| Library / Tipiṭaka / తిపిటక • Tipiṭaka / అఙ్గుత్తరనికాయ (టీకా) • Aṅguttaranikāya (ṭīkā) |
౮. దేవదత్తసుత్తవణ్ణనా
8. Devadattasuttavaṇṇanā
౬౮. అట్ఠమే కాలే సమ్పత్తేతి గబ్భస్స పరిపాకగతత్తా విజాయనకాలే సమ్పత్తే. పోతకన్తి అస్సతరియా పుత్తం. ‘‘ఫలం వే కదలిం హన్తీ’’తిఆదిగాథాయ కుక్కుజకేనేవ పత్తవట్టిపసవస్స ఉచ్ఛిన్నత్తా ఫలుప్పత్తి కదలియా పరాభవాయ హోతీతి ఆహ ‘‘ఫలం వే కదలిం హన్తీ’’తి. కుక్కుజకం నామ కదలియా పుప్ఫనాళం. తథా ఫలపాకపరియోసానత్తా ఓసధీనం ‘‘ఫలం వేళుం నళ’’న్తి వుత్తం. అయం పనేత్థ పిణ్డత్థో – యథా అత్తనో ఫలం కదలివేళునళే వినాసేతి, గబ్భో చ అస్సతరిం, ఏవం అత్తనో కమ్మభూతో సక్కారో అసప్పురిసం వినాసేతీతి.
68. Aṭṭhame kāle sampatteti gabbhassa paripākagatattā vijāyanakāle sampatte. Potakanti assatariyā puttaṃ. ‘‘Phalaṃ ve kadaliṃ hantī’’tiādigāthāya kukkujakeneva pattavaṭṭipasavassa ucchinnattā phaluppatti kadaliyā parābhavāya hotīti āha ‘‘phalaṃ ve kadaliṃ hantī’’ti. Kukkujakaṃ nāma kadaliyā pupphanāḷaṃ. Tathā phalapākapariyosānattā osadhīnaṃ ‘‘phalaṃ veḷuṃ naḷa’’nti vuttaṃ. Ayaṃ panettha piṇḍattho – yathā attano phalaṃ kadaliveḷunaḷe vināseti, gabbho ca assatariṃ, evaṃ attano kammabhūto sakkāro asappurisaṃ vināsetīti.
దేవదత్తసుత్తవణ్ణనా నిట్ఠితా.
Devadattasuttavaṇṇanā niṭṭhitā.
Related texts:
తిపిటక (మూల) • Tipiṭaka (Mūla) / సుత్తపిటక • Suttapiṭaka / అఙ్గుత్తరనికాయ • Aṅguttaranikāya / ౮. దేవదత్తసుత్తం • 8. Devadattasuttaṃ
అట్ఠకథా • Aṭṭhakathā / సుత్తపిటక (అట్ఠకథా) • Suttapiṭaka (aṭṭhakathā) / అఙ్గుత్తరనికాయ (అట్ఠకథా) • Aṅguttaranikāya (aṭṭhakathā) / ౮. దేవదత్తసుత్తవణ్ణనా • 8. Devadattasuttavaṇṇanā
