| Library / Tipiṭaka / तिपिटक • Tipiṭaka / अपदानपाळि • Apadānapāḷi |
८. धजदायकत्थेरअपदानं
8. Dhajadāyakattheraapadānaṃ
५७.
57.
‘‘पदुमुत्तरबुद्धस्स, बोधिया पादपुत्तमे।
‘‘Padumuttarabuddhassa, bodhiyā pādaputtame;
हट्ठो हट्ठेन चित्तेन, धजमारोपयिं अहं॥
Haṭṭho haṭṭhena cittena, dhajamāropayiṃ ahaṃ.
५८.
58.
‘‘पतितपत्तानि गण्हित्वा, बहिद्धा छड्डयिं अहं।
‘‘Patitapattāni gaṇhitvā, bahiddhā chaḍḍayiṃ ahaṃ;
अन्तोसुद्धं बहिसुद्धं, अधिमुत्तमनासवं॥
Antosuddhaṃ bahisuddhaṃ, adhimuttamanāsavaṃ.
५९.
59.
‘‘सम्मुखा विय सम्बुद्धं, अवन्दिं बोधिमुत्तमं।
‘‘Sammukhā viya sambuddhaṃ, avandiṃ bodhimuttamaṃ;
पदुमुत्तरो लोकविदू, आहुतीनं पटिग्गहो॥
Padumuttaro lokavidū, āhutīnaṃ paṭiggaho.
६०.
60.
‘‘भिक्खुसङ्घे ठितो सत्था, इमा गाथा अभासथ।
‘‘Bhikkhusaṅghe ṭhito satthā, imā gāthā abhāsatha;
‘‘‘इमिना धजदानेन, उपट्ठानेन चूभयं॥
‘‘‘Iminā dhajadānena, upaṭṭhānena cūbhayaṃ.
६१.
61.
‘‘‘कप्पानं सतसहस्सं, दुग्गतिं सो न गच्छति।
‘‘‘Kappānaṃ satasahassaṃ, duggatiṃ so na gacchati;
देवेसु देवसोभग्यं, अनुभोस्सतिनप्पकं॥
Devesu devasobhagyaṃ, anubhossatinappakaṃ.
६२.
62.
‘‘‘अनेकसतक्खत्तुञ्च , राजा रट्ठे भविस्सति।
‘‘‘Anekasatakkhattuñca , rājā raṭṭhe bhavissati;
उग्गतो नाम नामेन, चक्कवत्ती भविस्सति॥
Uggato nāma nāmena, cakkavattī bhavissati.
६३.
63.
‘‘‘सम्पत्तिं अनुभोत्वान, सुक्कमूलेन चोदितो।
‘‘‘Sampattiṃ anubhotvāna, sukkamūlena codito;
गोतमस्स भगवतो, सासनेभिरमिस्सति’॥
Gotamassa bhagavato, sāsanebhiramissati’.
६४.
64.
‘‘पधानपहितत्तोम्हि, उपसन्तो निरूपधि।
‘‘Padhānapahitattomhi, upasanto nirūpadhi;
धारेमि अन्तिमं देहं, सम्मासम्बुद्धसासने॥
Dhāremi antimaṃ dehaṃ, sammāsambuddhasāsane.
६५.
65.
६६.
66.
‘‘पटिसम्भिदा चतस्सो…पे॰… कतं बुद्धस्स सासनं’’॥
‘‘Paṭisambhidā catasso…pe… kataṃ buddhassa sāsanaṃ’’.
इत्थं सुदं आयस्मा धजदायको थेरो इमा गाथायो अभासित्थाति।
Itthaṃ sudaṃ āyasmā dhajadāyako thero imā gāthāyo abhāsitthāti.
धजदायकत्थेरस्सापदानं अट्ठमं।
Dhajadāyakattherassāpadānaṃ aṭṭhamaṃ.
Footnotes:
Related texts:
अट्ठकथा • Aṭṭhakathā / सुत्तपिटक (अट्ठकथा) • Suttapiṭaka (aṭṭhakathā) / खुद्दकनिकाय (अट्ठकथा) • Khuddakanikāya (aṭṭhakathā) / अपदान-अट्ठकथा • Apadāna-aṭṭhakathā / ८. धजदायकत्थेरअपदानवण्णना • 8. Dhajadāyakattheraapadānavaṇṇanā
