| Library / Tipiṭaka / д̇ибидага • Tipiṭaka / ж̇аад̇ага-адтагат̇аа • Jātaka-aṭṭhakathā |
6. д̣̇звад̇хаммаж̇аад̇агаван̣н̣анаа
6. Devadhammajātakavaṇṇanā
хириод̇д̇аббасамбаннаад̇и ид̣̇ам̣ бхаг̇аваа ж̇зд̇аванз вихаранд̇о ан̃н̃ад̇арам̣ б̣ахубхан̣д̣игам̣ бхигкум̣ аараб̣бха гат̇зси. саавад̇т̇иваасий гирзго гудумб̣иго бхарияааяа гаалагад̇ааяа баб̣б̣аж̇и. со баб̣б̣аж̇анд̇о ад̇д̇ано баривзн̣ан̃жа аг̇г̇исаалан̃жа бхан̣д̣аг̇аб̣бхан̃жа гаарзд̇ваа бхан̣д̣аг̇аб̣бхам̣ саббид̇ан̣д̣улаад̣̇ийхи буурзд̇ваа баб̣б̣аж̇и. баб̣б̣аж̇ид̇ваа жа бана ад̇д̇ано д̣̇аасз баггосаабзд̇ваа яат̇ааружид̇ам̣ аахаарам̣ бажаабзд̇ваа бхун̃ж̇ад̇и, б̣ахубаригкааро жа ахоси , рад̇д̇им̣ ан̃н̃ам̣ ниваасанабаарубанам̣ ход̇и, д̣̇иваа ан̃н̃ам̣. вихаарабажжанд̇з васад̇и. д̇ассзгад̣̇ивасам̣ жийварабажжад̇т̇аран̣аад̣̇ийни нийхарид̇ваа баривзн̣з бад̇т̇арид̇ваа сугкаабзнд̇асса самб̣ахулаа ж̇аанабад̣̇аа бхигкуу сзнаасанажааригам̣ аахин̣д̣анд̇аа баривзн̣ам̣ г̇анд̇ваа жийвараад̣̇ийни д̣̇исваа ‘‘гассимааний’’д̇и бужчим̣су. со ‘‘маяхам̣, аавусо’’д̇и ааха. ‘‘аавусо, ид̣̇амби жийварам̣, ид̣̇амби ниваасанам̣, ид̣̇амби бажжад̇т̇аран̣ам̣, саб̣б̣ам̣ д̇уяхамзваа’’д̇и? ‘‘аама маяхамзваа’’д̇и. ‘‘аавусо бхаг̇авад̇аа д̇ийн̣и жийвараани анун̃н̃аад̇аани, д̇вам̣ звам̣ аббижчасса б̣уд̣̇д̇хасса саасанз баб̣б̣аж̇ид̇ваа звам̣ б̣ахубаригкааро ж̇аад̇о, зхи д̇ам̣ д̣̇асаб̣аласса санд̇игам̣ нзссаамаа’’д̇и д̇ам̣ аад̣̇ааяа сад̇т̇у санд̇игам̣ аг̇амам̣су.
Hiriottappasampannāti idaṃ bhagavā jetavane viharanto aññataraṃ bahubhaṇḍikaṃ bhikkhuṃ ārabbha kathesi. Sāvatthivāsī kireko kuṭumbiko bhariyāya kālakatāya pabbaji. So pabbajanto attano pariveṇañca aggisālañca bhaṇḍagabbhañca kāretvā bhaṇḍagabbhaṃ sappitaṇḍulādīhi pūretvā pabbaji. Pabbajitvā ca pana attano dāse pakkosāpetvā yathārucitaṃ āhāraṃ pacāpetvā bhuñjati, bahuparikkhāro ca ahosi , rattiṃ aññaṃ nivāsanapārupanaṃ hoti, divā aññaṃ. Vihārapaccante vasati. Tassekadivasaṃ cīvarapaccattharaṇādīni nīharitvā pariveṇe pattharitvā sukkhāpentassa sambahulā jānapadā bhikkhū senāsanacārikaṃ āhiṇḍantā pariveṇaṃ gantvā cīvarādīni disvā ‘‘kassimānī’’ti pucchiṃsu. So ‘‘mayhaṃ, āvuso’’ti āha. ‘‘Āvuso, idampi cīvaraṃ, idampi nivāsanaṃ, idampi paccattharaṇaṃ, sabbaṃ tuyhamevā’’ti? ‘‘Āma mayhamevā’’ti. ‘‘Āvuso bhagavatā tīṇi cīvarāni anuññātāni, tvaṃ evaṃ appicchassa buddhassa sāsane pabbajitvā evaṃ bahuparikkhāro jāto, ehi taṃ dasabalassa santikaṃ nessāmā’’ti taṃ ādāya satthu santikaṃ agamaṃsu.
сад̇т̇аа д̣̇исваава ‘‘гим̣ ну ко, бхигкавз , анижчамаанагам̣язва бхигкум̣ г̇ан̣хид̇ваа ааг̇ад̇ад̇т̇аа’’д̇и ааха. ‘‘бханд̇з, аяам̣ бхигку б̣ахубхан̣д̣о б̣ахубаригкааро’’д̇и. ‘‘сажжам̣ гира д̇вам̣ бхигку б̣ахубхан̣д̣о’’д̇и? ‘‘сажжам̣, бхаг̇аваа’’д̇и. ‘‘гасмаа бана д̇вам̣ бхигку б̣ахубхан̣д̣о ж̇аад̇о’’? ‘‘нану ахам̣ аббижчад̇ааяа санд̇удтид̇ааяа бавивзгасса вийрияаарамбхасса ван̣н̣ам̣ вад̣̇аамий’’д̇и. со сад̇т̇у важанам̣ суд̇ваа губид̇о ‘‘иминаа д̣̇аани нийхаарзна жариссаамий’’д̇и баарубанам̣ чад̣д̣зд̇ваа барисамаж̇жхз згажийваро адтааси.
Satthā disvāva ‘‘kiṃ nu kho, bhikkhave , anicchamānakaṃyeva bhikkhuṃ gaṇhitvā āgatatthā’’ti āha. ‘‘Bhante, ayaṃ bhikkhu bahubhaṇḍo bahuparikkhāro’’ti. ‘‘Saccaṃ kira tvaṃ bhikkhu bahubhaṇḍo’’ti? ‘‘Saccaṃ, bhagavā’’ti. ‘‘Kasmā pana tvaṃ bhikkhu bahubhaṇḍo jāto’’? ‘‘Nanu ahaṃ appicchatāya santuṭṭhitāya pavivekassa vīriyārambhassa vaṇṇaṃ vadāmī’’ti. So satthu vacanaṃ sutvā kupito ‘‘iminā dāni nīhārena carissāmī’’ti pārupanaṃ chaḍḍetvā parisamajjhe ekacīvaro aṭṭhāsi.
ат̇а нам̣ сад̇т̇аа убад̇т̇амбхаяамаано ‘‘нану д̇вам̣ бхигку буб̣б̣з хирод̇д̇аббаг̇авзсаго д̣̇агарагкасагаалзби хирод̇д̇аббам̣ г̇авзсамаано д̣̇ваад̣̇аса сам̣важчараани вихааси, ат̇а гасмаа ид̣̇аани звам̣ г̇аругз б̣уд̣̇д̇хасаасанз баб̣б̣аж̇ид̇ваа жад̇убарисамаж̇жхз баарубанам̣ чад̣д̣зд̇ваа хирод̇д̇аббам̣ бахааяа тид̇осий’’д̇и? со сад̇т̇у важанам̣ суд̇ваа хирод̇д̇аббам̣ бажжубадтаабзд̇ваа д̇ам̣ жийварам̣ баарубид̇ваа сад̇т̇аарам̣ ванд̣̇ид̇ваа згаманд̇ам̣ нисийд̣̇и. бхигкуу д̇ассад̇т̇асса аавибхаавад̇т̇ам̣ бхаг̇аванд̇ам̣ яаажим̣су, бхаг̇аваа бхаванд̇арзна бадижчаннам̣ гааран̣ам̣ баагадам̣ агааси.
