| Library / Tipiṭaka / திபிடக • Tipiṭaka / பஞ்சபகரண-அட்ட²கதா² • Pañcapakaraṇa-aṭṭhakathā |
4. த⁴ம்மாபி⁴ஸமயகதா²வண்ணனா
4. Dhammābhisamayakathāvaṇṇanā
897. இதா³னி த⁴ம்மாபி⁴ஸமயகதா² நாம ஹோதி. தத்த² அதீதப⁴வே ஸோதாபன்னங் மாதுகுச்சி²யங் வஸித்வா நிக்க²ந்தங் தி³ஸ்வா ‘‘அத்தி² க³ப்³ப⁴ஸெய்யாய த⁴ம்மாபி⁴ஸமயோ’’தி யேஸங் லத்³தி⁴, ஸெய்யதா²பி ஏகச்சானங் உத்தராபத²கானங், தே ஸந்தா⁴ய புச்சா² ஸகவாதி³ஸ்ஸ, படிஞ்ஞா இதரஸ்ஸ. அத² நங் ‘‘யதி³ தத்த² த⁴ம்மாபி⁴ஸமயோ அத்தி², த⁴ம்மாபி⁴ஸமயஸ்ஸ காரணேஹி த⁴ம்மதே³ஸனாதீ³ஹி ப⁴விதப்³ப³’’ந்தி சோதே³துங் அத்தி² க³ப்³ப⁴ஸெய்யாய த⁴ம்மதே³ஸனாதிஆதி³மாஹ. ஸுத்தஸ்ஸாதிஆதி³ ப⁴வங்க³வாரங் ஸந்தா⁴ய வுத்தங். க³ப்³ப⁴ஸெய்யாய ஹி யேபு⁴ய்யேன ப⁴வங்க³மேவ பவத்ததி. தேனேவ ஸத்தோ கிரியமயப்பவத்தாபா⁴வா ஸுத்தோ, பா⁴வனானுயோக³ஸ்ஸ அபா⁴வா பமத்தோ, கம்மட்டா²னபரிக்³கா³ஹகானங் ஸதிஸம்பஜஞ்ஞானங் அபா⁴வா முட்ட²ஸ்ஸதி அஸம்பஜானோ நாம ஹோதி, ததா²ரூபஸ்ஸ குதோ த⁴ம்மாபி⁴ஸமயோதி?
897. Idāni dhammābhisamayakathā nāma hoti. Tattha atītabhave sotāpannaṃ mātukucchiyaṃ vasitvā nikkhantaṃ disvā ‘‘atthi gabbhaseyyāya dhammābhisamayo’’ti yesaṃ laddhi, seyyathāpi ekaccānaṃ uttarāpathakānaṃ, te sandhāya pucchā sakavādissa, paṭiññā itarassa. Atha naṃ ‘‘yadi tattha dhammābhisamayo atthi, dhammābhisamayassa kāraṇehi dhammadesanādīhi bhavitabba’’nti codetuṃ atthi gabbhaseyyāya dhammadesanātiādimāha. Suttassātiādi bhavaṅgavāraṃ sandhāya vuttaṃ. Gabbhaseyyāya hi yebhuyyena bhavaṅgameva pavattati. Teneva satto kiriyamayappavattābhāvā sutto, bhāvanānuyogassa abhāvā pamatto, kammaṭṭhānapariggāhakānaṃ satisampajaññānaṃ abhāvā muṭṭhassati asampajāno nāma hoti, tathārūpassa kuto dhammābhisamayoti?
த⁴ம்மாபி⁴ஸமயகதா²வண்ணனா.
Dhammābhisamayakathāvaṇṇanā.
Related texts:
திபிடக (மூல) • Tipiṭaka (Mūla) / அபி⁴த⁴ம்மபிடக • Abhidhammapiṭaka / கதா²வத்து²பாளி • Kathāvatthupāḷi / (211) 4. த⁴ம்மாபி⁴ஸமயகதா² • (211) 4. Dhammābhisamayakathā
