbaṃ kāraṇaṃ āgacchanti. ‘‘Vādānuppattā gārayhaṭṭhānā’’tipi pāṭho. Tassattho – parehi vuttena kāraṇena sakāraṇā nigaṇṭhānaṃ vādaṃ anuppattā taṃ vādaṃ sosentā milāpentā dukkaṭakammakārinotiādayo dasa gārayhaṭṭhānā āgacchanti.
9. сан̇г̇ад̇ибхаавахзд̇ууд̇и нияад̇ибхаавагааран̣аа. баабасан̇г̇ад̇игаад̇и баабанияад̇ино. абхиж̇аад̇ихзд̇ууд̇и чал̣абхиж̇аад̇ихзд̇у.
9.Saṅgatibhāvahetūti niyatibhāvakāraṇā. Pāpasaṅgatikāti pāpaniyatino. Abhijātihetūti chaḷabhijātihetu.
10. звам̣ ниг̇ан̣таанам̣ убаггамасса апалад̇ам̣ д̣̇ассзд̇ваа ид̣̇аани нияяаанигасаасанз убаггамасса вийрияасса жа сапалад̇ам̣ д̣̇ассзд̇ум̣ гат̇ан̃жа, бхигкавзд̇иаад̣̇имааха. д̇ад̇т̇а анад̣̇д̇хабхууд̇анд̇и анад̇хибхууд̇ам̣. д̣̇угкзна анад̇хибхууд̇о наама мануссад̇д̇абхааво вужжад̇и, на д̇ам̣ ад̣̇д̇хабхаавзд̇и наабхибхавад̇ийд̇и ад̇т̇о. д̇амби наанаббагаарааяа д̣̇уггарагааригааяа баяож̇знд̇о д̣̇угкзна ад̣̇д̇хабхаавзд̇и наама. яз бана саасанз баб̣б̣аж̇ид̇ваа ааран̃н̃агаа ваа хонд̇и ругкамуулигаад̣̇аяо ваа, д̇з д̣̇угкзна на ад̣̇д̇хабхаавзнд̇и наама. нияяаанигасаасанасмин̃хи вийрияам̣ саммаавааяаамо наама ход̇и.
10. Evaṃ nigaṇṭhānaṃ upakkamassa aphalataṃ dassetvā idāni niyyānikasāsane upakkamassa vīriyassa ca saphalataṃ dassetuṃ kathañca, bhikkhavetiādimāha. Tattha anaddhabhūtanti anadhibhūtaṃ. Dukkhena anadhibhūto nāma manussattabhāvo vuccati, na taṃ addhabhāveti nābhibhavatīti attho. Tampi nānappakārāya dukkarakārikāya payojento dukkhena addhabhāveti nāma. Ye pana sāsane pabbajitvā āraññakā vā honti rukkhamūlikādayo vā, te dukkhena na addhabhāventi nāma. Niyyānikasāsanasmiñhi vīriyaṃ sammāvāyāmo nāma hoti.