Atha naṃ satthā upatthambhayamāno ‘‘nanu tvaṃ bhikkhu pubbe hirottappagavesako dakarakkhasakālepi hirottappaṃ gavesamāno dvādasa saṃvaccharāni vihāsi, atha kasmā idāni evaṃ garuke buddhasāsane pabbajitvā catuparisamajjhe pārupanaṃ chaḍḍetvā hirottappaṃ pahāya ṭhitosī’’ti? So satthu vacanaṃ sutvā hirottappaṃ paccupaṭṭhāpetvā taṃ cīvaraṃ pārupitvā satthāraṃ vanditvā ekamantaṃ nisīdi. Bhikkhū tassatthassa āvibhāvatthaṃ bhagavantaṃ yāciṃsu, bhagavā bhavantarena paṭicchannaṃ kāraṇaṃ pākaṭaṃ akāsi.
ад̇ийд̇з гаасирадтз б̣аараан̣асияам̣ б̣рахмад̣̇ад̇д̇о наама рааж̇аа ахоси. д̇ад̣̇аа б̣од̇хисад̇д̇о д̇асса аг̇г̇амахзсияаа гужчимхи бадисанд̇хим̣ г̇ан̣хи. д̇асса наамаг̇г̇ахан̣ад̣̇ивасз ‘‘махисаасагумааро’’д̇и наамам̣ агам̣су. д̇асса аад̇хаавид̇ваа барид̇хаавид̇ваа вижаран̣агаалз ран̃н̃о ан̃н̃оби буд̇д̇о ж̇аад̇о, д̇асса ‘‘жанд̣̇агумааро’’д̇и наамам̣ агам̣су. д̇асса бана аад̇хаавид̇ваа барид̇хаавид̇ваа вижаран̣агаалз б̣од̇хисад̇д̇асса маад̇аа гааламагааси, рааж̇аа ан̃н̃ам̣ аг̇г̇амахзсидтаанз табзси. саа ран̃н̃о бияаа ахоси манаабаа, сааби сам̣ваасаманвааяа згам̣ буд̇д̇ам̣ виж̇ааяи, ‘‘суурияагумааро’’д̇исса наамам̣ агам̣су. рааж̇аа буд̇д̇ам̣ д̣̇исваа д̇удтажид̇д̇о ‘‘бхад̣̇д̣̇з, буд̇д̇асса д̇з варам̣ д̣̇аммий’’д̇и ааха. д̣̇звий, варам̣ ижчид̇агаалз г̇ахзд̇аб̣б̣ам̣ гад̇ваа табзси. саа буд̇д̇з ваяаббад̇д̇з рааж̇аанам̣ ааха – ‘‘д̣̇звзна маяхам̣ буд̇д̇асса ж̇аад̇агаалз варо д̣̇инно, буд̇д̇асса мз раж̇ж̇ам̣ д̣̇зхий’’д̇и. рааж̇аа ‘‘маяхам̣ д̣̇вз буд̇д̇аа аг̇г̇игканд̇хаа вияа ж̇аламаанаа вижаранд̇и, на саггаа д̇ава буд̇д̇асса раж̇ж̇ам̣ д̣̇аад̇у’’нд̇и бадигкибид̇вааби д̇ам̣ бунаббунам̣ яаажамаанамзва д̣̇исваа ‘‘аяам̣ маяхам̣ буд̇д̇аанам̣ баабагамби жинд̇зяяаа’’д̇и буд̇д̇з баггосаабзд̇ваа ааха – ‘‘д̇аад̇аа, ахам̣ суурияагумаарасса ж̇аад̇агаалз варам̣ ад̣̇аасим̣. ид̣̇аанисса маад̇аа раж̇ж̇ам̣ яаажад̇и, ахам̣ д̇асса на д̣̇аад̇угаамо, маад̇уг̇аамо наама баабо, д̇умхаагам̣ баабагамби жинд̇зяяа, д̇умхз аран̃н̃ам̣ бависид̇ваа мама ажжаязна гуласанд̇агз наг̇арз раж̇ж̇ам̣ гарзяяаат̇аа’’д̇и род̣̇ид̇ваа ганд̣̇ид̇ваа сийсз жумб̣ид̇ваа уяяож̇зси. д̇з бид̇арам̣ ванд̣̇ид̇ваа баасаад̣̇аа од̇аранд̇з рааж̇ан̇г̇ан̣з гийл̣амаано суурияагумааро д̣̇исваа д̇ам̣ гааран̣ам̣ н̃ад̇ваа ‘‘ахамби бхаад̇игзхи сад̣̇д̇хим̣ г̇амиссаамий’’д̇и д̇зхи сад̣̇д̇хим̣язва нигками. д̇з химаванд̇ам̣ бависим̣су.
Atīte kāsiraṭṭhe bārāṇasiyaṃ brahmadatto nāma rājā ahosi. Tadā bodhisatto tassa aggamahesiyā kucchimhi paṭisandhiṃ gaṇhi. Tassa nāmaggahaṇadivase ‘‘mahisāsakumāro’’ti nāmaṃ akaṃsu. Tassa ādhāvitvā paridhāvitvā vicaraṇakāle rañño aññopi putto jāto, tassa ‘‘candakumāro’’ti nāmaṃ akaṃsu. Tassa pana ādhāvitvā paridhāvitvā vicaraṇakāle bodhisattassa mātā kālamakāsi, rājā aññaṃ aggamahesiṭṭhāne ṭhapesi. Sā rañño piyā ahosi manāpā, sāpi saṃvāsamanvāya ekaṃ puttaṃ vijāyi, ‘‘sūriyakumāro’’tissa nāmaṃ akaṃsu. Rājā puttaṃ disvā tuṭṭhacitto ‘‘bhadde, puttassa te varaṃ dammī’’ti āha. Devī, varaṃ icchitakāle gahetabbaṃ katvā ṭhapesi. Sā putte vayappatte rājānaṃ āha – ‘‘devena mayhaṃ puttassa jātakāle varo dinno, puttassa me rajjaṃ dehī’’ti. Rājā ‘‘mayhaṃ dve puttā aggikkhandhā viya jalamānā vicaranti, na sakkā tava puttassa rajjaṃ dātu’’nti paṭikkhipitvāpi taṃ punappunaṃ yācamānameva disvā ‘‘ayaṃ mayhaṃ puttānaṃ pāpakampi cinteyyā’’ti putte pakkosāpetvā āha – ‘‘tātā, ahaṃ sūriyakumārassa jātakāle varaṃ adāsiṃ. Idānissa mātā rajjaṃ yācati, ahaṃ tassa na dātukāmo, mātugāmo nāma pāpo, tumhākaṃ pāpakampi cinteyya, tumhe araññaṃ pavisitvā mama accayena kulasantake nagare rajjaṃ kareyyāthā’’ti roditvā kanditvā sīse cumbitvā uyyojesi. Te pitaraṃ vanditvā pāsādā otarante rājaṅgaṇe kīḷamāno sūriyakumāro disvā taṃ kāraṇaṃ ñatvā ‘‘ahampi bhātikehi saddhiṃ gamissāmī’’ti tehi saddhiṃyeva nikkhami. Te himavantaṃ pavisiṃsu.
