| Library / Tipiṭaka / д̇ибидага • Tipiṭaka / сам̣яуд̇д̇анигааяа • Saṃyuttanikāya |
3. д̣̇звахид̇асуд̇д̇ам̣
3. Devahitasuttaṃ
199. саавад̇т̇инид̣̇аанам̣ . д̇зна ко бана самаязна бхаг̇аваа ваад̇зхааб̣аад̇хиго ход̇и; ааяасмаа жа убаваан̣о бхаг̇авад̇о убадтааго ход̇и. ат̇а ко бхаг̇аваа ааяасманд̇ам̣ убаваан̣ам̣ ааманд̇зси – ‘‘ин̇гха мз д̇вам̣, убаваан̣а, ун̣ход̣̇агам̣ ж̇аанаахий’’д̇и. ‘‘звам̣, бханд̇з’’д̇и ко ааяасмаа убаваан̣о бхаг̇авад̇о бадиссуд̇ваа ниваасзд̇ваа бад̇д̇ажийварамаад̣̇ааяа язна д̣̇звахид̇асса б̣раахман̣асса нивзсанам̣ д̇знубасан̇гами; убасан̇гамид̇ваа д̇ун̣хийбхууд̇о згаманд̇ам̣ адтааси. ад̣̇д̣̇асаа ко д̣̇звахид̇о б̣раахман̣о ааяасманд̇ам̣ убаваан̣ам̣ д̇ун̣хийбхууд̇ам̣ згаманд̇ам̣ тид̇ам̣. д̣̇исваана ааяасманд̇ам̣ убаваан̣ам̣ г̇аат̇ааяа аж̇жхабхааси –
199. Sāvatthinidānaṃ . Tena kho pana samayena bhagavā vātehābādhiko hoti; āyasmā ca upavāṇo bhagavato upaṭṭhāko hoti. Atha kho bhagavā āyasmantaṃ upavāṇaṃ āmantesi – ‘‘iṅgha me tvaṃ, upavāṇa, uṇhodakaṃ jānāhī’’ti. ‘‘Evaṃ, bhante’’ti kho āyasmā upavāṇo bhagavato paṭissutvā nivāsetvā pattacīvaramādāya yena devahitassa brāhmaṇassa nivesanaṃ tenupasaṅkami; upasaṅkamitvā tuṇhībhūto ekamantaṃ aṭṭhāsi. Addasā kho devahito brāhmaṇo āyasmantaṃ upavāṇaṃ tuṇhībhūtaṃ ekamantaṃ ṭhitaṃ. Disvāna āyasmantaṃ upavāṇaṃ gāthāya ajjhabhāsi –
‘‘д̇ун̣хийбхууд̇о бхавам̣ д̇идтам̣, мун̣д̣о сан̇гхаадибааруд̇о;
‘‘Tuṇhībhūto bhavaṃ tiṭṭhaṃ, muṇḍo saṅghāṭipāruto;
гим̣ бад̇т̇аяаано гим̣ зсам̣, гим̣ ну яаажид̇умааг̇ад̇о’’д̇и.
Kiṃ patthayāno kiṃ esaṃ, kiṃ nu yācitumāgato’’ti.
‘‘арахам̣ суг̇ад̇о логз, ваад̇зхааб̣аад̇хиго муни;
‘‘Arahaṃ sugato loke, vātehābādhiko muni;
сажз ун̣ход̣̇агам̣ ад̇т̇и, мунино д̣̇зхи б̣раахман̣а.
Sace uṇhodakaṃ atthi, munino dehi brāhmaṇa.
‘‘бууж̇ид̇о бууж̇анзяяаанам̣, саггарзяяаана саггад̇о;
‘‘Pūjito pūjaneyyānaṃ, sakkareyyāna sakkato;
абажид̇о абажзяяаанам̣ 1, д̇асса ижчаами хаад̇авз’’д̇и.
Apacito apaceyyānaṃ 2, tassa icchāmi hātave’’ti.
ат̇а ко д̣̇звахид̇о б̣раахман̣о ун̣ход̣̇агасса гааж̇ам̣ бурисзна г̇аахаабзд̇ваа паан̣ид̇асса жа будам̣ ааяасмад̇о убаваан̣асса баад̣̇ааси. ат̇а ко ааяасмаа убаваан̣о язна бхаг̇аваа д̇знубасан̇гами; убасан̇гамид̇ваа бхаг̇аванд̇ам̣ ун̣ход̣̇агзна нхаабзд̇ваа 3 ун̣ход̣̇агзна паан̣ид̇ам̣ аалолзд̇ваа бхаг̇авад̇о баад̣̇ааси. ат̇а ко бхаг̇авад̇о ааб̣аад̇хо бадиббассамбхи.