т̇зро банааха – яо иссарагулз ниб̣б̣ад̇д̇о сад̇д̇авассиго худ̇ваа алан̇гад̇аббадияад̇д̇о бид̇уан̇гз нисинно гхарз бхад̇д̇агижжам̣ гад̇ваа нисиннзна бхигкусан̇гхзна анумод̣̇анааяа гарияамаанааяа д̇иссо самбад̇д̇ияо д̣̇ассзд̇ваа сажжзсу багаасид̇зсу арахад̇д̇ам̣ баабун̣аад̇и, маад̇аабид̇уухи ваа ‘‘баб̣б̣аж̇иссаси д̇аад̇аа’’д̇и вуд̇д̇о ‘‘аама баб̣б̣аж̇иссаамий’’д̇и вад̇ваа нхаабзд̇ваа алан̇гарид̇ваа вихаарам̣ нийд̇о д̇ажабан̃жагам̣ уг̇г̇ан̣хид̇ваа нисинно гзсзсу охаарияамаанзсу кураг̇г̇зязва арахад̇д̇ам̣ баабун̣аад̇и, навабаб̣б̣аж̇ид̇о ваа бана маносилаад̇зламагкид̇зна сийсзна бунад̣̇ивасз маад̇аабид̇уухи бзсид̇ам̣ гааж̇абхад̇д̇ам̣ бхун̃ж̇ид̇ваа вихаарз нисиннова арахад̇д̇ам̣ баабун̣аад̇и, аяам̣ на д̣̇угкзна ад̇д̇аанам̣ ад̣̇д̇хабхаавзд̇и наама. аяам̣ бана уггадтасаггааро. яо д̣̇аасигужчияам̣ ниб̣б̣ад̇д̇о анд̇амасо раж̇ад̇амуд̣̇д̣̇игамби бил̣анд̇хид̇ваа г̇орагабияан̇г̇умад̇д̇знааби сарийрам̣ вилимбзд̇ваа ‘‘баб̣б̣ааж̇зт̇а на’’нд̇и нийд̇о кураг̇г̇з ваа бунад̣̇ивасз ваа арахад̇д̇ам̣ баабун̣аад̇и, аяамби на анад̣̇д̇хабхууд̇ам̣ ад̇д̇аанам̣ д̣̇угкзна ад̣̇д̇хабхаавзд̇и наама.
Thero panāha – yo issarakule nibbatto sattavassiko hutvā alaṅkatappaṭiyatto pituaṅke nisinno ghare bhattakiccaṃ katvā nisinnena bhikkhusaṅghena anumodanāya kariyamānāya tisso sampattiyo dassetvā saccesu pakāsitesu arahattaṃ pāpuṇāti, mātāpitūhi vā ‘‘pabbajissasi tātā’’ti vutto ‘‘āma pabbajissāmī’’ti vatvā nhāpetvā alaṅkaritvā vihāraṃ nīto tacapañcakaṃ uggaṇhitvā nisinno kesesu ohāriyamānesu khuraggeyeva arahattaṃ pāpuṇāti, navapabbajito vā pana manosilātelamakkhitena sīsena punadivase mātāpitūhi pesitaṃ kājabhattaṃ bhuñjitvā vihāre nisinnova arahattaṃ pāpuṇāti, ayaṃ na dukkhena attānaṃ addhabhāveti nāma. Ayaṃ pana ukkaṭṭhasakkāro. Yo dāsikucchiyaṃ nibbatto antamaso rajatamuddikampi piḷandhitvā gorakapiyaṅgumattenāpi sarīraṃ vilimpetvā ‘‘pabbājetha na’’nti nīto khuragge vā punadivase vā arahattaṃ pāpuṇāti, ayampi na anaddhabhūtaṃ attānaṃ dukkhena addhabhāveti nāma.
д̇хаммигам̣ сукам̣ наама сан̇гхад̇о ваа г̇ан̣ад̇о ваа уббаннам̣ жад̇убажжаяасукам̣. анад̇химужчид̇од̇и д̇ан̣хаамужчанааяа амужчид̇о. д̇хаммиган̃хи сукам̣ на барижжаж̇аамийд̇и на д̇ад̇т̇а г̇зд̇хо гаад̇аб̣б̣о. сан̇гхад̇о хи уббаннам̣ салаагабхад̇д̇ам̣ ваа вассааваасигам̣ ваа ‘‘ид̣̇амад̇т̇ам̣ зд̇а’’нд̇и барижчинд̣̇ид̇ваа сан̇гхамаж̇жхз бхигкуунам̣ анд̇арз барибхун̃ж̇анд̇о бад̇д̇анд̇арз бад̣̇умам̣ вияа сийласамаад̇хивибассанаамаг̇г̇апалзхи вад̣дхад̇и. имассаад̇и бажжуббаннаанам̣ бан̃жаннам̣ канд̇хаанам̣ муулабхууд̇асса. д̣̇угканид̣̇аанассаад̇и д̇ан̣хааяа. саа хи бан̃жагканд̇хад̣̇угкасса нид̣̇аанам̣. сан̇каарам̣ бад̣̇ахад̇од̇и самбаяог̇авийрияам̣ гаронд̇асса. вирааг̇о ход̇ийд̇и маг̇г̇зна вирааг̇о ход̇и. ид̣̇ам̣ вуд̇д̇ам̣ ход̇и ‘‘сан̇каарабад̇хаанзна мз имасса д̣̇угканид̣̇аанасса вирааг̇о ход̇ий’’д̇и звам̣ баж̇аанаад̇ийд̇и иминаа сукаабадибад̣̇аа киббаабхин̃н̃аа гат̇ид̇аа. д̣̇уд̇ияаваарзна д̇асса самбаяог̇авийрияасса маж̇жхад̇д̇ад̇аагааро гат̇ид̇о. со яасса хи кваассаад̇и зд̇т̇а аяам̣ сан̇кзбад̇т̇о – со буг̇г̇ало яасса д̣̇угканид̣̇аанасса сан̇каарабад̇хаанзна вирааг̇о ход̇и, сан̇каарам̣ д̇ад̇т̇а бад̣̇ахад̇и, маг̇г̇абад̇хаанзна бад̣̇ахад̇и. яасса бана д̣̇угканид̣̇аанасса аж̇жхубзгкад̇о убзгкам̣ бхаавзнд̇асса вирааг̇о ход̇и, убзгкам̣ д̇ад̇т̇а бхаавзд̇и, маг̇г̇абхааванааяа бхаавзд̇и. д̇ассаад̇и д̇асса буг̇г̇аласса.
Dhammikaṃ sukhaṃ nāma saṅghato vā gaṇato vā uppannaṃ catupaccayasukhaṃ. Anadhimucchitoti taṇhāmucchanāya amucchito. Dhammikañhi sukhaṃ na pariccajāmīti na tattha gedho kātabbo. Saṅghato hi uppannaṃ salākabhattaṃ vā vassāvāsikaṃ vā ‘‘idamatthaṃ eta’’nti paricchinditvā saṅghamajjhe bhikkhūnaṃ antare paribhuñjanto pattantare padumaṃ viya sīlasamādhivipassanāmaggaphalehi vaḍḍhati. Imassāti paccuppannānaṃ pañcannaṃ khandhānaṃ mūlabhūtassa. Dukkhanidānassāti taṇhāya. Sā hi pañcakkhandhadukkhassa nidānaṃ. Saṅkhāraṃ padahatoti sampayogavīriyaṃ karontassa. Virāgohotīti maggena virāgo hoti. Idaṃ vuttaṃ hoti ‘‘saṅkhārapadhānena me imassa dukkhanidānassa virāgo hotī’’ti evaṃ pajānātīti iminā sukhāpaṭipadā khippābhiññā kathitā. Dutiyavārena tassa sampayogavīriyassa majjhattatākāro kathito. So yassa hi khvāssāti ettha ayaṃ saṅkhepattho – so puggalo yassa dukkhanidānassa saṅkhārapadhānena virāgo hoti, saṅkhāraṃ tattha padahati, maggapadhānena padahati. Yassa pana dukkhanidānassa ajjhupekkhato upekkhaṃ bhāventassa virāgo hoti, upekkhaṃ tattha bhāveti, maggabhāvanāya bhāveti. Tassāti tassa puggalassa.
11. бадиб̣ад̣̇д̇хажид̇д̇од̇и чанд̣̇арааг̇зна б̣ад̣̇д̇хажид̇д̇о. д̇иб̣б̣ажчанд̣̇од̇и б̣ахалажчанд̣̇о. д̇иб̣б̣аабзгкод̇и б̣ахалабад̇т̇ано. санд̇идтанд̇инд̇и згад̇о д̇идтанд̇им̣. сан̃ж̇аг̇гханд̇инд̇и махаахасид̇ам̣ хасамаанам̣. сам̣хасанд̇инд̇и сид̇ам̣ гурумаанам̣.
11.Paṭibaddhacittoti chandarāgena baddhacitto. Tibbacchandoti bahalacchando. Tibbāpekkhoti bahalapatthano. Santiṭṭhantinti ekato tiṭṭhantiṃ. Sañjagghantinti mahāhasitaṃ hasamānaṃ. Saṃhasantinti sitaṃ kurumānaṃ.