б̣од̇хисад̇д̇о маг̇г̇аа оггамма ругкамуулз нисийд̣̇ид̇ваа суурияагумаарам̣ ааманд̇зси ‘‘д̇аад̇а суурияагумаара, зд̇ам̣ сарам̣ г̇анд̇ваа нхад̇ваа жа бивид̇ваа жа бад̣̇уминибан̣н̣зхи амхаагамби баанийяам̣ аанзхий’’д̇и. д̇ам̣ бана сарам̣ взссаван̣асса санд̇игаа згзна д̣̇агарагкасзна лад̣̇д̇хам̣ ход̇и, взссаван̣о жа д̇ам̣ ааха – ‘‘табзд̇ваа д̣̇звад̇хаммаж̇аананагз яз ан̃н̃з имам̣ сарам̣ од̇аранд̇и, д̇з каад̣̇ид̇ум̣ лабхаси. анод̇ин̣н̣з на лабхасий’’д̇и. д̇ад̇о бадтааяа со рагкасо яз д̇ам̣ сарам̣ од̇аранд̇и, д̇з д̣̇звад̇хаммз бужчид̇ваа яз на ж̇аананд̇и, д̇з каад̣̇ад̇и. ат̇а ко суурияагумааро д̇ам̣ сарам̣ г̇анд̇ваа авиймам̣сид̇ваава од̇ари. ат̇а нам̣ со рагкасо г̇ахзд̇ваа ‘‘д̣̇звад̇хаммз ж̇аанаасий’’д̇и бужчи. со ‘‘д̣̇звад̇хаммаа наама жанд̣̇имасуурияаа’’д̇и ааха. ат̇а нам̣ ‘‘д̇вам̣ д̣̇звад̇хаммз на ж̇аанаасий’’д̇и вад̇ваа уд̣̇агам̣ бавзсзд̇ваа ад̇д̇ано васанадтаанз табзси. б̣од̇хисад̇д̇оби д̇ам̣ ад̇ижирааяанд̇ам̣ д̣̇исваа жанд̣̇агумаарам̣ бзсзси. рагкасо д̇амби г̇ахзд̇ваа ‘‘д̣̇звад̇хаммз ж̇аанаасий’’д̇и бужчи. ‘‘аама ж̇аанаами, д̣̇звад̇хаммаа наама жад̇ассо д̣̇исаа’’д̇и. рагкасо ‘‘на д̇вам̣ д̣̇звад̇хаммз ж̇аанаасий’’д̇и д̇амби г̇ахзд̇ваа д̇ад̇т̇зва табзси.
Bodhisatto maggā okkamma rukkhamūle nisīditvā sūriyakumāraṃ āmantesi ‘‘tāta sūriyakumāra, etaṃ saraṃ gantvā nhatvā ca pivitvā ca paduminipaṇṇehi amhākampi pānīyaṃ ānehī’’ti. Taṃ pana saraṃ vessavaṇassa santikā ekena dakarakkhasena laddhaṃ hoti, vessavaṇo ca taṃ āha – ‘‘ṭhapetvā devadhammajānanake ye aññe imaṃ saraṃ otaranti, te khādituṃ labhasi. Anotiṇṇe na labhasī’’ti. Tato paṭṭhāya so rakkhaso ye taṃ saraṃ otaranti, te devadhamme pucchitvā ye na jānanti, te khādati. Atha kho sūriyakumāro taṃ saraṃ gantvā avīmaṃsitvāva otari. Atha naṃ so rakkhaso gahetvā ‘‘devadhamme jānāsī’’ti pucchi. So ‘‘devadhammā nāma candimasūriyā’’ti āha. Atha naṃ ‘‘tvaṃ devadhamme na jānāsī’’ti vatvā udakaṃ pavesetvā attano vasanaṭṭhāne ṭhapesi. Bodhisattopi taṃ aticirāyantaṃ disvā candakumāraṃ pesesi. Rakkhaso tampi gahetvā ‘‘devadhamme jānāsī’’ti pucchi. ‘‘Āma jānāmi, devadhammā nāma catasso disā’’ti. Rakkhaso ‘‘na tvaṃ devadhamme jānāsī’’ti tampi gahetvā tattheva ṭhapesi.
б̣од̇хисад̇д̇о д̇асмимби жирааяанд̇з ‘‘згзна анд̇арааязна бхавид̇аб̣б̣а’’нд̇и саяам̣ д̇ад̇т̇а г̇анд̇ваа д̣̇виннамби од̇аран̣абад̣̇авал̣ан̃ж̇ам̣ д̣̇исваа ‘‘рагкасабариг̇г̇ахид̇зна иминаа сарзна бхавид̇аб̣б̣а’’нд̇и каг̇г̇ам̣ саннаяхид̇ваа д̇ханум̣ г̇ахзд̇ваа адтааси. д̣̇агарагкасо б̣од̇хисад̇д̇ам̣ уд̣̇агам̣ анод̇аранд̇ам̣ д̣̇исваа ванагаммигабурисо вияа худ̇ваа б̣од̇хисад̇д̇ам̣ ааха – ‘‘бхо, буриса, д̇вам̣ маг̇г̇агиланд̇о гасмаа имам̣ сарам̣ од̇арид̇ваа нхад̇ваа бивид̇ваа бхисамул̣аалам̣ каад̣̇ид̇ваа бубпаани бил̣анд̇хид̇ваа яат̇аасукам̣ на г̇ажчасий’’д̇и? б̣од̇хисад̇д̇о д̇ам̣ д̣̇исваа ‘‘зсо яагко бхависсад̇ий’’д̇и н̃ад̇ваа ‘‘д̇аяаа мз бхаад̇игаа г̇ахид̇аа’’д̇и ааха. ‘‘аама, г̇ахид̇аа’’д̇и. ‘‘гим̣ гааран̣аа’’д̇и? ‘‘ахам̣ имам̣ сарам̣ од̇ин̣н̣агз лабхаамий’’д̇и. ‘‘гим̣ бана саб̣б̣зва лабхасий’’д̇и? ‘‘яз д̣̇звад̇хаммз ж̇аананд̇и, д̇з табзд̇ваа авасзсз лабхаамий’’д̇и. ‘‘ад̇т̇и бана д̇з д̣̇звад̇хаммзхи ад̇т̇о’’д̇и? ‘‘аама, ад̇т̇ий’’д̇и. ‘‘яад̣̇и звам̣ ахам̣ д̇з д̣̇звад̇хаммз гат̇зссаамий’’д̇и. ‘‘д̇зна хи гат̇зхи, ахам̣ д̣̇звад̇хаммз сун̣иссаамий’’д̇и. б̣од̇хисад̇д̇о ааха ‘‘ахам̣ д̣̇звад̇хаммз гат̇зяяам̣, гилидтаг̇ад̇д̇о банамхий’’д̇и. яагко б̣од̇хисад̇д̇ам̣ нхаабзд̇ваа бхож̇анам̣ бхож̇зд̇ваа баанийяам̣ бааязд̇ваа бубпаани бил̣анд̇хаабзд̇ваа г̇анд̇хзхи вилимбаабзд̇ваа алан̇гад̇аман̣д̣абамаж̇жхз баллан̇гам̣ ад̇т̇арид̇ваа ад̣̇ааси.