Atha kho devahito brāhmaṇo uṇhodakassa kājaṃ purisena gāhāpetvā phāṇitassa ca puṭaṃ āyasmato upavāṇassa pādāsi. Atha kho āyasmā upavāṇo yena bhagavā tenupasaṅkami; upasaṅkamitvā bhagavantaṃ uṇhodakena nhāpetvā 4 uṇhodakena phāṇitaṃ āloletvā bhagavato pādāsi. Atha kho bhagavato ābādho paṭippassambhi.
ат̇а ко д̣̇звахид̇о б̣раахман̣о язна бхаг̇аваа д̇знубасан̇гами; убасан̇гамид̇ваа бхаг̇авад̇аа сад̣̇д̇хим̣ саммод̣̇и. саммод̣̇анийяам̣ гат̇ам̣ сааран̣ийяам̣ вийд̇исаарзд̇ваа згаманд̇ам̣ нисийд̣̇и. згаманд̇ам̣ нисинно ко д̣̇звахид̇о б̣раахман̣о бхаг̇аванд̇ам̣ г̇аат̇ааяа аж̇жхабхааси –
Atha kho devahito brāhmaṇo yena bhagavā tenupasaṅkami; upasaṅkamitvā bhagavatā saddhiṃ sammodi. Sammodanīyaṃ kathaṃ sāraṇīyaṃ vītisāretvā ekamantaṃ nisīdi. Ekamantaṃ nisinno kho devahito brāhmaṇo bhagavantaṃ gāthāya ajjhabhāsi –
‘‘гад̇т̇а д̣̇аж̇ж̇аа д̣̇зяяад̇хаммам̣, гад̇т̇а д̣̇иннам̣ махабпалам̣;
‘‘Kattha dajjā deyyadhammaṃ, kattha dinnaṃ mahapphalaṃ;
гат̇ан̃хи яаж̇амаанасса, гат̇ам̣ иж̇жхад̇и д̣̇агкин̣аа’’д̇и.
Kathañhi yajamānassa, kathaṃ ijjhati dakkhiṇā’’ti.
‘‘буб̣б̣зниваасам̣ яо взд̣̇ий, саг̇г̇аабааяан̃жа бассад̇и;
‘‘Pubbenivāsaṃ yo vedī, saggāpāyañca passati;
ат̇о ж̇аад̇игкаяам̣ бад̇д̇о, абхин̃н̃аавосид̇о муни.
Atho jātikkhayaṃ patto, abhiññāvosito muni.
‘‘зд̇т̇а д̣̇аж̇ж̇аа д̣̇зяяад̇хаммам̣, зд̇т̇а д̣̇иннам̣ махабпалам̣;
‘‘Ettha dajjā deyyadhammaṃ, ettha dinnaṃ mahapphalaṃ;
зван̃хи яаж̇амаанасса, звам̣ иж̇жхад̇и д̣̇агкин̣аа’’д̇и.
Evañhi yajamānassa, evaṃ ijjhati dakkhiṇā’’ti.
звам̣ вуд̇д̇з, д̣̇звахид̇о б̣раахман̣о бхаг̇аванд̇ам̣ зд̇ад̣̇авожа – ‘‘абхигганд̇ам̣ бхо г̇од̇ама…бз… убаасагам̣ мам̣ бхавам̣ г̇од̇амо д̇хаарзд̇у аж̇ж̇ад̇аг̇г̇з баан̣убзд̇ам̣ саран̣ам̣ г̇ад̇а’’нд̇и.
Evaṃ vutte, devahito brāhmaṇo bhagavantaṃ etadavoca – ‘‘abhikkantaṃ bho gotama…pe… upāsakaṃ maṃ bhavaṃ gotamo dhāretu ajjatagge pāṇupetaṃ saraṇaṃ gata’’nti.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 3. д̣̇звахид̇асуд̇д̇аван̣н̣анаа • 3. Devahitasuttavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 3. д̣̇звахид̇асуд̇д̇аван̣н̣анаа • 3. Devahitasuttavaṇṇanā