звамзва ко, бхигкавзд̇и зд̇т̇а ид̣̇ам̣ обаммавибхааванам̣ – зго хи бурисо згиссаа ид̇т̇ияаа саарад̇д̇о гхаасажчаад̣̇анамаалаалан̇гаараад̣̇ийни д̣̇ад̇ваа гхарз ваасзд̇и. саа д̇ам̣ ад̇ижарид̇ваа ан̃н̃ам̣ сзвад̇и. со ‘‘нууна ахам̣ ассаа ануруубам̣ саггаарам̣ на гаромий’’д̇и саггаарам̣ вад̣дхзси. саа бхияяосомад̇д̇ааяа ад̇ижарад̇иязва. со – ‘‘аяам̣ саггарияамаанааби ад̇ижарад̇зва, гхарз мз васамаанаа анад̇т̇амби гарзяяа, нийхараами на’’нд̇и барисамаж̇жхз алам̣важанийяам̣ гад̇ваа ‘‘маа буна г̇зхам̣ баависий’’д̇и виссаж̇ж̇зси. саа гзнажи убааязна д̇зна сад̣̇д̇хим̣ сант̇авам̣ гаад̇ум̣ асаггонд̇ий наданажжагаад̣̇ийхи сад̣̇д̇хим̣ вижарад̇и. д̇асса бурисасса д̇ам̣ д̣̇исваа нзва уббаж̇ж̇ад̇и д̣̇оманассам̣, соманассам̣ бана уббаж̇ж̇ад̇и.
Evameva kho, bhikkhaveti ettha idaṃ opammavibhāvanaṃ – eko hi puriso ekissā itthiyā sāratto ghāsacchādanamālālaṅkārādīni datvā ghare vāseti. Sā taṃ aticaritvā aññaṃ sevati. So ‘‘nūna ahaṃ assā anurūpaṃ sakkāraṃ na karomī’’ti sakkāraṃ vaḍḍhesi. Sā bhiyyosomattāya aticaratiyeva. So – ‘‘ayaṃ sakkariyamānāpi aticarateva, ghare me vasamānā anatthampi kareyya, nīharāmi na’’nti parisamajjhe alaṃvacanīyaṃ katvā ‘‘mā puna gehaṃ pāvisī’’ti vissajjesi. Sā kenaci upāyena tena saddhiṃ santhavaṃ kātuṃ asakkontī naṭanaccakādīhi saddhiṃ vicarati. Tassa purisassa taṃ disvā neva uppajjati domanassaṃ, somanassaṃ pana uppajjati.
д̇ад̇т̇а бурисасса ид̇т̇ияаа саарад̇д̇агаало вияа имасса бхигкуно ад̇д̇абхаавз аалаяо. гхаасажчаад̣̇анаад̣̇ийни д̣̇ад̇ваа гхарз васаабанагаало вияа ад̇д̇абхаавасса бадиж̇аг̇г̇анагаало. д̇ассаа ад̇ижаран̣агаало вияа ж̇аг̇г̇ияамаанассзва ад̇д̇абхаавасса бид̇д̇абагобаад̣̇ийнам̣ васзна сааб̣аад̇хад̇аа. ‘‘ад̇д̇ано ануруубам̣ саггаарам̣ алабханд̇ий ад̇ижарад̇ий’’д̇и саллагкзд̇ваа саггааравад̣дханам̣ вияа ‘‘бхзсаж̇ж̇ам̣ алабханд̇о звам̣ ход̇ий’’д̇и саллагкзд̇ваа бхзсаж̇ж̇агаран̣агаало. саггаарз вад̣дхид̇зби буна ад̇ижаран̣ам̣ вияа бид̇д̇аад̣̇ийсу згасса бхзсаж̇ж̇з гарияамаанз сзсаанам̣ багобавасзна буна сааб̣аад̇хад̇аа. барисамаж̇жхз алам̣важанийяам̣ гад̇ваа г̇зхаа ниггад̣дханам̣ вияа ‘‘ид̣̇аани д̇з наахам̣ д̣̇аасо на гаммагаро, анамад̇аг̇г̇з сам̣саарз д̇ам̣язва убадтаханд̇о вижарим̣, го мз д̇аяаа ад̇т̇о, чиж̇ж̇а ваа бхиж̇ж̇а ваа’’д̇и д̇асмим̣ анабзгкад̇ам̣ аабаж̇ж̇ид̇ваа вийрияам̣ т̇ирам̣ гад̇ваа маг̇г̇зна гилзсасамуг̇гхаад̇анам̣. наданажжагаад̣̇ийхи нажжамаанам̣ вижаранд̇им̣ д̣̇исваа яат̇аа д̇асса бурисасса д̣̇оманассам̣ на уббаж̇ж̇ад̇и, соманассамзва уббаж̇ж̇ад̇и, звамзва имасса бхигкуно арахад̇д̇ам̣ бад̇д̇асса бид̇д̇абагобаад̣̇ийнам̣ васзна ааб̣аад̇хигам̣ ад̇д̇абхаавам̣ д̣̇исваа д̣̇оманассам̣ на уббаж̇ж̇ад̇и, ‘‘мужжиссаами вад̇а канд̇хабарихаарад̣̇угкад̇о’’д̇и соманассамзва уббаж̇ж̇ад̇ийд̇и. аяам̣ бана убамаа ‘‘бадиб̣ад̣̇д̇хажид̇д̇асса д̣̇оманассам̣ уббаж̇ж̇ад̇и, аббадиб̣ад̣̇д̇хажид̇д̇асса над̇т̇зд̇анд̇и н̃ад̇ваа ид̇т̇ияаа чанд̣̇арааг̇ам̣ баж̇ахад̇и, звамаяам̣ бхигку сан̇каарам̣ ваа бад̣̇аханд̇асса убзгкам̣ ваа бхаавзнд̇асса д̣̇угканид̣̇аанам̣ бахийяад̇и, но ан̃н̃ат̇аад̇и н̃ад̇ваа д̇ад̣̇убхаяам̣ самбаад̣̇знд̇о д̣̇угканид̣̇аанам̣ баж̇ахад̇ий’’д̇и зд̇амад̇т̇ам̣ вибхаавзд̇ум̣ ааг̇ад̇аад̇и взд̣̇ид̇аб̣б̣аа.
Tattha purisassa itthiyā sārattakālo viya imassa bhikkhuno attabhāve ālayo. Ghāsacchādanādīni datvā ghare vasāpanakālo viya attabhāvassa paṭijagganakālo. Tassā aticaraṇakālo viya jaggiyamānasseva attabhāvassa pittapakopādīnaṃ vasena sābādhatā. ‘‘Attano anurūpaṃ sakkāraṃ alabhantī aticaratī’’ti sallakkhetvā sakkāravaḍḍhanaṃ viya ‘‘bhesajjaṃ alabhanto evaṃ hotī’’ti sallakkhetvā bhesajjakaraṇakālo. Sakkāre vaḍḍhitepi puna aticaraṇaṃ viya pittādīsu ekassa bhesajje kariyamāne sesānaṃ pakopavasena puna sābādhatā. Parisamajjhe alaṃvacanīyaṃ katvā gehā nikkaḍḍhanaṃ viya ‘‘idāni te nāhaṃ dāso na kammakaro, anamatagge saṃsāre taṃyeva upaṭṭhahanto vicariṃ, ko me tayā attho, chijja vā bhijja vā’’ti tasmiṃ anapekkhataṃ āpajjitvā vīriyaṃ thiraṃ katvā maggena kilesasamugghātanaṃ. Naṭanaccakādīhi naccamānaṃ vicarantiṃ disvā yathā tassa purisassa domanassaṃ na uppajjati, somanassameva uppajjati, evameva imassa bhikkhuno arahattaṃ pattassa pittapakopādīnaṃ vasena ābādhikaṃ attabhāvaṃ disvā domanassaṃ na uppajjati, ‘‘muccissāmi vata khandhaparihāradukkhato’’ti somanassameva uppajjatīti. Ayaṃ pana upamā ‘‘paṭibaddhacittassa domanassaṃ uppajjati, appaṭibaddhacittassa natthetanti ñatvā itthiyā chandarāgaṃ pajahati, evamayaṃ bhikkhu saṅkhāraṃ vā padahantassa upekkhaṃ vā bhāventassa dukkhanidānaṃ pahīyati, no aññathāti ñatvā tadubhayaṃ sampādento dukkhanidānaṃ pajahatī’’ti etamatthaṃ vibhāvetuṃ āgatāti veditabbā.