Bodhisatto tasmimpi cirāyante ‘‘ekena antarāyena bhavitabba’’nti sayaṃ tattha gantvā dvinnampi otaraṇapadavaḷañjaṃ disvā ‘‘rakkhasapariggahitena iminā sarena bhavitabba’’nti khaggaṃ sannayhitvā dhanuṃ gahetvā aṭṭhāsi. Dakarakkhaso bodhisattaṃ udakaṃ anotarantaṃ disvā vanakammikapuriso viya hutvā bodhisattaṃ āha – ‘‘bho, purisa, tvaṃ maggakilanto kasmā imaṃ saraṃ otaritvā nhatvā pivitvā bhisamuḷālaṃ khāditvā pupphāni piḷandhitvā yathāsukhaṃ na gacchasī’’ti? Bodhisatto taṃ disvā ‘‘eso yakkho bhavissatī’’ti ñatvā ‘‘tayā me bhātikā gahitā’’ti āha. ‘‘Āma, gahitā’’ti. ‘‘Kiṃ kāraṇā’’ti? ‘‘Ahaṃ imaṃ saraṃ otiṇṇake labhāmī’’ti. ‘‘Kiṃ pana sabbeva labhasī’’ti? ‘‘Ye devadhamme jānanti, te ṭhapetvā avasese labhāmī’’ti. ‘‘Atthi pana te devadhammehi attho’’ti? ‘‘Āma, atthī’’ti. ‘‘Yadi evaṃ ahaṃ te devadhamme kathessāmī’’ti. ‘‘Tena hi kathehi, ahaṃ devadhamme suṇissāmī’’ti. Bodhisatto āha ‘‘ahaṃ devadhamme katheyyaṃ, kiliṭṭhagatto panamhī’’ti. Yakkho bodhisattaṃ nhāpetvā bhojanaṃ bhojetvā pānīyaṃ pāyetvā pupphāni piḷandhāpetvā gandhehi vilimpāpetvā alaṅkatamaṇḍapamajjhe pallaṅkaṃ attharitvā adāsi.
б̣од̇хисад̇д̇о аасанз нисийд̣̇ид̇ваа яагкам̣ баад̣̇амуулз нисийд̣̇аабзд̇ваа ‘‘д̇зна хи охид̇асод̇о саггажжам̣ д̣̇звад̇хаммз сун̣аахий’’д̇и имам̣ г̇аат̇амааха –
Bodhisatto āsane nisīditvā yakkhaṃ pādamūle nisīdāpetvā ‘‘tena hi ohitasoto sakkaccaṃ devadhamme suṇāhī’’ti imaṃ gāthamāha –
6.
6.
‘‘хириод̇д̇аббасамбаннаа, суггад̇хаммасамаахид̇аа;
‘‘Hiriottappasampannā, sukkadhammasamāhitā;
санд̇о саббурисаа логз, д̣̇звад̇хаммаад̇и вужжарз’’д̇и.
Santo sappurisā loke, devadhammāti vuccare’’ti.
д̇ад̇т̇а хириод̇д̇аббасамбаннаад̇и хирияаа жа од̇д̇аббзна жа саманнааг̇ад̇аа. д̇зсу гааяад̣̇ужжарид̇аад̣̇ийхи хирияад̇ийд̇и хирий, лаж̇ж̇ааязд̇ам̣ ад̇хиважанам̣. д̇зхиязва од̇д̇аббад̇ийд̇и од̇д̇аббам̣, баабад̇о уб̣б̣зг̇ассзд̇ам̣ ад̇хиважанам̣. д̇ад̇т̇а аж̇жхад̇д̇асамудтаанаа хирий, б̣ахид̣̇д̇хаасамудтаанам̣ од̇д̇аббам̣. ад̇д̇аад̇хибад̇зяяаа хирий, логаад̇хибад̇зяяам̣ од̇д̇аббам̣. лаж̇ж̇аасабхаавасан̣тид̇аа хирий, бхаяасабхаавасан̣тид̇ам̣ од̇д̇аббам̣. саббад̇иссавалагкан̣аа хирий, важ̇ж̇абхийругабхаяад̣̇ассаавилагкан̣ам̣ од̇д̇аббам̣.
Tattha hiriottappasampannāti hiriyā ca ottappena ca samannāgatā. Tesu kāyaduccaritādīhi hiriyatīti hirī, lajjāyetaṃ adhivacanaṃ. Tehiyeva ottappatīti ottappaṃ, pāpato ubbegassetaṃ adhivacanaṃ. Tattha ajjhattasamuṭṭhānā hirī, bahiddhāsamuṭṭhānaṃ ottappaṃ. Attādhipateyyā hirī, lokādhipateyyaṃ ottappaṃ. Lajjāsabhāvasaṇṭhitā hirī, bhayasabhāvasaṇṭhitaṃ ottappaṃ. Sappatissavalakkhaṇā hirī, vajjabhīrukabhayadassāvilakkhaṇaṃ ottappaṃ.
д̇ад̇т̇а аж̇жхад̇д̇асамудтаанам̣ хирим̣ жад̇уухи гааран̣зхи самудтаабзд̇и – ж̇аад̇им̣ бажжавзгкид̇ваа ваяам̣ бажжавзгкид̇ваа суурабхаавам̣ бажжавзгкид̇ваа б̣аахусажжам̣ бажжавзгкид̇ваа . гат̇ам̣? ‘‘баабагаран̣ам̣ наамзд̇ам̣ на ж̇аад̇исамбаннаанам̣ гаммам̣, хийнаж̇ажжаанам̣ гзваддаад̣̇ийнам̣ гаммам̣, маад̣̇исасса ж̇аад̇исамбаннасса ид̣̇ам̣ гаммам̣ гаад̇ум̣ на яуд̇д̇а’’нд̇и звам̣ д̇аава ж̇аад̇им̣ бажжавзгкид̇ваа баан̣аад̇ибаад̇аад̣̇ибаабам̣ агаронд̇о хирим̣ самудтаабзд̇и. д̇ат̇аа ‘‘баабагаран̣ам̣ наамзд̇ам̣ д̣̇ахарзхи гад̇д̇аб̣б̣ам̣ гаммам̣, маад̣̇исасса ваяз тид̇асса ид̣̇ам̣ гаммам̣ гаад̇ум̣ на яуд̇д̇а’’нд̇и звам̣ ваяам̣ бажжавзгкид̇ваа баан̣аад̇ибаад̇аад̣̇ибаабам̣ агаронд̇о хирим̣ самудтаабзд̇и. д̇ат̇аа ‘‘баабагаммам̣ наамзд̇ам̣ д̣̇уб̣б̣алаж̇аад̇игаанам̣ гаммам̣, маад̣̇исасса суурабхаавасамбаннасса ид̣̇ам̣ гаммам̣ гаад̇ум̣ на яуд̇д̇а’’нд̇и звам̣ суурабхаавам̣ бажжавзгкид̇ваа баан̣аад̇ибаад̇аад̣̇ибаабам̣ агаронд̇о хирим̣ самудтаабзд̇и. д̇ат̇аа ‘‘баабагаммам̣ наамзд̇ам̣ анд̇хаб̣аалаанам̣ гаммам̣, на бан̣д̣ид̇аанам̣, маад̣̇исасса бан̣д̣ид̇асса б̣ахуссуд̇асса ид̣̇ам̣ гаммам̣ гаад̇ум̣ на яуд̇д̇а’’нд̇и звам̣ б̣аахусажжам̣ бажжавзгкид̇ваа баан̣аад̇ибаад̇аад̣̇ибаабам̣ агаронд̇о хирим̣ самудтаабзд̇и. звам̣ аж̇жхад̇д̇асамудтаанам̣ хирим̣ жад̇уухи гааран̣зхи самудтаабзд̇и. самудтаабзд̇ваа жа бана ад̇д̇ано жид̇д̇з хирим̣ бавзсзд̇ваа баабагаммам̣ на гарод̇и. звам̣ хирий аж̇жхад̇д̇асамудтаанаа наама ход̇и.
Tattha ajjhattasamuṭṭhānaṃ hiriṃ catūhi kāraṇehi samuṭṭhāpeti – jātiṃ paccavekkhitvā vayaṃ paccavekkhitvā sūrabhāvaṃ paccavekkhitvā bāhusaccaṃ paccavekkhitvā . Kathaṃ? ‘‘Pāpakaraṇaṃ nāmetaṃ na jātisampannānaṃ kammaṃ, hīnajaccānaṃ kevaṭṭādīnaṃ kammaṃ, mādisassa jātisampannassa idaṃ kammaṃ kātuṃ na yutta’’nti evaṃ tāva jātiṃ paccavekkhitvā pāṇātipātādipāpaṃ akaronto hiriṃ samuṭṭhāpeti. Tathā ‘‘pāpakaraṇaṃ nāmetaṃ daharehi kattabbaṃ kammaṃ, mādisassa vaye ṭhitassa idaṃ kammaṃ kātuṃ na yutta’’nti evaṃ vayaṃ paccavekkhitvā pāṇātipātādipāpaṃ akaronto hiriṃ samuṭṭhāpeti. Tathā ‘‘pāpakammaṃ nāmetaṃ dubbalajātikānaṃ kammaṃ, mādisassa sūrabhāvasampannassa idaṃ kammaṃ kātuṃ na yutta’’nti evaṃ sūrabhāvaṃ paccavekkhitvā pāṇātipātādipāpaṃ akaronto hiriṃ samuṭṭhāpeti. Tathā ‘‘pāpakammaṃ nāmetaṃ andhabālānaṃ kammaṃ, na paṇḍitānaṃ, mādisassa paṇḍitassa bahussutassa idaṃ kammaṃ kātuṃ na yutta’’nti evaṃ bāhusaccaṃ paccavekkhitvā pāṇātipātādipāpaṃ akaronto hiriṃ samuṭṭhāpeti. Evaṃ ajjhattasamuṭṭhānaṃ hiriṃ catūhi kāraṇehi samuṭṭhāpeti. Samuṭṭhāpetvā ca pana attano citte hiriṃ pavesetvā pāpakammaṃ na karoti. Evaṃ hirī ajjhattasamuṭṭhānā nāma hoti.
гат̇ам̣ од̇д̇аббам̣ б̣ахид̣̇д̇хаасамудтаанам̣ наама? ‘‘сажз д̇вам̣ баабагаммам̣ гариссаси, жад̇уусу барисаасу г̇арахаббад̇д̇о бхависсаси.
Kathaṃ ottappaṃ bahiddhāsamuṭṭhānaṃ nāma? ‘‘Sace tvaṃ pāpakammaṃ karissasi, catūsu parisāsu garahappatto bhavissasi.
‘‘г̇арахиссанд̇и д̇ам̣ вин̃н̃уу, асужим̣ нааг̇ариго яат̇аа;
‘‘Garahissanti taṃ viññū, asuciṃ nāgariko yathā;
важ̇ж̇ид̇о сийлаванд̇зхи, гат̇ам̣ бхигку гариссасий’’д̇и. (д̇ха. са. адта. 1 б̣алараасиван̣н̣анаа) –
Vajjito sīlavantehi, kathaṃ bhikkhu karissasī’’ti. (dha. sa. aṭṭha. 1 balarāsivaṇṇanā) –
звам̣ бажжавзгканд̇о хи б̣ахид̣̇д̇хаасамудтид̇зна од̇д̇аббзна баабагаммам̣ на гарод̇и. звам̣ од̇д̇аббам̣ б̣ахид̣̇д̇хаасамудтаанам̣ наама ход̇и.
Evaṃ paccavekkhanto hi bahiddhāsamuṭṭhitena ottappena pāpakammaṃ na karoti. Evaṃ ottappaṃ bahiddhāsamuṭṭhānaṃ nāma hoti.
гат̇ам̣ хирий ад̇д̇аад̇хибад̇зяяаа наама? ид̇хзгажжо гулабуд̇д̇о ад̇д̇аанам̣ ад̇хибад̇им̣ ж̇здтагам̣ гад̇ваа ‘‘маад̣̇исасса сад̣̇д̇хаабаб̣б̣аж̇ид̇асса б̣ахуссуд̇асса д̇худ̇ан̇г̇ад̇харасса на яуд̇д̇ам̣ баабагаммам̣ гаад̇у’’нд̇и баабам̣ на гарод̇и. звам̣ хирий ад̇д̇аад̇хибад̇зяяаа наама ход̇и. д̇знааха бхаг̇аваа –
Kathaṃ hirī attādhipateyyā nāma? Idhekacco kulaputto attānaṃ adhipatiṃ jeṭṭhakaṃ katvā ‘‘mādisassa saddhāpabbajitassa bahussutassa dhutaṅgadharassa na yuttaṃ pāpakammaṃ kātu’’nti pāpaṃ na karoti. Evaṃ hirī attādhipateyyā nāma hoti. Tenāha bhagavā –
‘‘со ад̇д̇аанам̣язва ад̇хибад̇им̣ гад̇ваа агусалам̣ баж̇ахад̇и, гусалам̣ бхаавзд̇и. сааваж̇ж̇ам̣ баж̇ахад̇и, анаваж̇ж̇ам̣ бхаавзд̇и. суд̣̇д̇хамад̇д̇аанам̣ барихарад̇ий’’д̇и (а. ни. 3.40).
‘‘So attānaṃyeva adhipatiṃ katvā akusalaṃ pajahati, kusalaṃ bhāveti. Sāvajjaṃ pajahati, anavajjaṃ bhāveti. Suddhamattānaṃ pariharatī’’ti (a. ni. 3.40).
гат̇ам̣ од̇д̇аббам̣ логаад̇хибад̇зяяам̣ наама? ид̇хзгажжо гулабуд̇д̇о логам̣ ад̇хибад̇им̣ ж̇здтагам̣ гад̇ваа баабагаммам̣ на гарод̇и. яат̇ааха –
Kathaṃ ottappaṃ lokādhipateyyaṃ nāma? Idhekacco kulaputto lokaṃ adhipatiṃ jeṭṭhakaṃ katvā pāpakammaṃ na karoti. Yathāha –
‘‘махаа ко банааяам̣ логасанниваасо. маханд̇асмим̣ ко бана логасанниваасз санд̇и саман̣аб̣раахман̣аа ид̣̇д̇химанд̇о д̣̇иб̣б̣ажагкугаа баражид̇д̇авид̣̇уно, д̇з д̣̇уурад̇оби бассанд̇и, аасаннааби на д̣̇иссанд̇и, жзд̇асааби жид̇д̇ам̣ ж̇аананд̇и, д̇зби мам̣ звам̣ ж̇ааниссанд̇и ‘бассат̇а бхо, имам̣ гулабуд̇д̇ам̣, сад̣̇д̇хаа аг̇аарасмаа анаг̇аарияам̣ баб̣б̣аж̇ид̇о самаано вогин̣н̣о вихарад̇и баабагзхи агусалзхи д̇хаммзхий’д̇и.
‘‘Mahā kho panāyaṃ lokasannivāso. Mahantasmiṃ kho pana lokasannivāse santi samaṇabrāhmaṇā iddhimanto dibbacakkhukā paracittaviduno, te dūratopi passanti, āsannāpi na dissanti, cetasāpi cittaṃ jānanti, tepi maṃ evaṃ jānissanti ‘passatha bho, imaṃ kulaputtaṃ, saddhā agārasmā anagāriyaṃ pabbajito samāno vokiṇṇo viharati pāpakehi akusalehi dhammehī’ti.
‘‘санд̇и д̣̇звад̇аа ид̣̇д̇химанд̇ияо д̣̇иб̣б̣ажагкугаа баражид̇д̇авид̣̇унияо, д̇аа д̣̇уурад̇оби бассанд̇и, аасаннааби на д̣̇иссанд̇и, жзд̇асааби жид̇д̇ам̣ ж̇аананд̇и, д̇ааби мам̣ звам̣ ж̇ааниссанд̇и ‘бассат̇а бхо, имам̣ гулабуд̇д̇ам̣, сад̣̇д̇хаа аг̇аарасмаа анаг̇аарияам̣ баб̣б̣аж̇ид̇о самаано вогин̣н̣о вихарад̇и баабагзхи агусалзхи д̇хаммзхий’д̇и. со логам̣язва ад̇хибад̇им̣ ж̇здтагам̣ гарид̇ваа агусалам̣ баж̇ахад̇и, гусалам̣ бхаавзд̇и. сааваж̇ж̇ам̣ баж̇ахад̇и, анаваж̇ж̇ам̣ бхаавзд̇и. суд̣̇д̇хамад̇д̇аанам̣ барихарад̇ий’’д̇и (а. ни. 3.40).