12. яат̇аа сукам̣ ко мз вихарад̇од̇и язна сукзна вихарид̇ум̣ ижчаами д̇зна, мз вихарад̇о. бад̣̇ахад̇од̇и бзсзнд̇асса. зд̇т̇а жа яасса сукаа бадибад̣̇аа асаббааяаа, сукумажийвараани д̇хаарзнд̇асса баасаад̣̇игз сзнаасанз васанд̇асса жид̇д̇ам̣ вигкибад̇и, д̣̇угкаа бадибад̣̇аа саббааяаа, чиннабхиннаани т̇уулажийвараани д̇хаарзнд̇асса сусаанаругкамуулаад̣̇ийсу васанд̇асса жид̇д̇ам̣ згаг̇г̇ам̣ ход̇и, д̇ам̣ санд̇хааязд̇ам̣ вуд̇д̇ам̣.
12.Yathā sukhaṃ kho me viharatoti yena sukhena viharituṃ icchāmi tena, me viharato. Padahatoti pesentassa. Ettha ca yassa sukhā paṭipadā asappāyā, sukhumacīvarāni dhārentassa pāsādike senāsane vasantassa cittaṃ vikkhipati, dukkhā paṭipadā sappāyā, chinnabhinnāni thūlacīvarāni dhārentassa susānarukkhamūlādīsu vasantassa cittaṃ ekaggaṃ hoti, taṃ sandhāyetaṃ vuttaṃ.
звамзва код̇и зд̇т̇а ид̣̇ам̣ обаммасам̣санд̣̇анам̣, усугааро вияа хи ж̇аад̇иж̇араамаран̣абхийд̇о яог̇ий д̣̇адтаб̣б̣о, ван̇гагудилаж̇имхад̇зж̇анам̣ вияа ван̇гагудилаж̇имхажид̇д̇ам̣, д̣̇вз алаад̇аа вияа гааяигажзд̇асигавийрияам̣, д̇зж̇анам̣ уж̇ум̣ гаронд̇асса ган̃ж̇игад̇злам̣ вияа сад̣̇д̇хаа, наманад̣̇ан̣д̣аго вияа логуд̇д̇арамаг̇г̇о, уссугаарасса ван̇гагудилаж̇имхад̇зж̇анам̣ ган̃ж̇игад̇злзна синзхзд̇ваа алаад̇зсу д̇аабзд̇ваа наманад̣̇ан̣д̣агзна уж̇угаран̣ам̣ вияа имасса бхигкуно ван̇гагудилаж̇имхажид̇д̇ам̣ сад̣̇д̇хааяа синзхзд̇ваа гааяигажзд̇асигавийриязна д̇аабзд̇ваа логуд̇д̇арамаг̇г̇зна уж̇угаран̣ам̣, усугаарассзва звам̣ уж̇угад̇зна д̇зж̇анзна сабад̇д̇ам̣ виж̇жхид̇ваа самбад̇д̇ианубхаванам̣ вияа имасса яог̇ино д̇ат̇аа уж̇угад̇зна жид̇д̇зна гилзсаг̇ан̣ам̣ виж̇жхид̇ваа баасаад̣̇игз сзнаасанз нирод̇хаварад̇алаг̇ад̇асса паласамаабад̇д̇исукаанубхаванам̣ д̣̇адтаб̣б̣ам̣. ид̇ха д̇ат̇ааг̇ад̇о сукаабадибад̣̇аакиббаабхин̃н̃абхигкуно, д̣̇угкаабадибад̣̇аад̣̇анд̇хаабхин̃н̃абхигкуно жа бадибад̇д̇ияо гат̇ид̇аа, ид̇арзсам̣ д̣̇виннам̣ на гат̇ид̇аа, д̇аа гат̇зд̇ум̣ имам̣ д̣̇зсанам̣ аарабхи. имаасу ваа д̣̇вийсу гат̇ид̇аасу ид̇арааби гат̇ид̇аава хонд̇и, ааг̇аманийяабадибад̣̇аа бана на