‘‘Santi devatā iddhimantiyo dibbacakkhukā paracittaviduniyo, tā dūratopi passanti, āsannāpi na dissanti, cetasāpi cittaṃ jānanti, tāpi maṃ evaṃ jānissanti ‘passatha bho, imaṃ kulaputtaṃ, saddhā agārasmā anagāriyaṃ pabbajito samāno vokiṇṇo viharati pāpakehi akusalehi dhammehī’ti. So lokaṃyeva adhipatiṃ jeṭṭhakaṃ karitvā akusalaṃ pajahati, kusalaṃ bhāveti. Sāvajjaṃ pajahati, anavajjaṃ bhāveti. Suddhamattānaṃ pariharatī’’ti (a. ni. 3.40).
звам̣ од̇д̇аббам̣ логаад̇хибад̇зяяам̣ наама ход̇и.
Evaṃ ottappaṃ lokādhipateyyaṃ nāma hoti.
‘‘лаж̇ж̇аасабхаавасан̣тид̇аа хирий, бхаяасабхаавасан̣тид̇ам̣ од̇д̇абба’’нд̇и зд̇т̇а бана лаж̇ж̇аад̇и лаж̇ж̇анаагааро, д̇зна сабхаавзна сан̣тид̇аа хирий. бхаяанд̇и абааяабхаяам̣, д̇зна сабхаавзна сан̣тид̇ам̣ од̇д̇аббам̣. д̇ад̣̇убхаяамби баабабариваж̇ж̇анз баагадам̣ ход̇и. згажжо хи яат̇аа наамзго гулабуд̇д̇о ужжаарабассааваад̣̇ийни гаронд̇о лаж̇ж̇ид̇аб̣б̣аяуд̇д̇агам̣ згам̣ д̣̇исваа лаж̇ж̇анаагаараббад̇д̇о бхавзяяа хийл̣ид̇о, звамзвам̣ аж̇жхад̇д̇ам̣ лаж̇ж̇ид̇хаммам̣ оггамид̇ваа баабагаммам̣ на гарод̇и. згажжо абааяабхаяабхийд̇о худ̇ваа баабагаммам̣ на гарод̇и. д̇ад̇рид̣̇ам̣ обаммам̣ – яат̇аа хи д̣̇вийсу аяог̇ул̣зсу зго сийд̇ало бхавзяяа г̇уут̇амагкид̇о, зго ун̣хо аад̣̇ид̇д̇о. д̇ад̇т̇а бан̣д̣ид̇о сийд̇алам̣ г̇уут̇амагкид̇ад̇д̇аа ж̇иг̇ужчанд̇о на г̇ан̣хаад̇и, ид̇арам̣ д̣аахабхаязна. д̇ад̇т̇а сийд̇аласса г̇уут̇амагкид̇асса ж̇иг̇ужчааяа аг̇ан̣ханам̣ вияа аж̇жхад̇д̇ам̣ лаж̇ж̇ид̇хаммам̣ оггамид̇ваа баабасса агаран̣ам̣, ун̣хасса д̣аахабхаязна аг̇ан̣ханам̣ вияа абааяабхаязна баабасса агаран̣ам̣ взд̣̇ид̇аб̣б̣ам̣.
‘‘Lajjāsabhāvasaṇṭhitā hirī, bhayasabhāvasaṇṭhitaṃ ottappa’’nti ettha pana lajjāti lajjanākāro, tena sabhāvena saṇṭhitā hirī. Bhayanti apāyabhayaṃ, tena sabhāvena saṇṭhitaṃ ottappaṃ. Tadubhayampi pāpaparivajjane pākaṭaṃ hoti. Ekacco hi yathā nāmeko kulaputto uccārapassāvādīni karonto lajjitabbayuttakaṃ ekaṃ disvā lajjanākārappatto bhaveyya hīḷito, evamevaṃ ajjhattaṃ lajjidhammaṃ okkamitvā pāpakammaṃ na karoti. Ekacco apāyabhayabhīto hutvā pāpakammaṃ na karoti. Tatridaṃ opammaṃ – yathā hi dvīsu ayoguḷesu eko sītalo bhaveyya gūthamakkhito, eko uṇho āditto. Tattha paṇḍito sītalaṃ gūthamakkhitattā jigucchanto na gaṇhāti, itaraṃ ḍāhabhayena. Tattha sītalassa gūthamakkhitassa jigucchāya agaṇhanaṃ viya ajjhattaṃ lajjidhammaṃ okkamitvā pāpassa akaraṇaṃ, uṇhassa ḍāhabhayena agaṇhanaṃ viya apāyabhayena pāpassa akaraṇaṃ veditabbaṃ.
‘‘саббад̇иссавалагкан̣аа хирий, важ̇ж̇абхийругабхаяад̣̇ассаавилагкан̣ам̣ од̇д̇абба’’нд̇и ид̣̇амби д̣̇ваяам̣ баабабариваж̇ж̇анзязва баагадам̣ ход̇и. згажжо хи ж̇аад̇имахад̇д̇абажжавзгкан̣аа, сад̇т̇умахад̇д̇абажжавзгкан̣аа, д̣̇ааяаж̇ж̇амахад̇д̇абажжавзгкан̣аа, саб̣рахмажааримахад̇д̇абажжавзгкан̣аад̇и жад̇уухи гааран̣зхи саббад̇иссавалагкан̣ам̣ хирим̣ самудтаабзд̇ваа баабам̣ на гарод̇и. згажжо ад̇д̇аануваад̣̇абхаяам̣, бараануваад̣̇абхаяам̣ , д̣̇ан̣д̣абхаяам̣, д̣̇уг̇г̇ад̇ибхаяанд̇и жад̇уухи гааран̣зхи важ̇ж̇абхийругабхаяад̣̇ассаавилагкан̣ам̣ од̇д̇аббам̣ самудтаабзд̇ваа баабам̣ на гарод̇и. д̇ад̇т̇а ж̇аад̇имахад̇д̇абажжавзгкан̣аад̣̇ийни жзва ад̇д̇аануваад̣̇абхаяаад̣̇ийни жа вид̇т̇аарзд̇ваа гат̇зд̇аб̣б̣аани. д̇зсам̣ вид̇т̇ааро ан̇г̇уд̇д̇аранигааяадтагат̇ааяам̣ вуд̇д̇о.
‘‘Sappatissavalakkhaṇā hirī, vajjabhīrukabhayadassāvilakkhaṇaṃ ottappa’’nti idampi dvayaṃ pāpaparivajjaneyeva pākaṭaṃ hoti. Ekacco hi jātimahattapaccavekkhaṇā, satthumahattapaccavekkhaṇā, dāyajjamahattapaccavekkhaṇā, sabrahmacārimahattapaccavekkhaṇāti catūhi kāraṇehi sappatissavalakkhaṇaṃ hiriṃ samuṭṭhāpetvā pāpaṃ na karoti. Ekacco attānuvādabhayaṃ, parānuvādabhayaṃ , daṇḍabhayaṃ, duggatibhayanti catūhi kāraṇehi vajjabhīrukabhayadassāvilakkhaṇaṃ ottappaṃ samuṭṭhāpetvā pāpaṃ na karoti. Tattha jātimahattapaccavekkhaṇādīni ceva attānuvādabhayādīni ca vitthāretvā kathetabbāni. Tesaṃ vitthāro aṅguttaranikāyaṭṭhakathāyaṃ vutto.