гат̇ид̇аа, д̇ам̣ гат̇зд̇ум̣ имам̣ д̣̇зсанам̣ аарабхи. сахааг̇аманийяааби ваа бадибад̣̇аа гат̇ид̇аава, ад̣̇ассид̇ам̣ бана згам̣ б̣уд̣̇д̇хуббаад̣̇ам̣ д̣̇ассзд̇ваа згасса гулабуд̇д̇асса нигкаманад̣̇зсанам̣ арахад̇д̇зна виниваддзссаамийд̇и д̣̇ассзд̇ум̣ имам̣ д̣̇зсанам̣ аарабхи. сзсам̣ саб̣б̣ад̇т̇а уд̇д̇аанамзваад̇и.
Evameva khoti ettha idaṃ opammasaṃsandanaṃ, usukāro viya hi jātijarāmaraṇabhīto yogī daṭṭhabbo, vaṅkakuṭilajimhatejanaṃ viya vaṅkakuṭilajimhacittaṃ, dve alātā viya kāyikacetasikavīriyaṃ, tejanaṃ ujuṃ karontassa kañjikatelaṃ viya saddhā, namanadaṇḍako viya lokuttaramaggo, ussukārassa vaṅkakuṭilajimhatejanaṃ kañjikatelena sinehetvā alātesu tāpetvā namanadaṇḍakena ujukaraṇaṃ viya imassa bhikkhuno vaṅkakuṭilajimhacittaṃ saddhāya sinehetvā kāyikacetasikavīriyena tāpetvā lokuttaramaggena ujukaraṇaṃ, usukārasseva evaṃ ujukatena tejanena sapattaṃ vijjhitvā sampattianubhavanaṃ viya imassa yogino tathā ujukatena cittena kilesagaṇaṃ vijjhitvā pāsādike senāsane nirodhavaratalagatassa phalasamāpattisukhānubhavanaṃ daṭṭhabbaṃ. Idha tathāgato sukhāpaṭipadākhippābhiññabhikkhuno, dukkhāpaṭipadādandhābhiññabhikkhuno ca paṭipattiyo kathitā, itaresaṃ dvinnaṃ na kathitā, tā kathetuṃ imaṃ desanaṃ ārabhi. Imāsu vā dvīsu kathitāsu itarāpi kathitāva honti, āgamanīyapaṭipadā pana na kathitā, taṃ kathetuṃ imaṃ desanaṃ ārabhi. Sahāgamanīyāpi vā paṭipadā kathitāva, adassitaṃ pana ekaṃ buddhuppādaṃ dassetvā ekassa kulaputtassa nikkhamanadesanaṃ arahattena vinivaṭṭessāmīti dassetuṃ imaṃ desanaṃ ārabhi. Sesaṃ sabbattha uttānamevāti.
бабан̃жасууд̣̇анияаа маж̇жхиманигааяадтагат̇ааяа
Papañcasūdaniyā majjhimanikāyaṭṭhakathāya
д̣̇звад̣̇ахасуд̇д̇аван̣н̣анаа нидтид̇аа.
Devadahasuttavaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / маж̇жхиманигааяа • Majjhimanikāya / 1. д̣̇звад̣̇ахасуд̇д̇ам̣ • 1. Devadahasuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / маж̇жхиманигааяа (дийгаа) • Majjhimanikāya (ṭīkā) / 1. д̣̇звад̣̇ахасуд̇д̇аван̣н̣анаа • 1. Devadahasuttavaṇṇanā