суггад̇хаммасамаахид̇аад̇и ид̣̇амзва хирод̇д̇аббам̣ аад̣̇им̣ гад̇ваа гад̇д̇аб̣б̣аа гусалаа д̇хаммаа суггад̇хаммаа наама, д̇з саб̣б̣асан̇г̇аахаганаязна жад̇убхуумагалогияалогуд̇д̇арад̇хаммаа. д̇зхи самаахид̇аа саманнааг̇ад̇аад̇и ад̇т̇о. санд̇о саббурисаа логзд̇и гааяагаммаад̣̇ийнам̣ санд̇ад̇ааяа санд̇о, гад̇ан̃н̃угад̇авзд̣̇ид̇ааяа собханаа бурисаад̇и саббурисаа. лого бана сан̇кааралого, сад̇д̇алого, огаасалого, канд̇халого, ааяад̇аналого, д̇хаад̇улогод̇и анзгавид̇хо. д̇ад̇т̇а ‘‘зго лого саб̣б̣з сад̇д̇аа аахаарадтид̇игаа…бз… адтаараса логаа адтаараса д̇хаад̇уяо’’д̇и (бади. ма. 1.112) зд̇т̇а сан̇кааралого вуд̇д̇о. канд̇халогаад̣̇аяо д̇ад̣̇анд̇ог̇ад̇хааязва. ‘‘аяам̣ лого баралого, д̣̇звалого мануссалого’’д̇иаад̣̇ийсу (махаани. 3; жуул̣ани. аж̇ид̇амаан̣авабужчаанид̣̇д̣̇зса 2) бана сад̇д̇алого вуд̇д̇о.
Sukkadhammasamāhitāti idameva hirottappaṃ ādiṃ katvā kattabbā kusalā dhammā sukkadhammā nāma, te sabbasaṅgāhakanayena catubhūmakalokiyalokuttaradhammā. Tehi samāhitā samannāgatāti attho. Santo sappurisā loketi kāyakammādīnaṃ santatāya santo, kataññukataveditāya sobhanā purisāti sappurisā. Loko pana saṅkhāraloko, sattaloko, okāsaloko, khandhaloko, āyatanaloko, dhātulokoti anekavidho. Tattha ‘‘eko loko sabbe sattā āhāraṭṭhitikā…pe… aṭṭhārasa lokā aṭṭhārasa dhātuyo’’ti (paṭi. ma. 1.112) ettha saṅkhāraloko vutto. Khandhalokādayo tadantogadhāyeva. ‘‘Ayaṃ loko paraloko, devaloko manussaloko’’tiādīsu (mahāni. 3; cūḷani. ajitamāṇavapucchāniddesa 2) pana sattaloko vutto.
‘‘яаавад̇аа жанд̣̇имасуурияаа, барихаранд̇и д̣̇исаа бханд̇и вирожамаанаа;
‘‘Yāvatā candimasūriyā, pariharanti disā bhanti virocamānā;
д̇аава сахассад̇хаа лого, зд̇т̇а д̇з вад̇д̇ад̇з васо’’д̇и. (ма. ни. 1.503) –
Tāva sahassadhā loko, ettha te vattate vaso’’ti. (ma. ni. 1.503) –
зд̇т̇а огаасалого вуд̇д̇о. д̇зсу ид̇ха сад̇д̇алого ад̇хиббзд̇о. сад̇д̇алогасмин̃хи яз зваруубаа саббурисаа, д̇з д̣̇звад̇хаммаад̇и вужжанд̇и.
Ettha okāsaloko vutto. Tesu idha sattaloko adhippeto. Sattalokasmiñhi ye evarūpā sappurisā, te devadhammāti vuccanti.
д̇ад̇т̇а д̣̇зваад̇и саммуд̇ид̣̇зваа, убабад̇д̇ид̣̇зваа, висуд̣̇д̇хид̣̇зваад̇и д̇ивид̇хаа. д̇зсу махаасаммад̇агаалад̇о бадтааяа логзна ‘‘д̣̇зваа’’д̇и саммад̇ад̇д̇аа рааж̇арааж̇агумаараад̣̇аяо саммуд̇ид̣̇зваа наама. д̣̇звалогз уббаннаа убабад̇д̇ид̣̇зваа наама. кийн̣аасаваа бана висуд̣̇д̇хид̣̇зваа наама. вуд̇д̇амби жзд̇ам̣ –
Tattha devāti sammutidevā, upapattidevā, visuddhidevāti tividhā. Tesu mahāsammatakālato paṭṭhāya lokena ‘‘devā’’ti sammatattā rājarājakumārādayo sammutidevā nāma. Devaloke uppannā upapattidevā nāma. Khīṇāsavā pana visuddhidevā nāma. Vuttampi cetaṃ –
‘‘саммуд̇ид̣̇зваа наама рааж̇аано д̣̇звияо рааж̇агумаараа. убабад̇д̇ид̣̇зваа наама бхуммад̣̇звз убаад̣̇ааяа д̇ад̣̇уд̇д̇арид̣̇зваа. висуд̣̇д̇хид̣̇зваа наама б̣уд̣̇д̇хаа бажжзгаб̣уд̣̇д̇хаа кийн̣аасаваа’’д̇и (жуул̣ани. д̇ход̇агамаан̣авабужчаанид̣̇д̣̇зса 32; баарааяанаануг̇ийд̇иг̇аат̇аанид̣̇д̣̇зса 119).
‘‘Sammutidevā nāma rājāno deviyo rājakumārā. Upapattidevā nāma bhummadeve upādāya taduttaridevā. Visuddhidevā nāma buddhā paccekabuddhā khīṇāsavā’’ti (cūḷani. dhotakamāṇavapucchāniddesa 32; pārāyanānugītigāthāniddesa 119).
имзсам̣ д̣̇зваанам̣ д̇хаммаад̇и д̣̇звад̇хаммаа. вужжарзд̇и вужжанд̇и. хирод̇д̇аббамуулагаа хи гусалаа д̇хаммаа гуласамбад̣̇ааяа жзва д̣̇звалогз ниб̣б̣ад̇д̇ияаа жа висуд̣̇д̇хибхаавасса жа гааран̣ад̇д̇аа гааран̣адтзна д̇ивид̇хаанамби д̇зсам̣ д̣̇зваанам̣ д̇хаммаад̇и д̣̇звад̇хаммаа, д̇зхи д̣̇звад̇хаммзхи саманнааг̇ад̇аа буг̇г̇алааби д̣̇звад̇хаммаа. д̇асмаа буг̇г̇алаад̇хидтаанад̣̇зсанааяа д̇з д̇хаммз д̣̇ассзнд̇о ‘‘санд̇о саббурисаа логз, д̣̇звад̇хаммаад̇и вужжарз’’д̇и ааха.
Imesaṃ devānaṃ dhammāti devadhammā. Vuccareti vuccanti. Hirottappamūlakā hi kusalā dhammā kulasampadāya ceva devaloke nibbattiyā ca visuddhibhāvassa ca kāraṇattā kāraṇaṭṭhena tividhānampi tesaṃ devānaṃ dhammāti devadhammā, tehi devadhammehi samannāgatā puggalāpi devadhammā. Tasmā puggalādhiṭṭhānadesanāya te dhamme dassento ‘‘santo sappurisā loke, devadhammāti vuccare’’ti āha.
яагко имам̣ д̇хаммад̣̇зсанам̣ суд̇ваа басаннажид̇д̇о б̣од̇хисад̇д̇ам̣ ааха – ‘‘бан̣д̣ид̇а, ахам̣ д̇умхаагам̣ басанно, згам̣ бхаад̇арам̣ д̣̇зми, гад̇арам̣ аанзмий’’д̇и? ‘‘ганидтам̣ аанзхий’’д̇и. ‘‘бан̣д̣ид̇а, д̇вам̣ гзвалам̣ д̣̇звад̇хаммз ж̇аанаасиязва, на бана д̇зсу вад̇д̇асий’’д̇и. ‘‘гим̣ гааран̣аа’’д̇и? ‘‘яам̣гааран̣аа ж̇здтагам̣ табзд̇ваа ганидтам̣ аан̣аабзнд̇о ж̇здтаабажааяигагаммам̣ на гаросий’’д̇и. д̣̇звад̇хаммз жаахам̣, яагка, ж̇аанаами, д̇зсу жа вад̇д̇аами. маяан̃хи имам̣ аран̃н̃ам̣ зд̇ам̣ ниссааяа бавидтаа. зд̇асса хи ад̇т̇ааяа амхаагам̣ бид̇арам̣ зд̇асса маад̇аа раж̇ж̇ам̣ яаажи, амхаагам̣ бана бид̇аа д̇ам̣ варам̣ ад̣̇ад̇ваа амхаагам̣ анурагкан̣ад̇т̇ааяа аран̃н̃аваасам̣ ануж̇аани. со гумааро анувад̇д̇ид̇ваа амхзхи сад̣̇д̇хим̣ ааг̇ад̇о. ‘‘д̇ам̣ аран̃н̃з зго яагко каад̣̇ий’’д̇и вуд̇д̇зби на гожи сад̣̇д̣̇ахиссад̇и, д̇знаахам̣ г̇арахабхаяабхийд̇о д̇амзва аан̣аабзмийд̇и. ‘‘саад̇ху саад̇ху бан̣д̣ид̇а, д̇вам̣ д̣̇звад̇хаммз жа ж̇аанааси, д̇зсу жа вад̇д̇асий’’д̇и басанно яагко б̣од̇хисад̇д̇асса саад̇хугаарам̣ д̣̇ад̇ваа д̣̇взби бхаад̇аро аанзд̇ваа ад̣̇ааси.
Yakkho imaṃ dhammadesanaṃ sutvā pasannacitto bodhisattaṃ āha – ‘‘paṇḍita, ahaṃ tumhākaṃ pasanno, ekaṃ bhātaraṃ demi, kataraṃ ānemī’’ti? ‘‘Kaniṭṭhaṃ ānehī’’ti. ‘‘Paṇḍita, tvaṃ kevalaṃ devadhamme jānāsiyeva, na pana tesu vattasī’’ti. ‘‘Kiṃ kāraṇā’’ti? ‘‘Yaṃkāraṇā jeṭṭhakaṃ ṭhapetvā kaniṭṭhaṃ āṇāpento jeṭṭhāpacāyikakammaṃ na karosī’’ti. Devadhamme cāhaṃ, yakkha, jānāmi, tesu ca vattāmi. Mayañhi imaṃ araññaṃ etaṃ nissāya paviṭṭhā. Etassa hi atthāya amhākaṃ pitaraṃ etassa mātā rajjaṃ yāci, amhākaṃ pana pitā taṃ varaṃ adatvā amhākaṃ anurakkhaṇatthāya araññavāsaṃ anujāni. So kumāro anuvattitvā amhehi saddhiṃ āgato. ‘‘Taṃ araññe eko yakkho khādī’’ti vuttepi na koci saddahissati, tenāhaṃ garahabhayabhīto tameva āṇāpemīti. ‘‘Sādhu sādhu paṇḍita, tvaṃ devadhamme ca jānāsi, tesu ca vattasī’’ti pasanno yakkho bodhisattassa sādhukāraṃ datvā dvepi bhātaro ānetvā adāsi.
ат̇а нам̣ б̣од̇хисад̇д̇о ааха – ‘‘самма, д̇вам̣ буб̣б̣з ад̇д̇анаа гад̇зна баабагаммзна барзсам̣ мам̣салохид̇акаад̣̇аго яагко худ̇ваа ниб̣б̣ад̇д̇о, ид̣̇ааниби баабамзва гароси, ид̣̇ам̣ д̇з баабагаммам̣ нираяаад̣̇ийхи мужжид̇ум̣ огаасам̣ на д̣̇ассад̇и , д̇асмаа ид̇о бадтааяа баабам̣ бахааяа гусалам̣ гарохий’’д̇и. асагки жа бана д̇ам̣ д̣̇амзд̇ум̣. со д̇ам̣ яагкам̣ д̣̇амзд̇ваа д̇зна сам̣вихид̇аарагко д̇ад̇т̇зва васанд̇о згад̣̇ивасам̣ нагкад̇д̇ам̣ ологзд̇ваа бид̇у гаалагад̇абхаавам̣ н̃ад̇ваа яагкам̣ аад̣̇ааяа б̣аараан̣асим̣ г̇анд̇ваа раж̇ж̇ам̣ г̇ахзд̇ваа жанд̣̇агумаарасса обараж̇ж̇ам̣, суурияагумаарасса сзнаабад̇идтаанам̣, д̣̇ад̇ваа яагкасса раман̣ийяз таанз ааяад̇анам̣ гаарзд̇ваа, яат̇аа со аг̇г̇амаалам̣ аг̇г̇абубпам̣ аг̇г̇абхад̇д̇ан̃жа лабхад̇и, д̇ат̇аа агааси. со д̇хаммзна раж̇ж̇ам̣ гаарзд̇ваа яат̇аагаммам̣ г̇ад̇о.
Atha naṃ bodhisatto āha – ‘‘samma, tvaṃ pubbe attanā katena pāpakammena paresaṃ maṃsalohitakhādako yakkho hutvā nibbatto, idānipi pāpameva karosi, idaṃ te pāpakammaṃ nirayādīhi muccituṃ okāsaṃ na dassati , tasmā ito paṭṭhāya pāpaṃ pahāya kusalaṃ karohī’’ti. Asakkhi ca pana taṃ dametuṃ. So taṃ yakkhaṃ dametvā tena saṃvihitārakkho tattheva vasanto ekadivasaṃ nakkhattaṃ oloketvā pitu kālakatabhāvaṃ ñatvā yakkhaṃ ādāya bārāṇasiṃ gantvā rajjaṃ gahetvā candakumārassa oparajjaṃ, sūriyakumārassa senāpatiṭṭhānaṃ, datvā yakkhassa ramaṇīye ṭhāne āyatanaṃ kāretvā, yathā so aggamālaṃ aggapupphaṃ aggabhattañca labhati, tathā akāsi. So dhammena rajjaṃ kāretvā yathākammaṃ gato.
сад̇т̇аа имам̣ д̇хаммад̣̇зсанам̣ аахарид̇ваа д̣̇ассзд̇ваа сажжаани багаасзси, сажжабарияосаанз со бхигку сод̇аабад̇д̇ипалз бад̇идтахи. саммаасамб̣уд̣̇д̇хоби д̣̇вз вад̇т̇ууни гат̇зд̇ваа анусанд̇хим̣ гхадзд̇ваа ж̇аад̇агам̣ самод̇хаанзси – ‘‘д̇ад̣̇аа д̣̇агарагкасо б̣ахубхан̣д̣игабхигку ахоси, суурияагумааро аананд̣̇о, жанд̣̇агумааро саарибуд̇д̇о, ж̇здтагабхаад̇аа махисаасагумааро бана ахамзва ахоси’’нд̇и.
Satthā imaṃ dhammadesanaṃ āharitvā dassetvā saccāni pakāsesi, saccapariyosāne so bhikkhu sotāpattiphale patiṭṭhahi. Sammāsambuddhopi dve vatthūni kathetvā anusandhiṃ ghaṭetvā jātakaṃ samodhānesi – ‘‘tadā dakarakkhaso bahubhaṇḍikabhikkhu ahosi, sūriyakumāro ānando, candakumāro sāriputto, jeṭṭhakabhātā mahisāsakumāro pana ahameva ahosi’’nti.
д̣̇звад̇хаммаж̇аад̇агаван̣н̣анаа чадтаа.
Devadhammajātakavaṇṇanā chaṭṭhā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / ж̇аад̇агабаал̣и • Jātakapāḷi / 6. д̣̇звад̇хаммаж̇аад̇агам̣ • 6. Devadhammajātakaṃ
